ب ڕاستی ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) قورئان بوو
سه‌عدێ كوڕێ هیشامێ كوڕێ عامری - ده‌مێ هاتییه ده‌ڤ عائیشایێ (خودێ ژێ ڕازی بیت) - گۆت:
دایكا باوه‌رداران، بۆ من به‌حسێ ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بكه، گۆت: ئه‌رێ ما تو قورئانێ ناخوینی؟ من گۆت: به‌لێ، گۆت: ب ڕاستی ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) قورئان بوو.
يَا أُمَّ الْمُؤْمِنِينَ، أَنْبِئِينِي عَنْ خُلُقِ رَسُولِ اللهِ صَلَّى اللهُ عَلَيْهِ وَسَلَّمَ، قَالَتْ: أَلَسْتَ تَقْرَأُ الْقُرْآنَ؟ قُلْتُ: بَلَى، قَالَتْ: فَإِنَّ خُلُقَ نَبِيِّ اللهِ صَلَّى اللهُ عَلَيْهِ وَسَلَّمَ كَانَ الْقُرْآنَ.
پرسیار ژ دایكا باوه‌رداران عائیشایێ (خودێ ژێ ڕازی بیت) هاته كرن ده‌رباره‌ی ڕه‌وشتێ پێغه‌مبه‌ری (صه‌لات و سه‌لامێن خودێ ل سه‌ر بن)، ئه‌وێ ژی ب په‌یڤه‌كا كۆمڤه‌كه‌ر به‌رسڤ دا و به‌رێ پرسیاركه‌ری دا قورئانا پیرۆز، ئه‌و قورئانا هه‌می سالۆخه‌تێن ته‌مامه‌تی و كه‌مالێ د ناڤ خۆدا هه‌لگرتین، ڤێجا گۆت: پێغه‌مبه‌ری (صه‌لات و سه‌لامێن خودێ ل سه‌ر بن) ڕه‌وشتێ قورئانێ ل ده‌ڤ هه‌بوو، هه‌ر تشته‌كێ قورئانێ فه‌رمان پێ كربیت؛ ئه‌وی یێ ئه‌نجامدای و هه‌ر تشته‌كێ قورئانێ پاشڤه‌برن ژێ كربیت؛ ئه‌وی خۆ ژێ دویركرییه، ڤێجا ڕه‌وشتێ وی كاركرن بوو ب قورئانێ و ڕاوه‌ستیان بوو ل سه‌ر سنوورێن وێ و ڕه‌فتاركرن ل دویڤ تۆره و ئادابێن وێ و په‌ند وه‌رگرتن ب مه‌ته‌ل و چیڕۆكێن وێ.
هاندان ل سه‌ر چاڤلێكرنا پێغه‌مبه‌ری (صه‌لات و سه‌لامێن خودێ ل سه‌ر بن) د په‌یداكرنا ڕه‌وشتێ قورئانێدا ل ده‌ڤ خۆ.
په‌سنكرنێن ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) و كو ڕه‌وشتێ وی ژ چرايێ وه‌حییێ هاتبوو وه‌رگرتن.
قورئان ژێده‌رێ هه‌می ڕه‌وشتێن جوان و تازه‌یه.
ڕه‌وشت د ئیسلامێدا دینی هه‌مییێ ب خۆڤه دگریت، ب ئه‌نجامدانا فه‌رمانێن وى و دویركه‌ڤتنا ژ پاشڤه‌برنێن وێ.
زێده‌تر (9)
صه‌حیحا موسلمی (1/ 512) (746).
بهجة الناظرين شرح رياض الصالحين.
لسليم الهلالي (3/ 308).
شرح رياض الصالحين.
لابن عثيمين (6/ 660).
نزهة المتقين شرح رياض الصالحين.
لمصطفى الخن وغيره (2/ 1253).
كنوز رياض الصالحين.
لمجموعة من الباحثين (21/ 556).