الغَاشِية

Допре ли до тебе веста за Гашија?

Кога некои лица потиштени,

преморени и напатени

во огнот жесток ќе се пржат,

од изворот жежок ќе пијат,

и кога друга храна освен трње нема да има,

коешто нема да нахрани, а ни гладот нема да го отстрани.

Некои лица тој Ден ќе бидат радосни,

со трудот свој задоволни;

во Џенетот возвишен,

во кој нема да слушаат зборови празни.

Во него има извори кои течат,

и дивани скапоцени,

и пехари подигнати,

и перници наредени,

и килими постелени.

Па зошто не ја погледнат камилата како е создадена,

и небото како е воздигнато,

и планините како се поставени,

и Земјата како е прострена?!

Ти опоменувај – твое е да опоменуваш,

ти над нив власт немаш!

А тој што главата од Вистината ја врти и не сака да верува,

него Аллах со најголема казна ќе го казни!

Нам, навистина, тие ќе ни се вратат,

и пред Нас, навистина, сметката ќе ја полагаат!