“ស៊ូណិតហ្វិតត្រោះមានប្រាំ៖ ការខតាន់ កោររោមប្រដាប់ភេទ កាត់តម្រឹមពុកមាត់ កាត់ក្រចកដៃ និងដករោមក្លៀក”។

ស៊ូណិតហ្វិតរ៉ោះដែលជាមាគ៌ានៃបណ្តាអ្នកនាំសារទាំងឡាយដែលអល់ឡោះជាម្ចាស់ទ្រង់ស្រឡាញ់ពេញចិត្ត និងបានប្រើឲ្យអនុវត្តវា គឺនាំមកនូវភាពពេញលេញ ជ្រះស្អាត និងស្រស់ស្អាត។

ច្បាប់ឥស្លាមបង្គាប់ប្រើឲ្យយកចិត្តទុកដាក់ចំពោះប្រការទាំងនេះ ហើយមិនត្រូវព្រងើយកន្តើយចំពោះវានោះឡើយ។

ប្រការទាំងប្រាំនេះ គឺផ្តល់នូវផលប្រយោជន៍ជាច្រើនទាំងផ្នែកសាសនា និងលោកិយ ក្នុងចំណោមនោះ គឺធ្វើឲ្យមានភាពស្រស់ស្អាត អនាម័យ ងាយស្រួលក្នុងការសម្អាត ធ្វើឲ្យខុសពីពួកគ្មានជំនឿ និងជាការអនុវត្តតាមបទបញ្ជារបស់អល់ឡោះជាម្ចាស់។