أحمد بن عبد الحليم بن عبد السلام بن تيمية
الإسم
ئهحمهدێ كوڕێ عهبدولحهلیمێ كوڕێ عهبدولسهلامێ كوڕێ تهیمییهیێ
اسم الشهرة
ئبن تهیمییه
نبذة مختصرة
ئهحمهدێ كوڕێ عهبدولحهلیمێ كوڕێ عهبدولسهلامێ كوڕێ تهیمییهیێ حهڕانیيه، شێخێ ئیسلامێیه، ئیمامهكێ موجتههد و نویكهره. ل سالا (661)ـێ مشهختی ژ دایك بوویه. دهریایهكه د زانستێن ڤهگوهاستی و ئهقلیدا، نیشان و ئایهتهكه د زیرهكی و تێگههشتنا بلهزدا. نهدڤییا خەلك بێژنه وی: (تقي الدين)، بهلێ ب وی ناسناڤی و ب (شێخێ ئیسلامێ) ناڤدار بوو. زانایێ مهزن (ابن دقيق العيد) دهربارهی وی گۆت: (دهمێ ئهز گههشتیمه دهڤ ئبن تهیمییهی، من زهلامهك دیت ههمی زانست ل بهر چاڤێن وی بوون، یا دڤیا ژێ وهردگرت و یا دڤیا ژێ د هێلا). حافظ ئبن حهجهری گۆت: (فێری فقهی بوو و شاڕهزا بوو و ژ كهسێن دی جودا بوو، پێشكهڤت و بهرههم نڤیسین، دهرس و وانه گۆتن و فهتوا دان، ب بهری ههڤالێن خۆ كهڤت، بوو تشتهكێ سهیر و مهندههۆشكهر د لهزاتییا بیرئینانا تشتی و هێزا دلی و بهرفرههییێ د زانستێن ڤهگوهاستی و ئهقلیدا، زێدهباری ل سهر درێژكرنێ ل ڕێباز و مهزههبێن سهلهف و خهلهفان). وی گهلهك بهرههم ههنه، ههتا وی ڕادهی زهههبی دبێژیت: (بهلكی بهرههمێن وی د ڤی دهمیدا ببنه چار هزار (4000) كوڕاسه یان پتر (كوڕاسه: كۆمهكا بهرپهڕانه كو زانایان د بهرێدا پهڕتووكێن خۆ ل سهر دنڤیسین و پاشی ههمی دگههاندنه ئێك، ب گشتی ههر كوڕاسهیهك 10 ههتا 20 بهرپهڕانه)). ژ وان ژی: (درء تعارض العقل والنقل)، (منهاج السنة النبوية)، (الاستقامة)، (الجواب الصحيح لمن بدل دين المسيح)، (بيان تلبيس الجهمية) و (اقتضاء الصراط المستقيم لمخالفة أصحاب الجحيم). ل سالا (728)ـێ مشهختی وهغهر كر.