الحسن بن يسار البصري
الإسم
អាល់ហាសាន់ កូន យ៉ាសៀរ អាល់ហ្ពាសរី
اسم الشهرة
អាល់ហាសាន់ អាល់ហ្ពាសរី
نبذة مختصرة
អាល់ហាសាន់ កូន យ៉ាសៀរ អាល់ហ្ពាសរី អាពូ សាអ៊ីត ជាតាពីអ៊ីនម្នាក់ (អ្នករស់នៅបន្ទាប់ពីសហាហ្ពាត់) ដែលអ្នកប្រាជ្ញផ្នែកច្បាប់សាសនា (ហ្វីកោះ) ដែលគួរឱ្យទុកចិត្ត និងជាអ្នករាយកាណ៍ហាទីសយ៉ាងច្រើនផងដែរ។ លោកកើតនៅទីក្រុងម៉ាទីណះនៅឆ្នាំ ២១ ម.ស ។ លោកជាអ៊ីម៉ាំ (អ្នកដឹកនាំសាសនា) នៃប្រជាជននៅទីក្រុងពូសរ៉ោះ និងជាកំពូលអ្នកប្រាជ្ញដ៏ល្បីនៃប្រជាជាតិមូស្លីមនៅសម័យរបស់លោក។ លោកជាអ្នកប្រាជ្ញផ្នែកច្បាប់ដែលនិយាយបានក្បោះក្បាយ មានភាពក្លាហាន និងជាអ្នកធ្វើអ៊ីហ្ពាទាត់ដ៏ខ្លាំងម្នាក់។ លោកបានរស់នៅទីក្រុងពូសរ៉ោះ ហើយមានកេរ្តិ៍ឈ្មោះគួរឱ្យគោរព ដែលធ្វើឱ្យលោកអាចចូលទៅជួបអភិបាលនានា ដើម្បីបង្គាប់ ឬហាមឃាត់ពួកគេដោយមិនខ្លាចការស្តីបន្ទោសនៅពេលនិយាយការពិត។ លោកមានជម្លោះជាមួយលោកអាល់ហាជ្ជាជ កូន យូសុះ ប៉ុន្តែបានរួចផុតពីគ្រោះថ្នាក់នោះ។ នៅពេលលោកអ៊ូម៉ើរ កូន អាប់ទុល អាហ្ស៊ីស ឡើងកាន់តំណែងជាខលីហ្វះ លោកបានសរសេរលិខិតទៅកាន់អាល់ហាសាន់ថា៖ «ខ្ញុំត្រូវបានសាកល្បងជាមួយភារកិច្ច(បញ្ហា)នេះ ដូច្នេះសូមរកជំនួយដែលអាចជួយខ្ញុំបាន»។ អាល់ហាសាន់ បានឆ្លើយតបថា៖ «ចំពោះអ្នកដែលស្រឡាញ់លោកិយ អ្នកមិនចង់បានពួកគេ(ធ្វើជាជំនួយរបស់អ្នក)ទេ ហើយចំពោះអ្នកដែលស្រឡាញ់ជីវិតបន្ទាប់(បរលោក) ពួកគេក៏មិនចង់បានអ្នកដែរ។ ដូច្នេះ ចូរសុំជំនួយពីអល់ឡោះ»។ លោកបានទទួលមរណភាពនៅឆ្នាំ ១១០ ម.ស។