((بلا به‌رده‌وام ئه‌زمانێ ته یێ ته‌ڕ بیت ژ زكرێ خودێ
ژ عه‌بدولڵاهێ كوڕێ بۆسری (خودێ ژێ ڕازی بیت) گۆت: زه‌لامه‌ك هاته ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن)، گۆت: ئه‌ی پێغه‌مبه‌رێ خودێ؛ شه‌ریعه‌ت و ئه‌ركێن ئیسلامێ ل مه زێده‌بوون، ئه‌رێ ده‌رگه‌هه‌كێ كۆمكه‌ر هه‌یه ئه‌م خۆ پێڤه بگرین؟ گۆت:
((بلا به‌رده‌وام ئه‌زمانێ ته یێ ته‌ڕ بیت ژ زكرێ خودێ)). و د ڤه‌گوهاستنه‌كا دیدا هاتییه ژ فه‌رمووده‌یا موعازێ كوڕێ جه‌به‌لی (خودێ ژێ ڕازی بیت): دویماهیك تشتێ من پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ل سه‌ر بجھ هێلای، ئه‌و بوو كو من گۆت: كیژ كار باشتر و نێزیكتره ژ خودێ؟ گۆت: «ئه‌ڤه‌یه تو بمری و ئه‌زمانێ ته ب زكرێ خودایێ مه‌زن یێ ته‌ڕ بیت)).
«لاَ يَزَالُ لِسَانُكَ رَطْبًا مِنْ ذِكْرِ اللَّهِ». وفي رواية: مِنْ حَدِيثِ مُعَاذِ بْنِ جَبَلٍ رَضِيَ اللَّهُ عَنْهُ: آخِرُ مَا فَارَقْتُ عَلَيْهِ رَسُولَ اللَّهِ صَلَّى اللَّهُ عَلَيْهِ وَسَلَّمَ أَنْ قُلْتُ: أَيُّ الأَعْمَالِ خَيْرٌ وَأَقْرَبُ إِلَى اللَّهِ؟ قَالَ: «أَنْ تَمُوتَ وَلِسَانُكَ رَطْبٌ مِنْ ذِكْرِ اللَّهِ عَزَّ وَجَلَّ».
زه‌لامه‌كی گازنده‌یێن خۆ ئینانه ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆتێ كو عیباده‌تێن سوننه‌ت ل سه‌ر وی بوونه گه‌له‌ك و ئێدی ئه‌و نه‌شێت ژ به‌ر لاوازییا خۆ هه‌مییان بكه‌ت، پاشی داخواز ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كو ئه‌و به‌رێ وی بده‌ته كاره‌كێ ب ساناهی كو خێره‌كا مه‌زن پێڤه بهێت، دا ئێدی ده‌ست پێڤه بگریت و به‌رده‌وام ئه‌نجام بده‌ت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) به‌رێ وی دا هندێ كو به‌رده‌وام ئه‌زمانێ وی یێ ته‌ڕ و لڤۆك بیت ژ زكرێ خودایێ مه‌زن و د هه‌می ده‌م و ڕه‌وشاندا ئه‌زمانێ خۆ ژ زكرێ خودێ ڕانه‌وه‌ستینیت، ژ ته‌سبیح و ته‌حمید و ئیستیغفار و دوعاكرنێ و یێن وه‌كی وان.
قه‌در و بهایێ به‌رده‌وامبوونێ ل سه‌ر زكرێ خودایێ مه‌زن.
ژ قه‌نجی و باشییێن خودێ یێن مه‌زن ل سه‌ر مه ئه‌ڤه‌یه وی ئه‌گه‌رێن ب ده‌ستڤه‌ئینانا خێرێ ب ساناهی لێكرینه.
به‌هرا مرۆڤان د بابه‌تێن خێر و باشییێدا وه‌كی ئێك نینه و د ژێكجودانه.
گه‌له‌ك كرنا زكری ب ئه‌زمانی، چ ئه‌ڤ زكره ته‌سبیح بن یان ته‌حمید یان ته‌هلیل یان ته‌كبیر بن یان هه‌ر زكره‌كێ دی بیت، د گه‌ل ئاماده‌بوونا دلی د گه‌ل زكری، ئه‌ڤا هه‌نێ جهێ گه‌له‌ك عیباده‌تێن سوننه‌ت دگریت.
پێغه‌مبه‌ری (صه‌لات و سه‌لامێن خودێ ل سه‌ر بن) ڕه‌وشا پرسیاركه‌ران به‌رچاڤ وه‌ردگرت و هه‌ر ئێكی به‌رسڤه‌كا بۆ وی بگونجیت ددایێ.
زێده‌تر (11)
سونه‌نا تیرمیزی (5/ 318) (3375).
سونەنا ئبن ماجه (4/ 707) (3793).
موسنه‌دا ئه‌حمه‌دی (29/ 226) (17680).
جامع العلوم والحكم في شرح خمسين حديثا من جوامع الكلم.
لابن رجب الحنبلي (2/ 510).
التحفة الربانية في شرح الأربعين حديثًا النووية.
لإسماعيل الأنصاري (ص104).
فتح القوي المتين في شرح الأربعين وتتمة الخمسين.
للنووي وابن رجب (ص154).
الأحاديث الأربعون النووية وعليها الشرح الموجز المفيد.
لعبد الله بن صالح المحسن (ص93).