ده‌رباره‌ی وی تشتێ ژ هه‌مییان پتر خه‌لكی دبه‌ته به‌حه‌شتێ پرسیار ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته كرن، ئینا گۆت: ((ته‌قوا خودێ و ڕه‌وشتێ جوان
ژ ئه‌بو هوره‌یره‌ی (خودێ ژێ ڕازی بیت) گۆت:
ده‌رباره‌ی وی تشتێ ژ هه‌مییان پتر خه‌لكی دبه‌ته به‌حه‌شتێ پرسیار ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته كرن، ئینا گۆت: ((ته‌قوا خودێ و ڕه‌وشتێ جوان)) و ده‌رباره‌ی وی تشتێ ژ هه‌مییان پتر خه‌لكی دبه‌ته جه‌هنه‌مێ پرسیار ژێ هاته كرن، ئینا گۆت: ((ده‌ڤ و عه‌وره‌ت)).
سُئِلَ رَسُولُ اللهِ صَلَّى اللهُ عَلَيْهِ وَسَلَّمَ عَنْ أَكْثَرِ مَا يُدْخِلُ النَّاسَ الْجَنَّةَ، فَقَالَ: «تَقْوَى اللهِ وَحُسْنُ الْخُلُقِ»، وَسُئِلَ عَنْ أَكْثَرِ مَا يُدْخِلُ النَّاسَ النَّارَ فَقَالَ: «الْفَمُ وَالْفَرْجُ».
پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو مه‌زنترین ئه‌گه‌رێن مرۆڤی دبه‌نه به‌حه‌شتێ؛ دوو ئه‌گه‌رن، ئه‌و ژی: ته‌قوا خودێ و ڕه‌وشتێ جوانن. ته‌قوا خودێ: ئه‌ڤه‌یه تو ناڤبڕه‌كی بدانییه د ناڤبه‌را خۆ و عه‌زابا خودێدا، ئه‌ڤه ژی ب ئه‌نجامدانا فه‌رمانێن وی و دویركه‌ڤتنا ژ پاشڤه‌برییێن وی. ڕه‌وشتێ جوان ژی: ئه‌ڤه‌یه ڕویێ ته یێ ڤه‌كری و گه‌ش بیت د ڕاستا خه‌لكیدا و تو باشییێ بگه‌هینییه وان و ده‌ستێ خۆ ژ نه‌خۆشی دروستكرن و ئه‌زیه‌ت گه‌هاندنا ب وان بكێشی. هه‌روه‌سا مه‌زنترین ئه‌گه‌رێن مرۆڤی دبه‌نه جه‌هنه‌مێ؛ دوو ئه‌گه‌رن، ئه‌و ژی: ئه‌زمان و عه‌ورەتن. ڤێجا ژ وان گونه‌هێن ب ئه‌زمانی دهێنه كرن: دره‌و و غه‌یبه‌ت و فه‌سادی و ژ بلی وان. ژ وان گونه‌هێن ب عه‌وره‌تی ژی دهێنه كرن: زینا و لیواط و ژ بلی وان.
چوونا به‌حه‌شتێ هنده‌ك ئه‌گه‌رێن هه‌ین كو گرێدایینه ب خودایێ مه‌زنڤه، ژ وان ژی: ته‌قوا و ترسا ژ خودێیه، كا چاوا هنده‌ك ئه‌گه‌رێن هه‌ین گرێدایینه ب خه‌لكیڤە، ژ وان ژی: ڕه‌وشتێ جوان.
مه‌ترسییا ئه‌زمانی ل سه‌ر خودانی و كو ئه‌و ئێكه ژ ئه‌گه‌رێن چوونا جه‌هنه‌مێ.
مه‌ترسییا حه‌ز و دلچوون و كارێن كرێت ل سه‌ر مرۆڤی و کو ئه‌و ژ هەمی ئەگەرێن دی یێن چوونا جەهنەمێ زێدەترە .
زێده‌تر (11)
سونه‌نا تیرمیزی (3/ 536) (2004).
سونەنا ئبن ماجه (5/ 318) (4246).
موسنه‌دا ئه‌حمه‌دی (13/ 287) (7907).
توضيح الأحكام من بلوغ المرام.
للبسام (7/ 509).
منحة العلام في شرح بلوغ المرام.
لعبد الله الفوزان (10/ 369).
فتح ذي الجلال والإكرام.
لابن عثيمين (6/ 453).
سبل السلام بشرح بلوغ المرام.
للصنعاني (2/ 696).