المَعَارج

Aden minidsa sa idsa kanu siksa a pakawma.

Kanu manga kafir (i siksa) a dala maka-alaw lun.

Ebpun sa Allah a lekanin su manga langit.

Na bamusugan nu manga malaikat endu su Jibril lu gataman kanu ukul nin, su siksa a idsa nilan na sya makabetad kanu gay na ya nin kawget na sagay na lima ngibu lagun.

Edsabari ka (Muhammad) sa kadsabar a matilak.

Saben-sabenal su manga kafir na ya nilan kailay sa siksa na mawatan.

Na kailay nami lun na masupeg a benal.

Su gay a mabaluy su langit sa mana bulawan a gatunag.

Endu mabaluy menem su palaw sa mana bumbul a pakabayug.

Endu di makaidsa nu suled nin su suled.

Ipailay sa kanilan su naraka, na ya mapalnganay nu kafir na makapangawn nin sa siksa su manga wata nin.

Atawaka si kaluma nin atawaka suled nin.

Atawaka su katupwan nin.

Endu su dalem nu lupa, mawli na malepas.

Di kena ka naraka a pegkalaw-kalaw (i makwa nilan).

Pedtutung sa kemalaput atawaka upis na ulu.

Pangenggaten na timalingkud endu menda.

Ya nin tinemu na tamuk sya kanu pembetadan lun.

Saben-sabenal su manusya na binaluy sa mapadayu.

Amayka nawma na mapya na masingit.

Endu ngin den a kapya na ginawa amayka mawma na mapya.

Ya tabya na su barasambayang.

Su manga taw a tatap sa kanilan su sambayang.

Endu ibagawa nilan su kawagib kanu tamuk nilan.

Lu kanu bangeni, atawaka naibpedan (a tamuk)

Endu bangimbenalen nilan su gay a kapamalas.

Endu silan a manga taw na ipegkagilek nilan su siksa nu kadenan nilan.

Saben-sabenal kanu siksa nu Kadenan na dala kalepas lun.

Entuba a manga taw na tinuganul nilan su sangulan nilan.

Sa salakaw kanu manga kaluma nilan atawaka ulipen nilan ka di silan embaradusa.

Su taw a sagadan nin su dulunan entu ba i darwaka.

(Su manga mu’min) na entu ba a manga taw na pedtyakapan nilan su inisalig sa kanilan endu su pasad nilan.

Entu ba a manga taw na tindegan nilan i kadsaksiyan nilan.

Na entuba a manga taw na pebparihalan nilan su sambayang nilan.

Entuba i manga taw a dalem na surga a ipebpulu silan.

Ngin i manga kafir antu a pedsangulan kanilan sa pedtulik tanan sa leka.

Biwang-kawanan nengka sa nadtumpuk silan.

Ngintu ya kyug na uman isa sa kanilan na makaludep sa surga na’eem?

Di, saben-sabenal a binaluy nami silan sa katawan nilan.

Saki (Allah) idsapa ku sa ginawa kigkwan sa sebangan-sedepan na magaga nami i sambiyan nami

Sambyan ami silan sa labi i kapya nin, na dala sa lekami i kalawanan kami.

Pasagadi ka silan sa batil nilan endu kandadalemet bu, ka mawma nilan i gay nilan a nakapagadil a siksa sa kanilan.

Gay a kalyu nilan sa kubur sa lu silan makapamagayas kanu kabuligan a matidtu i katundug a bamagayas.

Lusak i kabpagilay a maytem i biyas, entu ba su gay a siksa sa kanilan, entu ba su siksa a bangenin nilan sya sa dunya.