Encyclopedia of Prophetic Hadiths

Yaw Yonnente Yàlla bi, xibaar ma bu nu ay njiit jiitee di nu laaj seen àq, di nu xañ sunuy àq, ana lan nga nuy digal? Mu dummooyu ko, topp mu laajaat ko, mu dummooyu ko, mu laaj ko ci ñaareel bi walla ñatteel bi, Al-Ashas ibn Xays xëcc ko, mu ne ko: "deeleen dégg tey topp, li leen war ñoom mooy la ñu leen gàdduloo, yéen it li leen war mooy li ñu leen gàdduloo".

«ku ñëw ci yéen fekk ngeen abooloo ci lenn njiit, mu bëgg a xotti mbooloo mi, mbaa mu tàqqale séen mbooloo mi, rayleen ko».

Benn bis Yónente bi -yal na ko Yàlla dolli xéewal ak mucc- dafa taxaw fi nun daal di nuy waar waar gu jotale xol yi jàq nañu ci, bët yi tuur ci rangooñ, ñu ne ko : yaw Yónente Yàlla bi, waar nga nu waarug kuy tàggatoo, jox ñu ak kóllare. Mu ne leen : "dénk naa leen ngeen ragal Yàlla ci dégg ak topp, donte jaamub Habasa la, dangeen gis ci sama ginnaaw ag wuute gu tar, waaye nangeen jàpp ci sama Sunna ak sunnay njiit yu jub ya tey jubal, ŋànkleen ko ak seen i dégéj, te ngeen moytandiku mbir yi ñu sos, ndax bidaa yépp ay réer la".

«yaw Yàlla sama Boroom képp ku méngoo dara ci sama mbiri xeet wii, ba noppi di tar ci ñoom, na nga tar ci kawam, waaye képp ku ménggoo dara ci sama mbiri xeet wii, daal di leen woyofalal, na nga ko woyofalal».

"ay fitna dana am, yëgleen ne bu fitna amee ka toog moo gën ka kay dox, kay dox mooo gën kay daw, yëgleen ne bu wàccee walla mu tàbbi ku am ay giléem na dem ci ay giléemam, ku am ay gàtt na dem ci ay gàttam, ku am suuf na dem ci suufam, nee na: jenn waay ne ko: yaw Yonente Yàlla bi, wax nu nu ku amul giléem amul gàtt amul suuf moom nag? Mu ne ko: "na dem ci jaaseem dëbb ñawka ga ak xeer, topp mu jéema muccbu ko manee, yaw Yàlla sama Boroom ndax jottali naa? Yaw Yàlla sama Boroom ndax jottali naa? Yaw Yàlla sama boroom ndax jottali naa?, nee na jenn waay ne ko: yaw Yonente Yàlla bi, xibaare nu bu ñu ma foorsee ba yóbb ma ci benn ci ñaari kurél yi benn waay dóor ma jaaseem, walla ag fett ray ma? Mu ne ko: "day gàddu bàkkaaram ak sa bàkkaar, mu bokk ci waa sawara".

"aw nit wu jiital jigéen ci seen i bir duñu mucc mukk".

«ay njiit danañu ñëw, da ngeen gis ci ñoom lu baax, ak it lu bon, ku ànd ca lu baax la kooku set na wicc, ku weddi seen yu bon kooku mucc na, waaye ki muccul mooy ki gërëm yu bon ya te ànd ca" ñu ne ko: mo ndax duñu xeex ak ñoom? Mu ne: "déedéet, li fii ak ñoo ngi julli".

«ku ne ci yéen ab sàmm la te dees na ko laaj la mu doon sàmm, ki jiite nit ñi ab sàmm la te danañu ko ko laaj,góor gi ab sàmm la ci waa këram te danañu ko ko laaj, jigéen ji ab sàmm la ci kër jëkkëram ak i doomam te danañu ko ko laaj, jaam bi ab sàmm la ci alali sangam te danañu ka ko laaj, yégleen ne ku nekk ci yéen ab sàmm la te dees na ko laaj la mu doon sàmm».