«Yãmb ned a yembr ra wa tʋg n pʋʋsd fuug a yembr pʋgẽ, tɩ baa fʋɩ ka be a bãg peedẽ wã ye».
Yii a Abɩɩ Hʋrayrat nengẽ, (Wẽnd yard be a yĩnga), a yeelɑme: Nɑbiyɑɑmã yeelame (Wẽnd pʋʋsg la A tɩlgr be a yĩnga):
«Yãmb ned a yembr ra wa tʋg n pʋʋsd fuug a yembr pʋgẽ, tɩ baa fʋɩ ka be a bãg peedẽ wã ye».
«لاَ يُصَلِّي أَحَدُكُمْ فِي الثَّوْبِ الوَاحِدِ لَيْسَ عَلَى عَاتِقَيْهِ شَيْءٌ».
Nabiyaamã (Wẽnd pʋʋsg la A tɩlgr be a yĩngɑ) gɩdgame tɩ ned ra wa tʋg n pʋʋs ne fuugu, n pidg n bas a bãg peed a yiibã n ka rogl baa fʋɩ b zugu, sẽn na lud-b ye, bala bãg-peed a yiibã baa tɩ b sã n ka yãnde, b yiibã sã n ludi, woto n pẽ ne yãndã na lud n yɩɩda, woto n leb n pẽ ne Wẽnd waoogre la A zɩsgre, fo sẽn wat n yals A taoore n na n pʋʋse.
Hadiisã wilgda ned sẽn tõe n loe fu-yend n pʋʋse, t'a sã n lud bũmb ning sẽn sõmb n ludã.
Wilgda Pʋʋsg sẽn sakd fut a yiib pʋgẽ, yembrã lud yĩngrã tɩ to wã lud tẽngrã.
Wilgda b sẽn bʋ nonglem tɩ pʋʋsd tall halhaal sẽn yaa neere.
Wilgda bãg-peed a yiibã ludb sẽn yaa tɩlae la b yiibã yembre, Pʋʋsgẽ wã tɩ f sã n tõe rẽnda, la sãnda yeelame tɩ gɩdgrã kaanẽ wã yaa sẽn na maneg tɩ yɩɩd yĩnga.
A wilgda sẽn rag n be Ṣahaabsã nugẽ (Wẽnd yard be b yĩnga) sẽn yaa arzεk paoodlem, halɩ tɩ sãnda ka tõe n paam fut a yiib n ning ye.
A An-Nawawiy yeela hadiisã maanã pʋgẽ (Wẽnd na yols-a): a võorã yaa t'a sã n sẽgen fuugã tɩ baa fʋɩ ka be bãokẽ wã bas-m-yam ke be t'a tõe n pidg n lʋɩɩme, la rẽ yõsga ne a sẽn na n tall-a n tʋg n sẽbg ne a bãokã, n paase, a tõeeme t'a sẽn ka ning beenẽ wã, bɩ a rat n na n gãd-a ne a nugã, maa a nus a yiibã Pʋʋsgẽ wã tɩ ra lʋɩ ye. Tɩ yẽnda wa maan-a soagla, tɩ Sũnnah sẽn yaa nugã mobgrã wa tʋg n põsg yẽnda, woto bal b zẽkrã me zĩig nins sãri wã sẽn sagl tɩ b zẽk nusã Pʋʋsgẽ wã, la zẽng sẽn ka rẽnda, sẽn yaa yεl sẽn na n põs yẽ, bala be a pʋgẽ sẽn yaa yĩngã yĩngrã basbo, la zĩig nins sẽn yaa faas teedã zĩisi, la Wẽnd yaool n yeelame: {Yeelg-y y faas-teedo misr fãa pʋgẽ} [Al-Aaraaf (Arzãn la Bugumã sʋk lalgã sʋʋra): 31].
Ṣahɩɩh Al-Bʋẖaary (1/ 81) (359).
Ṣahɩɩh Muslim (1/ 368) (516).
Pɑɑgã (10)
سبل السلام.
لمحمد الصنعاني (1/ 198).
توضيح الأحكام مِن بلوغ المرام.
لعبد الله البسام (2/ 8).
فتح ذي الجلال والإكرام شرح بلوغ المرام.
لابن عثيمين (1/ 501).
منحة العلام في شرح بلوغ المرام.
لعبد الله الفوزان (2/ 330).
تيسير العلام شرح عمدة الأحكام.
لعبد الله البسام (ص203).