ನಿಮ್ಮಲ್ಲೊಬ್ಬರು ವುದೂ ನಿರ್ವಹಿಸಿದ ನಂತರ ಚರ್ಮದ ಪಾದರಕ್ಷೆ ಧರಿಸಿದರೆ, ಅದನ್ನು ಧರಿಸಿಯೇ ನಮಾಝ್ ನಿರ್ವಹಿಸಲಿ. ಅದರ ಮೇಲೆ ಸವರಿಕೊಳ್ಳಲಿ. ನಂತರ ಅವರು ಬಯಸಿದರೆ ಅದನ್ನು ಕಳಚದೆಯೇ ಇರಬಹುದು. ಆದರೆ ದೊಡ್ಡ ಅಶುದ್ಧಿ ಉಂಟಾದರೆ ಹೊರತು

ಪೂರ್ಣರೂಪದಲ್ಲಿ ವುದೂ ನಿರ್ವಹಿಸಿದ ನಂತರ ಪಾದರಕ್ಷೆ ಧರಿಸಿದರೆ ಮಾತ್ರ ಅವುಗಳ ಮೇಲೆ ಸವರಬಹುದು.

ಸವರುವ ಅವಧಿ: ನಿವಾಸಿಗಳು (ಪ್ರಯಾಣಿಕರಲ್ಲದವರು) ಒಂದು ಇಡೀ ದಿನ ಮತ್ತು ರಾತ್ರಿ (24 ತಾಸು). ಪ್ರಯಾಣಿಕರು ನಿರಂತರ ಮೂರು ದಿನ ಮತ್ತು ರಾತ್ರಿ (72 ತಾಸು).

ಪಾದರಕ್ಷೆಗಳ ಮೇಲೆ ಸವರುವುದು ನಿರ್ದಿಷ್ಟವಾಗಿ ಸಣ್ಣ ಅಶುದ್ಧಿಗಾಗಿದೆಯೇ ಹೊರತು ದೊಡ್ಡ ಅಶುದ್ಧಿಗಲ್ಲ. ದೊಡ್ಡ ಅಶುದ್ಧಿ ಇರುವವರು ಪಾದರಕ್ಷೆಗಳ ಮೇಲೆ ಸವರಬಾರದು. ಅವರು ಪಾದರಕ್ಷೆಗಳನ್ನು ಕಳಚಿ ಪಾದಗಳನ್ನು ತೊಳೆಯುವುದು ಕಡ್ಡಾಯವಾಗಿದೆ.

ಯಹೂದಿಗಳಿಗೆ ವಿರುದ್ಧವಾಗುವುದಕ್ಕಾಗಿ ಶೂ ಮತ್ತು ಚಪ್ಪಲಿಗಳನ್ನು ಧರಿಸಿ ನಮಾಝ್ ಮಾಡುವುದು ಅಪೇಕ್ಷಣೀಯವಾಗಿದೆ. ಆದರೆ ಅವು ಶುದ್ಧವಾಗಿರಬೇಕು ಮತ್ತು ಅದರಿಂದ ಇತರರಿಗೆ ತೊಂದರೆಯಾಗಬಾರದು. ಆಧುನಿಕ ಮಸೀದಿಗಳಂತೆ ಜಮಾಖಾನೆ ಹಾಸಲಾಗಿರುವ ಮಸೀದಿಗಳಲ್ಲಿ ಪಾದರಕ್ಷೆ ಧರಿಸಿ ನಮಾಝ್ ಮಾಡಬಾರದು.