Encyclopedia of Prophetic Hadiths

«Yon fi pa dwe vwayaje pou yon distans 2 jou esepte avèk maril oswa yon mahram, epi pa dwe gen jèn nan 2 jou: Al-Fitr ak Al-Adha, epi pa dwe gen priyè aprè Subh jiskaske solèy la leve, ni aprè Asr jiskaske solèy la kouche, epi yo pa dwe antreprann vwayaj esepte pou 3 moske: Moske Al-Haram, Moske Al-Aqsa, ak moskem nan la a».

«Anverite, Allah (ki Beni epi ki Egzalte) ap di abitan Paradi yo: "O abitan Paradi yo!" Yap reponn: "Men nou prezan, Seyè nou, nou devwe nèt nan sèvis Ou." Lap di: "Èske nou satisfè?" Yap reponn: "Poukisa pou nou pa ta satisfè alòske Ou ban nou sa Ou pa bay okenn nan kreyati Ou yo?" Lap di: "Map ban nou sa ki pi bon pase sa." Yo pral di: "O Seyè nou, epi kisa ki ka pi bon pase sa?" Lap di: "Mwen desann satisfaksyon Mwen sou nou, epi Mwen pap janm an kòlè kont nou ankò aprèsa pou toutan."»

"Pwofèt la (ke lapè ak benediksyon Allah sou li) te pi timid pase yon jèn fi vyèj nan chanm li, epi lè li te wè yon bagay li pat renmen, nou te konn rekonèt sa nan figi li."

« Sètènman, pami pi gwo djihad yo se yon pawòl jistis devan yon dirijan ki enjis. »

«Nenpòt moun pami nou ki wè yon move zak, se poul chanjel ak men li; epi si li pa kapab, ak lang li; epi si li pa kapab, ak kè li, epi sa a se nivo lafwa ki pi fèb la.»

«Si youn nan nou gen dout nan lapriyè li, epi li pa konnen konbyen Raka li te fè, si li priye 3 oswa 4 rakar se pou li voye dout la jete epi baze li sou sa li sèten an. Aprèsa, se pou li fè 2 pwostènasyon anvan li bay Salam (salitasyon final la). Si li te priye 5 rakat , 2 pwostènasyon sa yo ap rann lapriyè li a pè(egal ) Men, si li te fini konplete 4 rakat yo, yap sèvi kòm yon imilyasyon pou Satan.»

« Lè nou tande apèl la (Azàn nan), di menm sa muezzin an ap di a. »

« Yap fè lanmò a parèt sou fòm yon belye mouton ki gen koulè blan ak nwa melanje (gri). Lè sa a, yon moun kap rele pral di: "O nou menm moun ki nan Paradi!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Aprèsa , lap rele: "O nou menm moun ki nan Dife!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Lè sa a, yap koupe kou lanmò a (yap touye l). Aprèsa , li pral di: "O nou menm moun ki nan Paradi! Se pou toutan, pa gen lanmò ankò. Epi nou menm moun ki nan Dife! Se pou toutan, pa gen lanmò ankò." Aprèsa , li te resite vèsè sa a: "Avèti yo konsènan jou lapenn nan, lè yap fin regle zafè a, pandan yo menm yo nan neglijans" [Surat Maryam: 39]. Epi moun ki nan neglijans sa yo, se moun ki nan mond lan (ki pa kwè) {epi yo pa kwè}. »