الغَاشِية

ئایا ھەواڵی ڕۆژی دوایی(ڕۆژی داپۆشەرت) پێگەشتووە

زۆر دەم وچاو لەو ڕۆژەدا ترسناك وڕیسوا وشەرمەزارن

ھەوڵدەرێکی ڕەنجەڕۆن

دەچنە ناو ئاگری ھەرە گەرمەوە

ئاو دەدرێن لەسەرچاوەی کوڵ بەکوڵ وزۆر گەرم

خۆراکیان ھەر دڕکی حوشتر خواری(ئاگریینە)

نە قەڵەوی دەکات ونە برسێتی لا دەبات

زۆر ڕوخسار لەو ڕۆژەدا پاراوە (جوان وگەشن)

ڕازیین لەکۆششی خۆیان

وان لە بەھەشتی بەرز وبڵندا

قسەی ھیچ وپوچی تێدا نابیستن

تێیدایەتی سەرچاوەی ڕەوان

تێیدایەتی زۆر قەنەفە وتەختی بەرز

وە پەرداخی دانراو

وە پشتی ڕیزکراو

وە قاڵی ڕاخراو لە ھەموو لایەکەوە

دەی بۆ وورد نابنەوە لە حوشتر کە چۆن دروست کراوە

وە لە ئاسمان کە چۆن بەرز کراوەتەوە

وە لە شاخەکان کە چۆن داکوتراون ودامەزرێنراون؟

وە لە زەوی کە چۆن ڕاخراوە

کەوابوو ئامۆژگاری بکە، تۆ ھەر ئامۆژگاری کاریت

تۆ دەسەڵات دار نیت بەسەریاندا

بەڵام ئەو کەسەی کە پشت ھەڵکات وبێ بڕوا بێت

ئەوە خوا سزای دەدات بە سزای زۆر گەورە

بێگومان ھەر بۆ لای ئێمەیە گەڕانەوەیان

لە پاشان بەڕاستی لەسەر ئێمەیە لێپرسینەوەیان