“ඔබ අතරින් කිසිවෙකු හෝ වුළූ ධෝවනය කර පසුව සමෙන් සාදන ලද පාවහන් යුගල පැළඳ ඇත්නම්, ඔහු ඒ දෙක මත (මස්හ්) පිරිමදිත්වා. ඒ දෙක පැළඳ ගෙනම සලාත් කරත්වා. අනිවාර්යය ස්නානය හේතුවකින් මිස ඔහු කැමතිනම් ඒ දෙක නොගළවත්වා.”

පූර්ණ පිරිසිදුතාවයකින් පසුව කිසිවකු සමෙන් සාදන ලද පාවහන් දෙක පැළද ගත් විටෙක හැර වෙනත් අවස්ථාවන්හි ඒ දෙක මත පිරිමැදීම ඔහුට අනුමත වන්නේ නැත.

පිරිමැදීමේ කාල පරිච්ඡේදය: පදිංචිකරුවකුට රෑ දහවල් එක් දිනක් හා මගියකුට රෑ දහවල් දින තුනක් ය.

පාවහන් මත පිරිමැදීමේ සහනය අදාළ වනුයේ සුළු කිලිටි අවස්ථාවක මිස මහා කිලිටි අවස්ථාවක නොවේ. මහා කිලිටි අවස්ථාවක ඒ මත මස්හ් කිරීම වලංගු වන්නේ නැත. එවිට ඔහු එම මේස් සපත්තු දෙක ගලවා පාද දෙක ඇතුළුව පිරිසිදු කර ගත යුතුය.

සමෙන් සාදන ලද පාවහන් හෝ එවැනි දෙයක් පැළඳ සලාතය ඉටු කිරීම උචිතය. එය යුදෙව්වන්ගේ සිරිතට පටහැනි වූව කි. නමුත් එය පිරිසිදු තත්ත්වයක විය යුතු අතර සලාත් ඉටු කරන්නන් හට හෝ මස්ජිදයට හෝ උදාහරණයක් ලෙස කාපට් අතුරා ඇති මස්ජිදයක් වැනි තැනකට හානියක් නොවිය යුතුය. එවිට එය පැළඳ සලාතය ඉටු කිරීම සුදුසු නැත.