((به‌رده‌وام پێداچوونا ڤێ قورئانێ بكه‌ن، چونكی ئه‌ز ب وی كه‌مه یێ نه‌فسا موحه‌ممه‌دی د ده‌ستیدا؛ ئه‌و زویتر ژ بیرا مرۆڤی دچیت ژ وێ حێشترا ژ وی وه‌ریسێ پێیێ وێ پێ هاتییه گرێدان ڤه‌دڕه‌سیت))
ئه‌بو مووسایێ ئه‌شعه‌ری (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((به‌رده‌وام پێداچوونا ڤێ قورئانێ بكه‌ن، چونكی ئه‌ز ب وی كه‌مه یێ نه‌فسا موحه‌ممه‌دی د ده‌ستیدا؛ ئه‌و زویتر ژ بیرا مرۆڤی دچیت ژ وێ حێشترا ژ وی وه‌ریسێ پێیێ وێ پێ هاتییه گرێدان ڤه‌دڕه‌سیت)).
«تَعَاهَدُوا هَذَا الْقُرْآنَ، فَوَالَّذِي نَفْسُ مُحَمَّدٍ بِيَدِهِ لَهُوَ أَشَدُّ تَفَلُّتًا مِنَ الْإِبِلِ فِي عُقُلِهَا».
پێغه‌مبه‌ری (صه‌لات و سه‌لامێن خودێ ل سه‌ر بن) فه‌رمان ب پێداچوون و به‌رده‌وامیدانا ل سه‌ر خواندنا قورئانێ كرییه، دا كو مرۆڤ وێ ژبیر نه‌كه‌ت پشتی كو ئه‌و كرییه د سینگێ خۆدا و ژبه‌ركری، و پێغه‌مبه‌ری (صه‌لات و سه‌لامێن خودێ ل سه‌ر بن) پشتڕاستی ل سه‌ر ڤێ چه‌ندێ كر ده‌مێ سویند خواری كو قورئان زویتر ژ ناڤ سینگێ مرۆڤی ده‌ردكه‌ڤیت و ژبیرا مرۆڤی دچیت ژ وێ حێشترا ڤه‌دڕه‌سییێت یا كو نیڤه‌كا پێیێ وێ ب وه‌ریسه‌كی هاتییه گرێدان، ڤێجا ئه‌گه‌ر مرۆڤ به‌رده‌وام د گه‌ل بیت دێ گریت و ئه‌گه‌ر به‌رده‌ت؛ دێ چیت و به‌رزه بیت.
ئه‌گه‌ر ئه‌و كه‌سێ قورئان ژبه‌ركری به‌رده‌وامی ل سه‌ر خواندن و پێداچوونا خۆ دا؛ ئه‌ڤ تشتێ وی ژبه‌ركری دێ د دلێ ویدا هێته پاراستن و دێ ژبه‌ر كه‌ت، ئه‌گه‌ر نه؛ دێ ژبیركه‌ت و نامینیت.
ژ مفایێن پێداچوونا قورئانێ: خێر و خه‌لات و بلندبوونا پله‌یانه ل ڕۆژا قیامه‌تێ.
زێده‌تر (8)
صه‌حیحا موسلمی (1/ 545) (791).
بهجة الناظرين شرح رياض الصالحين.
تأليف سليم الهلالي (2/ 231).
رياض الصالحين من كلام سيد المرسلين (ص299) (1002).
شرح رياض الصالحين.
للشيخ محمد بن صالح العثيمين (4/ 657).
كنوز رياض الصالحين.
لمجموعة من الباحثين (13/ 5).