زه‌لامه‌كی ل ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ب ده‌ستێ چه‌پێ خوارن دخوار، ئینا گۆتێ: ((ب ده‌ستێ خۆ یێ ڕاستێ بخۆ))، گۆت: ئه‌ز نه‌شێم، گۆت: ((خودێ نه‌كه‌ت تو بشێی
سه‌له‌مه‌یێ كوڕێ ئه‌كوه‌عی (خودێ ژێ ڕازی بیت) دبێژیت:
زه‌لامه‌كی ل ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ب ده‌ستێ چه‌پێ خوارن دخوار، ئینا گۆتێ: ((ب ده‌ستێ خۆ یێ ڕاستێ بخۆ))، گۆت: ئه‌ز نه‌شێم، گۆت: ((خودێ نه‌كه‌ت تو بشێی))، چ تشتان ڕێگری لێ نه‌كر ژ بلی خۆمه‌زنكرنا وی، ڤێجا پشتی هنگی نه‌شیا ده‌ستێ خۆ بۆ ده‌ڤێ خۆ بلند بكه‌ت.
أَنَّ رَجُلًا أَكَلَ عِنْدَ رَسُولِ اللهِ صَلَّى اللهُ عَلَيْهِ وَسَلَّمَ بِشِمَالِهِ، فَقَالَ: «كُلْ بِيَمِينِكَ»، قَالَ: لَا أَسْتَطِيعُ، قَالَ: «لَا اسْتَطَعْتَ»، مَا مَنَعَهُ إِلَّا الْكِبْرُ، قَالَ: فَمَا رَفَعَهَا إِلَى فِيهِ.
پێغه‌مبه‌ری (صه‌لات و سه‌لامێن خودێ ل سه‌ر بن) زه‌لامه‌ك دیت یێ ب ده‌ستێ چه‌پێ خوارنێ دخۆت، ڤێجا فه‌رمان لێ كر كو ب ده‌ستێ ڕاستێ بخۆت، به‌لێ وی زه‌لامی ب خۆمه‌زنكرن و ب دره‌وڤه به‌رسڤ دا كو ئه‌و نه‌شێت! ئینا پێغه‌مبه‌ری (صه‌لات و سه‌لامێن خودێ ل سه‌ر بن) دوعا لێ كر كو بێبار ببیت ژ خوارنا ب ده‌ستێ ڕاستێ، خودێ ژی دوعایا پێغه‌مبه‌رێ خۆ قه‌بویل كر و ده‌ستێ وی یێ ڕاستێ شه‌له‌لی بوو و ئێدی پشتی هنگی نه‌شیا ده‌ستێ خۆ بۆ خوارن و ڤه‌خوارنێ بلند بكه‌ته ده‌ڤێ خۆ.
...:
فه‌ربوونا خوارنێ ب ده‌ستێ ڕاستێ و حه‌رامبوونا خوارنێ ب ده‌ستێ چه‌پێ.
بكه‌رێ خۆمه‌زنكرنێ ل به‌رامبه‌ری بجهئینانا حوكمێن شه‌رعی ژ هه‌ژی سزادانێ دبیت.
ڕێزگرتنا خودێ بۆ پێغه‌مبه‌رێ وی موحه‌ممه‌دی (صه‌لات و سه‌لامێن خودێ ل سه‌ر بن) ب قه‌بویلكرنا دوعایێن وی.
دروستییا فه‌رمانكرنێ ب باشییێ و پاشڤه‌برن ژ خرابییێ د هه‌می ڕه‌وشاندا، هه‌تا ل ده‌مێ خوارنێ ژی.
زێده‌تر (7)
صه‌حیحا موسلمی (3/ 1599) (2021).
بهجة الناظرين شرح رياض الصالحين.
لسليم الهلالي (1/ 239).
نزهة المتقين شرح رياض الصالحين.
لمجموعة من الباحثين (1/ 183).
كنوز رياض الصالحين.
لمجموعة من الباحثين (3/ 396).