கன்னங்களில் அடித்துக்கொள்பவர்கள், ஆடைகளைக் கிழித்துக்கொள்பவர்கள், ஜாஹிலிய்யாக் கால வார்த்தைப் பிரயோகங்களைக் கூறுபவர்கள் எங்களைச் சார்ந்தவர்கள் அல்ல.

ஹதீஸில் வந்தள்ள இந்த எச்சரிக்கை, இந்த செயல்கள் பெரும்பாவங்கள் என்பதை உணர்த்தி நிற்கின்றன.

சோதனைகளின் போது பொறுமையாக இருப்பது கட்டாயமாகும். துன்பம் தரும் அல்லாஹ்வின் ஏற்பாடுகளின் போது ஆத்திரப்படுவதோ, ஒப்பாரி, புலம்பல், முடியை சிறைத்தல், ஆடைகளைக் கிழித்துக்கொள்ளல் போன்றவற்றின் மூலம் ஆத்திரத்தை வெளிக்காட்டுவதோ தடுக்கப்பட்டதாகும்.

ஜாஹிலிய்யாக் கால வழமைகளில், மார்க்கம் சரிகாணாதவற்றைப் பின்பற்றுவது தடுக்கப்பட்டதாகும்.

கவலைப்படுவதும், அழுவதும் குற்றமாகமாட்டாது. அல்லாஹ்வின் ஏற்பாட்டைப் பொறுமையோடு ஏற்றுக்கொள்வதற்கு அது முரணாகமாட்டாது. மாறாக, அது, உறவினர்கள் மற்றும் அன்பர்களின் உள்ளங்களில் அல்லாஹ் வைத்துள்ள இரக்க குணமாகும்.