দুয়ো কান্ধ খালি ৰাখি তোমালোকৰ মাজৰ কোনেও যেন এখন কাপোৰত নামাজ নপঢ়ে।

ইমাম নাৱাৱীয়ে এই হাদীছটোৰ অৰ্থত কৈছে যে, এইটো নিৰ্দেশ দিয়াৰ এইটোও এটা কাৰণ হ'ব পাৰে যে, কান্ধত কাপোৰ নিদিয়াকৈ কেৱল এখন কাপোৰ পৰিধান কৰি নামাজ পঢ়িলে লজ্জাস্থান উন্মুক্ত হোৱাৰ আশংকা বেছি থাকে। ইয়াৰ বিপৰীতে যদি কান্ধৰ পৰা কোনো কাপোৰ ওলমি থাকে তেন্তে ইয়াৰ সম্ভাৱনা নাথাকে। ইয়াৰ বাহিৰেও এখন কাপোৰ পৰিধান কৰিলে হয়তো নামাজ অৱস্থাত বাৰে বাৰে হাতেৰে কাপোৰ ধৰি ৰাখিবলগীয়া হ'ব পাৰে। ফলত বুকুত হাত বন্ধাৰ সময়ত আৰু ৰাফউল য়াদাইন কৰাৰ সময়ত হাত বেলেগ কামত ব্যস্ত থকাৰ কাৰণে ছুন্নত পৰিত্যাগ হ'ব। ইয়াৰ উপৰিও দুখন কাপোৰ নিপিন্ধিলে শৰীৰৰ ওপৰৰ অংশৰ পৰ্দা ব্যাহত হয় আৰু সৌন্দৰ্য্য নাথাকে। মহান আল্লাহে পৱিত্ৰ কোৰআনত কৈছেঃ "প্ৰত্যেক ছালাতৰ সময়ত তোমালোকে সুন্দৰ পোছাক পৰিধান কৰা।"