«Ad Wẽnd yaafa mam zãmã wã b sẽn saag b mengẽ, tɩ b sã n ka maane maa a gome».
Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame:
«Ad Wẽnd yaafa mam zãmã wã b sẽn saag b mengẽ, tɩ b sã n ka maane maa a gome».
«إِنَّ اللَّهَ تَجَاوَزَ عَنْ أُمَّتِي مَا حَدَّثَتْ بِهِ أَنْفُسَهَا، مَا لَمْ تَعْمَلْ أَوْ تَتَكَلَّمْ».
Nabiyaamã kõta kibare (Wẽnd pʋʋsg la A tɩlgr be a yĩnga) tɩ ad lɩslaama, b ka yõkd-a a sẽn gom a mengẽ, sẽn yaa wẽnga taoor t'a na n ka maane, maa t'a na n ka gome, zĩ-kãngã Wẽnd zẽka nango la A yaafe, la A ka yõkda a Mʋhammad zãmã wã (Wẽnd pʋʋsg la A tɩlgr be a yĩnga) ne bũmb ning a sẽn paamda a yamã pʋgẽ tɩ maand a mengã yuus-yuusi, la a ka yõgne a mengẽ ye, la a sã n yõgne a mengẽ wã wala waoog-m-mengã, la pugbu la munaafɩglem, maa maaneg ne a yĩn-wila, maa ne a zelemdã, ad b yõkd-a lame ne a sẽn maanã.
Wẽnde (A nɑɑm yɩ wɑgell n zẽke) A basame tɩ looge la A yaaf ned sẽn tags a mengã sẽn yaa yεl sẽn pɩʋʋg a mengẽ wã, tɩ ninsaal gomd ne a mengã, tɩ pɩʋʋgd a yamẽ wã.
Fur kaoobo tɩ ninsaal sã n tags a pʋgẽ, la pɩʋʋg a yãmẽ wã, la a ka gom-a ye, la a ka gʋls-a ye, b ka mamsd t'a yaa fur kaoob ye.
B ka yõkd ninsaala a sẽn tags a mengẽ ye, baa tɩ yaa bedre, t'a sã n ka yõgn a mengẽ wã, la a ka maan-a, la a ka gome.
Yaa a Mʋhammad zãmã wã Alkadr sẽn zɩsã (Wẽnd pʋʋsg la A tɩlgr be a yĩnga) b sẽn welg-a, n ka na n yõk-a a sẽn tags a mengẽ wã ye, la rẽ yõsga ne zãmã nins sẽn reng taoorã.
Ṣahɩɩh Al-Bʋẖaary (7/ 46) (5269).
Ṣahɩɩh Muslim (1/ 116) (127).
Pɑɑgã (10)
منحة العلام في شرح بلوغ المرام.
لعبد الله الفوزان (7/ 560).
فتح ذي الجلال والاكرام بشرح بلوغ المرام.
لابن عثيمين (5/ 46).
توضِيحُ الأحكَامِ مِن بُلوُغ المَرَام.
للبسام (5/ 502).
حاشية السندي على سنن ابن ماجه.
للسندي (6/ 157).
البدرُ التمام شرح بلوغ المرام.
للمغربي (8/ 49).