Encyclopedia of Prophetic Hadiths

«Ranje ran nou yo dwat, paske ranje ran yo dwat se youn nan sa ki rann lapriyè a konplè.»

Mwen te tande Mesaje Allah a (se pou lapè ak benediksyon Allah sou li) ap di: «Allah, Sila a ki Beni epi ki Trè Wo a, di: O pitit Adan! Toutotan ou priyem epi ou mete espwa ou nan Mwen, Map padone ou pou kèlkeswa sa ou te fè, epi sa pa deranjem. O pitit Adan! Menmsi peche ou yo ta rive jouk nan nwaj syèl la, epi aprèsa ou mandem padon, Map padone ou, epi sa pa deranjem. O pitit Adan! Anverite, si ou ta vin jwenn Mwen ak yon kantite peche ki prèske plen tè a, epi aprèsa ou rankontre Mwen san ou pa asosye anyen avèk Mwen, Map vin jwenn ou ak menm kantite padon an.»

«Sètènman, Allah pa fè kwayan an enjistis pou yon bon aksyon, yap ba li rekonpans pou li sou tè a, epi lap jwenn rekonpans pou li nan lòt lavi a. Men, kanta pou moun ki pa kwè a, yap nouri li daprè bon aksyon li te fè pou Allah sou tè a, jiskaske lè li rive nan lòt lavi a, li pap gen okenn bon aksyon pou li jwenn rekonpans pou li.»

Lè Pwofèt la (Lapè ak benediksyon Allah sou li) te antre nan twalèt la, li te konn di: «O Allah! Mwen mande Ou pwoteksyon kont move lespri mal yo ak move lespri femèl yo».

Yon mesye te poze Pwofèt la (lapè ak benediksyon Allah sou li) kesyon sou Lè a (Jou Jijman an), li te di: "Kilè Lè a ap ye?" Pwofèt la di: "E kisa ou te prepare pou li?" Mesye a reponn: "Anyen, eksepte ke mwen renmen Allah ak Mesajel la (lapè ak benediksyon Allah sou li)." Lè sa a, Pwofèt la di: "Ou pral ansanm ak moun ou renmen an." Anas (sekrètè Pwofèt la) te di: "Nou pa janm te kontan pou anyen jan nou te kontan pou pawòl Pwofèt la lèl te di: 'Ou pral ansanm ak moun ou renmen an.'" Anas te ajoute: "Mwen menm, mwen renmen Pwofèt la, Abou Bakr, ak Oumar, epi mwen espere map ansanm avèk yo gras avèk lanmou mwen genyen pou yo a, menmsi zèv mwen pa rive nan nivo zèv pa yo."

«Sètènman, pami siy Lè a(jou jijman an) : konesans lan ap disparèt, inyorans ap ogmante, ap gen anpil Zina (fònikasyon ak adiltè), moun ap bwè anpil alkòl, kantite gason ap diminye, epi kantite fanm ap ogmante, jiskaske se yon sèl gason ki pral responsab pou pran swen senkant (50) fanm.»

Allah Toupwisan an ap di moun ki nan Lanfè kap resevwa pinisyon ki pi piti a nan Jou Jijman an: «Siw te posede tout sa ki sou latè, èskew ta bay li kòm ranson pou sove tèt ou?» Lè sa a, lap reponn: «Wi.» Lè sa a Allah ap dil: «Mwen te mandew yon bagay ki pi senp pase sa lontan depi lèw te nan ren Adan: pouw pat mete okenn asosye avèm nan adorasyon an, men ou te refize e ou te pèsiste pouw mete lòt dye ansanm avèm.»

Pwofèt la (ke lapè ak benediksyon Allah sou li) te monte sou yon bèt (chamo), epi Mu'adh te dèyè li. Pwofèt la di: "O Mu'adh ibn Jabal!" Mu'adh reponn: "Mwen la pou sèvi ou, O Mesaje Allah, epi mwen pare poum obeyi ou!" Pwofèt la repete: "O Mu'adh!" Li reponn: "Mwen la pou sèvi ou, O Mesaje Allah, e mwen pare poum obeyi ou!" (Sa te rive 3 fwa). Epi Pwofèt la di: "Pa gen pèsonn ki temwanye sensèman nan kè li ke pa gen lòt dye eksepte Allah e ke Muhammad se mesaje Allah a, san Allah pa entèdi dife lanfè a pou li." Mu'adh di: "O Mesaje Allah, èske mwen pa dwe anonse moun yo sa pou yo ka kontan?" Pwofèt la reponn: "Si ou fè sa, yap konte sou sa (yap sispann fè efò)." Aprèsa , Mu'adh te rakonte sa anvan li mouri, paske li te pè pou li pat kache yon konesans.