«ئه‌گه‌ر د قه‌بریدا پرسیار ژ موسلمانی هاته كرن: دێ شاهده‌ییێ ده‌ت كو ژ ئه‌للاهی پێڤه‌تر چ خودایێن ژ هه‌ژی پەرستنێ نینن و كو موحه‌ممه‌د پێغه‌مبه‌رێ خودێیه
به‌رائێ كوڕێ عازبی (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
«ئه‌گه‌ر د قه‌بریدا پرسیار ژ موسلمانی هاته كرن: دێ شاهده‌ییێ ده‌ت كو ژ ئه‌للاهی پێڤه‌تر چ خودایێن ژ هه‌ژی پەرستنێ نینن و كو موحه‌ممه‌د پێغه‌مبه‌رێ خودێیه»، ڤێجا ئه‌ڤه ڕامانا ئایه‌تێیه: {یُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآخِرَةِ} [إبراهيم: 27]. ئانكو: ((خودێ باوه‌رداران جێگیر دكه‌ت ل سه‌ر ئاخڤتنا ڕاست و جێگیر د ژیانا دونیایێ و ل ئاخره‌تێدا)).
«المُسْلِمُ إِذَا سُئِلَ فِي القَبْرِ: يَشْهَدُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ»، فَذَلِكَ قَوْلُهُ: {يُثَبِّتُ اللَّهُ الَّذِينَ آمَنُوا بِالقَوْلِ الثَّابِتِ فِي الحَيَاةِ الدُّنْيَا وَفِي الآخِرَةِ} [إبراهيم: 27].
د قه‌بریدا پرسیار ژ باوه‌رداری دهێته كرن ژ لایێ هه‌ردوو مه‌لائیكه‌تێن بۆ ڤێ چه‌ندێ هاتینه ڕاسپاردن كو ئه‌و ژی (مونكه‌ر و نه‌كیرن)، هه‌روه‌كی ناڤكرنا وان ب ڤی ناڤی د چه‌ندین فه‌رمووده‌یاندا هاتی. ڤێجا ئه‌و د ڤی ده‌راڤیدا دێ شاهده‌ییێ ده‌ت كو ژ ئه‌للاهی پێڤه‌تر چ خودایێن ژ هه‌ژی پەرستنێ نینن و كو موحه‌ممه‌د پێغه‌مبه‌رێ خودێیه، پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ئه‌ڤه ئه‌و ئاخڤتنا جێگیره (القول الثابت) ئه‌وا خودێ ده‌رباره‌ی وێ گۆتی: {یُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآخِرَةِ} [إبراهيم: 27]. ئانكو: ((خودێ باوه‌رداران جێگیر دكه‌ت ل سه‌ر ئاخڤتنا ڕاست و جێگیر د ژیانا دونیایێ و ل ئاخره‌تێدا)).
پرسیارا قه‌بری تشته‌كێ حه‌قه و دێ چێبیت.
قه‌نجییا خودێ ل سه‌ر عه‌بده‌ێن باوه‌ردار د دونیا و ئاخره‌تێدا ب هندێ كو وان جێگیر و بنه‌جھ دكه‌ت ل سه‌ر حه‌قیێ.
قه‌در و بهایێ شاهده‌ییا ته‌وحیدێ و مرنێ ل سه‌ر وێ.
بنه‌جهكرن و جێگیركرنا خودێ بۆ باوه‌رداری د دونیایێدا ب جێگیرییا ل سه‌ر باوه‌رییێ و ڕێكا ڕاست و ل ده‌مێ مرنێ ب مرنا ل سه‌ر ته‌وحیدێ و د قه‌بریدا ل ده‌مێ پرسیارا هه‌ردوو مه‌لائیكه‌تان.
زێده‌تر (6)
صه‌حیحا بۆخاری (6/ 80) (4699).
صه‌حیحا موسلمی (4/ 2201) (2871).
بهجة الناظرين شرح رياض الصالحين.
لسليم الهلالي (1/ 498).
نزهة المتقين شرح رياض الصالحين.
لمجموعة من الباحثين (1/ 386).