kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã
Yii a Abɩɩ ʿAbd Allaah, Gεεbr ɭbn ʿAbd Allah, Al-anṣaariy nengẽ (Wẽnd yard be b yiibã yĩnga):
Tɩ raoa n sok Wẽnd Tẽn-tʋʋma, Wẽnd pʋʋsg la A tɩlgr be a yĩnga, n yeele : kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã, la m bas haraamã, la m ka paas baa fʋɩ woto zugu, rẽn yĩnga m na kẽ arzẽnã? T’a yeele : « n-yee».
أَنَّ رَجُلًا سَأَلَ رَسُولَ اللهِ صَلَّى اللهُ عَلَيْهِ وَسَلَّمَ، فَقَالَ: أَرَأَيْتَ إِذَا صَلَّيْتُ المَكْتُوبَاتِ، وَصُمْتُ رَمَضَانَ، وَأَحْلَلْتُ الحَلَالَ، وَحَرَّمْتُ الحَرَامَ، وَلَمْ أَزِدْ عَلَى ذَلِكَ شَيْئًا، أَأَدْخُلُ الجَنَّةَ؟ قَالَ: «نَعَمْ».
Nabiyaamã, Wẽnd pʋʋsg la A tɩlgr be a yĩnga, vẽnegdame n wiligdẽ, tɩ ned ning sẽn pʋʋsa wakat a nu wã sẽn yaa farilã, n ka tol m paas baa fɩ sẽn yi naafɩl-rambẽ wã, la a leb n loe Ramadaanã, n ka tol n loe naafɩla, la a loe a sũurẽ tɩ halaal yaa halaal la a tʋm-a, la a leb n loe a sũurẽ tɩ haraam yaa sẽn gɩdge, n zãag a meng ne-a, t’a soab kẽeda arzãna.
Yõod sẽn be hadiis kãngã pʋgẽ: A wilgdame tɩ lɩslaam sõmb talla yã-beed ne faril-rãmbã tʋuma, la yel-gɩdgdsã basbo; la a raabã me le yɩ arzãnã kõom.
Hadiisã wilgda halaal maaneg sẽn ta zĩig ninga, la f leb n loe f sũurẽ wã t’a yaa halaalã, n leb n wilgd haraam basgo, la f leb n loe f sũurẽ wã t’a yaa haraame.
A leb n wilgda waagib-rãmbã, b sẽn sagl foom yεl ninsã, la f bas b sẽn gɩdg foomã, a yaa sabab n kẽesd arzãna.
Ṣahɩɩh Muslim (1/ 44) (15).
Pɑɑgã (3)
جامع العلوم والحكم (1/513).
شرح الأربعين النووية للعثيمين (ص: 215).
فتح القوي المتين في شرح الأربعين للعباد (ص 77).