((خۆ ژ ڤی كارێ پیس و چه‌په‌ل یێ خودێ پاشڤه‌برن ژێ كری بده‌نه پاش، به‌لێ هه‌ر كه‌سێ ئه‌ڤ كاره كر؛ هنگی بلا خۆ ب ستاره‌كرنا خودێ ستاره بكه‌ت و ته‌وبه بكه‌ت و بزڤڕیته لایێ خودێ، چونكی ب ڕاستی هه‌ر كه‌سێ نهێنییا خۆ بۆ مه ئاشكه‌را بكه‌ت؛ ئه‌م دێ حوكمێ په‌ڕتووكا خودایێ مه‌زن ل سه‌ر جێبه‌جێ كه‌ین))
ژ ئبن عومه‌ری (خودێ ژ هه‌ردووکان ڕازی بیت) گۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) پشتی (ماعزێ كوڕێ مالكێ) ئه‌سله‌می ڕه‌جماندی (پشتی وی زیناكری و دانپێدان كری)، ڕابووڤه و گۆت:
((خۆ ژ ڤی كارێ پیس و چه‌په‌ل یێ خودێ پاشڤه‌برن ژێ كری بده‌نه پاش، به‌لێ هه‌ر كه‌سێ ئه‌ڤ كاره كر؛ هنگی بلا خۆ ب ستاره‌كرنا خودێ ستاره بكه‌ت و ته‌وبه بكه‌ت و بزڤڕیته لایێ خودێ، چونكی ب ڕاستی هه‌ر كه‌سێ نهێنییا خۆ بۆ مه ئاشكه‌را بكه‌ت؛ ئه‌م دێ حوكمێ په‌ڕتووكا خودایێ مه‌زن ل سه‌ر جێبه‌جێ كه‌ین)).
«اجْتَنِبُوا هَذِهِ الْقَاذُورَةَ الَّتِي نَهَى اللَّهُ عَنْهَا فَمَنْ أَلَمَّ فَلْيَسْتَتِرْ بِسِتْرِ اللَّهِ وَلْيُتُبْ إِلَى اللَّهِ، فَإِنَّهُ مَنْ يُبْدِ لْنَا صَفْحَتَهُ نُقِمْ عَلَيْهِ كِتَابَ اللَّهِ عز وجل».
ئبن عومه‌ر (خودێ ژ هه‌ردووكان ڕازی بیت) به‌حس دكه‌ت كو پێغه‌مبه‌ر (صه‌لات و سه‌لامێن خودێ ل سه‌ر بن) پشتی كو ماعزێ كوڕێ مالكێ ئه‌سله‌می (خودێ ژێ ڕازی بیت) ژ به‌ر سزایێ زیناكرنێ ڕه‌جماندی؛ ڕابووڤه و گۆتاره‌ك بۆ خه‌لكی خواند و گۆت: خۆ ژ ڤێ گونه‌ها پیس و چه‌په‌ل و هه‌ر گونه‌هه‌كا دی یا پیس بده‌نه پاش یێن خودێ هوین ژێ داینه پاش، به‌لێ هه‌ر كه‌سێ گونه‌هه‌ك ژ وان ئه‌نجامدا؛ وی ده‌می دوو تشت دێ ل سه‌ر فه‌ربن: ئێك: ماده‌م خودێ ئه‌و ستاره كر و كارێ وی ئاشكه‌را نه‌كر؛ هنگی دڤێت ئه‌و ژی خۆ ستاره بكه‌ت و گونه‌ها خۆ بۆ كه‌سێ دی نه‌بێژیت. دوو: پێدڤییه ئه‌و له‌زێ د ته‌وبه‌كرن و زڤڕینا بۆ لایێ خودێدا بكه‌ت و ڕژدی و به‌رده‌وامییێ ل سه‌ر وێ گونه‌هێ نه‌كه‌ت، و هه‌ر كه‌سێ گونه‌ها وی بۆ مه دیار بوو؛ ئه‌م دێ وی سزایی ل سه‌ر وی جێبه‌جێ كه‌ین یێ ده‌رباره‌ی ڤێ گونه‌هێ د په‌ڕتووكا خودایێ مه‌زندا هاتییه به‌حسكرن.
هاندان ل سه‌ر هندێ كو مرۆڤێ گونه‌هكار خۆ ستاره بكه‌ت و گونه‌ها خۆ ئاشكه‌را نه‌كه‌ت و د ناڤبه‌را خۆ و خودایێ خۆدا ته‌وبه بكه‌ت.
ئه‌گه‌ر سزایێن شه‌رعی گه‌هشتنه كاربده‌ستێ موسلمانان؛ هنگی دڤێت ئه‌و ڤی سزایی جێبه‌جێ بكه‌ت.
پێدڤییه مرۆڤ خۆ ژ كرنا گونه‌هان بده‌ته پاش و ژێ ته‌وبه بكه‌ت.
زێده‌تر (9)
المستدرك على الصحيحين للحاكم (4/ 272) (7615).
په‌ڕتووكا (السنن الكبرى) یا به‌يهه‌قی (8/ 572).
منحة العلام في شرح بلوغ المرام.
لعبد الله الفوزان (8/ 435).
فتح ذي الجلال والاكرام بشرح بلوغ المرام.
لابن عثيمين (5/ 370).
توضِيحُ الأحكَامِ مِن بُلوُغ المَرَام.
للبسام (6/ 249).
شرح الزرقاني على موطأ الإمام مالك (4/ 235).