Encyclopedia of Prophetic Hadiths

Gen 4 defo si yon moun genyen yo nèt, li se yon vrè ipokrit. Epi si li gen yon sèl nan kalite sa yo nan li, sa vle di li gen yon tras (yon branch) nan ipokrizi nan li jiskaske li kite li: depi lap pale li bay manti, depil pwomèt li pa kenbe pawòl li, depil nan diskisyon (oswa an kòlè) li depase limit nan lenjistis (ak move pawòl), epi depi fè yon kontra (oswa yon sèman) li trayil.

Vrè moun ki kenbe lyen fanmi an se pa moun ki annik rann parey la (ou fè pou mwen, m fè pou ou). Men, vrè moun ki kenbe lyen an, se moun ki, menm lè fanmi li koupe relasyon avè l, li menm li kontinye kenbe l (konekte l).

Mwen te konn ekri tout sam tande nan men Mesaje Allah a poum te ka memorize yo. Men moun Quraysh yo te entèdim sa, epi yo dim: "Èske wap ekri tout saw tande nan men Mesaje Allah a, epoutan Mesaje Allah a se yon moun li ye, ki konn pale lè li fache ak lè li kontan?" Lè sa a, mwen sispann ekri, epi mwen rakonte Mesaje Allah a sa. Li lonje dwèt li sou bouch li, epi li di: «Ekri, paske mwen sèmante sou Sila a ki gen nanm mwen nan menl lan, pa gen anyen ki soti ladanl sinon verite.»

«Gen 4 defo, si yon moun genyen yo tout nèt, li se yon ipokrit san melanj. Si li gen yonn ladan yo, li gen yon mak ipokrizi nan li jouk li chanje sa. Men yo: Lè lap pale, li bay manti. Lèl fè yon pwomès (yon kontra), li pa kenbe l. Lèl pwomèt, li pa kenbel. Lèl nan diskisyon (nan kont), li derespektan epi li aji mal nèt».

"Moun ki gen mizèrikòd yo, Sila ki gen anpil bonte a ap gen mizèrikòd pou yo. Gen mizèrikòd pou moun ki sou tè a, Sila ki nan syèl la ap gen mizèrikòd pou nou."

"Pwofèt la (ke lapè ak benediksyon Allah sou li) pat ni grosye, ni li pat konn fè fòse pou li grosye, epi li te konn di: «Moun ki pi bon pami nou yo se sa ki gen pi bon moralite a.»"

«Anverite, moun ki aji ak jistis yo ap bò kote Allah sou fotèy ki fèt ak limyè, sou bò dwat Sila ki gen Tout Mizèrikòd la (Sila ki gen Pouvwa ak Grandè a), epi tou 2 men li yo se men dwat. Se yo menm ki aji avèk jistis nan jijman yo, nan fanmi yo, epi nan tout sa ki sou responsablite yo.»

Yon Mesye te mande Pwofèt la (ke lapè ak benediksyon Allah sou li): « Ki aksyon nan Islam ki pi bon? » Li reponn: « Se pouw bay moun manje, epi pouw bay Salam moun ou konnen ak moun ou pa konnen. »