«هه‌ر كه‌سێ شه‌ڕی بكه‌ت دا كو په‌یڤا خودێ ژ هه‌مییان بلندتر بیت؛ ئه‌و د ڕێكا خودێدایه».
ئه‌بو مووسا (خودێ ژێ ڕازی بیت) دبێژیت:
پرسیار ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته كرن ده‌رباره‌ی وی كه‌سێ شه‌ڕی دكه‌ت ژ به‌ر مێرخواسییێ، یان ژ به‌ر ده‌مارگیرییێ (ته‌عه‌صوبێ)، یان ژ به‌ر ڕویمه‌تییێ، ئه‌رێ كا كیژك ژ ڤانه د ڕێكا خودێدایه؟ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: «هه‌ر كه‌سێ شه‌ڕی بكه‌ت دا كو په‌یڤا خودێ ژ هه‌مییان بلندتر بیت؛ ئه‌و د ڕێكا خودێدایه».
سُئِلَ رَسُولُ اللهِ صَلَّى اللهُ عَلَيْهِ وَسَلَّمَ عَنِ الرَّجُلِ يُقَاتِلُ شَجَاعَةً، وَيُقَاتِلُ حَمِيَّةً، وَيُقَاتِلُ رِيَاءً، أَيُّ ذَلِكَ فِي سَبِيلِ اللهِ؟ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «مَنْ قَاتَلَ لِتَكُونَ كَلِمَةُ اللهِ هِيَ الْعُلْيَا، فَهُوَ فِي سَبِيلِ اللهِ».
پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) هاته كرن ده‌رباره‌ی جوداهییا ئارمانج و مه‌ره‌مێن شه‌ڕكه‌ران؛ ئه‌وێ ژ به‌ر مێرخواسییێ شه‌ڕی دكه‌ت یان ژ به‌ر ده‌مارگیرییێ شه‌رى دكه‌ت یان شه‌ڕی دكه‌ت دا خه‌لك په‌سنێن وی بكه‌ن، ئه‌رێ كیژك ژ ڤانه د ڕێكا خودێدایه؟ ئینا پێغه‌مبه‌ری (صه‌لات و سه‌لامێن خودێ ل سه‌ر بن) به‌حسكر كو شه‌ڕكه‌رێ د ڕێكا خودێدا ئه‌وه: یێ شه‌ڕی دكه‌ت دا كو په‌یڤا خودێ (دینێ خودێ) ژ هه‌مییان بلندتر بیت.
بناخه د دروستی یان خراببوونا كریاراندا؛ ئنیه‌ت و دلسۆزییا د كریارێدایه بۆ خودێ ب تنێ.
ئه‌گه‌ر مه‌ره‌م ژ جیهادێ بلندكرنا په‌یڤا خودێ بیت و مه‌ره‌مه‌كا دی یا دروست د گه‌لدا بیت، وه‌كی بده‌ستڤه‌ئینانا ده‌ستكه‌ڤتێن شه‌ڕی، ئه‌ڤه زیانێ ناگه‌هینیته بنیاتێ ئنیه‌تا وی.
به‌ڕه‌ڤانیكرن و پاشڤه‌برنا دوژمنان ژ وه‌لاتی و پیرۆزییان، ژ شه‌ڕێ د ڕێكا خودێدایه.
ئه‌و قه‌در و بها و خێرا ل دۆر موجاهدان هاتی؛ ب تنێ بۆ وی كه‌سییه یێ شه‌ڕی دكه‌ت دا په‌یڤا خودێ ژ هه‌مییان بلندتر بیت.
زێده‌تر (6)
صه‌حیحا بۆخاری (9/ 136) (7458).
صه‌حیحا موسلمی (3/ 1513) (1904).
تيسير العلام شرح عمدة الأحكام.
لعبد الله البسام (ص753).
الإعلام بفوائد عمدة الأحكام.
لابن الملقن (10/ 380).