((مه‌ته‌لا مونافق و دووڕوی وه‌كی مه‌ته‌لا وێ په‌زێیه یا د ناڤبه‌را دوو كۆمێن په‌زیدا مایه حه‌ییری، جاره‌كێ دهێته د گه‌ل ڤێ كۆمێ و جاره‌كێ دهێته د گه‌ل ڤێ كۆمێ))
ژ ئبن عومه‌ری (خودێ ژ هەردووکان ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((مه‌ته‌لا مونافق و دووڕوی وه‌كی مه‌ته‌لا وێ په‌زێیه یا د ناڤبه‌را دوو كۆمێن په‌زیدا مایه حه‌ییری، جاره‌كێ دهێته د گه‌ل ڤێ كۆمێ و جاره‌كێ دهێته د گه‌ل ڤێ كۆمێ)).
«مَثَلُ الْمُنَافِقِ، كَمَثَلِ الشَّاةِ الْعَائِرَةِ بَيْنَ الْغَنَمَيْنِ تَعِيرُ إِلَى هَذِهِ مَرَّةً وَإِلَى هَذِهِ مَرَّةً».
پێغه‌مبه‌ر (صه‌لات و سه‌لامێن خودێ ل سه‌ر بن) ڕه‌وشا مرۆڤێ مونافق و دووڕوی دیار دكه‌ت كو ئه‌و وه‌كی په‌زا دوودل و حه‌ییرییه، نزانیت ب دویڤ كیژ كه‌رێ په‌زی بكه‌ڤیت و بچیته د گه‌ل كیژكێ، جاره‌كێ دچیته د گه‌ل ڤی كه‌ری و ڤێ كۆمێ و جاره‌كێ دچیته د گه‌ل كۆما دی. ڤێجا مرۆڤێن مونافق د حه‌ییرینه د ناڤبه‌را باوه‌ری و كوفرێدا، نه ئه‌و د گه‌ل باوه‌ردارانه ب سه‌رڤه‌هی و ناڤداهییا خۆ و نه د گه‌ل كافرانه ب سه‌رڤه‌هی و ناڤداهییا خۆ، به‌لكی ب سه‌رڤه یێن د گه‌ل باوه‌رداران و د ناڤداهییا خۆدا یێن تووشی گومان و دوودلییێ بووین، له‌وا جاره‌كێ به‌ره‌ڤ ڤانه دچن و جاره‌كێ به‌ره‌ڤ ڤانه.
...:
ئێك ژ ڕێك و ڕێبازێن پێغه‌مبه‌ری (صه‌لات و سه‌لامێن خودێ ل سه‌ر بن)؛ ئینانا مه‌ته‌لانه بۆ نێزیككرنا ڕامانان.
دیاركرنا ڕه‌وشا مونافقان ژ دوودلی و گومان و بنه‌جهنه‌بوونێ.
هشیاركرن ژ ڕه‌وشا مونافقان و هاندان ل سه‌ر ڕاستگۆیی و پشتڕاستییێ د باوه‌رییا ب سه‌رڤه و ناڤدا ژی.
زێده‌تر (3)
صه‌حیحا موسلمی (4/ 2146) (2784).
إكمال المعلم بفوائد مسلم (8/ 313).
عمدة القاري شرح صحيح البخاري (16/ 69).