Encyclopedia of Prophetic Hadiths

Yon mesye te mande Mesaje Allah la (Ke lapè ak benediksyon Allah sou li), epi li di: "Kisa ou panse, si mwen akonpli Lapriyè obligatwa yo, mwen jene Ramadan, mwen pratike sa ki Halal, epi mwen evite sa ki Haram, epi mwen pa ajoute anyen sou sa, èske map antre nan Paradi?" Li reponn: «Wi». Li di: "Pa Allah, mwen pap ajoute anyen sou sa."

Pi bon fason pou sonje Allah (Zikr) se: "La ilaha illallah" (Pa gen okenn bondye ki merite adore eksepte Allah), epi pi bon priyè/envokasyon (Douya) se: "Alhamdulillah" (Tout lwanj se pou Allah).

Yon mesye te vin jwenn Pwofèt la (kè poze ak benediksyon Allah sou li), epi li di: "O Mesaje Allah, ki 2 bagay ki garanti (Paradi ak Lanfè) yo?" Li reponn: «Moun ki mouri san li pa fè chirk, san li pa mete anyen ansanm ak Allah ; moun sa a ap antre nan Paradi, epi moun ki mouri pandan lap fè chirk, ki mete yon bagay ansanm ak Allah ; moun sa a ap antre nan lanfè.»

«Sa ki separe yon moun ak zak asosye lòt fòs ak dye (Chirk) oswa ak Mekreyan(Koufr), se sispann fè lapriyè.»

Se pou Allah fè mizèrikòd ak yon moun ki gen bon kè (ki toleran e ki fasil) lè lap vann, lè lap achte, epi lè lap reklame lajan moun dwe li.

Moun ki rankontre Allah san li pa asosye okenn bagay avèk li, lap antre nan Paradi; epi moun ki rankontrel pandan li asosye yon bagay avèk li,lap antre nan dife Lanfè.

«Tout sa ki byen se yon charite.»

«Pa aprann konesans pou nou vante tèt nou devan savan yo, ni pou nou diskite ak moun ki san konprann yo, ni pou nou chwazi pi bon plas nan asanble yo. Nenpòt moun ki fè sa, se Lanfè kap tann li.»