“បុគ្គលណាដែលអល់ឡោះប្រាថ្នាចង់ឲ្យរូបគេបានល្អ ទ្រង់នឹងឲ្យជននោះយល់ដឹងអំពីសាសនា(អ៊ីស្លាម)

អំពី មូអាវីយ៉ះ رضي الله عنه បាននិយាយថា៖ ខ្ញុំបានឮណាពី ﷺ លោកបានមានប្រសាសន៍ថា៖

“បុគ្គលណាដែលអល់ឡោះប្រាថ្នាចង់ឲ្យរូបគេបានល្អ ទ្រង់នឹងឲ្យជននោះយល់ដឹងអំពីសាសនា(អ៊ីស្លាម)។ តាមពិត ខ្ញុំគ្រាន់តែជាអ្នកបែងចែកប៉ុណ្ណោះ ហើយអល់ឡោះជាអ្នកផ្តល់ឲ្យ។ ប្រជាជាតិនេះនៅតែឈរនៅលើបទបញ្ជារបស់អល់ឡោះជាម្ចាស់ជានិច្ច។ អ្នកដែលប្រឆាំងនឹងពួកគេមិនអាចបង្កគ្រោះថ្នាក់អ្វីដល់ពួកគេបានឡើយ រហូតទាល់តែបទបញ្ជារបស់អល់ឡោះបានមកដល់”។

«مَنْ يُرِدِ اللهُ بِهِ خَيْرًا يُفَقِّهْهُ فِي الدِّينِ، وَإِنَّمَا أَنَا قَاسِمٌ، وَاللهُ يُعْطِي، وَلَنْ تَزَالَ هَذِهِ الْأُمَّةُ قَائِمَةً عَلَى أَمْرِ اللهِ، لَا يَضُرُّهُمْ مَنْ خَالَفَهُمْ، حَتَّى يَأْتِيَ أَمْرُ اللهِ».

រាយការណ៍ដោយ អាល់ពូខរី និងមូស្លីម
ហាទីស្ហសហេស
ពន្យល់

ណាពី ﷺ លោកបានប្រាប់ថា ជាការពិតណាស់ ជនណាដែលអល់ឡោះជាម្ចាស់ប្រាថ្នាចង់ឲ្យរូបគេបានល្អ ទ្រង់នឹងប្រទានឲ្យគេនូវការយល់ដឹងអំពីសាសនាអ៊ីស្លាម។ ហើយពិតណាស់ ណាពី ﷺ លោកគ្រាន់តែជាអ្នកបែងចែក និងចែកចាយនូវអ្វីដែលអល់ឡោះជាម្ចាស់បានប្រទានដល់លោកនៃលាភសក្ការៈ ចំណេះវិជ្ជា និងអ្វីៗផ្សេងទៀតប៉ុណ្ណោះ។ រីឯអ្នកដែលផ្តល់ឲ្យពិតប្រាកដនោះ គឺអល់ឡោះជាម្ចាស់ទៅវិញទេ។ ចំណែកឯអ្វីផ្សេងទៀតក្រៅពីទ្រង់ គឺគ្រាន់តែជាមូលហេតុប៉ុណ្ណោះដែលវាមិនអាចផ្តល់ផលប្រយោជន៍អ្វីឡើយ លើកលែងដោយការអនុញ្ញាតពីអល់ឡោះ។ ម្យ៉ាងវិញទៀត ប្រជាជាតិនេះនៅតែឈរនៅលើបទបញ្ជារបស់អល់ឡោះជាម្ចាស់ជានិច្ចដោយអ្នកដែលប្រឆាំងនឹងពួកគេមិនអាចបង្កគ្រោះថ្នាក់អ្វីដល់ពួកគេបានឡើយ រហូតទាល់តែថ្ងៃបរលោកបានមកដល់។

ពន្យល់ពាក្យ

.....:

មេរៀនដែលទាញបានពីហាទីស្ហ

ភាពធំធេង និងឧត្តមភាពនៃចំណេះដឹងឥស្លាម និងការសិក្សាអំពីវា ហើយនិងជំរុញឲ្យសិក្សាអំពីវា។

ការឈរនៅលើការពិត គឺចាំបាច់ត្រូវតែមានក្នុងចំណោមប្រជាជាតិនេះ(ប្រជាជាតិព្យការីមូហាំម៉ាត់)ជាដរាប។ ប្រសិនបើក្រុមមួយមិនធ្វើវាទេនោះ គឺមានក្រុមផ្សេងដែលធ្វើវា។

ការឈ្វេងយល់ពីសាសនាឥស្លាម ស្ថិតក្នុងចំណោមបំណងដែលអល់ឡោះជាម្ចាស់ចង់ឲ្យខ្ញុំបម្រើរបស់ទ្រង់បានល្អ។

ណាពី ﷺ លោកផ្តល់ឲ្យនូវអ្វីមួយទៅតាមបទបញ្ជារបស់អល់ឡោះ និងចេតនារបស់ទ្រង់ប៉ុណ្ណោះ ហើយលោកពុំមែនជាអ្នកដែលមានកម្មសិទ្ធិគ្រប់គ្រងអ្វីមួយនោះឡើយ។

ឯកសារយោង

សហេស អាល់ពូខរី (1/ 25) (71).

សហេស មូស្លីម (2/ 718) (1037).

បន្ថែមទៀត (8)

توضيح الأحكام من بلوغ المرام.

للبسام (7/ 485).

منحة العلام في شرح بلوغ المرام.

لعبد الله الفوزان (10/ 324).

فتح ذي الجلال والإكرام.

لابن عثيمين (6/ 424).

سبل السلام بشرح بلوغ المرام.

للصنعاني (2/ 688).

25 សៀវភៅ
បន្ថែមទៀត (24)
កាតទាំងអស់