Encyclopedia of Prophetic Hadiths

«Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi».

«wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga, arzãnẽ wã, n yeel-a : « ges-a la f ges bũmb ning Mam sẽn sεgl a pʋgẽ wã, n na n kõ nebã ». T’a Gibriil ges-a n lebg wa yeele : m wẽen ne Fo zɩslemã, ned ka be, n na n wʋm yãwã kibare, rẽndame t’a kẽ-a. Tɩ Wẽnd sagl tɩ b gũbg arzãnã ne yεl nins yõor sẽn kisã. La A yeel-a « ges-a la bũmb ning Mam sẽn sεgl tɩ be a pʋgẽ wã, n na n kõ nebã» . T’a lebg n tɩ ges-a, n mik tɩ b gilg-a lame ne yεl nins yõor sẽn kisi. T’a Gibriil yeele: “ m wẽen ne Fo zɩslemã, m yεεsdame tɩ ned baa a yembr kõn n kẽ-a ye” T’a yeele: kẽng n tɩ ges Bugmã la f ges bũmb ning Mam sẽn sεgl a pʋgẽ, n na n bĩng a nebã. T’a tʋg n ges-a, n mik tɩ Bugmã zombda taaba, t’a lebg n wa n yeel Wẽnde: “ m wẽen ne Fo zɩslemã ned baa a yembr kõn n kẽ yãwã ye”. Tɩ Wẽnd sagl tɩ b gilg Bugmã ne yõor yamleoog teedo, tɩ Wẽnd yeel-a: “lebg n tɩ ges-a”. T’a Gibriil tʋg n ges-a, n mik t’a yaa sẽn gũbg ne yõyã yamleoodo, t’a lebg n wa yeele: “ m wẽen ne Fo zɩslemã, ad mam yεεsdame tɩ ned baa a yembr ka na n põse, n ka kẽ Bugmã ye».

« Ned ning sẽn vẽnegda Alkʋrãanã kɑrengo yaa wala ned ning sẽn vẽnegda sãra, la ned ning sẽn solgda Alkʋrãanã karengo, a yaa wala ned ning sẽn solgda sãra maanego».

«Soabã sẽn wat n yɩɩd pẽnegr ne Yambã yaa yʋn-sʋka, rẽnd ned ning sẽn tõoga n na n yɩ neb nins sẽn tẽegd Wẽnd yʋʋrã wakat-kãngã, bɩ a yɩ».

Rao n wɑ Nabiyaamã nengẽ (Wẽnd pʋʋsg la A tɩlgr be a yĩnga) n yeele: fo yãa raoa sẽn baood keoor la yʋʋre, bõe la a tara? Tɩ Wẽnd Tẽn-tʋʋmã yeele (Wẽnd pʋʋsg la A tɩlgr be a yĩnga): «A ka tar baa fʋɩ» T'a lebg n yeel noor a tãabo. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «A ka tar baa fʋɩ». Rẽ poorẽ t'a yeele: «Ad Wẽnd ka sakd tʋʋmde, rẽndame tɩ yaa sẽn yɩ Yẽ yĩng bala, n baood A Nengã».

Tõnd yii yʋngo, saag sẽn ni la lik sẽn yaa kεgenga, n baood Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a wa pʋʋs nebã, a yeelame: tɩ mam tɩ paam-a, t'a yeele: «yeele» tɩ mam ka yeel baa fʋɩ ye, rẽ poorẽ t'a yeele: «yeele» , tɩ mam ka yeel baa fʋɩ ye, t'a yeele: «yeele», tɩ maam yeele: bõe la mam yeta? T'a yeele: «{Yeele: "Yẽnda lc",è:a Wẽnde, A yaa A Yembre} (kʋlhuwa Allah) la Ma'ʋʋzatayne (kʋl aʋʋz-rãmb a yiibã): fo sẽn wat n ta zaabr la fo sẽn wat n vẽeg beoogo, noor a tãabo, tɩ b sekda foom n yi bũmb fãa gill wẽnga».

«Wẽnd yʋʋrã tẽegr sẽn yɩɩdɑ, yɑɑ: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), lɑ kosg sẽn yɩɩdɑ, yɑɑ: Alhɑmdʋ lɩll-Lɑɑh, (Pẽgr be ne Wẽnde)».

Wẽnd Tẽn-tʋʋmã, ad a Saʿad ma wã maana kaalem, la yaa bõe doaag n yɩɩd sõmblem? Tɩ Tẽn-tʋʋmã yeele: «Yaa koom», a yeele: t'a tu bulga, la a yeele: woto yaa a Saʿad ma n so.