“នៅពេលដែលសពត្រូវបានដាក់ចុះ ហើយបុរសទាំងឡាយលើកសពនោះដាក់លើស្មារបស់ពួកគេ ប្រសិនបើសពនោះជាមនុស្សល្អ វានឹងនិយាយថា៖ នាំខ្ញុំទៅឲ្យលឿន។
អំពី អាពូសាអ៊ីត អាល់ឃុទរី رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“នៅពេលដែលសពត្រូវបានដាក់ចុះ ហើយបុរសទាំងឡាយលើកសពនោះដាក់លើស្មារបស់ពួកគេ ប្រសិនបើសពនោះជាមនុស្សល្អ វានឹងនិយាយថា៖ នាំខ្ញុំទៅឲ្យលឿន។ តែប្រសិនបើសពនោះមិនមែនជាមនុស្សល្អវិញនោះ វានឹងនិយាយថា៖ វិនាសអន្តរាយហើយ! តើពួកគេនាំវាទៅណា? អ្វីៗទាំងអស់សុទ្ធតែឮសំឡេងរបស់វា លើកលែងតែមនុស្សប៉ុណ្ណោះ។ ហើយប្រសិនបើមនុស្សឮសំឡេងវា ពួកគេនឹងសន្លប់ជាមិនខាន”។
«إِذَا وُضِعَتِ الجِنَازَةُ وَاحْتَمَلَهَا الرِّجَالُ عَلَى أَعْنَاقِهِمْ فَإِنْ كَانَتْ صَالِحَةً قَالَتْ: قَدِّمُونِي، وَإِنْ كَانَتْ غَيْرَ صَالِحَةٍ قَالَتْ: يَا وَيْلَهَا أَيْنَ يَذْهَبُونَ بِهَا؟ يَسْمَعُ صَوْتَهَا كُلُّ شَيْءٍ إِلَّا الإِنْسَانَ، وَلَوْ سَمِعَهُ صَعِقَ».
ណាពី ﷺ លោកបានប្រាប់ថា ជាការពិតណាស់ នៅពេលដែលសពត្រូវបានដាក់លើក្តារ(ឬមឈូស) ហើយបុរសៗលើកវាដាក់លើស្មា ប្រសិនបើសពនោះជាមនុស្សល្អ វានឹងនិយាយថា៖ នាំខ្ញុំទៅឲ្យលឿន ត្បិតវាបានឃើញនៅពីមុខវានូវបរមសុខ។ តែប្រសិនបើសពនោះមិនមែនជាមនុស្សល្អវិញនោះ វានឹងស្រែកដោយសំឡេងបដិសេធថា៖ តើពួកគេនាំវាទៅណា? ត្បិតវាបានឃើញនូវទណ្ឌកម្មដែលនៅពីមុខវា។ អ្វីៗទាំងអស់សុទ្ធតែឮសំឡេងរបស់វា លើកលែងតែមនុស្សប៉ុណ្ណោះ។ ប្រសិនបើមនុស្សឮសំឡេងនោះវិញ ពួកគេច្បាស់ជានឹងសន្លប់ដោយសារតែសម្រែកដ៏ខ្លាំងនៃសំឡេងនោះជាមិនខាន។
សពមនុស្សល្អនឹងបានឃើញដំណឹងរីករាយមុនពេលគេយកវាទៅបញ្ចុះ។ ចំណែកឯអ្នកគ្មានជំនឿវិញនឹងមានការភ័យខ្លាច ហើយឃើញផ្ទុយពីនេះ។
មានសំឡេងមួយចំនួនដែលភាវៈផ្សេងក្រៅពីមនុស្សអាចស្តាប់ឮ ប៉ុន្តែមនុស្សមិនអាចឮបាន។
តាមស៊ុណ្ណះ អ្នកដែលសែងសាកសព គឺជាបុរស មិនមែនស្ត្រីឡើយ ព្រោះណាពី ﷺ លោកបានហាមស្ត្រីមិនឱ្យដង្ហែរសព។
សហេស អាល់ពូខរី (2/ 85) (1314).
បន្ថែមទៀត (8)
بهجة الناظرين شرح رياض الصالحين.
لسليم الهلالي (1/ 513).
نزهة المتقين شرح رياض الصالحين.
لمجموعة من الباحثين (1/ 400).
كنوز رياض الصالحين.
لمجموعة من الباحثين (7/ 122).
شرح رياض الصالحين.
لابن عثيمين (4/ 546).