Encyclopedia of Prophetic Hadiths

«Sã n pa m sẽn da na n weoog muumin-rãmbã -maa: m poorẽ-rãmbã-, m rag n na sagl-b ne ra-wãbdga, Pʋʋsg wakat fãa».

«Ned ka be sẽn na n ning maam sallem, rẽndame tɩ Wẽnd lebs mam yõorã, tɩ m lebs a soabã pʋʋsgã».

Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda-.

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) saglsã wʋsgã fãa kũumã sẽn wa n wa-a wã wakatã, rag n yɩɩme: «M sagend-y lame ne Pʋʋsgo, la y nusã sẽn so wã, m sagend-y-la ne Pʋʋsgã, la y nusã sẽn so wã». Halɩ tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) wa maand t'a be a sũurẽ wã n vũudẽ, t'a zelemdã ka tõe n yiis-a ye.

Tɩ neb saar sẽn yi Nabiyaamã Ṣahaabsẽ wã (Wẽnd pʋʋsg la A tɩlgr be a yĩnga) n sok Nabiyaamã pagbã (Wẽnd pʋʋsg la A tɩlgr be a yĩnga) Nabiyaamã tʋʋm sẽn solge? Tɩ b sãnda yeele: m ka na n fur pagb ye, la sãnda yeele: m ka na n wãb nemd ye, tɩ sãna yeele: m kõn n gãand pĩir zugu, tɩ Nabiyaamã pẽg Wẽnde la a soees-A, rẽ poorẽ t'a yeele:«Yaa bõe n tar neb tɩ b yet tɩ woto la woto? La ad mam pʋʋsdame la m gãandedẽ, la m loet noore la m kaoodẽ, la m loet pagb furi, rẽnd ned ning sẽn basa mam Sũnnah, a ka be mam sagellã tũudum pʋgẽ ye».

B sika wahɩ wã Wẽnd Tẽn-tʋʋma, (Wẽnd pʋʋsg la A tɩlgr be a yĩnga), zugu, t’a tara yʋʋm pis-naase, t’a zĩnd Mak yʋʋm piig la a tãabo, rẽ poorẽ, tɩ b sagl-a, t’a yik n kẽng Madiina, t'ɑ zĩnd beenẽ yʋʋm piiga, rẽ poorẽ, a maana kaalem, (Wẽnd pʋʋsg la A tɩlgr be a yĩnga).

Wahɩ wã rẽenem sẽn sɩng Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yaa zãms sõngo goẽeme, a rag yɩɩme n ka yãt zãmsdo rẽndame t'a yɩ wala yibeoog vẽegre, rẽ poorẽ t'a bʋ nonglem ne lakre, t'a rag n lakd n kẽngd Gaari Hɩraa' (Hɩraa longẽ wã) n tʋg n tũud Wẽnd beenẽ, yʋnd saare, taoor t'a na n ka lebg n kẽng a zakã rãmbẽ, n baood sɩrfãnta yel-kãngã yĩnga, rẽ poorẽ t'a lebg n kẽng a Hadiigã nengẽ, n segl sɩrfanta yεsa, halɩ tɩ Sɩdã wa a nengẽ t'a bee Hɩraa' longẽ wã, tɩ Malεkã wa a nengẽ, n yeel-a: kareme, t'a yeele: «m ka mi kareng ye». A yeelame: «Rẽnd a gãda maam n mobg maam halɩ tɩ wɩng maam, rẽ poorẽ t'a bas maam n yeele kareme». Tɩ mam yeele: «mam ka mi kareng ye». T'a gãd maam n mobg maam noor a yiib soabã halɩ tɩ yɑɑms paam maam, rẽ poorẽ t'a bas maam n yeele: kareme, tɩ mam yeele «mam ka mi kareng ye». T'a leb n gãd maam n mobg maam noor a tãab soabã, rẽ poorẽ t'a bas maam, n yeele: {Karem ne f Soab ning sẽn naan-a wã yʋʋre. A naana ninsaalã ne zɩ-pelle. Karem, tɩ fo Soabã n yɩɩd ne kũuni.}. [Al-ʿAlaƙ (Zɩ-pellã sʋʋra):1-3]. Wẽnd Tẽn-tʋʋmã (Wẽnd pʋʋsg la A tɩlgr be a yĩnga) lebgame t'a sũurã yaa sẽn rigdi, n kẽng a Hadiigã Bintu Hʋlaylad nengẽ (Wẽnd yard be a yĩnga) n yeele: «Lud-y-ma». Tɩ b lud-a halɩ tɩ pelen-yɩkã wa sε. T'a yeel a Hadiigã n togs-a kibarã, ad mam yεεsa bũmb na n wa maan-ma, t'a Hadiigã yeele: ayoo, m wẽen ne Wẽnde, Wẽnd kõn n ning foom yãnd lae ye, ad fo tõkda rogem, la f tʋkd zɩɩb n basd b rãmba, la fo kõt sẽn ka tara, la fo monogd sãana, la fo sõngd zãmaanã yel-kegemsã wakato. T'a Hadiigε yi ne-a n kẽng a Warƙat ɭbn Nawfal ɭbn Asad ɭbn ʿAbd AlʿƲzaa nengẽ, sẽn yaa a Hadigã saambɩb biigã, la yẽ rag n yaa ned sẽn be Ahlu kitaab (Gaf a taabã) rãmbã dĩinã pʋgẽ, a rag n gʋlsda Lingiilã ne Yahuud-rãmbã goama, Wẽnd sẽn tʋll t'a gʋls tεka, la a rag n lebga nin-kẽem wʋsgo, t'a ninã meneme. T'a Hadiigã yeel-a: m saambib biiga: kelg f saam-biiga biig sẽn yete. La a Warƙat yeel Nabiyaamã: m saam-biig biiga, yaa bõe la fo yã? Tɩ Tẽn-tʋʋmã kõ-a kibare ne a sẽn yã wã. La a Warƙat yeel-a: yaa yãwã la Tẽn-tʋʋm ninga sẽn sig a Muusa nengẽ wã, kato! M sã n da yɩẽ rasãnga a wakatã,. Kato, m sã n rã vɩ fo nebã sẽn wat na n yiis foomã. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «B na n yiisa maam la?» La a yeel yã: n-yee, ned ka wa ne fo sẽn wa ne wã sẽn looge, rẽndame tɩ b maan-a beem, la fo raarã sã n paam maam, m na sõng-f sõngr sẽn tar pãnga. Rẽ poorẽ ka kaoos t'a Warƙat maan kaalem, tɩ Wahɩ wã wãag wakat n ka watẽ ye.

Muumin-rãmbã ma wã, kõ maam kibar ne Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) zʋgdã: t'a yeele: fo ka karem Alkʋrãan laa? Tɩ mam yeele: n-yee, t'a yeele: Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana.