"Umuntu uzazindukira ku musigiti cyangwa se bugorobye, Allah yamuteguriye amazimano mu ijuru, buri uko aje azindutse mu rukerera cyangwa se aje bugorobye."
Hadith yaturutse kwa Abu Hurayrat (Imana imwishimire), nawe abikuye ku Ntumwa y'Imana (Imana iyihe amahoro n'imigisha) yaravuze iti:
"Umuntu uzazindukira ku musigiti cyangwa se bugorobye, Allah yamuteguriye amazimano mu ijuru, buri uko aje azindutse mu rukerera cyangwa se aje bugorobye."
«مَنْ غَدَا إِلَى الْمَسْجِدِ أَوْ رَاحَ أَعَدَّ اللهُ لَهُ فِي الْجَنَّةِ نُزُلًا، كُلَّمَا غَدَا أَوْ رَاحَ».
Intumwa y'Imana (Imana iyihe amahoro n'imigisha) yahaye inkuru nziza umuntu uje ku musigiti mu masengesho cyangwa se kubera gushaka ubumenyi cyangwa se azanywe n'ikindi mu ntego nziza, igihe cyose yahazira byaba mu rukerera cyangwa se bugorobye ko Allah yamuteguriye ahantu n'amazimano mu ijuru, buri uko aje ku musigiti byaba mu ijoro cyangwa se ku manywa.
Agaciro ko kujya ku musigiti, no gushishikariza guhozaho iswalat yo mu mbaga, ni bingahe mu bihembo n'ibyiza n'amazimano Allah yateguriye aberekera ku ngoro ye, ariko wawundi udakorera Iswalat ye ku musigiti akabihomba?
Niba abantu bazimanira umuntu uje abagana, bakamutegurira ibyo kurya no kunywa, Allah Nyir'ubutagatifu niwe munyabuntu kuruta ibindi biremwa bye byose! Uwerekeye kuri imwe mu ngoro ze aramuzimanira kandi akamuhemba, ndetse na Allah yamuteguriye ibihembo n'ingororano zihambaye kandi zikomeye.
Kwishima no kugirira ishyari ryiza ujya ku misigiti; kubera ko ategurirwa ibihembo n'ingororano bingana n'inshuro yagiyeyo.
Swahih Bukhari (1/ 133) (662).
Swahih Muslim (1/ 463) (669).
Inyongera. (6)
نزهة المتقين شرح رياض الصالحين.
لمجموعة من الباحثين (1/ 153).
شرح رياض الصالحين.
لابن عثيمين (2/ 166).
بهجة الناظرين شرح رياض الصالحين.
لسليم الهلالي (1/ 204).