المُطَففين

Duwan duwan den nu manga salimbuten.

I amayka mapa-asad silan kanu manga taw na mapadtalutup silan.

Endu amayka magasad ataw ka edtimbang silan kanu manga taw na mamelugi silan.

Ngintu di nilan ga-antap i saben-sabenal na pambuwaten bun silan?

Kanu gay a masla.

Gay a temindeg su manga taw kanu kadenan nu sakalyan alam.

Bantang! Saben-sabenal na su lukisan nu manga dalwaka na da den kabplis nin na siya kanu Sijjeen.

Endu di nengka katawan (Muhammad) u ngin i Sijjeen?

Lukisan (ebpanulatan) a aden bilangan nin.

Duwan-duwan nin sa kanu entuba a gay su manga napandalbut,

A papendalbut kanu Yawm Ad-Deen.

Endu dala papendalbut lun ya tabya na su langun u matibaba a baladusa.

Amayka batiyan sa kanilan su manga tanda nami (Qur'an) na ya nilan edtalun na "Nan bun ba su manga tudtulan nu manga nawna (a manga taw).”

Kena! Ka edtangis den su manga pamusungan nilan kanu nganin a nanggalebek nilan.

Uway! Saben-sabenal na su silan (manga dalwaka) kanu Kadenan nilan na da ka-ebplis in na kangadalindingan (di nilan mailay su Allah).

Mawli na saben-sabenal na silan bantu na da den ka-ebplis in na makaludep silan kanu jaheem (naraka).

Mawli na edtalun sa kanilan (nu malaikat) nan den ba su ya nu kaaden lun (sa dunya) na papendalbuten nu.

Benal! Saben-sabenal na su lukisan nu manga mapya a taw na da ka-ebplis in na siya kanu Eilliyyeen?

Endu di nengka katawan (Muhammad) ngin i Eilliyyeen?

Lukisan a aden manga bilangan nin.

Pedsaksiyan sekanin nu manga masiken kanu Allah (malaikat).

Saben-sabenal a su manga mapya a manga taw na da ka-ebplis in na siya den matagu kanu limu.

Kanu untul nu manga usungan (bangku a malendu) silan bamedtulik.

Katawan nengka kanu manga pamenengan nilan su kapiyanan nu limu.

Pabpaginumen sila ebpun kanu alak a sinapengan.

Ya mawli a edtak in na “misk” (midtaman i kamutin) entuba i sabap nin i kagkuya-kuya nu manga taw kanu galebek a mapya.

Endu ya nin simbul na ebpun sa Tasneem (buwalan na surga).

Su buwal a mamanginem lun su manga masiken ku Allah.

Saben-sabenal na su silan a mimbaladusa na ya nilan kaaden kanu manga namalityala na pedtatawan nilan (sa dunya).

Amayka kasagadan nilan silan na pegkekedatay silan.

Endu amayka embalingan silan kanu pamilya nilan na mangagalaw silan (sabap kanu kinadsudi nilan kanilan).

Endu amayka mailay nilan silan na ya nilan edtalun na “saben-sabenal na silan ba nan na da den ka-ebplis in na nangatadin!”

Endu di kena silan inipapayt a edtanding kanilan.

Na saguna a gay na su manga namalityala manem i edtatawa kanu manga supak.

Kanu untul nu manga usungan (bangku a malendu) silan bamedtulik.

Ngintu binalasan su manga kafir kanu nganin a ya nilan kaaden na penggalebek nilan?