مشروع منهاج زادك

இஸ்லாமிய அழைப்பு,வழிகாட்டல்,மற்றும் வெளிநாட்டவர் விழிப்புணர்வு மையம்-அர்ரவ்ழா

இறைவா ! எனது மார்க்கத்தில் விளக்கத்தைத் தருவீராக!

முதலாம் தரம்

வெளியீட்டுரை-பதிப்புரை

மனிதனைப் படைத்து, அவனுக்கு அறிவியையும் ,தெளிவாகப் பேசும் திறனை வழங்குவதன் மூலம் அவனை கண்ணியப்படுத்தி அல்குர்ஆன் ஹதீஸ் மற்றும் தொழுகை மூலம் அவனுக்கான ஆதாரத்தை நிலைநாட்டியுள்ள அல்லாஹ்வுக்கே புகழ் அனைத்தும் உரித்தாகுக .

ஸலாத்தும் ஸலாமும் எமது நபி முஹம்மத் (ஸல்லல்லாஹு அலைஹி வஸல்லம்) மீதும், அவரது குடும்பத்தார்கள் மதிப்பிற்குரிய தோழர்கள், மறுமை நாள் வரை அவரைப் பின்பற்றும் அனைவர் மீதும் உண்டாவதாக!

இறைவாழ்த்துக்குப் பின் : ஒரு நற்செயலை செய்வதற்கு முன் அது பற்றி கற்றுக்கொள்வது ஒரு அடியானின் மீதுள்ள மிக முக்கிய கடமையாகும். இது குறித்து அல்லாஹ் பின்வருமாறு குறிப்பிடுகிறான். '(நபியே!) நிச்சயமாக அல்லாஹ்வைத் தவிர (உண்மையாக) வணங்கப்படத்தகுதியான வேறொரு இறைவன் இல்லை என்பதை நீர் உறுதியாக அறிந்துகொண்டு, உமது தவறுகளை மன்னிக்கக் கோருவதுடன், நம்பிக்கைகொண்ட ஆண்களுக்கும், பெண்களுக்கும் மன்னிப்புக் கோருவீராக! (நம்பிக்கையாளர்களே!) உங்கள் நடமாட்டத்தையும் நீங்கள் தங்கும் இடங்களையும் அல்லாஹ் நன்கறிவான்'.

ஸுறா முஹம்மத்: 19

இஸ்லாமிய அறிவு என்பது இச்சமூகத்தின் மிகப்பிரதான அடையாளங்களில் ஒன்றாகவும்;,இஸ்லாமிய ஆளுமையை அடையாளப்படுத்தும் மிக முக்கிய அம்சங்களில் ஒன்றாகவும் காணப்படுகிறது.

ஆகையால், இஸ்லாமிய அறிவின் முக்கியத்துவத்தைக் கருத்திற்கொண்டு அர்ரவ்ழா இஸ்லாமிய அழைப்பு மற்றும் வழிகாட்டல் மையமானது மக்களை விவேகம் மற்றும் அழகிய உபதேசத்தின் மூலம் இஸ்லாத்தின் பால் அழைத்;தல், மேலும் வெளிநாட்டவர்களுக்கு அறிவூட்டல்,மற்றும் ஷரீஆ ரீதியாக அவர்களைத் தகுதிப்படுத்தல் ; போன்ற நிகழ்ச்சித்திட்டங்களுடன் இயங்கிவருகிறது.அந்த வகையில் அதன் நிகழ்ச்சித்திட்டங்களில் ஒரு அங்கமாக (எனது மார்க்கத்தில் எனக்கு விளக்கத்தை தருவாயாக) எனும்தொனிப்பொருளில் 07 மொழிகளில் கருத்தரங்குகளை நடாத்தி வருவதும் குறிப்பிடத்தக்கது. இத்திட்டத்தை மேம்பாடுத்தும் நோக்கில் 'பஸாஇர் - கல்வி ஆலோசனை நிறுவன' த்துடன் ஒப்பந்தம் ஒன்றை கைச்சாத்திட்டு, அழைப்பு மையத்தின் நேரடி கண்காணிப்பின் கீழ் இப்பாடத்திட்டத்தை மேம்படுத்துவதற்கான முயற்சிகளையும் மேற்கொண்டுள்ளதுடன் அதற்குத் தேவையான ஆலோசனைகளையும் வழங்கியுள்ளது. இதனடிப்படையில் நான்கு தரங்களைக் கொண்டதாக இப்பாடத்திட்டம் வடிவமைக்கப்பட்டுள்ளது.

முதலாம் தரம் 40 பாடங்களை உள்ளடக்கியுள்ளது

இரண்டாம் தரம் 30 பாடங்களை உள்ளடக்கியுள்ளது.

மூன்றாம் தரம் - இது 30 பாடங்களைக் கொண்டுள்ளது.

மாணவர்களுக்காக தொகுக்கப்பட்டுள்ள ஒவ்வொரு புத்தகத்திற்கும் ஆசிரியர் அறிவுரைப்பு நூல் ஒன்று உண்டு அந்நூலானது கற்பித்தல் முறையை இலகுபடுத்தி,வினைத்திறன் மிக்கதான சிறந்த கல்வியை மாணவர்களுக்கு வழங்க ஆசிரியர்களுக்கு பெரிதும் உதவியாய் இருக்கும். இப்பாடத்திட்டத்தின் உள்ளடக்கம்,மாணவர்களுக்கான நூலாக்கம்,ஆசிரியர்களுக்கான அறிவுரைப்பு வழிகாட்டல் நூல் மேம்படுத்தல் செயன்முறையானது பல கட்டங்களைக்கொண்டதாக அமைந்ததுடன்,இப்புத்தகங்கள் அனைத்தும் இஸ்லாமிய் ஷரீஆத்துரையில் குறிப்பாக பாடவிதானத்துரையில் துரைசார்ந்தார்ந்தோரினால் சரிபார்க்கப்பட்டு, நுணுக்கமான முறையில் மீளாய்வுக்கு உட்படுத்தப்பட்டுள்ளது.

இறுதியாக, இச்செயற்திட்டத்தின் மூலம் இஸ்லாத்திற்கும், முஸ்லிம்களுக்கும் நல்ல பல நன்மைகள் கிட்ட வேண்டுமென அல்லாஹ்விடம் பிரார்த்தித்துக்கொள்கிறோம். இப்புத்தகத்தை அழகிய முறையில் வெளிவர பங்களிப்புச்செய்த அனைவருக்கும் நற்பாக்கியமும்;, சுவனமும் கிடைக்க வேண்டுமெனவும் பிரார்த்தித்துக்கொள்வதோடு, இப்புத்தகம் பற்றிய உங்கள் மேலான கருத்துக்களையும்,ஆலோசனைகளையும் எமது சமூகவலைத்தளத்தின் மூலமும்,தொடர்பு இலக்கம் மூலமும்; நாம் பெரிதும் வரவேற்கிறோம்.

நபி (ஸல்) அவர்கள் மீதும், அவரது குடும்பத்தார்கள், தோழர்கள் என அனைவர் மீதும் அல்லாஹ்வின் அருள் என்றென்றும் உண்டாவதாக!

அர்ரவ்ழா இஸ்லாமிய அழைப்பு வழிகாட்டல் மையம்

முகவுரை

அகிலங்களின் அதிபதியாகிய அல்லாஹ்வுக்கே எல்லாப் புகழும் உரித்தாகட்டும். அவனது தூதர் முஹம்மத் ஸல்லல்லாஹு அலைஹி வஸல்லம் அவர்களுக்கும், அவர்களது குடும்பத்தார்கள், தோழர்கள் என அனைவருக்கும் அல்லாஹ்வின் அருளும், சாந்தியும் என்றென்றும் உண்டாகட்டும்.

இறை வாழ்த்துக்குப் பின்,

அன்பார்ந்த மாணவர்களே!உங்கள் கைகளில் தவழும் இப்புத்தகம் எமது பாடத்;திட்டத்தின் முதலாவது புத்தகமாகும்.இந்நூலானது ஒரு முஸ்லிம் தனது மார்க்கத்தைப் பற்றி அவசியம் அறிந்திருக்க வேண்டிய விடயங்களை உள்ளடக்கியுள்ளதுடன்;,சீரான இஸ்லாமிய கலாச்சாரத்தை விதைத்து, இஸ்லாமிய கல்வி அணுகுமுறையிற்கிணங்க மாணவனின் ஆளுமையை கட்டமைத்திடுவதையும் நோக்காகக்கொண்டுள்ளது.

இஸ்லாமிய கல்விசார் துறைகளை மையமாகக் கொண்டு இப்புத்தகம் பின்வருமாறு பல பகுதிகளாக பிரிக்கப்பட்டுள்ளது.

அல்குர்ஆன் மற்றும் தப்ஸீர் பகுதி இப்பகுதியானது அல்குர்ஆனின் மகிமை பற்றியும் சூறதுல் ஃபாதிஹா உட்பட சில சிறிய சூறாக்களுக்கான சுருக்கமான தஃப்ஸீர் -விளக்கவுரையுடன் வசனங்களிலிருந்து பெறப்படும் கல்வி மற்றும் –தர்பியாரீதியிலான பல முக்கிய படிப்பினைகளையும் கொண்டுள்ளது.

(இறைவிசுவாமும் உளப்பரிசுத்தமும்) இப்பகுதி ஈமானின் முக்கியத்துவம்,அதன் ருக்குன்களை-அடிப்படைகள்- (முக்கிய அம்சங்களை )உள்ளடக்கியுள்ளதுடன், ஈமானின் ஒவ்வொரு ருக்குன்களும் ஒரு முஸ்லிமின் கொள்கையிலும்-நம்பிக்கையிலும்-, நடத்தையிலும், வாழ்க்கை பற்றிய கண்ணோட்டத்திலும்; அதன் தாக்கம் குறித்த சுருக்கமான பல விடயங்களையும் இப்பகுதி உள்ளடக்கியுள்ளது.

ஹதீஸ் மற்றும் நபியவர்களின் அக புற வர்ணணை இப்பகுதியானது நபி (ஸல்லல்லாஹு அலைஹிவஸல்லம் அவர்கள் பற்றியும், அவர்களின் மிகமுக்கிய பண்புகள்,மற்றும் தனித்துவங்கள் பற்றியதுமான சுருக்கமான ஒரு அறிமுகத்தைக் கொண்டுள்ளது.இதனூடாக மாணவர்கள் மனதில் நபியவர்கள் பற்றிய மகிமையை திடப்படுத்தி,அவர்களைப் பின்பற்றி ஒழுகுவதற்கு வகைசெய்து ஊக்கப்படுத்துவதே இதன் நோக்கமாகும்.அத்துடன் நான்கு ஹதீஸ்கள் தேர்வு செய்யப்பட்டு, அதில் அல்குர்ஆனை ஓதுவதன் முக்கியத்துவம், பாவங்களைப் போக்கும் முக்கிய அம்சங்கள், அல்லாஹ்வின் மீது நல்லெண்ணம் வைப்பதால் ஏற்படும் நன்மைகள், மறுமையின் பயங்கரமான நிலையில் அல்லாஹ்வின் ரஹ்மத்தைப்- கருணையைப் பெறும் சிலர் எனும் தலைப்புகளில் அவை ஆய்வுக்கு உட்படுத்தப்பட்டுள்ளன.

இஸ்லாமிய சட்டதிட்டதிட்டங்கள்: ஒரு முஸ்லிம் அவசியம் அறிந்திருக்க வேண்டிய சுத்தம், தொழுகை பற்றிய சட்டங்கள் இதில் உள்ளடக்கப்பட்டுள்ளன. அதில்:

சுத்தத்துடன் தொடர்பான வுழூ மற்றும் குளிப்பு பற்றிய சட்டங்களும் தொழுகையுடன் தொடர்பான தொழும் முறை பற்றியும் குறிப்பிடப்பிடப்பட்டுள்ளன

ஒழுக்கம் தொடர்பான பகுதி இப்பகுதியில் உண்ணல் பருகல், அனுமதி கேட்டல், பேசுதல், சபை ஒழுக்கம், கழிவறை ஒழுக்கம் போன்ற நாளாந்த செயற்பாடுகளுக்கான ஒழுங்குகள் பற்றி கூறப்பட்டுள்ளன.

கல்விசார் அடிப்படைகள் மற்றும் நவீன கல்வித் தர வரைமுறைகளுக்கு இசைவான வகையில் இந்தப் புத்தகங்களை ஆக்கி வெளியிட நாங்கள் கடுமையாக உழைத்துள்ளோம்.

மேலும் நாம் இப்புத்தகத்தை தயாரித்தளிப்பதில் பின்வரும் விடயங்கள் தொடர்பாக கவனம் செலுத்தியுள்ளோம்:

தேவையேற்படும் இடங்களில் பாடங்களில் கவனத்தைத் தூண்டும் விதத்தில் ஒரு பீடிகையுடன் -முற்குறிப்புடன்- பாடத்தை ஆரம்பித்தல்-

பாடத்தை நினைவில் வைக்கும் வண்ணம் படங்கள் , அட்டவணைகள் போன்றவற்றை பயன்படுத்தியுள்ளமை.

செயல் வழிக் கற்றல் உத்திகளுக்கு அமைவாக கற்பித்தலின் நோக்கங்களை எய்துகொள்ளும் நோக்கில் பாடரீதியிலான சில பயிற்சிகளை வழங்கல். போன்ற விடயங்களுடன்

மேலும் சில விடயங்களிலும் நாம் கவனம் செலுத்தியுள்ளோம்:

பாடத்தின் நோக்கத்தை நிறைவு செய்யும் வகையில் பாடத்திட்டத்தின் இயல்பு நிலையோடு தொடர்புபடுத்தி அதன் உள்ளடக்கம் பூரணப்படுத்தப்பட்டுள்ளது.

நனிநபர் ஆளுமைப் பண்புகள் உட்பட பல்வேறுபட்ட திறன்களை விருத்தி செய்தல்

தனிநபராகவும்,குழுவாகவும் அவற்றை நடைமுறைப்படுத்துவதற்கான பல் வேறு வழிமுறைகளையும், வகுப்பறைக்கு உள்ளேயும், வெளியேயும் அவற்றை நடைமுறைப்படுத்துவதற்கான விடயங்களையும் உள்ளடக்கியிருத்தல்

எழுத்து, பேச்சு, செயற்பாடு, சிந்தனைத் திறன் போன்ற பல்வேறு நடவடிக்கைகளில் அவற்றைப் பயன்படுத்தல்.

பாடத்தின் அடைவையும், அதன் நோக்கத்தின் அடைவையும் பரீட்சிப்பதற்காக ஒவ்வொரு பாடத்தின் முடிவிலும் கேள்விகள் வழங்கல்.

இப்புத்தகத்தை உங்கள் முன் சமர்பிக்கும் இவ்வேளையில் இதன் பாட உள்ளடக்கம் இலகுவானதாகவும், அது முன்வைக்கும் முறை தொளிவானதாகவும்

இப்புத்தகத்தை உங்கள் முன் சமர்பிக்கும் இவ்வேளையில் இதன் பாட உள்ளடக்கம் இலகுவானதாகவும், அது முன்வைக்கும் முறை தொளிவானதாகவும்

அறிவைத் தேடும் மாணவர்கள் இதன் மூலம் முழுமையான பயன்பெற வேண்டுமெனவும், எங்கள் அனைவரது நற்செயல்களும் ஏற்றுக்கொள்ளப்பட வேண்டுமெனவும் அல்லாஹ்விடம் பிரார்த்தித்துக்கொள்கிறோம்.

நபி ( ஸல்) அவர்கள் மீதும், அவரது குடும்பத்தார்கள், தோழர்கள் என அனைவர் மீதும் அல்லாஹ்வின் அருளும், சாந்தியும் உண்டாவதாக.

பஸாஇர் - கல்விநடவடிக்கைகளுக்கான ஆலோசனை நிறுவனம்.

அல்குர்ஆன் மற்றும்(விளக்கவுரை) தஃப்ஸீர்

முதலாம் பாடம்: அல்குர்ஆனின் மகிமை.

செயன்முறை நோக்கங்கள்;

இப்பாடத்தை படித்தன் பின் நீங்கள்

1.அல்குர்ஆனின் மகிமைக்கான ஆதாரங்களை முன்வைப்பீர்..

2.அல்குர்ஆனுடன் ஈடுபாடுகொண்டோரின் அந்தஸ்த்தை ஒவ்வொன்றாக குறிப்பிடுவீர்

3. அல்குர்ஆனை கண்ணியப்படுத்த ஆரம்பிப்பீர்கள்.

4. அல்குர்ஆனையும், அதோடு தொடர்பில் உள்ளோரையும் நேசிக்க ஆரம்பிப்பீர்கள்.

புனித அல்குர்ஆன் என்பது வானிலிருந்து இறக்கப்பட்ட உயர்வான வேதங்களுள் ஒன்றாகும். அல்லாஹ்வின் வார்த்தைகளான இது முழு படைப்பினங்களுக்கும் வழிகாட்டுவதற்காக முஹம்மத் ஸல்லல்லாஹு அலைஹிவஸல்லம் அவர்களுக்கு அருளப்பட்டுள்ளது. அல்குர்ஆன் அல்லாஹ்வின் அற்புதமாக இருப்பதால் இதைப் போன்ற ஒன்றை யாராலும் தொகுக்கவோ, உருவாக்கிடவோ முடியாது.

அல்குர்ஆனின் மகிமை:

அல்குர்ஆன் அல்லாஹ்வின் வார்த்தையாகும்.

அல்குர்ஆனின் அற்புதம்

அல்குர்ஆன் ஓளியும் நேர்வழிகாட்டியுமாகும்

அல்லாஹ் அல்குர்ஆனைப் பாதுகாத்துள்ளமை

இம்மையிலும், மறுமையிலும் அல்குர்ஆனோடு தொடர்பில் உள்ளோருக்கு கிடைக்கும் கௌரவம்

1.அல்குர்ஆன் அல்லாஹ்வின் வார்த்தையாகும்

அல்லாஹ்வின் பேச்சாக-வார்த்தையாக இது இருப்பதால் அனைவரது பேச்சுக்களையும், கருத்துக்களையும் விட இது உயர்வாகவும், கண்ணியம் பொருந்தியதாகவும் காணப்படுகிறது. அல்குர்ஆன் ஓதப்படுவதை கேட்போருக்கும்,அதை விளங்குவோருக்கும் ஒரு வகையான தாக்கம் இதனால் ஏற்படுவதை வைத்து இது எவ்வளவு உயர்வானது என்பதை அறிய முடிகிறது.

2. அல்குர்ஆனின் அற்புதம்:

நபி முஹம்மத் ஸல்லல்லாஹு அலைஹிவஸல்லம் அவர்களுக்கு வழங்கப்பட்ட மிகப் பெரும் அற்புதம் அல்குர்ஆனாகும். இதைப் போன்ற ஒன்றை முடியுமானால் கொண்டு வருமாறு அல்லாஹ் மனிதர்களையும், ஜின்களையும் பார்த்து சவால் விடுகிறான். ஆனால் அது எவராலும் முடியாத காரியமாகும். இது குறித்து அல்லாஹ் பின்வருமாறு கூறுகிறான், ""இக்குர்ஆன் போன்றதைக் கொண்டு வருவதற்காக மனிதர்களும், ஜின்களும் ஒன்று திரண்டாலும் இது போன்றதைக் கொண்டு வர முடியாது. அவர்களில் ஒருவர் மற்றவருக்கு உதவியாளராக இருந்தாலும் சரியே'' என்று கூறுவீராக!"(அல் இஸ்ராஉ 23) (ஸூறா அல் இஸ்ராஃ : 88)

உலக மக்களைப் பார்த்து அல்லாஹ்,அல்குர்ஆனின் சூறாக்களைப் போன்ற 10 சூறாக்களை கொண்டு வருமாறு சவால் விட்டான். யாாராலும் அது முடியாமல் போனது. பின்பு ஒரு சூறாவையாவது கொண்டு வருமாறு சவால்விட்டான். அதுவும் ஒருவராலும் முடியாமல் போனது.

3. அல்குர்ஆன் அகிலத்தாருக்கான நேர்வழிகாட்டியாகும்.

மார்க்கத்தை தெளிவுபடுத்துவதற்காகவும், மக்களுக்கு நேர்வழிகாட்டுவதற்காகவும் அல்லாஹ் அல்குர்ஆனை இறக்கினான். அல்லாஹ் இது பற்றி (கூறும் போது) "அனைத்தையும் தெளிவுபடுத்தக்கூகூடியதாகவும்,நேர்வழியாகவும் ,அருளாகவும் முஸ்லிம்களுக்கு நன்மாராயமாகவும்.நாம் இவ்வேதத்தை உம்மீது இறக்கிவைத்தோம். (அன்நஹ்ல் : 89)

4. அல்குர்ஆனுக்கான அல்லாஹ்வின் பாதுகாப்பு:

அல்குர்ஆனுக்கு முன் இறக்கப்பட்ட இன்ஜீல், தவ்ராத் போன்ற வேதங்களில் ஏற்பட்ட திரிபுகள் அல்குர்ஆனிலும் இடம்பெறக் கூடாது என்பதற்காக இதைப் பாதுகாக்கும் பொறுப்பை அல்லாஹ்வே ஏற்றுள்ளான். அல்லாஹ் கூறுகிறான், "நிச்சயமாக நாமே இவ்வேதத்தை இறக்கியுள்ளோம்.இன்னும் நிச்சயமாக நாமே அதனைப் பாதுகாப்பவர்களாவோம்." (அல்ஹிஜ்ர் : 9).

5.அல்குர்ஆனோடு தொடர்பில் இருப்போருக்கு இம்மையிலும்,மறுமையிலும கிடைக்கும் கௌரவம்:

அல்குர்ஆனோடு தொடர்பில் உள்ளோர் என்பது அல்குர்ஆனை ஓதி, அதை மனனமிட்டு, அதன் விளக்கத்தையும் அறிவியலையும் (அதன் கலைகளையும் அறிந்து, அதன் சட்டதிட்டங்களை எடுத்து நடப்போரையே குறிக்கிறது. இவர்களுக்கு இவ்வுலகில் உயர்வையும், மறுமையில் வெற்றியையும் வழங்கி அல்லாஹ் இவர்களை கண்ணியப்படுத்துகிறான்.

(எனவே)அல்குர்ஆனோடு தொடர்பில் உள்ளோர் மனிதர்களிலே மிகவும் சிறந்தவர்கள். நபி (ஸல்லல்லாஹு அலைஹிவஸல்லம் அவர்கள் கூறினார்கள், "அல்குர்ஆனை தானும் கற்று, பிறருக்கும் கற்றுக்கொடுப்பவரே உங்களில் மிகவும் சிறந்தவர்" (ஆதாரம் : புஹாரி 5027).

அல்குர்ஆனானது தன்னுடன் தொடர்பில் உள்ளோருக்காக மறுமையில் அல்லாஹ்விடம் பரிந்துரையும் செய்கிறது. நபி முஹம்மத் ஸல்லல்லாஹு அலைஹிவஸல்லம் அவர்கள் கூறினார்கள், 'குர்ஆனை ஓதிவாருங்கள். ஏனெனில், குர்ஆன் ஓதிவருபவர்களுக்கு அது மறுமையில் (இறைவனிடம்) பரிந்துரை செய்யும்' (ஆதாரம் : முஸ்லிம் 804).

செயற்பாடுகள் :

செயற்பாடு (1): தேடிப்பார்த்து குறித்துக்கொள்கிறேன் .

அல்குர்ஆனுக்கு பல்வேறுபட்ட மகிமைகள் உள்ளன. உமது ஆசிரியரின் கண்கானிப்பின் கீழ் அவற்றை ஆராய்க. அவற்றை பின்வரும் அட்டவணையில் பதிவு செய்க.

மகிமை

இடம் சார் மகிமை

காலம் சார் மகிமை

அது இறக்கப்பட்ட மொழி

கொண்டுவந்த மலக்கின் பெயர்

பெற்றுக்கொண்ட தூதரின் பெயர்

தெளிவுகள் இது அல்லாஹ்வின் புனித பூமியான மக்காவில் ஆரம்பமாக இறங்கியது. ஆரம்பமாக இது ரமழான் மாதத்தில் இறங்கியது. சுவர்க்கவாசிகளின் மொழியான அரபு மொழியில் இது இறங்கியது. ஜிப்ரீல் (அலை) அவர்களே இதைக் கொண்டு வந்தார்கள். இறுதி நபியாகிய முஹம்மத் ஸல்லல்லாஹு அலைஹிவஸல்லம் அவர்கள் மீது இது இறக்கப்பட்டது. இஸ்லாமிய சமுதாயம்,உலகிற்கு அனுப்பப்பட்ட –உலகில் தோற்றுவிக்கப்பட்ட- மிகவும் சிறந்த சமுதாயமாகும்.

செயற்பாடு: (2)அவதானித்து- பதிலளிக்கிறேன்

நபி ஸல்லல்லாஹு அலைஹிவஸல்லம் அவர்கள் கூறினார்கள் : "மக்கள் இறையில்லங்களில் ஒன்றில் ஒன்றுகூடி, அல்லாஹ்வின் வேதத்தை ஓதிக்கொண்டும் அதை (பரஸ்பரம்) படித்துக்கொடுத்துக் கொண்டும் இருந்தால், அவர்கள்மீது அமைதி இறங்குகிறது. அவர்களை இறையருள் மூடிக்கொள்கிறது அவர்களை வானவர்கள் சூழ்ந்துகொள்கின்றனர். மேலும் இறைவன், அவர்களைக் குறித்துத் தம்மிடம் இருப்போரிடம் (பெருமையுடன்) நினைவுகூர்கிறான்" (ஆதாரம் : முஸ்லிம் 2699). மேற்கூறப்பட்ட ஹதீஸை நன்கு அவதானித்து பின்வரும் வினாக்களுக்கு விடை தருக.

1. அல்குர்ஆனை ஓதுவதிலும், கற்றுக்கொள்வதிலுமுள்ள சிறப்புகளை மேற்கூறப்பட்ட ஹதீஸிலிருந்து குறிப்பிடுக.

அ. மலக்குமார்கள் இறங்கி, அல்குர்ஆன் ஓதும் சபைகளுக்கு சமூகமளிக்கின்றமை .

ஆ).அல்குர்ஆனை ஓதுபவர்கள் மீது அமைதியும், இறையருளும் இறங்குகின்றமை.

இ. அல்குர்ஆனை ஓதுபவர்களைப் பற்றி வானத்தில் இருப்பவர்களிடம் அல்லாஹ்பிரஸ்தாபிக்கின்றமை.

2. அல்குர்ஆன் ஓதும் போதும், சபையில் இருக்கும் போதும் கடைபிடிக்க வேண்டிய ஒழுக்கங்கள் மூன்றினை உமது நண்பர்களுடன் கலந்துரையாடுக.

வுழூ செய்தல்,அமைதியாக உட்காருதல்;, ஓதும் போது பேணுதலாகவும், பொருளுணர்ந்தும் ஓதுதல்

மதிப்பீடு

கேள்வி 1: பின்வருவனவற்றில் சரியாயின் ( ) எனவும், பிழையாயின் (x) எனவும் அடையாளமிடுக.

1. அல்குர்ஆன் ஷஃபான் மாதத்தில் இறங்கியது. (x)

2. அல்குர்ஆனை ஓதுபவர்கள் மீது அல்லாஹ்விடமிருந்து அமைதியும், அவனது அருளும் இறங்குகிறது.

3.அல்குர்ஆனை ஓதியவருக்காக மறுமையில் அல்குர்ஆன் சிபாரிசு செய்யும்.

4. அல்குர்ஆன் போன்ற ஒன்றை ஜின்களால் கொண்டு வர முடியும். (x)

5-அல்குர்ஆன் அல்லாஹ்வின் வார்த்தை என்பதால்,அது நேர்வழி, மற்றும் எல்லாவிதமான நலன்களையும்; பூரணமாகக் கொண்டுள்ளது.

கேள்வி 2: பின்வருவனவற்றைப் பூரணப்படுத்துக.

1- அல்லாஹ் கூறுகிறான் : "நாமே இந்த அறிவுரையை அருளினோம். நாமே இதைப் பாதுகாப்போம். ....................................."

2- நபி ஸல்லல்லாஹு அலைஹிவஸல்லம் அவர்கள் கூறினார்கள் : "அல்குர்ஆனை தானும் கற்று, ........................................"

கேள்வி 3: நீர் அல்குர்ஆனை கண்ணியப்படுத்தும் விதம் குறித்தும், அதோடு தொடர்பில் உள்ளவர்களை நேசிப்பது குறித்தும் 3 மூன்று வாசகங்களை எழுதுக

இரண்டாம் பாடம்: சூறதுல் ஃபாதிஹாவுக்கான விளக்கம்

செயன்முறை நோக்கங்கள்:

பாடத்தை நிறைவு செய்ததன் பின் மாணவராகிய உங்களிடம் பின்வரும் விடயங்கள் எதிர்பார்;க்கப்படுகின்றன.

1. சூறதுல் ஃபாதிஹாவின் வசனங்களுக்கு சுருக்கமாக விளக்கம் கூறுவீர்.

2. சூறதுல் ஃபாதிஹாவின் வசனங்களிலிருந்து சில படிப்பினைகளை கூறுவீர்.

3. சூறதுல் ஃபாதிஹாவின் மகிமையை உணர்ந்து -போற்றி-நடப்பீர்.

ஸூறத்துல் பாத்திஹா

1. அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... 2. எல்லாப் புகழும் அல்லாஹ்வுக்கே. (அவன்) அகிலத்தைப் (படைத்துப்) பராமரிப்பவன். 3. அளவற்ற அருளாளன். நிகரற்ற அன்புடையோன். 4. தீர்ப்பு நாளின் அதிபதி. 5. (எனவே) உன்னையே வணங்குகிறோம். உன்னிடமே உதவியும் தேடுகிறோம். 6. எங்களை நேர்வழியில் செலுத்துவாயாக! 7. அது உன் அருள் பெற்றோர் பாதை கோபத்திற்குட்பட்டோர் பாதையுமன்று.வழிதவறியோர் பாதையுமன்று. (அல் பாதிஹா :1-7)

விளக்கமும் விரிவுரையும்:

அல்குர்ஆனின் மகிமை பொருந்திய சூறாக்களில் சூறதுல் ஃபாதிஹாவும் ஒன்றாகும். இது ஏகத்துவத்தின் அடிப்படைகளையும், வணக்கத்தின் அடிப்படையையும் பற்றி பேசுகிறது.

"பிஸ்மில்லாஹ்" (அல்லாஹ்வின் பெயரால்...). 'பிஸ்மில்லாஹ்' (அல்லாஹ்வின் பெயரைக் கொண்டு) என்பதுஅல்லாஹ்விடம் உதவிதேடியவனாகவும்,அவனின் பெயரைக்கூறுவதன் மூலம் அருள்வளத்தை எதிர்பார்த்தவனாகவும் அவனின் பெயரின் உதவியால் அல்குர்ஆனை ஓத ஆரம்பிக்கிறேன்.

"அளவற்ற அருளாளன்" அர்ரஹ்மான என்பது :இவ்வுலகில் அனைத்துப் படைப்பினங்களுக்கும் பொதுவாக வழங்கப்படும் அருளுக்கு சொந்தக்காரன்.

{அர்ரஹீம்} 'நிகரற்ற அன்புடையவன்' என்பது தனது அடியார்களான இறைவிசுவாசிகளுக்கு பிரத்தியேகமாக அன்பு காட்டுபவன் என்பது கருத்தாகும்.

அல்ஹம்துலில்லாஹ் "எல்லாப் புகழும் அல்லாஹ்வுக்கே" அல்லாஹ்வுக்கே உரித்தான அழகிய புகழும் பாராட்டும் என்பது இதன் கருத்தாகும்

ரப்புல் ஆலமீன் (அகிலத்தைப் (படைத்துப்) பராமரிப்பவன்') என்பது நாம் வாழும் இப்பூமியையும், அதில் உள்ளவற்றையும், இது தவிர உள்ள ஏனைய பேரண்டங்களையும், அதில் உள்ளவற்றையும் படைத்து, பராமரிப்பவன்.

மாலிகி யவ்முத்தீன் ('தீர்ப்பு நாளின் அதிபதி') என்பதன் கருத்து : மறுமையில் அனைவரையும் விசாரணை செய்து, கூலி வழங்கும் ஒரே இறைவன்.

இய்யாக நஃபுது வஇய்யாக நஸ்தஈன்'(எனவே) உன்னையே வணங்குகிறோம். உன்னிடமே உதவியும் தேடுகிறோம்') உன்னை மாத்திரமே நாம் வணங்குகிறோம்.உனக்கு நிகராக எந்த இணையும் கிடையாது அனைத்து விடயங்களிலும் உன்னிடம் மாத்திரமே உதவியும் தேடுகிறோம்.

இஹ்தினஸ்ஸிராதல் முஸ்தகீம் ('எங்களை நேர்வழியில் செலுத்துவாயாக!') என்பதன் கருத்து : தூய இஸ்லாமிய மார்க்கத்தின் பக்கம் எமக்கு வழிகாட்டி, அதன் படி எம்மை செயற்பட வைப்பாயாக! என்பதாகும்

ஸிராதல்லதீன அன்அம்த அலைஹிம் "அது உன் அருள் பெற்றோர் பாதை" என்பதன் கருத்து : நபிமார்கள், அவர்களைப் பின்பற்றியோருக்கு தூய இஸ்லாத்தின் பக்கம் நீ வழிகாட்டி, அவர்களை நெறிப்படுத்திய வழியில் எம்மையும் செலுத்துவாயாக! என்பதாகும்

ஃகைரில் மஃழுபி அலைஹிம் (கோபத்திற்கு உள்ளானோர்களின் வழியில் அன்று' என்பது யூதர்களைப் போன்று உண்மையை விளங்கி, அதைப் பின்பற்றாமல் இருப்போர் அல்லாஹ்வின் கோபத்திற்கு உரியவர்கள்.

வழழ்ழாள்ளீன்'வழிதவறியவர்களின் வழியிலும் அன்று' எனபதன் அர்த்தம்: கிறிஸ்தவர்களைப் போன்று உண்மையான ஒன்று இருக்க வழிகெட்ட ஒன்றைப் பின்பற்றுவோர் பாதை மாறிச் செல்பவர்கள்.

சூறதுல் ஃபாதிஹாவின் சிறப்பு:

ஒவ்வொரு தொழுகையிலும் அவசியம் ஓத வேண்டிய சூறா எனும் வகையில் சூறதுல் ஃபாதிஹா தனித்துவமாக காணப்படுகிறது. அல்குர்ஆனின் மகிமை வாய்ந்த சூறாக்களில் இதுவும் ஒன்றாகும். இதற்கென அதிகமான சிறப்புகளும் காணப்படுகின்றன. அதில் ஒரு சிறப்பு பற்றி பின்வரும் நபிமொழி எமக்கு குறிப்பிடுகிறது. 'அல்லாஹ் கூறியதாக அல்லாஹ்வின் தூதர் (ஸல்) அவர்கள் கூறினார்கள்: தொழுகை(யில் ஓதப்படும் அல்ஃபாத்திஹா அத்தியாயத்தை எனக்கும் என் அடியானுக்குமிடையே (துதித்தல்,பிரார்த்தித்தல் ஆகிய) இரு பகுதிகளாகப் பிரித்துள்ளேன். என் அடியான் கேட்டது அவனுக்குக் கிடைக்கும். அடியான் அல்ஹம்து லில்லாஹி ரப்பில் ஆலமீன் (அனைத்துலகின் அதிபதியான அல்லாஹ்வுக்கே எல்லாப் புகழும்) என்று சொன்னால் மிக்க மேலான அல்லாஹ், என் அடியான் என்னைப் புகழ்ந்து விட்டான் என்று கூறுவான். அடியான் அர்ரஹ்மானிர் ரஹீம் (அவன் அளவிலா அருளாளன்; நிகரிலா அன்புடையோன்) என்று சொன்னால் மிக்க மேலான அல்லாஹ், என் அடியான் என்னைத் துதித்துவிட்டான் என்று கூறுவான். அடியான் மாலிக்கி யவ்மித்தீன் (தீர்ப்பு நாளின் அதிபதி) என்று சொன்னால், அல்லாஹ், என் அடியான் என்னைக் கண்ணியப்படுத்திவிட்டான் என்று கூறுவான். (நபி (ஸல்) அவர்கள் சில வேளைகளில் என் அடியான் தன் காரியங்களை என்னிடம் ஒப்படைத்துவிட்டான் என்றும் கூறியுள்ளார்கள்.) மேலும், அடியான் இய்யாக்க நஅபுது வ இய்யாக்க நஸ்தஈன் (உன்னையே நாங்கள் வணங்குகிறோம். உன்னிடமே நாங்கள் உதவி தேடுகிறோம்) என்று சொன்னால், அல்லாஹ், இது எனக்கும் என் அடியானுக்கும் இடையே உள்ளது. என் அடியானுக்கு அவன் கேட்டது கிடைக்கும் என்று கூறுவான். அடியான் இஹ்தினஸ் ஸிராத்தல் முஸ்தகீம். ஸிராத் தல்லதீன அன்அம்த்த அலைஹிம், ஃகைரில் மஃக்ளூபி அலைஹிம் வலள் ளால்லீன் (எங்களுக்கு நீ நேரான வழியைக் காட்டுவாயாக. அவ்வழி உன்னுடைய அருளைப் பெற்றவர்களின் வழி. உன்னுடைய கோபத்திற்கு ஆளானவர்கள் வழியுமல்ல வழிதவறியோரின் வழியுமல்ல) என்று சொன்னால், அல்லாஹ் இது என் அடியானுக்கு உரியது. என் அடியானுக்கு அவன் கேட்டது கிடைக்கும் என்று கூறுவான்'. (ஆதாரம் : முஸ்லிம் 395.)

ஸுறா பாத்திஹாவிலிருந்து பெறப்படும் படிப்பினைகள்

1.அல்குர்ஆனை ஓதுதல், வேலையைத் துவங்குதல், உண்ணல், பருகல் போன்ற விரும்பத்தக்க அனைத்து செயற்பாடுகளிலும் அல்லாஹ்வின் பெயரை பிஸ்மில்- கூறி ஆரம்பித்தல்

2. அல்லாஹ்வின் அருளானது அனைத்து படைப்பினங்கள் மீது, குறிப்பாக முஃமினான அடியார்கள் மீது வியாபித்துள்ளது.

3. கூலி வழங்கப்படும் மறுமை நாளுக்காக நாம் எப்போதும் தயாராய் இருக்க வேண்டும்.

4. வணக்க வழிபாடுகளை அல்லாஹ் ஒருவனைத் தவிர வேறு எவருக்கும் நிறைவேற்றக் கூடாது.

5. நபிமார்களின் வழியை அவசியம் பின்பற்றி, காஃபிர்களின் வழிமுறைகளை முற்றிலும் விட்டுவிட வேண்டும்.

செயற்பாடுகள்

செயற்பாடு(1): அவதானித்து, தொடர்பு படுத்துகிறேன்.(இணைக்கிறேன்:

அல்குர்ஆன் வசனத்தையும், அது கூறும் அர்த்தத்தையும் இணைக்குக.

அல்குர்ஆன் வசனம்

கருத்து

2. எல்லாப் புகழும் அல்லாஹ்வுக்கே. (அவன்) அகிலத்தைப் (படைத்துப்) பராமரிப்பவன்.

அல்லாஹ்வுக்கு என மிக அழகிய பெயர்கள் இருக்கின்றன.

3. அளவற்ற அருளாளன். நிகரற்ற அன்புடையோன்.(3

வணங்கப்படுவதற்குத் தகுதியான இறைவன் அல்லாஹ் மாத்திரமே.

(இறைவா!) உன்னையே நாங்கள் வணங்குகிறோம், உன்னிடமே நாங்கள் உதவியும் தேடுகிறோம்.(5

ருபூபிய்யாவில் அல்லாஹ் எப்போதும் தனித்தவன்.

செயற்பாடு (2): வாசித்து, இணைக்கிறேன்.

ஒவ்வொரு தொழுகைக்குப் பின்னும் பின்வரும் துஆவைக் கூறுமாறு நபிஸல்லல்லாஹு அலைஹிவஸல்லம் அவர்கள் முஆத் இப்னுஜபல் (ரழியல்லாஹு அன்ஹு அவர்களுக்கு வஸிய்யத் செய்தார்கள்: "இறைவா! உன்னை நினைவுகூறவும், உனக்கு நன்றி செலுத்தவும், உனக்கான வணக்கங்களை சிறப்பாக செய்வதற்கும் எனக்கு உதவிடுவாயாக!"

சூறதுல் ஃபாதிஹாவின் எந்த வசனம் மேலுள்ள துஆவின் அர்த்தத்தில் அமைந்துள்ளது?

மதிப்பீடு :

கேள்வி 1: (அ) பகுதியில் இருக்கும் சொற்களை (ஆ) பகுதியில் உள்ள சொற்களுடன் இணைக்குக.

பகுதி (அ): "அளவற்ற அருளாளன்" "நிகரற்ற அன்புடையோன்" "அவர்கள் (உன்னால்) கோபிக்கப்பட்டவர்கள்" "'வழிதவறியோர்'" "எமக்கு நேர்வழிகாட்டுவாயாக" பகுதி (ஆ):

உண்மையை அறிந்தும், அதன்படி செயற்படாதவர்கள்.

தனது முஃமினான அடியார்களுடன் அன்பாக இருப்பவன்.

எம்மை வழிநடாத்துவாயாக.

அனைத்து படைப்பினங்கள் மீதும் அவனது அருள் வியாபித்துள்ளது.

அறியாத் தனத்தாலும், வழிகேட்டாலும் அல்லாஹ்வை வணங்குபவர்கள்.

கேள்வி 2: பின்வரும் அர்த்தங்களைக் குறிக்கும் அல்குர்ஆன் வசனங்களை எழுதுக.

1. அல்லாஹ்வின் அருள் அனைத்திலும் வியாபித்துள்ளது.

2. நபிமார்கள், நல்லடியார்கள் போன்றோரின் வழியில் செல்வது அவசியமாகும்.

கேள்வி 3: பின்வரும் வசனத்தின் மூலம் நீர் பெற்ற படிப்பினையைக் குறிப்பிடுக. 5. (எனவே) உன்னையே வணங்குகிறோம். உன்னிடமே உதவியும் தேடுகிறோம்.

மூன்றாம் பாடம்: அல்கவ்ஸர் மற்றும் அல்காஃபிரூன் ஆகிய இரு சூறாக்களினதும் விளக்கம்

செயன்முறை நோக்கங்கள்:

இப்பாடத்தை நிறைவு செய்ததும் நீங்கள்:

1.இவ்விரு ஸூறாக்களினதும் விளக்கத்தை சுருக்கமாக கூறுவீர்.

2. நபி ஸல்லல்லாஹு அலைஹிவஸல்லம் அவர்களின் சிறப்பை தெளிவு படுத்துவீர்.

3.இறை நிராகரிப்பு, அதைச் சார்ந்தோர்களிடமிருந்து விலகியிருப்பீர்

4. இவ்விரு ஸூறாக்களின் அனைத்து வசனங்களினதும் படிப்பினைகளை தெளிவாகக் குறிப்பிடுவீர்.

அத்தியாயம் அல்கவ்ஸர்

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1.(முஹம்மதே!) நாம் உமக்கு அல்கவ்ஸரை வழங்கினோம். 2.எனவே உமது இரட்சகனுக்காக தொழுது அவனுக்காகவே அறுத்துப்பலியிடுவீராக.

3. நிச்சயமாக உம்மை கோபமூட்டுபவனே சந்ததியற்றவன். (அல் கவ்ஸர்:1-3)

ஸூறாவின் விளக்கமும் விரிவுரையும்:

சூறா அல்கவ்ஸர் ஆனது நபி (ஸல்) அவர்களின் சிறப்பையும், இம்மையிலும், மறுமையிலும் அல்லாஹ்விடத்தில் அவருக்கு இருக்கும் அந்தஸ்த்தையும் குறிப்பிடுகிறது.

இன்னா அஃதய்னாகல்கவ்ஸர்' (முஹம்மதே!) நாம் உமக்கு அல் கவ்ஸரை வழங்கினோம்.) என்பதன் கருத்து எமது தூதர் முஹம்மத் (ஸல்லல்லாஹு அலைஹிவஸல்லம் அவர்களுக்கு அல்லாஹ் இம்மையிலும், மறுமையிலும் அதிக நன்மைகளை (பாக்கியங்களை) வழங்கியுள்ளான். அவற்றில் சுவர்க்கத்தில் உள்ள அல்கவ்ஸர் எனும் நதியும் ஒன்றாகும் .

)، பஸல்லி லிரப்பிக வன்ஹர் என்பது ' எனவே உமது இரட்சகனுக்காக தொழுது அவனுக்காகவே அறுத்துப்பலியிடுவீராக)இதன் கருத்தாவது: அல்லாஹ்வுக்கு நன்றி செலுத்தும் முகமாக அவனுக்காக தொழுகையை நிறைவேற்றுங்கள். உங்கள் அறுப்புப் பிராணியை அவனுக்காக மாத்திரம் அறுத்துப் பலியிடுங்கள். அவனோடு வேறு எவரையும் இணையாக்காதீர்கள்.

இன்ன ஷானிஅக வல்அப்தரின் கருத்தாவது" 'நிச்சயமாக உம்மை கோபமூட்டுபவனே சந்ததியற்றவன்.'" உங்கள் மீது பொறாமைப்பட்டு, உங்களை (வெறுப்பவனும் ) கோபமூட்டிக்கொண்டிருப்பவனே குழந்தை பாக்கியமற்ற, இம்மை மறுமை நலவுகளையும் இழந்தவன்.

அத்தியாயம்: அல்காபிரூன் (நிராகரிப்பாளர்கள்)

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1. (நபியே!) நீர் கூறுவீராக: (ஏகஇறைவனை) மறுப்பவர்களே!'' 2. நீங்கள் வணங்குவதை நான் வணங்க மாட்டேன்.

3. நான் வணங்குபவனை நீங்கள் வணங்குவோரில்லை. 4. நீங்கள் வணங்குவதை நான் வணங்குபவன் அல்லன்.

5. நான் வணங்குபவனை நீங்கள் வணங்குவோரில்லை. 6. உங்களுக்கு உங்களுடைய மார்க்கம் . எனக்கு என்னுடைய மார்க்கம் (அல்குர்ஆன் 109:01-06). அல் காபிரூன் : 1-6

ஸுறாவின் விளக்கமும் விரிவுரையும்:

வணக்க வழிபாடுகளை அல்லாஹ்வுக்கு மாத்திரம் அமைத்துக்கொள்ள வேண்டுமெனவும், இறை நிராகரிப்பு மற்றும் அதைச் சார்ந்தோரிடமிருந்து விலகியிருக்குமாறும் இவ்வத்தியாயம் வலியுறுத்துகிறது.

குல் யாஅய்யுஹல் காபிரூன் "(நபியே!) நீர் கூறுவீராக: (ஏகஇறைவனை) மறுப்பவர்களே!' "நீங்கள் வணங்குவதை நான் வணங்க மாட்டேன்." முஹம்மதே! இறை நிராகரிப்பாளர்களைப் பார்த்து, 'நீங்கள் வணங்குகின்ற சிலைகளை நான் வணங்க மாட்டேன் எனக் கூறுங்கள்.

வலா அன்தும் ஆபிதூன மா அஃபுது : ('நான் வணங்குபவனை நீங்கள் வணங்குவோரல்லர்)'என்பதன் அர்த்தம் நான் வணங்கும் இறைவனை நீங்களும் வணங்கமாட்டீர்கள். அவன் வணங்கப்படுவதற்குத் தகுதியான உண்மையான ஒரே இறைவன். அவனுக்கு இணையாக எவரும் இல்லை.

வலா அன ஆபிதும் மாஅபத்தும் '"நீங்கள் வணங்குவதை நான் வணங்குபவன் அல்லன்."(4) நீங்கள் வணங்கும் சிலைகளை நான் ஒருபோதும் வணங்கப்போவதில்லை.

"நான் வணங்குபவனை நீங்கள் வணங்குவோரில்லை." லகும் தீனுகும் வலியதீன் என்பது :"உங்கள் மார்க்கம் உங்களுக்கு. என் மார்க்கம் எனக்கு." நீங்கள் உறுதியாக நம்பிக்கொண்டிருக்கும் மார்க்கம் உங்களுக்குரியது அதிலிருந்து நான் விலகியிருக்கிறேன். எனக்கு எனது இறைவன் வழங்கிய தூய மார்க்கம் உள்ளது. நான் ஒரு போதும் அதை மாற்றிக்கொள்ள மாட்டேன்.

அல்குர்ஆன் வசனங்களிலிருந்து பெறப்படும் படிப்பினைகள்:

1. அல்லாஹ்விடத்தில் நபி ஸல்லல்லாஹு அலைஹிவஸல்லம் அவர்களுக்கு உரிய உயரிய கண்ணியம்.

2. இவ்வுலகில் நபி (ஸல்லல்லாஹு அலைஹிவஸல்லம் அவர்களுக்கு எதிராக வரும் அனைத்து பிரச்சினைகளிலிருந்தும் அவரை அல்லாஹ் காப்பாற்றியுள்ளான்.

3.சுவனத்தில் அல்கவ்ஸர் எனும் நதியை நபி (ஸல்லல்லாஹு அலைஹிவஸல்லம்) அவர்களுக்கு அல்லாஹ் வழங்கி, அவர்களை சிறப்பித்துள்ளான்.

4. அறுத்துப் பலியிடல் என்பது ஒரு வணக்கமாகும். அதை அல்லாஹ்வுக்கு மாத்திரமே செய்ய வேண்டும்.

5. முஸ்லிம் தனது இஸ்லாத்தின் மூலம் பெருமிதம் கொள்ளவது அவசியமாகும்

6. இறை நிராகரிப்பாளர்கள் வணங்கும் அல்லாஹ் அல்லாத பிற தெய்வ வழிபாட்டை விட்டும் ஒரு முஸ்லிம் எப்போதும் ஒதுங்கியிருக்க வேண்டும்.

7. முஸ்லிம் எப்போதும் தனது வணக்கங்களை அல்லாஹ்வுக்கு மாத்திரமே உரியதாக அமைத்துக்கொள்ள வேண்டும்.

ஒப்படைகள்

ஒப்படை (1): தேடிப்பார்த்து, கணிக்கிறேன்:

நபி (ஸல்) கூறினார்கள் : "அல்கவ்ஸர் என்பது சுவனத்தில் உள்ள ஒரு நதியாகும். அதன் இரு ஓரங்களும் தங்கத்தினால் ஆனது. அதன் வடிகால் -படுக்கை-முத்துக்கள் மற்றும் பவளங்களால் ஆனது.அதன் மண் கஸ்தூரியை விடவும் சுகந்தமானது. அதன் நீர் தேனை விட இனிமையாகவும், பணிக்கட்டியை விட வெண்மையானதாகவும் காணப்படுகிறது.' (நூல்: திர்மிதி 3361, இப்னுமாஜா 4334).

இந்த ஹதீஸை நன்கு உற்று நோக்குக. இதில் நபி ஸல்லல்லாஹு அலைஹிவஸல்லம் அவர்களுக்கும், அவர்களின்; சமூகத்தவர்களுக்கும் வழங்கப்பட்டுள்ள சிறப்புகளை கவனிக்குக. இதை வைத்து சுவனத்தில் உள்ள அல்கவ்ஸர் ஆற்றில் நீர் அருந்துபவர்களின் பண்புகளைக் கணிக்குக.

செயற்பாடு (2): அல்குர்ஆன் வசனத்தையும் அதன் அர்த்தத்தையும் இணைக்குக.

அல்குர்ஆன் வசனத்தையும் , அதன் சரியான அர்த்தத்தையும் இணைக்குக

அல்குர்ஆன் வசனம் மற்றும் ஹதீஸ் "'மார்க்க விஷயத்தில் உங்களுடன் போரிடாதோருக்கும், உங்கள் வீடுகளிலிருந்து உங்களை வெளியேற்றாதோருக்கும் நன்மை செய்வதையும், அவர்களுக்கு நீதி செலுத்துவதையும் அல்லாஹ் உங்களுக்குத் தடை செய்யவில்லை. நிச்சயமாக நீதியாக நடப்போரை அல்லாஹ் நேசிக்கிறான்;.' (அல்மும்தஹினா: 8) அல்லாஹ் கூறுகிறான் "நீங்கள் வணங்குவதை நான் வணங்க மாட்டேன்". (அல்காபிரூன் : 2) அஸ்மா பின்த் அபீபக்ர் (ரழியல்லாஹு அன்ஹு ) அவர்கள் கூறுகிறார்கள், 'அல்லாஹ்வின் தூதருடைய காலத்தில் என்னிடம், என் தாயார் வந்திருந்தார் அப்போது அவர்கள் இணைவைப்பவராக இருந்தார்;. நான் அல்லாஹ்வின் தூதரிடம், 'என் தாயார் என்னிடம் ஆசையுடன் வந்துள்ளார். என் தாயிடம் அவரின் உறவைப் பேணி நல்லமுறையில் நடந்து கொள்ளட்டுமா?' என்று கூறி மார்க்கத் தீர்ப்பு கேட்டேன். அதற்கு நபி(ஸல்லல்லாஹு அலைஹிவஸல்லம் அவர்கள்,,

‘ஆம். நீ உன் தாயின் உறவைப் பேணி அவருடன் நல்ல முறையில் நடந்து கொள்’ என்று கூறினார்கள்." ஆதாரம் : புஹாரி (2620). அது கூறும் அர்த்தம்

முஸ்லிமல்லாத சொந்தக்காரர்களிடம் உறவைப் பேணி நடப்பது அனுமதிக்கப்பட்டுள்ளது.

போர் புரியாத முஸ்லிமல்லாதோருக்கு உதவிகள் செய்ய முடியும்.

இணைவைப்பாளர்களின் மார்க்கத்தை விட்டும் (கட்டாயம்)விலகியிருக்க வேண்டும்.

செயற்பாடு (3) கலந்துரையாடி வேறுபடுத்துகிறேன்

இஸ்லாத்திற்கு முரணாக இருக்கும் அனைத்து மார்க்கங்களை விட்டும் அவசியம் விலகியிருக்க வேண்டுமென சூறா அல்காஃபிரூன் குறிப்பிடுகிறது. இது இவ்வாறிருக்க, சமூகத்தில் எம்மோடு வாழும் முஸ்லிமல்லாத உறவுகளுடன் நல்ல முறையில் நடந்துகொள்ள வேண்டும் எனவும் இஸ்லாம் குறிப்பிடுகிறது.

இதைப் பற்றி உங்கள் ஆசிரியரோடு கலந்துரையாடி,கொள்கை ரீதியாக அவர்களுடன் நடந்து கொள்வதற்கும் கொடுக்கல் வாங்கள் தொடர்பாக அவர்களுடன் நடந்து கொள்வதற்கிடையில் உள்ள வேறுபாட்டை அறிக.

மதிப்பீடு

கேள்வி 1: பின்வருவனவற்றில் சரியாயின் ( ‎) எனவும், பிழையாயின் (x) எனவும் அடையாளமிடுக.

1. ஒரு முஸ்லிம் இஸ்லாமிய மார்க்கத்தை வைத்து பெருமிதம் கொள்வதோடு,தனது இஸ்லாமிய கொள்கைகளில் உறுதியானவராகவும் இருக்க வேண்டும். ( ✓)

2. தொழுகை, ஹஜ் போன்று அறுத்துப் பலியிடுவதும் வணக்கமாகும். ( )

3. கவ்ஸர் நதி நபி ﷺ அவர்களுக்கு மாத்திரம் உரியது. அது அவர்களின் சமூகத்திற்குரியதன்று. (x)

4. எப்போதும் முஸ்லிம்களோடு மாத்திரமே நல்ல முறையில் நடந்துகொள்ள வேண்டும். (x)

கேள்வி 2: பின்வரும் இரு வசனங்களின் அர்த்தங்களையும் சுருக்கமாக எழுதுக.

3.நிச்சயமாக உம்மை கோபமூட்டுபவனே சந்ததியற்றவன்.

6. உங்கள் மார்க்கம் உங்களுக்குரியது எனது மார்க்கம் எனக்குரியது. 6)

கேள்வி 3: பின்வருவற்றுக்கு பொருத்தமான அல்குர்ஆன் வசனங்கங்களை குறிப்பிடுக.

1. தொழுகையையும், அறுத்துப் பலியிடுவதையும் அல்லாஹ் ஒருவனுக்கு மாத்திரமே செய்யுமாறு ஏவப்பட்டுள்ளது.

2. இறை நிராகரிப்பாளர்களின் கடவுள்களை விட்டும் விலகியிருக்க வேண்டும்.

நான்காம் பாடம்: அந்நஸ்ர், அல்மஸத் ஆகிய சூறாக்களுக்கான விளக்கம்

செயல்முறை நோக்கங்கள்:(செயன்முறை கற்றல் பெறுபேறுகள்)

இப்பாடத்தை நிறைவு செய்ததும் மாணவர்களாகிய நீங்கள்:

1. இவ்விரு சூறாக்களினதும் வசனங்களுக்கான விளக்கத்தை சுருக்கமாக கூறுவீர்.

2-நபி ﷺ அவர்களை அல்லாஹ் பாதுகாத்தமை தொடர்பாக தெளிவு படுத்துவீர்.

3. இவ்விரு சூறாக்களின் படிப்பினைகளை தெளிவாக குறிப்பிடுவீ;ர்.

4. இஸ்லாத்திற்கும், முஸ்லிம்களுக்கும் வெற்றி கிடைப்பதையிட்டு மகிழ்ச்சியடைவீர்.

அத்தியாயம் : அந்நஸ்ர் (வெற்றி)

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1. அல்லாஹ்வின் உதவியும் வெற்றியும் வரும்போது, 2. அல்லாஹ்வின் மார்க்கத்தில் மக்கள் கூட்டம் கூட்டமாக நுழைவதை நீர் காணும்போது,

3. உமது இறைவனைப் புகழ்ந்து போற்றுவீராக! அவனிடம் மன்னிப்புத் தேடுவீராக! அவன் மன்னிப்பை ஏற்பவனாக இருக்கிறான்.

(அந்நஸ்ர் :1-3)

விளக்கமும் விரிவுரையும்;:

முஸ்லிம்களுக்கு வெற்றி கிடைத்து, அரேபியர்களுக்கு மத்தியில் இஸ்லாம் விரைவாகப் பரவும் எனும் மகத்தான முன்னறிவிப்பைப் பற்றி இவ் அத்தியாயம் குறிப்பிடுகிறது.

(இதா ஜாஅ நஸ்ருள்ளாஹி வல்பத்ஹ்) 'அல்லாஹ்வின் உதவியும் வெற்றியும் வரும்போது,' என்பது இணைவைப்பாளர்களான குறைஷியர்களுக்கு எதிராக முஸ்லிம்களுக்கு அல்லாஹ்வின் உதவி கிடைத்து,மக்காவை உங்களுக்காக அல்லாஹ் வெற்றிபெறச் செய்து தரும் போது' என்பதே இவ்வசனத்தின் கருத்தாகும்

வரஅய்தன்னாஸ யத்குலூன பீ தீனில்லாஹி அப்வாஜா என்பதன் கருத்து "அல்லாஹ்வின் மார்க்கத்தில் மக்கள் கூட்டம் கூட்டமாக நுழைவதை நீர் காணும்போது," மக்கா வெற்றி கொள்ளப்பட்ட பின் மக்கள் கூட்டம் கூட்டமாக இஸ்லாத்தில் நுழைவதை நீர் காணும் போதும்,

வஸப்பிஹ்பிஹம்த ரப்பிக வஸ்தஃபிர்ஹு என்பதன் கருத்தாவது"உமது இறைவனைப் புகழ்ந்து போற்றுவீராக! அவனிடம் மன்னிப்புத் தேடுவீராக!" விளக்கம் :அல்லாஹ்வுக்கு இணையாக வேறொருவரை தேர்ந்தெடுப்பதை விட்டும் அல்லாஹ்வை தூய்மைப்படுத்துவீராக! குறைஷியர்களுக்கு எதிராக உங்களுக்குக் கிடைத்த உதவிக்கும், மக்கா வெற்றிக்கும் அல்லாஹ்வுக்கு நன்றி செலுத்துவீராக! அவனிடம் மாத்திரமே பாவமன்னிப்பையும் தேடுவீராக!

இன்னஹு கான தவ்வாபா என்பது :"அவன் மன்னிப்பை ஏற்பவனாக இருக்கிறான்" நிச்சயமாக அல்லாஹ் தனது அடியார்களின் பிழை பொறுப்புகளை ஏற்று, அவர்களின் மன்னிப்புக் கோரலை ஏற்றுக்கொள்பவன்

அத்தியாயம் (அல்மஸத்)

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1. அபூலஹபுடைய இரு கைகளும் நாசமாகட்டும். மேலும் அவனும் நாசமாகட்டும். 2. அவனின் செல்வமோ, அவன் சம்பாதித்தவையோ அவனுக்கு எந்தப்பயனையும் அளிக்கவில்லை.

3. விரைவில் அவன் கொழுந்து விட்டெரியும் நெருப்பில் கருகுவான். 4. விறகு சுமக்கும் அவனது மனைவியும் (கொழுந்து விட்டெரியும் நெருப்பில் கருகுவாள்).

5. அவள் கழுத்தில் முறுக்கேறிய ஈச்சமரக் கயிறு இருக்கும். ( அல்மஸத் : 1-5)

விளக்கமும் விரிவுரையும்:

நபி ﷺ அவர்களைப் புறக்கணித்து, அவருக்கு நோவினை செய்தமைக்காக, அவரின் சிறிய தந்தையான அபூலஹபிற்குக் கிடைத்த தண்டனை பற்றி இவ் அத்தியாயம் குறிப்பிடுகிறது.

'தப்பத் யதா அபீ லஹபிவ் வதப்ப' என்பது : 'அபூலஹபுடைய இரு கைகளும் நாசமாகட்டுமு;.அவனும் நாசமாகட்டும்;' நபி ﷺ அவர்களை நோவினை செய்தமையின் காரணமாக அபூலஹப் நஷ்டமடைந்துவிட்டான்.பாவியாக (துஷ்டனாக) மாறி வேதனை செய்யப்படும் அளவிற்கு அவன் சென்றுவிட்டான்.

மாஅஃனா அன்ஹு மாலுஹு வமா கஸப் என்பதன் கருத்து:அவனின் செல்வமோ, அவன் சம்பாதித்தவையோ அவனுக்கு எந்தப்பயனையும் அளிக்கவில்லை. அவன் சேர்த்து வைத்த சொத்து செல்வங்களும், அவனது குடும்பமும், பதவிகளும் அல்லாஹ்வின் வேதனையிலிருந்து அவனைக் காக்கவில்லை.

ஸயஸ்லா நாரன் தாத லஹப் என்பதன் கருத்து கொழுந்துவிட்டு எரிந்துகொண்டிருக்கும் நெருப்பில் அவன் நுழைவான். அது அவனை சூழ எரிந்துகொண்டிருக்கும்.

"வம்ரஅதுஹு ஹம்மாலதல் ஹதப் என்பதன் கருத்தாவது ." அவனது மனைவியான உம்மு ஜமீலும் அவனுடன் சேர்ந்து நெருப்பில் கருகுவாள். முள்விறகுகளை சுமந்து செல்லும் அவள் நபி ﷺ அவர்கள் செல்லும் பாதைகளில் அவற்றைப் போட்டு, அவருக்கு நோவினை செய்தாள்.

பீ ஜீதிஹா ஹப்லும் மிம்மஸத் என்பதன் கருத்து : அவளது கழுத்தில் சொறசொறப்பான முறுக்கேறிய ஈச்சம் கயிறு போடப்பட்டு, அதன் மூலம் நரகிற்கு இழுத்துச் செல்லப்படுவாள். என்பதாகும்

அல்குர்ஆன் வசனங்களிலிருந்து பெறப்படும் (படிப்பினைகள் பயன்கள்: :

1. எப்போதும் அல்லாஹ்வை துதி செய்து, அவனைப் புகழ்ந்தவாறு இருக்க வேண்டும். அவனிடம் அடிக்கடி பாவமன்னிப்பு கேட்க வேண்டும்.

2. பாவமன்னிப்பை வழங்குபவன் அல்லாஹ் மாத்திரமேயாவான். தனது அடியார்களின் பிழைபொறுப்பை ஏற்றுக்கொள்பவனும் அவனே.

3. நபி ﷺ அவர்களை அல்லாஹ் எப்போதும் பாதுகாத்து, அவருக்கு ஆறுதலாகவே இருந்துள்ளான். அவருக்கு நோவினை செய்பவருக்கு தண்டனைகளையும் வழங்கியுள்ளான்.

4. யார் அல்லாஹ்வை விசுவாசம் கொள்ளாமலும், நல்ல செயல்களை செய்யாமலும் இருப்பாரோ -அவர் நபி ﷺ அவர்களின் நெருங்கிய குடும்ப அங்கத்தவராக இருந்தாலும் சரி- அவருக்கு அவருடைய சொத்து செல்வங்களோ, குடும்பத்தார்களோ, பட்டம் பதவிகளோ என்றும் பயனளிக்கப்போவதில்லை.

செயற்பாடுகள்

ஒப்படை (1): தேடிப்பார்த்து, விடையளிக்கிறேன்:

பாவம் செய்யும் சந்தர்ப்பங்களில் மாத்திரமின்றி எல்லா சந்தர்ப்பங்களிலும் ஒரு முஸ்லிம் எவ்வாறு அல்லாஹ்விடம் பாவமன்னிப்பு தேட வேண்டும் என்பதை அறிந்திட, சூறா அந்நஸ்ரை அடிப்படையாக வைத்து உமது ஆசிரியருடன் கலந்துரையாடுக.

செயற்பாடு (2) சிந்தித்து, தெளிவுபடுத்துகிறேன்

நபி ﷺ அவர்களை பொய்ப்பித்தமைக்காகவும், அல்லாஹ்வின் பாதையை விட்டும் அவரைத் தடுத்தமைக்காகவும் அவரின் சிறிய தந்தையான அபூலஹபிற்கு அல்லாஹ் வேதனை இருப்பதாக அல்குர்ஆன் மூலம் எச்சரிக்கிறான். நபி ﷺ அவர்கள் கூறினார்கள், "அல்லாஹ் ‘(நபியே!) உங்களுடைய நெருங்கிய உறவினர்களை எச்சரியுங்கள்’ எனும் (அல்குர்ஆன் 26:214 வது) வசனத்தை அருளியபோது, இறைத்தூதர் ﷺ அவர்கள் எழுந்து நின்று, ‘குறைஷிக் கூட்டத்தாரே!’ அல்லது ‘இது போன்ற ஒரு வார்த்தையைக் கூறியழைத்து, ‘உங்கள் உயிர்களை (இஸ்லாத்தை ஏற்பதன் மூலம்) விலைக்கு வாங்கிக் (காப்பாற்றிக்) கொள்ளுங்கள். உங்களை அல்லாஹ்விடமிருந்து ஒரு சிறிதும் என்னால் காப்பாற்ற முடியாது. அப்து மனாஃபின் மக்களே! உங்களை அல்லாஹ்விடமிருந்து ஒருசிறிதும் என்னால் காப்பாற்றமுடியாது. அப்துல் முத்தலிபின் புதல்வரான (என் பெரிய தந்தை) அப்பாஸ் அவர்களே! உங்களை அல்லாஹ்விடமிருந்து ஒரு சிறிதும் என்னால் காப்பாற்ற இயலாது. இறைத்தூதர் ﷺ அவர்களின் அத்தையான ஸஃபியாவே! உங்களை அல்லாஹ்விடமிருந்து ஒரு சிறிதும் என்னால் காப்பாற்ற முடியாது. முஹம்மதின் புதல்வியான ஃபாத்திமாவே! என் செல்வத்திலிருந்து நீ விரும்பியதை என்னிடம் கேள்! (தருகிறேன்). ஆனால், அல்லாஹ்விடமிருந்து, உன்னை என்னால் ஒரு சிறிதும் காப்பாற்ற முடியாது’ என்று கூறினார்கள்." (நூல்: புஹாரி 4771, முஸ்லிம் 206).

இஸ்லாத்தில் நீதி பற்றி இந்த ஹதீஸ் எவ்வாறு குறிப்பிடுகிறது என்பதை தெளிவுபடுத்துக.

மதிப்பீடு :

கேள்வி 1: பின்வருவனவற்றில் சரியாயின் ( ‎) எனவும், பிழையாயின் (x) எனவும் அடையாளமிடுக.

1. இஸ்லாத்திற்கும், முஸ்லிம்களுக்கும் கிடைக்கும் வெற்றியினால் ஒரு முஸ்லிம் சந்தோசமடைகிறான். ( )

2. பாவம் செய்தால் மாத்திரமே பாவமன்னிப்பு கேட்க வேண்டும். (x)

3. நபி ﷺ அவர்களின் குடும்பத்தார்கள் பாவம் செய்வதிலிருந்து பாதுகாக்கப்பட்டவர்கள். (x)

4. இஸ்லாம் நீதமான, கருணையுள்ள மார்க்கமாகும். ( )

கேள்வி 2: பின்வரும் இரு வசனங்களின் அர்த்தங்களையும் சுருக்கமாக எழுதுக.

"அவனிடம் மன்னிப்புத் தேடுவீராக! அவன் மன்னிப்பை ஏற்பவனாக இருக்கிறான்"

அவனின் செல்வமும் அவன் சம்பாதித்தவையும் அவனுக்கு எவ்விதப்பபயனையும் அளிக்கவில்லை.

கேள்வி 3: அந்நஸ்ர், அல்மஸத் ஆகிய சூறாக்களில் இருந்து இரு பயன்களைக் குறிப்பிடுக.

ஐந்தாம் பாடம்: அல்இஹ்லாஸ் மற்றும் முஅவ்விததைன் அத்தியாயங்களின் விளக்கம்

செயல்முறை நோக்கங்கள்:

இப்பாடத்தை நிறைவு செய்ததும் உங்களால்:

1. இம்மூன்று சூறாக்களுக்கும் சுருக்கமாக விளக்கமளிப்பீர்.

2ஸுறதுல் இஹ்லாஸுடன் முஅவ்விதான் ஸூறாக்களுக்கு சுருக்கமா விளக்கமளிக்கமளிப்பீர்.

3. இம்மூன்று சூறாக்களினதும் மகிமையை உணர்வீர்

4ஒவ்வொரு நாளும் பகலிலும், இரவிலும் இம்மூன்று சூறாக்களையும் ஓதிவருவீர்.-

அத்தியாயம் அல் இஹ்லாஸ்

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1.அல்லாஹ் ஒருவன் தான் என நபியே நீர் கூறுவீராரக 2. அல்லாஹ் (எவ்விதத் ) தேவையற்றவன். 3. (யாரையும்) அவன் பெறவுமில்லை,(யாருக்கும்) பிறக்கவுமில்லை

4. அவனுக்கு நிகராக யாருமில்லை. (ஸூறத்துல் இஹ்லாஸ்: 1-4

விளக்கமும் விரிவுரையும்:

இவ் அத்தியாயம் அல்லாஹ்வின் சில பண்புகளைப் பற்றிக் குறிப்பிடுகிறது.

1. குல்ஹுவல்லாஹு அஹத் என்பதன் என்பதுன் கருத்து : (அல்லாஹ் ஒருவன் தான் என நபியே நீர் கூறுவீராரக) நபியே! நீங்கள் கூறுங்கள், இறைத்தன்மை, பரிபாலனம் (ருபூபிய்யாஉலுஹிய்யா)போன்றவற்றில் அல்லாஹ் எப்போதும் அல்லாஹ் தனித்துவமானவன்.

2. அல்லாஹ் (எவ்விதத்) தேவையற்றவன். அடியார்கள் தமது தேவையை நிறைவேற்றிக்கொள்ள நாடிச்செல்லும் எஜமானனாக அல்லாஹ் திகழ்கிறான் என்பதாகும்

3. "லம் யலித் வலம் யூலத் "என்பதன் கருத்து (யாரையும்) அவன் பெறவுமில்லை,(யாருக்கும்) பிறக்கவுமில்லை அல்லாஹ்வுக்கு பிள்ளைகளோ, வம்சாவளியினரோ கிடையாது. அவனுக்கு தாய் தந்தையர்களும் கிடையாது.

வலம் யகுல்லஹு குபுவன் அஹத் என்பதன் கருத்து :( "அவனுக்கு நிகராக யாருமில்லை") அவனைப் போன்றவர்களோ, அவனுக்கு இணையாகவோ எவரும் கிடையாது.

அத்தியாயம் : அல்பலக் (காலைப்பொழுது)

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1. அதிகாலையின் இறைவனிடம் பாதுகாப்புத் தேடுகிறேன் என்று கூறுவீராக! 2. அவன் படைத்தவற்றின் தீங்கிலிருந்தும், ((பாதுகாப்புத் தேடுகிறேன்) 3. பரவும் இருளின் தீங்கை விட்டும்,

4. முடிச்சுக்களில் ஊதும் பெண்களின் தீங்கை விட்டும்,

5. பொறாமை கொள்ளும்போது பொறாமைக்காரனின் தீங்கை விட்டும் (பாதுகாப்புத் தேடுகிறேன் என்று கூறுவீராக!) (அல்பலக் : 1-5)

விளக்கமும் விரிவுரையும்;:

அல்லாஹ் படைத்தவற்றின் தீங்கை விட்டும், சூனியம், பொறாமை போன்றவற்றின் தீங்கை விட்டும் அவனிடம் பாதுகாவல் தேட வேண்டுமென இவ் அத்தியாயம் கற்றுத்தருகிறது.

குல் அஊது பிரப்பில் பலக் என்பது '(அதிகாலையின் இறைவனிடம் பாதுகாப்புத் தேடுகிறேன் என்று கூறுவீராக!) 'ஒளியைத் தந்து, காலைப்பொழுதை உண்டாக்கும் இரட்சகனான அல்லாஹ்விடம் புகழிடம் தேடி,அவனிடம் பாதுகாவல் தேடுகிறேன்' என நபியே நீங்கள் கூறுங்கள். என்பது இதன் கருத்தாகும்.

2. அவன் படைத்தவற்றின் தீங்கிலிருந்தும் (பாதுகாப்புத் தேடுகிறேன்) 'அல்லாஹ்வால் படைக்கப்பட்ட மனிதர்கள், ஜின்கள், மிருகங்கள், விஷ ஜந்துக்கள் போன்ற கண்ணுக்கு புலப்படுகின்ற, புலப்படாத அனைத்தின் தீங்கை விட்டும் பாதுகாவல் தேடுகிறேன்' என்பதாகும்.

'பரவும் இருளின் தீங்கை விட்டும் வமின் ஷர்ரிமாக கலக் 'என்பதன் கருத்து 'இரவு நேரங்களில் நடமாடும் கெட்ட ஜின்கள், கெட்ட மனிதர்கள், தீங்கிழைக்கும் விலங்குகள் போன்றவற்றின் தீங்குகளை விட்டும், இருளால் ஏற்படும் பௌதீக மாற்றங்களின் தீங்குகளை விட்டும் அல்லாஹ்விடம் பாதுகாவல் தேடுகிறேன்' என்பதாகும்

"முடிச்சுக்களில் ஊதும் பெண்களின் தீங்கை விட்டும்" 'சூனியம் செய்வதற்காக முடிச்சுகளைப் போட்டு அதில் மந்திரங்களைக் கூறி ஊதும் பெண்களின் தீங்குகளை விட்டும் அல்லாஹ்விடம் பாதுகாவல் தேடுகிறேன்' என்பதாகும்.

"பொறாமை கொள்ளும்போது பொறாமைக்காரனின் தீங்கை விட்டும்"வமின்ஷர்ரி ஹாஸிதின் இதா ஹஸத் என்பதன் கருத்து 'தான் பெற்ற அருட்கொடை நிலைக்க வேண்டும் பிறரின் அருட்கொடைகள் அழிந்து போக வேண்டும் என்ற பொறாமைக்காரனின் பொறாமையை விட்டும் நான் பாதுகாவல் தேடுகிறேன்.

அத்தியாயம் : அந்நாஸ் (மனிதர்கள);

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்)

1. மனிதர்களின் இறைவனிடம் பாதுகாப்புத் தேடுகிறேன் என்று கூறுவீராக! 2. மனிதர்களின் அரசனும், 3. மனிதர்களின் வணக்கத்திற்குரிய உண்மையான இறைவன்.

4. மறைந்து கொண்டு தீய எண்ணங்களைப் போடுபவனின் தீங்கை விட்டும், (மனிதர்களின் இறைவனிடம் பாதுகாப்புத் தேடுகிறேன் என்று கூறுவீராக!) 5. அவன் மனிதர்களின் உள்ளங்களில் தீய எண்ணங்களைப் போடுகிறான்.

6. இத்தகையோர் ஜின்களிலும், மனிதர்களிலும் உள்ளனர். ஸுறத்துன்னாஸ் :(1-6)

விளக்கமும் விரிவுரையும்:

ஷைத்தானின் தீங்குகளை விட்டும், அவனால் உள்ளங்களில் விதைக்கப்படும் தீய எண்ணங்களை விட்டும் அல்லாஹ்விடம் பாதுகாவல் தேடுமாறு இவ் அத்தியாயம் எமக்குக் கற்றுத்தருகிறது.

"மனிதர்களின் இறைவனிடம் பாதுகாப்புத் தேடுகிறேன் என்று கூறுவீராக!" 'மனிதர்களைப் படைத்து, அவர்களுக்கான வாழ்வாதாரங்களை செய்து கொடுத்து, அவர்களின் சகல விடயங்களையும் கண்கானித்துக்கொண்டிருக்கும் அல்லாஹ்விடம் பாதுகாவல் தேடுகிறேன்' என நபியே! நீங்கள் கூறுங்கள்.என்பதாகும்

"மனிதர்களின் அரசனும்" மலிகின்னாஸ் என்பதன் கருத்து மனிதர்களின் அனைத்து விடயங்களையும் நிர்வகிப்பவன். மனிதர்களை விட்டும் தேவையற்றவன்.என்பதாகும்.

(அவனே) மனிதர்களின் வணக்கத்திற்குரிய உண்மையான இறைவன். அனைத்து வணக்கங்களுக்கும் தகுதியான ஒரே இறைவன் அல்லாஹ் மாத்திரமே. அவனைத் தவிர உண்மையாக வணங்கப்படும் கடவுள் வேறு யாரும் இல்லை.

"மறைந்து கொண்டு தீய எண்ணங்களைப் போடுபவனின் தீங்கை விட்டும், (மனிதர்களின் இறைவனிடம் பாதுகாப்புத் தேடுகிறேன் என்று கூறுவீராக!)" மின்ஷர்ரில் வஸ்வாஸ் அல்கன்னாஸ் என்பதன் கருத்து : அல்லாஹ்வை நினைவுகூறாமல் இருக்கும் போது மனிதனின் உள்ளத்தில் புகுந்து அதில் தீய எண்ணங்களை விதைக்கும் ஷைத்தானின் தீங்கிலிருந்து பாதுகாவல் தேடுகிறேன் எனக் கூறுங்கள். அல்லாஹ்வை நினைவுகூறும் போது அவனது சூழ்ச்சிகள் மறைந்துவிடுகின்றன.

"அவன் மனிதர்களின் உள்ளங்களில் தீய எண்ணங்களைப் போடுகிறான்" அல்லதி யுவஸ்விசு பீ ஸுதூரின்ன்ஸ் என்பதன் கருத்து : மனிதர்களின் உள்ளங்களில் குறித்த நபர் பற்றிய தீய எண்ணங்களை உள்ளங்களில் உண்டாக்குகிறான்.

" ஜின்களிலும், மனிதர்களிலும் இத்தகையோர் உள்ளனர்" மினல் ஜின்னதி வன்னாஸ' என்பதன் கருத்து : மறைவாக உள்ளத்தில் தீய எண்ணங்களை உண்டு பன்னும் ஜின்களின் தீங்குளை விட்டும், எப்போதும் தீயதை ஏவி, தீயதையே செய்துகொண்டிருக்கும் மனிதர்களின் தீங்குகளை விட்டும் அல்லாஹ்விடம் பாதுகாவல் தேடுகிறேன்.

அல்குர்ஆன் வசனங்களிலிருந்து பெறப்படும் படிப்பினைகள்:

1. அல்லாஹ் ஒருவன் அவன் தனித்தவன் அவனுக்கு நிகர் வேறுயாருமில்லை.அவனுக்கு எந்த சந்ததியோ பெற்றோரோ கிடையாது அவனுக்கு ஒப்பாகவோ நிகராகவோ யாரும் கிடையாது.

2. அனைத்து வகையான வணக்கங்கங்களையும் செலுத்துவதற்கு முழுத்தகுதி படைத்த ஒரே இறைவன் அல்லாஹ் மாத்திரம் தான்.

3. மனித, ஜின்களின் தீங்குகளை உணரும் போது அதிலிருந்து பாதுகாப்புப் பெற தன் பக்கம் ஒதுங்கும் முஸ்லிமை அல்லாஹ் பாதுகாக்கிறான்.

4. பொறாமை, சூனியம் என்பவற்றின் தீங்குகள் உண்மையாகும். அல்லாஹ்விடம் பாதுகாவல் தேடி, அவன் மீது தவக்குல் வைப்பதன் மூலம் ஒரு முஸ்லிம் இவற்றிலிருந்து பாதுகாப்புப் பெற முடியும்.

5. அல்லாஹுத்தஆலாவை ஞாபகப்படுத்துவது ஷைத்தானால் ஏற்படும் தீய எண்ணங்களை விட்டும் ஒரு முஸ்லிமை பாதுகாக்கிறது.

செயற்பாடுகள் :

செயற்பாடு(1): அல்இஹ்லாஸ், முஅவ்விததைன் ஆகிய சூறாக்களை ஓதுவதற்கான நேரத்தை ஒதுக்குகிறேன் .

அதிகமான சந்தர்ப்பங்களில் அல்இஹ்லாஸ், முஅவ்விததைன் ஆகிய சூறாக்களை ஓதிக்கொள்ளுமாறு நபி ﷺ அவர்கள் எமக்கு வழிகாட்டியுள்ளார்கள். இவை ஓதப்படும் சரியான சந்தர்ப்பங்களுக்கு முன்னால் அடையாளமிடுக.

நேரமும் -சந்தர்பமும் ஓதுவது ஆகுமானது.

காலையில்

மாலையில்

பள்ளியினுள் நுழையும் போது

பள்ளியிலிருந்து வெளியேறும் போது

தூங்குவதற்கு முன் சாப்பிட்ட பின்

செயற்பாடு (2) நண்பர்களுடன் கலந்துரையாடுகிறேன்

சூனியம், ஷைத்தானின் தீங்குகள் போன்றவற்றிலிருந்து பாதுகாப்பு தேடுவதற்காக முஅவ்விததைன் சூறாக்களை ஓதிக்கொள்ளும் வழிமுறையை அல்லாஹ் கற்றுத் தந்துள்ளான். இப்படியிருக்க தாயத்து, ஜின் வைத்தியம் என அல்லாஹ் அனுமதிக்காத முறைகளில் சூனியத்திலிருந்து பாதுகாப்பு பெறும் முறைகளை சிலர் கையாழ்கின்றனர்.

சூனியம், ஷைத்தானின் தீங்குகள் போன்றவற்றிலிருந்து தவறான முறையில் பாதுகாப்புத் தேடும் முறைகளை உமது நண்பரோடு கலந்தாலோசித்து, பட்டியலிடுக. ஒரு முஸ்லிமின் கொள்கையில் அது ஏற்படுத்தும் தாக்கத்தையும் குறிப்பிடுக.

மதிப்பீடு

கேள்வி 1: பின்வருவனவற்றில் சரியாயின் (✓)எனவும், பிழையாயின் (x) எனவும் அடையாளமிடுக.

1. 'அஹத்' எனும் அரபு வார்த்தை, இறைத் தன்மை, பரிபாலணம் போன்றவற்றில் அல்லாஹ் தனித்தவன் என்பதைக் குறிக்கிறது. (✓)

2. 'ஸமத்' எனும் அரபு வார்த்தை, தமது தேவைகளை நிறைவேற்றிக்கொள்ள அடியார்களால் தேடிச்செல்ப்படக்கூடியவன் என்பதைக் குறிக்கிறது. ( )

3. ஒரு முஸ்லிம் சூனியத்திலிருந்து தன்னைக் காதத்துக்கொள்ள சூனியத்தின் வழிமுறைகளையே பின்பற்ற வேண்டும். (x)

4. 'நஃப்ஃபாஸாத்' எனும் அரபு வார்த்தை, மக்களுக்கு சூனியம் செய்யும் போது முடிச்சுகளில் மந்திரித்து ஓதும் பெண்களைக் குறிக்கிறது. ( )

5. முஅவ்விததைன் சூறாக்களை ஓதும் போது சூனியம், ஷைத்தான் போன்றவற்றின் தீங்குகளை விட்டும் பாதுகாக்கும். (✓)

6. தாயத்துகள் கட்டுவதும், ஜின்வைத்தியம் செய்வதும் அல்லாஹ்வுக்கு இணைவைக்கும் செயற்பாடுகளாகும்.

கேள்வி 2: பின்வரும் அர்த்தங்களுக்கு பொருத்தமான அல்குர்ஆன் வசனங்களைக் குறிப்பிடுக.

கருத்து

அல்லாஹ்வுக்கு ஒப்பாகவோ நிகராகவோ எதுவும் இல்லை.

இருளிலிருந்தும், இரவின் தீங்குகளிலிருந்தும் அல்லாஹ்விடம் நாம் பாதுகாவல் தேட வேண்டும்.

ஜின்கள், மனிதர்களின் தீங்குகளை விட்டும் அல்லாஹ்விடம் பாதுகாவல் தேட வேண்டும். அல்குர்ஆன் வசனங்கள்

கேள்வி 3: அல்இஹ்லாஸ், முஅவ்விததைன் சூறாக்களை ஓதும் சந்தர்ப்பங்களைக் கூறுக.

ஈமானும் தஸ்கியாவும்

முதலாம் பாடம்: ஈமானும், அதன் முக்கியத்துவமும்.

செயன்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. ஈமானுக்கான வரைவிலக்கிணத்தை குறிப்பிடுவீர்

2. ஈமானின் ருகுன்களை ஒவ்வொன்றாக குறிப்பிடுவீர்

3. இஸ்லாம், ஈமான், இஹ்ஸான் என்பவற்றுக்குகிடையில் உள்ள வேறுபாடுகளை அறிந்து கொள்வீர்கள்

4. ஈமானுக்கும், நற்செயல்களுக்கும் இடையிலான இருக்கமான தொடர்பின் பலத்தை உணர்ந்து கொள்வீர்

5. உங்கள் ஈமானை சரிபடுத்தி உங்கள் செயல்பாடுகளை சீர்படுத்திக்கொள்வதில் ஆர்வமுள்ளவராக இருப்பீர்.

அறிமுகம்

ஸஹாபாக்களுக்கு இஸ்லாத்தைக் கற்றுக்கொடுப்பதற்காக ஜிப்ரீல் (அலை) அவர்களை அல்லாஹ் அனுப்பினான். பின்வரும் ஹதீஸ் இதனைக் குறிப்பிடுகிறது.

உமர் இப்னுல் கத்தாப் ரழியல்லாஹு அன்ஹுஅவர்கள் அறிவிக்கிறார்கள், "நாங்கள் ஒரு நாள் அல்லாஹ்வின் தூதர் (ஸல்லல்லாஹு அலைஹிவஸல்லம் ) அவர்களின் அருகில் இருந்தபோது தூய வெண்ணிற ஆடை அணிந்த, அடர் கறுப்பு நிறத்தில் தலைமுடி உடைய ஒரு மனிதர் வந்தார். பயணத்தில் வந்த எந்த அடையாளமும் அவரிடம் காணப்படவில்லை;எங்களில் எவருக்கும் அவரை (யார் என)த் தெரிய வில்லை. அவர் நபி (ஸல்) அவர்களின் அருகில் (சென்று), தம் முழங்கால்களை நபியவர்களின் முழங்கால்களோடு இணைத்துக்கொண்டு (நெருக்கமாக) அமர்ந்தார். அவர் தம் கைகளைத் தம் தொடைகள்மீது வைத்(து பவ்வியமாக அமர்ந்)தார். பிறகு முஹம்மதே! இஸ்லாம் (அடிபணிதல்) என்றால் என்னவென்று எனக்குத் தெரிவியுங்கள்" என்று கேட்டார். அதற்கு அல்லாஹ்வின் தூதர் (ஸல்) அவர்கள், இஸ்லாம் என்பது, அல்லாஹ்வைத் தவிர வேறு இறைவன் இல்லை என்றும் முஹம்மத் (ஆகிய நான்) அல்லாஹ்வின் தூதர் என்றும் நீங்கள் உறுதி கூறுவதாகும். மேலும்,தொழுகையைக் கடைப்பிடிப்பதும், ஸகாத்தை வழங்கிவருவதும், ரமளான் மாதத்தில் நோன்பு நோற்பதும், சென்றுவர இயன்றால் இறையில்லம் கஅபாவில் ஹஜ்" செய்வதும் ஆகும்" என்று பதிலளித்தார்கள். அதற்கு அந்த மனிதர் உண்மைதான்" என்றார். அவர் இவ்வாறு கூறியதைக் கேட்டு, அவரே கேள்வியும் கேட்டுவிட்டு அவரே நபி (ஸல்) அவர்கள் அளித்த பதிலை உறுதிப்படுத்தவும் செய்கிறாரே என்று நாங்கள் வியப்படைந்தோம். அடுத்து அவர், ஈமான் (இறைநம்பிக்கை) பற்றி எனக்குத் தெரிவியுங்கள்" என்று கூறினார். அதற்கு நபி (ஸல்) அவர்கள்,அல்லாஹ்வையும் அவனுடைய வானவர்களையும் அவனுடைய வேதங்களையும் அவனுடைய தூதர்களையும் இறுதி நாளையும் நீங்கள் நம்புவதாகும்; நன்மை, தீமை அனைத்தும் விதியின்படியே நடக்கின்றன என்றும் நீங்கள் நம்புவதுமாகும்" என்று கூறினார்கள். அதற்கும் அம்மனிதர் உண்மைதான்" என்றார். அடுத்து அம்மனிதர்,இஹ்ஸான் (அழகிய முறையில் செயலாற்றல்) பற்றி எனக்குத் தெரிவியுங்கள்" என்றார். அதற்கு நபி (ஸல்) அவர்கள்,(இஹ்ஸான் என்பது,) அல்லாஹ்வை நீங்கள் பார்த்துக் கொண்டிருப்பதைப் போன்ற உணர்வுடன் வழிபடுவதாகும். ஏனெனில், அவனை நீங்கள் பார்க்கவில்லை என்றாலும், அவன் உங்களைப் பார்க்கின்றான்" என்று பதிலளித்தார்கள்."

(ஆதாரம் : முஸ்லிம் 8)

ஹதீஸில் குறிப்பிட்டுள்ளது போன்று இஸ்லாமிய மார்க்கத்திற்கு மூன்று படித்தரங்கள் காணப்படுகின்றன:

முதலாம் படித்தரம்: இஸ்லாம் (கட்டுப்படுதல்), இது ஐந்து ருக்குன்களைக் கொண்டுள்ளது. அவையாவன: ஏகத்துவத்தின் இரு சாட்சி கூறல்களான -அல்லாஹ்வை உண்மையான இறைவன் என்றும் நபி ஸல்லல்லாஹு அலைஹிவஸல்லம் அவனின் தூதரும் அடியாருமாவார்கள் என சான்று பகர்தல்-, தொழுகையை நிலைநாட்டுதல் , ஸகாத் கொடுத்தல், ரமழான் மாதத்தில் நோன்பு நோற்றல், ஹஜ் செய்தல் என்பனவாகும்.

இரண்டாம் படித்தரம்: ஈமான் (விசுவாசம் கொள்ளல்), இது இஸ்லாத்திற்கு அடுத்து வரும் படித்தரமாகும்.

மார்க்கம் குறிப்பிடுகின்ற அவசியம் நம்பிக்கை கொள்ள வேண்டிய விடயங்களை- உள்ளத்தால் உண்மைப்படுத்தி, நாவால் மொழிந்து, உடல் உறுப்புக்களால் செயற்படுத்துவதற்கு ஈமான் எனக் கூறப்படும்.

ஒரு மனிதன் முதலில் உள்ளத்தால் ஏற்றுக்கொள்ள வேண்டும். அவ்வாறு ஏற்றுக்கொள்வதன் வெளிப்பாடே இரு கலிமாக்களையும் நாவால் மொழிவதாகும். உறுப்புக்களால் அமல்களை செய்யும் போது மாத்திரமே ஈமான் பரிபூரணம் பெறுகிறது. இந்த வகையில்தான் அல்குர்ஆன் சுவன வாசிகளை வர்ணிக்கையில் அவர்களிடம் ஈமான் எனும் ஆழமான இறைவிசுவாசமும் சீரான நல்லமகளும் காணப்படும் என்று குறிப்பிடுகிறது.இது குறித்து குறிப்பிடுகையில் பின்வருமாறு கூறுகிறான். "நம்பிக்கை கொண்டு நல்லறங்கள் செய்தோர் சுவர்க்வாசிகளாவர் . அதில் அவர்கள் நிரந்தரமாக இருப்பார்கள்." (ஸூறா அல் -பகரா : 82).

எனவே ஒவ்வொரு முஃமினும் தான் ஈமான் கொண்டவற்றிட்கு இணங்க நற்செயல்களை செய்வதற்கு முயற்சிக்க வேண்டும். இதுவே அவருக்கு ஈருலகிலும் வெற்றியைக் கொடுக்கும்.

ஈமானுக்கு ஆறு ருக்குன்கள் இருக்கின்றன, அவை வருமாறு: அல்லாஹ்வையும், மலக்குமார்களையும், வேதங்களையும், நபிமார்களையும், மறுமைநாளையும், விதியையும் நம்பிக்கை நம்பிக்கை கொள்வதாகும்.

மூன்றாம் படித்தரம்: இஹ்ஸான் (அல்லாஹ்வின் கண்காணிப்பை உணர்தல்), தனது ஒவ்வொரு சொல்லையும், செயலையும், அசைவையும் அல்லாஹ் கண்காணித்துக் கொண்டிருக்கிறான் என்பதை உணர்வதே இஹ்ஸான் ஆகும். நாம் அல்லாஹ்வை காண்பது போல் செயற்பட வேண்டும். நாம் அவனைக் காணாவிட்டாலும், அவன் எம்மைப் பார்த்துக்கொண்டிருக்கிறான் என்பதை உணர்ந்தாவது செயற்பட வேண்டும்.

செயற்பாடுகள்

செயற்பாடு (1): மார்க்கத்தின் படித்தரங்களை வேறுபடுத்துவேன்:

பின்வரும் அல்குர்ஆன் வசனங்களில் ஈமானின் படித்தரத்திற்கு முன் இஸ்லாத்தின் படித்தரம் உள்ளது என்பதை காட்டும் வசனங்களைத் தேர்வு செய்க.

""நம்பிக்கை கொண்டோம்'' என்று கிராமப்புற அறபிகள் கூறுகின்றனர். "நீங்கள் நம்பிக்கை கொள்ளவில்லை. நம்பிக்கை உங்கள் உள்ளங்களில் நுழையவில்லை. மாறாக "கட்டுப்பட்டோம் என்று கூறுங்கள்'' என (முஹம்மதே!) கூறுவீராக!" (ஹுஜுராத் : 14).

"உங்கள் தந்தை இப்பராஹிமின் மார்க்கத்தையே பின்பற்றுங்கள் . இதற்கு முன்னரும் இதிலும் அவனே உங்களுக்கு முஸ்லிம்கள் எனப் பெயரிட்டான்." (ஹஜ் : 78).

"நம்பிக்கை கொண்டோர் வெற்றி பெற்று விட்டனர்." (முஃமினூன் : 1).

செயற்பாடு (2): அல்குர்ஆன் வசனத்தையும், அவை குறிப்பிடும் அர்த்தங்களையும் இணைக்கிறேன்.

பின்வருவனவற்றில் அல்குர்ஆன் வசனங்கள் மற்றும் ஹதீஸ்களையும், அவை குறிப்பிடும் அர்த்தங்களையும் இணைக்குக.

அல்குர்ஆன் வசனம் மற்றும் ஹதீஸ்

அல்லாஹ் கூறினான் "நல்லறங்கள் புரிந்து நம்பிக்கை கொண்டவராக அவனிடம் வருவோர்க்கே உயர்வான பதவிகள் உள்ளன." (தாஹா : 75).

நபி ஸல்லல்லாஹு அலைஹிவஸல்லம் அவர்கள் கூறினார்கள் : "யாரிடமிருந்து மக்களின் சொத்துக்களும், உயிர்களும் பாதுகாப்பாக இருக்கிறதோ அவரே முஃமினாவார்" (நூல்: இப்னுமாஜா 3934).

நபி ஸல்லல்லாஹு அலைஹிவஸல்லம் அவர்கள் கூறினார்கள் : "யார் அல்லாஹ்வையும், மறுமை நாளையும் விசுவாசம் கொள்கிறாரோ அவர் விருந்தினரை நல்லமுறையில் உபசரிக்கட்டும்." (ஆதாரம் : புஹாரி 6135, முஸ்லிம் 48). ஹதீஸ்கள் கூறும் கருத்துக்கள்

ஈமான் ((இறைவிசுவாசம்) ஒருவர் மற்றவருக்கு துன்பம் இழைப்பதைத் தடுக்கிறது.

சிறந்த நற்குணங்கள் ஈமானின் விளைவுகளில் ஒன்றாகும் .

மறுமையில் அந்தஸ்த்து உயர்வதற்கு ஈமானே காரணமாகும்.

செயற்பாடு (3): (அறிவுறை வழங்குவேன்)

கடமையான வணக்கங்களை செய்யாது, தமது உள்ளம் ஈமானால் நிரம்பியுல்ளது என சிலர் (வாதிடுகின்றனர்) கூறுகின்றனர்.

இவர்களுக்கான அறிவுறையொன்றை எழுதுக.

மதிப்பீடு :

கேள்வி 1: பின்வருவனவற்றில் சரியாயின் (

1. தொழுகையை நிலைநாட்டுவது இஹ்ஸானின் ருக்குன்களில் ஒன்றாகும். ( )

2. சுவர்க்கத்தையும், நரகத்தையும் நம்பிக்கை கொள்வது ஈமானின் ருக்குன்களில் உள்ளவையாகும். ( )

3. ஈமான் என்பது மார்க்கத்தின் படித்தரங்களில் முதலாவது படித்தரமாகும். ( )

கேள்வி 2: பின்வருவனவற்றில் சரியான விடையைத் தேர்வு செய்க.

1. ஈமானின் ருக்குன்கள்

(ஐந்து - ஆறு - ஏழு) ஆகும்.

2. அல்லாஹ் கண்காணிக்கிறான் ((இறைஅவதானம்)எனும் படித்தரம்:

(இஸ்லாம் - ஈமான் - இஹ்ஸான்) குறிக்கிறது.

3. ஈமான் முழுமை பெற அவசியம் இருக்க வேண்டிய விடயங்களில் ஒன்று ............ ஆல் ஏற்றுக்கொள்வதாகும் ( நம்புவதாகும் )

(உள்ளம் - நாவு - உடல்உறுப்புகள்)

கேள்வி 3: பின்வரும் வினாக்களுக்கு விடையெழுதுக:

1. ஈமானின் வரைவிலக்கணத்தை குறிப்பிடுக.

2. ஈமானோடு, நற்செயல்களும் இணைந்திருக்க வேண்டும் என்பதற்கான ஆதாரத்தைக் குறிப்பிடுக.

3. பின்வருவனவற்றை குறைந்த படித்தரத்தில் இருந்து கூடிய படித்தரம் வரை பின்வருபவற்றை ஒழுங்குபடுத்துக. (இஹ்ஸான் - இஸ்லாம் - ஈமான்).

இரண்டாம் பாடம்: அல்லாஹ்வை விசுவாசம் கொள்வதும், அதன் அதன் விளைவுகளும்

செயன் முறை நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. அல்லாஹ்வை ஈமான் கொள்ளல் என்பதன் கருத்தை தெளிவுபடுத்துவீர்.

2. தனிமனித மற்றும் சமூகத்தில் ஈமான் ஏற்படுத்தும் விளைவுகளை -பிரதிபலன்களை - தெளிவாகக் கூறுவீர்.

3. நடத்தையில் செல்வாக்குச் செலுத்துவதில் ஈமானின் முக்கியத்துவத்தை உணர்வீர்.

4. முஃமின்களின் பண்புகளையும், அவர்களின் நன்நடத்தைகளையும் வாழ்வில் அணிகலனாகக் கொள்வீர்- -பின்பற்றி நடப்பீர்.

அர்கானுல் ஈமான் -ஈமானின் அடிப்படை அம்சங்கள்- ஆறு என்பதை அறிந்து கொண்டீர்.அதில் முதலாவது அம்சம் அல்லாஹ்வை ஈமான் கொள்வதாகும். எனவே அல்லாஹ்வை விசுவாசம் கொள்ளல் என்பதன் அர்த்தம் யாது?

இதற்கான பதிலை பின்வரும் தலைப்புகளினூடாக தெரிந்து கொள்வோம்.

அல்லாஹ்வை நம்புதல் ( ஈமான் கொள்ளுதல்)

அல்லாஹ்வின் இருப்பை விசுவாசம் கொள்ளல்.

அல்லாஹ்வின் பரிபாலணத்தை ( (ருபூபிய்யாவை)படைப்பினங்களுக்கான இரட்சிப்பை )விசுவாசம் கொள்ளல்.

அல்லாஹ்வின் இறைத் தன்மையை (உலூஹிய்யா)(விசுவாசம் கொள்ளல்.

அல்லாஹ்வின் பெயர்கள் மற்றும் பண்புகளை விசுவாசம் கொள்ளல்.

முதலாவது: அல்லாஹ்வை விசுவாசம் கொள்ளல்:

அல்லாஹ்வை விசுவாசம் கொள்வது ஈமானின் முதலாவதும், மிகப்பிரதானமானதுமான ருக்னாகும். இது நான்கு விடயங்களை உள்ளடக்கியுள்ளது. அவையாவன:

1. அல்லாஹ்வின் இருப்பை விசுசித்தல்-ஈமான் கொள்ளல். இதனை மனிதஇயல்புணர்வு மற்றும் சீரிய பகுத்தறி ஆகியவற்றால் அறிந்து கொள்ள முடியும் .

சர்வ வல்லமையுள்ள அல்லாஹ்வின் இருப்பிற்கான ஆதாரங்களுள் "படைப்பின் ஆதாரம் "அடிப்படையானதாகும்.இவ்வடிப்படையின் படி படைப்பினங்கள் அல்லாஹ்வின் இருப்பை உறுதி செய்கின்றன. ஒவ்வொரு படைப்பும் அதற்குப் பின்னால் ஒரு படைப்பாளன் இருக்கிறான் என்பதை உணர்த்துகின்றன. அல்லாஹ் கேட்கிறான், "எப்பொருளும் இன்றி அவர்கள் படைக்கப்பட்டார்களா? அல்லது அவர்களே படைப்பவர்களா?" (ஸுறதுத் தூர்:35)

2. அனைத்தையும் படைத்து, ஆட்சி செய்து பரிபாலிப்பவன் அல்லாஹ் ஒருவன் தான் என விசுவாசம் கொள்ள வேண்டும். அவனே அனைவருக்கும் வாழ்வாதாரத்தை வழங்குகிறான். உயிர்கொடுக்கிறான், மரணிக்கச் செய்கிறான். அல்லாஹ் இது குறித்து பின்வருமாறு குறிப்பிடுகிறான் , "வானங்களின் இறைவனும், பூமியின் இறைவனும் அகிலத்தின் இறைவனாகிய அல்லாஹ்வுக்கே புகழனைத்தும்." (ஸுறா அல் ஜாஸியா :36)

3. அல்லாஹ்வுக்கு என தனித்துவமான பெயர்களும், உயரிய பண்புகளும் இருக்கின்றன என விசுவாசம் கொள்ள வேண்டும். அவனைப் போல் எதுவும் கிடையாது. அல்லாஹ் இது குறித்து பின்வருமாறு குறிப்பிடுகிறான் ,, "அவனைப் போல் எதுவும் இல்லை. அவன் செவியுறுபவன்; பார்ப்பவன்" (அல்குர்ஆன் 42:11).

4. வணக்கத்திற்குத் தகுதியான ஒரே இறைவன் அல்லாஹ் மாத்திரமே என விசுவாசம் கொள்ள வேண்டும். இரட்சகனும், படைப்பாளனும் அல்லாஹ் தான் என்பதை அறிந்த ஒருவர் வணக்கத்திலும் அல்லாஹ்வை ஒருமைப்படுத்த வேண்டும். அவனைத் தவிர வேறு கடவுள்களை விட்டும் விலகியிருக்க வேண்டும். அல்லாஹ் கூறுகிறான், "வானங்களுக்கும், பூமிக்கும், அவற்றுக்கு இடையே உள்ளவற்றுக்கும் (அவனே) இறைவன். எனவே அவனை வணங்குவீராக! அவனது வணக்கத்திற்காக (சிரமங்களைச்) சகித்துக் கொள்வீராக! அவனுக்கு நிகரானவனை நீர் அறிகிறீரா?" (ஸுறா மர்யம் :65)

இரண்டாவது: அல்லாஹ்வை விசுவாசம் கொள்வதினால் ஒரு முஸ்லிமின் நடத்தையில் ஏற்படும் விளைவுகள் :

1. அல்லாஹ்வை விசுவாசம் கொள்வது ஒரு முஃமினின் உள்ளத்தை எப்போதும் அல்லாஹ்வுடன் தொடர்பில் வைத்திருக்கும். அல்லாஹ்வின் மீது அன்பு கொண்டு, அவனது தண்டனைகளை அஞ்சி, அவன் தரவிருக்கும் கூலிகளை எதிர்பார்த்து, அவன் மீது உறுதியான நம்பிக்கை வைத்து, எல்லா விடயங்களையும் அவனிடமே பொறுப்புச் சாட்டி எப்போதும் அல்லாஹ்வின் நினைவிலே இருக்க மனதை பக்குவப்படுத்திடும். அத்துடன் இறைவிசுவாசமனாது நாவை அல்லாஹ்வை நினைவு கூர்ந்திடவும்,அல்குர்ஆனை ஓதிடவும் உட்படுத்துவதோடு, உறுப்புக்களை வணக்கவழிபாடுகளில் ஈடுபடுத்தி தீமைகளிலிருந்து தவிர்ந்து நடக்கவும் வகை செய்கிறது.

2. அல்லாஹ்வை விசுவாசம் கொள்வதனால் அல்லாஹ் அல்லாத ஏனையோர் மீது இருக்கும் பயம் நீங்கிவிடுகிறது. அல்லாஹ் கூறுகிறான், "தனது நேசர்களை ஷைத்தான் (இவ்வாறு) அச்சுறுத்துகிறான். எனவே நீங்கள் நம்பிக்கை கொண்டிருந்தால் அவர்களுக்கு அஞ்சாதீர்கள்! எனக்கே அஞ்சுங்கள்!" (ஆல இம்ரான் : 175).

3. அல்லாஹ்வை விசுவாசம் கொள்வதால் வணக்க வழிபாடுகளை மிகவும் ஈடுபாட்டோடு செய்யவும் அல்லாஹ்வுக்கு அஞ்சி, அவன் மீது தனது அனைத்து விடயங்களையும் பொறுப்பு சாட்டி, அவன் பக்கம் நெருங்க வகைசெய்கிறது.அல்லாஹ் கூறுகிறான், "2. நம்பிக்கை கொண்டோர் யார் எனில் அல்லாஹ்வைப் பற்றிக் கூறப்பட்டால் அவர்களின் உள்ளங்கள் நடுங்கும். அவனது வசனங்கள் அவர்களுக்குக் கூறப்பட்டால் அது அவர்களின் நம்பிக்கையை அதிகப்படுத்தும். அவர்கள் தமது இறைவனையே சார்ந்திருப்பார்கள்." "3. அவர்கள் தொழுகையை நிலைநாட்டுவார்கள். நாம் அவர்களுக்கு வழங்கியவற்றிலிருந்து (நல்வழியில்) செலவிடுவார்கள்." "4. அவர்களே உண்மையான நம்பிக்கை கொண்டவர்கள். அவர்களுக்கு, அவர்களின் இறைவனிடம் பல பதவிகளும், மன்னிப்பும், கண்ணியமான உணவும் உண்டு." (அல்அன்பால் : 2-4)

4. அல்லாஹ்வை விசுவாசம் கொள்வதால் பிறரின் உரிமைகளைப் பேணி நடக்க முடிகிறது. நபி ﷺ அவர்கள் கூறினார்கள், "யாரிடமிருந்து மக்களின் சொத்துக்களும், உயிர்களும் பாதுகாப்பாக இருக்கிறதோ அவரே முஃமினாவார்" (நூல்: இப்னுமாஜா 3934).

இவ்வாறு தான் அல்லாஹ்வை விசுவாசம் கொள்வது ஒரு முஸ்லிமின் நடத்தைகளில் மாற்றத்தை உண்டு பண்ணி, நல்ல செயல்களை செய்வதற்கும், தீய செயல்களை விட்டும் தவிர்ந்திருப்பதற்கும் அவருக்கு வழிகாட்டுகிறது.

செயற்பாடுகள் :

ஒப்படை (1): சிந்தித்து, பகருத்துக்களையும் முடிவுகளையும் பெறுவேன்.

பின்வருவனவற்றில் அல்குர்ஆன் வசனங்கள் மற்றும் ஹதீஸ்களையும், அவை குறிப்பிடும் அர்த்தங்களையும் இணைக்குக.

அல்குர்ஆன் வசனம் மற்றும் ஹதீஸ்

அல்லாஹ் கூறினான் "அறிவுரை கூறுவீராக! அந்த அறிவுரை நம்பிக்கை கொண்டோருக்குப் பயன் தரும்." (ஸாரியாத் : 55).

நபி ஸல்லல்லாஹு அலைஹிவஸல்லம் அவர்கள் கூறினார்கள் : "(மறுமையில் விசாரணைகள் முடிந்த பின்) சொர்க்கவாசிகள் சொர்க்கத்திலும் நரகவாசிகள் நரகத்திலும் நுழைந்துவிடு வார்கள். பிறகு “யாருடைய உள்ளத்தில் கடுகு வித்தளவேனும் இறைநம்பிக்கை (ஈமான்) இருக்கிறதோ அவரை (நரகத் திலிருந்து) வெறியேற்றிவிடுங்கள்” என்று உயர்ந்தோன் அல்லாஹ் கட்டளை யிடுவான்." (நூல்: புஹாரி 22, முஸ்லிம் 184).

நபி ஸல்லல்லாஹு அலைஹிவஸல்லம் அவர்கள் கூறினார்கள் : "“அல்லாஹ்வின் மீதாணையாக! அவன் இறைநம்பிக்கையாளன் அல்லன். அல்லாஹ்வின் மீதாணையாக! அவன் இறைநம்பிக்கையாளன் அல்லன். அல்லாஹ்வின் மீதாணையாக! அவன் இறைநம்பிக்கையாளன் அல்லன்” என்று (மூன்று முறை) நபி ﷺ அவர்கள் கூறினார்கள். “அவன் யார்? அல்லாஹ்வின் தூதரே!” என்று கேட்கப்பட்டது. அதற்கு நபி ﷺ அவர்கள் “எவனுடைய நாசவேலைகளிலிருந்து அவனுடைய அண்டை வீட்டார் பாதுகாப்பு உணர்வைப் பெறவில்லையோ அவன்தான்” என்று பதிலளித்தார்கள்." (ஆதாரம் : புஹாரி 6016). அவற்றின் அர்த்தங்கள்

ஈமான் என்பது அடியார்களின் உரிமைகளோடு தொடர்புபடுகிறது.

உபதேசங்களைக் கேட்டு பயன்பெறுவது ஈமானின் பிரதிபலன்களில் உள்ளவையாகும்.

மறுமையில் நரகிலிருந்து பாதுகாப்புப் பெறுவதற்குக் காரணமாக இருப்பது ஈமானாகும்.

செயற்பாடு (2): ஆய்வு செய்து, பதிலளிக்கிறேன்..

தான் நபி ﷺ அவர்களுடன் ஹிஜ்ரத் செய்தது பற்றி அபூபக்கர் (ரழி) அவர்கள் பின்வருமாறு கூறினார்கள், "சூரியன் உச்சி சாய்ந்தபிறகு நாங்கள் பயணமானோம். எங்களை சுராக்கா இப்னு மாலிக் பின்தொடர்ந்து வந்தார். (அப்போது அவர் இஸ்லாத்தைத் தழுவியிருக்கவில்லை.) நான், “(எதிரிகள்) நம்மிடம் வந்துவிட்டார்கள், அல்லாஹ்வின் தூதரே!” என்று சொன்னேன். அதற்கு அவர்கள், “கவலைப்படாதீர்கள். அல்லாஹ் நம்முடன் இருக்கின்றான்” என்று சொன்னார்கள். நபி ﷺ அவர்கள் சுராக்காவுக்கு எதிராகப் பிரார்த்தித்தார்கள். உடனே சுராக்காவுடன் அவரது குதிரை தன் வயிறுவரை பூமியில் புதைந்துவிட்டது." (ஆதாரம் : புஹாரி 3615, முஸ்லிம் 7706).

மேற்கூறப்பட்ட சம்பவத்தை வாசித்த பின், பின்வரும் கேள்விகளுக்கு விடையளிக்குக:

1. இச் சம்பவத்திலிருந்து நாம் கற்றுக்கொள்ளும் விடயம் யாது?

2. இச்சம்பவத்திற்கும், பாடத்தின் தலைப்பிற்கும் உள்ள தொடர்பு யாது?

மதிப்பீடு :

கேள்வி 1: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. படைப்பினங்களின் இருப்பு குறிப்பது:

(அல்லாஹ்வின் இருப்பு - நபி ﷺ உண்மைப்படுத்தல் - அல்குர்ஆனின் அற்புதம்)

2. நபியவர்களின் இவ்வார்த்தை குறிப்பது: "யாரிடமிருந்து மக்களின் சொத்துக்களும், உயிர்களும் பாதுகாப்பாக இருக்கிறதோ அவரே முஃமினாவார்"

பரிபாலணத்தில் (ருபூபிய்யாவில் ) அல்லாஹ்வை ஒருமைப்படுத்தல் - ஈமானை செயலுடன் இணைந்திருத்தல் - சமூக பாதுகாப்பின் முக்கியத்துவம்)

3. உண்மையான முஃமின் என்பவர்:

(அல்லாஹ்வை படைப்பினங்களுக்கு ஒப்பாக மாட்டான் - அண்டை வீட்டாரை நோவினை செய்வான் - பேச்சில் உண்மையாக இருக்கமாட்டான்)

கேள்வி 2: பின்வரும் வசனங்களில் பிழைகள் காணப்படின் அவற்றை சரி செய்து, மீண்டும் எழுதுக.

1. அல்லாஹ்வின் இருப்பை நம்பினால் ஒருவருக்கு இஸ்லாத்தில் நுழைய முடியும்.

அல்லாஹ்வின் இருப்பு, அவனின் பரிபாலணம், இறைத்தன்மை ஆகியவற்றை ஒருவர் நம்பும் வரை அவர் முஸ்லிமாக மாட்டார்.

2. ஈமான் என்பது உள்ளத்துடன் தொடர்புபட்ட விடயமாகும். இதற்கும் உடல் உறுப்புக்களுக்கும் எவ்விதத் தொடர்பும் கிடையாது.

ஈமான் என்பது உள்ளத்துடன் தொடர்புபட்ட விடயமாகும். ஆனால் அதன் பிரதிபலன்கள் நாவினாலும், உடல் உறுப்புக்களாலுமே வெளிப்படும்.

கேள்வி 3: பின்வருவனவற்றுக்கு ஆதாரங்களைக் குறிப்பிடுக.

1. அண்டை வீட்டாருக்கு நோவினை செய்வதை ஈமான் தடுக்கிறது.

2. உண்மையான முஃமின் எப்போதும் அல்லாஹ்வுக்கு அஞ்சி நடப்பார்.

கேள்வி 4: ஒரு முஸ்லிம் நான்கு விடயங்களை ஏற்றுக்கொண்டால் மாத்திரமே அவரின் ஈமான் உறுதியாகிறது. அவற்றை நான்கு வரிகளில் சுருக்கமாக குறிப்பிடுக.

மூன்றாம் பாடம்: மலக்குகளை ஈமான் கொள்தல், மற்றும் அதன் பிரதிபலன்கள்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. மலக்குகள் என்றால் என்ன என்பதைத் தெளிவு படுத்திடுவீர் .

2. மலக்குகளை ஈமான் கொள்வதன் அர்த்தத்தை தெளிவுபடுத்துவீர் .

3. மலக்குகளை ஈமான் கொள்வதற்கான ஆதாரங்களை முன்வைப்பீர்.

4. மலக்குகளின் சில பணிகளைக் குறிப்பிடுவீர்,

5. மலக்குகளைப் பார்த்து வெட்கி(த்து அல்லாஹ்வுக்கு மாறு செய்யாது நாணம் பேணி நடப்பீர்.

ஆரம்ப செயற்பாடு :

மலக்குகளைப் பற்றி உமக்கு என்ன தெரியும்?

"அல்லாஹ் மலக்குகளிலிருந்து தூதர்களைத் தேர்வு செய்கின்றான்".

(ஹஜ் : 75).

முதலாவது: மலக்குமார்கள் என்போர் யார்?

இரண்டாவது : மலக்குகளை ஈமான் கொள்ளல் என்பதன் கருத்து

மூன்றாவது :மலக்குளின் பணிகள்

நான்காவது: மலக்குகளை விசுவாசிப்பதனால் ஏற்படும் பிரதிபலன்கள்

மலக்குகளை ஈமான் கொள்வது அனைத்து முஸ்லிம்களினதும் கடமையாகும். இது ஈமானின் பிரதான தூண்களில் ஒன்றாகும். இதனைக் கொண்டே ஓர் அடியானின் ஈமான் செல்லுபடியாகிறது, அதற்கான ஆதாரம் பின்வருமாறு :

அல்லாஹ் கூறுகிறான் : (மனிதர்களே! நம்) தூதர், தம் இறைவனிடமிருந்து தமக்கு அருளப்பட்ட (வேதத்)தை மெய்யாகவே நம்பிக்கை கொள்கிறார். (அவ்வாறே மற்ற) நம்பிக்கையாளர்களும் (நம்பிக்கை கொள்கின்றனர். இவர்கள்) அனைவரும் அல்லாஹ்வையும், அவனுடைய வானவர்களையும், அவனுடைய வேதங்களையும், அவனுடைய தூதர்களையும் நம்பிக்கை கொள்கின்றனர். எவறுக்கிடையிலும் நாம் வேறுபாடுகாட்டமாட்டோம். எங்கள் இரட்சகனே , ‘‘(இறைவனே! உன் வேத வசனங்களை) நாங்கள் செவியுற்றோம். (உன் கட்டளைக்கு) நாங்கள் கீழ்ப்படிந்தோம். எங்கள் இறைவனே! நாங்கள் உனது மன்னிப்பைக் கோருகிறோம். உன்னிடம்தான் நாங்கள் சேர வேண்டியதிருக்கிறது'' என்றும் கூறுகிறார்கள். (பகரா : 285).

ஈமானைப் பற்றி நபி (ஸல்) அவர்களிடம் வினவப்பட்ட போது பின்வருமாறு கூறினார்கள் : ஈமான் என்பது அல்லாஹ்வையும், அவனின் மலக்குகளையும், அவனது வேதங்களையும், அவனது தூதர்களையும், மறுமை நாளையும், நன்மை தீமைகள் அனைத்தும் அல்லாஹ்வின் விதிப்பபடியே நடைபெறும் என்பதையும் விசுவாசம் கொள்வதாகும் என்று கூறினார்கள். (ஆதாரம் : முஸ்லிம் 102).

முதலாவது: மலக்குமார்கள் என்போர் யார்?

அவர்கள் பிரமாண்டமான படைப்பினம், ஒளியினால் அல்லாஹ் அவர்களைப் படைத்துள்ளான், அல்லாஹ் தமக்கு ஏவியவற்றில் அவனுக்கு மாறு செய்ய மாட்டார்கள், தமக்கு ஏவப்பட்டதை செயற்படுத்துவார்கள்.

மலக்குகள் பிரமாண்ட படைப்பு என்பதை அறிவிக்கும் ஆதாரங்களில் ஜிப்ரீல் (அலை) அவர்களைப் பற்றி அல்லாஹ் கூறிய வார்த்தையாகும் : "(அவர்) சக்திமிக்கவர்; அர்ஷுக்குடையவனிடம் பெரும் பதவியுடையவர்". (தக்வீர் : 20).

இரண்டாவது : மலக்குகளை ஈமான் கொள்ளல் என்பதன் கருத்து

ஒரு முஸ்லிம் மலக்குகளை ஈமான் கொள்வதை பின்வரும் விடயங்களின் மூலம் சாத்தியப்பத்திக்கொள்கிறான். :

அவர்கள் இருப்பை உண்மைப் படுத்தல்.

அல்குர்ஆனிலும், ஸுன்னாவிலும் இடம்பெற்றுள்ள, நாமறிந்துள்ள மலக்குகளின் பெயர்களை ஈமான் கொள்ளுதல்.

அல்குர்ஆனிலும், ஸுன்னாவிலும் இடம்பெற்றுள்ள, நாமறிந்துள்ள மலக்குகளின் பண்புகளை ஈமான் கொள்ளுதல்.

மூன்றாவது :மலக்குளின் பணிகள்

மலக்குகளுக்கு பல பணிகள் உள்ளன, அவற்றில் சில பின்வருமாறு :

1. வஹி இறக்குதல் , இது ஜிப்ரீல் (அலை) அவர்களின் பணியாகும்.

2. மழை பொழிய வைத்தல், இது மீகாஈல் (அலை) அவர்களின் பணியாகும்.

3. அடியார்களின் செயல்களைப் பதிந்து வைத்தல், அல்லாஹ் கூறுகின்றான் : நிச்சயமாக உங்கள் மீது காவலாளர்கள் ஏற்படுத்தப்பட்டு இருக்கின்றனர். (அவர்கள்) கண்ணியம் வாய்ந்த எழுத்தாளர்கள். (இன்பிதார் : 10, 11).

4. உயிர்களை கைப்பற்றல், இது மலகுல் மௌத்தின் பணியாகும்.

5. மறுமையில் ஸூர் ஊதுதல், இது இஸ்ராபீல் (அலை) அவர்களின் பணியாகும்.

அல்குர்ஆனிலும், ஸுன்னாவிலும் இன்னும் பல பணிகள் இடம்பெற்றுள்ளன.

நான்காவது: மலக்குகளை விசுவாசிப்பதனால் ஏற்படும் பிரதிபலன்கள்

மலக்குகள் மீதான நம்பிக்கை முஸ்லிமின் நடத்தையில் பெரும் விளைவுகளை ஏற்படுத்துகிறது, அவற்றுள் சில :

1. மலக்குகளை முன்மாதிரியாகக்கொண்டு அல்லாஹ்வுக்கு கட்டுப்பட்டு நடப்பதற்கு முயற்சித்தல்.

2. நற்செயல்கள் மூலம் மமதையுடன் பெருமிதம் கொள்ளாதிருத்தல், ஏனெனில் மலக்குகள் பாவங்களை விட்டும் பாதுகாக்கப்பட்டவர்கள், அவ்வாறிருந்தும் அவர்கள் வணக்கத்திலே தொடர்ந்து நிலைத்திருக்கின்றனர், எனவே அலட்சியப்போக்குள்ள, பாவியான மனிதனே வணக்கத்திற்கும், பாவமன்னிப்புக் கோரவும் மிகத் தகுதியானவர்கள்.

3. முதலில் அல்லாஹ்வை அஞ்சியும், பின்னர் எமது செயல்களைப் பதியும் மலக்குகளைப் பார்த்து வெட்கித்தும் அல்லாஹ் தடுத்தவைகளை விட்டும் தூரமாக முயற்சித்தல்.

செயற்பாடுகள்:

செயற்பாடு (1) :நன்கு அவதானித்து விடையளிக்கிறேன்

அல்லாஹ் கூறினான் "நிச்சயமாக அல்லாஹ்வும் அவனுடைய வானவர்களும் நபியின் மீது ஸலவாத்துச் சொல்கின்றார்கள். ஆகவே, நம்பிக்கையாளர்களே! நீங்களும் அவர்கள் மீது ஸலவாத்துச் சொல்லி ஸலாமும் கூறிக் கொண்டிருங்கள்". (அஹ்ஸாப் : 56).

இந்த வசனத்தில், அல்லாஹ் மலக்குகளின் ஒரு செயலைக் குறிப்பிட்டுள்ளான், அதில் அவர்களைப் பின்பற்றும் படி விசுவாசிகளுக்கு கட்டளையிட்டுள்ளான். அது என்ன செயல்?

செயற்பாடு (2) : விவாதித்து, கருத்துத் தெரிவிக்கிறேன்.

நபி ஸல்லல்லாஹு அலைஹிவஸல்லம் அவர்கள் கூறினார்கள் : "கல்வியைத் தேடுபவனைப் பார்த்து திருப்திப்பட்டதால் மலக்குகள் அவர்களைப் பாதுகாப்பதற்காக தமது இறக்கைகளைத் தாழ்த்துகின்றனர்" (ஆதாரம் : அபூதாவூத் 3643).

மலக்குகள் கல்வியைத் தேடுபவர்களை மதிப்பதை நீர் அறியும் போது- ஒரு மாணவன் என்ற ரீதியில் - உமது உணர்வுகளைக் கூறவும்.

செயற்பாடு (3) : தெளிவுபடுத்துவேன்.

நபி ஸல்லல்லாஹு அலைஹிவஸல்லம் கூறினார்கள்: "வெங்காயம், வெள்ளைப் பூண்டு, லீக்ஸ் போன்றவற்றை உண்டவர் எமது பள்ளிக்கு நெருங்க வேண்டாம், ஏனெனில் மனிதர்கள் நோவினை அடைவதிலிருந்து மலக்குகளும் நோவினை அடைகின்றனர்". (ஆதாரம் : முஸ்லிம் 1282)

இந்நபிமொழியினூடாக மலக்குகளுக்கு நீர் செய்ய வேண்டிய செயன்முறை சார்ந்த கடமைகளைத் தெளிவுபடுத்தவும்.

மதிப்பீடு :

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1. அல்லாஹ் மலக்குகளை ஒளியினால் படைத்துள்ளான்.

2. இஸ்ராபீல் (அலை) அவர்களின் பணி நபிமார்களுக்கு வஹி எத்திவைப்பதாகும்.

3. பூமிக்கு மழை பொழிவித்தல் ஜிப்ரீல் (அலை) அவர்களின் பணியாகும்.

4. மலக்குகளைப் பின்பற்றி வணக்க வழிபாடுகளில் ஈடுபட முயற்சிப்பது அவசியமாகும்.

கே 2 : பின்வருவனவற்றிற்கு ஒரு வசனம் அல்லது ஹதீஸில் இருந்து ஆதாரம் வழங்கவும்:

1. மலக்குகளை ஈமான் கொள்ளுதல்.

2. ஜிப்ரீல் (அலை) அவர்களின் பிரமாண்ட தோற்றம்.

கேள்வி :3 பின்வரும் இரு கேள்விகளுக்கும் விடையளிக்குக.

1. ஒரு முஸ்லிம் மலக்குகளை ஈமான் கொள்வதை சாத்தியப்படுத்துவது எவ்வாறு?

2 - மலக்குகள் மீதான நம்பிக்கையின் விளைவுகளில் ஒன்று: மமதையை உள்ளத்தை விட்டும் நீக்குதலாகும். இதை விளக்குக.

பாடம் நான்கு : வேதங்கள் மற்றும் இறைத்தூதர்கள் மீதான நம்பிக்கை மற்றும் அவற்றின் பிரதிபலன்கள்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. வேதங்கள் மற்றும் இறைத்தூதர்களை ஈமான் கொள்வதன் அர்தத்தை தெளிவுபடுத்திடுவீர்.

2. அல்குர்ஆனில் இடம்பெற்றுள்ளது போல் வேதங்கள் மற்றும் இறைத்தூதர்களின் பெயர்களைக் குறிப்பிடுவீர் .

3. பிற வேதங்களை விட அல்குர்ஆனுக்குள்ள சிறப்பியல்புகளை வேறுபடுத்திடுவீர் .

4. வேதங்கள் அருளப்படுதல் மற்றும் இறைத்தூதர்கள் அனுப்பப்படல் ஆகிய அருட்கொடைகளை உணர்ந்து நடப்பீர்

5. நபிமார்களின் நற்பண்புகளை முன்மாதிரியாகக் கொண்டு நடந்து கொள்வீர்.

இறை வேதங்களை நம்புதல் (ஈமான் கொள்ளுதல்)

இறைத்தூதர்களை நம்புதல் (ஈமான் கொள்ளல்)

இறைவேதங்களையும் இறைத்தூதர்களையும் நம்புவதால் ஏற்படும் விளைவுகள்

முதலாவது :வேதங்களை ஈமான் கொள்ளல்

1. வேதங்களை ஈமான் கொள்ளலின் அர்த்தம் மற்றும் அதன் சட்டம் :

வேதங்களை நம்புதல் என்பது அல்லாஹ் தனது தூதர்களுக்கு மக்களை நேர்வழிப்படுத்தவும், ஈருலக சுபீட்சத்தைக் பெற்றுக் கொடுக்கவும் வேதங்களை இறக்கினான் என உண்மைப்படுத்தி, ஏற்றுக் கொள்வதாகும்..

அல்லாஹ் இறக்கிய அனைத்து வேதங்களையும் பொதுப்படையாக ஏற்றுக் கொள்வது கட்டாயமாகும். அல்லாஹ் கூறுகின்றான் : "முஃமின்களே! நீங்கள் அல்லாஹ்வின் மீதும், அவனுடைய தூதர் மீதும், அவன் தூதர் மீது அவன் இறக்கிய (இவ்) வேதத்தின் மீதும், இதற்கு முன்னர் இறக்கிய வேதங்களின் மீதும் ஈமான் கொள்ளுங்கள்". (நிஸாஃ : 136).

அல்குர்ஆனில் கூறப்பட்டுள்ள வேதங்களை விரிவாக நம்பிக்கை கொள்வது அவசியமாகும். அவையாவன : இப்ராஹீம் (அலை) அவர்களுக்கு அருளப்பட்ட ஸுஹுபுகள், தாவூத் (அலை) அவர்களுக்கு அருளப்பட்ட ஸபூர் வேதம், மூஸா (அலை) அவர்களுக்கு அருளப்பட்ட தவ்ராத் வேதம், ஈஸா (அலை) அவர்களுக்கு அருளப்பட்ட இன்ஜீல் வேதம், முஹம்மத் (ஸல்) அவர்களுக்கு அருளப்பட்ட அல்குர்ஆன்.

2. மிகச்சிறந்த வேதம் :

அல்குர்ஆனைப் பற்றி பின்வரும் விடயங்களை ஒரு முஸ்லிம் நம்பிக்கை கொள்வது அவசியமாகும் :

அது அல்லாஹ்வின் பேச்சு-வார்த்தை - என நம்பிக்கை கொண்டு, அதிலுள்ள அனைத்தையும் உண்மைப் படுத்துதல்.

அது திரிபுகள், மாற்றங்களிலிருந்து பாதுகாக்கப்பட்டுள்ளது. ஏனைய வேதங்களோ திரிபு செய்யப்பட்டு விட்டன, குர்ஆனைத் தவிர அல்லாஹ்வுக்கு உறுதியாக சேர்க்கத்தக்க ஒரு வேதம் தற்போது நம் கரங்களில் இல்லை.

அந்த வகையில் அல்குர்ஆன் அல்லாஹ்வின் வேதங்களில் மகத்தானதும், இறுதியானதுமாகும். அது முன்னைய வேதங்களிலுள்ளவற்றை மாற்றக்கூடியது .

மேலும் அது ஒரு அற்புத வேதம் அதைப் போன்று எவறாலும் கொண்டு வரமுடியாது.

இரண்டாவது: இறைத்தூதர்களை ஈமான் கொள்ளல்.

1. இறைத்தூதர்களை ஈமான் கொள்ளுதல் என்பதன் கருத்தும் அதன் சட்ட நிலையும்:

இறைத்தூதர்களை நம்புதல் என்பது, அல்லாஹ்வை மாத்திரம் வணங்கி வழிபட அழைப்புவிடுப்பதற்கு அல்லாஹ் தனது படைப்பினங்களுக்கு தூதர்களை அனுப்பினான் என்றும், அவர்களில் இறுதியானவர் முஹம்மத் (ஸல்) அவர்களாவார்கள் என்றும் உண்மைப்படுத்தி, ஏற்றுக் கொள்ளலாகும்.

அவர்களது பெயர்கள், மற்றும் எண்ணிக்கையை நாம் அறியாவிட்டாலும் பொதுப்படையாக அனைத்து நபிமார்களையும் நம்பிக்கை கொள்வது அவசியமாகும். இது குறித்து அல்லாஹ் பின்வருமாறு குறிப்பிடுகிறான் : "இதற்கு முன்னரும் சில தூதர்களையும் அனுப்பி அவர்களின் சரித்திரங்களையும் உமக்கு நாம் கூறியில்லோம் மற்றும் சில தூதர்களை அனுப்பி அவர்களின் சரித்திரங்களை நாம் கூற வில்லை.இன்னும் அல்லாஹ் மூஸாவுடன் உறுதியாக பேசியுமுள்ளான்" (நிஸாஃ 164).

அல்குர்ஆனில் கூறப்பட்டுள்ள நபிமார்களை விரிவாக நம்பிக்கை கொள்வது அவசியமாகும். அவர்களின் எண்ணிக்கை 25 ஆகும்.

அதே போன்று நபிமார்கள் அனைத்துப் பாவங்கள், அசிங்கமான பண்புகளை விட்டும் பாதுகாக்கப்பட்டவர்கள் என்பதை நம்பிக்கை கொள்ள வேண்டும். ஆகவே, பொய், மோசடி, புத்திக் கோளாறு போன்ற மோசமான குறைகள் இருப்பது அவர்களுக்கு அறவே சாத்தியமற்றதாகும் .

2. இறைத்தூதர்களில் சிறந்தவர் :

அனைத்து இறைத்தூதர்களிலும் மிகச் சிறந்தவர்கள் உலுல் அஸ்ம் (உறுதி மிக்கவர்கள்) எனப்படும் ஐவர் ஆகும் என்பதை - மாணவரச் சகோதரா- நீ அறிந்து கொள், ஏனெனில் அல்லாஹ்வுடைய மார்க்கத்தை எத்தி வைப்பதில் அதிகம் பொறுமை காத்தவர்கள் ஆவார்கள்.பிஇவர்கள் குறித்து அல்லாஹ் பின்வரும் வசனத்தல் இவ்வாறு குறிப்பிடுகிறான்: "(நபியே! நம் தூதை எடுத்துரைக்கும்படி பொதுவாக) நபிமார்களிடமும் (சிறப்பாக) உம்மிடமும், நூஹ், இப்ராஹீம், மூஸா, மர்யமுடைய மகன் ஈஸாவிடமும் வாக்குறுதி வாங்கியதை நினைவு கூர்வீராக, மிக்க உறுதியான வாக்குறுதியையே இவர்களிடமும் நாம் எடுத்திருக்கிறோம்". (அஹ்ஸாப் : 7).

இறைத்தூதர்களில் மிகச் சிறந்தவர் எமது நபி முஹம்மத் (ஸல்) அவர்களாவார்கள். தூதர்களில் அவர் இறுதியானவர்.அவருடைய தூது மறுமை வரை அனைத்து மக்களுக்கும் பொதுவானதாகும்.

மூன்றாவது : வேதங்களையும் இறைத்தூதர்களையும் விசுவாசம் கொள்வதினால் ஏற்படும் விளைவுகள்.

வேதங்களையும் இறைத்தூதர்களையும் நம்பிக்கை கொள்வதில் பல நல்ல விளைவுகள் உள்ளன அவற்றுள் சில :

1. எமக்கு நேர்வழிகாட்டுவதற்காக நபிமார்களையும் வேதங்களையும் அனுப்பியதினால் அல்லாஹ்வின் மகத்தான கருணையை ஆழமாக நம்புதல்.

2. வேதங்களினூடாகவும் நபிமார்கள் அறிவித்துத்தந்ததினூடாவும் அல்லாஹ்வை அறிந்து கொள்ளுதல்.

3. வேதங்கள் தெளிவுபடுத்தியதன் அடிப்படையிலும் இறைதூதர்கள் நடைமுறைபடுத்தி காட்டியதற்கினங்க அல்லாஹ்வை தெளிவான முறையில் வணங்க வகை செய்தமை.

4. நபிமார்களின் குணங்கள் பண்புகள் மற்றும் பணிகளை முன்மாதிரியாகக்கொண்டு பின்பற்றி ஒழுகுதல்

செயற்பாடுகள்:

செயற்பாடு (1) : நபிமார்களின் பெயர்களை எழுதவும் :

ஸூரா அன்ஆமின் 83 முதல் 86 வரையிலான வசனங்களில் 18 இறைத்தூதர்களுடைய பெயர்களை அல்லாஹ் கூறியுள்ளான், இவ்வசனங்களை வாசித்து அவற்றில் இடம்பெற்றுள்ள நபிமார்களின் பெயர்களைக் கண்டறியவும்.

செயற்பாடு (2) : கண்டறிந்து பதிலளிப்பேன் :

நபிமார்களின் வாழ்க்கை, பண்புகளில் பின்பற்ற பல இடங்கள் உள்ளன, நற்குணங்கள் அவற்றில் ஒன்றாகும், தனது நபிமார்களின் குணங்களில் ஒரு பகுதியை அல்லாஹ் கூறியுள்ளான். அவற்றில் உமக்கு நினைவிலிருப்பவற்றை பின்வரும் அட்டவணையில் எழுதுக.

குணம் / நபி

கொடை / இப்ராஹீம் (அலை)

பொறுமை. / - - - - - - - -

மதிப்பீடு :

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1. நபி இப்ராஹீம் (அலை) அவர்கள் இறைத்தூதர்களில் மிகச் சிறந்தவர். ()

2. நபி தாவூது (அலை) அவர்களுக்கு ஸபூர் வேதம் அருளப்பட்டது. ()

3. அனைத்து நபிமார்களினதும் பெயர்கள் அல்குர்ஆனில் கூறப்பட்டுள்ளது.

நபிமார்களின் பணிகள், பண்புகளைப் பின்பற்றி ஒழுகுவது அறவே சாத்தியமற்றதாகும்.

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. அனைத்து நபிமார்களும் பின்வரும் குணாதிசயங்களைக் கொண்டுள்ளனர் என்று நம்ப வேண்டும்:

(புத்திக் கூர்மை - அதிக பணம் - நோயின்மை -)

2. உறுதி மிக்க தூதர்களில் உள்ளோர் :

(இப்ராஹீம் மற்றும் இஸ்மாஈல் - நூஹ் மற்றும் ஈஸா - ஆதம் மற்றும் மூஸா) அலைஹிமுஸ்ஸலாம்.

3. நோயுடன் பொறுமையாக இருக்க நாம் பின்பற்ற வேண்டிய நபி :

(ஸகரிய்யா (அலை) - அய்யூப் (அலை) - இத்ரீஸ் (அலை))

4. பிற வேதங்களை விட்டும் அல்குர்ஆன் தனித்துவம் பெறும் விடயம் :

(அல்லாஹ்வின் பேச்சு - ஆயிரம் ஆண்டுகளாக நிலைத்து நிற்கின்றமை - திரிபு படுத்தப்படாமல் பாதுகாக்கப்பட்டுள்ளமை)

கே 3 : தூதர்களை அனுப்புதல் மற்றும் வேதங்கள் இறங்குதல் ஆகியவை மனிதனுக்கு அல்லாஹ் செய்துள்ள மிகப்பெரிய அருள்களில் ஒன்றாகும்? விவரிக்குக.

கேள்வி 4: பின்வரும் இரு கேள்விகளுக்கும் விடை தருக.

1 - உமக்கு பின்பற்ற முடியுமான நபிமார்களின் மூன்று குணங்களை அடையாளம் காணவும்.

2. அல்குர்ஆனின் மகத்துவம் பற்றி ஓர் ஆதாரத்தை எழுதுக.

ஐந்தாம் பாடம்: : மறுமை நாளை நம்பிக்கை கொள்வதும் அதன் விளைவுகளும்.

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. மறுமை நாளை நம்பிக்கை கொள்வதன் கருத்தை தெளிவுபடுத்துவீர்.

2. மறுமையின் இடங்களைத் -படித்தரங்களை -தெளிவுபடுத்துவீர்.

3. மறுமையை நம்பிக்கை கொள்வதன் அவசியத்தை உணர்ந்து நடப்பீர் .

4. நரகை விட்டும் பாதுகாப்புப் பெற்று சுவனத்தை அடைய செயல்படுவீர்.

எமது உலக வாழ்வு நாம் பயிரிடும் நிலத்தைப் போன்றதாகும். உலகில் நல்லதை விதைத்தவர் மறுமையில் நல்லதையே அறுவடை செய்வார், மறுமையில் கூலி சுவனம் அல்லது நரகமாகும். இப்பாடத்தில் நாம் மறுமையின் முக்கிய சில நிகழ்வுகளைக் கற்போம்.

பின்வரும் இறைவசனம் பெரிய எழுத்தினால் தெளிவாக எழுதப்பட்ட ஒரு பதாதை ' :

"(நபியே!) மேலும் அவர்கள் உமக்கு அருளப்பெற்ற (வேதத்)தின் மீதும்; உமக்கு முன்னர் அருளப்பட்டவை மீதும் நம்பிக்கை கொள்வார்கள்; இன்னும் மறுமையைஉறுதியாக நம்புவார்கள்". (பகரா : 4)

முதலாவது:மறுமை நாளை நம்புதல் என்பதன் கருத்து :

மறுமை நாளின் படிநிலைகள்

மறுமை நாளை நம்புவதால் ஏற்படும் நல்ல -விளைவுகள்-

முதலாவது : மறுமை நாளை நம்புதல் என்பதன் கருத்து :

மறுமைநாளை நம்பிக்கை கொள்வது ஈமானின் ஐந்தாவது தூணாகும். அதாவது , மரணத்திற்குப் பின் நிகழ்வதாக அல்லாஹ்வும் அவனது தூதரும் அறிவித்துள்ள அனைத்தையும் உண்மைப்படுத்தி, ஏற்றுக் கொள்ளல் என்பது இதன் கருத்தாகும்.

இரண்டாவது : மறுமை நாளின் படிநிலைகள் :

மரணத்திற்குப் பின் நிகழும் பின்வரும் விடயங்களை நம்புவதை மறுமை நாளை ஈமான் கொள்ளுதல் என்பது உள்ளடக்கியுள்ளது :

1. மண்ணறையின் சோதனை : மரணித்தவரிடம் மலக்குகள் இறைவன் பற்றியும் மார்க்கம் மற்றும் நபி குறித்தும் விசாரணை செய்வதைக் இது குறிக்கும்.ஒரு முஃமினைப் பொறுத்தவரை அவன் மலக்குகளின் கேள்விகளுக்கு எவ்வித தடுமாற்றமுமின்றி பதிலளிப்பான்.அவன் மீண்டும் மறுமை விசாரணைக்காக எழுப்பாட்டப்படும் வரை மண்ணரையில் இன்பமாக இருப்பதற்கு வாய்ப்பு வழங்கப்படும். நிராகரிப்பாளன், நயவஞ்சகன் பொறுத்தவரை மலக்குகளின் கேள்விகளுக்கு : "எனக்குத் தெரியாது" எனக் கூறுவான், மறுமை வரை மண்ணறையில் அவன் தண்டிக்கப்படுவான்.

2. மீள் எழுப்பப்படல் இஸ்ராபீல் (அலை) அவர்களுக்கு இரண்டாவது ஸூரை ஊதுமாறு பணிக்க, அவரும் ஊதுவார், உடனே மக்கள் தமது மண்ணறைகளிலிருந்து அகிலத்தாரின் இரட்சகனின் பக்கம் எழுந்து வருவார்கள், பின் அவன் அவர்களை விசாரணை செய்து, அவர்களது செயல்களுக்குத் தகுந்த கூலியை வழங்குவான்.

3. ஒன்று திரட்டுதல் : இது மக்கள் தத்தமது மண்ணறைகளிலிருந்து வெளியேறியதன் பின் விசாரணைக்காக அவர்களை ஒன்று திரட்டுவதைக் குறிக்கின்றது.

4. பதிவேடுகளும் தராசும் : செயல்கள் பதியப்பட்ட ஏடுகள் வழங்கப்பட்டு, அடியார்களுக்கு அவர்களின் செயல்பாடுகளை அல்லாஹ் காண்பிப்பான். பின்னர் அச்செயல்களை நிறுப்பதற்காக தராசுகள் நிறுவப்படும். இது குறித்து அல்லாஹ் பின்வருமாறு கூறுகின்றான் : "பட்டோலைகள் விரிக்கப்படும் போது" (தக்வீர் : 10). மேலும் கூறுகின்றான் : "இன்னும், கியாம நாளில் மிகத் துல்லியமான தராசுகளையே நாம் வைப்போம். எனவே எந்த ஓர் ஆத்மாவும் ஒரு சிறிதும் அநியாயம் செய்யப்படமாட்டாது". (அன்பியாஃ : 47).

5. ஸிராத் : இது நரகின் மேல் நிறுவப்பட்டுள்ள துல்லியமான பாலமாகும், மக்கள் அதை அவர்களது நற்செயல்களுக்கு ஏற்ப கடந்து செல்வார்கள், அதிலிருந்து விழுந்தவர் நரகில் வீழ்வார், கடந்தவர் சுவனம் நுழைவார்.

6. சுவனம் மற்றும் நரகம் : சுவனம் அல்லாஹ் தனது நல்லடியார்களுக்காக தயாரித்து வைத்திருக்கும் வீடாகும். இது குறித்து அல்லாஹ் குறிப்பிடுகையில் : (ஹிஜ்ர் : 45). "நிச்சயமாக இறையச்சமுடையவர்கள் சுவர்க்கச் சோலைகளிலும்,நீரருவிகளிலும் இருப்பார்கள்.". நரகம் என்பது அல்லாஹ் நிராகரிப்பாளர்கள் மற்றும் நயவஞ்சகர்களுக்குத் தயாரித்துள்ள வீடாகும், இது குறித்து அவன் பின்வருமாறு குறிப்பிடுகிறான் : "நிச்சயமாக அல்லாஹ் நயவஞ்சகர்கள், நிராகரிப்பாளர்கள் அனைவரையும் நரகில் ஒன்று சேர்க்கக்கூடியவனாவான்.". (நிஸாஃ : 140).

மறுமை நாளை நம்புவதால் ஏற்படும் நல்ல விளைவுகள் :

மறுமை நாளை நம்பிக்கை கொள்வதில் பல நல்ல விளைவுகள் உள்ளன, அவற்றுள் சில :

1. மறுமையின் விசாரணையின் காரணமாக இவ்வுலகில் மோகம் கொள்வதிலிருந்து தடுக்கப்படுதல்.

2. நற்செயல்கள் புரிவதில் ஆர்வம் அதிகரித்தல்.

3. பாவங்கள் செய்வதில் அச்சம் அதிகரித்தல்.

4. தனது சொல், செயல்களில் முஸ்லிம் பொறுப்புணர்வை உணர்தல்.

5.ஒரு முஃமின் மறுமையில் கிடைக்கும் பேரின்பத்தை எதிர்பார்த்திருப்பதால் இவ்வுலகில் அவனுக்கு நிகழும் இழப்புகளுக்காய் கவலைப்படாமல் இருப்பான்.

செயற்பாடுகள் :

செயற்பாடு (1): தேடிப்பார்த்து, விடையளிக்கிறேன்:

மறுமை நாளை விசுவாசித்தல் புனித குர்ஆனில் மிக அதிகமாக குறிப்பிடப்பட்ட ஈமானின் அடிப்படைகளுள் ஒன்றாகும். அது மாத்திரமின்றி அல்லாஹ் இந்த நாளை பல பெயர்களில் அழைத்துள்ளான். இது அதன் கடுமையையும் முக்கியத்துவத்தையும் எடுத்துக்காட்டுகிறது.

மறுமை நாளின் பெயர்களில் பின்வருவன அடங்கும் என்பதற்கான சான்றுகளை நீர் மனனமிட்டுள்ளதிலிருந்து கூறவும் :

பெயர்/அது குறிக்கும் அர்த்தம்

இறுதி நாள்

தீர்ப்பு நாள்

கூலி வழங்கப்படும் நாள்

திடுக்கிடச் செய்யும் சம்பவம்!

செயல்பாடு (2) : சக மாணவர்களுடன் கலந்து பதிலளிப்பேன் :

உமது ஆசிரியரின் பங்குபற்றுதலுடன் பின்வரும் சம்பவத்தை வாசித்து ., பின்வருவனவற்றிற்கு பதிலளிக்கவும்:

அபிசீனியா நாட்டிலிருந்து திரும்பி வந்த புலம்பெயர்ந்தவர்களிடம் -முஹாஜிர்களிடம் - நபிகள் நாயகம் ஸல்லல்லாஹு அலைஹிவஸல்லம் அவர்கள் கூறினார்கள்: "அபீ ஸீனியா நாட்டில் நீங்கள் கண்ட அதிசயங்களை எனக்குக் கூற மாட்டீர்களா?", அப்போது சில வாலிபர்கள், ஆம், அல்லாஹ்வின் தூதரே, நாம் அமர்ந்திருக்கும் போது அவர்களில் துறவிகளில் ஒரு மூதாட்டி தலையில் ஒரு வாளி தண்ணீரைச் சுமந்து கொண்டு எங்களைத் தாண்டிச் சென்றாள். அந்நாட்டு வாலிபன் ஒருவனைத் தாண்டிச் செல்லும் போது அவளுடை தோள்புயத்திற்கிடையில் ஒரு கையைப் போட்டு அவளைத் தள்ளி விட்டான். அவள் முகம்குப்புற விழுந்து, வாளியும் உடைந்து விட்டது. அவள் எழுந்ததும் அவ்வாலிபனைப் பார்த்து பின்வருமாறு கூறினாள் : "அல்லாஹ் குர்ஸியை வைத்து, முன்னோர்கள், பின்வருவோர் அனைவரையும் ஒன்று சேர்த்து, கைகளும் கால்களும் தாம் செய்தவற்றைக் கதைக்கும் போது, எனக்கும் உனக்கும் இடையில் நடைபெற்ற இந்நிகழ்வைப் பற்றி அல்லாஹ்விடம் எப்படி இருக்கும் என்பதை குதரே நீ நிச்சயமாக அறிந்து கொள்வாய்". அப்போது நபியவர்கள் "அவள் உண்மையே கூறினாள், உண்மையே கூறினாள்" என்று கூறினார்கள். (ஆதாரம் : இப்னுமாஜா 4010).

1. இந்த நபிமொழிக்குப் பொருத்தமான தலைப்பொன்று கூறுக.

2. இச்சம்பவத்திலிருந்து மறுமையை நம்பிக்கை கொள்வதில் உள்ள நல்ல விளைவைக் கண்டுபிடிக்கவும்.

செயல்பாடு (3) : முடிவுகளைப் பெறுவேன் :

திருக்குர்ஆன் மறுமை நாளில் உயிர்த்தெழுதலின் தெளிவான பகுத்தறிவு ஆதாரங்களைக் குறிப்பிட்டுள்ளது. இதன் அடிப்படையில், கீழே உள்ள ஒவ்வொரு பகுத்தறிவு ஆதாரத்தையும் அதைக் குறிப்பிடும் வசனத்துடன் இணைக்குக :

அல்குர்ஆன் வசனம்

அல்லாஹ் கூறினான் "அவனே முதன் முறையாகப் படைத்து பின்னர் அதனை மீட்டுகின்றான்.அது அவனுக்கு இலகுவானது.". (ஸுறா அர்ரூம் : 27)

அல்லாஹ் கூறினான் "நபியே நிச்சயமாக நீர் பூமியை வரண்டு போனதாகக் காண்பதும் பின்னர் அதில் நாம் மழையை இறக்கினால் அது செழித்து வளர்வதும்,அவனது அத்தாட்சிகளில் உள்ளவையாகும்.(இவ்வாறு மரித்த பூமியை) உயிர்ப்பித்தவனே, நிச்சயமாக இறந்தவர்களையும் திட்டமாக உயிர்ப்பிக்கிறவன் நிச்சயமாக அவன் எல்லாப் பொருட்கள் மீதும் பேராற்றல் உடையவன்". (புஸ்ஸிலத் : 39).

அல்லாஹ் கூறினான் "நிச்சயமாக வானங்களையும் பூமியையும் படைத்து அவற்றைப்படைத்தில் சோர்வடையாத அல்லாஹ்,மரணிததோரை உயிர்பிப்பபதற்கு ஆற்றலுடையவன் என்பதை அவர்கள் அறியவில்லையா?ஆம்!நிச்சயமாக அவன் யாவற்றின் மீதும் பேராற்றலுடையவன்.". (அஹ்காப் : 33). ஆதாரம்

பூமி வரண்டதன் பின் மழை பொழியச் செய்வதன் மூலம் அதனை உயிர்ப்பித்தல்.

வானங்கள் பூமியைப் படைத்தல்.

மனிதர்களை மரணத்திற்குப் பின் மீள உயிர்ப்பிப்பது அவர்களை முதலில் படைப்பதை விட மிக இலகுவானது

மதிப்பீடு :

கேள்வி 1: பின்வருவனவற்றில் சரியாயின் ((✓)) எனவும், பிழையாயின் (x) எனவும் அடையாளமிடுக.

1. மக்கள் தத்தமது நற்செயல்களுக்கு ஏற்ப ஸிராதைக் கடந்து செல்வார்கள்.

2. இரண்டாவது ஸூர் ஊதும் போது அனைத்து படைப்பினங்களும் மரித்து விடும்.

3. விசுவாசி மறுமை வரை மண்ணறையில் இன்பங்கள் வழங்கப்பட்டுக் கொண்டிருப்பான்.

4. ஏடுகளைப் பெற்றுக் கொண்ட பின் செயல்கள் நிறுக்கப்படும்.

கே 2 : பின்வரும் சொற்களை பொருத்தமான சொற்றொடர்களுக்கு முன்னால் வைக்கவும்:

(ஒன்று திரட்டல் - மண்ணறை - மீள எழுப்பப்படல் - ஸிராத்)

1. மண்ணறைதான் மறுமையின் முதல் வீடு.

2. ஸிராத் என்பது நரகத்திற்கு மேல் போடப்பட்டுள்ள பாலமாகும்.

3. ஹஷ்ர் என்பது விசாரணைக்காக மக்களை ஒன்று சேர்த்தல்.

4. பஃஸ் என்பது மரணித்தோரை மண்ணறையிலிருந்து உயிர்ப்பித்தலாகும்.

Q3: பின்வரும் இரண்டு வினாக்களுக்கு பதிலளிக்கவும்:

1. மறுமை பற்றிய நம்பிக்கையை ஒரு முஸ்லிம் எவ்வாறு நிலைநிறுத்துவான் ?

2. முஸ்லிம்கள் தடம்புரளாமல் இருப்பதில் மறுமை மீதான நம்பிக்கை செலுத்தும் தாக்கத்தை தெளிவு படுத்துக.

ஆறாம் பாடம் : விதியை நம்புதலும், அதன் தாக்கங்களும்/விளைவுகளும்

செயல்முறை நோக்கங்கள்:

இப்பாடத்தை கற்ற பின் நீங்கள்:

1. விதியை நம்புதலின் கருத்தை தெளிவுபடுத்துவீர் .

2. விதியை நம்புவதன் அர்த்தம் செயல்களை விடுவதல்ல என்பதற்கான சான்றை முன்வைப்பீர் .

3. விதியை நம்புவதால் எற்படும் நல்ல விளைவுகளைத் தெளிவுபடுத்துவீர் .

முஸ்லிமின் வாழ்வில் விதியை நம்புவதன் அவசியத்தை உணர்நது நடப்பீர்.

5. அல்லாஹ்வின் விதி, ஏற்பாட்டைப் பொருந்திக் கொள்ள வேண்டும்.

ஆரம்ப செயற்பாடு :

மாணவரே, நாம் ஈமானின் தூண்களில் ஆறாவதும் இறுதியுமான தூணில் உள்ளோம். இதர தூண்களை நினைவுபடுத்தி, அவற்றை பின்வரும் அமைப்பில் எழுதவும் :

ஈமானின் அடிப்படைகள்

முதலாவது: விதியை (கழாகத்ரை) ஈமான் கொள்வதன் கருத்து:

விதியை நம்புதல் என்பது :இப்பிரபஞ்சத்தில் நிகழும் நல்லவை கெட்டவை அனைத்தையும் அல்லாஹ் அறிந்து பதிவு செய்துள்ளான் என்றும் அவற்றில் அவனின் நாட்டம் உள்ளது என்றும் அவற்றை உருவாக்கியவன் அவனே எனவும் உறுதியாக நம்பி உண்மைப்படுத்துவதாகும். இது குறித்து அல்லாஹ் பின்வருமாறு கூறுகிறான் : "நிச்சயமாக நாம் ஒவ்வொரு பொருளையும் திட்டப்படியே படைத்திருக்கிறோம்". (அல் கமர் : 49)

இப்னு அப்பாஸ் (ரலி) அவர்களுக்கு நபி (ஸல்) அவர்கள் உபதேசிக்கும் போது பின்வருமாறு கூறினார்கள் : "அறிந்து கொள்! ஒட்டுமொத்த சமூகமும் ஒன்று திரண்டு உனக்கு ஏதாவது நன்மை செய்திட முயன்றாலும் உனக்கு அல்லாஹ் ஏற்கனவே ஏற்படுத்தி வைத்துள்ளதைக் காட்டிலும் அதிகமாக எந்த நன்மையையும் அவர்களால் செய்திட முடியாது. இன்னும் ஒட்டுமொத்த சமூகமும் ஒன்று திரண்டு உனக்கு ஏதாவது தீங்கிழைக்க முயன்றாலும் அல்லாஹ் உனக்கு ஏற்கனவே குறித்து வைத்தவற்றைக் கொண்டல்லாமல் எந்தக் தீங்கையும் அவர்களால் செய்திட முடியாது. பேனாக்கள் உயர்த்தப்பட்டு விட்டன. ஏடுகள் காய்ந்து விட்டன". (ஆதாரம் : அஹ்மத் 2669, திர்மிதி 2516).

இரண்டாவது : கழாகத்ரை நம்புவதும் தேவையான காரணகாரியங்களை மேற்கொள்வதும்.

விதியை நம்புவது, வாழ்க்கைக்குத் தேவையான காரியங்களைத் தேடி முயற்சித்து எடுப்பதற்கு முரணாகாது. ஏனெனில் மனிதன் முயற்சியின் மூலம் அல்லாஹ் அவனுக்கு நிர்ணயித்ததையே பெற்றுக் கொள்கின்றான்.

நபி ஸல்லல்லாஹு அலைஹிவஸல்லம் அவர்கள் கூறினார்கள் : "உங்களில் எந்த ஆத்மாவும் அதன் இருப்பிடம் சொர்க்கமாக அல்லது நரகமாக என்பது பற்றித் தீர்மானிக்கப்படாமலில்லை. எனக் கூறினார்கள். உடனே ஒருவர், 'இறைத்தூதர் அவர்களே! அப்படியாயின் ஏற்கெனவே தீர்மானிக்கப்பட்டுவிட்டதை நம்பி (நற்) செயல்களில் ஈடுபடுவதை நாம்விட்டுவிடலாமா? என்றதும், அல்லாஹ்வின் தூதர் (ஸல்) அவர்கள், "இல்லை; நீங்கள் செயலாற்றுங்கள். (நல்லார், பொல்லார்) எல்லாருக்கும் அவரவர் எதற்காகப் படைக்கப்பட்டுள்ளனரோ அது எளிதாக்கப்படும்" என்று கூறினார்கள். (ஆதாரம் : புஹாரி 1362, முஸ்லிம் 2647).

மனிதன் தனக்கு அல்லாஹ் நிர்ணயித்துள்ளதை அறிய மாட்டான். எனவே தான் அறியாத ஒன்றை வைத்து எவ்வாறு விதியை குற்றம் காணமுடியும் ?ஆகவே தனக்கு நன்மை சேர்க்கும் விடயங்களில் முயற்சிப்பது அவன் மீதுள்ள பொறுப்பாகும்.

மூன்றாவது:கழா கத்ரை நம்புவதால் கிடைக்கும்; நல்ல விளைவுகள் :

விதியை நம்புவதால் பல நல்ல விளைகள் ஏற்படுகின்றன, அவற்றுள் சில பின்வருமாறு : :

1. ஆழ்ந்த நம்பிக்கையுடனும் உறுதியுடனும் சிரமங்களை அணுகுதல்.

2. வஞ்சகம், பொறாமை போன்ற பல சமூக நோய்களைக் கையாள்தல்.

3. அல்லாஹ்வின் விதிகளைப் பார்த்து பதற்றமடைந்து பொறுமையிழக்காமல், திருப்தியுடன் பொறுமை காத்தல்.

கத்ரை ஏற்ற ஒரு முஃமின் அவனுக்கு கிடைக்கும் எந்த அருளாயினும் அது அல்லாஹ்வின் புரத்திலிருந்தே கிடைத்தது என ஆழமாக நம்புவதினால் அவனில் பணிவு ஏற்படுதல்;

செயற்பாடுகள் :

செயல்பாடு (1) : ஆலோசனை வழங்குவேன்:

விருதொன்றை பெற்றுக்கொள்ள முயற்சித்த உமது நண்பருக்கு , நாட்கள் கடந்தும், எவ்வளவு முயன்றும் அவருக்கு அந்த விருது கிடைக்கவில்லை, அதற்காக அவர் மிகவும் வருத்தப்பட்டார் .

நீர் பாடத்தில் கற்ற பிரகாரம் இந்த நண்பருக்கு ஓர் உபதேசத்தை எழுதவும் .

செயல்பாடு (2) : யோசித்து பதிலளிப்பேன் :

நபி நூஹ் (அலை) அவர்கள் ஒரு கப்பலைக் கட்டினார், அதைக் கொண்டு அல்லாஹ் அவரை வெள்ளத்திலிருந்து காப்பாற்றினான், மேலும் முஹம்மது நபி (ஸல்) அவர்கள் மதீனாவுக்கான தனது இடம்பெயர்வை முன்கூட்டியே திட்டமிட்டார்கள், மேற்கண்ட இரு காரணிகளும் இல்லாமலேயே அல்லாஹ்வால் அவ்விருவருக்கும் உதவ முடியும்.

நபி நூஹ் (அலை) அவர்களும், நபி முஹம்மத் (ஸல்) அவர்களும் காரண காரியங்களை ஏன் தமது வாழ்வில் பின்பற்றி நடந்தார்கள் ?

இதிலிருந்து பெறப்படும் படிப்பினை யாது?

மதிப்பீடு

கே1 : பின்வருவனவற்றில் சரியான விடையை தேர்வு செய்து இடைவெளியை நிரப்புக :

1. விதியை நம்புவது ஈமானின் ........................... ல் ஒன்றாகும்.

(முழுமைப்படுத்தும் அம்சங்கள் - ருகுன்)

2. அல்லாஹ் தனது நல்லடியார்களுக்கு ....................................... விதித்துள்ளான்.

(நன்மை மற்றும் தீமையை - தீமையைத் தவிர்த்து நன்மையை மாத்திரம் -)

3. இறை விதியை ஈமான் கொள்ளல் ...........................................................

(காரணகாரியங்களை மேற்கொள்வதோடு முரண்படாது - காரணகாரியங்களை கைவிடுவதை வேண்டிநிற்கிறது.)

கே 2 : பின்வரும் சந்தர்ப்பங்களில் விதியின் மீதான நம்பிக்கை முஸ்லிம் மீது ஏற்படுத்தும் விளைவை விளக்குக:

1. அல்லாஹ் அவருக்கு ஓர் அருளை வழங்கினால்.

2. ஏதாவதொரு சோதனைக்குட்பட்டால்.

3. தன்னை விட தன் அயலவர் அதிக சொத்துள்ளவராக இருப்பதைக் கண்டால்.

Q3: தைரியமும் அமைதியும் விதியின் மீதான நம்பிக்கையுடன் தொடர்புடையது. அதனைத் தெளிவுபடுத்துக.

ஹதீஸும் நபியவர்கள் பற்றிய வருணனையும்

முதலாம் பாடம்: நபி ﷺ அவர்களும், அவரின் முக்கிய பண்புகளும்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. நபி ﷺ அவர்களது பரம்பரையின் மகிமைையை தெளிவுபடுத்துவீர்.

2. நபி ﷺ அவர்களின் மனைவியர் பற்றியும், அவரது பிள்ளைகள், உறவினர்கள் பற்றியும் குறிப்பிட்டு காட்டுவீர்

3. நபியவர்களின் உடல் மற்றும் குணம் சார் பண்புகளைக் குறித்து ஒ ரு சிறு குறிப்பை எழுதுவீர்.

4. நபி ﷺ அவர்களின் குணங்கள் குறித்த ஆதாரங்களை எடுத்துக்கூறுவீர்.

5. நபியவர்களின் பண்பாடுகளை முன்மாதிரியாகக் கொண்டு நடப்பீர்.

நபி ﷺ அவர்களைப் பற்றிய அறிமுகம்

நபி ﷺ அவர்களின் பரம்பரை

நபி ﷺ அவர்களின் பிறப்பு

நபி ﷺ அவர்களின் மனைவியர்

நபி ﷺ அவர்களின் பிள்ளைகளும், குடும்பத்தார்களும்

நபி ﷺ குணம், உடல் உடல் மற்றும் பண்பாடுகள் குறித்த ஒரு வருணனை.

நபி ﷺ அவர்களின் பரம்பரையினரும் அவர்களின் பெயர்களும்:

அரேபியர்களின் சிறந்த கோத்திரத்தில் நபியவர்களைப் பிறக்கச் செய்து அல்லாஹ் அவர்களை கௌரவப்படுத்தியுள்ளான். அவரின் தந்தை அப்துல்லாஹ் இப்னு அப்துல் முத்தலிப் இப்னு ஹாஷிம் அல்குரஷீ என்பதாகும். அவரின் தாயார் ஆமினா பின்த் வஹப் என்பதாகும். இவர் குரைஷியரின் ஸஹ்ரா குலத்தைச் சேர்ந்தவராவார். நபி ﷺ அவர்களின் தாயும், தந்தையும் குரைஷிக் கோத்திரத்தைச் சார்ந்தவர்கள். இருவரின் பரம்பரையும் இஸ்மாஈல் (அலை) அவர்கள் வரை நீண்டு செல்கிறது.

நபி ﷺ அவர்களுக்கு அஹ்மத், ஹாஷிர், ஆகிப் என பல பெயர்கள் உள்ளன.

நபி ﷺ அவர்களின் பிறப்பும், இறப்பும்:

நபி ﷺ அவர்கள் கி.பி 571ம் ஆண்டு யானை வருடத்தில் மக்காவில் பிறந்தார்கள். ஹஜ்ரி 11ம் ஆண்டு ரபீஉல் அவ்வல் மாதம் 12ம் திகதி திங்கட்கிழமை (கி.பி633) மதீனாவில் மரணித்தார்கள். மரணிக்கும் போது அவருக்கு வயது 63 ஆகும்.

நபி ﷺ அவர்களின் மனைவியர்:

நபி ﷺ அவர்களின் மனைவியரை அல்லாஹ் தேர்ந்தெடுத்து, அவர்களை முஃமின்களின் அன்னையராக ஆக்கியுள்ளான். அல்லாஹ் கூறுகிறான், "நம்பிக்கையாளர்களுக்கு தங்களது உயிர்களை விட நபியே மிக்க மேலானவராவார்.அவரது மனைவியர் அவர்களின் அன்னையராவார்'." (ஸுறா அல் அஹ்ஸாப் : 6) அவர்கள் பெயர்கள் பின்வருமாறு:

1. ஹதீஜா பின்த் ஹுவைலித் (ரழியல்லாஹு அன்ஹா ).

2. ஸவ்தா பின்த் ஸம்ஆ (ரழியல்லாஹு அன்ஹா ).

3. ஆஇஷா பின்த் அபூபக்கர் (ரழியல்லாஹு அன்ஹா ).

4. ஹஃப்ஸா பின்த் உமர் (ரழியல்லாஹு அன்ஹா ).

5. ஸைனப் பின்த் ஹுஸைமா (ரழியல்லாஹு அன்ஹா ).

6. உம்மு ஸலமா ஹின்த் பின் அபூ உமைய்யா (ரழியல்லாஹு அன்ஹா . 7. ஸைனப் பின்த் ஜஹ்ஷ் (ரழியல்லாஹு அன்ஹா ). 8. ஜுவைரிய்யா பின்த் அல்ஹாரிஸ் (ரழியல்லாஹு அன்ஹா ). 9. உம்மு ஹபீபா ரம்லா பின்த் அபூ ஸுஃப்யான் (ரழியல்லாஹு அன்ஹா ). 10. ஸஃபிய்யா பின்த் ஹுயைய் இப்னு அஹ்தப் (ரழியல்லாஹு அன்ஹா ). 11. மைமூனா பின்த் அல்ஹாரிஸ் (ரழியல்லாஹு அன்ஹா ).

நபி ﷺ அவர்களின் பிள்ளைகளும், குடும்பத்தார்களும்:

1. நபி ﷺ அவர்களின் ஆண் பிள்ளைகள்: காஸிம், அப்துல்லாஹ், இப்றாஹீம். இவர்கள் மூவரும் சிறுவயதிலே மரணித்துவிட்டார்கள். அவரின் பெண் பிள்ளைகள்: ஸைனப், ருகையா, உம்மு குல்ஸூம், ஃபாதிமா ஆகியோராவர். நபியவர்களின் அனைத்துப் பிள்ளைகளும் ஹதீஜா (ரழி) அவர்களுக்கு பிறந்தவர்களாவர். இப்றாஹீம் மாத்திரம் அவரின் மனைவியான மாரியா அல்கிப்திய்யா (ரழி) அவர்களுக்கு பிறந்தவராவார்.

2. நபி ﷺ அவர்களின் நெருங்கிய குடும்பத்தார்களில் சிலர்: சிறிய தந்தை ஹம்ஸா இப்னு அப்துல் முத்தலிப், சிறிய தந்தை அப்பாஸ், சிறிய தந்தையின் மகன் அலீ இப்னு அபூதாலிப், சிறிய தந்தையின் மகன் அப்துல்லாஹ் இப்னு அப்பாஸ் (ரழியல்லாஹு அன்ஹும்) ஆகியோராவர்.

நபி ﷺ அவர்களின் உடல் தோற்றம் :

நபி ﷺ மனிதர்களில் மிக அழகானவராகவும் மிக அழகிய தோற்றமுடையவராகவும் இருந்தார்கள்.வெள்ளை நிறத்தவராகவும், பிரகாசமான முக அமைப்பைக் கொண்டவராகவும், எப்போதும் புண்முறுவல் பூத்தவராகவும் இருந்தார்கள் . நடுத்தர உயரமும் ,விரிந்த மார்பும் கொண்டவராகவும் இரு தோள்களுக்கிடையே அதிக இடைவெளி உள்ளவர்களாகவும் , அடர்த்தியான தாடியும் கொண்டிருந்தார்கள்.

நபி ﷺ அவர்களின் குணங்கள்:

நபி ﷺ அவர்கள் மனிதர்களில் மிகவும் அழகிய நற்குணமுடையவர்களாக இருந்துள்ளார்கள். இது குறித்து அல்லாஹ் குறிப்பிடுகையில்: "நீர் மகத்தான நற்குணத்தின் மீது இருக்கின்றீர்." ஸுறா அல்கலம் :4) இதுவே மக்கள் நபியவர்களுடன் அன்பாக இருக்கவும், அவர்கள் இஸ்லாத்தில் நுழையவும் காரணமாக இருந்தது. நபி ﷺ அவர்களின் சிறந்த குணங்களில் சில வருமாறு:

1. தாரளமனப்பான்மையும், துணிவும் . அனஸ் ரழியல்லாஹு அன்ஹுஅவர்கள் குறிப்பிடுகிறார்கள், "நபி ﷺ அவர்கள் மனிதர்களில் மிக அழகானவர்களாகவும், தாராள மனமுடையவர்களாகவும் (தயாள சிந்தையுடையவர்களாகவும்) , வீரமிக்கவர்களாகவும் இருந்தார்கள்." (நூல்: புஹாரி 2875)

2.சகிப்புத்தன்மையும் இங்கிதமும் -(நலினமும்) ஆஇஷா (ரழி) அவர்கள் குறிப்பிடுகிறார்கள், "அல்லாஹ்வின் தூதர் ﷺ அவர்கள் தமது கையால் எதையும் எப்போதும் அடித்த தில்லை; எந்தப் பெண்ணையும் எந்த ஊழியரையும் அடித்ததில்லை; அல்லாஹ்வின் பாதையில் (போர் செய்யும்போதே) தவிர. அல்லாஹ்வின் தூதர் ﷺ அவர்கள் (சொல்லாலோ செயலாலோ) தம்மைப் புண்படுத்திய எவரையும் அவர்கள் எப்போதும் பழிவாங்கியதில்லை; இறைவனின் புனித(ச் சட்ட)ம் ஏதும் சீர்குலைக்கப்பட்டு, அதற்குப் பதிலாக இறைவனின் சார்பாக அவர்கள் நடவடிக்கை எடுத்தாலே தவிர (அப்போது மட்டுமே பழிவாங்குவார்கள்)." (நூல்: புஹாரி 6853, முஸ்லிம் 2328)

3. பணிவு நபி ﷺ அவர்கள் தன் தோழர்களுடன் நண்பன், சகோதரன், தந்தை என்ற நிலையிலே வாழ்ந்துள்ளார்கள். சிறியவர்கள், பெரியவர்கள் என பாரபட்சமின்றி அனைவருடனும் பழகியுள்ளார்கள். பொது மக்களைப் போன்று உண்டு, உடுத்து, பிரயாணம் செய்துள்ளார்கள்.

4. பொறுமை: நபி ﷺ அவர்கள் மக்காவில் வாழும் போது குறைஷியர்கள் நோவினை செய்யும் போதெல்லாம் பொறுமையாக இருந்துள்ளார்கள். மதீனாவுக்கு வந்த பின் யூதர்கள், முனாஃபிக்குகள் போன்றோரின் தந்திரங்கள், ஏமாற்றுகள் போன்றவற்றையும் சகித்து, பொறுமைகாத்துள்ளார்கள். இவர்களிடமிருந்து அல்லாஹ் நபி ﷺ அவர்களைப் பாதுகாத்துள்ளான்.

மக்களுக்கு இஸ்லாத்தின் பால் அழைப்பு விடுக்கும் போதும், மக்களுக்கு இஸ்லாத்தை கற்றுக்கொடுக்கும் போதும், அல்லாஹ்வின் பாதையில் போர் செய்யும் போதும் பொறுமைகாத்துள்ளார்கள்.

அவ்வாறே, பிள்ளைகள் மரணிக்கும் போதும், ஏழ்மை, நோய் போன்ற பல உலக துன்பங்களின் போதும் பொறுமையாக இருந்துள்ளார்கள்.

5. மன்னிக்கும் தண்டிக்காது இருத்தலும் : தனக்கு நோவினை செய்த அனைவரையும் நபி ﷺ அவர்கள் மன்னித்துள்ளார்கள். மக்கா வெற்றியின் போது தனக்கு நோவினை செய்து, தனக்கு எதிராக பல போர்களைத் தொடுத்தோரை எதுவும் செய்ய முடியும் எனும் நிலையில் இருக்கும்ப போது கூட அவர்கள் அனைவரையும் மன்னித்துவிட்டார்கள்.

செயற்பாடுகள்

செயற்பாடு (1): ஆய்வு செய்து முடிவுகளைப்பெறுவேன்.

நபி ﷺ அவர்களின் பெயர்களிலும் அவரின் பண்புகள் வெளிப்படுகின்றன. 'அல்முகஃப்ஃபீ - பின்துயர்பவர்' என்பது அவரின் ஒரு பெயராகும். இதில், ஏகத்துத்தின் பக்கம் மக்களை அழைப்பதில் தனக்கு முன் சென்ற நபிமார்களின் அடிச்சுவடுகளைப் பின்பற்றுபவர் எனும் பண்பு புதைந்துள்ளது. இதை அடிப்படையாக வைத்து, பின்வரும் நபியவர்களின் பெயர்களுக்கான பொருத்தமான பண்புகளைக் குறிப்பிடுக.

பெயர்

நபிய்யுர் ரஹ்மா

முஹம்மத்

அஹ்மத்

ஆகிப்

நபிய்யுத் தவ்பா பெயருக்கான காரணம் நபிமார்களில் இறுதியானவர். அவருக்குப் பின் வேறு நபிமார்கள் வரமாட்டார்கள். நபியவர்களின் சிறந்த் பண்புகளின் காரணமாக தனக்கு முன் சென்ற, பின்னால் வர இருக்கின்றவர்களின் பாராட்டுக்குரியவர். நபியவர்கள் தனது இரட்சகனை புகழ்பவர்களில் அதிகம் புகழும் ஒருவராக இருந்ததினால் அவர் நற்பண்புகளின் மிக உயர்ந்த நிலைகளை அடைந்திருந்தார்கள், அல்லாஹ்விடம் அதிகமாக பாவமன்னிப்புக் கேட்பவராக இருந்துள்ளார். இவரை அல்லாஹ் உலக மக்கள் அனைவருக்குமான அருட்கொடையாக அனுப்பியுள்ளான்.

செயற்பாடு (2): நண்பரோடு சேர்ந்து, முடிவுகளை வெளிக்கொணர்வேன்.

உமது நண்பரோடு சேர்ந்து, பின்வரும் அல்குர்ஆன் வசனங்கள் மற்றும் ஹதீஸ்கள் குறிப்பிடும் நபி ﷺ அவர்களின் பண்புகளை வெளிக்கொணர்க.

ஹதீஸ்

அல்லாஹ் குறிப்பிடுகிறான். "உங்களிடம் உங்களைச் சேர்ந்த தூதர் (முஹம்மத்) வந்து விட்டார். நீங்கள் சிரமப்படுவது அவருக்குப் வருத்தத்தையளிக்கிறது. உங்கள் மீது அதிக அக்கறை உள்ளவர். நம்பிக்கை கொண்டோரிடம் பேரன்பும், இரக்கமும் உடையவர்." (ஸூறா அத்தவ்பா : 128)

அல்லாஹ் கூறுகிறான்: " (முஹம்மதே!) அல்லாஹ்வின் அருள் காரணமாகவே அவர்களிடம் நளினமாக நீர் நடந்து கொள்கிறீர். முரட்டுத்தனம் உடையவராகவும் கடின உள்ளம் உடையவராகவும் நீர் இருந்திருந்தால் அவர்கள் உம்மை விட்டு ஓடியிருப்பார்கள்." (அல்குர்ஆன் 03:159)

அனஸ் ரழியல்லாஹு அவர்கள் குறிப்பிடுகிறார்கள், "அல்லாஹ்வின் தூதர் ﷺ அவர்களிடம் இஸ்லாத்தை முன்வைத்து எது கேட்கப்பட்டாலும் அவர்கள் அதைக் கொடுக்காமல் இருந்ததில்லை. இந்நிலையில் அவர்களிடம் ஒரு மனிதர் வந்து (கேட்டபோது), இரு மலைகளுக்கு இடையே இருக்கும் (அளவுக்கு அதிகமான) ஆடுகளை அவருக்கு வழங்கினார்கள்." (நூல்: முஸ்லிம் 2312)

அலீ இப்னு அபூதாலிப் ரழியல்லாஹு அவர்கள் கூறினார்கள், "யுத்தத்தில் கடினமான சூழல் ஏற்படும் போதும், இரு தரப்பினரும் போரிடும் போதும் நாம் நபி ﷺ அவர்களிடம் தஞ்சம் புகுவோம்." (நூல்: அஹ்மத் 654). நபி ﷺ அவர்களின் குணங்கள் இரக்கம் காட்டுதல் மென்மையும் நளினமும் கொடையும் தயாளமும் வீரம்

மதிப்பீடு /கணிப்பீடு

கேள்வி 1: பின்வருவனவற்றில் சரியாயின் (✓) எனவும், பிழையாயின் (x) எனவும் அடையாளமிடுக.

1. நபி ﷺ அவர்கள் எப்போதும் புன்முறுவலுடன் இருப்பார்கள். ( )

2. நபி ﷺ அவர்கள் உயரமானவராகவும், விரிந்த தோள்புஜத்தைக் கொண்டவர்களாகவும் இருந்தார்கள் . ( )

3. மக்கள் இஸ்லாத்தை ஏற்பதற்கு நபி ﷺ அவர்களின் நற்குணங்களின் தாக்கமே காரணமாக இருந்துள்ளது. ( )

4. யுத்த களங்களில் நபி ﷺ அவர்களின் வீரம் வெளிப்பட்டுள்ளது. ( )

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. நபி ﷺ அவர்கள் பிறந்த ஆண்டு:

(கி.பி 517 - கி.பி 751 - கி.பி 571)

2. நபி ﷺ அவர்களின் பெயர்களில் ஒன்று:

(ஆகிப் - காஸிம் - அப்துல்லாஹ்)

3. நபி ﷺ அவர்கள் மரணிக்கும் போது, அவரின் வயது:

(53 வயது - 63 வயது - 73 வயது)

கேள்வி 3: நபியவர்களின் பின்வரும் பண்புகளைக் காட்டக் கூடிய சந்தர்ப்மொன்றை குறிப்பிடுக.

1. நபி ﷺ அவர்களின் தாராளத் தன்மை.

2. நபி ﷺ அவர்களின் மன்னிப்பு.

3. நபி ﷺ அவர்களின் வீரம்.

கேள்வி 4: நபி ﷺ அவர்களின் நற்குணங்களில் உம்மை கவர்ந்த மிக முக்கிய குணங்களை உமது உமது அப்பியாசப் புத்தகத்தில் சுருக்கமாக எழுதுக.

இரண்டாம் பாடம்: நபி ﷺ அவர்களின் சிறப்பம்சங்கள்.(தனித்துவங்கள்)

செயல்முறை நோக்கங்கள்:

இப்பாடத்தை நிறைவு செய்ததும் :

1. இம்மையிலும், மறுமையிலும் நபி ﷺ அவர்களுக்கு உள்ள சிறப்புகளை குறிப்பிடுவீர்.

2. நபி ﷺ சிறப்புகளுக்கான ஆதாரங்களை முன்வைப்பீர்.

3. நபி ﷺ அவர்களின் அந்தஸ்த்தை அறிவதால் உமது வாழ்வில் அதன் படி ஒழுகி நடப்பீர்.

4. நபி ﷺ அவர்களின் . அந்தஸ்த்தை மதித்து நடந்து கொள்வீர்.

5. நபி ﷺ அவர்கள் மீது அன்பு செலுத்துவீர்.

தயார்படுத்தல்:

நபி ﷺ அவர்கள் கூறினார்கள், "நான் மறுமை நாளில் ஆதமின் பிள்ளைகளுக்கு தலைவன் ஆவேன்" (நூல்: புஹாரி 4712, முஸ்லிம் 2278).

நபி ﷺ அவர்கள் இந்த அந்தஸத்தைப் எதனால் பெற்றார்கள்?

நபி ﷺ அவர்களின் வேறு சிறப்பம்சங்கள் பற்றி நீர் அறிந்துள்ளீரா?

இப்பாடத்தினூடாக அவற்றை உமக்கு தெரிந்து கொள்ளலாம்.

இம்மையிலும், மறுமையிலும் நபி ﷺ அவர்களுக்குள்ள சிறப்பம்சங்கள்

நபி ﷺ அவர்களுக்கு சில சிறப்பம்சங்களை வழங்கி, ஏனைய நபிமார்களை விடவும் அவரை அல்லாஹ் சிறப்பித்துள்ளான்.இது குறித்து நபி ﷺ அவர்கள் பின்வருமாறு கூறினார்கள், "நான் மற்ற இறைத்தூதர்களைவிடவும் ஆறு விஷயங்களில் சிறப்பிக்கப்பட்டுள்ளேன்: 1. சொற்சுருக்கமும் பொருள்தெளிவுமிக்க வசனங்களை பேசுகின்ற ஆற்றல் எனக்கு வழங்கப்பட்டுள்ளது. 2. எதிரிகளின் உள்ளத்தில் என்னைப் பற்றிய (மதிப்பும்) அச்ச(மு)ம் ஊட்டப்பட்டு எனக்கு வெற்றியளிக்கப்பட்டுள்ளது. 3. போர்ச் செல்வங்கள் எனக்கு (மட்டும்) அனுமதிக்கப்பட்டுள்ளன. 4. எனக்கு பூமி முழுவதும் சுத்தம் (தயம்மும்) செய்வதற்கேற்றதாகவும் தொழுமிடமாகவும் ஆக்கப்பட்டுள்ளது. 5. நான் மனித இனம் முழுவதற்கும் தூதராக நியமிக்கப்பெற்றுள்ளேன். .6என்னோடு நபிமார்களின் வருகை முற்றுப்பெற்றுவிட்டது." (நூல்: புஹாரி 7013, முஸ்லிம் 523).

மேலும் கூறினார்கள், "மறுமை நாளில் ஆதமின் மக்கள் (மனிதர்கள்) அனைவருக்கும் தலைவன் நானே. முதன் முதலில் மண்ணறை பிளந்து (உயிர்த்து) எழுபவனும் நானே. முதன்முதலில் பரிந்துரை செய்பவனும் நானே. முதன்முதலில் பரிந்துரை ஏற்கப்படுபவனும் நானே." (நூல்: புஹாரி 4712, முஸ்லிம் 2278).

இவ்வுலகில் நபி ﷺ அவர்களின் சிறப்புகள்

நபி ﷺ அவர்களின் நபித்துவம் அனைத்து மக்களுக்கும் பொதுவானது.

நபிமார்களில் இறுதியானவர்.

சொற்சுருக்கமும் பொருள்செரிவுமிக்க வார்த்தைகள் வழங்கப்பட்டமை.

இப்பூமி முழுவதும் சுத்தம் செய்வதற்கு ஏற்றதாகவும், தொழுகையை நிறைவேற்றுவதற்கு ஏற்றதாகவும் ஆக்கப்பட்டுள்ளது.

எதிரிகளின் உள்ளங்களில் நபி ﷺ அவர்கள் பற்றிய அச்சம் போடப்பட்டு, அதன் மூலம் வெற்றியும் வழங்கப்பட்டுள்ளது.

போரில் கிடைக்கும் வெற்றிப் பொருட்கள் நபி ﷺ அவர்களுக்கு அனுமதியளிக்கப்பட்டுள்ளது.

1. நபி ﷺ அவர்கள் உலக மக்கள் அனைவருக்கும் பொதுவான நபியாக அனுப்பப்பட்டுள்ளார்கள்: இதற்கு முன் அல்லாஹ்வால் அனுப்பப்பட்ட நபிமார்கள் அனைவரும் குறிப்பிட்ட ஒரு சமூகத்திற்கு மாத்திரமே அனுப்பப்பட்டார்கள். ஆனால் நபியவர்கள் அரேபியர்களுக்கும், அவர்கள் அல்லாத ஏனைய இனத்தவருக்கும் பொதுவாக அனுப்பப்பட்டுள்ளார்கள்.

2. இறுதி நபி: இவரோடு வானத்திலிருந்து வரும் இறைச் செய்தி முற்றுப் பெற்றுவிட்டது. இவருக்குப் பின் வேறு நபிமார்கள் வரமாட்டார்கள்.

3. சொற்சுருக்கமும் பொருள்செரிவுமிக்க வார்த்தைகள் இவருக்கு வழங்கப்பட்டுள்ளது: இலக்கண, இலக்கிய அடிப்படையில் புலவர்களையும் விஞ்சி, சுருக்கமான வார்த்தைகளுக்குள் பல அர்த்தங்களை உள்ளடக்கிய சொற்களைப் பயன்படுத்தும் திறன் இவருக்கு மாத்திரமே வழங்கப்பட்டுள்ளது.

செற்பாடு (1): எனது கருத்தைக் கூறுகிறேன்:

அறபு மொழியை தெளிவாகக் பேசக்கூடியவர்களாக இருந்தமை நபி ﷺ அவர்களின் பண்புகளின் ஒன்றாகும். இதை அடிப்படையாக கொண்டு , பின்வரும் விடைகளில் சரியான விடைக்கு முன் சரி அடையாளமிடுக.

அரபு மொழியை ஒவ்வொரு முஸ்லிமும் அவசியம் கற்க வேண்டும். ஏனெனில்அதன் மூலம் :

1. அல்குர்ஆனின் அர்த்தங்களை அறிய முடியும்.

2. வணக்க வழிபாடுகளின் சட்டங்களை அறிய முடியும்.

3. இஸ்லாத்தை அதன் தூய வடிவில் மக்களுக்கு எத்திவைக்க முடியும்.

4. மேற்கூறப்பட்ட அனைத்தும் சரியானவை.

4. இப்பூமி முழுவதும் தொழுமிடமாகவும், சுத்தம் செய்யும் இடமாகவும் நபி ﷺ அவர்களுக்கு ஆக்கப்பட்டுள்ளது: நபியவர்களுக்கு வழங்கப்பட்டுள்ள மார்கக்தில் தொழுகை நேரம் வரும் போது பூமியின் சுத்தமான எப்பகுதியிலும் தொழுகையை நிறைவேற்ற முடியும் எனும் சட்டம் அமுல்படுத்தப்பட்டுள்ளது. அவ்வாறே வணக்கத்திற்கு முன்னர் செய்யும் வுழு, குளிப்பு ஆகியவற்றிற்கு நீர் கிடைக்காவிட்டால், அல்லது நீர் இருந்தும் நோய் போன்ற காரணங்களால் அதை பயன்படுத்த முடியாத சூழல் ஏற்பட்டால் சுத்தமான மண்ணைப் பயன்படுத்தி தயம்மும் செய்ய முடியும்.

5. எதிரிகளின் உள்ளங்களில் நபி ﷺ அவர்கள் பற்றிய அச்சம் போடப்பட்டு, அதன் மூலம் வெற்றியும் வழங்கப்பட்டுள்ளது. அதாவது எதிரிகள் போரின் போது நபியவர்களுக்கு பயப்படுவார்கள்.

6. போரில் கிடைக்கும் வெற்றிப் பொருட்கள் நபி ﷺ அவர்களுக்கு அனுமதியளிக்கப்பட்டுள்ளன. இவை எதிரிகளின் பொருட்களாக இருப்பினும் முஸ்லிம்கள் வெற்றிபெறும் போது அவற்றை எடுத்துக்கொள்ள முடியும் எனும் சட்டத்தை நபியவர்களுக்கு அல்லாஹ் ஆகுமாக்கினான்.

மறுமையில் நபி ﷺ அவர்களின் சிறப்புகள்

ஆதமின் மக்கள் அனைவருக்கும் தலைவர்

முதல் முதலில் கப்றைப் பிளந்துகொண்டு எழுபவர்

பெரும் நீர்தடாகத்திற்கு உரிமையானவர்

1. மறுமையில் ஆதமின் மக்கள் அனைவருக்கும் தலைவர்.

2. முதலில் கப்றைப் பிளந்துகொண்டு எழுபவர்: மறுமையில் இரண்டாம் சூர் ஊதப்பட்டதும் முதன் முதலில் கப்றில் இருந்து எழுபவர் நபி ﷺ அவர்களாவார்.

3. முதன்முதலில் பரிந்துரை செய்பவர், பரிந்துரை ஏற்கப்படுபவர்: மறுமை நாளில் எப்போது விசாரணை ஆரம்பிக்கும் என மக்கள் எதிர்பார்த்திருக்கும் கஷ்டமான தருணத்தில் நபி ﷺ அவர்களுக்கே முதலில் பரிந்து பேசுவதற்கான அனுமதி வழங்கப்படும். அவரின் பரிந்துரையே முதலில் அல்லாஹ்வால் ஏற்றுக்கொள்ளப்படும்.

4. மறுமையில் ஏனைய நபிமார்களுக்கு வழங்கப்படும் நீர்த்தடாகங்களை விடவும் பெரிய நீர்த்தடாகம் நபி ﷺ அவர்களுக்கு வழங்கப்படும்.

5. சுவனத்தின் வாயில் நபியவர்களுக்கே முதலில் திறக்கப்படும்.

செயற்பாடு: (2): சிந்தித்து, படிப்பினையைக் குறிப்பிடுகிறேன்:

நபி ﷺ அவர்கள் கூறினார்கள், "(‘அல்கவ்ஸர்’ எனும்) என் தடாகம் ஒருமாத காலப் பயணத் தொலைதூரம் (பரப்பளவு) கொண்டதாகும். அதன் நீர் பாலைவிட வெண்மையானது. அதன் மணம் கஸ்தூரியைவிட நறுமணம் வாய்ந்தது. அதன் கூஜாக்கள் விண்மீன்கள் போன்றவை. யார் அதன் நீரை அருந்துகின்றார்களோ அவர்கள் ஒருபோதும் தாகம் ஏற்படமாட்டாது.." (நூல்: புஹாரி 6579, முஸ்லிம் 2292)

ஆசிரியரின் உதவியுடன், மேற்படி ஹதீஸிலிருந்து , நபி ﷺ அவர்களுக்கு வழங்கப்படும் நீர்த்தடாகத்தின் பண்புகளையும் அமைப்பையும் குறிப்பிடுக.

மதிப்பீடு:

கேள்வி 1: பின்வருவனவற்றில் நபி ﷺ அவர்களுக்கு வழங்கப்படுபவை குறித்து வந்துள்ள வாசகங்களுக்கான அர்த்தங்களைக் குறிப்பிடுக. பயண தூரம் (மஸீரதுன்): குதிரையில் பயணிக்கும் ஒருவர் ஒரு மாத காலத்திற்குப் பின் சென்றடையும் தூரம். கூஜா (கீஸான்) : குறித்த தடாகத்தின் நீரைப் பருகுவதற்காக வைக்கப்பட்டுள்ள பாத்திரம்.

1. "சுசொற்சுருக்கமும் பொருட்செரிவுமிக்க வார்த்தைகள் எனக்கு வழங்கப்பட்டுள்ளது': "ஊதிய ஜவாமிஉல் கலிம்')(..........................................................

2. "பூமி முழுவதும் தொழுமிடமாக ஆக்கப்பட்டுள்ளது.": (ஜுஇலத் லிய ல் அர்ழு மஸ்ஜிதன் வதஹுரா ').........................................

3. "ஆதமுடைய மக்களின் தலைவன்": "ஸய்யிது வலதி ஆதம்' (..................................

4. "எதிரிகளின் உள்ளத்தில் என்னைப் பற்றிய (மதிப்பும்) அச்ச(மு)ம் ஊட்டப்பட்டு எனக்கு வெற்றியளிக்கப்பட்டுள்ளது."(நுஸிர பிர்ருஃப்): (..........................

கேள்வி 2: "முதன்முதலில் பரிந்துரை செய்பவன்" எனும் வார்த்தைக்கும், "முதன்முதலில் பரிந்துரை ஏற்கப்படுபவன்" எனும் வார்த்தைக்கும் இடையில் உள்ள வேறுபாடு:

பரிந்துரை செய்பவர் என்பது, முதன் முதலில் பரிந்துரை செய்யுமாறு அல்லாஹ்வால் அனுமதி வழங்கப்படுபவரைக் குறிக்கும். பரிந்துரை ஏற்கப்படுபவர், என்பது முதன்முதலில் அல்லாஹ்வால் தான் செய்யும் பரிந்துரைகள் ஏற்கப்படுவதைக் குறிக்கும்.

பரிந்துரை செய்பவர் என்பது, பரிந்துரைக்கும் உரிமை வழங்கப்படுபவதைக் குறிக்கிறது. பரிந்துரை ஏற்கப்படுபவர் என்பது, பரிந்துரைக்கும் உரிமை மறுக்கப்படுதல் என்பதைக் குறிக்கும்.

கேள்வி 3: நீர் இதுவரை கற்றவற்றில் நபி ﷺ அவர்களின் சிறப்புகள் மூன்றைக் குறிப்பிட்டு, அவற்றுக்கான ஆதாரங்களையும் குறிப்பிடுக.

மூன்றாம் பாடம்: அல்குர்ஆனை ஓதுவதின் சிறப்பு

செயல்முறை நோக்கங்கள்:

இப்பாடத்தை நிறைவு செய்ததும் :

1. ஹதீஸின் சொற்களுக்கான அர்த்தங்களை தெளிவுபடுத்துவீர்.

2. ஹதீஸ் அறிவிப்பாளர் பற்றி பற்றி வாழ்க்கை குறிப்பை கூறுவீர்.

3. அல்குர்ஆன் ஓதுவதன் முக்கியத்துவத்தை எடுத்துக் கூறுவீர்.

4. அல்குர்ஆனை ஓதுவதற்கு ஆர்வம் கொள்வீர்.

5. பாடத்தில் இடம்பெற்ற ஹதீஸை மனனம் செய்வீர் .

6. அல்குர்ஆன் ஓதுவதை அல்குர்ஆன் ஓதுவதன் சிறப்பை பெருமைப்படுத்துவீர்.

அப்துல்லாஹ் இப்னு மஸ்ஊத் ரழியல்லாஹு அன்ஹுஅவர்கள் அறிவித்தார்கள். நபி ﷺ அவர்கள் கூறினார்கள்:

"யார் அல்லாஹ்வின் வேததில் ஒரு எழுத்தை ஓதுகிறாரோ, அவருக்கு ஒரு நன்மை கிடைக்கிறது. அது பத்துமடங்காக மாறுகிறது. 'அலிஃப் லாம் மீம்' என்பதை ஒரு எழுத்து எனக் கூறமாட்டேன். மாறாக 'அலிஃப்' ஒரு எழுத்து, 'லாம்' ஒரு எழுத்து, 'மீம்' ஒரு எழுத்து ஆகும்." (நூல்: திர்மிதி 2910)

அறிவிப்பாளர் பற்றிய குறிப்பு:

இவர் அபூ அப்துர் ரஹ்மான் அப்துல்லாஹ் இப்னு மஸ்ஊத் அல்ஹுதலி ரழியல்லாஹு அன்ஹு ஆவார்.

முதலாவது இஸ்லாத்தை ஏற்றவர்களில் ஒருவரான இவர், முதன் முதலில் கஃபாவில் பகிரங்கமாக அல்குர்ஆனை ஓதியவராவார்.

ஸஹாபாக்களில் அல்குர்ஆனைப் பற்றி நன்கறிந்த ஒருவராக இருந்தார் இவரிடம் அல்குர்ஆனைக் கற்றுக்கொள்ளுமாறு நபி ﷺ அவர்கள் வஸிய்யத் செய்துள்ளார்கள்.

இறுதியாக இவர் ஹிஜ்ரி 32ல் மதீனாவில் மரணித்தார்.

சொற்களுக்கான பொருள்:

சொல்

பிஅஷ்ரி அம்ஸாலிஹா அலிஃப் லாம் மீம் ( தனி எழுத்துக்கள் ) பொருள் ஒரு நன்மை அது போன்று பத்து மடங்காக மாறும்.

இவை ஹுரூபுல் முகத்தஆ என்ற பெயரால் அழைக்கப்படுபவை . இது போன்ற தனி எழுத்துக்களால் அல்குர்ஆனின் சில சூறாக்கள் ஆரம்பமாகின்றன.

ஹதீஸின் விளக்கம்:

அல்குர்ஆனை ஓதுவதற்கு அல்லாஹ்விடத்தில் அளப்பரிய கூலிகள் இருக்கின்றன. அல்குர்ஆனை ஓதுபவர் பலமடங்கு நன்மைகளைப் பெறுகிறார். அல்குர்ஆனில் ஒரு எழுத்தை யார் ஓதுகிறாரோ அவருக்கு ஒரு நன்மை கிடைக்கிறது. பின்னர் அதே போன்ற பத்து மடங்கு நன்மையாய் அது எழுதப்படுகிறது. உதாரணத்திற்கு, சூறதுல் பகராவின் முதல் எழுத்துக்களான அலிஃப், மாம், மீன் ஆகிய மூன்று எழுத்துக்களையும் ஓதுபவர் 30 நன்மைகளைப் பெறுகிறார். ஒருவர் எந்த அளழிற்கு அதிகமாக அல்குர்ஆனை ஓதுகிறாரோ அந்த அளவிற்கான நன்மைகள் அவருக்கு வழங்கப்படுகிறது. இது அல்லாஹ்வின் அருட்கொடையையும் தயாளத்தன்மையையும்அல்லாஹ்வின் எடுத்துக் காட்டுகிறது.

படிப்பினைகளும், வழிகாட்டல்களும்:

1. அல்குர்ஆனை ஓதுவதன் சிறப்பும் அதற்கான அளப்பரிய கூலி கிடைக்கின்றமையும்.

2. அல்குர்ஆனை அதிகமதிகம் ஓதவேண்டுமென தூண்டப்பட்டிருத்தல். .

3. நன்மைகள் பன்மடங்காக அதிகரிக்கும் என்பது உறுதிப்படுத்தட்டிருத்தல்.

4. சிறிய நற்செயல்களுக்கும் அளப்பரிய கூலிகளை வழங்குவது அல்லாஹ்வின் தாராளத் தன்மையைக் குறிக்கிறது.

செயற்பாடுகள்:

செயற்பாடு (1): வாசித்து, படிப்பினைகளைக் குறிப்பிடுகிறேன்:

அல்குர்ஆனை ஓதுவதற்கு அதிகமான சிறப்புகள் காணப்படுகின்றன. உமது ஆசிரியரின் வழிகாட்டலுக்கு அமைய பின்வரும் இரு ஹதீஸ்களிலிருந்தும் அவற்றைக் குறிப்பிடுக.

ஹதீஸ்

நபி ﷺ அவர்கள் கூறினார்கள், "அல்குர்ஆனை ஓதிவாருங்கள். ஏனெனில்,அல்குர்ஆனை ஓதிவருபவர்களுக்கு அது மறுமையில் (இறைவனிடம்) பரிந்துரை செய்யும்" (நூல்: முஸ்லிம் 804)

நபி ﷺ அவர்கள் கூறினார்கள், 'மறுமை நாளில் குர்ஆனை ஓதி அதனடிப்படையில் நடந்தவரிடம், 'குர்ஆனிய தோழரே! ஓதுவீராக!' என்று கூறப்படும். மேலும், 'உலகத்தில் எவ்வாறு நிறுத்தி நிதானமாக ஓதினீரோ அவ்வாறு ஓதுவீராக! நிச்சயமாக எந்த வசனத்தை கடைசியாக ஓதி முடிப்பாயோ அதுதான் சொர்க்கத்தில் உமது அந்தஸ்தாகும்' என்று அவரிடம் கூறப்படும்' (நூல்: அபூதாவுத் 1464, திர்மிதி 2914). சிறப்பு அல்குர்ஆனை ஓதுபவருக்கு மறுமை நாளில் அல்குர்ஆன் பரிந்துரை செய்யும். அல்குர்ஆனை ஓதுபவரின் அந்தஸ்த்து மறுமையில் உயர்த்தப்படுகின்றமை.

செயற்பாடு: (2): நண்பரோடு சேர்ந்து, கருத்தைப் பரிமாறுகிறேன்:

அல்குர்ஆனில் நாம் மனனம் செய்தவற்றை பேணிக்கொள்ளுமாறு நபி ﷺ அவர்கள் எமக்கு ஏவியுள்ளார்கள். "குர்ஆனை (மனனம் செய்து, அதை)க் கவனித்து வாருங்கள்." (நூல்: புஹாரி 5033, முஸ்லிம் 791). அல்குர்ஆனில் மனனம் செய்தவற்றை நாம் மறந்து விடாதிருக்க,

அல்குர்ஆனில் மனனம் செய்தவற்ற மீட்டி, உறுதியாக்குவதற்கு உதவும் வழிமுறைகள் என்ன? என்பதை உமது நண்பரோடு கதைத்து அறியுங்கள்.

அல்குர்ஆனை மீட்டுவதற்கான ஆன்லைன் தளங்கள் அதிகமாக காணப்படுகின்றன. அவற்றில் இணைந்து அல்குர்ஆனை ஓதவும் மனனம் செய்தவற்றை மீட்டிக்கொள்ளவும் முடியும். இரு புனிதஸ்தளங்களின் அல்குர்ஆன் சேவை இதற்கு பெரிதும் உதவும். அதன் இணைப்பு வருமாறு:

https://maqraa.com

பயிற்சி (3): கணக்கிட்டு ஒப்புநோக்குகிறேன்.

சூறதுல் இஹ்லாஸில் உள்ள எழுத்துக்களை கணக்கிட்டு, அதை ஓதுபவருக்கு எத்தனை நன்மைகள் கிடைக்கும் என்பதைக் கணிக்கவும். பின்னர் நீ கணக்கிட்டதை உமது நண்பர் கணக்கிட்டதுடன் ஒப்பிட்டுப்பார்க்குக.

மதிப்பீடு(கணிப்பீடு)

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1. அல்குர்ஆனை ஓதுபவரின் நன்மை ஏழு மடங்காக அதிகரிக்கும். (x)

2. இப்னு மஸ்ஊத் ரழியல்லாஹு அன்ஹு அவர்கள் ஸஹாபாக்களில் அல்குர்ஆனைப் பற்றி அதிகம் தெரிந்தவராக இருந்தார்கள். (√)

3. நேரமுகாமைத்துவம் அல்குர்ஆனை மனனம் செய்வதற்கு உதவிடும். (√)

4. அல்குர்ஆன் வகுப்புகளுக்கு சமூகம் தருபவர்களுக்கு அமைதி இறங்குகிறது. (√)

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. அப்துல்லாஹ் இப்னு மஸ்ஊத் ரழியல்லாஹு அன்ஹுஅவர்கள் முதன் முதலில் அல்குர்ஆனை பகிரங்கமாக ஒதிய இடம் :

(புனித கஃபா - நபி ﷺ அவர்களின் வீடு - மஸ்ஜிதுன் நபவி)

2. அல்.குர்ஆனை தொடர்ந்தும் பேணி ஓதிவருபவர் :

(நாளாந்தம் - கிழமைதோறும் - மாதாந்தம்) ஒதுவார்

3. இப்பாடத்தில் இடம்பெற்றுள்ள ஹதீஸ் :

(அல்குர்ஆனை இறக்கியமை - நன்மைகளை பன்மடங்காக உயர்த்தப்படுகின்றமை - மனிதனைப்படைத்தமை எனும் அல்லாஹ்வின் தயாளத்தன்மைக்கான ஆதாரமொன்றை முன்வைக்கிறது.

கேள்வி 3: நீர் மனனம் செய்த பாடத்தில் இடம்பெற்ற ஹதீஸை 3 தடவை எழுதுக.

கேள்வி 4: அல்குர்ஆனை ஓதுவதற்கு இவ்வாறெல்லாம் சிறப்பு இருக்கிறதா என்பதை நீர் அறிந்த பின் உமது உள்ளத்தில் ஏற்படும் உணர்வுகளைக் குறிப்பிடுக.

நான்காம் பாடம்: பாவங்களுக்கான பரிகாரங்கள்

செயல்முறை நோக்கங்கள்:

இப்பாடத்தை நிறைவு செய்ததும் :

1. ஹதீஸ் அறிவிப்பாளர் பற்றி சுருக்கமாக அறிந்து கொள்வீர்.

2. ஹதீஸில் உள்ள கடினமான சொற்களுக்கான அர்த்தங்களை தெளிவுபடுத்துவீர்.

3. ஹதீஸின் கருத்தை சுருக்கமாக குறிப்பிடுவீர்.

4. ஹதீஸின் முக்கியமான படிப்பினைகளை தெளிவுபடுத்துவீர் .

5. ஹதீஸில் குறிப்பிட்டுள்ள வணக்கத்தை பேணி பேணிநடப்பீர்.

6. ஹதீஸை மனனம் செய்வீர்.

ஹதீஸ்:

அல்லாஹ்வின் தூதர் ﷺ அவர்கள் கூறியதாக அபூ ஹுரைரா ரழியல்லாஹு அன்ஹுஅவர்கள் அறிவிக்கிறார்கள், 'ஐவேளை தொழுகை, ஒரு ஜும்ஆவிலிருந்து மறு ஜும்ஆ வரை, ஒரு ரமழான் முதல் அடுத்த ரமழான் வரை பெரும் பாவங்களை ஒருவர் தவிர்ந்து கொள்ளும் பட்சத்தில் அவற்றுக்கிடையிலுள்ள சிறுபாவங்களுக்கு அவைகள் குற்றப்பரிகாரமாக அமைந்து விடுகிறது.' (நூல்: முஸ்லிம் 574)

சொற்களுக்கான பொருள்:

சொல் பொருள்

ஒரு ஜும்ஆவிலிருந்து மறு ஜும்ஆ வரை

ஒரு ரமழானில் இருந்து மறு ரமழான் வரை

பரிகாரம்

பெரும் பாவம் ஒரு ஜும்ஆத் தொழுகையிலிருந்து மறு ஜும்ஆத் தொழுகை வரை ஒரு ரமழானின் நோன்பிலிருந்து மறு ரமழான் நோன்பு வரை பாவங்கள் மன்னிக்கப்படுவதற்குக் காரணமாக அமைகிறது. இவ்வுலகிலோ அல்லது மறுமையிலோ தண்டனை உள்ளது என இஸ்லாம் குறிப்பிடும் அனைத்து பாவகாரியங்களும் பெரும்பாவமாகும். உதாரணம்: விபச்சாரம், களவு, வட்டி சாப்பிடுதல்.

அறிவிப்பாளர் பற்றிய குறிப்பு:

அப்துர் ரஹ்மான் இப்னு ஸஹ்ர் அத்தவ்ஸி என்பது இவரின் முழுப்பெயராகும். இவர் எப்போதும் பூனையை கையில் சுமந்திருப்பதால் நபி ﷺ அவர்கள் இவருக்கு அபூஹுரைரா ரழியல்லாஹு அன்ஹு என புனைப் பெயர் சூட்டினார்கள்.

ஹிஜ்ரி 7ல் இஸ்லாத்தைத் தழுவிய இவர் நபியவர்கள் மரணிக்கும் வரை அவருடனே இருந்துள்ளார்கள்.

இவருக்கு மனன சக்தி அதிகரிக்க வேண்டும் எனவும், முஃமின்களுக்கு அதிக விருப்பத்திற்குரியவராக இவர் இருக்க வேண்டுமெனவும் நபி ﷺ இவருக்காக பிராத்தனை செய்துள்ளார்கள். இதன் காரணமாகவே ஸஹாபாக்களில் அதிக மனன சக்தியுல்ளவராகவும், அதிக ஹதீஸ்களை அறிவித்தவராகவும் காணப்படுகிறார். இவர் 5000 இற்கும் மேற்பட்ட ஹதீஸ்களை நபியவர்களிடமிருந்து அறிவித்துள்ளார்.

ஸஹாபாக்களில் சிறந்த அறிஞர்களில் ஒருவராகத் திகழ்ந்த இவர் அதிகமாக அழைப்புப் பணியிலும், கற்பித்தல் நடவடிக்கையிலும் ஈடுபட்டுள்ளார்.

ஹிஜ்ரி 59ல் இவர் மரணித்தார்.

ஹதீஸின் விளக்கம்: (ஹதீஸின் மைய்யக் கருத்து )

கருணைகாட்டுவதிலும் மன்னிப்பை வழங்குவதிலும் அல்லாஹ் எவ்வளவு விசாலமானவன் என்பதை நபி ﷺ அவர்கள் தெளிவுபடுத்தியுள்ளார்கள். இவ் ஹதீஸில் கூறப்பட்டுள்ள வணக்கங்கள் எந்தளவு முக்கியத்துவம் வாய்ந்தவை என்பதையும், இவ் வணக்கங்கள் பாவங்களுக்கான பரிகாரமாக அமைகின்றன என்பதையும் தெளிவுபடுத்தியுள்ளார்கள்.

பாவங்களுக்கு பரிகாரமாக அமையும் வணக்கங்களாவன: ஒவ்வொரு நாளும் ஐவேளைத் தொழுகையைத் தொழல், ஒவ்வொரு கிழமையும் ஜும்ஆத் தொழுகையைத் தொழல், ஒவ்வொரு வருடமும் ரமழான் மாதத்தில் நோன்பு நோற்றல் ஆகியவையாகும்.

இவ்வணக்கங்கள் ஒருவர் செய்த சிறிய பாவங்களுக்கே பரிகாரமாக அமைகின்றன. விபச்சாரம், களவு, பெற்றோருக்கு நோவினை செய்தல், தடுக்கப்பட்ட முறையில் பணம் சம்பாதித்து உண்ணல் போன்ற பெரும்பாவங்கள் செய்திருந்தால் அவற்றுக்கு தனியாக தவ்பா செய்துகொள்ள வேண்டும்.

உண்மையாக கேட்கப்படும் எல்லா தவ்பாக்களையும் அல்லாஹ் மன்னிக்கிறான். அல்லாஹ் கூறுகிறான், "தமக்கு எதிராக வரம்பு மீறிய எனது அடியார்களே! அல்லாஹ்வின் அருளில் நம்பிக்கையிழந்து விடாதீர்கள்! பாவங்கள் அனைத்தையும் அல்லாஹ் மன்னிப்பான். " (அஸ்ஸுமர் :53)

படிப்பினைகளும், வழிகாட்டல்களும்:

1. அல்லாஹ்வின் அல்லாஹ்வின் கருணை மிகவும் விசாலமானதாக காணப்படுகின்றமை.

2. இஸ்லாத்தில் தொழுகையும், நோன்பும் முக்கியத்துவம் வாய்ந்த வணக்கங்களாகத் திகழ்கின்றமை .

3. வணக்கங்களை தொடராக செய்வதன் சிறப்பு குறிப்பிடப்பட்டுள்ளமை

4. பாவங்கள் இரு வகைப்படும்:

சிறிய பாவங்கள் - இவை வணக்கங்கள் மூலம் அழிக்கப்படும்.

பெரும் பாவங்கள் - இதற்கென பிரத்தியேகமாக தவ்பா செய்ய வேண்டும்.

5. பெரும்பாவங்களில் ஈடுபடுபடுவதன் ஆபத்து சுட்டிக்காட்டப்பட்டுள்ளமை..

செயற்பாடுகள்

செயற்பாடு(1): ஆய்வு செய்து முடிவுகளைப்பெறுவேன்:

நபி ﷺ அவர்கள் கூறினார்கள்: "ஒரு முஸ்லிமுக்கு ஐநேரத் தொழுகை நேரம் வந்து, அதற்காக அழகாக அங்க சுத்தம் செய்து, பயபக்தியோடு தொழுது, ருகூஐயும் செய்தால் -பெரும் பாவங்கள் செய்யாதவரை- அது அவரது முன்செய்த பாவத்திற்கான பரிகாரமாக அமையும்." (நூல்: முஸ்லிம் 228)

1.இந்த ஹதீஸ் குறிப்பிடும் சிறப்பைக் கூறுக.

இந்த ஹதீஸின் சிறப்பு பாடத்தில் இடம்பெற்ற ஹதீஸுடன் தொடர்புபடும் முறையை தெளிவு படுத்துக.

செயற்பாடு (2): ஹதீஸிலிருந்து குறிப்பிடுக.

பின்வரும் விடயங்கள் ஒவ்வொன்றையும் தெளிவாக காட்டும் ஒரு வாசகத்தை ஹதீஸிலிருந்து எடுத்துக்காட்டுக.:

செயற்பாடு (3): திரும்பத் திரும்பக் கூறி, மனனம் செய்வேன்.

உமது நண்பரோடு இவ் ஹதீஸை திரும்பத் திரும்பக் கூறி மனனமிடவும். பின்னர் ஒருவருக்கொருவர் பாடம்கேட்கவும். பின்பு இருவரும் சேர்ந்து மற்ற ஒருவரிடம் பாடம் கொடுக்கவும். இவ்வாறு செய்து உமது மனனத்தை வழுப்படுத்தவும்.

மதிப்பீடு

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1. பாவங்களுக்கு பரிகாரமாக அமைவதற்கு பாடத்தில் குறிப்பிடப்பட்ட மூன்று வணக்கங்களும் ஒன்று சேர்ந்து இருக்க வேண்டும் நிபந்தனைகளாக அமைகின்றன. ( )

2. உண்மையான தவ்பாவின் மூலம் பெரும்பாவங்கள் மன்னிக்கப்படுகின்றன. ( )

விபச்சாரம் பெரும் பாவமாகும். ஏனெனில் அதை செய்பவருக்கு தண்டனை நிறைவேற்றப்பட வேண்டும். ( )

4. வணக்கங்கள் பாவங்களை மன்னித்து, அந்தஸ்துக்களைக் கூட்டுகிறது. ( )

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. அபூஹுரைரா (ரழி) அவர்களை உதாரணப் புருஷராக எடுக்க வேண்டியது பின்வருவனவற்றில்:

(அறிவைக் கற்றல் - பணம் சேர்த்தல் - பள்ளி கட்டுதல்)

2. ஹதீஸில் குறிப்பிடப்படட்டுள்ள ( பாவங்களுக்கான பரிகாரம் ) என்பதன் அர்த்தம்:

(வேதனையைக் குறைக்கும் - பாவங்களைப் போக்கும் - குறைகளை மறைக்கும்) என்பதாகும்.

3. ஐநேரத் தொழுகைகள் மூலம் மன்னிக்கப்படுவது:

(சிறிய பாவங்கள் - பெரிய பாவங்கள் - அனைத்துப் பாவங்கள்) ஆகும்.

4. இவ் ஹதீஸ் குறிப்பிடும் சிறப்பான நோன்பு:

(அரஃபா நோன்பு - ஆஷூரா நோன்பு - ரமழான் நோன்பு)

கேள்வி 3: பின்வரும் ஹதீஸை பூரணப்படுத்துக.

«الصَّلَوَاتُ..........، وَالْجُمُعَةُ إِلَى..........، وَرَمَضَانُ إِلَى رَمَضَانَ مُكَفِّرَاتٌ مَا بَيْنَهُنَّ إِذَا اجْتَنَبَ .............».

கேள்வி 4: வணக்க வழிபாடுகளில் ஈடுபடுவது, தீமைகள் மற்றும் பாவங்களுக்கான பரிகாரமாக அமைந்து விடும். இது எதைக் கூறுகிறது?

ஐந்தாம் பாடம்: அல்லாஹ்வின் மீது நல்லெண்ணம் வைத்தல்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்::

1. அபூஹுரைரா (ரழி) அவர்கள் பற்றி அறிமுகப்படுத்துவீர்.

2. கடினமான சொற்களுக்கு பொருள்களை அதெளிவுபடுத்துவீர் .

3. ஹதீஸுக்கான சுருக்கமான விளக்கத்தை ஹதீஸ் குறித்த சுருக்கமான விளக்கத்தை குறிப்பிடுவீர்.

4. அல்லாஹ்வின் மீது நல்லெண்ணம் வைப்பதன் சிறப்பை தெளிவுபடுத்துவீர்.

5. முறையாக அல்லாஹ்வை வழிபடவும், மார்க்கத்தில் நிலையாக இருக்கவும் பிறரை அழைப்பீர்.

6. ஹதீஸை மனனம் செய்வீர்..

அறிமுகம்

ஹதீஸ்களில் சிலவற்றுக்கு 'ஹதீஸுல் குத்ஸீ' எனக் கூறப்படும். இவற்றை அல்லாஹ் கூறியதாக நபி ﷺ அவர்கள் அறிவிப்பார்கள். ஆனால் இது குர்ஆனைப் போன்று அற்புதங்கள் கொண்டது கிடையாது.

இப்பாடத்தில் இடம்பெற்றுள்ள ஹதீஸுல் குத்ஸி முஃமின்கள் மீது அல்லாஹ் பொழிந்துள்ள அருட்கொடைகளின் விசாலத்தை சுட்டிக்காட்டுகிறது..

ஹதீஸ் வாசகம்::

நபி ﷺ அவர்கள் கூறியதாக அபூ ஹுரைரா ரழியல்லாஹு அன்ஹு அவர்கள் அறிவிக்கிறார்கள். உயர்ந்தோனாகிய அல்லாஹுத் தஆலா கூறுகிறான் 'என் அடியான் (மனிதன்) என்னைக் குறித்து என்ன நினைக்கிறானோ அதற்கு ஏற்பவே நான் உள்ளேன். அவன் என்னை நினைவு கூறும்போது நான் அவனுடன் இருக்கிறேன். அவன் என்னை உள்ளத்தினுள்; நினைவு கூர்ந்தால் நானும் அவனை என் உள்ளத்தில் நினைவு கூறுவேன். அவன் என்னை ஒரு கூட்டத்தில் நினைவு கூர்ந்தால் அதனை விடவும் சிறந்த கூட்டத்தில் நான் அவனை நினைவு கூறுவேன். அவன் என்னை நோக்கி ஒரு சாண் நெருங்கி வந்தால் நான் அவனை நோக்கி ஒரு முழம் நெருங்கிச் செல்வேன். அவன் என்னை நோக்கி ஒரு முழம் நெருங்கி வந்தால் நான் அவனை நோக்கி ஒரு பாகம் நெருங்கிச் செல்வேன்.அவன் என்னை நோக்கி நடந்து வந்தால் நான் அவன் பக்கம் விரைந்து செல்வேன். (நூல்: புஹாரி 7405, முஸ்லிம் 2675).

சொற்களுக்கான பொருள்:

சொல் பொருள்

கூட்டம் என்பது (ஜமாஅதுன் ) சபை, குழு, திரள்

சாண் விரிக்கப்பட்ட நிலையில் உள்ள பெருவிரலுக்கும், சுண்டு விரலுக்கும் இடைப்பட்ட தூரம்.

முழம் (திராஃ என்பது : முழங்கைக்கும், உள்ளங்கை விரல்களுக்கும் இடைப்பட்ட தூரம்

பாகம் ( பாஉன் ) என்பது முழுக் கையையும் விரித்தால் கிடைக்கப்பெறும் தூரம்

விரைந்து செல்லல் (ஹர்வலா என்பது : நடந்து செல்வதை விட சற்று வேகமான நிலை

அறிவிப்பாளர் பற்றிய குறிப்பு:

இவர் அப்துர்ரஹ்மான் இப்னு ஸஹ்ர் அத்தவ்ஸீ (ரழி) ஆவார். இவர் பற்றிய குறிப்பு ஏற்கனவே கூறப்பட்டுள்ளது.

இவர் அதிகம் நோன்பு பிடிப்பவராகவும், அதிகம் இரவில் நின்று வணங்குபவராகவும் இருந்துள்ளார். உலக வாழ்க்கையில் பற்றற்று இருந்த இவர் தாய்க்கு அதிகம் பணிவிடை செய்பவராக இருந்துள்ளார்.

ஹதீஸின் விளக்கம்:

மேற்கூறப்பட்ட ஹதீஸுல் குத்ஸியில் ஒரு முஃமின் அல்லாஹ்வை நினைவுகூர்ந்தால் அல்லாஹ் அவரை எவ்வாறெல்லாம் நினைவுகூர்கிறான் என்றும், அவரை பொருந்திக்கொண்டு, அவருக்கு கருணை காட்டுகிறான் என்றும், அவர் செய்யும் செயல்களை விடவும் அவருக்கு கூலி வழங்குகிறான் என்றும் தெளிவாக கூறப்பட்டுள்ளது. ஒரு முஃமின் இரகசியமாக அல்லாஹ்வை நினைவுகூர்ந்தால் அல்லாஹ்வும் இரகசியமாக அவரை நினைவுகூறுகிறான். மக்களுக்கு மத்தியில் அல்லாஹ்வை நினைவு கூறினால் அல்லாஹ்வுக்கு நெருக்கமான மலக்குகளிடம் அவரை அல்லாஹ் நினைவுகூறுகிறான். வணக்கம் ஒன்றை செய்து அல்லாஹ்வை ஒரு முஃமின் நெருங்கினால் அதை அல்லாஹ் ஏற்று, அதற்கான கூலிகளை வழங்குகிறான். வணக்கங்களை அதிகம் செய்து தன்னை நெருங்கும் ஒவ்வொரு நொடிக்கும் அதிகமான கூலிகளை அல்லாஹ் வழங்கி, அவரின் அந்தஸ்த்தை உயர்த்துகிறான்.

இதனால் அல்லாஹ்வின் மீது நல்லெண்ணம் வைப்பது ஒரு முஸ்லிமுக்கு கடமையாகிறது. அல்லாஹ் எப்போதும் ஒரு முஃமினுக்கு அதிக நலவுகளையும், நன்மைகளையும் வழங்குகிறான். இவ்வுலகில் அவருக்கான விதியை நிர்ணயித்து, சோதிக்கிறான். அவரின் தவ்பாவை ஏற்று, மறுமையில் அவரை மன்னித்து, தகுந்த வகுமதிகளை வழங்குகிறான்.

படிப்பினைகளும், வழிகாட்டல்களும்:

1. அல்லாஹ்வின் மீது நல்லெண்ணம் வைப்பதன் முக்கியத்துவமும், வணக்க வழிபாடுகளை மனதார ஏற்று, அல்லாஹ்வை நெருங்க வேண்டும் என்பதும் இங்கு தெளிவுபடுத்தப்பட்டுள்ளது.

2. அல்லாஹ்வை இரகசியமாகவும், வெளிப்படையாகவும் நினைவுகூறுவது சிறந்த வணக்கங்களில் ஒன்றாகும்.

3. தனது படைப்பினங்கள் மீது அல்லாஹ்வின் கருணை அளப்பரியது.

4. அல்லாஹ்வுக்கு கட்டுப்பட்டு வாழ்பவருக்கு சிறந்த வெகுமதிகளையும் அளவில்லா கூலியையும்அல்லாஹ் வழங்குறான்.

5. கூலி என்பது செயல்களைப் பொருத்தே அமைகிறது. யார் அல்லாஹ்வின் மீது நல்லெண்ணம் வைத்து, நல்ல செயல்கள் செய்கிறாரோ அவருக்கு நல்லதையே அல்லாஹ் வழங்குகிறான்.

ஒப்படைகள் _செயற்பாடுகள்:

செயற்பாடு (1): சிந்தித்து, விடையளிக்கிறேன்:

நபி ﷺ அவர்கள் கூறினார்கள், "உங்களில் எவரும் அல்லாஹ்வின் மீது நல்லெண்ணம் வைக்காமல் மரணிக்க வேண்டாம்." (நூல்: முஸ்லிம் 2877)

இப்றாஹீம் அந்நஹஈ (ரஹ்) அவர்கள் கூறுகிறார்கள், 'ஒருவர் அல்லாஹ்வின் மீது நல்லெண்ணம் வைத்த நிலையில் மரணிக்க வேண்டும் என்பதற்காக, முன்சென்ற அறிஞர்கள், ஒருவரின் மரணத் தருவாயில் அவரின் நற்செயல்களைப் பற்றி அவரிடம் அதிகமாக கதைப்பதை ஆகுமான ஒன்றாக கருதியிருந்தார்கள்'

மேற்கூறப்பட்ட இரு செய்திகள் பற்றியும் சிந்தித்து, உமது நண்பருடன் கலந்துரையாடி, பின்வருவனவற்றுக்கு விடை தருக.

1. மேற்கூறப்பட்ட இரு செய்திகளின் சுருக்கத்தைக் குறிப்பிடுக.

2. மேற்கூறப்பட்ட இரு செய்திகளுக்கும் பாடத்தின் ஹதீஸிற்கும் உள்ள தொடர்பைக் கூறுக.

3. ஒரு முஸ்லிம் எப்போது தனது நல்ல செயல்கள் பற்றி நினைவுகூற வேண்டும்?

செயற்பாடு (2): காரணத்துடன் தெரியப்படுத்துகிறேன்.

பின்வரும் நிலைமைகளை வைத்து, அல்லாஹ்வின் மீது நல்லெண்ணம் வைப்பது பற்றிய உமது கருத்தை, காரணத்துடன் குறிப்பிடுக.

நிலைமைகள்

ஒரு வாலிபர் தொழுகையை விட்டுவிட்டு, 'அல்லாஹ் மன்னிப்பவன், இரக்கமுள்ளவன்' எனக் கூறுகிறார்.

ஒருவர் தொழுகைகளைப் பேணி, இரத்த உறவுகளுடன் சேர்ந்து நக்கிறார்.

அஹ்மத் தனது செயல்களை திறன்பட செய்து, அண்டை வீட்டாருக்கும் உதவி புரிகிறான்.

ஒரு வாலிபர் தடுக்கப்பட்ட செயல்களை செய்து, 'வயோதிபம் அடையும் போது தவ்பா செய்யலாம்' எனக் கூறுகிறார். உமது கருத்து காரணம்

செயற்பாடு (3): என்னை மதிப்பிட்டுக்கொள்கிறேன்.

அல்லாஹ்வின் கூலியை எதிர்பார்த்து, அன்றாடம் பேணி வரும் வணக்கங்கள் மூன்றைக் குறிப்பிடுக.

மதிப்பீடு

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

அபூ ஹுரைரா (ரழி) அவர்கள் அதிகமாக வணக்கம் செய்வதில் பிரபல்யமானவர். (√)

அல்லாஹ்வை நினைவு கூர்வதை இரகசியமாகவும், வெளிப்படையாகவும் செய்யலாம். (√)

அல்லாஹ்வின் மீது நல்லெண்ணம் வைப்பது வணக்க வழிபாடுகளை விட்டுவிடுவதற்கு வழிவகுக்கும். (x)

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

ஹதீஸுல் குத்ஸி எனும் ஹதீஸ் வகைகளின் கூற்றுக்குச் சொந்தக்காரர்:

(அல்லாஹ் - நபி ﷺ - ஜிப்ரீல் (அலை))

ஹதீஸில் இடம்பெற்றுள்ள "அதனை விடவும் சிறந்த கூட்டத்தில் நான் அவனை நினைவு கூறுவேன்" எனும் வாசகத்தினால் குறிக்கப்படுபவர்கள்:

(மலக்குகள் - நபிமார்கள் - அறிஞர்கள்)

அல்லாஹ்வின் மீது நல்லெண்ணம் வைக்க வேண்டிய நிலைகளில் ஒன்று:

(வணக்கத்தை விடும் போது - பாவம் செய்யும் போது - மரணத்தின் போது)

கேள்வி 3: பின்வரும் ஹதீஸை பூரணப்படுத்துக

நபி ﷺ அவர்கள் கூறினார்கள்: «يَقُولُ اللهُ تعالى: أَنَا عِنْدَ ظَنِّ عَبْدِي بِي، وَأَنَا مَعَهُ حِينَ ............، إِنْ ذَكَرَنِي فِي نَفْسِهِ ذَكَرْتُهُ فِي ............، وَإِنْ ذَكَرَنِي فِي مَلَأ ذَكَرْتُهُ فِي مَلَأ هُمْ خَيْرٌ ..........».

கேள்வி 4: பின்வரும் இரு கேள்விகளுக்கு விடை தருக.

செயல்களைப் பொறுத்தே கூலி கிடைக்கிறது என்பது ஹதீஸின் கருத்தாகும். அதனை விளக்குக.

அல்லாஹ்வின் கருணை அளப்பரியது என்பதை ஹதீஸ் உறுதிப்படுத்தியுள்ளது. அதனை விளக்குக.

ஆறாம் பாடம்: அல்லாஹ்வின் நிழலைப் பெறும் ஏழு பேர்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. ஹதீஸில் உள்ள கடினமான சொற்களுக்கான அர்த்தங்களை தெளிவுபடுத்துவீர்.

2. அல்லாஹ்வின் நிழலைப் பெற்றுத் தரும் ஏழு செயல்களை தெளிவு படுத்துவீர்.

3. வாலிப வயதில் அல்லாஹ்வை வணங்க வேண்டியதன் முக்கியத்துவத்தை அறிந்து செயற்படுவீர்.

4. ஹதீஸின் முக்கியமான படிப்பினைகளை தெளிவுபடுத்துவீர்.

5. எவ்வித பிழைகளும் இன்றி பாடத்தின் ஹதீஸை ஒப்புவிப்பீர்.

6. அபூ ஹுரைரா (ரழி) அவர்களை முன்மாதிரியாகக் கொண்டு நடக்க முயல்வீர்.

அறிமுகம்

மறுமை நாளில் மஹ்ஷர் பூமியில் அனைத்துப் படைப்பினங்களும் ஒன்று சேர்வார்கள். அப்போது நெரிசல் அதிகரிக்கும். அதிக வெப்பம் ஏற்படும். நீண்ட நேரம் நிற்க வேண்டி ஏற்படுவதால் மக்கள் அதிக துன்பங்களுக்கும், கஷ்டங்களுக்கும் ஆலாகுவார்கள். ஆனால் சிலபேர் மாத்திரம் நிழலே இல்லாத பூமியில் நிழலில் இருப்பார்கள். யார் அவர்கள்? இத்தகைய கொடிய வேதனையிலிருந்து அல்லாஹ்வின் கருணையைப் பெற என்ன செய்தார்கள்?

இதற்கான விடையை அறிய பின்வரும் ஹதீஸை வாசியுங்கள்:

ஹதீஸ்:

நபி ﷺ அவர்கள் கூறியதாக அபூஹுரைரா (ரழி) அவர்கள் அறிவிக்கிறார்கள் : அல்லாஹ், தனது (-அர்ஷின் -அரியணையின்) நிழலைத் தவிர வேறு நிழலே இல்லாத (மறுமை) நாளில் ஏழு பேருக்கு நிழல் (அடைக்கலம்) அளிப்பான்: 1. நீதி மிக்க ஆட்சியாளர். 2. இறை வழிபாட்டிலேயே வளர்ந்த இளைஞர். 3. பள்ளிவாசல்களுடன் (எப்போதும்) தொடர்பு வைத்துக்கொள்ளும் இதய முடையவர். 4. அல்லாஹ்வுக்காகவே நேசித்து, அவனுக்காகவே இணைந்து, அவனுக்காகவே பிரிந்த இருவர். 5. அந்தஸ்தும் அழகும் உள்ள ஒரு பெண் தம்மை (தவறு செய்ய) அழைத்த போதும், “நான் அல்லாஹ்வை அஞ்சுகிறேன்” என்று கூறியவர். 6. தமது வலக்கரம் செய்த தர்மத்தை இடக் கரம்கூட அறியாத வகையில் இரகசியமாகத் தர்மம் செய்தவர். 7. தனிமையில் அல்லாஹ்வை நினைத்து (அவனது அச்சத்தால்) கண்ணீர் சிந்திய மனிதர். (நூல்: புஹாரி 660, முஸ்லிம் 1031)

சொற்களுக்கான பொருள்:

சொல் தனது நிழல் தன்னை அழைத்த போது தனிமையில் இரு கண்களும் கண்ணீர் சிந்தின பொருள்: அர்ஷின் நிழல்

விபச்சாரம் செய்ய அழைத்த போது மக்கள் இல்லாத இடத்தில் அல்லாஹ்வின் மகிமையை உணர்ந்து, அவனுக்கு அஞ்சி கண்ணீர் சிந்துதல்

அல்லாஹ்வின் நிழலைப் பெறுபவர்கள்:

நீதி மிக்க ஆட்சியாளர்.

இறை வழிபாட்டிலேயே வளர்ந்த இளைஞர்.

பள்ளிவாசல்களுடன் (எப்போதும்) தொடர்பு வைத்துக்கொள்ளும் இதயமுடையவர்.

அல்லாஹ்வுக்காக நேசம் வைக்கும் இருவர்.

அல்லாஹ்வை அஞ்சி, பாவம் செய்வதை விடுபவர்.

இரகசியமாக தர்மம் செய்பவர்.

அல்லாஹ்வுக்கு அஞ்சி அழுபவர்.

அறிவிப்பாளர் பற்றிய குறிப்பு:

அபூ ஹுரைரா (ரழி) அவர்கள் பற்றிய குறிப்புகள் முன்னரே கூறப்பட்டுள்ளன.

அபூ ஹுரைரா (ரழி) அவர்கள் எப்போதும் நபி ﷺ அவர்களுடன் இருப்பதை விரும்புவார்கள். அவரைப் பார்த்து நற்காரியங்கள் செய்யவும், அவரின் கட்டளைகளையும், வஸிய்யத்களையும் அமுல்படுத்தவும் எப்போதும் ஆர்வமாக இருப்பார்கள். நபியவர்கள் தனக்கு கூறியதாக ஓர் செய்தியை அபூஹுரைரா (ரழி) அவர்கள் பின்வருமாறு பதிவிடுகிறார்கள்: "ஒவ்வொரு மாதமும் மூன்று நாட்கள் நோன்பு நோற்பது, (இரண்டு ரக்அத்கள்) ‘ளுஹா’ தொழுகை தொழுவது, வித்ர் தொழுதுவிட்டு உறங்குவது ஆகிய மூன்று விஷயங்களை என் உற்ற தோழர் (நபி ﷺ அவர்கள்) எனக்கு அறிவுறுத்தினார்கள். அவற்றை நான் இறக்கும்வரை கை விடமாட்டேன்." (நூல்: புஹாரி 1178, முஸ்லிம் 721)

ஹதீஸின் விளக்கம்:

மறுமை நாளுக்காக கப்றுகளிலிருந்து வெளியேறி மஹ்ஷர் பூமியில் மக்கள் அனைவரும் ஒன்று சேர்வார்கள். இந்நாளில் சூரியனின் வெப்பம் கடுமையாக இருக்கும். மக்கள் அனைவரும் அதனால் துன்புருவார்கள். முஃமின்களில் சிலரை மாத்திரம் அல்லாஹ் தனது அர்ஷின் நிழலைக் கொடுத்து கௌரவிப்பான்.

அர்ஷின் நிழலைப் பெறும் முஃமின்களின் ஏழு பிரிவினர்களை நபி ﷺ பினவருமாறு வகைப்படுத்தியுள்ளார்கள்:

1. நீதமான ஆட்சியாளர் - நீதமாக நடந்துகொள்ளும் அனைத்து தலைவர்கள், ஆட்சியாளர்கள், நீதிபதிகள் போன்றோரை இது குறிக்கிறது.

2. இறை வழிபாட்டிலேயே வளர்ந்த இளைஞர் - தொழுகை, பெற்றோருக்கு உபகாரம் செய்தல், தடைசெய்யப்பட்டவற்றை விட்டும் விலகியிருத்தல் போன்ற அனைத்து வகையான வணக்கங்களையும் இளம் வயது முதலே செய்பவரை இது குறிக்கிறது.

3. பள்ளிவாசல்களுடன் தொடர்பு வைத்துக்கொள்ளும் இதயமுடையவர் - பள்ளிவாயில்களை அதிகம் விரும்பி, அதோடு அதிக தொடர்பு வைத்து, ஆரம்ப நேரத்திலேயே ஐமாஅத்தோடு தொழுகைகளை நிறைவேற்றுவோரை இது குறிக்கிறது.

4. அல்லாஹ்வுக்காகவே நேசித்து, அவனுக்காகவே இணைந்து, அவனுக்காகவே பிரியும் இருவர் - முஃமின் என்ற ஒரே காரணத்துக்காக இறுதி மூச்சு வரை இருவரும் ஒருவரையொருவர் மிகவும் நேசிப்பார்கள். தனது நேசத்தில் வேறு குறிக்கோல்களை வைத்திருக்க மாட்டார்கள்.

5. அந்தஸ்தும் அழகும் உள்ள ஒரு பெண் தம்மை அழைத்த போதும், “நான் அல்லாஹ்வை அஞ்சுகி றேன்” என்று கூறியவர் - விதவையோ, கண்ணிப்பெண்ணோ, தனது மேலதிகாரியோ அழகான, அந்தஸ்த்தில் உள்ள, வசதிபடைத்த பெண் ஒருவர் விபச்சாரம் செய்ய தன்னை அழைத்தால் அல்லாஹ்வுக்கு பயந்து அதை மறுக்கும் ஒருவரையே இது குறிக்கிறது.

6. தமது வலக் கரம் செய்த தர்மத்தை இடக் கரம்கூட அறியாத வகையில் இரகசியமாகத் தர்மம் செய்தவர் - மக்கள் அறியாத வகையில் தர்மம்செய்தவரை இது குறிக்கிறது. அல்லாஹ்வுக்காக என தூய எண்ணத்துடன் நிறைவேற்றப்படும் தர்மத்தில் ஏழைகள் எப்போது சஞ்சலப்படவோ, துன்பப்படவோ, அவமானப்படவோ மாட்டார்கள்.

7. தனிமையில் அல்லாஹ்வை நினைத்து கண்ணீர் சிந்திய மனிதர் - அல்லாஹ்வுக்கு அஞ்சி, அவனது வல்லமையை உணர்ந்து, அவனது அருட்கொடைகளை அடைய வேண்டுமென ஆசைவைத்து, அவனை சந்திக்க வேண்டுமென பேராசைப்பட்டு அழும் ஒருவரையே இது குறிக்கிறது.

படிப்பினைகளும், வழிகாட்டல்களும்:

1. தன்னை வணங்கி, வழிபடுவோரை மறுமையில் ஏனைய படைப்பினங்களுக்கு முன்னால் அல்லாஹ் கண்ணியப்படுத்துவான்.

2. நீதம் என்பது இவ்வுலகில் அவசியம் கடைபிடிக்க வேண்டிய பண்பாகும். அதற்காக மாபெரும் கூலி மறுமையில் காத்திருக்கிறது.

3. வாலிபப் பருவத்தை வணக்க வழிபாடுகளில் அதிகம் ஈடுபடுத்துவது கட்டாயமாகும்.

4. தர்மம் செய்வதிலும், சமூகப் பணிகள் செய்வதிலும் உளத்தூய்மையைப் பேணுவது சிறந்ததாகும்.

5. அல்லாஹ்வுக்காக நேசம் கொள்வது, இவ்வுலகிலும், மறுமையிலும் மகிழ்ச்சி ஏற்பட காரணமாக அமைகிறது.

6. தடைசெய்யப்பட்டவற்றை விட்டும் தவிர்ந்திருப்பதற்கு மறுமையில் பாரிய கூலி இருக்கிறது.

-செயற்பாடுகள்: (ஒப்படைகள்)

செயற்பாடு 1: பின்வரும் பண்புகளை, அதற்கான ஆதாரங்களுடன் இணைக்கிறேன்.

பின்வரும் பண்புகளையும், அது பற்றி ஹதீஸ் குறிப்பிடும் வாசகத்தையும் இணைக்குக.

பண்புகள்

வணக்க வழிபாடுகளில் உளத்தூய்மையை கடைபிடித்தல்.

அல்லாஹ்வை வணங்கி வழிபடுவதில் நிலையாய் இருத்தல்.

கற்பைப் பாதுகாத்தல்.

நீதமாக நடத்தல்.

அல்லாஹ்வை அஞ்சுதல். ஹதீஸ் குறிப்பிடும் வாசகம்

செயற்பாடு : 2: வாசித்து, விடையளிக்கிறேன்.

நபித்தோழர் ஒருவர் நபி ﷺ அவர்களிடம் அமர்ந்திருந்தார். அப்போது அவர்களை ஒரு மனிதர் கடந்து செல்லும் போது, "அல்லாஹ்வின் தூதரே! இவரை நான் நேசிக்கிறேன்" எனக் கூறினார். அப்போது நபியவர்கள், "அவரிடம் அறிவித்தீர்களா?" எனக் கேட்டார்கள். அதற்கு அந்த நபித்தோழர், "இல்லை" எனக் கூற, "அவரிடம் தெரியப்படுத்துங்கள்" என நபியவர்கள் கூறினார்கள். அந்த மனிதரை நபித்தோழர் சந்தித்து, "அல்லாஹ்வுக்காக உங்களை நான் நேசிக்கிறேன்" எனக் கூறினார். அதற்கு அந்த மனிதர், "யாருக்காக நீங்கள் என்னை நேசிக்கிறீர்களோ, அதற்கு பதிலாக, அவரும் உங்களை நேசிக்கட்டும்" எனக் கூறினார். (நூல்: அபூதாவுத் 5125)

ஆசிரியரின் உதவியுடன், மேற்கூறப்பட்ட ஹதீஸிலும், பாடத்தின் ஹதீஸிலும் இடம்பெற்றுள்ள 'அல்லாஹ்வுக்காக நேசித்தல்' என்பதன் கூலியைப் பற்றி தெளிவுபடுத்துக.

மதிப்பீடு:

கேள்வி 1: (ஆம்), (இல்லை) என்பதைத் தெரிவு செய்து பின்வருவனவற்றுக்கு விடையளிக்குக.

1. "பள்ளிவாசல்களுடன் தொடர்பு வைத்துக்கொள்ளும் இதயமுடையவர்" - எனும் வாசகம் பள்ளிகளை விரும்புவோரைக் குறிப்பிடுகிறது. (ஆம் - இல்லை).

2. பாடத்தின் ஹதீஸ் குறிப்பிடும் வணக்கங்களில் ஹஜ் கடமையும் நுழைகிறது. (ஆம் - இல்லை)

3. "கண்ணீர் சிந்திய மனிதர்" - எனும் வாசகம் நோயினால் கண்ணீர் சிந்துவதைக் குறிக்கிறது. (ஆம் - இல்லை)

4. தர்மம் செய்யும் போது உளத்தூய்மையை பேண வேண்டும் என்பது பாடத்தின் ஹதீஸிலிருந்து பெறப்படும் முக்கிய வழிகாட்டலாகும். (ஆம் - இல்லை)

5. நபி ﷺ அவர்கள் மீது அதிகம் ஸலவாத்துக் கூற வேண்டுமென மேற்படி ஹதீஸ் எமக்கு வழிகாட்டுகிறது. (ஆம் - இல்லை)

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. "நீதி மிக்க ஆட்சியாளர்" எனும் வாசகத்தால் குறிக்கப்படுபவர்:

(ஆசிரியர்கள் - நீதிபதிகள் - அழைப்பாளர்கள்)

2. விபச்சாரம் புரிவதைத் தவிர்த்த வாலிபரிடம் இருக்கும் பண்பு:

(கற்பொழுக்கம் - உண்மை - நீதம்)

3. பின்வரும் காரணத்திற்காக அழுதால் மறுமையில் அர்ஷின் நிழல்கிடைக்கும்:

(மக்களுக்கு அஞ்சுதல் - அல்லாஹ்வுக்கு அஞ்சுதல் - நோய்க்கு அஞ்சுதல்)

கேள்வி 3: பாடத்தின் ஹதீஸை நீங்கள் மனனம் செய்தவாறு ஹரகத்துடன் எழுதுக.

கேள்வி 4: பின்வரும் கேள்விகளுக்கு விடையெழுதுக:

1. பின்வரும் ஹதீஸின் அர்த்தத்தை தெளிவுபடுத்துக: "தமது வலக் கரம் செய்த தர்மத்தை இடக் கரம்கூட அறியாத வகையில் இரகசியமாகத் தர்மம் செய்தவர்".

2. பாடத்தின் ஹதீஸிலிருந்து நீங்கள் கற்றுக்கொண்ட மூன்று படிப்பினைகளைக் குறிப்பிடுக.

3. அபூ ஹுரைரா (ரழி) அவர்களின் ஆழுமையில் உங்களை வியக்க வைத்த பண்பு எது ?

இஸ்லாமிய சட்டதிட்டங்கள்:

முதலாம் பாடம்: : சுத்தம் மற்றும் வுழூ செய்யும் முறை

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. முஸ்லிமின் வாழ்வில் சுத்தத்தின் அவசியத்தை தெளிவு படுத்துவீர்.

2. வுழூவின் செயல்களை ஒழுங்கு முஒழுங்கு முறைப்படி கூறுவீர்.

3. சுத்தம் மற்றும் வுழூவின் சிறப்புகளுக்கான ஆதாரங்களை எடுத்துக் கூறுவீர்.

4. சரியான முறையில் வுழூச் செய்வீர்.

சுத்தமும் வுழுசெய்யும் முறையும்.

சுத்தத்தின் அவசியமும், சிறப்பும்

வுழூ செய்யும் முறை

வுழூவின் சிறப்பு

சுத்தத்தின் அவசியம் :

இஸ்லாம் சுத்தத்திற்க்குப் பாரிய முக்கியத்துவம் அளித்து, தொழுகை செல்லுபடியாவதற்கான நிபந்தனைகளில் ஒன்றாகவும் ஆக்கியுள்ளது.அது குறித்த விபரம் பின்வருமாறு :

உடல், உடை, தொழுமிடம் ஆகியன சுத்தமாக இருக்க வேண்டும், அல்லாஹ் நபி (ஸல்) அவர்களுக்குப் பின்வருமாறு கூறுகின்றான் : "இன்னும் உமது ஆடைகளைத் தூய்மைப்படுத்துவீராக". (முத்தஸ்ஸிர் : 4).

இரு தொடக்குகளிலிருந்தும் சுத்தமாக இருத்தல், அவையாவன :

1. பெருந்தொடக்கு : இது குளிப்பதன் மூலமே நீங்கும்.அதாவது ,குளிப்பு கடமையான சந்தர்ப்பங்களில் முழு முழு உடலையும் நனைப்பதாகும்.

2. சிறு தொடக்கு : இதனை நீக்க வுழூச் செய்வது அவசியமாகும். நபி (ஸல்) அவர்கள் கூறினார்கள் : "வுழூ இன்றி தொழுகை ஏற்கப்பட மாட்டாது". (ஆதாரம் : முஸ்லிம் 224).

சுத்தத்தின் சிறப்பு :

1. சுத்தம், அல்லாஹ் அடியான் மீது நேசம் கொள்வதற்கான ஒரு காரணமாக அமைந்திருப்பது. இது குறித்து அல்லாஹ் பின்வருமாறு கூறுகிறான். "நிச்சயமாக அல்லாஹ் பாவங்களைவிட்டு மீள்பவர்களையும் இன்னும் தூய்மையாக இருப்போரை யும் நேசிக்கின்றான்". (பகரா : 222)

2. சுத்தம் ஈமானின் பாதியாகும், நபி (ஸல்) அவர்கள் கூறினார்கள் : "சுத்தம் ஈமானின் பாதியாகும்". (ஆதாரம் : முஸ்லிம் 223). இங்கு ஈமான் என்பது தொழுகையாகும்.

வுழூ பாவங்களுக்குப் பபரிகாரமாகும் . நபி (ஸல்) அவர்கள் கூறினார்கள்: “"யார் தொழுகைக்காக வுழுசெய்து அதனை அழகான முறையில் செய்தால் அவரது பாவங்கள் நகங்களுக்குக் கீழ் உட்பட உடலிருந்து வெளியேறி விடுகின்றன".”. (ஆதாரம் : முஸ்லிம் 245).

வுழூ செய்யும் முறை

பின்வரும் வழிமுறையின் மூலம் வுழு செய்யும் முறையை தெளிவாக அறிந்து கொள்வீர் :

1. வுழூச் செய்வதாக மனதால் எண்ணி, பிஸ்மில்லாஹ் என்று கூற வேண்டும்.

2. இரு கரங்களையும் மணிக்கட்டு வரை மூன்று முறை கழுவ வேண்டும்.

3. மூன்று முறை வாய் கொப்பளித்து, மூக்கினுள் நீரை உறிஞ்சி விட்டு பின்னர் இடது கையால் சிந்தி விட வேண்டும்.

4. முகத்தை மூன்று முறை கழுவ வேண்டும்.

5. விரல் நுனியிலிருந்து முழங்கை வரை இரு கைகளையும் மூன்று முறை கழுவ வேண்டும்.

6. தலையை ஒரு முறை நீரால் தடவ (மஸ்ஹு செய்ய) வேண்டும்.

7. தலையுடன் சேர்த்து இரு காதுகளையும் மஸ்ஹு செய்ய வேண்டும்.

8. கணுக்கால் வரை முதலில் வலது காலையும், பின்னர் இடது காலையும் மும்மூன்று முறை கழுவ வேண்டும். கால் கழுவும் ஒரு நபரின் படம்

வுழூச் செய்து முடிந்ததும் பின்வரும் பிரார்த்தனையைக் கூற வேண்டும் : ''அஷ்ஹது அல்லாஇலாஹ இல்லல்லாஹு வஅன்ன முஹம்மதன் அப்துல்லாஹி வரஸூலுஹு'' (பொருள்: உண்மையான வணக்கத்திற்குரியவன் அல்லாஹ்வைத் தவிர வேறு யாருமில்லை என்றும்;.மேலும் முஹம்மத் ஸல்லல்லாஹு அலைஹிவஸல்லம் அவனின் அடியாரும் துதருமாவார் என்றும் சாட்சி கூறுகிறேன்).

செயற்பாடுகள்: (ஒப்படைகள்)

செயல்பாடு (1): கேட்டு, எழுதுவேன் :

வுழு செய்வது , பல சந்தர்ப்பங்களில் மார்க்கரீதியாக சட்டபூர்வாக அனுமதிக்கப்பட்டுள்ளது.அந்த வகையில் சில சந்தர்ப்பங்களில் வாஜிபாகவும் மற்றும் சில சந்தர்ப்பங்களில் ஸுன்னத்தாவும் ஆக்கப்பட்டுள்ளது .இதனடிப்படையில்

1. வுழூச் செய்வது கட்டாயமான இரண்டு சந்தர்ப்பங்களைக் குறிப்பிடவும். (தொழுகைக்கு முன் - குர்ஆனைத் தொடும் முன்)

2. வுழூச் செய்வது ஸுன்னத்தான இரண்டு சந்தர்ப்பங்களைக் குறிப்பிடவும். (அல்லாஹ்வை நினைவுகூரும் போது - உறங்கும் போது)

செயற்பாடு : (2) : அறிவுரை கூறுவேன் :

நீர் கற்ற வுழு செய்யும் முறையை உமது குடும்பத்தினறுக்கும் கற்றுக்கொடுத்து அவர்ளை பயிற்றுவிக்குக.

உமது குடும்பத்தினர் வுழூச் செய்யும் முறையை நீர் உன்னிப்பாக அவதானித்து, அவர்களில் தவறிழைப்போரை மென்மையாகத் திருத்தவும்.

செயற்பாடு (3) ஆய்வு செய்து முடிவுகளை எடுத்துக்கூறுவேன். .

பின்வரும் ஹதீஸை வாசித்து அதனை வுழுவுடன் தொர்படுத்துக.பின் அதில் குறிப்பிடப்பட்ட வுழுவின் சிறப்பை தெளிவு படுத்துக.

நபி ஸல்லல்லாஹு அலைஹிவஸல்லம் அவர்கள் கூறினார்கள் : "உங்களில் ஒருவர் முழுமையான முறையில் வுழூச் செய்துவிட்டு, "அஷ்ஹது அல்லாயிலாஹ இல்லல்லாஹு வ அன்ன முஹம்மதன் அப்துல்லாஹி வரசூலுஹு" (அல்லாஹ்வைத் தவிர வேறு இறைவன் இல்லை என்றும், முஹம்மத் (ஸல்) அவர்கள் அல்லாஹ்வின் அடியாரும் தூதரும் ஆவார்கள் என்றும் உறுதிமொழிகிறேன்) என்று கூறினால், சொர்க்கத்தின் எட்டு வாசல்களும் அவருக்காகத் திறக்கப்படுகின்றன. அவற்றில் தாம் நாடிய வாசலில் அவர் நுழைந்து கொள்ளலாம்." (ஆதாரம் : முஸ்லிம் 234)

மதிப்பீடு -(கணிப்பீடு)

கேள்வி 1: பின்வருவனவற்றில் சரியாயின் (✓)எனவும், பிழையாயின் (x) எனவும் அடையாளமிடுக.

தொழுகை (நிறைவேறுவதற்கான )-செல்லுபடியாவதற்கான நிபந்தனைகளில் வுழூ ஒன்றாகும். (✓)

வுழூச் செய்யும் போது இரு பாதங்களுடன் கரண்டைக்கால்களையும் சேர்த்துக்கழுவுதல் வேண்டும். (✓)

வுழூச் செய்யும் போது முழங்கையும் கைகளைக் கழுவுவதில் உட்படும். (✓)

வுழூச் செய்யும் போது தலையை மூன்று முறை கழுவ வேண்டும். (×)

கே 2 : சரியான இடத்தில் எண்ணை வைப்பதன் மூலம் வுழூவின் பின்வரும் செயல்களை சரியான முறையில் ஒழுங்கு படுத்துக:

வுழூவின் செயல்கள் ஒழுங்குமுறை

முகத்தை கழுவுதல் 5

வாய் கொப்பளித்தல் 3

முழங்கை உட்பட இரு கைகளையும் கழுவுதல் 6

மூக்கினுள் நீரை உறிஞ்சி விட்டு, சிந்தி விடுதல் 4

இரு காதுகளையும் மஸ்ஹு செய்தல். 8

இரு கால்களையும் கழுவுதல் 9

தலையை மஸ்ஹு செய்தல். 7

இரு மணிக்கட்டுவரை கழுவுதல். 2

நிய்யத் வைத்து, பிஸ்மில்லாஹ் என்று கூறுதல் 1

கே 3 : வுழூவின் சிறப்பைப் பற்றி ஹதீஸில் இருந்து ஓர் ஆதாரம் எழுதுக.

கே 4 : சுத்தத்திற்க்கும் நம்பிக்கைக்கும் இடையே ஒரு தொடர்பு உள்ளது என்பதை நீங்கள் படித்தவற்றின் அடிப்படையில் விளக்குக.

தயம்மும் மறைப்பான்கள் மீது மஸ்ஹு செய்தல்

செயல்முறை நோக்கங்கள்:

இப்பாடத்தை நிறைவு செய்ததும் :

1. தயம்மும் செய்ய அனுமதிக்கப்பட்ட சந்தர்ப்பங்களை தெளிவாக குறிப்பிடுவீர்.

2. சரியான முறையில் தயம்மும் செய்யும் முறையை செய்து காட்டுவீர்

3. சரியான முறையில் பாதணிகளில் மஸ்ஹு செய்வீர் .

பாதணியில் மஸ்ஹு செய்வதற்கும், பெண்டேஜில் மஸ்ஹு செய்வதற்கும் இடையில் வேறுபடுத்திக்காட்டுவீர்.

5. நியாயமான கராணமுள்ளோருக்கு மார்க்கம் மார்க்கத்தின் இலகுபடுத்தலை மதித்து நடப்பீர்..

முதலாவதாக : தயம்மும்

தயம்மும் என்பது சுத்தமாகும் எண்ணத்துடன் தூய்மையான மண்ணைக் கொண்டு முகத்தையும், இரு முன்னங்கைகளையும் மஸ்ஹு செய்வதாகும். இது வுழூ, அல்லது குளிப்புக்குப் பதிலாக ஏற்படுத்தப்பட்டுள்ளது.

தயம்மும் செய்வதற்கு ஷரீஆ அனுமதித்த சந்தர்ப்பங்கள் :

1. தண்ணீர் இல்லாத சந்தர்ப்பத்தில்.

2. குடிப்பதற்கு மாத்திரம் போதியளவு தண்ணீர் இருந்து, தனக்கோ, பிறருக்கோ தாகம் ஏற்படலாம் என அஞ்சும் சந்தர்ப்பத்தில்.

3. தண்ணீரைப் பயன்படுத்துவதால் நோய் அதிகரிக்கும் என்ற நிலையிலுள்ள ஒரு முஸ்லிம் நோயாளி

தயம்மும் செய்யும் முறை :

தயம்மும் செய்வதை மனதால் எண்ணி, பிஸ்மில்லாஹ் கூற வேண்டும்.

சுத்தமான மண்ணில் தனது இரு கைகளினால் ஒரு தடவை அடிக்க வேண்டும்.

இரு கைகளாலும் முகத்தைத் தடவ வேண்டும்.

இரு கைகளாலும் முன்கைகளின் வெளிப்புறத்தை தடவுதல்.

தயம்மும் செய்யும் முறையை பின்வரும் இணைப்பினூடாகப் பார்க்கவும்.

இரண்டாவது : பாதணி (ஹுப்பின்)மீது மஸ்ஹ் செய்தல்

'ஹுப்' என்பது தோல் அல்லது அதை ஒத்த பொருட்களினால் செய்யப்பட்டு காலில் அணியப்படும் பாதணிகளை குறிக்கும்

காலணி (ஹுப்பின்)மீது மஸ்ஹ் செய்வதற்கான நிபந்தனைகள் :

1. கணுக்கால்கள் உட்பட இரு கால்களையும் மூடிக் கொள்ளும் வகையில் மறைக்கக் கூடியதாக அந்தப்பாதணி இருக்க வேண்டும்.

2. வுழூச் செய்த பின் அவ்விரண்டையும் அணிந்திருக்க வேண்டும்.

காலணி (ஹுப்பின்)மீது மஸ்ஹ் செய்யும் முறை :

இரு கை விரல்களையும் தண்ணீரில் நனைத்து இரு கால்களின் விரல்களுக்கு மேல் வைத்து, இரு பாதங்களின் வெளிப்புறத்தை ஒரு தடவை மாத்திரம் மஸ்ஹு செய்ய வேண்டும். பாதிணிகளின் உட்புறத்தை மஸ்ஹு செய்யக் கூடாது.

இவ்விணைப்பில் பாதணிகளில் மஸ்ஹு செய்யும் முறையைப் பார்க்கவும்.

பெண்டேஜ்களில் (காயக்கட்டுகள்) மஸ்ஹு செய்தல் :

'ஜபீரா' –( bandage) என்பது முறிவுகள்,காயங்கள் ஆறுவதற்கு இடப்படும் கட்டுகள்.

காயத்திற்கோ, முறிவுக்கோ தேவைக்கேற்ப ஒரு முஸ்லிமுக்கு பெண்டேஜ்களில் மஸ்ஹு செய்யலாம். வுழூவின் போது வுழுச் செய்யும் உறுப்பில் மாத்திரம் மஸ்ஹு செய்ய வேண்டும். குளிப்பின் போது முழு பென்டேஜ் மீதும் மஸ்ஹு செய்ய வேண்டும்.

பாதணிகளில் நிபந்தனையிடப்படுவது போன்று பெண்டேஜ்களை வுழூவுடன் போட்டிருக்க வேண்டுமென்ற நிபந்தனையில்லை.

இதற்கென வரையறுக்கப்பட்ட கால அளவும் கிடையாது, முறிவு ஆறும் வரை, காயம் குணமடையும் வரை மஸ்ஹு செய்யலாம்.

இவ்விணைப்பில் பெண்டேஜ்களில் மஸ்ஹு செய்யும் முறையைப் பார்க்கவும்.

செயற்பாடுகள்:

செயல்பாடு (1) : வேறுபடுத்துவேன் :

பின்வரும் இரண்டு படங்களைப் பார்த்து, சரியான மற்றும் தவறான செயலைக் குறிப்பிட்டு, காரணத்தை தெளிவுபடுத்துக:

செயல்பாடு (2) : வாசித்து பெபேறுகளை பெறுவேன் :

அலி பின் அபி தாலிப் (ரலி) அவர்கள் பாதணிகளில் மஸ்ஹு செய்வது பற்றி பின்வருமாறு கூறினார்: "நபி (ஸல்) அவர்கள் பிரயாணிக்கு மூன்று நாட்களையும், ஊரிலிப்பவருக்கு ஒரு நாளையும் (பாதணியில் மஸ்ஹு செய்ய அனுமதிக்கப்பட்ட காலமாக) ஆக்கினார்கள்". (ஆதாரம் : முஸ்லிம் 276). இந்த நபிமொழியிலிருந்து பிரயாணிக்கும், ஊரிலிப்பவருக்கும் உள்ள மஸ்ஹு செய்யும் கால அளவைக் கண்டறியவும்.

பயணிக்கு மூன்று நாட்களும், ஊரிலிருப்பவருக்கு ஒரு நாளும் அவகாசமுண்டு.

செயல்பாடு (3) : கற்றுக்கொள்வதில் பிறருடன் கலந்துகொள்வேன்:

பாதணிகள் மற்றும் பெண்டேஜ்களில் மஸ்ஹு செய்வதற்கான செய்முறையை பார்ப்பதில் உமது குடும்பத்தினருடன் கலந்து கொள்க., அத்துடன் அதனை நடைமுறைப்படுத்துவது குறித்து கலந்துரையாடுக.

மதிப்பீடு

கேள்வி 1: பின்வருவனவற்றில் சரியாயின் (✓) எனவும், பிழையாயின் (x) எனவும் அடையாளமிடுக.

பாதணி மீது மஸ்ஹு செய்ய, அவற்றை வுழூவுடன் அணிய வேண்டியது நிபந்தனையாகும. (✓)

பாதணி மீது மஸ்ஹு செய்வது அல்லாஹ் வழங்கியுள்ள சலுகையாகும். (✓)

தயம்மும் செய்யும் போது வுழூவின் அனைத்து பாகங்களையும் மஸ்ஹு செய்ய வேண்டும். (×)

பெண்டேஜ் மீது மஸ்ஹு செய்ய வரையறுக்கப்பட்ட கால அளவு ஏதும் கிடையாது. (✓)

கே 2 : தயமுமின் செயல்களை பின்வருமாறு வரிசைப்படுத்தவும்:

கே 3: பாதணி மேல் மஸ்ஹு செய்வதற்கும், பெண்டேஜ் மீது மஸ்ஹு செய்வதற்கும் இடையில் உள்ள வேறுபாடுகளை பின்வரும் அட்டவணையில் எழுதவும்:

ஓப்பீட்டு முறை மஸ்ஹு செய்யும் இடம் மஸ்ஹு செய்யும் முறை மஸ்ஹ் செய்வதற்கு அனுமதிக்கப்பட்ட காலம்: பாதணிகள் மீது மஸ்ஹு செய்தல் பெண்டேஜ்களில் மஸ்ஹு செய்தல் :

கே 4 : வுழூ மற்றும் குளிப்பு ஆகியவற்றிற்குப் பதிலாக தயமும் செய்ய அனுமதிக்கப்படும் இரண்டு சந்தர்ப்பங்களை குறிப்பிடவும்.

மூன்றாம் பாடம் : குளித்தல்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. குளிப்பின் வரைவிலக்கணத்தை குறிப்பிடுவீர்.

2. குளிப்பின் செயல்களை வரிசைப்படுத்துவீர்.

3. குளிப்பு கடமையாகும் சந்தர்ப்பங்களை தெளிவுபடுத்துவீர்.

4. ஷரீஆ சுத்தத்திற்கு கொடுத்திருக்கும் கரிசனையை பாராட்டுவீர்.

தயார்படுத்தல்:

தொழுகைக்காக அல்லாஹ் வுழூச் செய்யும் படி ஏவி விட்டு பின்னர் கூறுகின்றான் : "நீங்கள் குளிப்புக்கடமையானவர்களாக (ஜுனுபாளியாக) இருந்தால் (குளித்து) சுத்தமாகிக் கொள்ளுங்கள்". (மாஇதா : 6)

ஜுனுப் என்றால் என்ன?

ஜுனுபாளி என்ன செய்ய வேண்டும்?

குளிப்பு:

குளித்தல் என்பதன் கருத்து

கட்டாயமாக குளிக்க வேண்டிய சந்தர்ப்பங்கள்

குளிப்பின் அவசியம்

குளிப்பின் முறை

குளித்தல் என்பதன் கருத்து :

குளித்தல் என்பது சுத்தமாகும் நோக்கத்தில் -எண்ணத்தில்- உடல் முழுவதையும் நீரால் நனைத்தல்.

கட்டாயமாக குளிக்க வேண்டிய சந்தர்ப்பங்கள்

1. உறக்கத்தில் ஆணுக்கோ, பெண்ணுக்கோ தூக்கத்தின் போது சுயநாட்டமின்றி விந்து வெளியேறுதல்.

2. விழிப்புடன் இருக்கும் போது இச்சையுடன் விந்து வெளிப்படல், நோய் போன்ற காரணிகளுக்காக இச்சையின்றி வெளிப்பட்டால் குளிப்பு கடமையாகாது.

3. உடலுறவு கொள்ளல், ஆண்குறி பெண்குறிக்குள் சென்றால் குளிப்புக் கடமையாகி விடும்.

4. மாதவிடாய், பிரசவ இரத்தப்போக்கு நிற்றல், அப்பருவம் முடிந்ததும் பெண் குளிப்பது கடமையாகும்.

5. காபிர் இஸ்லாத்தை ஏற்றல்.

குளிப்பு கடமையான வணக்கங்கள் :

1. தொழுகை, ஒரு முஸ்லிம் பெருந்தொடக்கிலிருந்து சுத்தமாக இருப்பது அவசியமாகும். குளிப்பு கடமையாகும் சந்தர்ப்பங்களில் ஒன்று உறுதியாக நிகழ்ந்து, குளிப்பதற்கு முன்னர் தொழுதால் அத்தொழுகை செல்லுபடியாக மாட்டாது.

2. அல்குர்ஆனை ஓதுதல், அல்குர்ஆன் பிரதியைத் தொடுதல் ., பெருதொடக்கு ஏற்பட்டவர் குளிக்கும் வரை(ஜுனுபாளிக்கு) குர்ஆன் பிரதியைத் தொடுவதோ, அல்குர்ஆன் ஓதுவதோ கூடாது.

குளிப்பின் முறை :

தொடக்கை நீக்கும் எண்ணத்துடன் முழு உடலையும் நீரினால் நனைத்தல் போதுமானது.

பரிபூரணமான குளிப்பை விரும்புபவர் பின்வரும் வழிமுறையைக் கடைபிடிக்கவும் :

1. பெருந்தொடக்கைிலிருந்து சுத்தமாகுவதாக மனதால் எண்ணி, பிஸ்மில்லாஹ் கூற வேண்டும்.

2. இரண்டு கைகளையும் மணிக்கட்டு வரை மூன்று முறை கழுவிவிட்டு, தனது மர்ம உறுப்பை சுத்தமாகும் வரை கழுவ வேண்டும், பின்பு தொழுகைக்காக வுழுச் செய்வதைப் போல் வுழூச் செய்ய வேண்டும்.

3. தலைக்கு மூன்று முறை தண்ணீர் ஊற்றி, முடி முளைக்கும் இடங்களிலெல்லாம் நீர் படும் வரை முடிகளைத் தேய்க்க வேண்டும்.

4. முழு உடலுக்கும் தண்ணீர் ஊற்ற வேண்டும், முதலில் வலப்பக்கமாகும் பின்பு இடப்பக்கமாகவும் ஊற்ற வேண்டும்.

அன்னை ஆஇஷா (ரழியல்லாஹு அன்ஹு ) கூறுகின்றார் : 'நபி (ஸல்) அவர்கள் கடமையான குளிப்பை நிறைவேற்றும் போது தங்களின் இரண்டு கைகளையும் கழுவுவார்கள். தொழுகைக்குரிய வுழூவைச் செய்வார்கள். பின்னர் குளிக்கத் துவங்குவார்கள். தங்களின் கையால் தலை முடியைக் கோதுவார்கள். தலையின் தோல் நனைந்தது தெரிய வந்ததும் தலையின் மீது மூன்று முறை தண்ணீரை ஊற்றுவார்கள். பின்னர் உடலின் இதர பாகங்களைக் கழுவுவார்கள்'' (ஆதாரம் : புஹாரி 248, முஸ்லிம்316).

ஒப்படைகள் -செயற்பாடுகள்

செயற்பாடு (1): பார்த்து, ஒப்பிடுகிறேன். :

எப்படி குளிப்பது என்பது பற்றி நீங்கள் கற்றுக்கொண்டதை இந்த பத்தியில் கூறப்பட்டுள்ளவற்றுடன் ஒப்பிடுங்கள்: (குளிக்கும் முறை பற்றி இந்த காணொளியில் பார்த்தவற்றை நீ கற்றவற்றுடன் ஒப்பிடுக)

செயல்பாடு (2) : பகுப்பாய்வு செய்து பதிலளிக்கவும்:

உமது ஆசிரியின் கண்காணிப்பின் கீழ் பின்வரும் அல்குர்ஆன் மற்றும் ஹதீஸிலிருந்து குளிப்பதற்கான காரணத்தை எடுத்துக் கூறுக.

உயர்ந்தோனாகிய அல்லாஹ் கூறுகிறான். "நம்பிக்கை கொண்டவர்களே! நீங்கள் ஓதுவது இன்னது என்று நீங்கள் அறிந்து கொள்ள முடியாதவாறு நீங்கள் போதையில் இருக்கும்போது தொழுகைக்கு நெருங்காதீர்கள்; அன்றியும் குளிப்புக் கடமையாக இருக்கும்போது குளிக்கும் வரை (பள்ளிக்குள் செல்லாதீர்கள்". (நிஸாஃ : 43).

உம்மு ஸலமா ரழியல்லாஹு அன்ஹா அவர்கள் கூறினார்கள் : உம்மு ஸுலைம் நபி ஸல்லல்லாஹு அலைஹிவஸல்லம் அவர்களிடம் வந்து, 'இறைத்தூதர் அவர்களே! நிச்சயமாக அல்லாஹ் சத்தியத்தை எடுத்துச் சொல்வதற்கு வெட்கப்படுவதில்லை. ஒரு பெண்ணுக்கு ஸ்கலிதமானால் அவளின் மீது குளிப்பு கடமையாகுமா?' என்று கேட்டதற்கு, 'தண்ணீரைக் கண்டால்' என்று நபி (ஸல்) அவர்கள் கூறினார்கள்'' (ஆதாரம் : புஹாரி 282, முஸ்லிம் 313).

செயல்பாடு (3) : தகவல்களைத் தேடி பதிலளிப்பேன்:

குளிப்பு கட்டாயமாகும் சந்தர்ப்பங்களை நீ கற்றுக்கொண்டீர் எனவே குளிப்பு ஸுன்னத்எனும் நிலையிலுள்ள இரண்டு சந்தர்ப்பங்களைக் குறிப்பிடவும்.

ஜும்ஆ தொழுகை

இரு பெருநாள் தொழுகை

மதிப்பீடு:

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

தொழுகைக்கான நேரம் வந்தால், ஜுனுபாளி குளிக்க வேண்டும். (✓)

ஜுனுபாளி ஒருவர் குளிப்பதற்கு முன் குர்ஆனைத் தொடுவது தடைசெய்யப்பட்டுள்ளது. (✓)

நோய் காரணமாக விந்து வெளியேறினால் குளிக்க வேண்டும். (×)

ஆண்குறியின் முன் பகுதி பெண்குறிக்குள் நுழைந்தால் குளிப்பு கடமையாகிறது. (×)

கே 2 : பின்வரும் குளிப்பின் செயல்களை ஒழுங்கு படுத்துக :

(கைகளை மூன்று முறை கழுவுதல் - சுத்தமாகும் எண்ணம் - உடலில் தண்ணீர் ஊற்றுதல் - அந்தரங்க உறுப்பை கழுவுதல்)

கேள்வி 3: பின்வரும் கேள்விகளுக்கு விடையெழுதுக:

1. குளிப்பின் வரைவிலக்கணம் என்ன?

2. குளிப்பு கடமையாகும் இரு சந்தர்ப்பங்களைத் தெளிவுபடுத்துக.

3. ஒரு முஸ்லிம் குளிக்க எண்ணி, தனது முழு உடலும் நனையும் விதத்தில் கடலில் நீந்தினால் இக்குளிப்பின் சட்டம் என்ன?

நான்காம் பாடம் : தொழுகையின் மகிமை

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்:

1. அல்குர்ஆன், அல்ஸுன்னாவிலிருந்து தொழுகையின் மகத்துவத்திற்கான ஆதாரங்களை முன்வைப்பீர்.

முஸ்லிமின் ஈருலக வாழ்வில் தொழுகையின் அவசியத்தை தெளிவு படுத்துவீர் .

3. தொழுகையை விடுதல், அல்லது அதில் அலட்சியமாக இருப்பதன் விபரீதத்தை உணர்ந்து கொள்வீர்,.

4. தொழுகையின் முக்கியத்தை அறிந்து அதனை போற்றி நடப்பீர்.

தயார்படுத்தல்:

அல்லாஹ் தனது நபி ﷺ அவர்களுக்கு விதியாக்கிய அனைத்து வணக்கங்களையும் பூமியில் ஜிப்ரீல் (அலை) அவர்களினூடாக வஹீ மூலமே விதியாக்கினான். ஆனால் தொழுகையை நபி முஹம்மத் ﷺ அவர்களுக்கு மிஃராஜுடைய இரவில் வானில் நேரடியாகவே விதியாக்கினான்.

இது எதனை காட்டுகிறது?

இஸ்லாத்தில் தொழுகையின் முக்கியத்துவம்

தொழுகை மார்க்கத்தின் தூணாகும்

தொழுகை இஸ்லாத்தின் அடையாளமாகும்

ஏகத்துவத்தை ஏற்ற பின் நிறைவேற்ற வேண்டிய முதல் கடமை.

நபியவர்கள் செய்த இறுதி வஸிய்யத் .

மறுமையில் முதலில் விசாரணை செய்யப்படும் வணக்கம்

பாவங்கள் மண்ணிக்கப்படுவதற்கான ஒரு வழி.

இஸ்லாத்தில் தொழுகைக்கு அதிக முக்கியத்துவம் உள்ளது, பின்வருவன அதற்கு சான்றாக உள்ளன :

1. தொழுகை மார்க்கத்தின் தூணாகும்

மார்க்கத்தின் இன்றியமையாத தூண், நபி ﷺ அவர்கள் கூறினார்கள் : "விடயங்களில் தலையாயது இஸ்லாமாகும், அதன் தூண் தொழுகையாகும்". (ஆதாரம் : திர்மிதி 2616).

2. தொழுகை இஸ்லாத்தின் அடையாளம் :

தொழுகையைப் பேணிவருவது இஸ்லாத்தில் உறுதியாக இருக்கிறார் என்பறத்கானஅடையாளமாகும், நபி ﷺ அவர்கள் கூறினார்கள் : "(முஸ்லிம்களாகிய) எங்களுக்கும் (நிராகரிப்பாளர்களாகிய) அவர்களுக்கும் இடையிலுள்ள ஒப்பந்தம் தொழுகையே, அதனை விட்டவர் நிராகரித்து விடுகின்றார்" . (ஆதாரம் : திர்மிதி 2621).

3. ஏகத்துவத்தை ஏற்ற பின் நிறைவேற்ற வேண்டிய முதல் கடமை.

அல்லாஹ் கூறுகிறான் : "அல்லாஹ்வுக்கு வணக்கத்தை தூய்மையாக்கியவர்களாக (தவறான வழியிலிருந்து விலகி சரியான வழியில்) பிடிப்புள்ளவர்களாக அல்லாஹ்வை அவர்கள் வணங்க வேண்டும். மேலும் தொழுகையை அவர்கள் நிலைநாட்டவேண்டும், மேலும் ஜகாத்தை அவர்கள் வழங்க வேண்டும் என்பதைத் தவிர (வேறெதுவும்) அவர்களுக்குக் கட்டளையிடப்படவில்லை. இதுதான் நேரான மார்க்கமாகும்." (பய்யினா : 5).

4.இது நபியவர்கள் செய்த இறுதி உபதேசம் :

தொழுகையைப் பேணிவருவது நபி ﷺ அவர்கள் செய்த இறுதி உபதேசமாக இருந்தது, அன்னார் கூறினார்கள் : "தொழுகையைப் பேணுங்கள், தொழுகையைப் பேணுங்கள்". (ஆதாரம் : அஹ்மத் 26483, இப்னு மாஜா 1625). அதாவது, தொழுகையைப் பற்றிப்பிடியுங்கள், அதனைப் பேணி வாருங்கள்.

5. மறுமை நாளில் அடியானிடம் விசாரிக்கப்படும் முதல் விடயம் :

நபி ﷺ கூறுகிறார்கள் : "மறுமை நாளில் ஓர் அடியானிடம் முதலில் விசாரணை செய்யப்படும் செயல் தொழுகையே, அது சீரானால் அவன் வெற்றி பெற்று விட்டான். அது சீர்கெட்டால் அவன் நஷ்டமடைந்து விட்டான்". (நூல்: திர்மிதி 413, இப்னுமாஜா 1425).

6. பாவங்கள் மற்றும் தவறுகளுக்கான பரிகாரமாக தொழுகையை அல்லாஹ் வைத்துள்ளான்

நபி (ஸல்) கூறுகிறார்கள் : ''உங்களில் ஒருவரின் வாசலில் ஆறு ஒன்று (ஓடிக் கொண்டு) இருக்கிறது. அதில் அவர் தினமும் ஐந்து முறை குளிக்கிறார். அவரின் மேனியிலுள்ள அழுக்குகளில் எதுவும் எஞ்சியிருக்குமா எனக் கூறுங்கள்'' என்று தோழர்களிடம் நபி(ஸல்) அவர்கள் கேட்டார்கள். 'அவரின் அழுக்குகளில் சிறிதளவும் எஞ்சியிராது' என நபித் தோழர்கள் கூறினர். 'இது ஐவேளைத் தொழுகைகளுக்கான உவமையாகும். இதன் மூலம் அல்லாஹ் பாவங்களை அகற்றுகிறான்''. (ஆதாரம் : புஹாரி 528, முஸ்லிம் 667).

செயற்பாடுகள் :

செயல்பாடு (1) : படிப்பினை கூறுவேன் :

தொழுகை மன அமைதியைத் தரும், கவலைகளைப் போக்கும், இதனால்தான் நபி (ஸல்) அவர்களுக்கு ஏதும் பதற்ற நிலை ஏற்பட்டால் தொழுவார்கள் (அபூதாவூத் 1319), மேலும் நபியவர்கள் பிலால் (ரலி) அவர்களிடம் பின்வருமாறு கூறுவார்கள் : "பிலாலே, தொழுகையை நிலைநாட்டுவதன் மூலம் எமக்கு ஆறுதல் அளிப்பீராக". (ஆதாரம் : அபூதாவூத் 4985).

மன அமைதியை ஏற்படுத்துவதில் தொழுகையின் தாக்கம் குறித்து உமது நிகழந்த ஒரு சந்தர்ப்பத்தை நினைவில் கொள்க., பின் அது பற்றி உமது உணர்வை உங்கள் சக நண்பர்களிடம் விவரிக்கவும்.

செயல்பாடு (2) : கூர்ந்து கவனிப்பேன் :

நபி ஸல்லல்லாஹு அலைஹிவஸல்லம் அவர்கள் கூறினார்கள் : "ஒரு முஸ்லிமுக்கு ஐநேரத் தொழுகை நேரம் வந்து, அதற்காக அழகாக வுழூச் செய்து, பயபக்தியோடு தொழுது, ருகூஐயும் செய்தால் -பெரும் பாவங்கள் செய்யாதவரை- அது அவரது முன்செய்த பாவத்திற்கான பரிகாரமாக அமையும்". (ஆதாரம் : முஸ்லிம் 228).

1 - ஹதீஸில் குறிப்பிடப்பட்டுள்ள தொழுகையின் சிறப்பு என்ன?

2 - இந்த சிறப்பை அடைவதற்கான நிபந்தனைகள் என்ன?

செயல்பாடு (3) : சம்பவம், கதை கூறுவேன் :

தொழுகையை அலட்சியப்படுத்துவது அல்லது அதைச் செய்யத் தவறினால் ஏற்படும் ஆபத்தைப் பற்றி ஒரு மத போதகர் அல்லது மத நிகழ்ச்சியிலிருந்து நீங்கள் கேட்ட கதையை உங்கள் குடும்பத்தினரிடம் சொல்லுங்கள்.

மதிப்பீடு :

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1. தொழுகை ஆன்மாவுக்கு ஆறுதலையும் மனதிற்கு நிம்மதியையும் தருகிறது .(✓)

2. மதீனாவில் தொழுகையை கடமையாக்குவது தொடர்பாக வஹீ வந்தது. (×)

3. தொழுகை என்பது மறுமையில் முதலில் விசாரணை நடத்தப்படும் செயலாகும். (✓)

கே 2 : பின்வருவனவற்றில் தொழுகையின் நிலை குறித்து முக்கியத்துவத்தை தெளிவுபடுத்துக:

1. அல்லாஹ் கூறுகிறான் : "அல்லாஹ்வுக்கு வணக்கத்தை தூய்மையாக்கியவர்களாக (தவறான வழியிலிருந்து விலகி சரியான வழியில்) பிடிப்புள்ளவர்களாக அல்லாஹ்வை அவர்கள் வணங்க வேண்டும், மேலும் தொழுகையை அவர்கள் நிலைநாட்டவேண்டும், மேலும் ஜகாத்தை அவர்கள் வழங்க வேண்டும் என்பதைத் தவிர (வேறெதுவும்) அவர்களுக்குக் கட்டளையிடப்படவில்லை. இதுதான் நேரான மார்க்கமாகும்."

2. நபி ﷺ கூறுகிறார்கள் : "விடயங்களில் தலையாயது இஸ்லாமாகும், அதன் தூண் தொழுகையாகும்".

கே 3 : தொழுகையின் நிலை மற்றும் அதில் உங்கள் ஆர்வத்தை மூன்று வரிகளில் குறிப்பிடவும்.

ஐந்தாம் பாடம் : தொழுகை முறை

நடைமுறை (செயன்முறை) நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. தொழுகை முறையை தெளிவுபடுத்துவீர்.

2. தொழுகையாளிகளின் செயற்பாடுகளில் காணப்படக்கூடிய பரவலான தவறுகளை அவதானித்து எடுத்துக் கூறுவீர்.

3. தொழுகையில் உள்ளச்சத்தை பேணுவதன் முக்கியத்துவத்தை உணர்ந்து நடப்பீர்.

4. தொழுகையை அதன் சரியான முறையில் நிறைவேற்றுவீர்.

சில தொழுகையாளிகள் எவ்வாறு தொழ வேண்டும் என்பதில் வேறுபடுகிறார்கள், ஒருவேளை இதற்கான காரணங்களில் ஒன்று தொழுகையின் சரியான விளக்கத்தைப் பற்றிய அறிவு இல்லாததாகும், எனவே தொழும்முறையை நடைமுறைப்படுத்துவதற்கு இந்தப் பாடத்தை நன்கு கவனிக்குக.

தொழும் முறை

ஒரு முஸ்லிம் வுழுசெய்து , தனது அந்தரங்க உறுப்புகளை மறைத்தவனாக கிப்லாவை முன்னோக்கி நிற்பார் , அதன்பின் பின்வரும் தொழுகையின் செயல்பாடுகளைசெயல்களை செய்வார். :

ஒரு முஸ்லிம் தொழுகைக்கான நிய்யத்தை மனதால் நினைத்து அத்தொழுகை பர்ழ் அல்லது ஸுன்னத் என்பதை தனது நிய்யத்தில் வரையறுத்துக்கொள்வார்.

நேராக நின்று, இரு கரங்களையும் உயர்த்தி الله أكبر என்று தக்பீரதுல் இஹ்ராம் (முதலாம் தக்பீர்) கூறி. பின் வலது கையை இடது கை மீது வைத்து, நெஞ்சின் மீது த்துக்கொள்வர்.

ஸூரா பாதிஹா ஓதி விட்டு, அல்குர்ஆனிலிருந்து அவருக்கு இயலுமான ஒரு பகுதியை ஓதுவார்.

இரு கைகளையும் உயர்த்தி தக்பீர் சொல்லி ருகூஃ செய்வார், இரு கைகளையும் முழங்காலில் வைத்து, ஸுப்ஹான ரப்பியல் அழீம் என்று மூன்று முறை கூறுவார். (பொருள் : மகத்தான என்னுடைய இறைவனைத் துதிக்கிறேன்).

"ஸமிஅல்லாஹு லிமன் ஹமிதஹு" என்று கூறி தலையை உயர்த்தி நடு நிலைக்கு வர வேண்டும், (பொருள் : தன்னைப் புகழ்வதை அல்லாஹ் கேட்டுக் கொண்டான்.) வந்ததும் "ரப்பனா வலகல் ஹம்து" எனக் கூற வேண்டும். (இறைவா உனக்கே புகழனைத்தும்).

தக்பீர் கூறி ஸுஜூது ஸுஜூத் செய்வார்., அதில் ஸுப்ஹான ரப்பியல் அஃலா என்று மூன்று முறை கூறுவார். (பொருள் : உயர்வான என்னுடைய இறைவனைத் துதிக்கிறேன்).

தக்பீர் கூறி ஸுஜூதிலிருந்து நடு அமர்விற்கு வருவார் . அதில் ரப்பிஃபிர்லீ ரப்பிஃபிர்லீ என்று கூறுவார். (பொருள் : இறைவா என்னை மன்னித்து விடு, இறைவா என்னை மன்னித்து விடு).

மீண்டும் தக்பீர் கூறி இரண்டாவது ஸுஜூது செய்வார், அதிலும் ஸுப்ஹான ரப்பியல் அஃவா என்று மூன்று முறை கூறுவார். (பொருள் : உயர்வான என்னுடைய இறைவனைத் துதிக்கிறேன்).

இரண்டாவது ரக்அத்திற்கு பின் தஷஹ்ஹுத் ஓதுவதற்காக அமர்வார். : "அத்தஹிய்யாது லில்லாஹி வஸ்ஸலவாது வத்தய்யிபாது அஸ்ஸலாமு அலைக அய்யுஹன்னபிய்யு வரஹ்மதுல்லாஹி வபரகாதுஹு, அஸ்ஸலாமு அலைனா வஅலா இபாதில்லாஹிஸ் ஸாலிஹீன், அஷ்ஹது அல்லாயிலாஹ இல்லல்லாஹு வஅஷ்ஹது அன்ன முஹம்மதன் அப்துஹு வரசூலுஹு". (சொல், செயல், பொருள் சார்ந்த எல்லாக் காணிக்கைகளும், வணக்கங்களும், பாராட்டுகளும் அல்லாஹ்வுக்கே உரியன. நபியே உங்கள் மீது சாந்தியும், அல்லாஹ்வின் அருளும், அபிவிருத்தியும் ஏற்படட்டுமாக. எங்கள் மீதும், அல்லாஹ்வின் நல்லடியார்கள் அனைவர் மீதும் சாந்தி உண்டாகட்டும். வணக்கத்திற்குரியவன் அல்லாஹ்வைத் தவிர வேறு யாருமில்லை என்று நான் உறுதியாக நம்புகிறேன். மேலும், முஹம்மது (ஸல்) அவர்கள் இறைவனின் தூதரும், அடியாருமாவார்கள் என்றும் உறுதியாக நம்புகிறேன்).

இறுதி ரக்அத்திற்குப் பின் உட்கார்ந்து முன்னர் ஓதிய தஷஹ்ஹுதை ஓதி விட்டு, நபியவர்கள் மீது பின்வரும் ஸலாதுல் இப்ராஹீமிய்யாவை ஓதுவார் : "அல்லாஹும்ம ஸல்லி அலா முஹம்மதின் வஅலா ஆலி முஹம்மதின் கமா ஸல்லைத அலா இப்ராஹீம இன்னக ஹமீதுன் மஜீத். அல்லாஹும்ம பாரிக் அலா முஹம்மதின் வஅலா ஆலி முஹம்மதின் கமா பாரக்த அலா இப்ராஹீம இன்னக ஹமீதும் மஜீத்". (பொருள் : இறைவா! இப்ராஹீம் (அலை) அவர்கள் மீது நீ அருள் புரிந்ததைப் போல் முஹம்மது (ஸல்) அவர்கள் மீதும், முஹம்மது (ஸல்) அவர்களின் குடும்பத்தார் மீதும் நீ அருள் புரிவாயாக! நிச்சயமாக நீ புகழுக்குரியவனாகவும், கண்ணியத்திற் குரியவனாகவும் இருக்கிறாய். இறைவா! இப்ராஹீம் (அலை) அவர்களுக்கு நீ அபிவிருத்தி(பரகத்து) செய்தது போல் முஹம்மத் (ஸல்) அவர்களுக்கும், முஹம்மத் (ஸல்) அவர்களின் குடும்பத்தாருக்கும் அபிவிருத்தி(பரகத்து) செய்வாயாக! நிச்சயமாக நீ புகழுக்குரியவனாகவும், கண்ணியத்திற் குரியவனாகவும் இருக்கிறாய்).

வலப் பக்கமாகவும் இடப்பக்கமாகவும் அஸ்லாமு அலைக்கும் என்று ஸலாம் கூறி தொழுகையை நிறைவு செய்வார்.

தொழுகையில் அமைதியும் உள்ளச்சமும் :

தொழுபவர் தனது உள்ளத்தில் அல்லாஹ்வின் மகத்துவத்தை வரவழைத்து, தனது அசைவுகளில் அமைதி பேணி, உறுப்புக்கள் உள்ளச்சத்துடன் இருக்க வேண்டும், தான் கூறும் குர்ஆன் வசனம், திக்ருகள், துஆக்களில் சிந்தனை செலுத்த வேண்டும் : "நம்பிக்கையாளர்கள் நிச்சயமாக வெற்றி அடைந்து விட்டனர். அவர்கள் மிக்க உள்ளச்சத்தோடு தொழுவார்கள்". (முஃமினூன் : 1, 2).

செயற்பாடுகள் :

செயல்பாடு (1): பார்த்து பயிற்சி பெறுவேன் :

பின்வரும் ஒளிப்பதிவினூடாக தொழுகை முறையை நீர் உமது குடும்பத்துடன் பார்த்து, அவர்கள் தவறிழைத்தால் சுட்டிக் காட்டவும்.

செயல்பாடு (2) : வாசித்து, விடையளிக்கிறேன்.

நபி (ஸல்) கூறுகிறார்கள் : ''நீர் தொழுகைக்காக நின்றதும் தக்பீர் கூறும்! பின்னர் குர்ஆனில் உமக்குத் தெரிந்தவற்றை ஓதுவீராக! பின்னர் அமைதியாக ருகூவு செய்வீராக! பின்னர் ருகூவிலிருந்து எழுந்து சாரியான நிலைக்கு வருவீராக! பின்னர் நிதானமாக ஸஜ்தா செய்வீராக! ஸஜ்தாவிலிருந்து எழுந்து நிதானமாக உட்கார்வீராக! இவ்வாறே உம்முடைய எல்லாத் தொழுகையிலும் செய்து வருவீராக!". (ஆதாரம் : புஹாரி 793, முஸ்லிம் 397).

இந்த நபிமொழியை வாசித்த பின் பின்வருவனவற்றுக்கு விடையளிக்கவும் :

1. பாடத்தில் நீர் கற்றுக்கொண்ட தொழும் முறையில், இந்த ஹதீஸில் குறிப்பிடப்படப்படாத விடயங்களை குறிப்பிட்டுக் காட்டுக.

2. இந்நபிமொழியில் நிதானம் பற்றி கவனம் செலுத்தப்பட்டுள்ளது, தொழுகையில் அதனைக் கடைபிடிக்கும் முறை பற்றி உமது ஆசிரியருடன் கலந்தாலோசிக்கவும்.

செயல்பாடு (3) : நான் எப்படி செயல்படுவது?

பின்வரும் நிகழ்வுகளைப் பற்றி சிந்தித்து, அவை ஒவ்வொன்றிலும் சரியான சட்ட நடத்தையை அறிய, உங்கள் ஆசிரியர் அல்லது உங்கள் பள்ளியின் இமாமைத் தொடர்பு கொள்ளுங்கள்:

1. தொழுகையில் ஸூறா பாத்திஹாவை மறதியில் ஓதாது ருகூஉ செய்தாய்.

2. நடு அத்தஹிய்யாத் ஓத மறந்து, மூன்றாம் ரக்அத்திற்கு எழுந்து எழுந்துவிட்டீர் .

3. அஸர் தொழுகையில் நான்காம் ரக்அத்திற்குப் பின்னால் தவறுதலாக எழுந்துவிட்டீர் .

மதிப்பீடு :

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1. ஒரு முஸ்லிம் தொழுகைக்கு முன் நிய்யத்தை வாயால் மொழிதல் வேண்டும். (×)

2. பாத்திஹா தொழுகையின் அனைத்து ரக்அத்களிலும் ஓதப்பட வேண்டும். (✓)

3. தொழுபவர் ருகூஃவில் ஸுப்ஹான ரப்பியல் அஃலா என்று கூறுகிறார். (×)

4. உள்ளச்சம் என்பது இதயத்தின் செயல், அது உறுப்புகளின் நிதானத்திலும்.அவசரமின்மையிலும்தோன்றுகிறது. (✓)

5. தொழுபவர் தனது வலது கையை இடது கையின் மீது வைத்து நெஞ்க்கு மேல் கட்டிக் கொள்வார். (✓)

கே 2 : பின்வரும் வாக்கியங்களை முடிக்கவும்:

1. ருகூஃவிலே ஓத வேண்டியது .........................................

2. ருகூஃவிவிருந்து நடு நிலைக்கு வந்ததும் கூற வேண்டியது .....................................................................................

3. இரு ஸஜ்தாக்களுக்கும் இடையில் கூற வேண்டியது ............................................................................................

கேள்வி :3 : பின்வரும் இரண்டு வினாக்களுக்கும் விடை தருக.

1. முதலாம் இரண்டாம் தஷஹ்ஹுத்களில் ஓதுப்படுதற்கிடையில் ஓதவப்படுபவற்றிற்கிடையிலுள்ளவைகளை ஒப்பிட்டுக.

2. உள்ளச்சம் உள்ளத்தை தூய்மைப்படுத்துவதாகவும், அடியானின் வெற்றியாகவும் உள்ளது. இதனைத் தெளிவு படுத்துக.

பண்பாடு பகுதி

முதலாம் பாடம் : உண்ணல் பருகலின் ஒழுங்குகள்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. உணணல், பருகலின் போது பின்பற்ற வேண்டிய ஒழுங்குகளைக் ஒவ்வொன்றாக் குறிப்பிட்டுக்காட்டுவீர்.

2. உண்ணல், பருகலின் போது பின்பற்ற வேண்டிய ஒழுங்குகள் மார்க்கமாக்கப்படுவதற்குரிய காரணிகளை குறிப்பிட்டுக்காட்டுவீர் .

3. உண்ணல் ; பருகலின் போது பின்பற்ற வேண்டிய ஒழுங்குகளுக்கான ஆதாரங்களை முன்வைப்பீர்..

4. உணணல்; பருகலின் போது பின்பற்ற வேண்டிய ஒழுங்குகளைக் நடைமுறைப்படுத்துவீர்.

இந்த பாடத்தின் போது, ​​தினசரி ஒழுங்குகள் குறித்து கவனம் செலுத்தும் இஸ்லாமிய சட்டவியலின் சில சிறப்பியல்புகளைஉங்களால் கண்டு கொள்ளமுடியும் , மேலும் இந்த ஒழுங்குளை ஒரு முஸ்லிம் கடைப்பிடிக்கும் போது அவை அவனில் இம்மை மறுமையில் ஏற்படுத்தும் விளைவு குறித்தும் தெளிவையும் பெற்றுக்கொள்ள முடியும்.

உணணல்; பருகலின் போது பின்பற்ற வேண்டிய ஒழுங்குகள்

கடைப்பிடித்து ஒழுக வேண்டி ஓழுங்குகள் :

உண்ணுவதற்கு முன்பாக இரு கைகளையும் கழுவிக்கொள்ளல்.

உண்பதற்கும் குடிப்பதற்கும் வலது கையைப் பயன்படுத்தல்.

உட்கார்ந்து சாப்பிடுதல்.

உண்பதற்கும் குடிப்பதற்கும் முன் பிஸ்மில் கூறுதல்.

கூட்டாக உண்ணும் போது முன்னாலுள்ளதை மாத்தரிம் உண்ணுதல்.

உண்ணல், பருகலுக்குப் பின்னால் அல்லாஹ்வைப் புகழ்தல்.

உண்ணல் பருகலின் போது தவிர்க்கப்படவேண்டிய விடயங்கள்.

சாய்ந்து கொண்டு சாப்பிடுதல்.

பானங்களை அருந்தும் போது அதில் மூச்சுவிடுதல்.

அளவுக்கதிகமாக வயிறு நிரம்ப உண்ணுதல்.

சூடான உணவில் ஊதுதல்.

முதலாவது : கடைப்பிடிக்க வேண்டிய ஒழுங்குகள்

1. உண்ணுவதற்கு முன்பாக இரு கைகளையும் கழுவிக்கொள்ளல்.

2. உண்பதற்கும் குடிப்பதற்கும் முன் பிஸ்மில் கூறுதல். பிஸ்மில் சொல்ல மறந்தால் "பிஸ்மில்லாஹி அவ்வலஹு வஆகிரஹு" என்று கூற வேண்டும். நபி (ஸல்) அவர்கள் கூறினார்கள் : "உங்களில் ஒருவர் உணவு உண்ணும்போது "பிஸ்மில்லாஹ்" (அல்லாஹ்வின் திருப்பெயர் கூறி சாப்பிடுகிறேன்) என்று கூறவும், ஆரம்பத்தில் இவ்வாறு சொல்ல மறந்துவிட்டால் "பிஸ்மில்லாஹி பீ(f) அவ்வலிஹி வஆகிரிஹி" என்று கூறவும்". (இதன் ஆரம்பத்திற்கும் இறுதியிலும் அல் லாஹ்வின் திருப்பெயர் கொண்டு (நான் சாப்பிடுகிறேன்). (ஆதாரம் : திர்மிதி 1858).

3. உண்பதற்கும் குடிப்பதற்கும் வலது கையைப் பயன்படுத்தல். நோய் போன்ற காரணங்களுக்காக வலது கையால் முடியாவிட்டால் இடது கையைப் பயன்படுத்தலாம்.

4. கூட்டாக உண்ணும் போது முன்னாலுள்ளதை மாத்தரிம் உண்ணுதல். உமர் இப்னு அபீ ஸலமாவுக்கு நபி (ஸல்) அவர்கள் கூறினார்கள் : "சிறுவனே! நீ அல்லாஹ்வின் பெயரைக் கூறி, உனது வலது கரத்தால், உனக்கு முன்னால் இருப்பதை சாப்பிடு". (ஆதாரம் : புஹாரி 5376, முஸ்லிம் 5388).

5. உட்கார்ந்து உண்ணுதல், தேவைக்காக நின்று கொண்டு உண்ணுவதில் தடையேதுமில்லை.

6. ஒரே மிடரில் பருகாமல் பாத்திரத்திற்கு வெளியே மூன்று முறை மூச்சு விட்டுப் பருக வேண்டும். அனஸ் (ரலி) அவர்கள் கூறினார்கள் : "நபியவர்கள் பருகும் போது மூன்று தடவை மூச்சு விடுவார்கள்" (ஆதாரம் : முஸ்லிம் 2028).

7. உண்ணல் பருகலின் பின் அல்லாஹ்வைப் புகழ்தல், நபி (ஸல்) அவர்கள் கூறினார்கள் : "உணவு சாப்பிட்டதுவும்,அல்லது பானம் அருந்தியதும் அதன் நிமித்தம் தனக்கு நன்றி செலுத்தும் அடியானை அல்லாஹ் பொருந்திக் கொள்வான்". (ஆதாரம் : முஸ்லிம் 7108).

இரண்டாவது : உண்ணல் பருகலின் போது (தவிர்க்க வேண்டிய( தடைசெய்யப்பட்ட சில செயல்கள்

1. சாய்ந்து கொண்டு உண்ணுதல், ஏனெனில் இது பெருமைக்காரர்களின் பண்பாகும்.

2. வீண்விரயம் மற்றும் அளவுக்கதிகமாக வயிறு நிரம்ப உண்ணுதல்,அளவு கடந்து உண்ணுதல் உடற்பருமன் மற்றும் உடற்பாதிப்புகள் ஏற்பட காரணமாக அமையலாம். நபியவர்கள் அதனைத் தடுத்துள்ளார்கள். அல்லாஹ் கூறுகின்றான் : "நீங்கள் உண்ணுங்கள், பருகுங்கள், வீண் விரயம் செய்யாதீர்கள், நிச்சயமாக அல்லாஹ் வீண் விரயம் செய்வோரை நேசிப்பதில்லை". (அஃராப் : 31).

3. சூடான உணவில் ஊதுதல்

4. பருகும் போது தண்ணீரில் மூச்சு விடுதல், இப்னு அப்பாஸ் (ரலி) அவர்கள் கூறுகின்றார் : "நபி (ஸல்) அவர்கள் பருகும் பாத்திரத்தில் மூச்சு விடுவதையோ, ஊதப்படுவதையோ தடுத்தார்கள்". (ஆதாரம் : திர்மிதி 1888, இப்னுமாஜா 3288).

செயற்பாடுகள்:

செயல்பாடு (1) : வாசித்து, விடையளிக்கிறேன்.

நபி (ஸல்) அவர்கள் கூறுகின்றார்கள் : "மனிதன் வயிற்றை விட மோசமான எந்தப் பையையும் நிரப்பவில்லை. மனிதனுக்கு தனது முதுகெலும்பை நிமிர்த்துமளவு உணவில் சில கவளங்கள் போதுமானது. அதை விட அவசியமென்றால் தனது வயிற்றை மூன்றிலொரு பகுதி உணவுக்கும், மூன்றிலொரு பகுதி பானத்திற்கும், மீதி மூன்றிலொரு பகுதி சுவாசிக்கவும் பிரித்துக் கொள்ளட்டும்". (ஆதாரம் : திர்மிதி 2380, இப்னுமாஜா 3349).

இந்நபிமொழி குறிப்பிடும் ஒழுங்கு என்ன?

செயற்பாடு (2) ஆய்ந்து வெளிப்படுத்துகிறேன்.

பின்வரும் பதிவைத் தொடர்ந்து கவனித்து விட்டு, அதிலிருந்து பின்வருவனவற்றைக் கண்டுபிடிக்கவும் :

1. பாடத்தில் இடம்பெறாத உண்ணலின் இரண்டு ஒழுங்குகள்.

2. உண்ணலின் போது கடைப்பிடிக்கப்படும் சில ஒழுங்குகளில; காணப்படும் சில நுட்பங்கள் :

செயல்பாடு (3) : மதிப்பீடு செய்து திட்டமிடுவேன் :

1. இப்பாடத்தில் இடம்பெற்றுள்ள உண்ணல் பருகலின் அனைத்து ஒழுங்குகளையும் நீர் கடைபிடிக்கின்றீரா?

2. உமது குடும்பத்தினருக்கு உண்ணல், பருகலிந் ஒழுங்குகளைக் கற்பிக்க ஒரு நிகழ்ச்சியைத் தயார் செய்யவும்.

மதிப்பீடு:

கேள்வி 1: பின்வருவனவற்றில் சரியாயின் (√ ‎) எனவும், பிழையாயின் (x) எனவும் அடையாளமிடுக.

1 - நபி (ஸல்) அவர்கள் குடிக்கும் போது பாத்திரத்தில் மூச்சு விடுவதைத் தடை செய்தார்கள். (√)

2 - ஒரு முஸ்லிம் தனது வலது அல்லது இடது கையால் சாப்பிட அனுமதிக்கப்படுகிறது. (×)

3- சாப்பிடும் போது சாய்ந்திருத்தல் பணிவைக் குறிக்கிறது. (×)

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1 - சாப்பிடும் போது சாய்வது பின்வரும் விஷயங்களில் ஒன்றாகும்:

(விரும்பத்தக்க - அனுமதிக்கப்பட்ட - தடைசெய்யப்பட்ட) விஷயங்களில் ஒன்றாகும்

2 - உணவு, பானங்களில் ஊதுவது :

(ஒழுங்குகளில் - கடமையானவை களில்- தடுக்கப்பட்டவைகளில்) ஒன்றாகும்

1 - வலது கை உடைந்த ஒருவர் இடது கையால் சாப்பிடுவது :

(அனுமதிக்கப்பட்டது - வெறுக்கத்தக்கது - தடைசெய்யப்பட்டது).

கேள்வி :3 பின்வரும் இரு கேள்விகளுக்கும் விடையளிக்குக.

1. நபியவர்கள் அதிகமாக உண்ணவோ, பருகவோ வேண்டாமென ஏன் எமக்கு ஏவியுள்ளார்கள்?

2. உண்ணுவதற்கோ பருகுவதற்கோ முன்னர் பிஸ்மில்லாஹ் கூற மறந்த ஒருவர் என்ன கூற வேண்டும்?

பாடம் இரண்டு : அனுமதி கோரலின் ஒழுங்குகள்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. அனுமதி கோரலின் ஒழுங்குகளைக் எடுத்துக் கூறுவீர்.

2. அனுமதி கோரலின் சட்டத்தைத் சட்ட நிலையை தெளிவு படுத்துவீர்.

3. அனுமதி கோரலின் முறை, அதிலுள்ள அதில் மறைந்துள்ள நுட்பங்ளையும் விபரிப்பீர்.

4. பிறரின் உரிமைகளைக் கவனிப்பதன் அவசியத்தை உணரந்து நடப்பீர்.

5. வீட்டினுள்ளும், வெளியேயும் அனுமதி கோரலின் ஒழுங்குகளைக் கடைபிடித்தல் வேண்டும்.

(அலி காலிதை அவரது வீட்டில் சந்திக்கச் சென்றார், பல முறை அழைப்பு மணி அடித்தும், யாரும் பதிலளிக்கவில்லை, அதனால் அலி கோபமாக திரும்பி வந்தார், அவர் காலிதை சந்தித்தபோது, ​​​​தனக்காக கதவைத் திறக்கவில்லை என்று அவர் கடிந்து கொண்டார், எனவே காலித் அவரிடம் அவரை வரவேற்பதற்கு வீடு பொருத்தமானதாக இருக்கவில்லை என்று கூறினார்).

உங்கள் கருத்துப்படி: கோபப்படவும், கண்டிக்கவும் அலிக்கு உரிமை இருக்கிறதா?

வீட்டின் உள்ளேஅனுமதி கோரலின் ஒழுங்குகள்

அனுமதி கோரலின் சட்டம்

அனுமதி கோரலில் உள்ள தத்துவம்

அனுமதி கோரலின் ஒழுங்குகள்

அனுமதி கோருவதன் சட்டம் :

ஒரு முஸ்லிம் வீடுகள் போன்ற தனிப்பட்ட இடங்களுக்குள் நுழைய விரும்பினால் அனுமதி கேட்க வேண்டும். அல்லாஹ் கூறுகின்றான் : "ஈமான் கொண்டவர்களே! உங்கள் வீடுகளல்லாத (வேறு) வீடுகளில், அ(வ்வீட்டிலுள்ள)வர்களிடம் அனுமதி பெற்று, அவர்களுக்கு ஸலாம் சொல்லாதவரை (அவற்றினுள்) பிரவேசிக்காதீர்கள்". (நூர் : 27).

அனுமதி கோருவதில் காணப்படும் தத்துவம் -

யாரும் பிறரின் அந்தரங்கங்களை அறிந்திடாமலிருக்கும் வகையிலும் வீடுகளின் உரிமைகளைப் பாதுகாக்கும் நோக்கிலும் அல்லாஹ் அனுமதி கோரலை மார்க்கமாக்கியுள்ளான். நபி (ஸல்) அவர்கள் கூறினார்கள் : "அனுமதி கோரல் வைக்கப்பட்டுள்ளதெல்லாம் பார்வைக்காக வேண்டிதான்". (ஆதாரம் : புஹாரி 6241).

அனுமதி பெறுவதின் ஓழுங்குகள் :

1. அனுமதி கோருபவர் முதலில் ஸலாம் கூறி, பின் உட்பிரவேசிக்க அனுமதி கோர வேண்டும். யாரும் பதிலளிக்கா விட்டால் மீண்டும் இரு தடவைகள் கோர வேண்டும். அப்போதும் யாரும் பதிலளிக்கா விட்டால் திரும்பி விட வேண்டும். நபி (ஸல்) அவர்கள் கூறினார்கள் : "அனுமதி கோரல் மூன்று தடவையாகும், உனக்கு அனுமதியளிக்கப்பட்டால் உட்செல்லவும், இல்லாவிடில் திரும்பிச் செல்லவும்". (ஆதாரம் : முஸ்லிம் 5753).

அவருக்கு கோபித்துக் கொள்ள முடியாது, ஏனெனில் அல்லாஹ் பின்வருமாறு கூறுகின்றான் : "அதில் நீங்கள் எவரையும் காணாவிட்டால், உங்களுக்கு அனுமதி கொடுக்கப்படும் வரையில் அதில் பிரவேசிக்காதீர்கள்; அன்றியும், 'திரும்பிப் போய் விடுங்கள்' என்று உங்களுக்குச் சொல்லப்பட்டால், அவ்வாறே திரும்பி விடுங்கள் - அதுவே உங்களுக்கு மிகவும் பரிசுத்தமானதாகும்; மேலும், அல்லாஹ் நீங்கள் செய்வதை நன்கறிபவன்". (நூர் : 28).

2. அனுமதி கோருபவர் வீட்டுரிமையாளர் தன்னை அறிந்து கொள்வதற்காகத் தனது பெயரைக் கூற வேண்டும்.

3. கதவு திறக்கப்படும் போது வீட்டினுள்ளே தென்படாமலிருக்க வீட்டின் வலது அல்லது இடது பக்கத்தில் அனுமதி கோருபவர் நிற்க வேண்டும்.

4. தாய், சகோதரி போன்ற நெருங்கிய உறவினர்கள் வீட்டிற்குள் நுழைய முன்னரும் அனுமதி கோரல் அவசியமாகும்.

வீட்டின் உள்ளேஅனுமதி கோரல் -அதாவது வீட்டின் அறைகளுக்கு செல்லும் போது அனுமதி கோரல்.

உறவினர்களின் அந்தரங்கங்களில் எதையும் பார்க்கக்கூடாது என்று குழந்தைகளைப் பாதுகாப்பதற்காக, அல்லாஹ் குறிப்பிட்ட நேரத்தில் பெற்றோர்களிடம் அனுமதி கேட்பதைக் கட்டாயமாக்கியுள்ளான். அவன் கூறுகின்றான் : "ஈமான் கொண்டவர்களே! உங்கள் வலக்கரங்கள் சொந்தமாக்கிக் கொண்டவர் (அடிமை)களும், உங்களிலுள்ள பருவம் அடையாச் சிறுவர்களும் (உங்கள் முன் வர நினைத்தால்) மூன்று நேரங்களில் உங்களிடம் அனுமதி கோர வேண்டும்; ஃபஜ்ரு தொழுகைக்கு முன்னரும், நீங்கள் (மேல் மிச்சமான உங்கள் உடைகளைக் களைந்திருக்கும் “லுஹர்” நேரத்திலும், இஷாத் தொழுகைக்குப் பின்னரும்-ஆக இம்மூன்று நேரங்களும் உங்களுக்காக (அமையப் பெற்றுள்ள) மூன்று அந்தரங்க வேளைகளாகும்". (நூர் : 58).

அம்மூன்று அந்தரங்க நேரங்களாகின்றன :

1. பஜ்ர் தொழுகைக்கு முன்னால்.

2. ஓய்வு நேரங்களில் ஆடைகளைக் களையும் சந்தர்ப்பம் (அதாவது : மதியம் தூங்கும் நேரம்).

3. இஷாத் தொழுகைக்குப் பின்.

இந்த மூன்று நேரங்களிலும் அனுமதி கேட்க வேண்டும் என்று விதிக்கப்பட்டுள்ளது. ஏனெனில் மனிதன் அந்நேரங்களில் தூங்க தயாராக இருப்பதால், அல்லது தொழுகைக்காக எழுந்திருப்பதால், ஆடைகளை தளர்த்த அல்லது மாற்றுவதற்கான நேரம் போன்ற காரணங்களுக்காகவே இந்த சட்டம் விதியாக்கப் பட்டுள்ளது.

(ஒப்படைகள்) செயற்பாடுகள்:

செயற்பாடு (1) : விளக்கி பரிந்துரைப்பேன் :

குறிப்பாக உறவினர்கள் மத்தியில் அனுமதி கேட்கும் ஒழுங்குகளில் பல மீறல்கள் உள்ளன, இதன் மூலம் பல தீமைகள் ஏற்படலாம், அதனூடாக பின்வருவனவற்றை விளக்கவும் :

1. அனுமதி கோரலை விடுவதால் ஏற்படும் தீமைகள்.

பிறரின் குறைகளைக் காணுதல்.

2 - அனுமதி கேட்கும் நெறிமுறைகளைப் பரப்புவதற்கும் அதில் ஏற்படும் மீறல்களைத் திருத்துவதற்கும் மூன்று வழிகளைப் பரிந்துரைக்கவும்.

செயல்பாடு 2 : பார்த்து விளக்கவேன் :

பின்வரும் இணைப்பில் உள்ள பதிவை உன்னிப்பாக பார்த்து, அதன் உள்ளடக்கத்தை உங்கள் குடும்பத்தினருக்கும் நண்பர்களுக்கும் மெதுவாக விளக்கவும்.

மதிப்பீடு :

கேள்வி 1: பின்வருவனவற்றில் சரியாயின் ( ‎) எனவும், பிழையாயின் (x) எனவும் அடையாளமிடுக.

1 - அனுமதி கேட்காமல் ஒருவர் மற்றொருவரின் வீட்டிற்குள் நுழைவது தடைசெய்யப்பட்டுள்ளது. ✓

2- அனுமதி கோரும் நபர் தனது நண்பர் அல்லது சக ஊழியர் என விவரித்தால் போதுமானது. ×

3- குழந்தைகள் பகலில் தூங்கும் நேரங்களில் அனுமதி கேட்க வேண்டும். ✓

4- ஒரு ஆண் தன் சகோதரியிடம் நுழையும் போது அனுமதி கேட்கத் தேவையில்லை. ×

5 - பஜ்ர் தொழுகைக்கு முன் குழந்தைகள் அனுமதி கேட்க வேண்டும். ✓

கேள்வி 2: அடைப்புக் குறிக்குள் இருப்பவற்றில் சரியான விடையைத் தெரிவு செய்க.

1. அனுமதி கோரும் நபருக்கு வீட்டின் உரிமையாளர் அனுமதி வழங்கவில்லை என்றால், அனுமதி கோருபவர் கண்டிப்பாக:

(காத்திருப்பது - வெளியேறுவது - மீண்டும் அனுமதி கேட்பது) அவசியமாகும்.

2. குழந்தைகள் எந்தத் தொழுகைக்குப் பிறகு அனுமதி கேட்க வேண்டும் :

(அஸர் - மக்ரிப் - இஷா)

3. வீட்டின் உள்ளே அனுமதி கேட்க பரிந்துரைக்கப்படுவதன் காரணம் :

(சிறுவர்களைத் தண்டிப்பதைக் கைவிடுதல் - இஸ்லாத்தின் சகிப்புத்தன்மையைக் காட்டுதல் - குடும்பத்தின் அந்தரங்கங்களைப் பாதுகாத்தல்)

கே 3 : பின்வருவனவற்றிற்கான காரணங்களைக் கூறுங்கள்:

1. அனுமதி கோருபவர் வீட்டுக் கதவின் வலது அல்லது இடது புறமாக நிற்றல்.

2. அனுமதி கோருபவர் தனது பெயரைக் கூறுதல்.

மூன்றாம் பாடம் : உரையாடல் மற்றும் சபையின் ஒழுங்குகள்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. உரையாடல் மற்றும் சபையின் ஒழுங்குகளைப் குறிப்பிடுவீர்..

உரையாடல் மற்றும் சபையின் ஒழுங்குகளின் அவசியத்தை மதித்து நடந்து கொள்வீர்.

3. உரையாடல் மற்றும் சபையின் ஒழுங்குகளைப் பேணி நடந்து கொள்வீர்..

4. சபை களையும் போது ஓதும் துஆ பற்றிய நபிமொழியை மனனமிட்டு கொள்வீர்.

அறிமுகம்

சிலர் சபைகளின் ஒழுங்குகளைக் கவனத்திற் கொள்ளாமல் சபையை ஆரம்பித்து, முடிக்கின்றனர். இது இஸ்லாமிய வழிமுறைக்கு மாற்றமானதாகும். எனவே இப்பாடத்தில் நீர் கற்கும் சபை ஒழுங்குகளைப் பேணி வரவும்.

உரையாடல் மற்றும் சபையின் ஒழுங்குகள்

உரையாடலின் ஒழுங்குகள்

சபையின் ஒழுங்குகள்

முதலாவது : உரையாடலின் ஒழுங்குகள்

1. பேச்சைத் துவங்க முன்னர் ஸலாம் கூற வேண்டும், ஸலாத்தை செவிமடுப்பவர் அதற்கு பதிலளிப்பது அவசியமாகும்.

2. நல்லதை மாத்திரமே பேச வேண்டும். நபி (ஸல்) அவர்கள் கூறினார்கள் : "யார் அல்லாஹ்வையும், மறுமை நாளையும் நம்பிக்கை கொள்கிறாரோ அவர் நல்லதையே பேசட்டும், அல்லது வாய் மூடி இருக்கட்டும்". (ஆதாரம் : புஹாரி 6018, முஸ்லிம் 47).

3. பொய், புறம், கோல், தீய வார்த்தை, இரகசியங்களை அம்பலப்படுத்துதல், மக்களைப் பரிகசித்தல் போன்றவற்றைத் தவிர்ந்து கொள்ள வேண்டும்.

4. தனக்குத் தேவையில்லாததை விட்டு விடுதல். நபி (ஸல்) அவர்கள் கூறினார்கள் : 'ஒரு முஸ்லிம் தனக்கு சம்பந்தமில்லாதவைகளை விட்டு விடுவது இஸ்லாத்தின் சிறந்த காரியங்களில் ஒன்றாகும்'. (ஆதாரம் : இப்னுமாஜா 3976).

5. சபையோர் மூவராக இருந்தால் ஒருவரை விட்டு மற்றிருவரும் இரகசியம் பேசலாகாது, அது அவரைக் கவலைக்குள்ளாக்கும். நபி (ஸல்) அவர்கள் கூறினார்கள் : "நீங்கள் மூவராக இருந்தால் மக்களுடன் நீங்கள் கலக்கும் வரை மற்றவரை விட்டுவிட்டு இருவர் மாத்திரம் இரகசியம் பேச வேண்டாம்". (ஆதாரம் : புஹாரி 6290, முஸ்லிம் 2184).

இரண்டாவது : சபை ஒழுங்குகள்

1. சபைக்குள் நுழையும் வேளையிலும்; வெளியேறும் போதும் ஸலாம் கூறுதல்.

2. சபையில் கிடைக்குமிடத்தில் அமர்தல், சபையின் ஆரம்பத்திற்குச் செல்வதற்காக மக்களைக் கடந்து செல்வதைத் தவிர்ந்து கொள்ளல்.

3. இடம் கிடைக்காதோருக்கு அமர்வதற்காக சபையில் சற்று விசாலப்படுத்திக் கொள்ளுதல். அல்லாஹ் கூறுகின்றான் : "ஈமான் கொண்டவர்களே! சபைகளில் “நகர்ந்து இடங்கொடுங்கள்” என்று உங்களுக்குச் சொல்லப்பட்டால், நகர்ந்து இடம் கொடுங்கள்; அல்லாஹ் உங்களுக்கு இடங்கொடுப்பான்". (அல் முஜாதலா: 11).

4. சிறு பிள்ளையோ, வறியவரோ யாரையும் உட்கார்ந்திருக்கும் இடத்தை விட்டு நகர்த்தி விட்டு அவ்விடத்தில் உட்காரக் கூடாது.

5. அருகருகில் அமர்ந்திருக்கும் இருவருக்கிடையில் அவர்களது அனுமிதியின்றி அமரக்கூடாது.

6. தடைசெய்யப்பட்ட கேளிக்கைகள், வீண் பேச்சுக்கள், தீய செயல்களைப் பார்ப்பது போன்றவற்றை விட்டும் தவிர்ந்து கொள்ளல்.

7. கௌரவமானவர்கள், அறிஞர்கள், நல்ல நண்பர்களுடன் அமர்வதில் அக்கறை கொள்தல்.

8. சபையில் அவசியம் அல்லாஹ் நினைவுகூரப்படுவதில் அக்கறை கொள்ளல்.

9. களைந்து செல்லும் முன் கப்பாரதுல் மஜ்லிஸ் பிரார்த்தனையை ஓதிக் கொள்ளுதல். கப்பாரதுல் மஜ்லிஸ் பின்வருமாறு : "ஸுப்ஹானகல்லாஹும்ம வபிஹம்திக அஷ்ஹது அல்லாஇலாஹ இல்லா அன்த, அஸ்தஃபிருக வஅதூபு இலைக". (இறைவா! உன்னைப் புகழ்வது கொண்டு உன்னைத் துதிக்கிறேன். உண்மையாக வணங்கப்படத் தகுதியானவன் உன்னைத் தவிர யாருமில்லை என சாட்சி கூறுகின்றேன். உன்னிடமே பாவமன்னிப்புக் கோரி மீள்கின்றேன்). (ஆதாரம் : திர்மிதி 3762).

இறுதியாக, சபை ஒழுங்குகளைப் பின்வரும் இணைப்பினூடாக மீட்டிப்பார்க்கவும் :

செயற்பாடுகள்:

செயல்பாடு (1) : கண்டுபிடித்து இணைப்பேன் :

1. பின்வரும் நபிமொழியில் இருந்து ஸலாம் சொல்வதன் படித்தரங்களையும், அவற்றின் தரங்களையும் கண்டுபிடித்தெடுக்கவும் :

ஒரு மனிதர் நபி ஸல்லல்லாஹு அலைஹிவஸல்லம் அவர்களிடம் வந்து அஸ்ஸலாமு அலைகும் எனக் கூறினார், பதிலளித்த நபியவர்கள் "பத்து" என்றார்கள், பின்னர் மற்றுமொருவர் வந்து அஸ்ஸலாமு அலைகும் வரஹ்மதுல்லாஹ் என்றார், பதிலளித்த நபியவர்கள் "இருபது" என்றார்கள், பின் வந்த மூன்றாமவர் அஸ்ஸலாமு அலைகும் வரஹ்மதுல்லாஹி வபரகாதுஹூ என்றார். பதிலளித்த நபியவர்கள் "முப்பது" என்றார்கள். (ஆதாரம் : அபூதாவுத் 5195, திர்மிதி 2698).

2. முன்னைய நபிமொழிக்கும், பின்வரும் இறைவசனத்திற்குமிடையில் தொடர்பு படுத்தவும் : "(எவரேனும்) உங்களுக்கு ‘ஸலாம்' கூறினால் (அதற்குப் பிரதியாக) அதைவிட அழகான (வாக்கியத்)தைக் கூறுங்கள். அல்லது அதையே திருப்பிக் கூறுங்கள். நிச்சயமாக அல்லாஹ் அனைத்தையும் கணக்கெடுப்பவனாக இருக்கிறான்". (நிஸாஃ : 86).

செயல்பாடு (2) : தெளிவுபடுத்தி ஆலோசனை கூறுவேன் :

பின்வரும் சூழ்நிலைகளில் நிகழ்ந்த பாவத்தை விளக்கி, அதைச் செய்தவர்களுக்கு ஆலோசனை வழங்கவும்:

சூழ்நிலை

ஒரு ஊழியர் தனது சக ஊழியர்களுக்கு இடையே ஒரு பிளவை உருவாக்க அவர்களின் வார்த்தைகளை பிறரிடம் கூறுகிறார்.

ஒருவர் தனது அயலவர்களின் குறைகளைக் கூறுகிறார்.

ஒரு யுவதி தனது வறிய தோழியின் ஆடைகளைக் கொச்சைப்படுத்துகிறாள்.

சாரதி தனது முதலாளி வீட்டு இரகசியங்களை வெளிப்படுத்துகிறார். பாவத்தின் வகை உபதேசம்

மதிப்பீடு :

கேள்வி 1: பின்வருவனவற்றில் சரியாயின் (✓)எனவும், பிழையாயின் (x) எனவும் அடையாளமிடுக.

1. ஸலாத்திற்கு பதில் கூறுவது விரும்பத்தக்க விஷயங்களில் ஒன்றாகும். (×)

2. ஒரு முஸ்லிமுக்குப் புறம் பேசுவது, கோல் சொல்லித் திரிவது, கேலி செய்வது தடைசெய்யப்பட்டுள்ளது. (✓)

3. பணக்காரர் ஒருவர் ஒரு ஏழையை அவரது இடத்திலிருந்து எழுப்பி விட்டு அமரலாம்.(×)

கே 2 : பின்வரும் பின்வரும் பிரார்த்தனையைப் பூர்த்தி செய்யவும் :

«سُبْحَانَكَ اللَّهُمَّ وَبِحَمْدِكَ، أَشْهَدُ ...................، أَسْتَغْفِرُكَ ................».

கேள்வி 3: பின்வரும் கேள்விகளுக்கு விடையெழுதுக:

1 - ஒரு முஸ்லிம் நல்லதை மட்டுமே கூறுவது சபையின் ஒழுங்குகளில் உள்ளதாகும். இதை விளக்குங்க.

2. சபையில் பேண வேண்டிய 3 ஒழுங்குகளை எழுதுக.

3 - "அஸ்ஸலாமு அலைகும் வரஹ்மதுல்லாஹி வபரகாதுஹூ" என்று ஸலாம் கூறுபவருக்கு உண்டான கூலியைக் கூறுக.

நான்காம் பாடம்: : கழிப்பறை ஒழுங்குகள்

செயல்முறை நோக்கங்கள்:

இப்பாடத்தை நிறைவு செய்ததும் நீங்கள்: (மாணவர்களாகிய நீங்கள் இப்பாடத்தை கற்றதன் பின் உங்களிடம் பின்வரும் விடயங்கள் எதிர்பார்க்கப்படுகின்றன.)

1. இயற்கை தேவைகள் நிறைவேற்றுவதன் ஒழுங்குகளைப் ஒவ்வொன்றாக குறிப்பிடுவீர்.

2. மலசல கூடத்திற்குச் செல்லும் போதும், வெளியேறும் போதும் ஓத வேண்டிய துஆவை மனனமிட்டுக்கொள்வீர்.

3. மலசல கூடத்தின் ஒழுங்குகளைக் கடைபிடிப்பதில் கரிசனையுடன் நடந்து கொள்வீர்.

4. பிரத்தியேக தூய்மையில் இஸ்லாம் கரிசனை செலுத்தியிருப்பதால்பெருமிதம் அடைவீர்.

ஆரம்ப செயற்பாடு :

மலசலம் கழிப்பது உட்பட உமது நபி ஸல்லல்லாஹு அலைஹிவஸல்லம் அவர்கள் அனைத்தையும் உங்களுக்குக் கற்றுத் தந்திருக்கிறார்களா என ஸல்மான் பாரிஸீ (ரழி) அவர்களிடம் வினவப்பட்ட போது பின்வருமாறு கூறினார்கள் : "ஆம், மலசலம் கழிக்கும் போது கிப்லாத் திசையை முன்னோக்கவோ, பின்னோக்கவோ கூடாது எனவும், வலது கையால் சுத்தம் செய்யக் கூடாதெனவும், மூன்று கற்களுக்கு குறைவாகப் பயன்படுத்தக் கூடாதெனவும், விட்டை, எலும்பு போன்றவற்ரால் சுத்தம் செய்ய வேண்டாமெனவும் எங்களைத் தடுத்தார்கள்". (ஆதாரம் : முஸ்லிம் 262).

இந்நபிமொழியிலிருந்து இஸ்லாத்தின் மகத்துவம், முஸ்லிமின் வாழ்விலும், ஈருலகிலும் அவனை வெற்றியடையச் செய்வதிலும் அது எடுத்துள்ள அக்கறை, இஸ்லாம் எவ்வளவு தூய்மையான, சுத்தமான மார்க்கம் என்பதையும் ஆராய்ந்தெடுக்கவும்.

மலசலம் கழிக்க பல ஒழுங்குகள் உள்ளன, அவை பின்வருமாறு அதனை பின்வருமாறு பிரிக்க முடியும்:

இயற்கை தேவைகள் நிறைவேற்றுவதன் ஒழுங்குகள் :

மலசலம் கழிக்க முன்

மலசலம் கழிக்கும் போது

மலசலம் கழித்த பின்

முதலாவது : மலசலம் கழிக்க முன்:

1. கழிப்பிடத்திற்கு இடது காலை முன்வைத்து நுழைதல்.

2. பின்வரும் துஆவை ஓதுதல் : "அல்லாஹும்ம இன்னீ அஊதுபிக மினல் குப்ஸி வல் கபாஇஸ்". (பொருள் : யாஅல்லாஹ் ! ஆண் பெண் ஷைத்தான்களை விட்டும் உன்னிடம் பாதுகாவல் தேடுகிறேன்). (ஆதாரம் : புஹாரி 142, முஸ்லிம் 375).

இரண்டாவது : மலசலம் கழிக்கும் போது :

1. மற்றவர்களின் பார்வைகளை விட்டும் மறைத்துக்கொண்டு , கழிப்பிடத்திற்குள் நுழையும் போது கதவை மூடிக் கொள்ளல்.

2. பாதையோரம், மக்கள் நிழல் பெறும் இடம், தண்ணீர் போன்றவற்றில் மலசலம் கழிப்பதைத் தவிர்த்தல்.

3. மலசலம் கழிக்கும் போது குர்ஆனைச் சுமந்து செல்வது, அதனை ஓதுவது, அல்லாஹ்வை நினைவுகூர்வது என்பதைத் தவிர்ந்து தவிர்ந்து கொள்ளுதல்.

தண்ணீர், டிசூ, கல் போன்றவற்றால் சுத்தம் செய்யும் போது இடது கையைப் பயன்படுத்துதல்.

திறந்த வெளியில் கழிக்கும் போது கிப்லாத் திசையை முன்னோக்குவதையோ, பின்னோக்குவதையோ தவிர்ந்து கொள்ளல்.

மூன்றாவது : மலசலம் கழித்த பின்

1. குளியலறை போன்ற பொதுக் கழிப்பிடங்களைத் தூய்மையாக வைக்க அக்கறை கொள்ளுதல்.

2. அசுத்தத்தின் அடையாளங்கள் நீங்க இரு கைகளையும் சிறந்த முறையில் கழுவிக்கொள்ளல்.

கழிப்பறையிலிருந்து வெளியேறும் போது வலது காலை முன்வைத்து வெளியேறுதல்.

4. வெளியேறிய பின் 'குப்ரானக' என்று கூறுதல்.

செயற்பாடுகள் :

செயற்பாடு (1) : பார்த்து விளக்குவேன் :

பின்வரும் இணைப்பின் மூலம் வீடியோ கிளிப்பைப் பார்க்கவும், பின்னர் கழிப்பறைக்குள் நுழையும் ஒழுங்குகள் மூலம் மனிதர்கள் மதிக்கப்படும் முறைகளை விளக்குங்கள்.

செயல்பாடு (2): நான் முடிவைக் கணிக்கிறேன்:

பின்வரும் சூழ்நிலைகளில் எதிர்பார்க்கப்படும் முடிவை எழுதவும் :

சுழ்நிலைகள்

பொதுப்பாதையில் ஒருவர் மலசலம் கழிக்கின்றார்.

ஆற்றில் ஒருவர் மலசலம் கழிக்கின்றார்.

மலசலம் கழித்த பின் ஒருவர் தனது கைகளை தண்ணீர், சவர்க்காரமிட்டுக் கழுவுகின்றார்.

ஒருவர் மலசலம் கழிக்கும் போது தனது ஆடையை முறையாக உயர்த்தவில்லை. எதிர்பார்க்கப்படும் முடிவு

மதிப்பீடு

Q1: அடைப்புக்குறிக்குள் இருந்து பொருத்தமானசொல்லைக் கொண்டு வெற்றிடங்களை முடிக்கவும் :

(அல்அவ்ராத் - தடைசெய்யப்பட்டது (ஹராம் - குர்ஆன் - பலனளிக்கும் மரம்)

1 - . . . . . . . . . . பலனளிக்கும் (கனிதரும்) மரத்தடியில் . . . . . . . . . . . . மலசலம் கழிக்க தடை விதிக்கப்பட்டுள்ளது.

2 - வெட்டவெளியில் மலசலம் கழிக்கும்போது கிப்லாவை முன்னோக்குவது .................... தடை செய்யப்பட்டுள்ளது ........................

3 - மலசலம் கழிக்கும் போது ................ அவ்ரத்தை ...................... மக்களின் கண்களில் இருந்து பாதுகாப்பது அவசியமாகும்.

4 - கழிவறைகளில் ............. குர்ஆன் ............ ஓதுவது தடைசெய்யப்பட்டுள்ளது.

கே 2 : பின்வரும் பிரார்த்தனையைப் பூர்த்தி செய்யவும் :

கழிப்பறைக்குள் நுழையும் போது, ​​நாங்கள் பின்வருமாறு ஓதுவோம் : "அல்லாஹும்ம இன்னீ அஊது பிக மினல் ...........................................".

கேள்வி 3 : பின்வரும் வசனங்களில் பிழைகள் காணப்படின் அவற்றை சரி செய்து, மீண்டும் எழுதுக.

1. மலசலம் கழித்த பின் வலது கையால் சுத்தம் செய்வேன்.

- மலசலம் கழித்த பின் இடது கையால் அசுத்தத்தை நீக்குவேன்.

2. கழிப்பறையிலிருந்து வெளியேறும் போது "அல்ஹம்து லில்லாஹ்" என்று கூறுவேன்.

கழிவறையில் இருந்து வெளியேறியதும் "குஃப்ரானக" எனக் கூறுவேன்.

3. மலசலம் கழிக்கும் போது அதான் ஒலி கேட்டால் அதற்கு பதிலளிப்பேன்.

மலசலம் கழிக்கும் போது அதான் ஒலித்தால் பதில் கூற மாட்டேன்.

வெளியீட்டுரை

மனிதனைப் படைத்து, அவனுக்கு அறிவியையும், தெளிவுகளையும் வழங்கி, அல்குர்ஆன் ஹதீஸ் மூலம் அவனுக்கான ஆதாரத்தை நிலைநாட்டியுள்ள அல்லாஹ்வுக்கே புகழ் அனைத்தும் உரித்தாகுக .

ஸலாத்தும் ஸலாமும் எமது நபி முஹம்மத் (ஸல்லல்லாஹு அலைஹி வஸல்லம்) மீதும், அவரது குடும்பத்தார்கள் மதிப்பிற்குரிய தோழர்கள், மறுமை நாள் வரை அவரைப் பின்பற்றும் அனைவர் மீதும் உண்டாவதாக!

இறைவாழ்த்துக்குப் பின் : ஒரு செயலை செய்வதற்கு முன் அது பற்றி கற்றுக்கொள்வது ஒரு அடியானின் மீதுள்ள மிக முக்கிய கடமையாகும். இது குறித்து அல்லாஹ் பின்வருமாறு குறிப்பிடுகிறான். '(நபியே!) நிச்சயமாக அல்லாஹ்வைத் தவிர (உண்மையாக) வணங்கப்படத்தகுதியான வேறொரு இறைவன் இல்லை என்பதை நீர் உறுதியாக அறிந்துகொண்டு, உமது தவறுகளை மன்னிக்கக் கோருவதுடன், நம்பிக்கைகொண்ட ஆண்களுக்கும், பெண்களுக்கும் மன்னிப்புக் கோருவீராக! (நம்பிக்கையாளர்களே!) உங்கள் நடமாட்டத்தையும் நீங்கள் தங்கும் இடங்களையும் அல்லாஹ் நன்கறிவான்'.

முஹம்மத் : 19

இஸ்லாமிய அறிவு என்பது இச்சமூகத்தின் மிகப்பிரதான அடையாளங்களில் ஒன்றாகவும்; இஸ்லாமிய ஆளுமையை அடையாளப்படுத்தும் மிக முக்கிய அம்சங்களில் ஒன்றாகவும் காணப்படுகிறது.

ஆகையால், இஸ்லாமிய அறிவின் முக்கியத்துவத்தைக் கருத்திற்கொண்டு அர்ரவ்ழா இஸ்லாமிய அழைப்பு மற்றும் வழிகாட்டல் மையமானது, மக்களை விவேகம் மற்றும் அழகிய உபதேசத்தின் மூலம் இஸ்லாத்தின் பால் அழைத்தல், மேலும் வெளிநாட்டவர்களுக்கு அறிவூட்டல், மற்றும் ஷரீஆ ரீதியாக அவர்களைத் தகுதிப்படுத்தல்; போன்ற நிகழ்ச்சித் திட்டங்களுடன் இயங்கிவருகிறது. அந்த வகையில் அதன் நிகழ்ச்சித்திட்டங்களில் ஓர் அங்கமாக (எனது மார்க்கத்தில் எனக்கு விளக்கத்தை தருவாயாக) எனும் தொனிப்பொருளில் ஏழு மொழிகளில் பாடநெறிகளை நடாத்தி வருவதும் குறிப்பிடத்தக்கது. இத்திட்டத்தை மேம்பாடுத்தும் நோக்கில் 'பஸாஇர்' - கல்வி ஆலோசனை நிறுவனத்துடன் ஒப்பந்தம் ஒன்றை கைச்சாத்திட்டு, அழைப்பு மையத்தின் நேரடி கண்காணிப்பின் கீழ் இப்பாடத்திட்டத்தை மேம்படுத்துவதற்கான முயற்சிகளையும் மேற்கொண்டுள்ளதுடன், அதற்குத் தேவையான ஆலோசனைகளையும் வழங்கியுள்ளது. மேலும் வரையறுக்கப்பட்ட தரங்களை அடிப்படையாகக் கொண்டு பாட நூல்களும் வடிவமைக்கப்பட்டுள்ளன.

முதலாம் தரம்; 40 பாடங்களை உள்ளடக்கியுள்ளது.

இரண்டாம் தரம்; 30 பாடங்களை உள்ளடக்கியுள்ளது.

மூன்றாம் தரம்; 30 பாடங்களை உள்ளடக்கியுள்ளது.

பாடங்களை திறம்பட கற்பிப்பதற்கு உதவும் வகையில் மாணவருக்கான ஒவ்வொரு பாடநூலுடனும் ஆசிரியருக்கான வழிகாட்டியும் இணைக்கப்பட்டுள்ளது. பாடத்திட்ட ஆவணத்தை மேம்படுத்தல், பாடநூல்கள் மற்றும் ஆசிரியர்களுக்கான வழிகாட்டிகளைத் தயாரித்தல் ஆகியன அறிவியல் தயாரிப்பு மற்றும் நுணுக்கமான மதிப்பாய்வு செய்தல் ஆகிய செயல்முறைகளை கடந்து வந்துள்ளன. ஷரியா கல்வி பாடத்திட்டத்தில் நிபுணத்துவம் பெற்ற ஒரு குழுவால் இவை மேற்கொள்ளப்பட்டன.

இறுதியாக, இச்செயற்திட்டத்தின் மூலம் இஸ்லாத்திற்கும், முஸ்லிம்களுக்கும் நல்ல பல நன்மைகள் கிட்ட வேண்டுமென அல்லாஹ்விடம் பிரார்த்திப்பதோடு, இப்புத்தகத்தை அழகிய முறையில் வெளிவர பங்களிப்புச்செய்த அனைவருக்கும் நற்பாக்கியமும், சுவனமும் கிடைக்க வேண்டுமெனவும் பிரார்த்தித்துக் க்கொள்கிறோம். மேலும் இப்புத்தகம் பற்றிய உங்கள் மேலான கருத்துக்களையும், ஆலோசனைகளையும் எமது சமூகவலைத்தளத்தின் மூலமும், தொலைபேசி இலக்கங்கள் மூலமும் நாம் பெரிதும் வரவேற்கிறோம்.

நபி (ஸல்) அவர்கள் மீதும், அவரது குடும்பத்தார்கள், தோழர்கள் என அனைவர் மீதும் அல்லாஹ்வின் ஸலாதும் ஸலாமும் என்றென்றும் உண்டாவதாக!

அர்ரவ்ழா இஸ்லாமிய அழைப்பு வழிகாட்டல் மையம்

முகவுரை

புகழனைத்தும் தனித்தவனாகிய அல்லாஹ்வுக்கே, ஸலாதும் ஸலாமும் இறுதி நபி முஹம்மத் பின் அப்துல்லாஹ், மற்றும் அன்னாரின் பரிசுத்த குடும்பத்தவர், தோழர்கள், மறுமை வரை அவர்களை அழகிய முறையில் பின்பற்றும் அனைவர் மீதும் உண்டாவதாக. மதிப்பிற்குரிய ஆசிரியரே, கற்பித்தல் பணி மிக கண்ணியமிக்க பணிகளில் ஒன்றாகும். இது நபிமார்கள், சீர்திருத்தவாதிகளின் பணிகளிலுள்ளதாகும். பொதுவாக சமூகத்தையும், குறிப்பாக இஸ்லாமிய சமூகத்தையும் மேம்படுத்துவதில் இதற்குப் பாரிய பங்களிப்புண்டு.

உமது பங்களிப்பை மெச்சி உமது பணியை செவ்வனே நிறைவேற்றிட உதவும் இவ்வழிகாட்டியை நாம் உமக்கு வழங்குகிறோம்.

கற்பித்தல் பணி அதிக சுவாரஸ்யமுள்ளதாகவும், சிறந்த பெறுபேறுகளை கொண்டதாகவும் அமைய இதனை வழங்குகிறோம். மாணவர்களின் தரங்கள் மற்றும் சூழலுக்குப் பொருந்தும் வகையில் பாடங்களுக்கான திட்டவரைபுகளை இவ்வழிகாட்டி கொண்டுள்ளது.

மேலும் பாடநூலின் நோக்குகள், இலக்குகளுடனும், கற்பித்தல் மற்றும் மதிப்பீட்டு முறைகளுடன் தொடர்புடையதாகவும் இது உள்ளது.

ஆசிரியர் வழிகாட்டியில் உள்ள பாட உள்ளடக்கம் .

இந்த வழிகாட்டியானது ஒவ்வொரு பாடத்திலும் உள்ள பிரதான குறிப்புகள் அனைத்தையும் உள்ளடக்கியது, அவை கல்வி நிலைகளின் மிக முக்கியமான அம்சங்களைக் குறிக்கின்றன. பின்வருவன இப்பிரதான கூறுகளில் முக்கியமானவையாகும் :

தகவல்பெட்டி:

இதில் பாடத்திற்கான உத்தேச நேரம், கற்க வேண்டிய புதிய சொற்கள், பயன்படுத்தப்படும் பாடஅலகுகள், பாடம் குறிப்பிடும் பெறுமானங்கள் மற்றும் நோக்குகள் மற்றும் முன்மொழியப்பட்ட கற்பித்தல் உத்திகள் ஆகியன உள்ளன.

பாடத்தை கற்பிக்கும் படிமுறைகள் :

இது பின்வரும் படிமுறைகளை உள்ளடக்கியுள்ளன :

1. பாடத்திற்கான அறிமுகம் : மாணவரை பாடத்தின்பால் ஈர்க்கும் நோக்கில் இது பல முறைகளைக் கொண்டு அமையும் : பாடத்தின் அறிமுகமாக அமையும் வகையில் சிறு சிறு வினாக்கள், பாடத்துடன் தொடர்பான நடைமுறைச் சம்பவம், சென்ற பாடத்துடன் அன்றைய பாடத்தைத் தொடர்புபடுத்துதல், நவீன கற்பித்தல் வழிகளைப் பயன்படுத்துதல் ஆகியன இவற்றுள் சிலவாகும்.

2. முடிவுரை : ஒரு தனி மாணவர் குறித்த தலைப்பில் கற்ற பின் அவர் பெற்றுக்கொள்ளும் அறிவுகள், விளக்கங்கள், யதார்த்தங்கள் சட்டதிட்டங்களையே இதன் மூலம் நாம் நாடுகிறோம். மாணவர்களின் முடிவுரைகள் பற்றிய எதிர்வுகூறல்களையும் இவ்வழிகாட்டி உள்ளடக்கியுள்ளது. அதில் கவனம் செலுத்தி, மாணவர்களுக்கு அதனைத் தமது அப்பியாசப் புத்தகங்களில் எழுத வழிகாட்டுவது ஆசிரியரின் கடமையாகும்

3. செயல்பாடுகள் : இது பாடத்தின் உள்ளடக்கத்தில் இருக்கும் இடைவெளிகளை நிரப்பும் நோக்கில், புதிய சூழ்நிலைகளில் அவர் படித்த பாடத்திலிருந்து கற்றுக்கொண்டதையும் இறுதிச் சுருக்கத்தையும் பயன்படுத்துவதற்கு தனிப்பட்ட மாணவருக்கு பயிற்சி அளிப்பதாகும். இச்செயற்பாடுகளை அமுல்படுத்தத் தனது மேற்பார்வையில் மாணவர்களை ஊக்குவிப்பது ஆசிரியரின் கடமையாகும். இந்த செயற்பாடுகள் ஒவ்வொன்றும் ஒரு குறிப்பிட்ட குறிக்கோளுடன் இணைக்கப்பட்டு அதை அடைவதற்கு துணை நிற்கின்றன என்பது குறிப்பிடத்தக்கது. நடைமுறையில் உள்ள பாடங்களிலிருந்து கற்றுக்கொண்ட அறிவை எவ்வாறு பயன்படுத்துவது மற்றும் செயல்படுத்துவது என்பது குறித்து தங்கள் மாணவர்களுக்குப் பயிற்சி அளிப்பதில் கவனம் செலுத்துமாறு ஆசிரியர்களை நாங்கள் கேட்டுக்கொள்கிறோம்.

4. மதிப்பீடு : பாடத்தின் நோக்கங்கள் எந்த அளவிற்கு அடையப்பட்டுள்ளன, மற்றும் எதை அடையவில்லை என்பதை அளவிடுவதை இது நோக்கமாகக் கொண்டுள்ளது. அதன்படி, பாடத்தில் உள்ள ஒவ்வொரு கேள்வியும் அதன் நோக்கங்களில் எந்த அளவிற்கு தொடர்புடையது என்பதில் கவனம் செலுத்தப்பட வேண்டும். ஆசிரியரின் கல்வித்தகமையை மேம்படுத்தும் நோக்கில் பாடங்களின் கேள்விகளுக்கான சில பதில்களை இந்த வழிகாட்டி உள்ளடக்கியுள்ளது.

5. கல்வியியல் மற்றும் உணர்வியல் விழிப்பூட்டல்கள் : இது மாணவர் பாடத்தில் கற்றுக்கொண்ட மிக முக்கியமான விடயங்களை அமுல்படுத்தவும் , அதை அவரது குடும்பத்தினர், நண்பர்கள் மற்றும் சமூகத்தில் செயல்படுத்தவும் உதவும்.

இந்த வழிகாட்டி அமைக்கப்படுள்ள கல்விசார் அடிப்படைகள்

முதலாவது : பாடத்திட்டத்தின் நோக்கங்கள் :

ஒவ்வொரு பாடத்திற்குமான செயன்முறை நோக்கங்கள் வகுக்கப்ட்டு, அந்நோக்கங்ககை வகுப்பதில் பின்வரும் விடயங்கள் கருத்திற்கொள்ளப்பட்டுள்ளன. அவை பின்வருமாறு :

- இது பாடத்திட்டத்தின் திறன்களை பிரதிப்பளிப்பதாக அமைதல் வெண்டும்.

- அறிவு,மனம் திறமை அனைத்திற்கும் மத்தியில் பன்முகத்தன்மை கொண்டதாக இருக்க வேண்டும்.

அது யதார்த்தமானதாகவும், எய்து கொள்வதற்கு இயலுமானதாகவும் , மாணவர்களின் நிலைக்கு ஏற்றதாகவும் இருக்க வேண்டும்.

அறிவுசார் இலக்குகளின் நிலைகளுக்கிடையே படித்தர வரிசையை பேணல் : (நினைவு செய்தல் - புரிந்து கொள்ளுதல் - அமுல்படுத்தல் - பகுப்பாய்வு செய்தல் - ஒருங்கிணைத்தல் - மதிப்பீடு செய்தல்).

- ஒரு நல்ல இலக்கை உருவாக்குவதற்கான நிபந்தனைகளைப் பயன்படுத்துதல், அது அளவிடக்கூடிய மற்றும் கவனிக்கக்கூடிய நடத்தை விளைவை உள்ளடக்கியதாக இருக்க வேண்டும்.

- இலக்கு கற்பவரின் நடத்தையை விவரிப்பதில் கவனம் செலுத்தக் கூடியதாகவும், அனுபவத்தை வரையறுக்கக் கூடியதாகவும் இருக்க வேண்டும்.

இரண்டாவது: உள்ளடக்கத்தை உருவாக்குதல் மற்றும் ஒழுங்கமைத்தல்:

இப்பாடத்திட்டத்தின் உள்ளடக்கமானது கட்டமைக்கப்பட்ட பாட இலக்குகளுக்கு அமைவாக உருவாக்கப்பட்டுள்ளதுடன் அதன் உண்மையான நடைமுறைத்தன்மையை பிரதிபளிப்பதாகவும் அமையப்பெற்றுள்ளது. மேலும் பாடத்திட்ட ஆவணத்தில் உள்ளடக்கப்பட்ட திறன்களுக்கு பொருந்தும் வகையிலும், மாணவர்களின் நிலைக்கு பொருந்தும் வகையிலும், மற்றும் உள்ளடக்கத்தை எளிமையில் இருந்து ஆழத்திற்கு படிமுறையாகச் செல்தல், அதில் கொடுக்கப்பட்டுள்ள தகவல்கள் சரியானவை என்பதை உறுதி செய்வதன் மூலம் உள்ளடக்கத்தின் நம்பகத்தன்மையில் கவனம் செலுத்துதல், குர்ஆன் வசனங்கள் மற்றும் ஹதீஸ்களை மேற்கோள் காட்டி உள்ளடக்கத்தை முன்வைத்தல், மாணவர்களுக்கு வசதியாக உள்ளடக்கத்தில் உள்ள குர்ஆன் வசனங்கள் மற்றும் ஹதீஸ்களில் உள்ள கடினமான சொற்களஞ்சியத்தை விளக்குதல் ஆகியவற்றிலும் கவனம் செலுத்தப்பட்டுள்ளன. அத்துடன் அல்குர்ஆன் வசனங்கள் மற்றும் ஹதீஸ்களைப் பொறுத்தவரை அவை இடம்பெற்ற அத்தியாயம் மற்றும் வசனங்கள் குறிப்பிடுவதுடன் ஹதீஸ்களை உறுதிப்படுத்துவதில் அவை இடம்பெற்ற ஹதீஸ் நூல்களை குறிப்பிடுவதிலும் கவனம் செலுத்தப்பட்டுள்ளது.

மூன்றாவது: கற்பித்தல் செயல்பாடுகளை கையாள்தல் :

கற்பித்தல் செயல்பாடுகளில் பல பின்வரும் அளவுகோள்கள் கருத்திற்கொள்ளப்பட்டுள்ளன , அவற்றுள் சில :

பாடத்தின் நோக்கங்களுடன் செயல்பாடுகளை இணைப்பதையும், அந்நோக்கங்களை அடைவதில் அவற்றின் பங்களிப்பையும் கவனத்திற்கொள்ளல்.

மாணவர் தனது ஆசிரியரின் மேற்பார்வையின் கீழ் செயல்பாடுகளை செயல்படுத்துவதன் மூலம் அவரது இயல்புநிலை மற்றும் பிற செயல்பாடுகளைச் செயல்படுத்துவதில் அவரது சக நண்பர்களுடன் அவர் ஒத்துழைப்பது போன்றவற்றை கவனத்திற்கொள்ளல்.

கல்வியியல் செயற்பாடுகளில் பன்முகத்தன்மை, செவித்திறன் செயல்பாடுகள், ஆசிரியர் கூறுவதைப் போன்றே திரும்பத் திரும்ப கூறுதலின் அடிப்படையிலான செயல்பாடுகள், ஒரு தலைப்பைப் பற்றிய குறிப்பிட்ட விஷயங்களைச் சேகரிப்பது தொடர்பான செயல்பாடுகள், விளக்குதல், சுருக்கம், வகைப்படுத்துதல் மற்றும் பகுத்தறிவு தொடர்பான செயல்பாடுகள், மனப்பாடம் செய்தல், கேட்டல் மற்றும் படித்தல், ஏற்பாட்டின் செயல்பாடுகள் ஆகியவற்றை வழங்குவதன் மூலமும் எண்கணித நடவடிக்கைகள் மூலமும் இது செய்யப்படுகிறது.

நான்காவது: பின்வருவனவற்றை உள்ளடக்கிய கல்வி வழிமுறைகள்(கற்பித்தல் சாதனங்கள் ):

விவரணப்படங்கள், உதாரணங்கள் உள்ளடங்கிய பாடப்புத்தகங்கள்.

வகுப்பறையில் தொங்கவிடப்படும் பெரிய காட்சிப் பலகைகள்,

குழுநிலை செயல்பாடுகளுக்கான அட்டைகள்,

பதிவு சாதனங்கள்.

ஐந்தாவது: மதிப்பீட்டு முறைகளின் பன்முகத்தன்மை :

பாட உள்ளடக்கத்தின் வினாக்களை வடிவமைப்பதில் அவை பாட நோக்கங்களுடன் தொடர்புபட்டிருப்பதையும், சரி, பிழை அடையாளமிடும் கேள்விகள், இணைத்தல், பல் தேர்வு வினாக்கள் , பூரணப்படுத்தல் மற்றும் வரிசைப்படுத்துதல் ஆகியவற்றுக்கு இடையே உள்ள அறிவாற்றல் அம்சத்தை அளவிடும் கேள்விகளின் உருவாக்கத்தில் உள்ள பன்முகத்தன்மையையும் கவனத்திற் கொள்ளப்பட்டுள்ளது . அறிவை மாணவர் பின்பற்றும் நடத்தைகளாக மாற்ற முயற்சிப்பதன் மூலம் உணர்ச்சி மற்றும் திறன் அம்சங்களை அளவிடவும் இது பயன்படுத்தப்பட்டது. உணர்ச்சி மற்றும் திறன் அம்சங்களை அளவிடுவதற்கான சிறந்த வழிகளில் ஒன்று வகுப்பறையில் ஆசிரியர்களால் கண்காணிக்கும் மற்றும் பின்தொடரும் முறை என்பதை நாங்கள் சுட்டிக்காட்ட விரும்புகிறோம். அத்துடன் வீட்டில் பெற்றோர்களது கண்காணிக்கும் மற்றும் பின்தொடரும் முறை என்பதை நாங்கள் சுட்டிக்காட்ட விரும்புகிறோம்.

ஆறாவது: கற்பித்தல் உத்திகள்:

இங்கே - அன்புள்ள ஆசிரியரே - இந்த வழிகாட்டியில் பயன்படுத்தப்பட்ட சில கற்பித்தல் முறைகள்: அதைப் பற்றியும், அதன் நடைமுறைகள் மற்றும் அதன் பயன்பாட்டிற்கான படிமுறைகளையும் அறிந்து கொள்வதற்காக இது தயாரிக்கப்பட்டுள்ளது.

1. கூட்டுக் கற்பித்தல் முறை:

இது ஒரு கற்பித்தல் முறையாகும், அதன் யோசனை (2 முதல் 6 மாணவர்கள் கொண்ட)சிறிய மாணவர் குழுக்களுக்குள் கற்றலை அடிப்படையாகக் கொண்டது, இதனால் மாணவர்கள் திறம்பட ஒன்றிணைந்து செயல்பட அனுமதிக்கப் படுகிறார்கள். மற்றும் ஒவ்வொரு நபரின் நிலையை உயர்த்தவும் பொதுவான கல்வி இலக்கை அடையவும் ஒருவருக்கொருவர் உதவுகிறார்கள். ஒவ்வொரு குழுவிற்கும் ஒரு தலைவரைக் கொண்டு, குழுவிற்குள் பணி பிரிக்கப்பட்டுள்ளது. அவர் தனது குழு உறுப்பினர்களின் செயல்திறனைப் பின்தொடர்ந்து, அவர்களின் பதில்களைச் சேகரித்து, ஆசிரியரிடம் வழங்குகிறார்.

2. சிந்தனைக் கிளரல் :

இது சிந்தனை மற்றும் படைப்பாற்றலைத் தூண்டுவதை அடிப்படையாகக் கொண்ட ஒரு முறையாகும், மேலும் சிந்தனைக் கிளரல் பல்வேறு அறிவியல் மற்றும் வாழ்க்கை சிக்கல்களைத் தீர்ப்பதில் குழு அல்லது தனிப்பட்ட சிந்தனைக்கான ஒரு முறையாகப் பயன்படுத்தப்படுகிறது, இது மன திறன்கள் மற்றும் செயல்முறைகளை அதிகரிக்கும் நோக்கத்துடன் பயன்படுத்தப்படுகிறது. மிகப் பெரிய அளவிலான பரிந்துரைகள், தீர்வுகள் அல்லது தகவல்களை வழங்குதல், பின்னர் சரியான தீர்வு அல்லது கருத்தைப் பெறுவதற்காக அவற்றைச் செம்மைப்படுத்துதல்.

3. சிக்கலைத் தீர்க்கும் முறை :

இது ஒரு புதிய மற்றும் அறிமுகமில்லாத வழியில் ஒரு சூழ்நிலையை சமாளிக்க, அதைக் கட்டுப்படுத்த மற்றும் அதற்கான தீர்வை அடைவதற்கு மாணவர் தனது அறிவையும் திறமையையும் பயன்படுத்தும் ஒரு முறையாகும்.

அதன் படிமுறைகள், சிக்கலை உணர்ந்து, அதை அடையாளம் கண்டு, அது தொடர்பான தரவுகளைச் சேகரித்து, தீர்வுகளை முன்மொழிந்து, அவற்றைப் படித்து சிறந்ததைத் தேர்ந்தெடுப்பது என்பவற்றைப் பிரதிபலிக்கின்றன.

4. சொற்பொருள் வரைபடங்கள்:

அவை அழைக்கப்படுகின்றன: அறிவாற்றல் வரைபடங்கள், மன வரைபடங்கள், கருத்து வரைபடங்கள் மற்றும் தகவல் வரைபடங்கள் என்பன இதற்குப் பயன்படுத்தப்படுகின்றன. இது ஒரு தலைப்பை அதன் பகுதிகளாக பகுப்பாய்வு செய்வதன் அடிப்படையிலானது, மேலும் அட்டவணைகள், வட்டங்கள் அல்லது முக்கோணிகள் போன்ற பல்வேறு வடிவியல் வடிவங்களை எடுக்கும் வரைபடங்கள் மற்றும் திட்ட வரைபுகள் மூலம் வெளிப்படுத்துகிறது. தகவல்களைப் படிப்பதை எளிதாக்கி, அவற்றுக்கிடையில் இணைத்து, நினைவில் வைத்துக் கொள்ளும் நோக்கத்துடன் இவை அமைக்கப்பட்டுள்ளது.

5. சமச்சீர் உத்தி :

இந்த மூலோபாயம் மன திறன்களை செயல்படுத்தி, உறுப்புகள் மற்றும் பொருட்களுக்கு இடையே உள்ள தொடர்புகளை தெளிவுபடுத்துவதற்கும், ஒற்றுமைகள் மற்றும் வேறுபாடுகளை அடையாளம் காணவும் மனதை பயன்படுத்துவும் செயற்படுகிறது. அத்தகைய சிந்தனைக்கு அதிக படைப்பாற்றல் தேவைப்படுகிறது. ஏனெனில் ஒரு கேள்விக்கான பதில் எப்போதும் பிரதான கூறுகளுக்கு இடையே ஒரு புதிய பார்வையை வேண்டி நிற்கிறது.

6. கதைகூறும் முறை :

மாணவர்களை தூண்டி கவர்வதிலும் தாக்கத்தை ஏற்படுத்துவதில் கதைகூறும் முறைக்கும் ஒரு தனித்துவம் உண்டு. கதை கூறுதல் கற்பனையை வளர்க்கிறது, உணர்ச்சிகளைத் தூண்டுகிறது, முடிவுகளுடன் அறிமுகங்களை இணைக்க அழைப்பு விடுக்கிறது. மற்றும் வெறும் ஒரு கருத்தை புலனுறுப்புக்களால் உணர முடியுமான யதார்த்தமாக மாற்றுகிறது. கதை நிகழ்வுகளுக்கு இடையிலான தொடர்பைச் சார்ந்தது, அதே நேரத்தில் மாணவர் அவர்களுடன் தொடர்பு கொள்ளவும் இணைக்கவும் தூண்டுகிறது. அவர் என்ன கற்றுக்கொள்கிறார் என்பதற்கு, கதையை முன்வைக்கும் மொழி மற்றும் பாணி மற்றும் மாணவர்களுக்கு அதன் பொருத்தம் ஆகியவை கணக்கில் எடுத்துக்கொள்ளப்பட வேண்டும்.

7. வாழ்க்கை பிரயோக முறை :

இந்த முறையானது வாழ்க்கை சூழ்நிலைகள் மற்றும் பிரச்சனைகளுடன் தகவலை இணைக்க முயற்சிப்பதை நோக்கமாகக் கொண்டுள்ளது. இச்செயன்முறையானது மாணவர், பாட உள்ளடக்கத்தை மிக ஆர்வத்துடன் படிக்க உதவியாக அமையும். அதே வேளை அதில் அவர் தவறுகள் மற்றும் பாதகமான -எதிர்மறை விடயங்களுக்கான தீர்வுகளைப் பெற்றுக்கொள்ளவும், சாதகமான விடயங்களில் தன்னை வழுப்படுத்திக்கொள்ளவும் முடியும்.மேலும் இஸ்லாம் கொண்டு வந்த சட்டத் தீர்ப்புகள் மற்றும் ஒழுக்க விதிகளுடன் இணைத்துக்கொள்ள முயற்சிப்பார் , இதனால் இஸ்லாம் தனது வாழ்க்கையை ஒழுங்குபடுத்துகிறது என்று அம்மாணவர் உணர்கிறார்.

சிந்தி-ஒருங்கிணை-பகிர் எனும் உத்தி:

சிந்தி-ஒருங்கிணை-பகிரு எனும் உத்தி மூன்று நிலைகளைக் கொண்ட ஒரு கூட்டு விவாத உத்தி ஆகும்: முதலாவதாக, மாணவர் சுயமாக கேள்விக்கு பதிலளிக்கவும் அல்லது செயற்பாடுகளை செய்வதற்குமான சந்தர்ப்பத்தை ஆசிரியர் வழங்குவார்.பின்னர் அவர் -மாணவர்- தனது பதிலை தனது சக நண்பர் ஒருவருடன் விவாதிக்கிறார், இது இரண்டாவது கட்டத்திலாகும். மூன்றாவது கட்டத்தில் குழுவின் கருத்தை வெளிப்படுத்தும் பொதுவான பதிலைக் கண்டறிய குழு உறுப்பினர்கள் எட்டப்பட்ட பதில்களைப் பற்றி தங்கள் கருத்துக்களைப் பரிமாறிக்கொள்வதிலும் அவற்றைப் பற்றி விவாதிப்பதிலும் ஒத்துழைக்கிறார்கள்.

கற்றல் செயல்பாட்டில் இந்த உத்தி மிகவும் முக்கியமானது. மாணவர்கள் தகவல்களை திறம்பட செயலாக்க உதவுவதால், அவர்களின் தகவல் தொடர்பு திறன்களை வளர்த்து, அவர்களின் சிந்தனையை மேம்படுத்துகிறது.

9. மேம்பட்ட ஒழுங்கமைப்புகள் :

மேம்பட்ட ஒழுங்கமைப்புகள்? என்பது, கற்பித்தல் சந்தர்ப்பத்தில் தொடக்கத்தில், தலைப்பின் அமைப்பு மற்றும் அலச வேண்டிய தகவல்கள், கருத்தாக்கங்கள், யோசனைகள் மற்றும் சிக்கல்களைக் கற்றுக்கொள்வதை எளிதாக்குவதையும், தலைப்புடன் தொடர்புடையது. மேலும் கற்றவர் ஏற்கனவே அறிந்ததை அவர் தெரிந்து கொள்ள வேண்டியவற்றுடன் இணைப்பதையும் நோக்காகக் கொண்டு கற்பவர்களுக்கு ஒரு சுருக்கமான அறிமுகம் அல்லது அறிமுகப் பொருளை வழங்குவதாக அறியப்படுகிறது.

மேம்பட்ட ஒழுங்கமைப்புகள் இரண்டு முக்கிய பிரிவுகளாக பிரிக்கப்பட்டுள்ளன: அவை மேம்பட்ட எழுதப்பட்ட அமைப்புகள் மற்றும் மேம்பட்ட எழுதப்படாத அமைப்புகள் ஆகும், எழுதப்பட்ட அமைப்புகள் இரண்டு பகுதிகளாக பிரிக்கப்பட்டுள்ளன; அவை விளக்க ஒழுங்கமைப்புகள் மற்றும் ஒப்பீட்டு ஒழுங்கமைப்புகள் ஆகும்.

எழுதப்படாதவற்றைப் பொறுத்தவரை, அவை ஆடியோ, காட்சி, ஆடியோ-விஷுவல் மற்றும் கிராஃபிக் அமைப்புகளாகப் பிரிக்கப்படுகின்றன, அவை கிராஃபிக் வடிவங்களில் நிகழ்வுகளின் பகுதிகளைக் குறிக்கும். இது ஒரு "கிராஃபிக்" அட்டவணையாக இருக்கலாம், மேலும் இது பாடத்தின் தொடக்கத்தில் மாணவர்களுக்கு வழங்கப்படுகிறது.

10.எதிர்வு கூறுதல்

இந்த முறையானது, கற்பவர் கருதுகோள்களை அமைப்பதையோ, அல்லது தலைப்பில் என்ன விவாதிக்கப்படும் என்பதைப் பற்றிய எதிர்பார்ப்புகளை உருவாக்குவதையோ வேண்டி நிற்கின்றது. இது கற்பவருக்கு ஒரு இலக்கை வழங்குகிறது மற்றும் உள்ளடக்கத்தைக் கற்கும் போது கவனம் செலுத்துவதை உறுதி செய்கிறது. இந்த எதிர்பார்ப்புகளை உறுதிப்படுத்தவோ அல்லது நிராகரிக்கவோ முயற்சிப்பதற்காக, கற்றவர் ஏற்கனவே தன்னிடம் உள்ள தகவல்களுடன் புதிய தகவலை இணைக்கும் வாய்ப்புகளையும் இது வழங்குகிறது.

பின்வருவனவற்றின் மூலம் படிக்கப்படும் தலைப்பு என்ன என்பதை எதிர்பார்க்க ஆசிரியர் தனது மாணவர்களுக்கு உதவலாம் :

தலைப்பை வாசித்தல், பாடத்தின் நோக்கங்களைக் கற்றுக்கொள்ளல், அல்லது கேள்விகளைப் பயன்படுத்துதல்.

11. சுய கேள்வி (கேள்விகளை உருவாக்குதல்)

இம்முறையானது, கற்றல் செயல்முறைக்கு முன், அதன்போது, ​​மற்றும் கற்றல் செயல்பாட்டிற்குப் பிறகு, தலைப்பைப் பற்றிய கேள்விகளைக் கேட்பதன் மூலம், சுய விழிப்புணர்வை உருவாக்குதல், உரையுடன் தொடர்புகொள்வதை எளிதாக்குதல் மற்றும் புரிந்துகொள்ளுதல் மற்றும் நினைவுகூருதல் செயல்முறையை எளிதாக்குதல் ஆகியவற்றை நோக்கமாகக் கொண்டுள்ளது. படித்த ஹதீஸ்களைக் கையாளும் போது கற்பவர் தனக்குள்ளேயே கேள்விகளின் தொகுப்பை இயக்குவதை அடிப்படையாகக் கொண்டது. இது அவர் கற்றுக் கொள்ளும் தகவல் மற்றும் அவர் அடையும் அறிவு ஆகியவற்றுடன் அவரை மேலும் ஒருங்கிணைக்கிறது, மேலும் சிந்தனை செயல்முறைகள் பற்றிய விழிப்புணர்வை உருவாக்குகிறது.

12. எனக்குத் தெரியும் - நான் தெரிந்து கொள்ள விரும்புகிறேன் - நான் கற்றுக்கொண்டேன் (KWL) என்ற உத்தி:

இந்த மூலோபாயம் மாணவர்கள் தலைப்பில் உள்ள தகவலை முன்கூட்டியே அறிந்து அதை அவர்களின் முந்தைய அறிவோடு இணைக்க உதவுகிறது. குறிப்பிட்ட தலைப்பில் மாணவர்களின் ஆர்வத்தைத் தூண்டுவதற்கும், அந்தத் தலைப்பைப் பற்றிய மாணவர்களின் புரிதல் மற்றும் அவர்களின் கருத்தியல் பிழைகளை மதிப்பிடுவதற்கும் ஆசிரியர் இதைப் பயன்படுத்தலாம்.

இந்த உத்திக்கு KWL எனக் குறிக்கப்படுகிறது, இது பின்வரும் சொற்றொடர்களின் சுருக்கமாகும்:

(K): தெரியும், (W): வேண்டும், (L): கற்றது.

முதல் வார்த்தை கற்பவர் பாடத்தைப் பற்றி ஏற்கனவே அறிந்ததை வெளிப்படுத்துகிறது, இரண்டாவது வார்த்தை அவர் பாடத்தைப் பற்றி தெரிந்து கொள்ள விரும்புவதை வெளிப்படுத்துகிறது, மூன்றாவது வார்த்தை கற்பவர் பாடத்தைப் பற்றி கற்றுக்கொண்டதை வெளிப்படுத்துகிறது.

13. பார்வைப் பகுப்பாய்வு உத்தி :

இந்த மூலோபாயம் கற்பவர் தனது கருத்துக்கள் மற்றும் நம்பிக்கைகளைப் பற்றி சிந்திக்க உதவுகிறது, மேலும் பல்வேறு சூழ்நிலைகளில் அவர் நம்பும் பார்வை, சிந்தனைகள், கொள்கைகள், மதிப்புகள், நம்பிக்கைகள் மற்றும் கருத்துக்களை வெளிப்படுத்த ஊக்குவிக்கிறது, இது விஷயங்களைப் பற்றிய அவரது பார்வையிலும், நிகழ்வுகளுடனான அவரது எதிர்வினையிலும் தாக்கம் செலுத்துகிறது. இந்த மூலோபாயம் அதைப் பற்றிய அவரது சிந்தனையை மேலும் ஆழமாக்குவதற்கும், அதன் செல்லுபடியாகும் தன்மை, சூழ்நிலைக்கு அதன் பொருத்தம் அல்லது சிக்கலைத் தீர்ப்பதற்கும் அவருக்கு வாய்ப்புகளை வழங்குதல், அல்லது ஒரு சிக்கலைத் தீர்க்க, மற்றும் கண்ணோட்டத்தை பகுப்பாய்வு செய்து அதனை ஆதரித்து ஏற்றுக்கொள்ளல் (அது பொருத்தமானது மற்றும் சரியானது என்றால்), அல்லது அதனை மாற்றுதல் (தேவைப்பட்டால்) அல்லது அதனை நிராகரித்தல் (அது பொருத்தமற்றது மற்றும் தவறானது என்றால்) எனும் அடிப்படையில் மாணவர் தனது கண்ணோட்டத்தை பகுப்பாய்வு செய்வதைப் பொறுத்தது.

முடிவில், என் மதிப்பிற்குரிய ஆசிரியரே:

இந்த வழிகாட்டி உங்கள் கைகளில் உள்ள ஒரு கருவியாகும், அது நன்றாகப் பயன்படுத்தப்பட்டால் அது பலனைத் தரும், இல்லையெனில் அது வேலை செய்யாது.? உங்கள் திறன்களை மட்டுப்படுத்தவோ அல்லது உங்கள் படைப்பாற்றலை மட்டுப்படுத்தவோ நாங்கள் இது அர்த்தப்படுத்தவில்லை.!

அல்குர்ஆன் மற்றும்(விளக்கவுரை) தஃப்ஸீர்

முதலாம் பாடம் : புனித அல்குர்ஆனின் மகத்துவம்

கால அளவு: ஒரு பாடவேளை

புதிய சொற்கள் : (அல்குர்ஆனின் அற்புதம் - குர்ஆனிய மனிதர்கள் )

கற்பித்தல் சாதனங்கள் :

(கரும்பலகை - கற்பித்தல் அட்டைகள் - கற்பித்தல் பலகைகள் - சில அல்குர்ஆன் வசனங்களுக்கான ஓடியோ பதிவு)

கற்பித்தல் உத்திகள் :

( கூட்டு கற்கைமுறை - உரையாடலும் ,கருத்துப்பரிமாரலும் )

பெறுமானங்கள் மற்றும் போக்குகள்:

புனித அல்குர்ஆனின் அந்தஸ்தை மதித்தல்

புனித அல்குர்ஆனை கண்ணியப்படுத்தல்

அல்குர்ஆனையும் அதனை ஓதி அதனுடன் இறுக்கமான தொடர்பை பேணி வருவோரை நேசிப்பதில் ஆர்வம் கொள்ளல்.

பாடம் பற்றிய ஓர் அறிமுகம் :

அன்புள்ள ஆசிரியரே, திருக்குர்ஆனின் சிறிய வசனங்களுடன் ஆடியோ பதிவை இயக்கி, அவற்றை மாணவர்களுக்குக் கேட்கச் செய்து பாடத்தை ஆரம்பிக்கவும். பின்னர் குர்ஆன் ஓதுவதன் சிறப்பையும் அதன் மகத்துவத்தையும் தெளிவுபடுத்தி, அவ்வசனங்கள் பொதிந்துள்ள கருத்துக்களை அவர்களுக்குக் கூறுங்கள்.

பின்னர் பாடத்தலைப்பை கரும்பலகையில் எழுதுங்கள்

பாடத்தை முன்வைத்தல் :

முதல் கட்டம்:

உமது மாணவர்களிடம் பாடத்தை மௌனமாக வாசிக்க வேண்டிக்கொள்ளுதல் .

ஒரு மாணவரைத் தெரிவு செய்து, நண்பர்களுக்கு சப்தமாக வாசித்துக் காட்டச் செய்யவும். பின் பாடத்தின் பிரதான குறிப்புகளை கரும்பலகையில் எழுதுமாறு இன்னொருவருக்குக் கூறவும். பின்பு, ஒவ்வொரு ஓவ்வொரு குறிப்பு பற்றியும் விரிவாகப் பேசுதல் .

இரண்டாம் கட்டம்:

பாடத்தில் உள்ள புதிய சொற்களை பலகையில் எழுதி, அவற்றின் ஒத்த ருத்து சொற்கள் குறித்து மாணவர்களுடன் கலந்துiரையாடுதல்.

அந்த ஒத்த கருத்துச் சொற்களை கரும்பலகையில் எழுதவும்.

மூன்றாம் கட்டம்:

மாணவர்களை குழுக்களாகப் பிரித்து, கூட்டு கற்றல் முறையைப் பயன்படுத்துவது விரும்பத்தக்கது.

பின் புனித குர்ஆனின் மிக முக்கியமான சிறப்புக்களை அடையாளம் காண ஒவ்வொரு குழுவும் தங்களுக்குள் ஒத்துழைக்குமாறு வேண்டிக்கொள்க.

கிடைத்த பெறுபேற்றை கரும்பலகையில் எழுத குழுவில் உள்ள மாணவர்களில் ஒருவரை பொறுப்புச்சாட்டுக..

அவர்களின் செயல்திறன் குறித்து கருத்து தெரிவிக்கவும்.

நான்காம் கட்டம்:

உரையாடல் மற்றும் விவாதத்தின் (கருத்துப்பரிமாரல் ) மூலம் : புனித குர்ஆனுடையவர்களை (அல்குர்ஆனிய மனிதர்கள்) கௌரவிப்பதன் வெளிப்பாடுகள் என்ன? திருக்குர்ஆன் மீது எமது கடமை என்ன? என்பதை எடுத்துக்காட்டுக.

மாணவர்களின் பதில்கள் மூலம், பாடத்திலிருந்து கற்றுக்கொண்ட படிப்பினைகளை கண்டுகொள்வீர்கள்., பின்னர் அவற்றை பலகையில் எழுதுங்கள், அவற்றில் மிக முக்கியமானவை பின்வருமாறு:

படிப்பினைகள்:

1. அல்குர்ஆன் அல்லாஹ்வின் பேச்சுக்களில் மிக மகத்தானதாகும்.

2. அல்குர்ஆன் நபி (ஸல்) அவர்களுக்கு வழங்கப்பட்ட மகத்தான அற்புதமாகும்.

3. அல்குர்ஆன் அகிலத்தாருக்கு ஒளியாகவும், நேர்வழியாகவும் உள்ளது.

4. அல்லாஹ் இக்குர்ஆனைப் பாதுகாக்கின்றான்.

5. குர்ஆனுடையவர்களை (குர்ஆனிய மனிதர்களுக்கு) இவ்வுலகில் அந்தஸ்த்தை உயர்த்துவதன் மூலமும் மறுமையில் வெற்றியை வழங்குவதன் மூலமும் அல்லாஹ் அருள் புரிந்துள்ளான்.

6. குர்ஆனின் இந்த மகத்தான நிலையை நாம் அறிந்தால், அதைப் படித்து, சிந்தித்து, கற்று, மனப்பாடம் செய்து, அதன் கட்டளைகளைப் பின்பற்றி, அதன் தடைகளைத் தவிர்ப்பதன் மூலம் அதை உண்மையாக மதிப்பது நம் கடமையாகும்.

செயற்பாடுகள் :

இப்பாடத்தில் தாம் கற்றவற்றை மாணவர்கள் அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயல்பாடு 1 அதன் வகையும், நோக்கமும் தனி நபர்/குழு முறைமையில் குர்ஆனின் மகத்துவத்தை விளக்குதல்.

நோக்க இலக்கம் 1.

செயற்பாட்டின் விடையைத் தேடுமாறு அனைத்து மாணவர்களையும் பணிக்கவும்.

தேடி முடிந்ததும் எழுதப்பட்ட விடயத்தில் அவர்களுடன் கலந்துரையாடி, சரியான முடிவை எட்டவும்.

தமது அப்பியாசக் கொப்பிகளில் எழுதிக் கொள்வதற்காக சரியான விடைகளை கரும்பலகையில் எழுதுமாறு ஒருவரைப் பணிக்கவும்.

செயற்பாடு 1 :

அல்லாஹ்வின் புனித நகரமான மக்காவில் அது இறங்க ஆரம்பித்தது.

ரமழான் மாதத்தில் அது இறங்க ஆரம்பித்தது.

அரபு மொழியில் இறங்கியது, அதுவே சுவனத்தின் மொழியாகும்.

ஜிப்ரீல் (அலை) அவர்கள் இதனைக் கொண்டு இறங்கினார்.

இறைத்தூதர்களில் இறுதியானவர் முஹம்மத் (ஸல்) அவர்களாவர்.

இஸ்லாமிய சமூகமே மக்களுக்கு தோற்றுவிக்கப்பட்ட சமூகங்களில் மிகச் சிறந்த சமூகமாகும்.

செயற்பாடு 2 அதன் வகையும், நோக்கமும் கூட்டு முறைமை, அல்குர்ஆன் ஓதுவதினதும், அதனைக் கற்பதினதும் சிறப்பை விளக்குதல்.

நோக்க இலக்கம் 3, 4

மாணவர்களை குழுக்களாகப் பிரித்து, செயல்பாட்டின் படத்தில் உள்ளதைப் போல அவர்களை வட்டவடிவில் உட்காரச் சொல்லுங்கள், மேலும் ஒவ்வொரு குழுவும் செயற்பாட்டிற்கு பதிலளிக்க ஒத்துழைக்க வேண்டும்.

ஒவ்வொரு குழுவும் தாம் எட்டிய முடிவை சமர்ப்பிக்க அதன் உறுப்பினர்களில் ஒருவரைத் தேர்ந்தெடுப்பர், பின்னர் அவர் அதைக் கரும்பலகையில் எழுதவேண்டும். கருத்து வேறுபாடுள்ள விடயங்கள் உங்கள் முன்னிலையில் மற்றும் உங்கள் மேற்பார்வையில் விவாதிக்கப்பட்டு, பின்பு சரியானது கண்டடையப்பட்டு, கரும்பலகையில் எழுதப்படவேண்டும்

செயற்பாடு 2 :

1. மலக்குமார்கள் இறங்கி, அல்குர்ஆன் ஓதும் சபைகளுக்கு சமூகமளிக்கின்றமை.

அல்குர்ஆனை ஓதுபவர்கள் மீது அமைதியும், இறையருளும் இறங்குகின்றமை.

அல்குர்ஆனை ஓதுபவர்களைப் பற்றி வானத்தில் இருப்பவர்களிடம் அல்லாஹ் நினைவு கூறுகின்றமை.

2. வுழூ செய்தல்,அமைதியாக உட்காருதல், ஓதும் போது பேணுதலாகவும், பொருளுணர்ந்தும் ஓதுதல்.

மதிப்பீடு

மதிப்பீட்டுக் கேள்விகளுக்குப் பதிலளிக்க, பின்வரும் படிமுறைகளைப் பின்பற்றலாம்:

கேள்விகளுக்குப் பதிலளிப்பதில் ஒருவருக்கொருவர் ஒத்துழைக்க மாணவர்களை குழுக்களாகப் பிரிக்கவும்.

ஒவ்வொரு குழுவும் ஒவ்வொரு கேள்விக்குப் பதிலளிக்க வேண்டும்.

பதிலை மதிப்பிடுவதற்காக ஒவ்வொரு குழுவும் அதை மற்றொன்றுடன் மாற்றிக்கொள்ளவும். பின்னர், சரியாகப் பதிலளித்த குழுவைப் பாராட்டவும்.

கே.1 : (×) - - - (×) -

பண்படுத்தல் மற்றும் உணர்வியல் அவதானங்கள் :

மாணவர்கள் பாடத்தில் கற்றுக்கொண்டதை பின்வருவனவற்றின் மூலம் அவர்களின் வாழ்க்கை மற்றும் நடைமுறைகளுக்குப் பயன்படுத்துமாறு அறிவுறுத்துங்கள்:

திருக்குர்ஆனை ஆழ்ந்து சிந்தனையுடனும், அதன் சட்டங்களை புரிந்து கொண்டும், செவிமடுத்து, தம்மைச் சுற்றி இருப்பவர்களுக்கும் அதன்பால் வழிகாட்டுதல்.

துன்பம் மற்றும் பலவீனமான காலங்களில் மட்டுமல்லாமல், எல்லா நேரங்களிலும், சூழ்நிலைகளிலும் எல்லாம் வல்ல இறைவனை நாடுதல்.

இரண்டாம் பாடம்: ஸூறதுல் ஃபாதிஹாவுக்கான விளக்கம்

கால அளவு: ஒரு பாடவேளை

புதிய சொற்கள் : (நியாயத் தீர்ப்பு நாள் - நேரான பாதை - வழிகெட்டவர்கள்).

கற்பித்தல் சாதனங்கள்:

(கரும்பலகை - கற்பித்தல் அட்டைகள் - கற்பித்தல் பலகைகள் - பதிவு செய்யப்பட்ட ஓடியோ)

அல்குர்ஆன் வசனங்கள்

கற்பித்தல் உத்திகள் (கூட்டு கற்றல் முறை - கருத்துதிர்ப்பு - இறுதிச் சுருக்க முறை).

மதிப்புகளும், வழிகாட்டல்களும்:

இஸ்லாமியக் கொள்கையின் அடிப்படைகளைப் உறுதியாக கடைப்பிடித்தொழுகுதல்.

அல்லாஹ்வை நேசித்து, அவனை மகத்துவப்படுத்தி, அவனுக்கு அஞ்சுதல்.

ஸூரா பாதிஹாவை மகத்துவப்படுத்தல்.

பாட அறிமுகம்:

ஸூரா பாதிஹாவின் ஆடியோ பதிவை இயக்கி, அவற்றை உங்கள் மாணவர்களுக்குக் கவனமாகக் கேட்கச் செய்து பாடத்தைத் ஆரம்பியுங்கள். பின்னர் குர்ஆனின் இதர அத்தியாயங்களுக்கு மத்தியில் இவ்வத்தியாயத்தின் மகிமையை அவர்களுக்குக் கூறுங்கள். பின்னர் தலைப்பை கரும்பலகையில் எழுதுங்கள்

பாடத்தை முன்வைத்தல்: (விளக்குதல்)

முதல் கட்டம்: (படிமுறை இல : 1)

புனித இறைவசனங்களை நோட்டமிட்டு, பின்னர் குர்ஆன் வசனங்கள் பதியப்பட்ட ஓடியோவை மௌனமாக செவிதாழ்த்திக் கேட்குமாறு மாணவர்களிடம் வேண்டுங்கள்.

இரண்டாம் கட்டம்:

அவ்வசனங்களின் சாரம்சத்தை விளக்கிவிட்டு, அவற்றை விரிவாக விளக்குங்கள்.

எழுமாறாக மூன்று மாணவர்களைத் தேர்ந்தெடுத்து, ஒவ்வொருவருக்கும் அவ்வசனங்களிலிருந்து ஒரு வசனத்தைத் தேர்ந்தெடுத்து அதை விளக்கப் பணியுங்கள்.

அவ்வாறே வேறு மூவரைத் தெரிவு செய்து எஞ்சியுள்ள வசனங்களை விளக்கச் செய்யுங்கள்

மூன்றாம் கட்டம்:

மாணவர்களை குழுக்களாகப் பிரித்து, கூட்டுகற்றல் முறையைப் பயன்படுத்துவது விரும்பத்தக்கது.

ஸூரா பாத்திஹாவில் உள்ள சட்டதிட்டங்களைப் பிரித்தெடுக்க ஒவ்வொரு குழுவும் ஒருவருக்கொருவர் ஒத்துழைக்கச் சொல்லுங்கள்.

கிடைத்த பெறுபேற்றை கரும்பலகையில் எழுத குழுவில் உள்ள மாணவர்களில் ஒருவரை நியமியுங்கள். பின்பு அவர்களது செயல்திறன் குறித்து கருத்துத் தெரிவிக்கவும்.

படிப்பினைகள்:

ஒவ்வொரு மாணவரும் ஸூராவின் விளக்கத்தைப் புரிந்துகொண்ட பிறகு அவர் கண்டறிந்த முடிவுகளில் ஒன்றைக் கூறப் பணியுங்கள், பின்னர் அவர்களின் பதில்களை பலகையில் எழுதி, அவற்றில் கருத்து தெரிவியுங்கள்.

செயற்பாடுகள்

இப்பாடத்தில் தாம் கற்றவற்றை மாணவர்கள் அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயல்பாட்டு இலக்கம் 1. அதன் வகையும், நோக்கமும் தனிநபர் சார்ந்தது, ஸூரா பாதிஹாவின் மகத்துவத்தைத் தெளிவுபடுத்துதல்.

நோக்க இலக்கம் 3.

செயல் நூல் புத்தகத்தை திறக்க மாணவர்களைக்வேண்டிக்கொள்ளவும். , பின்னர் கருத்துதிர்ப்பு மூலம் அவர்களின் பதிலைப் பற்றி சிந்திக்கச் செய்யுங்கள், அவர்கள் பெற்றுக் கொண்ட முடிவைப் பற்றி விவாதிக்கவும்.

செயற்பாட்டு இலக்கம் 2 செயற்பாடு : வகையும், நோக்கமும் தனிநபர் சார்ந்தது, ஸூரா பாதிஹாவின் கருத்துக்களை அறிதல்

நோக்க இலக்கம் 2

செயல்பாட்டுக் கேள்விக்கு பதிலளிக்குமாறு ஆசிரியர் ஒவ்வொரு மாணவருக்கும் அறிவுறுத்த வேண்டும், மாணவர் அருகே சென்று, பதில்களைப் பார்த்து, மிக்கச்சரியானதைத தெரிவுசெய்து எடுப்பார். பின்னர் சக நண்பர்களின் முன்னிலையில் வசனத்தைக் குறிப்பிடுவதற்கு ஒருவரையும் மற்றும் அவர் தவறு செய்யும் போது அவரைத் திருத்துவதற்கு இன்னொருவரையும் தேர்ந்தெடுப்பார்.

மதிப்பீடு

பின்வரும் படிமுறைகளைப் பின்பற்றுவதன் மூலம் மதிப்பீட்டுக் கேள்விகளுக்கு பதிலளிக்க மாணவர்களுக்கு அறிவுறுத்துங்கள்:

ஒவ்வொரு மாணவரும் புத்தகத்தில் உள்ள கேள்விகளுக்கு தனித்தனியாக பதிலளிக்க வேண்டும்.

ஒவ்வொரு மாணவரும் மற்றவரின் பதிலை மதிப்பீடு செய்வதற்காக தத்தமது பதிலை சக நண்பரிடம் பரிமாறிக் கொள்ள வேண்டும்.

தங்கள் சக நண்பரின் பதிலில் தாம் அடையாளம் கண்டு, விடைகளை திருத்தி அமைத்த சில மாணவர்களை தேர்ந்தெடுக்குக.

மானவர்களினால் முன்வைக்கப்படும் விடயங்கள் பற்றிக் கருத்துத் தெரிவிக்க அவர்களுக்கே வாய்ப்பளிக்கவும். பின்னர் மாணவர்களின் செயல்திறனைப் பற்றி கருத்து தெரிவிக்கவும். கேள்விகளுக்கான சிறந்த முன்மாதிரி பதிலைக் காட்டவும்.

5. அறிவியல் மற்றும் உணர்வியல் அவதானங்கள் :

பாடத்தில் கற்றுக்கொண்டதை அவர்களின் வாழ்க்கையிலும் உறவாடல்களிலும் பயன்படுத்துவதன் முக்கியத்துவத்தைப் பற்றி மாணவர்களுக்கு அறிவுறுத்துங்கள்:

அல்லாஹ்வைப் புகழ்வதில் அக்கறையாக இருத்தல், மற்றும் நேர்வழிக்கான வழிகாட்டுதலைக் கேட்டு அவனிடம் பிரார்த்தித்துக் கேட்டல்.

நன்மைகள் செய்து, பாவங்களை விட்டும் தூரமாகி மறுமைக்காகத் தயாராவதன் அவசியம்

மூன்றாம் பாடம் : கவ்ஸர் மற்றும் காபிரூன் அத்தியாயங்கள்

கால அளவு: ஒரு பாடவேளை

புதிய சொற்கள் : (கவ்ஸர் -(ஷானிஅக) உம்மை வெறுப்பவன்- (அல்அப்தர்)சந்ததியற்றவன் - (லகும் தீனுகும் வலியதீன்)உங்களுக்கு உங்கள் மார்க்கம், எனக்கு எனது மார்க்கம்)

கற்பித்தல் சாதனங்கள்:

(கரும்பலகை - கணினி இயந்திரம் - கற்பித்தல் பலகைகள் - புனித மிக்க அந்த இரு ஸூராக்களும் பதிவு செய்யப்பட்ட ஓடியோ)

புனித மிக்க அந்த இரு ஸூராக்களும்.

கற்பித்தல் உத்திகள்:

(கல்விக் கதைகள் - கல்விப் புதிர்கள் - விவாதம் - கண்டுபிடிப்பு மூலம் கற்றல்).

பெறுமானங்கள் மற்றும் போக்குகள்:

நபி (ஸல்) அவர்களின் சிறப்பை மதித்தல், மற்றும் அன்னாருக்காக போராடுவதால் ஈருலகிலும் கிடைக்கும் சிறப்புக்கள்.

இறைநிராகரிப்பு மற்றும் நிராகரிப்பாளர்களை விட்டும் விலகிக் கொள்ளல்.

நபி (ஸல்) அவர்களுக்கு மாத்திரம் அல்லாஹ் பிரத்தியேகமாக வழங்கியுள்ள கவ்ஸர் எனும் நீர் தடாகத்தை நம்பிக்கை கொள்ளல்.

இஸ்லாமிய மார்க்கத்தில் இருப்பதை கண்ணியமாகக் கருதுதல்.

வணக்க வழிபாடுகளில் உளத்தூய்மையைக் கடைபிடித்தல்.

பாட அறிமுகம் :

மாணவர்களிடம் பின்வரும் புதிரைக் கேளுங்கள், "இது சொர்க்கத்தின் நதிகளில் ஒன்றைப் பற்றி பேசும் ஒரு ஸூரா, மேலும் இது உழ்ஹிய்யா பற்றிய சட்டங்களில் ஒன்றை உள்ளடக்கியுள்ளது. அது என்ன ஸூரா?" அவர்களின் பதில்களைக் கற்றுக்கொண்ட பிறகு, ஸூராவையும் அதன் வசனங்களின் எண்ணிக்கையையும் அவர்களுக்கு அறிமுகப்படுத்துங்கள்.பின்னர் நீங்கள் தலைப்பிற்குச் சென்று அதனை கரும்பலகையில் எழுதுங்கள்.

குரல், மொழி மற்றும் பாணியில் கதை சொல்லும் திறன்களைக் கருத்தில் கொண்டு, கதைகூறும் முறையைப் பயன்படுத்தி ஸூரா அல்-காஃபிரூன் இறங்குவதற்கான பின்னணிக் காரணத்தை மாணவர்களுக்கு விளக்குங்கள். அவர்கள் அதைப் புரிந்துகொண்டிருப்பதை உறுதிசெய்ய, அதை தனது சக நண்பர்களுக்கு மீண்டும் சொல்ல அவர்களில் ஒருவரைத் தெரிவுசெய்யுங்கள். பின்னர் கரும்பலகையில் ஸூராவின் பெயரை எழுதவும்.

பாடத்தை விளக்குதல்:

படிமுறை : 1

பாடத்தின் இரண்டு ஸூராக்களையும் ஏதாவதொரு ஓடியோ மூலமாக கேட்கும்படி ஆசிரியர் மாணவர்களுக்கு அறிவுறுத்த வேண்டும்.

அவ்விரு அத்தியாயங்களையும் தமது நண்பர்களுக்கு ஓதிக் காண்பிப்பதற்காக திறமையாக ஓதும் இரு மாணவர்களைத் தெரிவு செய்ய வேண்டும்.

படிமுறை :( 2)

பாடத்தில் சேர்க்கப்பட்டுள்ள இரண்டு ஸூராக்களில் ஒவ்வொன்றையும் ஆசிரியர் தனித்தனியாக முன்வைக்க வேண்டும்.

அந்த ஸூறாக்களை விளக்கி தெளிவுபடுத்தி மாணவர்களுடன் கலந்துரையாட வேண்டும்.

பாடத்தை மாணவர்களுக்கு தெளிவுபடுத்தும் போது அவர்களுடன் கலந்துரையாட பின்வரும் வினாக்களை உதவியாகக் கொள்க

கே : நபி (ஸல்) அவர்கள் ஏன் கவ்ஸர் எனும் தடாகத்தைக் கொண்டு சிறப்பிக்கப்பட்டுள்ளார்கள்?

கே : நிராகரிப்பாளர்கள் வணங்குபவற்றை விட்டும் விலகுவது முஸ்லிமுக்குக் கடமையா ? விவரிக்குக.

கே : ஒரு முஸ்லீம் தான் ஒரு இஸ்லாமியன் என்பதன் மூலம் பெருமிதம் கொள்வதினால் ஏற்படும் விளைவுகள் என்ன?

பகுப்பாய்வின் மூலம் கண்டறிதல் :

இரண்டு ஸூராக்களின் விளக்கத்திலிருந்தும் தான் கற்றுக்கொண்டதை எழுத ஒவ்வொரு மாணவரையும் கட்டாயப்படுத்தவேண்டும், பின்னர் பாடத்திலிருந்து கற்றுக்கொண்டதையும், அதை அவர் தனது வாழ்க்கையில் எவ்வாறு செயற்படுத்தப் போகின்றார் என்பதையும் சமர்பிக்க மூன்று மாணவர்களைத் தெரிவுசெய்ய வேண்டும்.

செயற்பாடுகள்

இப்பாடத்தில் தாம் கற்றவற்றை மாணவர்கள் அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயற்பாட்டு இலக்கம் 1 வகையும், நோக்கமும் குழு முறை , சுவனத்தையும், அதன் நதிகளையும் விவரித்தல்.

நோக்க இலக்கம் 2

இரண்டு மாணவர்களைத் தேர்ந்தெடுத்து, ஒவ்வொருவருக்கும் மின்னட்டை (கற்றல் உதவி அட்டை)ஒன்றைக் கொடுங்கள். ஒருவரின் அட்டையில் செயல்பாட்டில் உள்ள ஹதீஸும், மற்றதில் கவ்ஸர் ஆற்றில் இருந்து குடிப்பவர்களின் குணாதிசயங்களும் உள்ளன. ஒவ்வொரு மாணவரும் தனக்கு வழங்கப்பட்டதை சக நண்பரிடம் படித்துக் காட்ட வேண்டும்.

முதலாமவரிடத்தில் கவ்ஸர் நதியை விவரிக்கும் படியும், இரண்டாமவரிடத்தில் கவ்ஸர் ஆற்றில் இருந்து குடிப்பவர்களின் குணாதிசயங்களை விவரிக்கும் படியும் ஆசிரியர் கோர வேண்டும்.

அவ்விரு மாணவர்களுடைய பதில்களையும் ஆசிரியர் அறிவதுடன், சக நண்பர்களுக்கு அதிலுள்ள தவறுகளைத் திருத்தவும், கருத்துரைக்கவும் வாய்ப்பளிக்க வேண்டும்.

செயற்பாட்டு இலக்கம் 2 வகையும், நோக்கமும் தனிநபர் சார்ந்தது, உறவினர்களாக இருந்தாலும் மாற்று மதத்தவர்களுடன் நடக்கும் முறையை அறிதல்.

நோக்க இலக்கம் 3, 4

கண்டறிதல் மூலம் கற்றல் என்பதை அடிப்படையாகக் கொண்டு செயற்பாட்டில் இடம்பெற்ற அல் குர்ஆன் மற்றும் ஸுன்னாவின் வாசகங்களை எடுத்துக்காட்டுமாறு வேண்டுக.

இந்த பாடங்களுடன் இணைக்கப்பட்ட கேள்விகளுக்கு பதிலளிக்க அவர்களை சிந்திக்குமாறு வேண்டுக.

அவர்களில் இருவரைத் தேர்ந்தெடுத்து, தகுந்த வலுவூட்டலை வழங்கி, பதில்களை முன்வைக்கச் செய்யவும்

செயற்பாட்டு இலக்கம் 3 அதன் வகையும், நோக்கமும் தனிநபர் முறை, நம்பிக்கை சார் நிலைக்கும் நடத்தை சார் நிலைக்கும் உள்ள வேறுபாட்டை கண்டறிதல். நோக்க இலக்கம் 3

நம்பிக்கை சார் நிலை மற்றும் நடத்தை சார் நிலை ஆகியவற்றுக்கு இடையே உள்ள வேறுபாட்டை விளக்கும் ஒரு எழுத ஒவ்வொரு மாணவனையும் எழுதுமாறு மாணவர்களை வேண்டிக்கொள்க.

எழுதப்பட்டவற்றை ஒன்று சேர்த்து, அவை எடுத்துச் சொல்லும் அர்த்தத்தங்களையும், நோக்கங்களையும் உணரவைக்க அவற்றில் சிலதை எழுமாறியாகத் தேர்ந்தெடுத்து வாசிக்க வைக்கவும்.

அவற்றில் மிகச் சிறந்ததைத் தேர்வு செய்து வகுப்பறையில் ஓர் பலகையில் தொங்க விடவும்.

மதிப்பீடு :

மதிப்பீட்டு வினாக்களுக்கு விடையளிக்க மாணவர்களை பின்வரும் முறைகளில் நீர் வழிநடாத்தலாம் :

ஒன்றன் பின் ஒன்றாக வினாக்களை கரும்பலகையில் எழுத வேண்டும்.

கேள்விகளுக்குப் பதிலளிப்பதில் அருகருகில் இருக்கும் இரண்டு மாணவர்களை ஒருவரையொருவர் பங்கேற்கச் சொல்வது நல்லது.

தமது பதில்களை ஏனையவர்களுக்குக் காட்டுவதற்காக எழுமாறாக சில மாணவர்களைத் தெரிவு செய்யவும்.

தவறாக பதிலளிக்கும் மாணாக்கரிடத்தில் பாடத்தின் உள்ளடக்கத்தை மீண்டும் படித்து, அதிலிருந்து சரியான பதிலைப் எடுத்துக்காட்டுமாறு வேண்டுதல் சிறந்தது.

கே 1 : ---.

பண்படுத்தல் மற்றும் உணர்வியல் அவதானங்கள் :

இப்பாடத்தில் தாம் கற்றவற்றை வாழ்வில் நடைமுறைப்படுத்துவதன் அவசியத்தை அவர்களுக்கு உணர்த்த வேண்டும். அவற்றை பின்வருமாறு கையாளலாம்:

ஒவ்வொரு மாணவரும் தாம் கற்றுக்கொண்டதை தத்தமது குடும்பத்தினருக்கும் நண்பர்களுக்கும் அறிமுகப்படுத்தி, தம் மூலம் அவர்களும் வாழ்க்கையில் நேர்வழி பெற பாடத்திலிருந்து கற்றுக்கொண்ட தகவல்களை அவர் பொருத்தமானதாகக் கருதும் எந்த வகையிலும் பரப்ப முயற்சிக்க வேண்டும்.

நான்காம் பாடம் : நஸ்ர் மற்றும் மஸத் அத்தியாயங்கள்

கால அளவு: ஒரு பாடவேளை

புதிய சொற்கள் : (அப்வாஜா)கூட்டங் கூட்டமாக - ( -ஹப்லும் மிம்மஸத் )முறுக்கேறிய ஈச்சங்கயிறு).

கற்பித்தல் சாதனங்கள்:

(கரும்பலகை - கணினி இயந்திரம் - கற்பித்தல் பலகைகள் - புனித மிக்க அந்த இரு ஸூராக்களும் பதிவு செய்யப்பட்ட ஓடியோ)

புனித மிக்க அந்த இரு ஸூராக்களும்.

கற்பித்தல் உத்திகள்:

(உரையாடல், விவாதித்தல் - கதை கூறும் முறை - படிப்பினை பெறும் வழிமுறை).

மதிப்புகளும், வழிகாட்டல்களும்:

இஸ்லாத்திற்கும் முஸ்லிம்களுக்கும் கிடைப்பதையிட்டு மகிழ்வுரல்.

முஸ்லிமின் வாழ்வில் அல்லாஹ்வைத் துதித்தல், பாவமன்னிப்புக் கோருதல் ஆகியவற்றின் அவசியத்தை முக்கியத்துவப்படுத்தல்.

வணக்க வழிபாடுகளில் உளத்தூய்மையைக் கடைபிடித்தல்

அல்லாஹ்வை நம்பி, நற்செயல்களில் ஆர்வங்கொள்ளல்.

பாட அறிமுகம்:

நீண்ட கயிற்றில் கட்டப்பட்ட விறகுக்கட்டை எடுத்துச் செல்லும் பெண்ணின் படமொன்றை அனைவருக்கும் காண்பித்து, இது போன்ற ஒரு பெண்ணின் சம்பவம் அல்குர்ஆனின் ஓர் அத்தியாயத்தில் கூறப்பட்டுள்ளது, அப்பெண் கூறப்பட்டுள்ள அத்தியாயத்தை யாரால் கூற முடியும்? யாருக்கு அச்சம்பவத்தைக் கூற முடியும்? என வினவுதல்.

பிறகு 'இந்த ஸூராவின் விளக்கம் மூலம் அதற்கான விடையைத் தெரிந்து கொள்வோம்' என்று மாணவர்களிடம் கூறவும்.

பாடத்தை முன்வைத்தல் :

படி முறை : இல (1)

பாடத்தின் இரண்டு ஸூராக்களையும் ஏதாவதொரு ஓடியோ மூலமாக கேட்கும்படி ஆசிரியர் மாணவர்களுக்கு அறிவுறுத்த வேண்டும்.

அவ்விரு அத்தியாயங்களையும் தமது நண்பர்களுக்கு ஓதிக் காண்பிப்பதற்காக திறமையாக ஓதும் இரு மாணவர்களைத் தெரிவு செய்ய வேண்டும்.

படி முறை : இல (2):

ஆசிரியர் ஒரு கணினியைப் பயன்படுத்தி ஒவ்வொரு ஸூராவையும் பாடத்தில் தனித்தனியாகக் காட்சிப்படுத்த வேண்டும்.

அந்த ஸுறாக்கள் குறித்த விளக்கங்களையும் தெளிவுரைகளையும் மாணவர்களுடன் பகிர்ந்து கொள்ள வேண்டும்.

அவ்வாறு செய்யும்போது, ​​மாணவர்களிடம் கேட்கவும் அவர்களுடன் விவாதிக்கவும் பின்வரும் கேள்விகளைப் பயன்படுத்தவும்:

கே : மக்கள் அல்லாஹ்வின் மார்க்கத்திற்கு ஏன் கூட்டங்கூட்டமாக நுழைந்தார்கள் ?

கே : அபூ லஹபைப் பற்றி உமக்கு என்ன தெரியும் ?

கே : நஸ்ர், மஸத் ஆகிய இரு ஸூராக்களிலிருந்தும் பெறப்பட்ட முக்கிய படிப்பினைகள் என்ன ?

இறுதிச் சுருக்கம் :

தாம் பாடத்திலிருந்து கற்றுக் கொண்டவற்றையும், அதை தனது வாழ்க்கையில் எவ்வாறு செயற்படுத்தப் போகின்றார் என்பதையும் விளக்க இரண்டு மாணவர்களைத் தேர்வுசெய்யவும். அவர்களைப் பின்தொடர்ந்து மீதமுள்ள மாணவர்களை மதிப்பீடு செய்யவும்.

செயற்பாடுகள்

இப்பாடத்தில் தாம் கற்றவற்றை மாணவர்கள் அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயற்பாட்டு இலக்கம் 1 அதன் வகையும், நோக்கமும் கூட்டு முறை, பாவமன்னிப்புக் கோருவதன் சிறப்பு, மற்றும் அவசியத்தை விளக்குதல்.

நோக்க இலக்கம் 3

முதலாம் செயற்பாட்டிற்கு விடையளிக்கும் பணியில் ஒத்துழைக்க மாணவர்களை ஜோடிகளாக நியமியுங்கள்.

ஒரு முஸ்லிம் பாவம் செய்யும் போது மாத்திரமல்லாது தனது அனைத்து நிலைகளிலும் அல்லாஹ்விடம் பாவமன்னிப்புக் கோர வேண்டும் என்பதை ஸூரா நஸ்ரிலிருந்து எவ்வாறு ஆதாரமெடுக்க வேண்டும் என்பதைக் கண்டறிய ஒவ்வொரு குழுவையும் அவர்களின் சிந்தனாத் திறமைகளைப் பயன்படுத்த ஊக்குவிக்கவும்.

ஒவ்வொரு குழுவின் பதிலையும் அவதானிக்கவும். ஒரு குழு, மற்ற குழுக்கள் முன்வைத்தவற்றைப் பற்றி கருத்து தெரிவிக்க ஒரு வாய்ப்பை விட்டு, அதனுடன் உடன்பட அல்லது முரண்பட முடியுமான விடயங்களைத் தெளிவுபடுத்தல்

மாணவர்களுக்கு தகுந்த பின்னூட்டல்களை வழங்கவும்.

செயற்பாட்டு இலக்கம் 2 அதன் வகையும், நோக்கமும் தனிநபர் முறை, இஸ்லாத்தில் நீதத்தின் பெறுமதியை அறிதல்

நோக்க இலக்கம் 3, 4

நபிமொழிகளில் இடம்பெற்றுள்ளது போல் இஸ்லாத்தில் நீதத்தின் பெறுமதியை விளக்க, பள்ளி இமாம்களிடத்தில் வினவுதல் போன்ற தம்மால் முடிந்த வழிகளில் தேடுமாறு அனைத்து மாணவர்களையும் பணிக்கவும். ஒவ்வொரு மாணவரும் தான் பெற்றுக்கொண்டதை தனியான ஓர் அட்டையில் எழுத வேண்டும்.

அட்டைகளை சேகரித்து, மாணவர்களின் செயற்திறனை மதிப்பீடு செய்து, பின்னர் அவர்களுக்கு தகுந்த ஊக்கத்தை அளிக்கவும்.

மதிப்பீடு :

கணிப்பீட்டு வினாக்களுக்கு விடையளிப்பதற்கு பின்வரும் படிமுறைகளை கடைப்பிடிக்க மாணவர்களை வழிப்படுத்துங்கள்.:

ஒன்றன் பின் ஒன்றாக வினாக்களை கரும்பலகையில் எழுத வேண்டும்.

கேள்விகளுக்குப் பதிலளிப்பதில் அருகருகில் இருக்கும் இரண்டு மாணவர்களை ஒருவரையொருவர் பங்கேற்கச் சொல்வது நல்லது.

தமது பதில்களை ஏனையவர்களுக்குக் காட்டுவதற்காக எழுமாறாக சில மாணவர்களைத் தெரிவு செய்யவும்.

விடைகளை தவறாக எழுதியவர்களை பாடத்தின் உள்ளடக்கத்தை மீண்டும் படித்து, அதிலிருந்து சரியான விடைகளை கண்டறிய ஆலோசனை வழங்குங்கள்.

கே 1 : --- .

பண்படுத்தல் மற்றும் உணர்வியல் அவதானங்கள் :

இப்பாடத்தில் தாம் கற்றவற்றை வாழ்வில் நடைமுறைப்படுத்துவதன் அவசியத்தை அவர்களுக்கு உணர்த்த வேண்டும். அவற்றை பின்வருமாறு கையாளலாம்:

அல்லாஹ்வைத் துதித்தல் மற்றும் பாவமன்னிப்புக் கோருதலில் ஈடுபடவும், அதனை பரவச்செய்து, தம்மைச் சூழவுள்ளோரிடமும் அமுல்படுத்த வைக்க மாணவர்களை ஊக்குவித்தல்.

ஐந்தாம் பாடம் : ஸூரா இஃலாஸ் மற்றும் முஅவ்விததை ஸூறாக்களுக்கான தப்ஸீர் விளக்கம்.

கால அளவு: இரு பாடவேளைகள்

புதிய சொற்கள் : ((அஸ்ஸமத்)தேவையற்றவன் - நிகர் - விடியற்காலை - இரவு - நுழைந்தால் - முடிச்சுகளில் ஊதும் பெண்கள் - பொறாமைக்காரன் - வீண் சந்தேகங்கள் - பதுங்கியிருப்பவன் - ஜின்கள்)

கற்பித்தல் சாதனங்கள்:

(கரும்பலகை - கணினி இயந்திரம் - கற்பித்தல் பலகைகள் - குறித்த ஸூராக்கள் பதிவு செய்யப்பட்ட ஓடியோ).

கற்பித்தல் உத்திகள்:

( கருத்துதிர்ப்பு (சிந்தனைக் கிளரல் )- கண்டுபிடிப்பு முறை - கதை கூறும் முறை - கூட்டு கற்கைமுறை).

மதிப்புகளும், வழிகாட்டல்களும்:

அல்லாஹ்வை மாத்திரம் நம்பிக்கை கொள்ளல், அவனுக்கு இணையோ, மனைவி, குழந்தையோ இல்லை.

அல்லாஹ்விடம் அடைக்களம் தேடுவதில் ஆர்வம் கொள்ளுதல் .

வணங்கப்படத் தகுதியான,ஒரே ஆட்சியாளனான இரட்சகன் அல்லாஹ்வை மாத்திரம் பற்றிப்பிடித்தல்.

மனித, ஜின் ஷைதான்களை விட்டும் தூரமாகுதல்.

சூனியம், பொறைமை என்பவற்றின் இருப்பையும், யதார்த்தத்தையும் ஏற்றுக்கொள்ளல்.

அல்லாஹ்வை நினைவுகூர்ந்து பாதுகாப்புப் பெற்றுக்கொள்ளல். ஏனெனில் அதுவே பொறாமை மற்றும் ஷைதானை விட்டும் பாதுகாக்கும்.

பாட அறிமுகம்:

பின்வரும் சந்தர்ப்பத்தைக் மாணவர்களிடம் குறிப்பிடுங்கள் : "யூஸுப் என்ற ஒரு நபர் தான் எப்போதும் காணும் பதற்றமான கனவு பற்றி தந்தையிடம் கூற, வுழூவுடன் "முஅவ்விததைன்" ஸூராக்களை ஓதிக் கொண்டு உறங்குமாறு அவர் அறிவுறுத்துகின்றார். அப்போது யூஸுப், "அவ்விரண்டினதும் சிறப்புக்கள் என்ன? ஏன் குறிப்பாக அவ்விரு ஸூராக்கள்? ஏன் ஓத வேண்டும் " என்று தனது மனதுள் கேட்டுக்கொள்கின்றார்." இதற்குரிய பதிலை இப்பாடத்தினூடாக மாணவர்கள் அறிந்து கொள்வார்கள் என அவர்களுக்குக் கூறிவிட்டு, கரும்பலகையில் தலைப்பையும் இந்த ஸுறாக்களின் வசனங்களையும் எழுதவும்..

பாடத்தை முன்வைத்தல்.:

முதல் கட்டம்:

இவ்வசனங்களிலுள்ள கருத்துக்களை அறிவதற்காக இவற்றை மௌனமாக வாசிக்குமாறு மாணவர்களைப் பணிக்கவும். பின்னர் ஒவ்வொரு மாணவரும் இவ்வசனங்களிலிருந்து தான் கற்க விரும்புவதைக் கேள்வியாகத் தொடுக்க வேண்டும்.

நீங்கள் அவ்வசனங்களை அவர்களுக்கு சப்தமாக ஓதிக் காண்பித்து விட்டு, பின்பு ஒரு மாணவரைத் தம் நண்பர்கள் முன்னிலையில் ஓதிக்காட்டுமாறு பணிக்கவும்.

சிரமமான சொற்களை தெளிவுபடுத்தி விவாதித்தல்.

இரண்டாம் கட்டம்:

ஆசிரியர் கணினி இயந்திரத்தைப் பயன்படுத்தி, ஒவ்வொரு ஸூராவையும் தனித்தனியாக முன்வைக்க வேண்டும், கருத்துதிர்ப்பு முறையைப் பயன்படுத்தி அதை விளக்கி தெளிவுபடுத்துவதன் மூலம் மாணவர்களுடன் கலந்துரையாடுகிறார்

பின்னர் தமக்குக் கிடைத்த படிப்பினைகளை முன்வைக்க ஒரு மாணவரைத் தெரிவு செய்ய வேண்டும்.

மூன்றாம் கட்டம்:

கண்டுபிடிப்பு முறையைப் பயன்படுத்தி, அல்லாஹ் தனது அடியார்களைப் பாதுகாத்ததற்கான சில உதாரணங்களைக் கேட்க வேண்டும்.

சில உதாரணங்களைத் தெரிவு செய்து அவற்றை கரும்பலகையில் எழுத வேண்டும். அல்லாஹ்விடம் புகழிடம் தேடுவதன் கருத்தாழத்தை உணர்த்தும் முஅவ்விததைன் ஸூராக்களின் தாக்கத்தைக் கண்டுபிடிக்க அவர்களுக்கு உதவுவதுடன், அது பற்றி அவர்களுடன் விவாதிக்கவும் வேண்டும்.

அந்த இந்த ஸுறாக்களின் வசனங்களுக்கிடையிலுள்ள தொடர்பைக் கண்டுபிடிக்கவும், ஸூரா இறங்கியதன் பின்னனிக் காரணிகளை அறியவும் வழிகாட்ட வேண்டும்.

இறுதிச் சுருக்கங்கள் : (பெறுபேறுகள் :)

பாடத்திலிருந்து கற்றுக்கொண்டதையும், அதை அவர் தனது வாழ்க்கையில் எவ்வாறு செயற்படுத்துவார் என்பதையும் சமர்பிக்க இரண்டு மாணவர்களைத் தேர்வுசெய்யலாம்.

செயற்பாடுகள்

இப்பாடத்தில் தாம் கற்றவற்றை மாணவர்கள் அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயல்பாட்டு இலக்கம் 1 அதன் வகையும், நோக்கமும் தனிநபர் முறை, ஸூரா இஃலாஸ் மற்றும் முஅவ்விததைன் ஸூராக்களை பேணி ஓதுவதன் சிறப்பை அறிதல்.

நோக்க இலக்கம் 4

ஒவ்வொரு மாணவரும் பின்வரும் செயல்பாட்டிற்கு தனித்தனி தாளில் தனித்தனியாக பதிலளிக்குமாறு கேளுங்கள்.

நீங்கள் அவர்களுக்கு பதிலளிக்க போதுமான நேரத்தை கொடுங்கள் , முடித்த பிறகு, அவர்களுடன் வாய்மொழியாக விவாதியுங்கள்.

சக நண்பர்களிடம் பதில் அளிக்க ஒருவர் பின் ஒருவராக மாணவர்களைத் தேர்ந்தெடுத்து, ஒவ்வொருவரது செயல்திறனையும் மதிப்பீடு செய்யவும்.

செயல்பாட்டு இலக்கம் 2 அதன் வகையும், நோக்கமும் குழு முறை , சூனியம் மற்றும் அதன் விபரீதத்தை விட்டும் பாதுகாக்கும் முறையை அறிதல்.

நோக்க இலக்கம் 3

பின்வரும் செயல்பாட்டிற்கு நடைமுறை வழியில் பதிலளிக்க மாணவர்களை குழுக்களாக செயற்படுமாறு பணிக்கவும்.

உங்கள் மேற்பார்வை மற்றும் கண்காணிப்பு ஆகியவற்றின் கீழ் அதை மதிப்பிடுவதற்கு, ஒவ்வொரு குழுவும் பக்கத்து குழுவுடன் சுற்றை பரிமாறிக் கொள்வர்.

மதிப்பீடு

மதிப்பீட்டு வினாக்களுக்கு விடையளிக்க மாணவர்களை பின்வரும் முறைகளில் வழிப்படுத்தவும். :

பின்வரும் கேள்விகளை அவர்களின் புத்தகங்களிலிருந்து கவனமாகப் படித்துவிட்டு, தனித்தனி அட்டைகளில் பதிலளிக்கும்படி அவர்களிடம் கேட்கவும். ஒவ்வொரு மாணவரும் தனது அட்டையை சக நண்பரின் அட்டையுடன் மாற்றி மதிப்பாய்வு செய்ய வேண்டும்.

அட்டைகளைச் சேகரித்து, மாணவர்களின் முன்னிலையில் அவற்றை மதிப்பீடு செய்ய எழுமாறாக சிலவற்றைத் தேர்ந்தெடுக்கவும்.

சரியான பதில்களையும், தவறான பதில்களையும் அவர்களுக்கு தெரியப்படுத்துதல்..

அட்டைக்குரிய மாணவரின் பெயரையும், அதனைத் திருத்தியவரையும் கூறுங்கள்.

கே 1 : ----- .

பண்படுத்தல் மற்றும் உணர்வியல் வழிகாட்டல்கள் :

இப்பாடத்தில் தாம் கற்றவற்றை வாழ்வில் நடைமுறைப்படுத்துவதன் அவசியத்தை அவர்களுக்கு உணர்த்த பின்வருமாறு வழிப்படுத்தவும்:

காலையிலும் மாலையிலும் தொழுகைகளுக்குப் பின்னரும் மற்றும் உறங்க முன்னரும் ஸூரா இஃலாஸ், முஅவ்விததைன் ஸூராக்களைத் தொடர்ந்து ஓதுதல்.

நெருக்கடியான, பலவீனமான நேரத்தில் மட்டுமல்லாது, அனைத்து நேரங்களிலும் அல்லாஹ்விடம் அல்லாஹ்விடம் புகழிடம் தேடிச்செல்லுதல்.

ஈமானும் தஸ்கியாவும் (ஆன்மீக உளவள மேம்பாடும்.)

ஈமானும் அதன் முக்கியத்துவமும்

கால அளவு: ஒரு பாடவேளை

புதிய சொற்கள் : (இஸ்லாம் - ஈமான் - இஹ்ஸான்).

கற்பித்தல் சாதனங்கள்:

(கரும்பலகை - கணினி இயந்திரம்- கற்பித்தல் பலகைகள் - கற்பித்தல் அட்டைகள்).

கற்பித்தல் உத்திகள் (கூட்டு கற்றல் முறை - கருத்துதிர்ப்பு - சுய கேள்வி முறை).

பெறுமானங்கள் மற்றும் போக்குகள்:

இஸ்லாம் மார்க்கத்தின் பரிபூரணத்தில் பெருமிதம் கொள்ளல்.

இரு சாட்சியங்களை (ஷஹாதா) மொழிவதன் மூலம் உள நம்பிக்கையை வெளிப்படுத்துதல்.

இஸ்லாத்தின் ஆதாரங்கள், சான்றுகளை அதிகம் அறிவதன் மூலம் உள்ளத்தில் ஈமான் அதிகரிக்கும் என்பதை உறுதி கொள்ளல்.

ஈமானுக்கும் நற்செயலுக்கும் இடையிலான பலமான தொடர்பினை உணர்தல்.

பாடத்தின் அறிமுகம்:

எனது சகோதர ஆசிரியரே, பின்வரும் சூழ்நிலையை மாணவர்களிடம் கூறவும் : (முஹம்மது தனது ஆசிரியரிடம், சொர்க்கவாசிகள் ஒருவருக்கொருவர் இன்பங்களில் வேறுபடுவதற்கான காரணத்தைக் கேட்டார், அதற்கு ஆசிரியர் இவ்வாறு கூறினார்: "அவர்கள் தங்கள் நம்பிக்கை மற்றும் செயல்களின் அளவைப் பொறுத்தும், மார்க்கத்தின் படித்தரங்களை நிலைநாட்டும் அளவைப் பொறுத்தும் வேறுபடுகிறார்கள்." அப்போது மாணவர், "மார்க்கத்தின் படித்தரங்கள் எவை?" எனக் கேட்டார்.) பின்பு அதற்கான பதிலை அவர்களுடன் விவாதிக்கவும். பின்னர், இப்பாடத்தினூடாக அவர்கள் பதிலை அறிந்துகொள்வார்கள் எனக் கூறி, கரும்பலகையில் தலைப்பை எழுதவும்.

பாடத்தை விளக்குதல் (முன்வைத்தல்):

முதல் கட்டம்: (படிமுiறை -இலக்கம் - (1)

பாடத்தின் முக்கிய கூறுகளை கரும்பலகையில் எழுதி அவற்றை தெளிவுபடுத்தி விளக்கவும்.

மாணவர்களை குழுக்களாகப் பிரித்து, கருத்துதிர்ப்பு (சிந்தனை கிளர்தல்) மூலம், இஸ்லாம், ஈமான் மற்றும் இஹ்ஸான் ஆகியவற்றின் கருத்தை வரையறுக்க ஒவ்வொரு குழுவையும் பணிக்கவும் .

ஒப்பிட்டுப் பார்க்கும் நோக்கில், ஒவ்வொரு குழுவும் தாம் பெற்ற படிப்பினைகளை கரும்பலகையில் எழுதவும். பின்னர் சரியானதை நீங்கள் அவர்களுக்குக் காட்டவும்.

இரண்டாம் கட்டம்: (படிமுறை -இலக்கம் - (2) )

கூட்டு கற்கை முறை உத்தியைப் பயன்படுத்தி, ஒவ்வொரு குழுவும் ஈமானுக்கும் நற்செயலுக்கும் இடையிலான தொடர்பை ஆராய்தல்.

ஒவ்வொரு குழுவும் தாம் கண்ட முடிவுகளை சமர்ப்பிக்கவும், அவற்றிற்கான மதிப்பீட்டைப் பெறவும் தங்களில் ஒருவரை தெரிவு செய்தல் வேண்டும் .

மூன்றாம் கட்டம்: ((படிமுறை -இலக்கம் - (3 )

சுய கேள்வி முறையைப் பயன்படுத்துங்கள். அதாவது ஈமானின் தூண்களைத் தெளிவுபடுத்துவது பதிலாக அமையும் விதத்தில் ஒவ்வொரு குழுவும் ஒரு கேள்வியை உருவாக்குவதற்கு பணிக்கப்பட வேண்டும், பின்னர் அவற்றைப் பற்றி விவாதித்த பிறகு கரும்பலகையில் அவர்களின் பதில்களை எழுத வேண்டும்.

இறுதிச் சருக்கம் :

ஆசிரியர் ஒவ்வொரு மாணவரிடமும் பாடத்தின் கூறுகளில் ஒன்றைத் தேர்ந்தெடுத்து அதிலிருந்து அவர் கற்றுக்கொண்டதை வெளிப்படுத்தும்படி கேட்க வேண்டும்.

தங்கள் பதில்களை வழங்குவதற்கு சில மாணவர்களைத் தெரிவு செய்து, அவர்களுக்கு தகுந்த ஆதரவை வழங்க வேண்டும்.

செயற்பாடுகள்

இப்பாடத்தில் தாம் கற்றவற்றை மாணவர்கள் அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயல்பாட்டு இலக்கம் 1 அதன் வகையும், நோக்கமும் தனிநபர் முறை, மார்க்கத்தின் படித்தரங்களுக்கு இடையில் வித்தியாசம் காணல்.

நோக்க இலக்கம் 3

பின்வரும் செயல்பாட்டிற்கு தனித்தனியாக பதிலளிக்குமாறு அனைத்து மாணவர்களையும் வேண்டவும்.

பிழைத்திருத்தங்களுக்காக அந்தப் பதில்களைத் தங்களுக்கு இடையில் பகிர்ந்து கொள்ளுமாறு வேண்டுங்கள்.

செயற்பாட்டு இலக்கம் 2 அதன் வகையும், நோக்கமும் குழுமுறை , வார்த்தைகளுக்கும் அவற்றின் அர்த்தங்களுக்கும் இடையில் தொடர்புபடுத்த மாணவர்களைப் பயிற்றுவித்தல்.

நோக்க இலக்கம் 4

செயற்பாட்டில் சேர்க்கப்பட்டுள்ள உரைகளின் சான்றுகளைக் கூறும் சில அட்டைகளை ஆசிரியர் மாணவர்களுக்கு விநியோகிக்கலாம், பின்னர் அவர்களில் மூவரைத் தேர்வுசெய்து, ஒவ்வொரு மாணவரும் குறித்த உரையைக் குறிக்கும் அட்டையை உயர்த்துவார். தவறு ஏற்பட்டால், அட்டை திரும்பப் பெறப்பட்டு மற்றொருவருக்குக் கொடுக்கப்படும்.

செயற்பாட்டு இலக்கம் 3 அதன் வகையும், நோக்கமும் தனிநபர் முறை, உபதேசிக்கும் முறையை மாணவர்களுக்குப் பயிற்றுவித்தல்.

நோக்க இலக்கம் 5

கடமையான வணக்கங்களைச் செய்யாமல் இருந்துகொண்டு, "தமது உள்ளம் ஈமானால் நிரம்பியுள்ளது" என வாதிடுவோருக்கு ஓர் உபதேசத்தை எழுத மாணவர்களுக்கு ஆசிரியர் வழிகாட்ட வேண்டும்.

மாணவர்கள் முன்மொழிந்தவற்றை அடையாளம் கண்டு, மதிப்பீட்டிற்காக அவர்கள் தங்களுக்குள் அதைப் பகிர்ந்து கொள்ளும்படி கேட்க வேண்டும்.

மதிப்பீடு :

விடைகளை சரிகாண மாணவர்களை பின்வரும் முறைகளில் வழிப்படுத்தவும்.

மாணவர்களைக் குழுக்களாகப் பிரித்து, கேள்விகளுக்கு விடையளிக்க ஒவ்வொரு குழுவும் ஒத்துழைக்குமாறு வேண்டவும்.

பதில்களை முன்வைப்பதற்காக இரண்டிரண்டு குழுக்களாகத் தெரிவு செய்ய வேண்டும்.

அவற்றை மதிப்பீடு செய்து, சிறந்த பதிலைத் தேர்ந்தெடுத்து, அதற்குப் பொருத்தமான மதிப்பெண்ணை வழங்குக.

அதிக புள்ளிகள் கொண்ட குழுவைக் கண்டறிந்து, சக குழுக்கள் விட்ட தவறுகளைத் திருத்திக்கொடுக்கும் பொறுப்பை அக்குழு உறுப்பினர்களுக்கு வழங்கி அவர்களை உற்சாகப்படுத்துங்கள்.

கே 1 : -- .

கே 2 : ஆறு - இஹ்ஸான் - இதயம் .

பண்படுத்தல் மற்றும் உணர்வியல் சார் வழிகாட்டல்கள் :

இப்பாடத்தில் தாம் கற்றவற்றை வாழ்வில் நடைமுறைப்படுத்துவதன் அவசியத்தை அவர்களுக்கு உணர்த்த அவர்களை பின்வரும் விடயங்களினூடாக வழிப்படுத்துக:

புத்தகங்கள், ஆடியோ பாடங்கள் அல்லது மின்னணு ஆதாரங்கள் என பல்வேறு மூலாதாரங்கள் மூலம் நம்பிக்கையின் (ஈமானின் ) முக்கியத்துவத்தையும் அதன் தூண்களையும் (அர்கான்களையும்) விரிவான முறையில் அடையாளம் காணுதல் .(அறிதல்)

நற்செயல் செய்ய அக்கறை கொள்வதுடன், நற்செயல்களுடன் ஈமானுக்குள்ள தொடர்பின் முக்கியத்துவத்தை உணர்தல்.

இரண்டாம் பாடம் : அல்லாஹ்வை நம்புதலும், அதன் தாக்கங்களும்

கால அளவு: ஒரு பாடவேளை

புதிய சொற்கள் : (அல்பித்ரா-) இயல்புணர்வு - (பவாஇகூஹு) அநீதிகள் - ( அல்கஹ்ஹார்) அடக்கியாள்பவன் - அல் காபீ -போதுமானவன் - (அல் வகீல்- )பொறுப்பாளன் - (அல் ஜவாரிஹ்) உறுப்புக்கள்).

கற்பித்தல் சாதனங்கள்:(ஊடகங்கள்)

(கணினி இயந்திரம் - காட்சித் திரை - பாடத்தில் இடம்பெற்றுள்ள அல்குர்ஆன் வசனங்கள் பதிவு செய்யப்பட்ட ஓடியோ - குர்ஆன் பிரதி - கரும்பலகை - கற்பித்தல் அட்டைகள்)

கற்பித்தல் உத்திகள்:

(பரஸ்பர கற்பித்தல் முறை - முன்கணிப்பு முறை - கேள்வி கேட்கும் முறை - விளக்கல் முறை - சாரம்ச முறை - சொற்பொருள் வரைபடங்கள் - சிந்தனை கிளர்தல் முறை ).

மதிப்புகளும்(பெருமானங்களும் ), வழிகாட்டல்களும்:

அல்லாஹ்வை நம்புவதால் தனிநபர் மற்றும் சமூகத்தில் ஏற்படும் விளைவுகளை மதித்தல்.

அல்லாஹ்வின் பெயர், பண்புகளை கண்ணியப்படுத்துதல்.

அல்லாஹ்வின் பெயர், பண்புகளை வைத்து அவனிடம் பிரார்த்திப்பதில் அக்கறை கொள்ளல்.

அல்லாஹ்வின் பெயர், பண்புகளைக் கொண்டு அவனை வணங்குவதன் முக்கியத்துவத்தை உணர்தல்.

நம்பிக்கையாளர்களின் பண்புகள் மற்றும் நடத்தைகளைக் கடைபிடித்தல்.

பாட அறிமுகம்:

கரும்பலகையில் பாடத்தின் தலைப்பை எழுதிவிட்டு, "ஈமானின் தூண்கள் ஆறு, அதில் முதலாவதும், மகத்தானதும் அல்லாஹ்வை நம்புதல், இதுதான் எமது இன்றைய பாடத்தின் கருப்பொருள்" எனத் தெளிவுபடுத்தவும்.பின்னர் மாணவர்களிடம் இப்பாடத்தின் உப தலைப்புகளை கூறி இப்பாடத் தலைப்பை முழுமையாக உள்ளடக்கும் வகையில் அவர்களின் எதிர்பர்ப்புகளையும்கருத்துக்களையும் பெறுவதற்கு முயற்சி செய்க.

பாடத்தை விளக்குதல்:

படி முறை இல (1)

நீங்கள் சொற்பொருள் வரைபடங்கள் முறையைப் பயன்படுத்தலாம். மேலும் காட்சித் திரையின் மூலம், பாடத்தின் உள்ளடக்கத்தில் உள்ள பொதுவான கூறுகள் மற்றும் சிந்தனைகளை உள்ளடக்கிய ஓர் விளக்க உருவை மாணவர்களுக்குக் காட்டலாம். ஒவ்வொரு ஜோடி மாணவர்களும் அந்த கூறுகளைப் பற்றி என்ன தெரிந்து கொள்ள விரும்புகிறார்கள் என்பதைப் பற்றி வெவ்வேறு கேள்விகளைக் கேட்கும்படி அவர்களுக்குச் சொல்லுங்கள். அவர்களின் கேள்விகளைச் சேகரித்து, அடுத்த கட்டத்தில் விவாதிப்பதற்காக முரண்பாடானவற்றை பலகையில் எழுதுங்கள்.

படிமுறை (2)

பாடத்தின் வெவ்வேறான கூறுகளை விளக்கித் தெளிவுபடுத்துவதற்காக, கலந்துரையாடலில் மாணவர்கள் கேட்ட கேள்விகளை அவர்களோடு இணைந்து விளக்கத்திற்கு எடுத்துக்கொள்ளுங்கள். அவர்களின் வார்த்தைகளை மாற்றியமைத்து, நீங்களாகவே உருவாக்கிய வேறு கேள்விகளையும் இணைத்து கலந்துரையாடுக.பின்வரும் கேள்விகளை உதவியாகக் கொண்டு மாணவர்களுடன் விவாதிக்குக. இந்தக் கேள்விகளுக்குப் பதிலளிக்கும் போது, ​​பதில்களோடு தொடர்பான குர்ஆன் வசனங்களை ஆடியோ ஊடகத்தின் மூலம் கேட்கும்படி மாணவர்களை வழிப்படுத்துக. அதே நேரத்தில் அவற்றைச் சிந்திக்கவும் அவற்றிற்கான விளக்கததைக் கூற முயற்சி செய்யவும் அவர்களை ஊக்குவிக்குக:

கே : அல்லாஹ்வை ஈமான் கொள்வது நான்கு விடயங்களை உள்ளடக்குகின்றது, அவற்றைத் தெளிவுபடுத்துக.

கே : அல்லாஹ்வின் இருப்பை நம்புவதற்கான மிகப் பலமான ஆதாரம் எது?

கே : முஸ்லிமின் நற்செயல்களில் ஈமான் எற்படுத்தும் தாக்கத்தை விளக்குக.

கே : வணக்கங்களை முறையாகச் செய்வதில் ஈமான் எற்படுத்தும் தாக்கத்தை விளக்குக.

கே : அடியார்களின் உரிமைகளை நிறைவேற்றுவதில் ஈமான் எற்படுத்தும் தாக்கத்தை விளக்குக.

படிமுறை இல :3

சிந்தனைக்கிளர்தல் முறை மூலம், அல்லாஹ்வை நம்புவதன் பலன்களை அடையாளம் காண மாணவர்களை நீங்கள் வழிநடத்தலாம். அதிக எண்ணிக்கையிலான பதில்களை வழங்க அவர்களை ஊக்குவிக்கவும். மேலும், அவர்கள் முன்வைப்பதை மதிப்பிட்டு நெறிப்படுத்தி, ஈமானின் சரியான பலன்களை அவர்களுடன் சேர்ந்தே கண்டுபிடிக்கவும். மார்க்க ஆதாரங்களிலிருந்து அவற்றை விளக்கி, அவற்றுடன் தொடர்பானதை தெளிவுபடுத்த வேண்டும்.

சாரம்சம் :

பாடத்தின் பொதுவான மற்றும் துணை கூறுகளை ஒழுங்கமைக்கும் சொற்பொருள் வரைபடத்தை ஆசிரியர் மாணவர்களுக்கு மீண்டும் வழங்க வேண்டும். ஒவ்வொரு மாணவரும் கூறுகளில் ஒன்றைத் தேர்ந்தெடுத்து, அது தொடர்பாக அவர் புரிந்துகொண்டதை சுருக்கமாகக் கூற வேண்டும். துல்லியமாகப் புரிந்துகொள்ள முடியாதவர்களை, புத்தகத்தில் உள்ள கூறுகளை படித்து மீண்டும் சுருக்கமாகச் சொல்லும்படி வழிநடத்துங்கள்.

செயற்பாடுகள்

மாணவர்கள் இப்பாடத்தில் தாம் கற்றவற்றை அமுல்படுத்துவதற்கு பின்வரும் முறைகளில் வழிகாட்டுவது சிறந்ததாகும்:

செயற்பாட்டு இலக்கம் 1 அதன் வகையும், நோக்கமும் கூட்டு முறை, அல்லாஹ்வை ஈமான் கொள்வதன் தாக்கங்கள் மற்றும் பிரதிபலன்கள்.

நோக்க இலக்கம் 2

செயற்பாட்டில் சேர்க்கப்பட்டுள்ள ஒவ்வொரு மார்க்க ஆதாரத்தையும் நீங்கள் பல அட்டைகளில் எழுதி, அவற்றை மாணவர்களுக்கு எழுமாறாக விநியோகிக்கலாம். பின்னர் ஒவ்வொரு ஆதாரத்தையும் தொடராக வாசிக்கவும். அப்போது குறித்த ஆதாரத்தை உள்ளடக்கிய அட்டையை கையில் வைத்திருப்பவர், அவ்வாதாரம் உணர்த்தும் தாக்கங்களையும் பலன்களையும் விளக்குவார்.

மாணவர்களின் பதில்களைக் கண்டறிந்து, அவற்றிற்கிடையில் ஒப்பிட்டு, அவர்களுடன் ஈமானின் சரியான தாக்கங்கள் மற்றும் பலன்களை அடையாளம் கண்ட பின், அவர்கள் தங்கள் புத்தகங்களில் அவற்றை உரிய இடங்களில் எழுதலாம்.

செயற்பாட்டு இலக்கம் 2 அதன் வகையும், நோக்கமும் தனிநபர் முறை, அல்லாஹ்வை நம்பி, உறுதியான கொள்கையில் அக்கறை செலுத்துதல்.

நோக்க இலக்கம் 4

பின்வரும் செயல்பாட்டை தனித்தனியாக நிறைவேற்ற ஒவ்வொரு மாணவரையும் பணிக்குக.

அவர்களில் சிலரை தங்கள் பதில்களை முன்வைக்க தெரிவு செய்வதுடன், சிறந்த பதில்களைக் கொண்டவர்களுக்கு பாராட்டுக்களையும் வழங்குங்கள்.

மற்றவர்களின் பதில்களில் இருந்து அவர்கள் அடையாளம் கண்டுகொண்டதன் அடிப்படையில் அவர்கள் ஒவ்வொருவருக்கும் தங்கள் பதிலை பூரணப்படுத்தச் சொல்லுங்கள்.

மதிப்பீடு :

பின்வரும் படிமுறைகளை பின்பற்றுவதன் மூலம் மதிப்பீட்டுக் கேள்விகளுக்குப் பதிலளிக்க மாணவர்களை வழிநடத்துக:

ஒவ்வொரு மாணவருக்கும் அவர்களின் புத்தகத்தில் உள்ள கேள்விகளுக்கு தனித்தனியாக பதிலளிக்குமாறு கட்டளையிடுவது நல்லது.

மாணவர்களிடம் கேள்விகளைக் கேளுங்கள். அவற்றைப் பற்றி விவாதியுங்கள். அவர்களின் பதில்களைக் கண்டறியுங்கள். ஒவ்வொரு கேள்விக்கும் பொருத்தமான புள்ளிகளைத் தீர்மானிக்கவும்.

ஒவ்வொரு மாணவரும் தனது பதிலைத் தானாக சரிசெய்து, தகுந்த மதிப்பெண்ணைக் கொடுக்கப் பணியுங்கள்.

சில மாணவர்களைத் தெரிவுசெய்து, தாங்கள் செய்த தவறுகளையும் அவற்றை எவ்வாறு சரிசெய்வார்கள் என்பதையும் விளக்க வையுங்கள்.

அதிக மதிப்பெண் பெற்ற மாணவரைக் கண்டறிந்து, தகுந்த வலுவூட்டல் வழங்கவும்.

கே 1 : அல்லாஹ்வின் இருப்பு - ஈமானுக்கும் நற்செயலுக்கும் இடையிலான தொடர்பு - அல்லாஹ்வை அவனது பெயர்களைக் கொண்டு அழைத்தல்.

கே 2 :

ஓர் அடியான் அல்லாஹ்வின் இருப்பு , அவனது பரிபாலணக் கோட்பாடு, அவன் மாத்திரமே வணங்கப்படத் தகுதியாக உள்ளமை, மற்றும் அவனது பெயர்கள், பண்புகளை நம்பும் வரை முஸ்லிமாக மாட்டான்.

ஈமான் உள்ளம் சார்ந்த ஒரு செயல், உறுப்புக்களில் அது பிரதிபலிப்பது அவசியமாகும்.

பண்படுத்தல் மற்றும் உணர்வியல் வழிகாட்டல்கள் :

பாடத்தில் கற்றுக்கொண்டதை அமுல்படுத்துவது பற்றி மாணவர்களுக்கு பின்வருவன ஊடாக ஆசிரியர் அறிவுறுத்த வேண்டும் :

அல்லாஹ்வை அவனது பெயர்கள் மற்றும் பண்புகளால் வணங்க முயற்சி செய்தல். மேலும், குடும்ப உறுப்பினர்கள் மற்றும் நண்பர்களை அவ்வாறு செய்ய ஊக்குவித்தல். ஒவ்வொரு மாணவரும் அல்லாஹ்வின் பெயர் மற்றும் பண்புகள் உள்ளடங்கிய சில குர்ஆன் வசனங்களைக் கொண்ட ஒரு கையேட்டை எழுதி, அவற்றை வைத்து அல்லாஹ்வை அழைத்துப் எப்படி பிரார்த்திப்பது என்பது பற்றி விளக்குதல். இதனை வழிகாட்டுதலுக்கு ஒரு முன்மாதிரியாக மேற்கொள்ள வேண்டும்.

வாழ்க்கையின் எல்லா சந்தர்ப்ப சூழ்நிலைகளிலும், அன்பு, பயம், எதிர்பார்ப்பு, நம்பிக்கை, பொறுப்புச் சாட்டுதல் ஆகியவற்றில், இதயத்தை எல்லாம் வல்ல இறைவனிடம் இணைத்துவிடவும், நாவை எல்லாம் வல்ல இறைவனை நினைத்து அவனது வேதத்தை ஓதவும், உறுப்புக்களை வாழ்க்கையின் அனைத்து சூழ்நிலைகளிலும் நன்மைகளைச் செய்து, பாவங்களைத் தவிர்ந்துகொள்ளவும்ஒவ்வொரு மாணவனையும் ஊக்குவித்தல்.

மூன்றாம் பாடம் : வானவர்களை நம்பிக்கை கொள்வதும் அதன் தாக்கங்களும்

கால அளவு: ஒரு பாடவேளை

புதிய சொற்கள் : (வானவர்கள் - பலமிக்கவர் - பாதுகாக்கப்பட்டவர்கள்).

கற்பித்தல் சாதனங்கள் :

(கற்பித்தல் பலகைகள் - கணினி இயந்திரம் - காட்சித்திரை- கரும்பலகை - பாடத்தில் இடம்பெறும் ஆதாரங்கள் பதிவு செய்யப்பட்ட ஓடியோ).

கற்பித்தல் உத்திகள்:

( மாறுபாடான முறைகள் - மனக் காட்சிப்படுத்தல் - கண்டுபிடிப்பு முறை - "குமிழி வரைபடம்" சிந்தனை வரைபடங்கள் - கருத்துதிர்ப்பு).

மதிப்புகளும், வழிகாட்டல்களும்:

வானவர்களைப் பின்பற்றி அல்லாஹ்வை வழிப்படுவதில் முயற்சித்தல்

அல்லாஹ்வை அஞ்சியும், பின் வானவர்களைப் பார்த்து வெட்கித்தும் அவன் தடுத்தவைகளை விட்டும் தூரமாகுதல்.

நற்செயலை வைத்து மமதை, தற்பெருமை கொள்வதிலிருந்து தவிர்ந்து கொள்ளல்.

பாட அறிமுகம்:

பின்வரும் சூழ்நிலையை மாணவர்களுக்கு முன்வைக்கவும்: (நாத்திகரிடம் வானவர்கள் மீதான நம்பிக்கையைப் பற்றி பேசும்போது, ​​அவர் அவர்களைப் பார்க்கவில்லை என்ற காரணத்திற்காக அதை நிராகரிக்கிறார். அத்துடன் அவர் பார்க்காத பல விஷயங்களை அவர் நம்புகிறார்).

நாத்திகர்களுக்கு பதிலளிப்பதற்காக அவர்கள் பார்க்காமலேயே நம்பும் ஒன்றைக் குறிப்பிடும்படி அவர்களிடம் கேளுங்கள். அவர்களின் பதில்களைக் கண்டறிந்து சரியானவற்றை ஆதரிப்பதுடன், பாடத்தையும் அதன் உள்ளடக்கத்தையும் அவர்களுக்கு அறிமுகப்படுத்த ஒரு தொடக்க புள்ளியாக இதனைப் பயன்படுத்தவும்.

உதாரணமாக, நாத்திகர் புவியீர்ப்பு சக்தி மற்றும் மின்சாரத்தை பார்க்காமலேயே நம்புகிறார்.அதேபோல், விஞ்ஞானிகள் தீர்மானித்த அறிவியல் உண்மைகளையும், தானே நேரடியாக ஆய்வகத்தில் ஆதாரங்களை ஆய்வு செய்யாமல் நம்புகிறார்.

பாடத்தை விளக்குதல் :

படிமுறை -இல (1) :

மனக் காட்சிப்படுத்தல் முறையின் மூலம், மாணவர்களை இரண்டு நிமிடங்களுக்கு கண்களை மூடிக்கொள்ளுமாறு கூறிவிட்டு, வானவர்கள் யார் என்பதை தொடர்ந்து விளக்கலாம். இதன் போது வானவர்களின் பண்புகள் தொடர்பான மார்க்க ஆதாரங்களை ஒலி ஊடகம் மூலம் உங்களது விளக்கவுரையுடன் செவிமடுப்பர். அல்லாஹ்வின் வல்லமை, வானவர்களின் மகத்துவம் பற்றி தாம் உணர்ந்த விடயங்களை தமது மொழிநடையில் வார்த்தையால் விளக்க இரு மாணவர்களைத் தெரிவு செய்யுங்கள்.

படிமுறை -இல (2)

பின்வரும் இறைவசனம் மற்றும் நபிமொழியை மாணவர்களுக்குக் கேட்க வைக்கலாம். அவ்விரு வார்த்தைகளையும் அவர்கள் புரிந்து கொண்டபடி, வானவர்களை ஈமான் கொள்வதன் சட்டத்தைக் கண்டுபிடிப்பதில் அவர்களுடன் கலந்துரையாடுங்கள்.

அல்லாஹ் கூறுகின்றான் : "(இறை) தூதர், தம் இறைவனிடமிருந்து தமக்கு அருளப்பெற்றதை நம்புகிறார்; (அவ்வாறே) முஃமின்களும் (நம்புகின்றனர்; இவர்கள்) யாவரும் அல்லாஹ்வையும், அவனுடைய மலக்குகளையும், அவனுடைய வேதங்களையும், அவனுடைய தூதர்களையும் நம்புகிறார்கள்: “நாம் இறை தூதர்களில் எவர் ஒருவரையும் பிரித்து வேற்றுமை பாராட்டுவதில்லை". (அல் பகரா : 285)

ஈமானைப் பற்றி நபி (ஸல்) அவர்களிடம் வினவப்பட்ட போது பின்வருமாறு கூறினார்கள் : "நீர் அல்லாஹ்வையும், அவனது வானவர்கள், வேதங்கள், தூதர்கள், மறுமை நாள் ஆகியவற்றை நம்பிக்கை கொள்வதுடன், விதியின் நன்மை, தீமைகள் அனைத்தையும் நம்பிக்கை கொள்வதாகும்". (முஸ்லிம் 102)

படிமுறை -இல (3):

சிந்தனை வரைபடங்களைப் பயன்படுத்துவதன் மூலம், குறிப்பாக குமிழி வரைபடம் மூலம் வானவர்களின் செயல்களை மாணவர்களுக்கு முன்வைத்தல். காட்சித் திரையின் மூலம், ஒரு மைய வட்டம் உருவாக்கப்பட்டு, அதைச் சுற்றி வானவர்களின் பணிகளைக் காண்பிக்கும் பல வட்டங்கள் உருவாக்கப்பட்டு, மேலும், ஒவ்வொரு பணியும் அதனுடன் தொடர்புடைய மார்க்க ஆதாரங்களுடன் இணைக்கப்பட வேண்டும். இந்த பணி மற்றும் ஆதாரங்கள் மாணவர்களுக்கு விளக்கப்பட்டு தெளிபடுத்தப்பட்டு, அவர்கள் தெரிந்து கொள்ள விரும்புவதைப் பற்றி வினவ அவர்களுக்கு இடமளிக்கப்பட வேண்டும்.

படிமுறை இல (4)