മസ്ജിദുൽ ഹറാമിലേക്ക് പ്രവേശിക്കുമ്പോൾ വലതു കാൽ ആദ്യം വെച്ച് ഇപ്രകാരം പറയണം: (സാരം:) "അല്ലാഹുവിന്റെ നാമത്തിൽ, അല്ലാഹുവിന്റെ റസൂലിന്റെ മേൽ സ്വലാത്തും സലാമും ഉണ്ടാകട്ടെ. അങ്ങേയറ്റം മഹത്വമുള്ളവനായ അല്ലാഹുവിനോട് ഞാൻ കാവൽ തേടുന്നു! അവൻ്റെ ശ്രേഷ്ഠമായ മുഖവും, ആദ്യമേയുള്ള അവൻ്റെ ആധിപത്യവും മുൻനിർത്തിക്കൊണ്ട് എറിഞ്ഞാട്ടപ്പെട്ട പിശാചിൽ നിന്ന്! അല്ലാഹുവേ! നിന്റെ കാരുണ്യത്തിന്റെ കവാടങ്ങൾ എനിക്കുവേണ്ടി നീ തുറന്നു തരേണമേ!"
ശേഷം അവിടെ നിന്നിറങ്ങി മർവയിലേക്ക് നടക്കുക. (പച്ചനിറത്തിലുള്ള) ആദ്യത്തെ അടയാളത്തിന്റെ അരികിലെത്തിയാൽ പുരുഷന്മാർ വേഗത്തിൽ ഓടുക. രണ്ടാമത്തെ അടയാളം എത്തുന്നതുവരെ ഓടണം.
ഉംറയുടെ രൂപം
ഗ്രന്ഥകാരൻ
അബ്ദുൽ അസീസ് ബ്നു അബ്ദില്ലാഹ് ബ്നു ബാസ്
അല്ലാഹുവിനാകുന്നു എല്ലാ സ്തുതിയും.
ഉംറയുടെ കർമ്മങ്ങളുടെ ഒരു സംക്ഷിപ്ത വിവരണമാണ് നിങ്ങളുടെ കൈകളിലുള്ളത്.
ഉംറ നിർവ്വഹിക്കാൻ ഉദ്ദേശിക്കുന്നവർ മീഖാത്തിൽ എത്തിയാൽ കുളിക്കുകയും ശുദ്ധിയാകുകയും ചെയ്യുന്നത് സുന്നത്താണ്. ഇക്കാര്യം ആർത്തവകാരിക്കും പ്രസവരക്തം ഉള്ളവൾക്കും സുന്നത്ത് തന്നെയാണ്. എന്നാൽ ആർത്തവം, പ്രസവരക്തം എന്നിവയിൽ നിന്ന് ശുദ്ധി ആവുകയും കുളിക്കുകയും ചെയ്തിട്ടല്ലാതെ അവർ കഅ്ബ ത്വവാഫ് ചെയ്യാൻ പാടില്ല.
പുരുഷന്മാർ ഇഹ്റാമിൽ പ്രവേശിക്കുന്നതിനു മുൻപ് ശരീരത്തിൽ സുഗന്ധം പുരട്ടുക പുണ്യകരമാണ്. എന്നാൽ ഇഹ്റാമിന്റെ വസ്ത്രത്തിൽ അത് പുരട്ടാൻ പാടില്ല. മീഖാതിൽ വെച്ച് കുളിക്കാൻ സാധിച്ചില്ല എങ്കിൽ കുഴപ്പമില്ല. മക്കയിൽ എത്തിയാൽ സാധിക്കുമെങ്കിൽ ത്വവാഫിന് മുൻപായി കുളിക്കുക. അത് പുണ്യകരമാണ്.
അവയവങ്ങൾക്ക് അനുസരിച്ച് തുന്നിയ എല്ലാ വസ്ത്രങ്ങളും പുരുഷന്മാർ ഊരി മാറ്റുകയും പകരം ഒരു ഉടുമുണ്ടും മേൽ മുണ്ടും മാത്രം ഉടുക്കുകയും ചെയ്യുക. ആ രണ്ടു തുണികളും വെള്ള നിറത്തിലുള്ളതും വൃത്തിയുള്ളതുമാവുക പുണ്യകരമാണ്.
സ്ത്രീകൾ ഇഹ്റാമിൽ പ്രവേശിക്കേണ്ടത് അവരുടെ സാധാരണ വസ്ത്രത്തിൽ തന്നെയാണ്. (പക്ഷേ നിഖാബ്, കൈയുറകൾ എന്നിവ ഒഴിവാക്കണം. അന്യ പുരുഷന്മാർ മുഖവും കൈപ്പത്തികളും കാണാതിരിക്കാൻ നിഖാബോ ഗ്ലൗസുകളോ അല്ലാത്ത മറ്റെന്തെങ്കിലും തരത്തിലുള്ള തുണികൾ ഉപയോഗിച്ച് മറക്കണം.) സ്ത്രീകളുടെ വസ്ത്രത്തിൽ അലങ്കാരങ്ങളോ ആളുകൾ തുറിച്ചു നോക്കാൻ കാരണമാകുന്ന എന്തെങ്കിലുമോ ഇല്ലാതിരിക്കാൻ ശ്രദ്ധിക്കണം.
ശേഷം ഉംറ നിർവ്വഹിക്കാൻ മനസ്സിൽ നിയ്യത്ത് വെക്കുകയും, 'ലബ്ബൈക്ക ഉംറത്തൻ' എന്നോ അല്ലെങ്കിൽ 'അല്ലാഹുമ്മ ലബ്ബൈക്ക ഉംറത്തൻ' എന്നോ പറയുകയും ചെയ്യുക.ഇഹ്റാം ചെയ്യുന്നയാൾ രോഗമോ ശത്രുക്കളെ കുറിച്ചുള്ള ഭയമോ കാരണത്താൽ തൻ്റെ ഉംറ പൂർത്തിയാക്കാൻ സാധിക്കുകയില്ല എന്ന് ഭയപ്പെടുകയാണെങ്കിൽ ശർത്വ് വെച്ചുകൊണ്ട് (നിബന്ധന വെച്ചുകൊണ്ട്) ഇഹ്റാമിൽ പ്രവേശിക്കാവുന്നതാണ്.(അർഥം:) "എനിക്ക് വല്ല തടസ്സവും ഉണ്ടാവുകയാണെങ്കിൽ ആ തടസ്സം ഉണ്ടായ ഇടമാണ് ഞാൻ ഇഹ്റാമിൽ നിന്ന് ഒഴിവാക്കുന്ന ഇടം"ദുബാഅ ബിൻത് അൽസുബൈർ -رضي الله عنها- ഉദ്ധരിച്ച ഹദീഥ് ഇതിന് തെളിവാണ്:
അതിനുശേഷം നബി -ﷺ- യുടെ തൽബിയ്യത്ത് ചൊല്ലുക: (അർത്ഥം:) "അല്ലാഹുവേ! നിൻ്റെ വിളിക്കുത്തരം നൽകി ഞാനിതാ വന്നിരിക്കുന്നു. നിൻ്റെ വിളിക്കുത്തരം നൽകി ഞാനിതാ വന്നിരിക്കുന്നു. നിൻ്റെ വിളിക്കുത്തരം നൽകി ഞാനിതാ വന്നിരിക്കുന്നു. നീയല്ലാതെ ആരാധനക്കർഹനായി മറ്റാരുമില്ല. നിൻ്റെ വിളിക്കുത്തരം നൽകി ഞാനിതാ വന്നിരിക്കുന്നു. എല്ലാ സ്തുതികളും നിനക്കുള്ളതാണ്. എല്ലാ അനുഗ്രഹങ്ങളും നിന്റേതാണ്. സകല ആധിപത്യവും നിന്റേതാണ്. നീയല്ലാതെ ആരാധനക്കർഹനില്ല."
ഈ തൽബിയത്തും ദിക്റുകളും പ്രാർത്ഥനകളും എല്ലാം വർധിപ്പിച്ചു കൊണ്ടേയിരിക്കുക. കഅ്ബയിൽ എത്തുന്നതുവരേക്കും ഇത് തുടരുക
കഅ്ബയിൽ എത്തിയാൽ തൽബിയത്ത് അവസാനിപ്പിക്കുക. എന്നിട്ട് ഹജറുൽ അസ്വദിനരികിലേക്ക് നീങ്ങുക. അതിന് നേരെ തിരിയുകയും വലതു കൈകൊണ്ട് അത് തൊട്ടു തടവുകയും ചുംബിക്കുകയും ചെയ്യുക. സാധിക്കുമെങ്കിൽ മാത്രം ഇങ്ങനെ ചെയ്താൽ മതി. തിരക്കുകൂട്ടി ആളുകളെ ബുദ്ധിമുട്ടിക്കേണ്ടതില്ല. ഹജറുൽ അസ്വദ് തൊടുമ്പോൾ ഇങ്ങനെ പറയുക: ബിസ്മില്ലാഹ്, അല്ലാഹു അക്ബർ! ഹജറുൽ അസ്വദ് ചുംബിക്കുക പ്രയാസമാണെങ്കിൽ കൈ കൊണ്ടോ വടി കൊണ്ടോ തൊടുകയും ശേഷം കയ്യോ അല്ലെങ്കിൽ ഹജർ തൊട്ട വടിയുടെ ഭാഗമോ ചുംബിച്ചാൽ മതി. ഹജർ തൊടുക പ്രയാസകരമാണെങ്കിൽ അതിലേക്ക് കൈ കൊണ്ട് ചൂണ്ടുകയും എന്നിട്ട് അല്ലാഹു അക്ബർ എന്ന് പറയുകയും ചെയ്താൽ മതി. ഹജറിലേക്ക് ചൂണ്ടിയ കൈ ചുംബിക്കേണ്ടതില്ല.
ത്വവാഫ് ശരിയാകണമെങ്കിൽ വലിയ ശുദ്ധിയിൽ നിന്നും ചെറിയ അശുദ്ധിയിൽ നിന്നും ശുദ്ധിയായിരിക്കണം. കാരണം ത്വവാഫ് നിസ്കാരം പോലെയാണ്. ത്വവാഫിൽ സംസാരിക്കാൻ അനുവാദം ഉണ്ട് എന്നതാണ് അതും നിസ്കാരവും തമ്മിലുള്ള വ്യത്യാസം.
കഅ്ബ തൻ്റെ ഇടതു ഭാഗത്താക്കി ഏഴു തവണ ചുറ്റിക്കൊണ്ട് ത്വവാഫ് ചെയ്യണം. റുക്നുൽ യമാനിക്ക് നേരെ എത്തിയാൽ സാധിക്കുമെങ്കിൽ വലതു കൈകൊണ്ട് അത് സ്പർശിക്കണം. ബിസ്മില്ലാഹ്, അല്ലാഹു അക്ബർ എന്ന് പറയുകയും വേണം. ചുംബിക്കേണ്ടതില്ല. അത് സ്പർശിക്കാൻ ബുദ്ധിമുട്ടുണ്ടെങ്കിൽ ഒന്നും ചെയ്യേണ്ടതില്ല. ത്വവാഫ് തുടരുക. അതിലേക്ക് ആംഗ്യം കാണിക്കുകയോ തക്ബീർ ചൊല്ലുകയോ ചെയ്യേണ്ടതില്ല. കാരണം നബി ﷺ അങ്ങനെ ചെയ്തതായി ഉദ്ധരിക്കപ്പെട്ടിട്ടില്ല.
ഹജറുൽ അസ്വദിനരികിൽ എത്തിയാൽ, മുമ്പ് പറഞ്ഞതുപോലെ അതിനെ തൊടുകയും ചുംബിക്കുകയും ചെയ്യുക, അല്ലെങ്കിൽ അതിനു നേരെ കൈകൾ ഉയർത്തുകയും തക്ബീർ ചൊല്ലുകയും ചെയ്യുക. ത്വവാഫുൽ ഖുദൂമിന്റെ (ഹാജിമാർ മക്കയിൽ എത്തിയാൽ ഹജ്ജിന്റെ ഭാഗമായി ചെയ്യുന്ന ആദ്യത്തെ ത്വവാഫ്) ആദ്യത്തെ മൂന്ന് ചുറ്റലുകളിൽ പുരുഷന്മാർക്ക് മാത്രം സുന്നത്തായ കാര്യമാണ് റമൽ. അടുത്തടുത്ത് ചുവടുകൾ വച്ച് വേഗത്തിൽ നടക്കുന്നതിനാണ് റമൽ എന്ന് പറയുക
കൂടാതെ, ത്വവാഫുൽ ഖുദൂമിൽ എല്ലാ ചുറ്റലുകളിലും اضْطِباعُ ചെയ്യുന്നത് പുരുഷന്മാർക്ക് സുന്നത്താണ്. اضْطِباعُ എന്നാൽ അരക്കു മുകളിൽ ധരിക്കുന്ന തുണിയുടെ നടുഭാഗം വലത് ചുമലിന് താഴെ വെച്ച് അതിൻ്റെ രണ്ട് അറ്റങ്ങൾ ഇടതു ചുമലിനു മുകളിൽ ഇടലാണ്.
ത്വമാഫിന്റെ എല്ലാ ചുറ്റലുകളിലും സാധിക്കുന്നത്ര ദിക്റും ദുആയും അധികരിപ്പിക്കുന്നത് പുണ്യകരമാണ്.
ത്വവാഫിൽ പ്രത്യേകമായ എന്തെങ്കിലും പ്രാർത്ഥനയോ ദിക്റോ ഇല്ല; ചൊല്ലാൻ സാധിക്കുന്ന ദിക്റുകൾ ചൊല്ലുകയും പ്രാർത്ഥിക്കുകയും ചെയ്യുക. എന്നാൽ, രണ്ട് റുക്നുകൾക്കിടയിൽ എത്തിയാൽ ഈ ദുആ ചൊല്ലുക:(അർഥം:) "ഞങ്ങളുടെ രക്ഷിതാവേ, ഞങ്ങള്ക്ക് ഇഹലോകത്ത് നീ നല്ലത് തരേണമേ; പരലോകത്തും നീ നല്ലത് തരേണമേ. നരകശിക്ഷയില് നിന്ന് ഞങ്ങളെ നീ കാത്തുരക്ഷിക്കുകയും ചെയ്യേണമേ."എല്ലാ ചുറ്റലിലും ഇത് ചൊല്ലേണ്ടതുണ്ട്. അത് നബി -ﷺ- യിൽ നിന്ന് സ്ഥിരപ്പെട്ടു വന്ന സുന്നത്താണ്.
ഏഴാം ചുറ്റൽ പൂർത്തിയാക്കിയാൽ മുമ്പ് വിശദീകരിച്ച പ്രകാരം ഹജറുൽ അസ്വദ് തൊടുകയും ചുംബിക്കുകയും ചെയ്യുക. അല്ലെങ്കിൽ അതിലേക്ക് കൈകൊണ്ട് ആംഗ്യം കാണിക്കുക. തക്ബീർ ചൊല്ലിക്കൊണ്ടാണ് ഇത് ചെയ്യേണ്ടത്. ഈ ത്വവാഫ് പൂർത്തിയാക്കിയ ശേഷം, തട്ടം സാധാരണ പോലെ ഇരുചുമലുകളിലായി ധരിക്കുകയും അതിന്റെ അറ്റങ്ങൾ നെഞ്ചിലൂടെ താഴേക്കിടുകയും ചെയ്യുക.
ശേഷം സാധ്യമാകും എങ്കിൽ മഖാമു ഇബ്രാഹീമിന് പിന്നിൽ നിന്നുകൊണ്ട് രണ്ട് റക്അത്ത് നിസ്കരിക്കുക. അല്ലെങ്കിൽ മസ്ജിദിന്റെ ഏതു ഭാഗത്ത് വെച്ചായാലും നിസ്കരിക്കാം. ഫാതിഹക്ക് ശേഷം ആദ്യ റക്അത്തിൽ 'സൂറത്തുൽ കാഫിറൂൻ' പാരായണം ചെയ്യുക, രണ്ടാമത്തെ റക്അത്തിൽ 'സൂറത്തുൽ ഇഖ്ലാസ്വ്' പാരായണം ചെയ്യുക; ഇതാണ് ഏറ്റവും ഉത്തമം. ഇതിന് പകരം മറ്റേതെങ്കിലും സൂറത്തുകൾ പാരായണം ചെയ്താലും കുഴപ്പമില്ല. നിസ്കാരം പൂർത്തിയാക്കിയ ശേഷം, സാധ്യമെങ്കിൽ വീണ്ടും ഹജറുൽ അസ്വദിന് നേരെ ചെല്ലുകയും ത്വവാഫിനിടയിൽ ചെയ്തതുപോലെ പ്രവർത്തിക്കുകയും ചെയ്യുക.
ഖിബ്ലക്ക് നേരെ തിരിയുകയും അല്ലാഹുവിനെ സ്തുതിക്കുകയും അവനെ മഹത്വപ്പെടുത്തുകയും ചെയ്യുക സുന്നത്താണ്. ശേഷം ഇങ്ങനെ പറയുക:
(അർഥം:) "അല്ലാഹുവല്ലാതെ ആരാധനക്കർഹനായി മറ്റാരുമില്ല. അല്ലാഹു ഏറ്റവും വലിയവനാകുന്നു. അല്ലാഹുവല്ലാതെ ആരാധനക്കർഹനായി മറ്റാരുമില്ല. അവൻ ഏകനാകുന്നു. അവന് യാതൊരു പങ്കുകാരും ഇല്ല. അവന്റേതാണ് എല്ലാ അധികാരവും. അവനുള്ളതാണ് സർവ്വസ്തുതിയും. അവൻ ഏതു കാര്യത്തിനും കഴിവുള്ളവനാകുന്നു. അല്ലാഹുവല്ലാതെ ആരാധനക്കർഹനായി മറ്റാരുമില്ല. അവൻ ഏകനാകുന്നു. അവൻ തന്റെ വാഗ്ദാനം നിറവേറ്റുകയും തൻ്റെ അടിമയെ (റസൂലിനെ) സഹായിക്കുകയും (ഇസ്ലാമിനെതിരെ പുറപ്പെട്ടു വന്ന) സഖ്യകക്ഷികളെ ഒറ്റയ്ക്ക് പരാജയപ്പെടുത്തുകയും ചെയ്തിരിക്കുന്നു."
ശേഷം കൈകൾ ഉയർത്തി ദുആ ചെയ്യുക. ഈ ദിക്റും ശേഷമുള്ള പ്രാർത്ഥനയും മൂന്നു തവണ ആവർത്തിക്കുക.
എന്നാൽ സ്ത്രീകൾ ഓടുക പാടില്ല. കാരണം അവൾ ആണ്. രണ്ടാമത്തെ അടയാളം അതു കഴിഞ്ഞാൽ മർവ വരെ സാധാരണ പോലെ നടക്കുക. മർവയുടെ മുകളിലേക്ക് കയറാൻ സാധിക്കുമെങ്കിൽ കയറുകയാണ് ഉത്തമം. മുകളിൽ കയറാതെ അതിനരികിൽ നിൽക്കുകയാണെങ്കിലും മതിയാകും. ശേഷം സഫായിൽ എന്തൊക്കെ ചെയ്യുകയും പറയുകയും ചെയ്തുവോ അതുപോലെതന്നെ മർവയിലും ചെയ്യുക. അതുകഴിഞ്ഞാൽ അവിടെ നിന്ന് ഇറങ്ങി സഫായിലേക്ക് നടക്കുക. ഓടാനുള്ള സ്ഥലം എത്തിയാൽ ഓടുക. ഇപ്രകാരം ഏഴുതവണ ചെയ്യുക. പോകുന്നതും മടങ്ങുന്നതും ഈ 7 എണ്ണത്തിൽ ഓരോന്നായി പരിഗണിക്കപ്പെടും. വാഹനത്തിൽ സഅ്യ് ചെയ്യുന്നത് കൊണ്ട് കുഴപ്പമില്ല. ആവശ്യമുണ്ടെങ്കിൽ അങ്ങനെ ചെയ്യാം.
സഫാ മർവയ്ക്കിടയിലൂടെ നടക്കുന്നതിനിടയിൽ ധാരാളമായി ദിക്റുകളും ദുആകളും വർധിപ്പിക്കുക പുണ്യകരമാണ്. വലിയ ശുദ്ധിയിൽ നിന്നും ചെറിയ അശുദ്ധിയിൽ നിന്നും ശുദ്ധിയായ അവസ്ഥയിൽ സഅ്യ് ചെയ്യലാണ് ശ്രേഷ്ഠം. അങ്ങനെയല്ലാതെ ചെയ്താലും കുഴപ്പമില്ല.
സഅ്യ് പൂർത്തിയാക്കിയാൽ പുരുഷന്മാർ മൊട്ടയടിക്കുകയോ മുടി വെട്ടി ചെറുതാക്കുകയോ ചെയ്യുക. തലമുടി പൂർണമായും വടിച്ചു കളയലാണ് ശ്രേഷ്ഠം. ഹജ്ജിനോട് അടുത്ത സമയത്താണ് ഉംറ ചെയ്തത് എങ്കിൽ തലമുടി വടിച്ചു കളയാതെ മുറിക്കലാണ് നല്ലത്. ഹജ്ജിൽ മുടി വടിച്ചു കളയാൻ വേണ്ടിയാണത്. എന്നാൽ സ്ത്രീകൾ മൊട്ടയടിക്കാൻ പാടില്ല. അവർ തലമുടി മുഴുവനായി കയ്യിൽ പിടിച്ച് അതിൽനിന്ന് ഒരു വിരലിന്റെ അഗ്രഭാഗത്തിന്റെ അത്രയോ അതിലും അല്പമോ മുറിച്ചു കളയുകയാണ് വേണ്ടത്. ഇത്രയും പ്രവർത്തിച്ചാൽ ഉംറ പൂർത്തിയായി. അൽഹംദുലില്ലാഹ്. ഇഹ്റാമിൽ ആയിരിക്കെ പാടില്ലാതിരുന്ന കാര്യങ്ങളെല്ലാം ഇതോടെ അനുവദനീയമാകും.
അല്ലാഹു നമുക്കും എല്ലാ മുസ്ലിം സഹോദരങ്ങൾക്കും അവന്റെ ദീനിൽ അവഗാഹം നേടുവാനും, അവൻ്റെ ദീനിൽ ഉറച്ചുനിൽക്കുവാനും തൗഫീഖ് ചെയ്യട്ടെ. എല്ലാവരുടെയും സൽപ്രവർത്തനങ്ങൾ അവൻ സ്വീകരിക്കുമാറാകട്ടെ. തീർച്ചയായും അവൻ അതീവ ഉദാരവാനും അങ്ങേയറ്റം നന്മകൾ ചൊരിയുന്നവനുമാകുന്നു.
അല്ലാഹുവിൻ്റെ അടിമയും റസൂലും ആയ മുഹമ്മദ് നബിയിലും അവിടുത്തെ മുഴുവൻ കുടുംബങ്ങളിലും അനുചരൻമാരിലും നല്ല രൂപത്തിൽ പിൻപറ്റിയവരിലും അവസാന നാൾ വരെ അല്ലാഹുവിൻ്റെ രക്ഷയും സമാധാനവും വർഷിക്കുമാറാകട്ടെ.
ഉംറയുടെ കർമ്മങ്ങളുടെ സംക്ഷിപ്ത വിവരണം / ശൈഖ് ഇബ്നു ബാസ്
13/2/1416هـ ന് ശൈഖിന്റെ ഓഫീസിൽ നിന്ന് പ്രസിദ്ധീകരിക്കപ്പെട്ടത്. (മജ്മൂഉ ഫതാവാ വ മഖാലാത്ത് ശൈഖ് ഇബ്നി ബാസ് 17/ 425).
ഹജ്ജ്, ഉംറ, സിയാറത്ത്; സംബന്ധമായ അനേകം വിഷയങ്ങളെ ഖുർആനിൻ്റെയും സുന്നത്തിൻ്റെയും വെളിച്ചത്തിൽ വിശകലനം ചെയ്യുന്നു.
54 ഭാഷകൾ
ഹജ്ജ്, ഉംറ, സിയാറത്ത്; സംബന്ധമായ അനേകം വിഷയങ്ങളെ ഖുർആനിൻ്റെയും സുന്നത്തിൻ്റെയും വെളിച്ചത്തിൽ വിശകലനം ചെയ്യുന്നു.
ഖുർആനിൻ്റെയും സുന്നത്തിൻ്റെയും അടിസ്ഥാനത്തിൽ ഹജ്ജ്, ഉംറ, സിയാറത്ത് എന്നീ വിഷയങ്ങളിലെ വിധിവിലക്കുകൾ വിവരിക്കുന്ന ഒരു ഗ്രന്ഥമാണിത്; ഹജ്ജിലെയും ഉംറയിലെയും നിർബന്ധകാര്യങ്ങൾ, ഇഹ്റാമിലായിരിക്കെയുള്ള വിലക്കുകൾ, മസ്ജിദുന്നബവി സിയാറത്തിന്റെ മര്യാദകൾ എന്നിവ വിവരിക്കുകയും, ഈ കർമങ്ങളിലെ ബിദ്അത്തുകളുടെ ഗൗരവം അറിയിക്കുകയും ചെയ്യുന്നു.
كتيب يحتوي على دليل مفصل حول مناسك الحج والعمرة، يشرح بدقة الخطوات والآداب الواجب اتباعها خلال تأدية هذه الشعائر. يبدأ بالتأكيد على أهمية الحج في الإسلام كونه أحد أركان الإسلام الخمسة. ويشدد على ضرورة الإخلاص في النية واتباع سنة النبي محمد صلى الله عليه وسلم في جميع الأفعال والأقوال أثناء تأدية هذه الشعيرة المباركة.
വുദൂഇൻ്റെ രൂപം (ലളിതമായ വീഡിയോ) വുദൂഅ് എടുക്കേണ്ട രൂപം ഓരോ ഘട്ടമായി ഇതിൽ പ്രായോഗികമായി വിവരിക്കുന്നു. നിസ്കാരം ശരിയാകാനുള്ള നിബന്ധനയാണ് വുദൂഅ് എന്നതിനാൽ ഇത് വളരെ പ്രധാനമാണ്. ഈ വീഡിയോ കണ്ട് വുദുവിൻ്റെ ശരിയായ രൂപം പഠിക്കുക. വുദ്വൂഇൻ്റെ രൂപം