Encyclopedia of Prophetic Hadiths

"Si nou te mete tout konfyans nou nan Allah jan nou dwe fèl la, Li t ap bay nou pwovizyon menm jan Li bay zwazo yo. Yo pati nan maten ak vant vid, epi yo tounen nan aswè ak vant plen."

Pa fè lwanj pou mwen depase limit (pa egzajere nan fè lwanj pou mwen) jan kretyen yo te fè pou pitit Mari a (Jezi); paske mwen se yon sèvitè Allah sèlman. Kidonk, di: Sèvitè Allah ak Mesaje Li.

"«Si nou te mete tout konfyans nou nan Allah jan nou dwe fèl la, Li t ap ban nou pwovizyon menm jan Li bay zwazo yo: yo soti nan maten ak vant vid epi yo tounen nan aswè ak vant plen.»"

« Si Muezzin nan di: "Allahu Akbar, Allahu Akbar" (Allah se pi gran an, Allah se pi gran an), epi youn nan nou repete: "Allahu Akbar, Allahu Akbar". Lèl di: "Ash-hadu an la ilaha illa Allah" (Mwen temwanye ke pa gen lòt dye eksepte Allah), moun nan reponn: "Ash-hadu an la ilaha illa Allah". Lèl di: "Ash-hadu anna Muhammadan Rasoul Allah" (Mwen temwanye ke Muhammad se mesaje Allah a), moun nan reponn: "Ash-hadu anna Muhammadan Rasoul Allah". Lèl di: "Hayya 'alas-salah" (Vini pou lapriyè), moun nan reponn: "La hawla wa la quwwata illa billah" (Pa gen okenn chanjman ak okenn fòs eksepte nan Allah). Lèl di: "Hayya 'alal-falah" (Vini pou siksè), moun nan reponn: "La hawla wa la quwwata illa billah". Lèl di: "Allahu Akbar, Allahu Akbar" (Allah se pi gran an, Allah se pi gran an), moun nan reponn: "Allahu Akbar, Allahu Akbar". Lèl di: "La ilaha illa Allah" (Pa gen okenn dye eksepte Allah), moun nan reponn: "La ilaha illa Allah" ak senserite nan kè li, moun sa a ap antre nan Paradi a. »

"Anverite, aksyon yo depann sou entansyon, epi chak moun ap jwenn sal te gen nan entansyon li. Donk, nenpòt moun ki fè 'hijra' (imigrasyon l) pou Allah e ak Mesaje li a, 'hijra' li a se pou Allah ak Mesaje li a. Men, nenpòt moun ki fè 'hijra' li poul jwenn yon benefis nan mond nan, oswa poul marye ak yon fanm, donk 'hijra' li a se pou sa li te fè 'hijra' a pou li." Nan yon lòt vèsyon (hadis) nan liv Al-Bukhari, li di: "Anverite, aksyon yo depann sou entansyon yo, epi chak moun ap jwenn sal te gen nan entansyon li."

Yon jou, pandan nou te chita bò kote Mesaje Allah a (kè poze ak benediksyon Allah sou li), gen yon mesye ki parèt devan nou. Rad li te blan anpil, epi chevel te nwa anpil. Pat gen okenn mak sou li ki montrel tap soti nan vwayaj, epi pèsonn nan nou pat konnen li avan sa . Li avanse jouk li chita devan Pwofèt la (kè poze ak benediksyon Allah sou li). Li kole 2 jenoul ak jenou Pwofèt la, epi li poze 2 pla men li sou pwòp kwis li. Li di : — « O Muhammad, fèm konnen kisa Islam ye. » Mesaje Allah a (kè poze ak benediksyon Allah sou li) reponn : — « Islam se pouw temwaye pa gen lòt dye Sèlman Allah, epi Muhammad se mesaje Allah ; se pouw akonpli lapriyè ; bay Zakat la ; fè jèn nan mwa Ramadan ; epi fè pelerinaj nan Kay la si mw gen mwayen pouw fè wout la. » Mesye a di : — « Ou di verite. » (Oumar kap rakonte a di : Sa te fè nou sezi wè lap poze li kesyon epi lap konfime repons lan anmenmtan.) Aprèsa li di ankò : — « Fè m konnen kisa Imaan (Lafwa) ye. » Pwofèt la reponn : — « Se pouw kwè nan Allah, nan zanj Li yo, nan liv Li yo, nan mesaje li yo, nan Dènye Jou a, epi pouw kwè nan desten an, kit li pote sa ki byen, kit li pote sa ki mal. » Mesye a di ankò : — « Ou di verite. Fè m konnen kisa Ihsan (Ekselans) ye. » Pwofèt la reponn : — « Se pouw adore Allah kòmsi wap wè li, paske menm siw pa wèl, Li menm Li wè w. » Li di ankò : — « Fè m konnen ki lè Jou Jijman an ap rive. » Pwofèt la reponn : — « Moun yap poze kesyon an pa konn plis pase moun kap poze kesyon an. » Li di : — « Enben, fèm konnen ki siy kap anonsel » Pwofèt la reponn : — « Se lè sèvant lan ap fè pitit ki pral tounen mèt li, epi lèw wè moun kap mache pye atè, ki toutouni, ki pòv, ki tap gade mouton, ap fè konpetisyon pou bati gwo bilding ki byen wo. » Aprèsa Mesye a ale. Mwen (Oumar) te rete la yon bon ti tan. Aprèsa Pwofèt la dim : — « O Oumar, èskew konnen kiyès ki tap poze kesyon yo ? » Mwen reponn : — « Allah ak Mesajel la konnen pi byen. » Pwofèt la di : — « Se te Jibril (Zanj Gabriyèl), li te vin jwenn nou poul moutre nou relijyon nou an. »

«Anverite, Allah (Toupwisan ak Majestye) entèdi nou fè sèman sou papa nou yo», Omar te di: Epi, pa Allah, mwen pa janm fè sèman sou yo depi mwen te tande Mesaje Allah a (ke lapè ak benediksyon Allah sou li) te entèdi sa, ni an pwòp inisyativ mwen, ni nan repete pawòl lòt moun.