Encyclopedia of Prophetic Hadiths

«Lè yonn nan nou santi yon bagay nan vant li, epi li gen dout si gen yon bagay ki soti nan li oswa non, se poul pa soti nan Moske a jiskaske li tande yon bri, oswa li santi yon sant.»

«Allah pa aksepte lapriyè okenn nan nou si li nan eta enpite (salte), toutotan li pa fè ablisyon (Woudou).»

Pwofèt la (Lapè ak benediksyon Allah sou li) te konn pran dlo (fè ablisyon) pou chak lapriyè, mwen te di: «Kòman nou menm nou te konn fè?» Li te di: «Yon sèl ablisyon (Woudou) te sifi pou youn nan nou, toutotan li pat nan eta enpite (salte).»

«Gen 5 aksyon ki nan nati moun (Al-Fitra): sikonsizyon, raze plim nan pati prive, taye moustach, koupe zong, ak rale plim anba bwa».

«Lè nou ale pou nou fè bezwen nou, nou pa dwe bay fas nou nan direksyon Qibla a, ni nou pa dwe bay do nou ba li tou. Men, se pou nou vire nan direksyon lès oswa lwès.» Abu Ayyub te di: Lè nou te rive nan peyi Chanm, nou te jwenn twalèt ki te bati nan direksyon Qibla a. Konsa, nou te konn vire kò nou chanje direksyon, epi nou te mande Allah Trèwo a padon.

Mwen te vin jwenn Pwofèt la (Lapè ak benediksyon Allah sou li) avèk entansyon pou mwen anbrase Islam, epi li pasem lòd pou mwen fè yon beny pirifikasyon ak dlo ansanm ak fèy sidr.

«Youn nan nou pa dwe kenbe pati entim li ak men dwat li pandan lap pipi, ni li pa dwe netwaye tèt li ak men dwat li aprè li fin fè bezwen li, ni li pa dwe respire nan veso a.»

Lè Pwofèt la (Lapè ak benediksyon Allah sou li) te antre nan twalèt la, li te konn di: «O Allah! Mwen mande Ou pwoteksyon kont move lespri mal yo ak move lespri femèl yo».