គេបានបញ្ចុះ(វ៉ាហ៊ី)ឲ្យរ៉ស៊ូលុលឡោះ ﷺ ក្នុងពេលដែលលោកមានអាយុសែសិបឆ្នាំ
អំពី អ៊ិពនូអាប់ហ្ពាស رضي الله عنهما បាននិយាយថា៖
គេបានបញ្ចុះ(វ៉ាហ៊ី)ឲ្យរ៉ស៊ូលុលឡោះ ﷺ ក្នុងពេលដែលលោកមានអាយុសែសិបឆ្នាំ។ បន្ទាប់មក លោកបានរស់នៅក្រុងម៉ាក្កះរយៈពេលដប់បីឆ្នាំ។ ក្រោយមក គេបានបង្គាប់ប្រើលោកឲ្យធ្វើចំណាកស្រុក(ហ៊ិជ្ជរ៉ោះ) ហើយលោកក៏បានធ្វើចំណាកស្រុកទៅកាន់ក្រុងម៉ាទីណះ។ លោកបានរស់នៅក្រុងម៉ាទីណះរយៈពេលដប់ឆ្នាំ។ ក្រោយមក លោកក៏ទទួលមរណភាព ﷺ។
أُنْزِلَ عَلَى رَسُولِ اللهِ صَلَّى اللهُ عَلَيْهِ وَسَلَّمَ وَهُوَ ابْنُ أَرْبَعِينَ، فَمَكَثَ بِمَكَّةَ ثَلَاثَ عَشْرَةَ سَنَةً، ثُمَّ أُمِرَ بِالْهِجْرَةِ، فَهَاجَرَ إِلَى الْمَدِينَةِ، فَمَكَثَ بِهَا عَشْرَ سِنِينَ، ثُمَّ تُوُفِّيَ صَلَّى اللهُ عَلَيْهِ وَسَلَّمَ.
អ៊ិពនូអាប់ហ្ពាស رضي الله عنهما បានប្រាប់ថា ជាការពិតណាស់ វ៉ាហ៊ីត្រូវគេបានបញ្ចុះទៅកាន់រ៉ស៊ូលុលឡោះ ﷺ ហើយលោកត្រូវបានគេតែងតាំងជាអ្នកនាំសារក្នុងពេលដែលលោកមានអាយុសែសិបឆ្នាំ។ លោកបានរស់នៅក្រុងម៉ាក្កះរយៈពេលដប់បីឆ្នាំក្រោយពេលដែលវ៉ាហ៊ីត្រូវបានគេបញ្ចុះ។ ក្រោយមក គេបានបង្គាប់ប្រើលោកឲ្យធ្វើចំណាកស្រុក(ហ៊ិជ្ជរ៉ោះ)ទៅកាន់ក្រុងម៉ាទីណះ ហើយលោកបានរស់នៅទីនោះរយៈពេលដប់ឆ្នាំ។ ក្រោយមក រ៉ស៊ូលុលឡោះ ﷺ លោកក៏បានទទួលមរណភាព ក្នុងជន្មាយុ៦៣ឆ្នាំ។
...:
ការយកចិត្តទុកដាក់របស់សហាហ្ពាត់ رضي الله عنهم ចំពោះជីវប្រវត្តិរបស់ណាពី ﷺ។
សហេស អាល់ពូខរី (5/ 45) (3851).
សហេស មូស្លីម (4/ 1826) (2351).
បន្ថែមទៀត (1)
عمدة القاري شرح صحيح البخاري (16/ 303).