“នៅពេលនរណាម្នាក់ក្នុងចំណោមពួកអ្នកយកវូហ្ទុ ហើយគេបានពាក់ស្បែកជើងឃ្លុប ចូរឲ្យគេសឡាតដោយពាក់ស្បែកជើងនោះ និងជូតពីលើវា។ ក្រោយមក គេមិនចាំបាច់ដោះវាចេញទេ ប្រសិនបើគេចង់ លើកលែងតែមានជូនុប”។

មិនអនុញ្ញាតឱ្យជូតលើស្បែកជើងឃ្លុបឡើយ លើកលែងតែគេពាក់វាបន្ទាប់ពីមានភាពជ្រះស្អាតពេញលេញ(យកទឹកវូហ្ទុរួច)។

រយៈពេលនៃការជូត៖ មួយថ្ងៃមួយយប់សម្រាប់អ្នកមិនធ្វើដំណើរ និងបីថ្ងៃបីយប់សម្រាប់អ្នកដែលធ្វើដំណើរ។

ការជូតលើស្បែកជើងឃ្លុបអនុវត្តបានតែចំពោះហាហ្ទាសតូចប៉ុណ្ណោះ។ ចំណែកឯហាហ្ទាសធំវិញ គឺគេមិនអនុញ្ញាតឱ្យជូតឡើយ។ ផ្ទុយទៅវិញ គេត្រូវដោះស្បែកជើងចេញ និងលាងជើងទាំងពីរ។

ស៊ូណិតសឡាតដោយពាក់ស្បែកជើងឃ្លុប ឬអ្វីដែលស្រដៀងគ្នានេះដើម្បីឲ្យខុសពីពួកយូដា ប្រសិនបើវាស្អាតនិងមិនបង្កផលប៉ះពាល់ដល់អ្នកសឡាត ឬដល់ម៉ាស្ជិត ដូចជាម៉ាស្ជិតដែលមានព្រំជាដើម។ ក្នុងករណីនេះ គេមិនអាចសឡាតដោយពាក់ស្បែកជើងបានឡើយទេ។