Encyclopedia of Prophetic Hadiths

«Bonte se gen bon karaktè, epi peche a se sa kap trakase nan kè ou, epi ou pa ta renmen moun konnen li.»

ke Pwofèt la (ke lapè ak benediksyon Allmah sou li) te voyel nan peyi Yemen, epi li te pozel kesyon sou kèk bwason yo fè laba a, epi li te dil: E kisa yo ye?, li te di: «Al-Bit' ak Al-Mizr», epi yo te mande Abu Burdah: Kisa Al-Bit' la ye? Li te di: Bwason fèmante ki fèt ak siwo myèl, epi Al-Mizr la: bwason fèmante ki fèt ak lòj, epi li te di: «Tout sa ki rann moun sou entèdi». Al-Bukhari rapòte l.

Gen 4 defo si yon moun genyen yo nèt, li se yon vrè ipokrit. Epi si li gen yon sèl nan kalite sa yo nan li, sa vle di li gen yon tras (yon branch) nan ipokrizi nan li jiskaske li kite li: depi lap pale li bay manti, depil pwomèt li pa kenbe pawòl li, depil nan diskisyon (oswa an kòlè) li depase limit nan lenjistis (ak move pawòl), epi depi fè yon kontra (oswa yon sèman) li trayil.

« Nenpòt moun ki soulaje yon kwayan nan yon gwo pwoblèm lavi a, Allah ap soulaje li nan yon gwo pwoblèm jou jijman an. Nenpòt moun ki fasilite lavi yon moun ki nan bezwen, Allah ap fasilite lavi pal nan mond sa a ak nan lòt mond lan. Nenpòt moun ki kouvri defo yon mizilman, Allah ap kouvri defo pa li nan mond sa a ak nan lòt mond lan. Allah ap ede sèvitè a toutotan sèvitè a ap ede frèl. Nenpòt moun ki pran yon chemen pou li chèche konesans, Allah ap fasilite pou li chemen ki mennen nan paradi a. Pa gen yon gwoup moun ki reyini nan youn nan kay Allah yo, kap resite liv la epi kap etidyel ansanm, san lapè (sekirite nan kè) pa desann sou yo, san pitye Senyè toupwisan an pa kouvri yo, san zanj Allah yo pa antoure yo, epi Allah pa mansyone yo devan zanj ki bò kotel yo. Nenpòt moun aksyon li yo ralanti, relasyon fanmi li (oswa orijin li) pap fèl avanse pi vit. »

«Lapriyè yon moun an gwoup pi bon pase lapriyè li fè lakay li ak lapriyè l fè nan machel ak 20 ak kèk degre. E sa, se paske lè youn nan yo fè ablisyon, epi li fè sa byen, epi li ale nan Moske a, san ke se pa anyen ki pousel eksepte lapriyè a, epi li pa vle anyen eksepte lapriyè a, pa gen yon pa li fè san ke yo pa elvel yon degre avèk pa sa a, epi yo efase yon peche pou li avèk li, jiskaske li antre nan Moske a. Lè li antre nan Moske a, li konsidere tankou li nan lapriyè toutotan se lapriyè a kap kenbe li. Epi Zanj yo ap priye pou youn nan nou toutotan li rete nan plas kote li te priye a, yap di: O Allah, fèl mizerikòd, O Allah, padonel, O Allah, aksepte repantans li, toutotan li pa nwi okenn moun ladan li, epi toutotan li pa kase ablisyon li.

"«An verite, Allah fè jalouzi, epi an verite, kwayan an fè jalouzi, epi jalouzi Allah se lè kwayan an komèt sa Li entèdi pou li a»."

Gen kèk nan konpayon Pwofèt la (ke Allah beni li epi bal kè poze) ki te vin jwenn li epi yo te mandel : "Nou santi nan tèt nou kèk bagay (panse) ki tèlman gwo (grav), nou pa menm oze pale de yo." Pwofèt la te mande: "Èske nou vrèman santi sa?" Yo reponn: "Wi." Li di: "Sa a se lafwa ki pi klè a (lafwa ki sensè)."

« Mwen pral kanpe bò Basen an (Al-Hawd) ap gade kiyès nan nou kap vin jwenn mwen. Gen moun yo pral pran (yo pral retire yo lwen mwen), mwen pral di: "O Seyè mwen, yo soti nan mwen, yo soti nan kominotem!" Lè sa a, yap reponn mwen: "Èskew pa konnen sa yo te fè aprèw fin ale? Mwen fè sèman sou Allah, yo pat sispann retounen sou tras yo (yo te chanje relijyon yo oswa yo te vire do bay verite a)." »