((خۆ ژ گومانا خراب بپارێزن؛ چونكی گومان دره‌وترین ئاخڤتنه
ئه‌بو هوره‌یره (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((خۆ ژ گومانا خراب بپارێزن؛ چونكی گومان دره‌وترین ئاخڤتنه، دویڤچوونا كێماسییێن ئێكودوو نه‌كه‌ن و ل دویڤ نهێنییێن ئێكودوو نه‌گه‌ڕییێن، حه‌سویدییێ ب ئێكودوو نه‌به‌ن، پشتا خۆ نه‌ده‌نه ئێكودوو، كه‌رب و كینێ ل دژی ئێكودوو ڕانه‌كه‌ن و ببنه عه‌بدێن خودێ و برایێن ئێك)).
«إِيَّاكُمْ وَالظَّنَّ؛ فَإِنَّ الظَّنَّ أَكْذَبُ الْحَدِيثِ، وَلَا تَحَسَّسُوا، وَلَا تَجَسَّسُوا، وَلَا تَحَاسَدُوا، وَلَا تَدَابَرُوا، وَلَا تَبَاغَضُوا، وَكُونُوا عِبَادَ اللهِ إِخْوَانًا».
پێغه‌مبه‌ر (صه‌لات و سه‌لامێن خودێ ل سه‌ر بن) پاشڤه‌برنێ دكه‌ت و مه ژ هنده‌ك كریاران هشیار دكه‌ت كو دبنه ئه‌گه‌رێ دووبه‌ره‌كی و ژێكڤه‌بوون و دوژمناهییێ د ناڤبه‌را موسلماناندا، ژ وان ژی: (گومان): كو ئه‌و ژی تومه‌تباركرنه‌كا د ناڤ دلیدا په‌یدا دبیت بێی به‌ڵگه، و دیار كر كو ئه‌و دره‌وترین ئاخڤتنه. هه‌روه‌سا ژ (دویڤچوونا كێماسییان): كو ئه‌و ژی گه‌ڕیان و دویڤچوونه ل دویڤ كێماسییێن خه‌لكی ب چاڤی یان ب گوهی. ژ (گه‌ڕیانا ل دویڤ نهێنییان): كو ئه‌و ژی ل دویڤگه‌ڕیانه ل سه‌ر تشتێن ڤه‌شارتی و پتر د كریارێن خرابدا بكار دهێت. ژ (حه‌سویدییێ): كو ئه‌و ژی ئه‌ڤه‌یه مرۆڤ حه‌ز نه‌كه‌ت خۆشی و نیعمه‌ت بگه‌هنه كه‌سێن دی. ژ (پشتدانێ): ب هندێ كو هنده‌ك پشتا خۆ بده‌نه هنده‌كێن دی، ڤێجا نه سلاڤی ئێك بكه‌ن و نه سه‌ره‌دانا برایێ خۆ یێ موسلمان بكه‌ن. ژ (كه‌رب و كینێ): و حه‌زنه‌كرن و ژێ دویركه‌ڤتنێ، وه‌كی ئێشاندنا خه‌لكی و گرژكرن و تێكدانا ناڤچاڤان و خراب سه‌ره‌ده‌ریكرنێ. پاشی په‌یڤه‌كا گشتی و ڤه‌گر گۆت كو ڕه‌وشا موسلمانان پێ د گه‌ل ئێك باش دبیت: ((و ببنه عه‌بدێن خودێ و برایێن ئێك)). چونكی برایینی ئه‌و په‌یوه‌ندییه یا په‌یوه‌ندییێن خه‌لكی پێ پێكڤه دهێنه گرێدان و ڤیان و حه‌زژێكرن و ئێكڕێزی و ڤێككرنێ د ناڤبه‌را واندا زێده دكه‌ت.
...:
گومانا خراب زیانێ ناگه‌هینیته وی كه‌سێ نیشانێن خرابییێ ل سه‌ر دیار دبن، و پێدڤییه باوه‌ردار یێ ژیر و هشیار بیت و ب كه‌سێن خراب و گونه‌هكار نه‌هێته خاپاندن.
مه‌ره‌م پێ هشیاركرنه ژ وێ تومه‌تێ یا د ناڤ ده‌روونیدا جێگر و بنه‌جھ دبیت و مرۆڤ ل سه‌ر به‌رده‌وام دبیت، به‌لێ ئه‌و تشتێ د سه‌ر دلێ مرۆڤیڕا دهێت و نامینیت، ئه‌ڤا هه‌نێ مرۆڤ ل سه‌ر ناهێته سزادان.
حه‌رامبوونا ئه‌گه‌رێن ژ ئێك جودابوون و بڕینا په‌یوه‌ندییێ د ناڤبه‌را ئه‌ندامێن جڤاكێ موسلماندا، وه‌كی سیخۆریكرن و حه‌سویدیبرن و تشتێن ب وی ڕه‌نگی.
وه‌سییه‌تكرن ب هندێ كو سه‌ره‌ده‌ری د گه‌ل موسلمانی وه‌كی سه‌ره‌ده‌رییا برایینییێ بهێته كرن د شیره‌تكرن و ڤیان و حه‌زژێكرنێدا.
زێده‌تر (8)
صه‌حیحا بۆخاری (8/ 19) (6064).
صه‌حیحا موسلمی (4/ 1985) (2563).
منحة العلام في شرح بلوغ المرام.
لعبد الله الفوزان (10/ 219).
توضيح الأحكام من بلوغ المرام.
للبسام (7/ 414).
فتح ذي الجلال والإكرام بشرح بلوغ المرام.
لابن عثيمين (6/ 363).
Cited in books
2 Booksزێده‌تر (2)
- قاموس الكبائرموسوعة الكبائر - المجموعة الرابعة«إِيَّاكُمْ وَالظَّنَّ، فَإِنَّ الظَّنَّ أَكْذَبُ الْحَدِيثِ، وَلَا تَحَسَّسُوا، وَلَا تَجَسَّسُوا، وَلَا تَحَاسَدُوا، وَلَا تَدَابَرُوا، وَلَا تَبَاغَضُوا، وَكُونُوا عِبَادَ اللَّهِ إِخْوَانًا»[1].
- قاموس الكبائرموسوعة الكبائر - المجموعة الرابعة«وَلَا تَبَاغَضُوا، وَكُونُوا عِبَادَ اللَّهِ إِخْوَانًا»[29].