إِذَا وَقَعَتِ ٱلۡوَاقِعَةُ
Yɩɩbã sã n wa yɩ (Dũni wã yikri).
عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
Surah List /
الوَاقِعة
ﯥالوَاقِعة is chapter 56 of the Quran and has 96 verses. This page presents it in full in the Uthmani script, with a verse-by-verse translation of its meaning.
96 Ayahs Surah No. 56
بِسْمِ ٱللَّهِ ٱلرَّحْمَٰنِ ٱلرَّحِيمِ
لَيۡسَ لِوَقۡعَتِهَا كَاذِبَةٌ
Yɑgsd pa nɑ n zĩnd a wakatã n kɩɩsd ɑ yɩɩbã ye.
خَافِضَةٞ رَّافِعَةٌ
N sikdẽ (neb kẽera) la a zẽkdẽ (neb kẽere).
إِذَا رُجَّتِ ٱلۡأَرۡضُ رَجّٗا
B sã n wa rigims Tẽngã rigimsg tεkẽ.
وَبُسَّتِ ٱلۡجِبَالُ بَسّٗا
Tɩ tãensã sãeeg sãeegr tεkẽ.
فَكَانَتۡ هَبَآءٗ مُّنۢبَثّٗا
N lebg wala tom sẽn sẽege.
وَكُنتُمۡ أَزۡوَٰجٗا ثَلَٰثَةٗ
Tɩ yãmb yɩ kõbg a tãabo.
فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
La rɩtg zãma wã, bõe la rɩtg zãma?
وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
La goabg zãma wã, bõe la goabg zãma?
وَٱلسَّٰبِقُونَ ٱلسَّٰبِقُونَ
La põsdbã sẽn yaa põsdbã.
أُوْلَٰٓئِكَ ٱلۡمُقَرَّبُونَ
Bãmb la b sẽn pẽneg-b rãmb ne Wẽndã.
فِي جَنَّٰتِ ٱلنَّعِيمِ
B bee neema arzãn-rãmbã pʋsẽ.
ثُلَّةٞ مِّنَ ٱلۡأَوَّلِينَ
B yɑɑ sul wʋsg sẽn yi rãeenem rãmbẽ wã.
وَقَلِيلٞ مِّنَ ٱلۡأٓخِرِينَ
La bilf sẽn yi yaoolem rãmbẽ.
عَلَىٰ سُرُرٖ مَّوۡضُونَةٖ
N be gãas zut sẽn nags ne sãnem.
مُّتَّكِـِٔينَ عَلَيۡهَا مُتَقَٰبِلِينَ
B yaa sẽn kɩl a zug n togl taaba.
يَطُوفُ عَلَيۡهِمۡ وِلۡدَٰنٞ مُّخَلَّدُونَ
Kom-bãaneg n gilimd b zutu sẽn yaa duumdba.
بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
Ne ko-teese sẽn tɑr yʋʋse, la ko-tees sẽn pɑ tar yʋʋse la rãɑm sẽn zoet ɑrzẽnɑ pʋgẽ.
لَّا يُصَدَّعُونَ عَنۡهَا وَلَا يُنزِفُونَ
B zut pa zabd a pʋgẽ, b yam pa yikd me.
وَفَٰكِهَةٖ مِّمَّا يَتَخَيَّرُونَ
La tɩ-biis sẽn yaa bãmb sẽn tũusdi, b sẽn rate.
وَلَحۡمِ طَيۡرٖ مِّمَّا يَشۡتَهُونَ
La Liuuli nemd sẽn yaa bũmb ning bãmb sẽn nonge.
وَحُورٌ عِينٞ
La Huurun ʿAyn (pʋg-nin-yalems sẽn yaa neere).
كَأَمۡثَٰلِ ٱللُّؤۡلُوِٕ ٱلۡمَكۡنُونِ
Sẽn yaa wala lʋ'ʋlʋ'ʋ (kĩndi) sẽn be zẽeng mumd pʋgẽ.
جَزَآءَۢ بِمَا كَانُواْ يَعۡمَلُونَ
Tɩ yaa rolb ne bũmb ning bãmb sẽn da yɩ n tʋmdẽ wã.
لَا يَسۡمَعُونَ فِيهَا لَغۡوٗا وَلَا تَأۡثِيمًا
B pa wʋmd gom-zaal a pʋgẽ, b pa wʋmd gom-beed me.
إِلَّا قِيلٗا سَلَٰمٗا سَلَٰمٗا
Sã n pa sẽn yete :"tɩlgre! Tɩlgre".
وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
La rɩtg zãma wã, bõe la rɩtg zãma?
فِي سِدۡرٖ مَّخۡضُودٖ
Bãmb bee mugnug tɩɩs tẽngr sẽn bale (pa tar gõose).
وَطَلۡحٖ مَّنضُودٖ
La banand sẽn gĩni.
وَظِلّٖ مَّمۡدُودٖ
La maasem sẽn yadge.
وَمَآءٖ مَّسۡكُوبٖ
La koom sẽn kiigdi.
وَفَٰكِهَةٖ كَثِيرَةٖ
La tɩ-biis wʋsgo.
لَّا مَقۡطُوعَةٖ وَلَا مَمۡنُوعَةٖ
Pa tar wãagre, pa mongr me.
وَفُرُشٖ مَّرۡفُوعَةٍ
La gãt sẽn zẽke.
إِنَّآ أَنشَأۡنَٰهُنَّ إِنشَآءٗ
Tõnd yẽbga bãmb yẽbgr tεkẽ.
فَجَعَلۡنَٰهُنَّ أَبۡكَارًا
N maan-b tɩ b yaa pʋg-sɑdba.
عُرُبًا أَتۡرَابٗا
N yaa rʋla n yaa reem-n-taase.
لِّأَصۡحَٰبِ ٱلۡيَمِينِ
Tɩ yɑɑ sẽn nɑ n kõ rɩtg zãma wã.
ثُلَّةٞ مِّنَ ٱلۡأَوَّلِينَ
B sul wʋsg sẽn yi rãeenem rãmbẽ wã.
وَثُلَّةٞ مِّنَ ٱلۡأٓخِرِينَ
La sul wʋsg sẽn yi yaoolem rãmbẽ wã.
وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
La goabg zãma wã, bõe la goabg zãma?
فِي سَمُومٖ وَحَمِيمٖ
Bãmb bee seb-tʋʋlg pʋgẽ la ko-kaeedga.
وَظِلّٖ مِّن يَحۡمُومٖ
La maasem sẽn sobg ne bug zõose.
لَّا بَارِدٖ وَلَا كَرِيمٍ
Pa maase, pa nafd me.
إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Bãmb ra yɩɩme, wãnda taoore, n yaa wʋm-noog rãmba.
وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
B na n tigim-b lame n tʋg wakat ning b sẽn mi wã.
وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
B ra yɩɩme n yetẽ: "rẽ yĩnga tõnd sã n ki n lebg tom la kõba, rẽ yĩng tõnd yaa b sẽn na n yik-b rãmba?
أَوَءَابَآؤُنَا ٱلۡأَوَّلُونَ
Ne tõnd saam rẽemsã fãa?
قُلۡ إِنَّ ٱلۡأَوَّلِينَ وَٱلۡأٓخِرِينَ
Yeele: "ad rẽenem rãmbã la yaoolem rãmba.
لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
B na n tigim-b lame n tʋg wakat ning b sẽn mi wã.
ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Rẽ poorẽ, ad yãmba, yãmb a mẽnemdba n yaa yagsdba!
لَأٓكِلُونَ مِن شَجَرٖ مِّن زَقُّومٖ
La tɩ yãmb na rɩ Zakʋʋm tɩɩgã (Tok sẽneg tɩɩga).
فَمَالِـُٔونَ مِنۡهَا ٱلۡبُطُونَ
N pids pʋsã ne-a.
فَشَٰرِبُونَ عَلَيۡهِ مِنَ ٱلۡحَمِيمِ
N yũud a zug ko-kaeedse.
فَشَٰرِبُونَ شُرۡبَ ٱلۡهِيمِ
N yũud-a, yʋgemd sẽn tar koyũud n pa tɩgd bãag yũubu".
هَٰذَا نُزُلُهُمۡ يَوۡمَ ٱلدِّينِ
Wãnde la bãmb sigb zĩig Rolbã raare.
نَحۡنُ خَلَقۡنَٰكُمۡ فَلَوۡلَا تُصَدِّقُونَ
Tõnd n naan yãmba, y pa na n kõ sɩda?
أَفَرَءَيۡتُم مَّا تُمۡنُونَ
Yãmb pa yã bũmb ning y sẽn kiigd sẽn yaa mani wã?.
ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Yaa yãmb n naand-a bɩ yaa Tõnd la Naand-a?
نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Tõnd korda kũumã yãmb pʋgẽ, la bũmb ka tõe n gɩdg Tõndo.
عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Tɩ D tedg yãmb bilgri, la D yẽbg yãmb y sẽn pa mi pʋgẽ.
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
La sɩd la hakɩɩka yãmb bãnga yẽbg rãeengã, yãmb pa na n tẽege?
أَفَرَءَيۡتُم مَّا تَحۡرُثُونَ
Yãmb pa yã bũmb ning yãmb sẽn koodã,
ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Yaa yãmb n kood-a bɩ, bɩ yaa Tõnd la Koaadba?
لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
La tɩ Tõnd sã n da tʋlla, D na maan-a t'a yaa sẽn zendge, tɩ yãmb kell n maan yel-soalma.
إِنَّا لَمُغۡرَمُونَ
Ad tõnd kẽe bõn pʋgẽ.
بَلۡ نَحۡنُ مَحۡرُومُونَ
Pa woto ye! Tõnd yaa b sẽn mong-b rãmba.
أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Yãmb pa yã koom ning y sẽn yũudã.
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Rẽ yĩnga yãmb n sik-a sawatẽ bɩ, bɩ yaa Tõnd la Sikdba?
لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
La tɩ d sã n tʋlla, D na maan-a t'a yaa miisinga, yãmb pa na n pʋʋs barka?
أَفَرَءَيۡتُمُ ٱلنَّارَ ٱلَّتِي تُورُونَ
Yãmb pa yã bugum ning yãmb sẽn widgdã,
ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Yãmb n yẽbg a tɩɩgã bɩ, bɩ yaa Tõnd la a Yẽbgdba?
نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
Tõnd maan-a lame t'a yaa (Laahr Bugmã) tẽegre, n leb n yɑɑ wʋm-noogo la nɑfɑ ne kẽn-kẽndbɑ.
فَسَبِّحۡ بِٱسۡمِ رَبِّكَ ٱلۡعَظِيمِ
Bɩ f yɩlg f Soab-zɩsgã yʋʋre.
۞ فَلَآ أُقۡسِمُ بِمَوَٰقِعِ ٱلنُّجُومِ
M na wẽen ne ãdsã lʋɩɩs zĩisi.
وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
La ad a yaa wẽeneg sẽn bedem tɩ yãmb sã n da miime.
إِنَّهُۥ لَقُرۡءَانٞ كَرِيمٞ
Ad a yaa Alkʋrãan Wagelle.
فِي كِتَٰبٖ مَّكۡنُونٖ
N be gaf sẽn tar gũub pʋgẽ.
لَّا يَمَسُّهُۥٓ إِلَّا ٱلۡمُطَهَّرُونَ
Pa sɩɩsd-a, rẽnd b sẽn yɩlg-b rãmba.
تَنزِيلٞ مِّن رَّبِّ ٱلۡعَٰلَمِينَ
Yaa sẽn sig n yi bõn-naandsã Soab nengẽ.
أَفَبِهَٰذَا ٱلۡحَدِيثِ أَنتُم مُّدۡهِنُونَ
Pɑ Gom kãeesã la yãmb yagsda?
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
La y rɩk y sẽn dɑ sõmb pʋʋs bɑrkã, n maand lagem-n-taare, ne y sẽn dik yãmb rɩtlã n teesd ne bõn-nɑɑnse lɑ y yagsd Wẽnd neemã wã?.
فَلَوۡلَآ إِذَا بَلَغَتِ ٱلۡحُلۡقُومَ
La yõor sã n wa ta koekoay-londẽ.
وَأَنتُمۡ حِينَئِذٖ تَنظُرُونَ
Wakat kãng tɩ yãmb getẽ.
وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
La Tõnd n pẽ-a n yɩɩd yãmb la yãmb pa ne ye.
فَلَوۡلَآ إِن كُنتُمۡ غَيۡرَ مَدِينِينَ
La yãmb sã n da yɩɩme n yaa b sẽn pa tõe n yik-b rãmba(kũumɑ poorẽ).
تَرۡجِعُونَهَآ إِن كُنتُمۡ صَٰدِقِينَ
Y lebsd-y-yã-a lame, tɩ y sã n yaa sɩd rãmba.
فَأَمَّآ إِن كَانَ مِنَ ٱلۡمُقَرَّبِينَ
La sã n yaa b sẽn pẽneg-b rãmba.
فَرَوۡحٞ وَرَيۡحَانٞ وَجَنَّتُ نَعِيمٖ
Yaa vʋʋsem la Raeehaan tɩɩse (yũ-noodo) la Arzãn bʋgsgo.
وَأَمَّآ إِن كَانَ مِنۡ أَصۡحَٰبِ ٱلۡيَمِينِ
La sã n yaa rɩtg zãma wã.
فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
Rẽnd "tɩlgr be ne-fo" tɩ sã n yɑɑ rɩtɩg zãmã.
وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
La sã n yɩɩme n yaa yagsdb n yaa menemdbã.
فَنُزُلٞ مِّنۡ حَمِيمٖ
Yaa sigbu, ko-tʋʋlg pʋga.
وَتَصۡلِيَةُ جَحِيمٍ
La Gεhɩɩm kõom.
إِنَّ هَٰذَا لَهُوَ حَقُّ ٱلۡيَقِينِ
Ad wãnde la sɩd vẽenegã.
فَسَبِّحۡ بِٱسۡمِ رَبِّكَ ٱلۡعَظِيمِ
Bɩ f yɩlg f Soab-zɩsgã yʋʋre.
Available languages
العربية Qafár af Shqip አማርኛ أنكو Akan অসমীয়া Azərbaycanca Bisaya Bosanski 中文 Hrvatski Nederlands English Français Deutsch ગુજરાતી Hausa हिन्दी Ikirundi Indonesia 日本語 ಕನ್ನಡ ភាសាខ្មែរ Ikinyarwanda كوردی سۆرانی Kyrgyz Lingala lietuvių Македонски Maguindanaon മലയാളം Mõõré oromoo پښتو فارسی Portuguese ਪੰਜਾਬੀ Română Српски සිංහල Soomaaliga Español Kiswahili Tagalog Тоҷикӣ தமிழ் తెలుగు Türkçe اردو ئۇيغۇرچە Ўзбек Việt Nam Yorùbá