Encyclopedia of Prophetic Hadiths

«Nenpòt moun ki vin jwenn nou pandan nou tout ini anba otorite yon sèl chèf epi livle kraze inite nou, oswa divize kominote nou an, se pou nou touye l.»

Yon jou, Mesaje Allah a (ke benediksyon ak kè poze Allah sou li) te leve kanpe devan nou, li te fè nou yon prèch ki pwisan anpil, ki te fè kè nou tranble epi ki te fè nou kriye. Yo te dil: 'O Mesaje Allah, se tankou si se te dènye prèch ou tap fè nou an, kidonk ba nou yon rekòmandasyon.' Li te di: 'Mwen rekòmande nou pou nou gen krentif pou Allah ,pou nou koute epi obeyi, menm si se yon esklav abisini (Etyopyen) ki ta dirije nou. Paske, aprèm fin ale, nap wè gwo divizyon, kidonk nou dwe swiv tradisyon mwen an (Sunnah) ak tradisyon kalif ki byen gide yo. Kenbe yo byen fèm avèk dan nou, epi pran prekosyon ak bagay ki fèk parèt yo (inovasyon nan relijyon), paske chak inovasyon se yon devyasyon (erè).

«O Allah! Nenpòt moun ki vin responsab nenpòt bagay nan zafè kominote mwen an, epi li rann li difisil , rann lavil difisil pou li tou, epi nenpòt moun ki vin responsab nenpòt bagay nan zafè kominote mwen an, epi li trete yo avèk dousè, trete li avèk dousè tou.»

«Ap genyen dirijan nap rekonèt (bon zak yo) epi nap dezapwouve (move zak yo), donk moun ki rekonèt sa ki mal la li inosan, epi moun ki dezapwouve li, li sove (li an sekirite), men moun kap peri a se moun ki dakò epi ki swiv yo» Yo di: Èske nou pa dwe goumen kont yo? Li di: «Non, toutotan yo fè lapriyè.»

« Nou tout se gadyen, epi nou responsab pou moun ki sou responsabilite nou yo, epi dirijan ki alatèt moun yo se yon gadyen, epi li responsab pou yo, epi gason an se yon gadyen pou moun nan kay li, epi li responsab pou yo, epi fanm nan se yon gadyen pou kay mari li ak pitit li, epi li responsab pou yo, epi esklav la se yon gadyen pou byen mèt li, epi li responsab pou li. Konnen sa byen, nou tout se gadyen, epi nou tout responsab pou moun ki sou responsabilite nou yo. »

Nou te fè sèman bay Mesaje Allah la (se pou lapè ak Benediksyon Allah kouvri li) : pou nou koute epi obeyi nan moman difisil ak nan moman fasil, lè nou byen dispoze ak lè nou santi repiyans, epi menm si yo ta bay lòt moun priyorite sou nou ; pou nou pa diskite otorite ak moun ki chèf yo, epi pou nou di laverite kèlkeswa kote nou ye, san nou pa pè okenn repwòch nan men moun kap kritike poutèt Allah.

"«Relijyon an se konsèy ki sensè.» Nou mande li: «Pou ki moun ?» Li reponn: «Pou Allah, pou Liv li a, pou Mesaje li a, pou chèf kap dirije Mizilman yo, epi pou pèp la an jeneral.»"

"Mwen ba nou konsèy pou nou gen krentif pou Allah, pou nou koute epi obeyi moun kap dirije nou yo, menmsi se yon esklav kap kòmande nou. Paske, moun nan mitan nou ki va viv lontan aprè mwen, li gen pou li wè anpil divizyon ak dezakò. Lè sa a, se pou nou swiv chemen mwen an (Sounna) ak chemen ranplasan mwen yo (Kalif) ki byen gide yo, mòde ladan l ak tout fòs dan dèyè nou. Veye kò nou ak bagay moun envante nan relijyon an, paske tout inovasyon (Bid’ah) se yon pèdi chemen."