Encyclopedia of Prophetic Hadiths

<< ni mɔgɔ min nana aw ma k'a sɔrɔ aw bɛnnen cɛ kelen ka màra kɔnɔ, a bɛ fɛn k'aw fàra, k'aw ka faraɲɔgɔnkan cɛn, aw y'a fàga >>.

<< yaa ne tìgi, ni mɔgɔ min bilala ne mànto ka koɲɛ dɔ kuna k'a ye gɛlɛya la see u ma, gɛlɛya kɛ o kan, ni mɔgɔ min bilala ne mànto ka koɲɛ dɔ kuna k'a ye nɔgɔya la see u ma, nɔgɔya k'o ye >>.

Anw ye an kan di kira ma nɛɛma ni kisi b'a ye lamɛnni n'a kumakan bàtoli la nɔgɔya ni gɛlɛya tuma la, ani fàrifoni ni kɔnni, ani a fusayali la an kan, ani k'an tɛ ɲɛmɔgɔ kɛlɛ, ani an bɛ tuɲa fɔ an bɛ yɔrɔ wo yɔrɔ, an tɛ an jà gɛlɛya Ala la jalakilibaa ka jalakili ɲɛ.

<< diinɛ ye kɔnɔnanjɛya ye >> anw ko: jɔn ye? A ko: << Ala ye an'a ka gafe n'a ka ciden ni silamɛw ka ɲɛmɔgɔ ani silamɛ bɛɛ >>.

<< N bɛ alaɲɛsiraɲɛ sarankanikan di aw ma, ani lamɛli ni labatoli, hali n’aw ka maratigi kɛra jon do de ye, ni Ala ye sijan di maa min ma ; aw la, o bɛ na fɔkɔɲɔgɔnya caman ye . N b’aw ma o tuma la nin ka taasira ye ani n nɔnabila kandalenw (naani) ka taasira aw ye taasira n minɛ n'aw tagaju ye, n b'aw ladi ka bɔ kokura sindi ma; i k'a dɔn ko sindilen bɛɛ ye fili ye>>.

<< jɔn foyi tɛ yen ko Ala bɛ màrafɛn don a ka màrakɔnɔ, a bɛ faatu a faatu don na k'a sɔrɔ a y'u suyɛn, fo Ala ka alijana haramuya a kan >>.

<< ni mɔgɔ min bɔra kumakan labàtoli kɔnɔ ɲɛmɔgɔ kɔ, ka fara ka bɔ jàma la o kɔfɛ a fatura o kan, o fatura kodɔnbaliya dùngew ka fatucogo kan, ni mɔgɔ min ye kɛlɛ kɛ fiyɛntɔya jɔnjɔn kɔrɔ, a bɛ dimi dɔ kama, a bɛ weeleli kɛ ni kɛlɛ ye ka taa dɔ ma, wali ka taa dɔ dɛmɛ, n'a fatura o kan, a fatura kodɔnbaliya dùngew ka fatucogo kan, ni mɔgɔ min bɔra nìn mànton n kama, k'a ɲumankɛla n'a cɛnnikɛla bɛɛ gòsi ɲɔgɔn fɛ, a tɛ siran a limaniyajɔn fàgali kɔ la, wa a tɛ kàlifadunge ka kàlifa matarafa, o tɛ ne dɔ ye wa ne tɛ o dɔ ye>>.