الٓمٓ
Alif-Laam-Meem (su Allah bu i mataw kanu ma’na nin).
عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
Surah List /
البَقَرَة
ﮎالبَقَرَة is chapter 2 of the Quran and has 286 verses. This page presents it in full in the Uthmani script, with a verse-by-verse translation of its meaning.
286 Ayahs Surah No. 2
بِسْمِ ٱللَّهِ ٱلرَّحْمَٰنِ ٱلرَّحِيمِ
ذَٰلِكَ ٱلۡكِتَٰبُ لَا رَيۡبَۛ فِيهِۛ هُدٗى لِّلۡمُتَّقِينَ
Su entuba a kitab (Qur’an) na dala kanduwa-duwa nin, nakadalem sa lekanin su tutulu kanu manga taw a magilek sa lekanin (Allah).
ٱلَّذِينَ يُؤۡمِنُونَ بِٱلۡغَيۡبِ وَيُقِيمُونَ ٱلصَّلَوٰةَ وَمِمَّا رَزَقۡنَٰهُمۡ يُنفِقُونَ
Su silan antu a manga taw na balityalan (bangimbenalen) nilan su dala mailay nu mata nilan, (surga, naraka) endu ipedtindeg nilan su sambayang endu su ini-rizki nami kanilan na penggastun nilan.
وَٱلَّذِينَ يُؤۡمِنُونَ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ وَبِٱلۡأٓخِرَةِ هُمۡ يُوقِنُونَ
Endu su silan a manga taw a balityalan (bangimbenalen) nilan su nganin a nakatulun sa leka (Muhammad), endu su nganin a nakatulun a nawna pan sa leka, endu su gay a mawli na baginugutan nilan sa talutup (di gapinda kanu atay nilan).
أُوْلَٰٓئِكَ عَلَىٰ هُدٗى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ
Silan antu a manga taw a nakambetad kanu tutulu ebpun kanu Kadenan nilan, endu silan ba i manga taw a naka-untung (sa dunya-akhirat).
إِنَّ ٱلَّذِينَ كَفَرُواْ سَوَآءٌ عَلَيۡهِمۡ ءَأَنذَرۡتَهُمۡ أَمۡ لَمۡ تُنذِرۡهُمۡ لَا يُؤۡمِنُونَ
Saben-sabenal su silan a manga mig-kafir na magidsan pan i panging-gileken silan ataw ka dili, na di bun mangimbenal (kanu langun a napananggit nengka ebpun kanu Allah).
خَتَمَ ٱللَّهُ عَلَىٰ قُلُوبِهِمۡ وَعَلَىٰ سَمۡعِهِمۡۖ وَعَلَىٰٓ أَبۡصَٰرِهِمۡ غِشَٰوَةٞۖ وَلَهُمۡ عَذَابٌ عَظِيمٞ
Tinutupan nu Allah su manga pusung nilan endu su manga kapegkakineg nilan endu inumbalan nu Allah su kapegka-ilay nilan sa sapeng, sa kanilan den su siksa a sangat a masla.
وَمِنَ ٱلنَّاسِ مَن يَقُولُ ءَامَنَّا بِٱللَّهِ وَبِٱلۡيَوۡمِ ٱلۡأٓخِرِ وَمَا هُم بِمُؤۡمِنِينَ
Endu su kaped kanu manga taw na pedtalu sa nalityala (nangimbenal) kami sa Allah endu sa gay a mawli, sa ula-ula a di kena silan bamalityala (bangimbenal).
يُخَٰدِعُونَ ٱللَّهَ وَٱلَّذِينَ ءَامَنُواْ وَمَا يَخۡدَعُونَ إِلَّآ أَنفُسَهُمۡ وَمَا يَشۡعُرُونَ
Ibagakala nilan su Allah endu su manga namalityala (nangimbenal), na dala gapagakalan nilan ya tabya na su manga ginawa nilan, sa ula-ula a di nilan egkagedam.
فِي قُلُوبِهِم مَّرَضٞ فَزَادَهُمُ ٱللَّهُ مَرَضٗاۖ وَلَهُمۡ عَذَابٌ أَلِيمُۢ بِمَا كَانُواْ يَكۡذِبُونَ
Nakadalem kanu manga pamusungan (nu manga munafiq) i sakit (kamunafiq), na inumanan nu Allah sa kanilan i namba a sakit, endu kanilan su siksa a masakit sabap kanu nganin a kaaden nilan a kapendalbut nilan.
وَإِذَا قِيلَ لَهُمۡ لَا تُفۡسِدُواْ فِي ٱلۡأَرۡضِ قَالُوٓاْ إِنَّمَا نَحۡنُ مُصۡلِحُونَ
Endu amayka pedtalun kanilan: da kanu baminasa kanu kalupan, na ya nilan kadtalu: sekami i pakagkapiya.
أَلَآ إِنَّهُمۡ هُمُ ٱلۡمُفۡسِدُونَ وَلَٰكِن لَّا يَشۡعُرُونَ
Tanudan! Ka saben-sabenal a silan a manga taw i baminasa, ugayd na di nilan egkagedam.
وَإِذَا قِيلَ لَهُمۡ ءَامِنُواْ كَمَآ ءَامَنَ ٱلنَّاسُ قَالُوٓاْ أَنُؤۡمِنُ كَمَآ ءَامَنَ ٱلسُّفَهَآءُۗ أَلَآ إِنَّهُمۡ هُمُ ٱلسُّفَهَآءُ وَلَٰكِن لَّا يَعۡلَمُونَ
Endu amayka pedtalun kanilan: palityala (pangimbenal) kanu sa mana su kinapalityala (kinapangimbenal) nu manga taw, ya nilan kadtalu: enduken ka pakapalityala (pakapangimbenal) kami sa mamba sa manga taw a dala ugangen nin, (di mataw), Tanudan! silan i dala ungangen nin, ugayd na dili nilan katawan.
وَإِذَا لَقُواْ ٱلَّذِينَ ءَامَنُواْ قَالُوٓاْ ءَامَنَّا وَإِذَا خَلَوۡاْ إِلَىٰ شَيَٰطِينِهِمۡ قَالُوٓاْ إِنَّا مَعَكُمۡ إِنَّمَا نَحۡنُ مُسۡتَهۡزِءُونَ
Endu amayka madsumbak nilan su manga namalityala (namangimbenal), ya nilan kadtalu: nalityala (nangimbenal) kami, endu amayka makalu silan kanu manga egkanga-unutan nilan na ya nilan kadtalu: saben-sabenal na sekami na tagapeda nu, saben-sabenal na bagungaten (pedsudyan) nami bu silan.
ٱللَّهُ يَسۡتَهۡزِئُ بِهِمۡ وَيَمُدُّهُمۡ فِي طُغۡيَٰنِهِمۡ يَعۡمَهُونَ
Su Allah i bagungat kanilan endu papendaya kanilan, kanu katadingan nilan sa manduwa-duwa silan.
أُوْلَٰٓئِكَ ٱلَّذِينَ ٱشۡتَرَوُاْ ٱلضَّلَٰلَةَ بِٱلۡهُدَىٰ فَمَا رَبِحَت تِّجَٰرَتُهُمۡ وَمَا كَانُواْ مُهۡتَدِينَ
Silan a manga taw na inisambi nilan su katadingan sa tutulu, na dala silan maka-untung kanu dagangan nilan, endu dala maaden silan sa matutulu.
مَثَلُهُمۡ كَمَثَلِ ٱلَّذِي ٱسۡتَوۡقَدَ نَارٗا فَلَمَّآ أَضَآءَتۡ مَا حَوۡلَهُۥ ذَهَبَ ٱللَّهُ بِنُورِهِمۡ وَتَرَكَهُمۡ فِي ظُلُمَٰتٖ لَّا يُبۡصِرُونَ
Upaman nilan na mana bun silan minyag sa apuy, guna su nasalindawan nin su nganin a embala-bala sa kanilan na ini-awa nu Allah su sigay nin, sya den silan matagu kanu malibuteng sa di den silan maka-ilay.
صُمُّۢ بُكۡمٌ عُمۡيٞ فَهُمۡ لَا يَرۡجِعُونَ
Manga bisu, maw, pisek silan (kanu bantang) na silan na di makambalingan (kanu bantang).
أَوۡ كَصَيِّبٖ مِّنَ ٱلسَّمَآءِ فِيهِ ظُلُمَٰتٞ وَرَعۡدٞ وَبَرۡقٞ يَجۡعَلُونَ أَصَٰبِعَهُمۡ فِيٓ ءَاذَانِهِم مِّنَ ٱلصَّوَٰعِقِ حَذَرَ ٱلۡمَوۡتِۚ وَٱللَّهُ مُحِيطُۢ بِٱلۡكَٰفِرِينَ
Ataw ka ya upaman nu entu a manga taw na dadtem ebpun sa langit a nadalem lun i malibuteng endu palti endu kilat, ibetad nilan su manga lima nilan sya kanu manga tangila nilan (endu di nilan makineg) sabap kanu kilat, kagilekan sa kapatay, endu su Allah na balibet kanu manga kafir (sinumupak).
يَكَادُ ٱلۡبَرۡقُ يَخۡطَفُ أَبۡصَٰرَهُمۡۖ كُلَّمَآ أَضَآءَ لَهُم مَّشَوۡاْ فِيهِ وَإِذَآ أَظۡلَمَ عَلَيۡهِمۡ قَامُواْۚ وَلَوۡ شَآءَ ٱللَّهُ لَذَهَبَ بِسَمۡعِهِمۡ وَأَبۡصَٰرِهِمۡۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ
Paydu bu gayd i di kaped-sayab nu kilat kanu kapeg-kailay nilan, uman kalinawagan silan nu kilat na lumalakaw menem silan, amayka nalibutengan silan na makatindeg menem silan, umana bu ka pigkahanda nu Allah i maawa su kakineg nilan, kailay nilan, sabena-sabenal na su Allah na egkagaga nin i langun nu enggaga-isa.
يَٰٓأَيُّهَا ٱلنَّاسُ ٱعۡبُدُواْ رَبَّكُمُ ٱلَّذِي خَلَقَكُمۡ وَٱلَّذِينَ مِن قَبۡلِكُمۡ لَعَلَّكُمۡ تَتَّقُونَ
Hay! Sekanu a manga taw, simba nu su Kadenan nu a minaden sa lekanu, endu kanu manga taw a nangawna sa lekanu, malemu-lemu sa lekanu i kagilek nu sa lekanin a Allah.
ٱلَّذِي جَعَلَ لَكُمُ ٱلۡأَرۡضَ فِرَٰشٗا وَٱلسَّمَآءَ بِنَآءٗ وَأَنزَلَ مِنَ ٱلسَّمَآءِ مَآءٗ فَأَخۡرَجَ بِهِۦ مِنَ ٱلثَّمَرَٰتِ رِزۡقٗا لَّكُمۡۖ فَلَا تَجۡعَلُواْ لِلَّهِ أَندَادٗا وَأَنتُمۡ تَعۡلَمُونَ
Su Allah i minaluy sa lekanu kanu lupa a nakabelat endu su langit a pimbalay nin endu pinatulun nin sa lekanu su ulan a ebpun sa langit na pinambuat nin i manga unga sa rizki sa lekanu, na da kanu mangumbal sa manga salepeng nu Allah a pedsimban sa ula-ula a sekanu na katawan nu.
وَإِن كُنتُمۡ فِي رَيۡبٖ مِّمَّا نَزَّلۡنَا عَلَىٰ عَبۡدِنَا فَأۡتُواْ بِسُورَةٖ مِّن مِّثۡلِهِۦ وَٱدۡعُواْ شُهَدَآءَكُم مِّن دُونِ ٱللَّهِ إِن كُنتُمۡ صَٰدِقِينَ
Endu amayka ya nu kaaden i penduwa-duwa kanu (Arab, Yahudi, Nasrani) kanu nganin a initulun nami (a Qur’an) kanu ulipen nami (Muhammad) na enggay kanu sa satiman bu a surah a pagidsan nin, endu tawag nu su manga tabangay nu a salakaw kanu Allah amayka ya nu kaaden i bantang kanu.
فَإِن لَّمۡ تَفۡعَلُواْ وَلَن تَفۡعَلُواْ فَٱتَّقُواْ ٱلنَّارَ ٱلَّتِي وَقُودُهَا ٱلنَّاسُ وَٱلۡحِجَارَةُۖ أُعِدَّتۡ لِلۡكَٰفِرِينَ
Amayka di nu manggalebek endu di nu den a benal manggalebek na ikagilek nu su apuy a ibalaleg lun na manga taw endu manga watu (barahala) nilan, inipagadil kanu manga kafir.
وَبَشِّرِ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ أَنَّ لَهُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۖ كُلَّمَا رُزِقُواْ مِنۡهَا مِن ثَمَرَةٖ رِّزۡقٗا قَالُواْ هَٰذَا ٱلَّذِي رُزِقۡنَا مِن قَبۡلُۖ وَأُتُواْ بِهِۦ مُتَشَٰبِهٗاۖ وَلَهُمۡ فِيهَآ أَزۡوَٰجٞ مُّطَهَّرَةٞۖ وَهُمۡ فِيهَا خَٰلِدُونَ
Panudtul ka (pakalilini ka) (Muhammad) kanu silan a manga taw a namalityala (namangimbenal) endu minggalebek silan sa manga mapya i saben-sabenal na aden kanilan i manga surga a pedtuga (pelagilay) sa kababan nin i manga lawas a ig, uman silan rizkiyan sa manga unga na kayu na ya nilan madtalu na man bun ba su nawna antu a nakawma sa lekitanu, initalingguma kanilan su rizki a makadsusulagida, endu aden kanilan lu sa surga i manga kaluma a suti, endu silan a manga taw kanu surga na taman sa taman (dayun sa dayun).
۞ إِنَّ ٱللَّهَ لَا يَسۡتَحۡيِۦٓ أَن يَضۡرِبَ مَثَلٗا مَّا بَعُوضَةٗ فَمَا فَوۡقَهَاۚ فَأَمَّا ٱلَّذِينَ ءَامَنُواْ فَيَعۡلَمُونَ أَنَّهُ ٱلۡحَقُّ مِن رَّبِّهِمۡۖ وَأَمَّا ٱلَّذِينَ كَفَرُواْ فَيَقُولُونَ مَاذَآ أَرَادَ ٱللَّهُ بِهَٰذَا مَثَلٗاۘ يُضِلُّ بِهِۦ كَثِيرٗا وَيَهۡدِي بِهِۦ كَثِيرٗاۚ وَمَا يُضِلُّ بِهِۦٓ إِلَّا ٱلۡفَٰسِقِينَ
Saben-sabenal su Allah na di nin ikaya i kapangupama nin sa upaman, apiya pan mana bu tagenek, u di na labi lawan pan lun su manga namalityala (namangimbenal) na katawan nilan su Haqq (bantang) na ebpun kanu Allah, su manga kafir menem na ya nilan kadtalu: ngin i kahanda nu Allah sa namba a upaman? Sa pakatadin sa madakel a pakatutulu bun sa madakel, na dala gatadin ya tabya na su manga taw a faasiq (baladusa).
ٱلَّذِينَ يَنقُضُونَ عَهۡدَ ٱللَّهِ مِنۢ بَعۡدِ مِيثَٰقِهِۦ وَيَقۡطَعُونَ مَآ أَمَرَ ٱللَّهُ بِهِۦٓ أَن يُوصَلَ وَيُفۡسِدُونَ فِي ٱلۡأَرۡضِۚ أُوْلَٰٓئِكَ هُمُ ٱلۡخَٰسِرُونَ
A su silan antu a manga taw a binaluba nilan (da nilan tumana) su pasad sa Allah sa ulyan na kinapalut nin endu pedtebpeden nilan su nganin a inisugu nu Allah i kapadsumpat lun (su kadsusuled) endu baminasa silan kanu kalupan sa entu ba silan a manga taw a nangalugi.
كَيۡفَ تَكۡفُرُونَ بِٱللَّهِ وَكُنتُمۡ أَمۡوَٰتٗا فَأَحۡيَٰكُمۡۖ ثُمَّ يُمِيتُكُمۡ ثُمَّ يُحۡيِيكُمۡ ثُمَّ إِلَيۡهِ تُرۡجَعُونَ
Panun i kapeg-kafir nu sa kanu Allah sa ula-ula ya nu kaaden na manga minatay kanu, na inuyag kanu nin (sya sa dunya) mawli na imatayan kanu nin, mawli na uyagen kanu menem (kanu kabangkit sa dunya), mawli na lu kanu langun sa lekanin (Allah) makambalingan.
هُوَ ٱلَّذِي خَلَقَ لَكُم مَّا فِي ٱلۡأَرۡضِ جَمِيعٗا ثُمَّ ٱسۡتَوَىٰٓ إِلَى ٱلسَّمَآءِ فَسَوَّىٰهُنَّ سَبۡعَ سَمَٰوَٰتٖۚ وَهُوَ بِكُلِّ شَيۡءٍ عَلِيمٞ
Sekanin (Allah) i minaden sa lekanu kanu nganin a dalem nu lupa sa langun, mawli na migkahanda lu sa langit, binaluy nin menem su pitu lapis a langit, sekanin (Allah) kanu langun nu enggaga-isa na katawanin.
وَإِذۡ قَالَ رَبُّكَ لِلۡمَلَٰٓئِكَةِ إِنِّي جَاعِلٞ فِي ٱلۡأَرۡضِ خَلِيفَةٗۖ قَالُوٓاْ أَتَجۡعَلُ فِيهَا مَن يُفۡسِدُ فِيهَا وَيَسۡفِكُ ٱلدِّمَآءَ وَنَحۡنُ نُسَبِّحُ بِحَمۡدِكَ وَنُقَدِّسُ لَكَۖ قَالَ إِنِّيٓ أَعۡلَمُ مَا لَا تَعۡلَمُونَ
Kanu kutika antu a pidtalu nu Kadenan nengka (Muhammad) kanu manga malaikat i saben-sabenal na saki na mangaden ako sya sa lupa sa khalifah (bangsa manusya), ya pidtalu nu manga malaikat: enduken ka bangaden ka pan sa manusya a endupang bu sya sa lupa endu mapatuga silan sa lugu? Sa ula-ula a sekami (malaikat) na pedtasbih kami a pebpugi sa leka endu pedsutin nami seka, ya pidtalu (nu Allah): saben-sabenal na saki i labi a mataw kanu nganin a di nu katawan.
وَعَلَّمَ ءَادَمَ ٱلۡأَسۡمَآءَ كُلَّهَا ثُمَّ عَرَضَهُمۡ عَلَى ٱلۡمَلَٰٓئِكَةِ فَقَالَ أَنۢبِـُٔونِي بِأَسۡمَآءِ هَٰٓؤُلَآءِ إِن كُنتُمۡ صَٰدِقِينَ
Pinamandu (nu Allah) si Adam sa manga ingalan sa langun nin mawli na ini-adul (ini-ayag) menem kanu manga malaikat na pidtalu nin, panudtul nu sa laki su manga ngala nilan, amayka ya nu kaaden i bantang.
قَالُواْ سُبۡحَٰنَكَ لَا عِلۡمَ لَنَآ إِلَّا مَا عَلَّمۡتَنَآۖ إِنَّكَ أَنتَ ٱلۡعَلِيمُ ٱلۡحَكِيمُ
Ya nadtalu nu manga malaikat: mahasuti ka a Kadenan nami dala katawan nami ya tabya na su inipamandu nengka sa lekami, saben-sabenal na seka i Kadenan nami a mapulu a maungangen.
قَالَ يَٰٓـَٔادَمُ أَنۢبِئۡهُم بِأَسۡمَآئِهِمۡۖ فَلَمَّآ أَنۢبَأَهُم بِأَسۡمَآئِهِمۡ قَالَ أَلَمۡ أَقُل لَّكُمۡ إِنِّيٓ أَعۡلَمُ غَيۡبَ ٱلسَّمَٰوَٰتِ وَٱلۡأَرۡضِ وَأَعۡلَمُ مَا تُبۡدُونَ وَمَا كُنتُمۡ تَكۡتُمُونَ
Pidtalu (nu Allah): Hay Adam! Pamanudtul ka kanilan su manga ngalan nilan, guna mapanudtul nu Adam kanilan i manga ngalan nilan na pidtalu (nu Allah): di kena ba pidtalu ku sa lekanu i saben-sabenal na saki i labi a mataw kanu dala pan mailay na mata sa langit endu lupa, endu katawan ku pan su langun na ipebpayag nu endu su nganin a ya nu kaaden na ibagena nu.
وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ أَبَىٰ وَٱسۡتَكۡبَرَ وَكَانَ مِنَ ٱلۡكَٰفِرِينَ
Endu pidtalu nami kanu manga malaikat: sugyudi nu si Adam, na sinemugyud su langun a malaikat ya tabiya a da sugyud na su Iblis, mibpalaw endu mimamasela, endu nabaluy sekanin a kaped kanu manga kafir.
وَقُلۡنَا يَٰٓـَٔادَمُ ٱسۡكُنۡ أَنتَ وَزَوۡجُكَ ٱلۡجَنَّةَ وَكُلَا مِنۡهَا رَغَدًا حَيۡثُ شِئۡتُمَا وَلَا تَقۡرَبَا هَٰذِهِ ٱلشَّجَرَةَ فَتَكُونَا مِنَ ٱلظَّٰلِمِينَ
Endu pidtalu nami (Allah): Hay Adam! endu su kaluma nin i tana kanu den sya sa surga, pangankan kanu sa endaw i kyug nu, di nu pedsikeni i nya ba a kayu, ka mabaluy kanu sa makuyug kanu manga taw a manga dupang.
فَأَزَلَّهُمَا ٱلشَّيۡطَٰنُ عَنۡهَا فَأَخۡرَجَهُمَا مِمَّا كَانَا فِيهِۖ وَقُلۡنَا ٱهۡبِطُواْ بَعۡضُكُمۡ لِبَعۡضٍ عَدُوّٞۖ وَلَكُمۡ فِي ٱلۡأَرۡضِ مُسۡتَقَرّٞ وَمَتَٰعٌ إِلَىٰ حِينٖ
Sinasat silan duwa nu Shaytan, inapas nin sa makalyu silan duwa sa surga, endu pidtalu nami: embaba kanu lu sa lupa, a mamagukag kanu bu. Aden bun kadtakena nu lu sa lupa endu kagkakalilinyan nu sa taman sa di kanu makaganat sa dunya.
فَتَلَقَّىٰٓ ءَادَمُ مِن رَّبِّهِۦ كَلِمَٰتٖ فَتَابَ عَلَيۡهِۚ إِنَّهُۥ هُوَ ٱلتَّوَّابُ ٱلرَّحِيمُ
Na tinalima ni Adam su mga bityala ebpun kanu pedtiyakap sa lekanin (Allah) saben-sabenal na sekanin (Allah) na banawbat a sangat a malimu (sa gay a mawli).
قُلۡنَا ٱهۡبِطُواْ مِنۡهَا جَمِيعٗاۖ فَإِمَّا يَأۡتِيَنَّكُم مِّنِّي هُدٗى فَمَن تَبِعَ هُدَايَ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Endu pidtalu nami: embaba kanu ebpun sa sulga, na amayka makawma su tutulu ku sa lekanu na entayn i taw a unutan nin su tutulu ku na da gilek nin sa ka-naraka endu di malidu i ginawa nin kanu kaganat nin (kapatay nin).
وَٱلَّذِينَ كَفَرُواْ وَكَذَّبُواْ بِـَٔايَٰتِنَآ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Endu su silan a manga taw a mig-kafir endu pinandalbut nilan su manga tanda nami (manga ayatan) na silan su manga taw a kigkuwan kanu naraka, silan kanu entuba na dayun sa dayun (taman sa taman).
يَٰبَنِيٓ إِسۡرَٰٓءِيلَ ٱذۡكُرُواْ نِعۡمَتِيَ ٱلَّتِيٓ أَنۡعَمۡتُ عَلَيۡكُمۡ وَأَوۡفُواْ بِعَهۡدِيٓ أُوفِ بِعَهۡدِكُمۡ وَإِيَّٰيَ فَٱرۡهَبُونِ
Sa kanu tupu nu manga Israel na tademi nu su limu ku a inikalimu ku sa lekanu endu tuman nu su pasad nu, ka tumanen ku su pasad ku sa lekanu, endu saki (Allah) i pangandam nu.
وَءَامِنُواْ بِمَآ أَنزَلۡتُ مُصَدِّقٗا لِّمَا مَعَكُمۡ وَلَا تَكُونُوٓاْ أَوَّلَ كَافِرِۭ بِهِۦۖ وَلَا تَشۡتَرُواْ بِـَٔايَٰتِي ثَمَنٗا قَلِيلٗا وَإِيَّٰيَ فَٱتَّقُونِ
Endu palityalay nu (pangimbenal nu) su nganin a initulun ku a (Qur’an) a nakaayun kanu kitab a Taurat, na da kanu enggula sa sekanu bun i mawna a sumupak, endu di nu pebpasa su manga tanda ku (manga ayatan) sa paydu a alaga endu saki (Allah) i ikagilek nu.
وَلَا تَلۡبِسُواْ ٱلۡحَقَّ بِٱلۡبَٰطِلِ وَتَكۡتُمُواْ ٱلۡحَقَّ وَأَنتُمۡ تَعۡلَمُونَ
Endu di nu lumapisi su bantang sa kalbut (batal) endu di nu ibpagena su bantang sa ula-ula a sekanu na egkangatawan nu.
وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَٱرۡكَعُواْ مَعَ ٱلرَّٰكِعِينَ
Endu itindeg nu su sambayang endu itunay nu su zakat endu ruku’ kanu salta kanu manga taw a bameruku’.
۞ أَتَأۡمُرُونَ ٱلنَّاسَ بِٱلۡبِرِّ وَتَنسَوۡنَ أَنفُسَكُمۡ وَأَنتُمۡ تَتۡلُونَ ٱلۡكِتَٰبَۚ أَفَلَا تَعۡقِلُونَ
Ngintu ka ipedsugu nu kanu manga taw su kanggalebek sa mapya na belipatanan nu su manga ginawa nu, inunta na pembatyan nu bun su kitab, ngintu ka di nu gapamikil?
وَٱسۡتَعِينُواْ بِٱلصَّبۡرِ وَٱلصَّلَوٰةِۚ وَإِنَّهَا لَكَبِيرَةٌ إِلَّا عَلَى ٱلۡخَٰشِعِينَ
Patabang kanu sa kakwa nu kanu kahanda nu, edsabar kanu endu edsambayang kanu, duwa ka biyas anan a sangat i kawgat nin, ya tabiya na siya kanu manga magilek.
ٱلَّذِينَ يَظُنُّونَ أَنَّهُم مُّلَٰقُواْ رَبِّهِمۡ وَأَنَّهُمۡ إِلَيۡهِ رَٰجِعُونَ
Silan antu a manga taw a ga-antap nilan i saben-sabenal na silan na mapangadap nilan su pedtiyakap kanilan (Allah), endu saben-sabenal na silan na lu bun silan sa lekanin (Allah) makambalingan.
يَٰبَنِيٓ إِسۡرَٰٓءِيلَ ٱذۡكُرُواْ نِعۡمَتِيَ ٱلَّتِيٓ أَنۡعَمۡتُ عَلَيۡكُمۡ وَأَنِّي فَضَّلۡتُكُمۡ عَلَى ٱلۡعَٰلَمِينَ
Sekanu a manga tupu na Israel, tademi nu su limu ku a inikalimu ku sa lekanu, endu saben-sabenal na saki na inilabi ku sekanu kanu manga taw kanu timpu nu.
وَٱتَّقُواْ يَوۡمٗا لَّا تَجۡزِي نَفۡسٌ عَن نَّفۡسٖ شَيۡـٔٗا وَلَا يُقۡبَلُ مِنۡهَا شَفَٰعَةٞ وَلَا يُؤۡخَذُ مِنۡهَا عَدۡلٞ وَلَا هُمۡ يُنصَرُونَ
Endu ikagilek nu su gay a di kabalasan nu isa a ginawa su isa a ginawa sa enggaga-isa (di makadtatabanga) endu di matalima lun su ka-safa'at endu di maka-pangawn su manga tamuk endu di den silan kadtabangan.
وَإِذۡ نَجَّيۡنَٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ يُذَبِّحُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٞ مِّن رَّبِّكُمۡ عَظِيمٞ
Endu kanu kutika a linepas nami sekanu kanu manga tagapeda ni Fir’awn, a ipa-penggugunanam nilan sa lekanu su sangat i kawag nin a siksa, sa banumbalin nilan su manga wata nu a manga mama endu papegkayan nilan su manga wata nu a manga babay, su entu a egkanggula nu na batalwan a masla intu a ebpun kanu pedtiyakap sa lekanu (Allah).
وَإِذۡ فَرَقۡنَا بِكُمُ ٱلۡبَحۡرَ فَأَنجَيۡنَٰكُمۡ وَأَغۡرَقۡنَآ ءَالَ فِرۡعَوۡنَ وَأَنتُمۡ تَنظُرُونَ
Endu su kutika a pinadsisi nami sa lekanu su lagat, na linepas nami sekanu endu inegeled nami su manga tagapeda ni Fir’awn sa ula-ula a gailay (gambamatan) nu.
وَإِذۡ وَٰعَدۡنَا مُوسَىٰٓ أَرۡبَعِينَ لَيۡلَةٗ ثُمَّ ٱتَّخَذۡتُمُ ٱلۡعِجۡلَ مِنۢ بَعۡدِهِۦ وَأَنتُمۡ ظَٰلِمُونَ
Endu kanu kutika a pibpasadan nami si Musa sa patpulu ka magabi, mawli na ya nu sinimba na sapi kanu ulyan nin, sa ula-ula a sekanu na nakalalim (nakadsalimbut).
ثُمَّ عَفَوۡنَا عَنكُم مِّنۢ بَعۡدِ ذَٰلِكَ لَعَلَّكُمۡ تَشۡكُرُونَ
Mawli na linasam nami pa mun sekanu kanu ulyan nu entuba ka endu malemu-lemu sa lekanu i kadsukur nu.
وَإِذۡ ءَاتَيۡنَا مُوسَى ٱلۡكِتَٰبَ وَٱلۡفُرۡقَانَ لَعَلَّكُمۡ تَهۡتَدُونَ
Endu kanu kutika a kina-enggay nami kani Musa sa kitab (Taurat) endu Furqaan (mapadsenggaya sa mapya endu mawag), ka endu malemu-lemu sa lekanu su katutulu.
وَإِذۡ قَالَ مُوسَىٰ لِقَوۡمِهِۦ يَٰقَوۡمِ إِنَّكُمۡ ظَلَمۡتُمۡ أَنفُسَكُم بِٱتِّخَاذِكُمُ ٱلۡعِجۡلَ فَتُوبُوٓاْ إِلَىٰ بَارِئِكُمۡ فَٱقۡتُلُوٓاْ أَنفُسَكُمۡ ذَٰلِكُمۡ خَيۡرٞ لَّكُمۡ عِندَ بَارِئِكُمۡ فَتَابَ عَلَيۡكُمۡۚ إِنَّهُۥ هُوَ ٱلتَّوَّابُ ٱلرَّحِيمُ
Endu kanu kutika a pidtalu nu Musa kanu manga kawm in: Hay! kawm ku, saben-sabenal na sekanu na nadsalimbut nu su manga ginawa nu sabap kanu kina simba nu sa sapi, na edtawbat kanu ku Kadenan nu (Alllah) sa imatayi nu su manga ginawa nu ka entuba i makagkapiya sa lekanu, ka tawbaten kanu nin (Allah), saben-sabenal sa lekanin na sekanin i banawbat a sangat a malimu.
وَإِذۡ قُلۡتُمۡ يَٰمُوسَىٰ لَن نُّؤۡمِنَ لَكَ حَتَّىٰ نَرَى ٱللَّهَ جَهۡرَةٗ فَأَخَذَتۡكُمُ ٱلصَّٰعِقَةُ وَأَنتُمۡ تَنظُرُونَ
Endu kanu kutika a pidtalu nu: Hay Musa! Di kami den a benal balityala (bangimbenal) sa leka, taman a di nami mailay su Allah sa mapayag, na sinayab kanu na kilat, sa ula-ula a sekanu na gailay (gambamatan) nu.
ثُمَّ بَعَثۡنَٰكُم مِّنۢ بَعۡدِ مَوۡتِكُمۡ لَعَلَّكُمۡ تَشۡكُرُونَ
Mawli na pinambwat nami sekanu kanu ulyan nu kinapatay nu, ka endu malemu-lemu sa lekanu i kadsukur.
وَظَلَّلۡنَا عَلَيۡكُمُ ٱلۡغَمَامَ وَأَنزَلۡنَا عَلَيۡكُمُ ٱلۡمَنَّ وَٱلسَّلۡوَىٰۖ كُلُواْ مِن طَيِّبَٰتِ مَا رَزَقۡنَٰكُمۡۚ وَمَا ظَلَمُونَا وَلَٰكِن كَانُوٓاْ أَنفُسَهُمۡ يَظۡلِمُونَ
Endu pinasilungan nami sekanu sa gabun endu inetulun nami sa lekanu i panginginumen a mamis endu papanuk a manawt, na kan kanu ebpun kanu manga mapya a nganin a inirizki nami sa lekanu, endu di kena kami nilan pidsalimbut, ugayd na ya nilan kaaden kanu manga ginawa nilan na pedsalimbuten nilan.
وَإِذۡ قُلۡنَا ٱدۡخُلُواْ هَٰذِهِ ٱلۡقَرۡيَةَ فَكُلُواْ مِنۡهَا حَيۡثُ شِئۡتُمۡ رَغَدٗا وَٱدۡخُلُواْ ٱلۡبَابَ سُجَّدٗا وَقُولُواْ حِطَّةٞ نَّغۡفِرۡ لَكُمۡ خَطَٰيَٰكُمۡۚ وَسَنَزِيدُ ٱلۡمُحۡسِنِينَ
Endu pidtalu nami: ludep kanu sa niya ba a dalpa (Baytal Muqaddas) na kan kanu sa mapya sa endaw i taman a kalinyan nu, ludep kanu sa bengawan sa sugyud kanu, sa ya nu edtalu na ampun kami, ka ampunen nami su kabaradusan nu, endu edsisinggumanan nami (sa pahala) su manga taw a bangapiyanan.
فَبَدَّلَ ٱلَّذِينَ ظَلَمُواْ قَوۡلًا غَيۡرَ ٱلَّذِي قِيلَ لَهُمۡ فَأَنزَلۡنَا عَلَى ٱلَّذِينَ ظَلَمُواْ رِجۡزٗا مِّنَ ٱلسَّمَآءِ بِمَا كَانُواْ يَفۡسُقُونَ
Na sinalin nu manga taw a nanalimbut su kadtalu, sa salakaw kanu pidtalu kanilan, na initulun nami sa kanu silan a nanalimbut su siksa a ebpun sa langit sabap sa kanu nganin a kaaden nilan a kapedsupak.
۞ وَإِذِ ٱسۡتَسۡقَىٰ مُوسَىٰ لِقَوۡمِهِۦ فَقُلۡنَا ٱضۡرِب بِّعَصَاكَ ٱلۡحَجَرَۖ فَٱنفَجَرَتۡ مِنۡهُ ٱثۡنَتَا عَشۡرَةَ عَيۡنٗاۖ قَدۡ عَلِمَ كُلُّ أُنَاسٖ مَّشۡرَبَهُمۡۖ كُلُواْ وَٱشۡرَبُواْ مِن رِّزۡقِ ٱللَّهِ وَلَا تَعۡثَوۡاْ فِي ٱلۡأَرۡضِ مُفۡسِدِينَ
Endu kanu kutika a pinangenyan ni Musa (lu sa Allah) su kawm nin sa ig, na ya nami pidtalu (Allah): ibetay nengka i tungked nengka san sa manga watu, na sinumumpit i sapulo endu duwa a buwal, saben-sabenal na natawan na uman isa (ataw ka lumpukan) i baginuman nin, kan kanu endu inum kanu ebpun kanu rizki nu Allah, endu da kanu belalakaw siya kanu lupa sa makabinasa kanu.
وَإِذۡ قُلۡتُمۡ يَٰمُوسَىٰ لَن نَّصۡبِرَ عَلَىٰ طَعَامٖ وَٰحِدٖ فَٱدۡعُ لَنَا رَبَّكَ يُخۡرِجۡ لَنَا مِمَّا تُنۢبِتُ ٱلۡأَرۡضُ مِنۢ بَقۡلِهَا وَقِثَّآئِهَا وَفُومِهَا وَعَدَسِهَا وَبَصَلِهَاۖ قَالَ أَتَسۡتَبۡدِلُونَ ٱلَّذِي هُوَ أَدۡنَىٰ بِٱلَّذِي هُوَ خَيۡرٌۚ ٱهۡبِطُواْ مِصۡرٗا فَإِنَّ لَكُم مَّا سَأَلۡتُمۡۗ وَضُرِبَتۡ عَلَيۡهِمُ ٱلذِّلَّةُ وَٱلۡمَسۡكَنَةُ وَبَآءُو بِغَضَبٖ مِّنَ ٱللَّهِۚ ذَٰلِكَ بِأَنَّهُمۡ كَانُواْ يَكۡفُرُونَ بِـَٔايَٰتِ ٱللَّهِ وَيَقۡتُلُونَ ٱلنَّبِيِّـۧنَ بِغَيۡرِ ٱلۡحَقِّۚ ذَٰلِكَ بِمَا عَصَواْ وَّكَانُواْ يَعۡتَدُونَ
Endu kanu kutika a pidtalu nu kani Musa: Hay! Musa, di kami den a benal makatigkel sa pegken a isa timan bu, na pangeni kami kanu pedtyakap sa leka (Allah) sa pambuwaten nin sa lekami i makebpun kanu nganin a babagetun nengka sa lupa a embalangan nu pegken a kakamun endu paninu, ya pidtalu (nu Musa): ngintu ka pedsambiyan nu su mapya sa di kena ged mapya!? Embaba kanu lu sa apiya ngin a dalpa (Misr) ka saben-sabenal na lekanu su nganin a bangenin nu, endu ya nilan nadsalengkat na su kalusakan endu kamiskin endu lipunget nu Allah, su namba na sabap sa saben-sabenal a kaaden nilan a kapegkafir kanu manga tanda (ayatan) nu Allah, endu bamunun nilan su manga nabi sa di paka dayt (wagib) endu su namba na sabap kanu nganin a kinasupak nilan endu kaaden nilan a kabanibaba.
إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلنَّصَٰرَىٰ وَٱلصَّٰبِـِٔينَ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَعَمِلَ صَٰلِحٗا فَلَهُمۡ أَجۡرُهُمۡ عِندَ رَبِّهِمۡ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Saben-sabenal na su silan a bamalityala (bamangimbenal) endu su silan a Yahudi endu Nasrani endu su lumpukan nu manga tagapeda nu kaped kanu manga nabi a nalityala (nangimbenal) sa Allah endu gay a mawli endu minggalebek sa mapya na aden sa kanilan i balas lu kanu pedtiyakap kanilan (Allah), endu da gilek nilan, endu da lidu na ginawa nilan.
وَإِذۡ أَخَذۡنَا مِيثَٰقَكُمۡ وَرَفَعۡنَا فَوۡقَكُمُ ٱلطُّورَ خُذُواْ مَآ ءَاتَيۡنَٰكُم بِقُوَّةٖ وَٱذۡكُرُواْ مَا فِيهِ لَعَلَّكُمۡ تَتَّقُونَ
Endu kanu kutika a kinamalan nami su pasad nu (sa simba nu su Allah) endu inipulu nami sa lekanu su palaw (palaw na Tur), kamali nu su nganin a inenggay nami sa lekanu endu tademi nu su nganin a nakadalem lun, ka malemu-lemu sa lekanu i kagilek nu (sa Allah).
ثُمَّ تَوَلَّيۡتُم مِّنۢ بَعۡدِ ذَٰلِكَۖ فَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ لَكُنتُم مِّنَ ٱلۡخَٰسِرِينَ
Mawli na tinaligkudan nu kanu ulyan nu entuba (su kapasadan), na u di kena bu su kalbihan nu Allah sa lekanu endu limu nin na dili ebplis na maaden kanu sa kuyug kanu manga nalugi.
وَلَقَدۡ عَلِمۡتُمُ ٱلَّذِينَ ٱعۡتَدَوۡاْ مِنكُمۡ فِي ٱلسَّبۡتِ فَقُلۡنَا لَهُمۡ كُونُواْ قِرَدَةً خَٰسِـِٔينَ
Endu saben-sabenal a natawan nu su silan a tinalasak nilan su gay nu saptu (bangwa sa seda sa gay na saptu), na ya nami pidtalu sa kanilan: embaluy kanu a ubal a namakalusak (kahanda nu Allah na nabaluy silan a ubal).
فَجَعَلۡنَٰهَا نَكَٰلٗا لِّمَا بَيۡنَ يَدَيۡهَا وَمَا خَلۡفَهَا وَمَوۡعِظَةٗ لِّلۡمُتَّقِينَ
Na binaluy nami a pangagi kanilan, endu kanu makatundug sa kanilan, endu indawan kanu manga magilek sa Allah.
وَإِذۡ قَالَ مُوسَىٰ لِقَوۡمِهِۦٓ إِنَّ ٱللَّهَ يَأۡمُرُكُمۡ أَن تَذۡبَحُواْ بَقَرَةٗۖ قَالُوٓاْ أَتَتَّخِذُنَا هُزُوٗاۖ قَالَ أَعُوذُ بِٱللَّهِ أَنۡ أَكُونَ مِنَ ٱلۡجَٰهِلِينَ
Endu kanu kutika a pidtalu ni Musa kanu kawm in: saben-sabenal na su Allah na pedsugun kanu nin sa sumbali kanu sa sapi, ya nilan pidtalu: nginan pendama-ngiyasen kami nengka? Ya nin (Musa) pidtalu: belindung aku sa Allah sa maaden aku sa kaped kanu manga untengaw (ignuranti).
قَالُواْ ٱدۡعُ لَنَا رَبَّكَ يُبَيِّن لَّنَا مَا هِيَۚ قَالَ إِنَّهُۥ يَقُولُ إِنَّهَا بَقَرَةٞ لَّا فَارِضٞ وَلَا بِكۡرٌ عَوَانُۢ بَيۡنَ ذَٰلِكَۖ فَٱفۡعَلُواْ مَا تُؤۡمَرُونَ
Ya nilan pidtalu: pangeni kami nengka kanu pedtiyakap sa leka (Allah) sa ipayag nin sa lekami u ngin sekanin (sapi), ya nin pidtalu: saben-sabenal na ya nin pidtalu (Allah) na sekanin su sapi a di kena ged matuwa endu di kena bun ged manguda, uged na nasasangan kanu pageletan nu namba, na enggalebek nu su nganin a ipedsugu sa lekanu.
قَالُواْ ٱدۡعُ لَنَا رَبَّكَ يُبَيِّن لَّنَا مَا لَوۡنُهَاۚ قَالَ إِنَّهُۥ يَقُولُ إِنَّهَا بَقَرَةٞ صَفۡرَآءُ فَاقِعٞ لَّوۡنُهَا تَسُرُّ ٱلنَّٰظِرِينَ
Ya nilan pidtalu: ipangeni kami nengka kanu pedtiyakap sa leka (Allah) sa ipayag nin sa lekami u ngin i warna nin (sapi), ya nin pidtalu: saben-sabenal na ya nin pidtalu (Allah) na sekanin su sapi a binaning ged a mapedes i warna nin a makapakalilini nin su manga bemedtulik lun.
قَالُواْ ٱدۡعُ لَنَا رَبَّكَ يُبَيِّن لَّنَا مَا هِيَ إِنَّ ٱلۡبَقَرَ تَشَٰبَهَ عَلَيۡنَا وَإِنَّآ إِن شَآءَ ٱللَّهُ لَمُهۡتَدُونَ
Ya nilan pidtalu: pangeni kami nengka kanu pedtiyakap sa leka (Allah) sa ipayag nin sa lekami u ngin sekanin (sapi), saben-sabenal na su manga sapi na makandadalagida sa lekami, na saben-sabenal na amayka magkahanda nu Allah na di den ebplis na matutulu kami.
قَالَ إِنَّهُۥ يَقُولُ إِنَّهَا بَقَرَةٞ لَّا ذَلُولٞ تُثِيرُ ٱلۡأَرۡضَ وَلَا تَسۡقِي ٱلۡحَرۡثَ مُسَلَّمَةٞ لَّا شِيَةَ فِيهَاۚ قَالُواْ ٱلۡـَٰٔنَ جِئۡتَ بِٱلۡحَقِّۚ فَذَبَحُوهَا وَمَا كَادُواْ يَفۡعَلُونَ
Ya nin pidtalu (Musa): saben-sabenal na pidtalu nu Allah sekanin a sapi na di kena ibangangawid endu di kena ibamubu sa lupa, da tila nin endu da simbul na warna nin, ya nilan nadtalu: saguna na initingguma nengka su bantang, na sinumbali nilan (su sapi), sa ula-ula a malu-malu di nilan manggalebek.
وَإِذۡ قَتَلۡتُمۡ نَفۡسٗا فَٱدَّٰرَٰءۡتُمۡ فِيهَاۖ وَٱللَّهُ مُخۡرِجٞ مَّا كُنتُمۡ تَكۡتُمُونَ
Endu kanu kutika a minimatay kanu sa isa a ginawa, na inidsesendela nu su entuba, endu su Allah na palyu nin su nganin a kaaden nu a ibagena nu.
فَقُلۡنَا ٱضۡرِبُوهُ بِبَعۡضِهَاۚ كَذَٰلِكَ يُحۡيِ ٱللَّهُ ٱلۡمَوۡتَىٰ وَيُرِيكُمۡ ءَايَٰتِهِۦ لَعَلَّكُمۡ تَعۡقِلُونَ
Na pidtalu nami (Allah): betay nu sekanin (su inimatayan nilan) sa sabad sa lekanin (sapi a inipasumbali sa kanilan), ka uyagen nu Allahu endu makapailay nin sa lekanu su manga tanda nin, na malemu-lemu sa lekanu i kapamikir nu.
ثُمَّ قَسَتۡ قُلُوبُكُم مِّنۢ بَعۡدِ ذَٰلِكَ فَهِيَ كَٱلۡحِجَارَةِ أَوۡ أَشَدُّ قَسۡوَةٗۚ وَإِنَّ مِنَ ٱلۡحِجَارَةِ لَمَا يَتَفَجَّرُ مِنۡهُ ٱلۡأَنۡهَٰرُۚ وَإِنَّ مِنۡهَا لَمَا يَشَّقَّقُ فَيَخۡرُجُ مِنۡهُ ٱلۡمَآءُۚ وَإِنَّ مِنۡهَا لَمَا يَهۡبِطُ مِنۡ خَشۡيَةِ ٱللَّهِۗ وَمَا ٱللَّهُ بِغَٰفِلٍ عَمَّا تَعۡمَلُونَ
Mawli na migkategas su manga pamusungan nu kanu ulyan nu namba na mana sekanin watu ataw ka minuna pan sa watu, saben-sabenal na kaped kanu watu i pembusisi ebpun sa lekanin su manga lawas na ig, endu saben-sabenal na kaped lun i pembubutekad na belyu ebpun lun i ig, endu saben-sabenal na kaped lun i gaulug sabap sa gilek sa Allah, endu da kanu Allah i makadtalipenda nin su nganin a penggalebeken nu.
۞ أَفَتَطۡمَعُونَ أَن يُؤۡمِنُواْ لَكُمۡ وَقَدۡ كَانَ فَرِيقٞ مِّنۡهُمۡ يَسۡمَعُونَ كَلَٰمَ ٱللَّهِ ثُمَّ يُحَرِّفُونَهُۥ مِنۢ بَعۡدِ مَا عَقَلُوهُ وَهُمۡ يَعۡلَمُونَ
Ngintu ka gapanganganay nu i makapalityala (makapangimbenal) pan silan sa lekanu (su manga Yahudi), endu saben-sabenal na sabad kanilan na gakineg nilan su kadtalu nu Allah, mawli na pasibayn nilan su entuba kanu ulyan nu kina sabut nilan lun sa ula-ula a silan na katawan nilan.
وَإِذَا لَقُواْ ٱلَّذِينَ ءَامَنُواْ قَالُوٓاْ ءَامَنَّا وَإِذَا خَلَا بَعۡضُهُمۡ إِلَىٰ بَعۡضٖ قَالُوٓاْ أَتُحَدِّثُونَهُم بِمَا فَتَحَ ٱللَّهُ عَلَيۡكُمۡ لِيُحَآجُّوكُم بِهِۦ عِندَ رَبِّكُمۡۚ أَفَلَا تَعۡقِلُونَ
Endu amayka madsumbak nilan (Yahudi) su silan a namalityala (namangimbenal) na ya nilan kadtalu: nalityala (nangimbenal) kami, endu amayka menem ka mangabulig silan (Yahudi), ya nilan madtalu: ngintu ka ipembitiyala nu pan silan kanu inenggay nu Allah sa lekanu (Taurat) ka endu mabaluy nilan a tindeg lu kanu pedtyakap (Allah) sa lekanu, ngintu di nu gapamikir?
أَوَلَا يَعۡلَمُونَ أَنَّ ٱللَّهَ يَعۡلَمُ مَا يُسِرُّونَ وَمَا يُعۡلِنُونَ
Ataw ka di nilan (Yahudi) katawan i saben-sabenal na su Allah na katawan nin su nganin a ibagena nilan endu nganin a ipebpayag nilan?
وَمِنۡهُمۡ أُمِّيُّونَ لَا يَعۡلَمُونَ ٱلۡكِتَٰبَ إِلَّآ أَمَانِيَّ وَإِنۡ هُمۡ إِلَّا يَظُنُّونَ
Endu kaped kanilan i di mataw semulat endu di maka batya, di nilan katawan i kitab (a Taurat) ya tabiya na antapan endu dala kanilan ya tabiya na kapangantap.
فَوَيۡلٞ لِّلَّذِينَ يَكۡتُبُونَ ٱلۡكِتَٰبَ بِأَيۡدِيهِمۡ ثُمَّ يَقُولُونَ هَٰذَا مِنۡ عِندِ ٱللَّهِ لِيَشۡتَرُواْ بِهِۦ ثَمَنٗا قَلِيلٗاۖ فَوَيۡلٞ لَّهُم مِّمَّا كَتَبَتۡ أَيۡدِيهِمۡ وَوَيۡلٞ لَّهُم مِّمَّا يَكۡسِبُونَ
Na bawgan sa naraka i makwa nu silan a ibanulat nilan su kitab sa ukit nu manga lima nilan, mawli na ya nilan edtalun: su nyaba na nakebpun kanu Allah, ka endu nilan mabpasa sa alaga a paydu, na bawgan sa naraka silan sabap kanu nganin a inisulat nu manga lima nilan, endu bawgan sa naraka silan sabap kanu nganin a gapantyali nilan.
وَقَالُواْ لَن تَمَسَّنَا ٱلنَّارُ إِلَّآ أَيَّامٗا مَّعۡدُودَةٗۚ قُلۡ أَتَّخَذۡتُمۡ عِندَ ٱللَّهِ عَهۡدٗا فَلَن يُخۡلِفَ ٱللَّهُ عَهۡدَهُۥٓۖ أَمۡ تَقُولُونَ عَلَى ٱللَّهِ مَا لَا تَعۡلَمُونَ
Endu ya nilan kadtalu: di tanu man a benal makanaraka ya tabiya na paydu bu a manga gay, edtalu ka (Muhammad) ngintu nangaden kanu sa pasad lu sa Allah? Na di den a benal balengkasen (binasan) nu Allah su pasad, ataw ka pedtetebwan nu su Allah sa nganin a i di nu katawan?
بَلَىٰۚ مَن كَسَبَ سَيِّئَةٗ وَأَحَٰطَتۡ بِهِۦ خَطِيٓـَٔتُهُۥ فَأُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Di kena maytu kanu antapan nilan, ka entayn i enggalebek sa mawag endu nalibet den sekanin nu mawag nin, na entuba i manga kigkwan sa naraka, sa silan lu ba na dayun sa dayun.
وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ
Endu su silan a nalityala (nangimbenal) endu minggalebek sa manga mapya na entuba su manga kigkwan sa surga, sa silan lu ba na dayun sa dayun.
وَإِذۡ أَخَذۡنَا مِيثَٰقَ بَنِيٓ إِسۡرَٰٓءِيلَ لَا تَعۡبُدُونَ إِلَّا ٱللَّهَ وَبِٱلۡوَٰلِدَيۡنِ إِحۡسَانٗا وَذِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينِ وَقُولُواْ لِلنَّاسِ حُسۡنٗا وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ ثُمَّ تَوَلَّيۡتُمۡ إِلَّا قَلِيلٗا مِّنكُمۡ وَأَنتُم مُّعۡرِضُونَ
Endu kanu kutika a kinapamaluli nami sa pasad kanu tupu nu Israel sa di kanu sumimba ya tabya na kanu Allah endu su duwa a lukes nu na ebpyapyanan, endu su pagali, endu su manga ilu, endu su manga miskinan endu ya nu edtalu kanu manga taw na mapya, endu itindeg nu su sambayang, endu itunay nu su zakat, mawli na tinaligkudanan nu, ya tabiya na paydu bu sa lekanu (mibpalituman), sa ula-ula a sekanu na banaligkud (sa kapasadan).
وَإِذۡ أَخَذۡنَا مِيثَٰقَكُمۡ لَا تَسۡفِكُونَ دِمَآءَكُمۡ وَلَا تُخۡرِجُونَ أَنفُسَكُم مِّن دِيَٰرِكُمۡ ثُمَّ أَقۡرَرۡتُمۡ وَأَنتُمۡ تَشۡهَدُونَ
Endu kinamalan nami su pasad nu (tupu nu Israel) sa di kanu embunu-bunu endu di palyun (bugon) nu sabad sa lekanu su sabad kanu dalpa nilan, mawli na minayun kanu sa ula-ula a sekanu na gadsaksyan nu.
ثُمَّ أَنتُمۡ هَٰٓؤُلَآءِ تَقۡتُلُونَ أَنفُسَكُمۡ وَتُخۡرِجُونَ فَرِيقٗا مِّنكُم مِّن دِيَٰرِهِمۡ تَظَٰهَرُونَ عَلَيۡهِم بِٱلۡإِثۡمِ وَٱلۡعُدۡوَٰنِ وَإِن يَأۡتُوكُمۡ أُسَٰرَىٰ تُفَٰدُوهُمۡ وَهُوَ مُحَرَّمٌ عَلَيۡكُمۡ إِخۡرَاجُهُمۡۚ أَفَتُؤۡمِنُونَ بِبَعۡضِ ٱلۡكِتَٰبِ وَتَكۡفُرُونَ بِبَعۡضٖۚ فَمَا جَزَآءُ مَن يَفۡعَلُ ذَٰلِكَ مِنكُمۡ إِلَّا خِزۡيٞ فِي ٱلۡحَيَوٰةِ ٱلدُّنۡيَاۖ وَيَوۡمَ ٱلۡقِيَٰمَةِ يُرَدُّونَ إِلَىٰٓ أَشَدِّ ٱلۡعَذَابِۗ وَمَا ٱللَّهُ بِغَٰفِلٍ عَمَّا تَعۡمَلُونَ
Mawli na sekanu na pembunun nu sabad sa lekanu su sabad, endu babelyun (pembugon) nu su lumpukan a ebpun sa lekanu kanu dalpa nin, papedtusan nu sa kanilan su kadusan endu kapamagukag, endu amayka matingguma kanu nilan sa manga byag na bangunen nu silan sa ula-ula a sekanin (kabagawn) na iniharam sa lekanu i kabugaw sa kanilan, ngintu balityalan (bangimbenalen) nu su sabad kanu kitab na pegkafiran nu su sabad!? Na dala balas nu entayn i enggalebek sa namba sa lekanu ya tabya na kalusakan sa dunya, endu sa gay a mawli na lu silan papembalinganen kanu sangat i kapasang a siksa, endu kena su Allah i pakalimpang kanu nganin a penggalebeken nu.
أُوْلَٰٓئِكَ ٱلَّذِينَ ٱشۡتَرَوُاْ ٱلۡحَيَوٰةَ ٱلدُّنۡيَا بِٱلۡأٓخِرَةِۖ فَلَا يُخَفَّفُ عَنۡهُمُ ٱلۡعَذَابُ وَلَا هُمۡ يُنصَرُونَ
Entuba i manga taw a tinumu nilan i uyag- uyag sa dunya kumin kanu gay a mawli, na di papegkapegkagen sa kanilan su siksa sa ula- ula a silan na di den kadtabangan.
وَلَقَدۡ ءَاتَيۡنَا مُوسَى ٱلۡكِتَٰبَ وَقَفَّيۡنَا مِنۢ بَعۡدِهِۦ بِٱلرُّسُلِۖ وَءَاتَيۡنَا عِيسَى ٱبۡنَ مَرۡيَمَ ٱلۡبَيِّنَٰتِ وَأَيَّدۡنَٰهُ بِرُوحِ ٱلۡقُدُسِۗ أَفَكُلَّمَا جَآءَكُمۡ رَسُولُۢ بِمَا لَا تَهۡوَىٰٓ أَنفُسُكُمُ ٱسۡتَكۡبَرۡتُمۡ فَفَرِيقٗا كَذَّبۡتُمۡ وَفَرِيقٗا تَقۡتُلُونَ
Endu saben-sabenal na inanggay nami kani Musa su kitab (Taurat) endu pinatundug nami kanu ulyan nin i manga sinugu endu inenggay nami kani Eisa a wata ni Maryam su manga tanda endu binagel nami sekanin sa ukit ni Jibril, na ngintu ka uman makawma sa lekanu su sinugu a di kalilinyan nu manga ginawa nu na mimamasla kanu, su kaped a sinugu na papendalbuten nu, endu su kaped menem na bamunun nu.
وَقَالُواْ قُلُوبُنَا غُلۡفُۢۚ بَل لَّعَنَهُمُ ٱللَّهُ بِكُفۡرِهِمۡ فَقَلِيلٗا مَّا يُؤۡمِنُونَ
Ya nilan kadtalu: su pamusungan nami anya na di makasabut, di kena bun (tig nu Allah), ugayd na namulkan silan nu Allah sabap kanu kapedsupak nilan, na paydu ged i pangimbenalen nilan.
وَلَمَّا جَآءَهُمۡ كِتَٰبٞ مِّنۡ عِندِ ٱللَّهِ مُصَدِّقٞ لِّمَا مَعَهُمۡ وَكَانُواْ مِن قَبۡلُ يَسۡتَفۡتِحُونَ عَلَى ٱلَّذِينَ كَفَرُواْ فَلَمَّا جَآءَهُم مَّا عَرَفُواْ كَفَرُواْ بِهِۦۚ فَلَعۡنَةُ ٱللَّهِ عَلَى ٱلۡكَٰفِرِينَ
Endu engguna matingguma silan nu kitab (Qur’an) a ebpun sa Allah a nagayun kanu nganin a lu sa kanilan (kitab a Taurat), endu ya nilan kaaden kanu nauna (a da pan makawma su Qur’an) na ya nilan kadtalu na katabanan tanu su silan a manga kafir, na engguna nilan kasabuti na migkafir silan, na su mulka nu Allah na salta kanu manga kafir.
بِئۡسَمَا ٱشۡتَرَوۡاْ بِهِۦٓ أَنفُسَهُمۡ أَن يَكۡفُرُواْ بِمَآ أَنزَلَ ٱللَّهُ بَغۡيًا أَن يُنَزِّلَ ٱللَّهُ مِن فَضۡلِهِۦ عَلَىٰ مَن يَشَآءُ مِنۡ عِبَادِهِۦۖ فَبَآءُو بِغَضَبٍ عَلَىٰ غَضَبٖۚ وَلِلۡكَٰفِرِينَ عَذَابٞ مُّهِينٞ
Ngin den a kawag i nganin a nakasambi nilan kanu manga ginawa nilan sa pegkafir silan kanu nganin a initulun nu Allah sa kapedsupak kanu initulun nu Allah (a kanabi endu Qur’an) a kalbihan kanu entayn i migkahanda kanu manga ulipen nin, na gadayt kanilan su lipunget (nu Allah) a namaguntul, endu kanu manga kafir su siksa a bamelusak.
وَإِذَا قِيلَ لَهُمۡ ءَامِنُواْ بِمَآ أَنزَلَ ٱللَّهُ قَالُواْ نُؤۡمِنُ بِمَآ أُنزِلَ عَلَيۡنَا وَيَكۡفُرُونَ بِمَا وَرَآءَهُۥ وَهُوَ ٱلۡحَقُّ مُصَدِّقٗا لِّمَا مَعَهُمۡۗ قُلۡ فَلِمَ تَقۡتُلُونَ أَنۢبِيَآءَ ٱللَّهِ مِن قَبۡلُ إِن كُنتُم مُّؤۡمِنِينَ
Endu amayka edtalun kanilan (Yahudi) i palityala (pangimbenal) kanu nganin a initulun nu Allah, ya nilan kadtalu: ya nami bu palityalan (pangimbenalen) na su initulun sa lekami endu pegkafir silan kanu salakaw lun, sa ula-ula a sekanin i bantang a nagayun kanu nganin a lu kanilan (Taurat), edtalu ka (Muhammad): na ngintu ka bamunun nu su manga nabi nu Allah kanu nauna amayka ya nu kaaden i baginugut (bangimbenal)?
۞ وَلَقَدۡ جَآءَكُم مُّوسَىٰ بِٱلۡبَيِّنَٰتِ ثُمَّ ٱتَّخَذۡتُمُ ٱلۡعِجۡلَ مِنۢ بَعۡدِهِۦ وَأَنتُمۡ ظَٰلِمُونَ
Saben-sabenal a initingguma sa lekanu ni Musa i manga tanda, mawli na sinimba nu su sapi sa ulyan nin (kinaganat nin), sa ula-ula a sekanu na manga salimbuten.
وَإِذۡ أَخَذۡنَا مِيثَٰقَكُمۡ وَرَفَعۡنَا فَوۡقَكُمُ ٱلطُّورَ خُذُواْ مَآ ءَاتَيۡنَٰكُم بِقُوَّةٖ وَٱسۡمَعُواْۖ قَالُواْ سَمِعۡنَا وَعَصَيۡنَا وَأُشۡرِبُواْ فِي قُلُوبِهِمُ ٱلۡعِجۡلَ بِكُفۡرِهِمۡۚ قُلۡ بِئۡسَمَا يَأۡمُرُكُم بِهِۦٓ إِيمَٰنُكُمۡ إِن كُنتُم مُّؤۡمِنِينَ
Endu kanu kutika a kinamalan nami su pasad nu (a kapadtyunut kanu Musa) endu inipulu nami sa lekanu su palaw a Tur, sa kamali nu su inenggay sa lekanu sa mabagel endu pakikineg nu, ya nilan kadtalu: pinakikineg nami endu sinemupak kami endu pinasenep kanu manga pusung nilan i kasimba sa sapi sabap kanu kapegkafir nilan, edtalu ka i ngin den a kawag su nganin a ipedsugu sa lekanu nu kabalityala (kabangimbenal) nu, amayka ya nu kaaden i bamalityala (bangimbenal).
قُلۡ إِن كَانَتۡ لَكُمُ ٱلدَّارُ ٱلۡأٓخِرَةُ عِندَ ٱللَّهِ خَالِصَةٗ مِّن دُونِ ٱلنَّاسِ فَتَمَنَّوُاْ ٱلۡمَوۡتَ إِن كُنتُمۡ صَٰدِقِينَ
Edtalu ka (Muhammad): amayka ya nin kaaden i silan i kigkuwan sa gay a mawli sa da makaludep lun a salakaw sa lekanu kanu manga taw, na panganganay nu su kapatay amayka ya nu kaaden i manga bantang.
وَلَن يَتَمَنَّوۡهُ أَبَدَۢا بِمَا قَدَّمَتۡ أَيۡدِيهِمۡۚ وَٱللَّهُ عَلِيمُۢ بِٱلظَّٰلِمِينَ
Endu di nilan den a benal mapanganganay su entuba (kapatay) sa dayun sa dayun sabap kanu nganin a nanggalebek nilan, endu su Allah bu i labi a mataw kanu manga salimbuten.
وَلَتَجِدَنَّهُمۡ أَحۡرَصَ ٱلنَّاسِ عَلَىٰ حَيَوٰةٖ وَمِنَ ٱلَّذِينَ أَشۡرَكُواْۚ يَوَدُّ أَحَدُهُمۡ لَوۡ يُعَمَّرُ أَلۡفَ سَنَةٖ وَمَا هُوَ بِمُزَحۡزِحِهِۦ مِنَ ٱلۡعَذَابِ أَن يُعَمَّرَۗ وَٱللَّهُ بَصِيرُۢ بِمَا يَعۡمَلُونَ
Endu di den ebplis na melay nengka (Muhammad) kanilan i subla a lilini ebpun kanu manga taw sa uyag-uyag, endu kanu manga namedsakutu, ya kyug nu isa sa kanilan na makapagumul sa sangibu lagun, a kena sekanin makapatangka sa lekanin kanu siksa i kababagumul sa lekanin, endu su Allah na gailay nin su nganin a penggalebeken nilan.
قُلۡ مَن كَانَ عَدُوّٗا لِّـجِبۡرِيلَ فَإِنَّهُۥ نَزَّلَهُۥ عَلَىٰ قَلۡبِكَ بِإِذۡنِ ٱللَّهِ مُصَدِّقٗا لِّمَا بَيۡنَ يَدَيۡهِ وَهُدٗى وَبُشۡرَىٰ لِلۡمُؤۡمِنِينَ
Edtalu ka (Muhạmmad) kanu entayn i egkuntla (sumatru) kanu Jibril na saben-sabenal na sekanin i nakadtapik (sa Qur’an) kanu pusung nengka sabap kanu sugut nu Allah, a nagayun (su Qur’an) kanu nganin lu sa kanilan (Taurat-Injil) endu tutulu, endu pakagkapiya kanu ginawa nu manga bamalityala (bangimbenal).
مَن كَانَ عَدُوّٗا لِّلَّهِ وَمَلَٰٓئِكَتِهِۦ وَرُسُلِهِۦ وَجِبۡرِيلَ وَمِيكَىٰلَ فَإِنَّ ٱللَّهَ عَدُوّٞ لِّلۡكَٰفِرِينَ
Entain i egkuntla (sumatru) kanu Allah endu kanu manga malaikat nin endu kanu manga sugu nin endu kani Jibril endu kani Mikail, na saben-sabenal na su Allah na kuntla (satru) nu manga kafir.
وَلَقَدۡ أَنزَلۡنَآ إِلَيۡكَ ءَايَٰتِۭ بَيِّنَٰتٖۖ وَمَا يَكۡفُرُ بِهَآ إِلَّا ٱلۡفَٰسِقُونَ
Endu saben-sabenal na initulun nami sa leka (Muhammad) su manga tanda a manga mapayag, endu dala egkafir lun ya tabya na su manga namelyu kanu agama nu Allah.
أَوَكُلَّمَا عَٰهَدُواْ عَهۡدٗا نَّبَذَهُۥ فَرِيقٞ مِّنۡهُمۚ بَلۡ أَكۡثَرُهُمۡ لَا يُؤۡمِنُونَ
Uman silan ebpasad sa pasad na baluban nu sabad sa kanilan, ugaid na ya kadakelan sa kanilan na di balityala (bangimbenal).
وَلَمَّا جَآءَهُمۡ رَسُولٞ مِّنۡ عِندِ ٱللَّهِ مُصَدِّقٞ لِّمَا مَعَهُمۡ نَبَذَ فَرِيقٞ مِّنَ ٱلَّذِينَ أُوتُواْ ٱلۡكِتَٰبَ كِتَٰبَ ٱللَّهِ وَرَآءَ ظُهُورِهِمۡ كَأَنَّهُمۡ لَا يَعۡلَمُونَ
Endu guna makawma sa kanilan su sinugu ebpun kanu Allah a nagayun bun kanu Taurat na initulak ku sabad kanilan a aden kitab nin (Yahudi) su kitab nu Allah na tinaligkuidan nilan sa mana nilan di katawan.
وَٱتَّبَعُواْ مَا تَتۡلُواْ ٱلشَّيَٰطِينُ عَلَىٰ مُلۡكِ سُلَيۡمَٰنَۖ وَمَا كَفَرَ سُلَيۡمَٰنُ وَلَٰكِنَّ ٱلشَّيَٰطِينَ كَفَرُواْ يُعَلِّمُونَ ٱلنَّاسَ ٱلسِّحۡرَ وَمَآ أُنزِلَ عَلَى ٱلۡمَلَكَيۡنِ بِبَابِلَ هَٰرُوتَ وَمَٰرُوتَۚ وَمَا يُعَلِّمَانِ مِنۡ أَحَدٍ حَتَّىٰ يَقُولَآ إِنَّمَا نَحۡنُ فِتۡنَةٞ فَلَا تَكۡفُرۡۖ فَيَتَعَلَّمُونَ مِنۡهُمَا مَا يُفَرِّقُونَ بِهِۦ بَيۡنَ ٱلۡمَرۡءِ وَزَوۡجِهِۦۚ وَمَا هُم بِضَآرِّينَ بِهِۦ مِنۡ أَحَدٍ إِلَّا بِإِذۡنِ ٱللَّهِۚ وَيَتَعَلَّمُونَ مَا يَضُرُّهُمۡ وَلَا يَنفَعُهُمۡۚ وَلَقَدۡ عَلِمُواْ لَمَنِ ٱشۡتَرَىٰهُ مَا لَهُۥ فِي ٱلۡأٓخِرَةِ مِنۡ خَلَٰقٖۚ وَلَبِئۡسَ مَا شَرَوۡاْ بِهِۦٓ أَنفُسَهُمۡۚ لَوۡ كَانُواْ يَعۡلَمُونَ
Endu inunutan nilan (Yahudi) su nganin a banalun nu manga shaytan kanu kinandatu nu Sulayman, endu da egkafir su Sulayman ugayd na su manga shaytan na migkafir, ibamandu nilan su sih'r (kapamungkayd), endu su nakatulun kanu duwa a malaikat lu sa Babil sa (Iraq) si Harut endu si Marut, su duwa malaikat na di kena silan bamandu sa sih'r (kapamungkayd) sa isa kataw taman a di nilan madtalu i sekami na bamatalu, na da kanu pegkafir, na bangagyan nilan sa kanilan duwa su nganin a kapabpitas kanu tiwalay (manga pasemu), endu kena silan pakagked sabap kanu entu sa isa kataw ya tabya (a manggula) na kahanda nu Allah, endu bangagyan nilan su nganin a pakabinasa sa kanilan endu di pakagkapya sa kanilan, natawan nilan i taw a mamasa sa namba a ilmu na da den mapya nin lu sa akhirat, (nagugul tanan su galebek in) endu ngin den i kawag, umana bu ka ya nilan kaaden na katawan nilan.
وَلَوۡ أَنَّهُمۡ ءَامَنُواْ وَٱتَّقَوۡاْ لَمَثُوبَةٞ مِّنۡ عِندِ ٱللَّهِ خَيۡرٞۚ لَّوۡ كَانُواْ يَعۡلَمُونَ
Umana bu ka saben-sabenal na silan na nalityala (nangimbenal) silan endu nagilekan silan (sa Allah) na su balas a lu ganat sa Allah na sangat i kapya nin umana bu ya nilan kaaden i katawan nilan.
يَٰٓأَيُّهَا ٱلَّذِينَ ءَامَنُواْ لَا تَقُولُواْ رَٰعِنَا وَقُولُواْ ٱنظُرۡنَا وَٱسۡمَعُواْۗ وَلِلۡكَٰفِرِينَ عَذَابٌ أَلِيمٞ
Hay! sekanu a bamalityala (bangimbenal) di nu pedtalwa kanu Rasulullah i raa-ena (tyakapi kami) endu ya nu edtalu na angapi kami, endu pakikineg kanu, endu aden kanu manga kafir i siksa a sangat a masakit.
مَّا يَوَدُّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَلَا ٱلۡمُشۡرِكِينَ أَن يُنَزَّلَ عَلَيۡكُم مِّنۡ خَيۡرٖ مِّن رَّبِّكُمۡۚ وَٱللَّهُ يَخۡتَصُّ بِرَحۡمَتِهِۦ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ
Di kalilinyan nu silan a migkafir a ebpun kanu manga taw nu kitab (Yahudi endu Nasrani) endu su manga namedsakutu i makatulun sa lekanu su mapya a ebpun kanu pedtyakap sa lekanu (Allah), endu su Allah i pedtentu kanu limu nin kanu magkahanda nin, sekanin a Allah i kigkuwan kanu kalbihan a masla.
۞ مَا نَنسَخۡ مِنۡ ءَايَةٍ أَوۡ نُنسِهَا نَأۡتِ بِخَيۡرٖ مِّنۡهَآ أَوۡ مِثۡلِهَآۗ أَلَمۡ تَعۡلَمۡ أَنَّ ٱللَّهَ عَلَىٰ كُلِّ شَيۡءٖ قَدِيرٌ
Su nganin a ibagawa nami kanu ayat ataw ka babelipatanan nami na ipedtingguma nami i labi a mapya kumin sa lekanin ataw ka makaupama lun, ngintu di nengka katawan i saben-sabenal na su Allah kanu langun u enggaga-isa na egkagaga nin.
أَلَمۡ تَعۡلَمۡ أَنَّ ٱللَّهَ لَهُۥ مُلۡكُ ٱلسَّمَٰوَٰتِ وَٱلۡأَرۡضِۗ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٍ
Ngintu di nengka katawan i saben-sabenal na su Allah na sekanin i kigkuwan kanu pitu lapis a langit endu lupa, endu dala sa lekanu i salakaw kanu Allah a pedtuganul endu pedtabang?
أَمۡ تُرِيدُونَ أَن تَسۡـَٔلُواْ رَسُولَكُمۡ كَمَا سُئِلَ مُوسَىٰ مِن قَبۡلُۗ وَمَن يَتَبَدَّلِ ٱلۡكُفۡرَ بِٱلۡإِيمَٰنِ فَقَدۡ ضَلَّ سَوَآءَ ٱلسَّبِيلِ
Ngintu ya nu galinyan na kaidsan nu su sinugu sa lekanu!? sa mana kina idsa kanu Musa kanu nawna, endu entayn i ya nin lamigen na su kagkafir kanu kapalityala (kapangimbenal) na entuba i taw a natading kanu lalan a matidtu.
وَدَّ كَثِيرٞ مِّنۡ أَهۡلِ ٱلۡكِتَٰبِ لَوۡ يَرُدُّونَكُم مِّنۢ بَعۡدِ إِيمَٰنِكُمۡ كُفَّارًا حَسَدٗا مِّنۡ عِندِ أَنفُسِهِم مِّنۢ بَعۡدِ مَا تَبَيَّنَ لَهُمُ ٱلۡحَقُّۖ فَٱعۡفُواْ وَٱصۡفَحُواْ حَتَّىٰ يَأۡتِيَ ٱللَّهُ بِأَمۡرِهِۦٓۗ إِنَّ ٱللَّهَ عَلَىٰ كُلِّ شَيۡءٖ قَدِيرٞ
Ya gapanganganay nu satru nu agama Islam na makambalingan kanu sa kanu ulyan nu kinapalityala (kinapangimbenal) nu sa manga kafir sa kadengki intu a nakabpun sa kanu manga ginawa nilan sa ulyan nu nganin a napayag sa kanilan su bantang, na ampun nu endu pasagadi nu silan, taman sa itingguma nu Allah kanilan su atulan nin (siksa), saben-sabenal na su Allah kanu langun a enggaga-isa na egkagaga nin.
وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَۚ وَمَا تُقَدِّمُواْ لِأَنفُسِكُم مِّنۡ خَيۡرٖ تَجِدُوهُ عِندَ ٱللَّهِۗ إِنَّ ٱللَّهَ بِمَا تَعۡمَلُونَ بَصِيرٞ
Endu itindeg nu su sambayang endu inggay nu su zakat endu su nganin a ipedtatangguna nu kanu manga ginawa nu a mapya na matun nu lu sa Allah, saben-sabenal na su Allah kanu nganin a penggalebeken nu na pakailay.
وَقَالُواْ لَن يَدۡخُلَ ٱلۡجَنَّةَ إِلَّا مَن كَانَ هُودًا أَوۡ نَصَٰرَىٰۗ تِلۡكَ أَمَانِيُّهُمۡۗ قُلۡ هَاتُواْ بُرۡهَٰنَكُمۡ إِن كُنتُمۡ صَٰدِقِينَ
Endu ya nilan (Yahudi endu Nasrani) pidtalu na di den a benal makaludep sa surga ya tabya na Yahudi ataw ka manga Nasrani, entuba na gapanganganay nilan, edtalu ka (Muhammad): inggay nu i tindeg nu amayka ya nu kaaden i manga bantang kanu.
بَلَىٰۚ مَنۡ أَسۡلَمَ وَجۡهَهُۥ لِلَّهِ وَهُوَ مُحۡسِنٞ فَلَهُۥٓ أَجۡرُهُۥ عِندَ رَبِّهِۦ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Di kena maytu kanu antapan nilan ka entayn i sinemangkup kanu Allah sa ula-ula a mibpya-pya, na lekanin su balas nin lu sa kanu pedtyakap sa lekanin (Allah) endu dala gilek sa kanilan endu dala lidu na ginawa sa kanilan.
وَقَالَتِ ٱلۡيَهُودُ لَيۡسَتِ ٱلنَّصَٰرَىٰ عَلَىٰ شَيۡءٖ وَقَالَتِ ٱلنَّصَٰرَىٰ لَيۡسَتِ ٱلۡيَهُودُ عَلَىٰ شَيۡءٖ وَهُمۡ يَتۡلُونَ ٱلۡكِتَٰبَۗ كَذَٰلِكَ قَالَ ٱلَّذِينَ لَا يَعۡلَمُونَ مِثۡلَ قَوۡلِهِمۡۚ فَٱللَّهُ يَحۡكُمُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ
Endu ya pidtalu nu manga Yahudi i kena su manga Nasrani i bantang (sa agama), endu ya pidtalu nu manga Nasrani na kena su manga Yahudi i bantang (sa agama), sa pembatyan nilan su kitab (nilan), maytu bun ba i kadtalu nu silan antu a (manga pasasakutu) a dili manga mataw sa makaupama kanu kadtalu nilan (Yahudi endu Nasrani), na su Allah bu i makakukum sa kanilan lu sa gay a mawli kanu nganin a kaaden nilan a di nilan bamagayunan.
وَمَنۡ أَظۡلَمُ مِمَّن مَّنَعَ مَسَٰجِدَ ٱللَّهِ أَن يُذۡكَرَ فِيهَا ٱسۡمُهُۥ وَسَعَىٰ فِي خَرَابِهَآۚ أُوْلَٰٓئِكَ مَا كَانَ لَهُمۡ أَن يَدۡخُلُوهَآ إِلَّا خَآئِفِينَۚ لَهُمۡ فِي ٱلدُّنۡيَا خِزۡيٞ وَلَهُمۡ فِي ٱلۡأٓخِرَةِ عَذَابٌ عَظِيمٞ
Endu entayn i labi a salimbuten kumin kanu entayn i sinemapal kanu manga masgit a tademan lu ba su ngala nu Allah endu pagatulen nin i kageba nin lun, entuba a manga taw na di egkadayt sa kanilan i kaludep (sa masjid) ya tabya na manga magilek, aden kanilan sa dunya i kalusakan endu aden kanilan sa gay a mawli i siksa a masla.
وَلِلَّهِ ٱلۡمَشۡرِقُ وَٱلۡمَغۡرِبُۚ فَأَيۡنَمَا تُوَلُّواْ فَثَمَّ وَجۡهُ ٱللَّهِۚ إِنَّ ٱللَّهَ وَٰسِعٌ عَلِيمٞ
Endu kanu Allah i sebangan endu sedepan, apiya endaw kanu semangul na makasangul kanu sa Allah endu langkap (su limu nin) endu labi a mataw (gatagu sa ginawa nilan endu galebekan nilan).
وَقَالُواْ ٱتَّخَذَ ٱللَّهُ وَلَدٗاۗ سُبۡحَٰنَهُۥۖ بَل لَّهُۥ مَا فِي ٱلسَّمَٰوَٰتِ وَٱلۡأَرۡضِۖ كُلّٞ لَّهُۥ قَٰنِتُونَ
Endu ya nilan pidtalu (manga Yahudi endu Nasrani): su Allah na nangaden sa wata, mahasuti su Allah, ugayd na lekanin su nganin a nadalem kanu pitu lapis a langit endu lupa, su langun sa lekanin na baginugut.
بَدِيعُ ٱلسَّمَٰوَٰتِ وَٱلۡأَرۡضِۖ وَإِذَا قَضَىٰٓ أَمۡرٗا فَإِنَّمَا يَقُولُ لَهُۥ كُن فَيَكُونُ
Midtebu kanu manga langit endu lupa, endu amayka bagukul sa galebekan na ya nin bu pedtalun kanu entuba: aden ka na maaden sekanin.
وَقَالَ ٱلَّذِينَ لَا يَعۡلَمُونَ لَوۡلَا يُكَلِّمُنَا ٱللَّهُ أَوۡ تَأۡتِينَآ ءَايَةٞۗ كَذَٰلِكَ قَالَ ٱلَّذِينَ مِن قَبۡلِهِم مِّثۡلَ قَوۡلِهِمۡۘ تَشَٰبَهَتۡ قُلُوبُهُمۡۗ قَدۡ بَيَّنَّا ٱلۡأٓيَٰتِ لِقَوۡمٖ يُوقِنُونَ
Endu ya pidtalu nu manga taw a di manga mataw: umana bu ka di tanu imbityala nu Allah ataw ka ka-enggan tanu nin sa ayat, maytu bun ba i kadtalu nu manga taw a nawna sa kanilan sa mana su kadtalu nilan, mindadalagida i pamusungan nilan, saben-sabenal na ini-payag nami su manga ayatan kanu manga taw ka endu matagu sa ginawa nilan.
إِنَّآ أَرۡسَلۡنَٰكَ بِٱلۡحَقِّ بَشِيرٗا وَنَذِيرٗاۖ وَلَا تُسۡـَٔلُ عَنۡ أَصۡحَٰبِ ٱلۡجَحِيمِ
Saben-sabenal na sekami na sinugu nami seka (Muhammad) sa bantang (Islam) a makapakalilini ka endu makapanginggilek ka, endu di ka kaidsan kanu manga taw a kigkuwan kanu naraka.
وَلَن تَرۡضَىٰ عَنكَ ٱلۡيَهُودُ وَلَا ٱلنَّصَٰرَىٰ حَتَّىٰ تَتَّبِعَ مِلَّتَهُمۡۗ قُلۡ إِنَّ هُدَى ٱللَّهِ هُوَ ٱلۡهُدَىٰۗ وَلَئِنِ ٱتَّبَعۡتَ أَهۡوَآءَهُم بَعۡدَ ٱلَّذِي جَآءَكَ مِنَ ٱلۡعِلۡمِ مَا لَكَ مِنَ ٱللَّهِ مِن وَلِيّٖ وَلَا نَصِيرٍ
Endu di ka den a benal kalilinyan nu manga Yahudi endu su manga Nasrani, taman a di nengka unutan su agama nilan, edtalu ka (Muhammad) i saben-sabenal na su tutulu nu Allah na entuba i tidtu a tutulu, amayka unutan nengka silan kanu kyug nilan sa ulyan nu kinauma nu ilmu sa leka, na dala den makwa nengka ebpun sa Allah a temuganul endu dala pan temabang sa leka.
ٱلَّذِينَ ءَاتَيۡنَٰهُمُ ٱلۡكِتَٰبَ يَتۡلُونَهُۥ حَقَّ تِلَاوَتِهِۦٓ أُوْلَٰٓئِكَ يُؤۡمِنُونَ بِهِۦۗ وَمَن يَكۡفُرۡ بِهِۦ فَأُوْلَٰٓئِكَ هُمُ ٱلۡخَٰسِرُونَ
Su silan a inenggan nami silan sa kitab a pembatyan nilan sa tidtu a kapembatya lun, endu entayn i pegkafir lun na silan i nangalugi.
يَٰبَنِيٓ إِسۡرَٰٓءِيلَ ٱذۡكُرُواْ نِعۡمَتِيَ ٱلَّتِيٓ أَنۡعَمۡتُ عَلَيۡكُمۡ وَأَنِّي فَضَّلۡتُكُمۡ عَلَى ٱلۡعَٰلَمِينَ
Hay sekanu a manga tupu nu Israel! Tademi nu su limu ku a inikalimu ku sa lekanu, endu saben-sabenal na saki na inilabi ku sekanu kumin kanu sakalyan alam.
وَٱتَّقُواْ يَوۡمٗا لَّا تَجۡزِي نَفۡسٌ عَن نَّفۡسٖ شَيۡـٔٗا وَلَا يُقۡبَلُ مِنۡهَا عَدۡلٞ وَلَا تَنفَعُهَا شَفَٰعَةٞ وَلَا هُمۡ يُنصَرُونَ
Endu ikagilek nu su gay (gay a kagkukum) a dili kabalasan nu isa a ginawa su isa a ginawa sa enggaga-isa endu dili matalima ebpun sa lekanin su kapamangun endu di makangguna sa lekanin su shafa'at endu di den silan kadtabangan.
۞ وَإِذِ ٱبۡتَلَىٰٓ إِبۡرَٰهِـۧمَ رَبُّهُۥ بِكَلِمَٰتٖ فَأَتَمَّهُنَّۖ قَالَ إِنِّي جَاعِلُكَ لِلنَّاسِ إِمَامٗاۖ قَالَ وَمِن ذُرِّيَّتِيۖ قَالَ لَا يَنَالُ عَهۡدِي ٱلظَّٰلِمِينَ
Endu kanu kutika a binatalu si Ibrahim nu pedtyakap sa lekanin (Allah) sa manga kadtalu na sinampulna nin su entuba (manga batalu), (tig nu Allah): saben-sabenal na saki i pembaluy sa leka kanu manga taw sa gaunutan, ya nin (Ibrahim) pidtalu: endu ebpun kanu mawli a taw ku? Ya nin (Allah) pidtalu: di masampay su pasad ku nu manga salimbuten.
وَإِذۡ جَعَلۡنَا ٱلۡبَيۡتَ مَثَابَةٗ لِّلنَّاسِ وَأَمۡنٗا وَٱتَّخِذُواْ مِن مَّقَامِ إِبۡرَٰهِـۧمَ مُصَلّٗىۖ وَعَهِدۡنَآ إِلَىٰٓ إِبۡرَٰهِـۧمَ وَإِسۡمَٰعِيلَ أَن طَهِّرَا بَيۡتِيَ لِلطَّآئِفِينَ وَٱلۡعَٰكِفِينَ وَٱلرُّكَّعِ ٱلسُّجُودِ
Endu kanu kutika a binaluy nami su walay nu Allah (Baytullahil Haram) sa pembabalinganan nu manga taw endu katatanan, endu pamaluy kanu sa kanu nadtindegan ni Ibrahim sa gadsambayangan, endu inepangalintabun nami kani Ibrahim endu Ismail i kasuti nilan duwa kanu walay ku (Baytullahil Haram) kanu bamelibet sa ka'bah (bamedtawaf) endu su bamedtana, endu su bameruku’ a pedsugyud.
وَإِذۡ قَالَ إِبۡرَٰهِـۧمُ رَبِّ ٱجۡعَلۡ هَٰذَا بَلَدًا ءَامِنٗا وَٱرۡزُقۡ أَهۡلَهُۥ مِنَ ٱلثَّمَرَٰتِ مَنۡ ءَامَنَ مِنۡهُم بِٱللَّهِ وَٱلۡيَوۡمِ ٱلۡأٓخِرِۚ قَالَ وَمَن كَفَرَ فَأُمَتِّعُهُۥ قَلِيلٗا ثُمَّ أَضۡطَرُّهُۥٓ إِلَىٰ عَذَابِ ٱلنَّارِۖ وَبِئۡسَ ٱلۡمَصِيرُ
Endu kanu kutika a pidtalu nu Ibrahim: Kadenan ku baluy ka i nya ba a dalpa sa lilintad endu rizki ka su manga taw nin kanu manga unga nu kayu, su entayn i malityala (mangimbenal) sa Allah endu gay a mawli, ya nin pidtalu (Allah): endu entayn i migkafir na pagkakalilinin sekanin sa paydu, mawli na idasek ku sekanin sa siksa sa apuy, endu ngin den a kawag bagulyan.
وَإِذۡ يَرۡفَعُ إِبۡرَٰهِـۧمُ ٱلۡقَوَاعِدَ مِنَ ٱلۡبَيۡتِ وَإِسۡمَٰعِيلُ رَبَّنَا تَقَبَّلۡ مِنَّآۖ إِنَّكَ أَنتَ ٱلسَّمِيعُ ٱلۡعَلِيمُ
Endu kanu kutika a ipebpulu ni Ibrahim su manga tumetegkes (manga tumideng kanu walay nu Allah (Ka'bah) silan kani Ismail, (ya nilan pidtalu): Hay Kadenan nami! Talima ka sa lekami, saben-sabenal na seka i labi a pakakineg endu labi a mataw.
رَبَّنَا وَٱجۡعَلۡنَا مُسۡلِمَيۡنِ لَكَ وَمِن ذُرِّيَّتِنَآ أُمَّةٗ مُّسۡلِمَةٗ لَّكَ وَأَرِنَا مَنَاسِكَنَا وَتُبۡ عَلَيۡنَآۖ إِنَّكَ أَنتَ ٱلتَّوَّابُ ٱلرَّحِيمُ
Hay Kadenan nami! Baluy kami duwa a sumangkup sa leka endu su manga mawli a taw sa sumangkup sa leka endu ipailay nengka sa lekami su langun na ukitan nami endu tawbat kami nengka, saben -sabenal na seka i labi a banawbat a labi a malimu.
رَبَّنَا وَٱبۡعَثۡ فِيهِمۡ رَسُولٗا مِّنۡهُمۡ يَتۡلُواْ عَلَيۡهِمۡ ءَايَٰتِكَ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَيُزَكِّيهِمۡۖ إِنَّكَ أَنتَ ٱلۡعَزِيزُ ٱلۡحَكِيمُ
Hay Kadenan nami! Pambwati ka silan sa sinugu a ebpun sa kanilan sa mabatya nin sa kanilan su manga ayatan nengka, a makapamandu nin sa kanilan su kitab endu su katulangedan endu makasuti sa kanilan, saben-sabenal na seka i labi a mapulu a labi a matulanged.
وَمَن يَرۡغَبُ عَن مِّلَّةِ إِبۡرَٰهِـۧمَ إِلَّا مَن سَفِهَ نَفۡسَهُۥۚ وَلَقَدِ ٱصۡطَفَيۡنَٰهُ فِي ٱلدُّنۡيَاۖ وَإِنَّهُۥ فِي ٱلۡأٓخِرَةِ لَمِنَ ٱلصَّٰلِحِينَ
Endu entayn i kabensyan nin su agama ni Ibrahim na ya tabiya na sinalimbut nin i ginawa nin, endu saben-sabenal na pinamili nami sekanin sya sa dunya, endu saben-sabenal na sekanin sa gay a mawli na dala ka-ebplis nin na maped kanu manga mapya.
إِذۡ قَالَ لَهُۥ رَبُّهُۥٓ أَسۡلِمۡۖ قَالَ أَسۡلَمۡتُ لِرَبِّ ٱلۡعَٰلَمِينَ
Kanu kutika pidtalu sa lekanin nu pedtyakap sa lekanin (Allah) i sangkup ka (Ibrahim), ya nin pidtalu: sinumangkup aku kanu pedtyakap kanu sakalyan alam.
وَوَصَّىٰ بِهَآ إِبۡرَٰهِـۧمُ بَنِيهِ وَيَعۡقُوبُ يَٰبَنِيَّ إِنَّ ٱللَّهَ ٱصۡطَفَىٰ لَكُمُ ٱلدِّينَ فَلَا تَمُوتُنَّ إِلَّا وَأَنتُم مُّسۡلِمُونَ
Pinanutuman sa entuba ni lbrahim su manga wata nin endu si Ya'kub: Hay wata ku! Saben-sabenal na su Allahu na pinamili nin sa lekanu su agama (Islam), na di kanu den a benal matay ya tabiya na ula-ula a sekanu na manga Muslim kanu.
أَمۡ كُنتُمۡ شُهَدَآءَ إِذۡ حَضَرَ يَعۡقُوبَ ٱلۡمَوۡتُ إِذۡ قَالَ لِبَنِيهِ مَا تَعۡبُدُونَ مِنۢ بَعۡدِيۖ قَالُواْ نَعۡبُدُ إِلَٰهَكَ وَإِلَٰهَ ءَابَآئِكَ إِبۡرَٰهِـۧمَ وَإِسۡمَٰعِيلَ وَإِسۡحَٰقَ إِلَٰهٗا وَٰحِدٗا وَنَحۡنُ لَهُۥ مُسۡلِمُونَ
Ataw ka ya nu kaaden na natabu kanu (nailay nu) su kinapatay nu Ya'kub, kanu kutika a pidtalu nin kanu manga wata nin: ngin i simban nu kanu ulyan ku? Ya nilan pidtalu: ya nami simban na su Kadenan nengka endu Kadenan nu manga kalukesan nengka Ibrahim endu si lsmail endu si Ishaq a Kadenan a isa nin bu, sa ula-ula a sekami sa lekanin na manga Muslim.
تِلۡكَ أُمَّةٞ قَدۡ خَلَتۡۖ لَهَا مَا كَسَبَتۡ وَلَكُم مَّا كَسَبۡتُمۡۖ وَلَا تُسۡـَٔلُونَ عَمَّا كَانُواْ يَعۡمَلُونَ
Entuba a manga taw na naypus den sa kanilan su galebek nilan, lekanin su nganin a galebekan nin, endu lekanu su nganin a galebekan nu, endu di kanu kaidsan kanu nganin a kaaden nilan a penggalebeken nilan.
وَقَالُواْ كُونُواْ هُودًا أَوۡ نَصَٰرَىٰ تَهۡتَدُواْۗ قُلۡ بَلۡ مِلَّةَ إِبۡرَٰهِـۧمَ حَنِيفٗاۖ وَمَا كَانَ مِنَ ٱلۡمُشۡرِكِينَ
Endu ya nilan pidtalu (Yahudi endu Nasrani): aden nu su manga ginawa nu sa Yahudi ataw ka Nasrani ka matutulu kanu, edtalu ka (Muhammad): Di! Su agama nu Ibrahim na matidtu endu di kena kaped kanu manga balasakutu.
قُولُوٓاْ ءَامَنَّا بِٱللَّهِ وَمَآ أُنزِلَ إِلَيۡنَا وَمَآ أُنزِلَ إِلَىٰٓ إِبۡرَٰهِـۧمَ وَإِسۡمَٰعِيلَ وَإِسۡحَٰقَ وَيَعۡقُوبَ وَٱلۡأَسۡبَاطِ وَمَآ أُوتِيَ مُوسَىٰ وَعِيسَىٰ وَمَآ أُوتِيَ ٱلنَّبِيُّونَ مِن رَّبِّهِمۡ لَا نُفَرِّقُ بَيۡنَ أَحَدٖ مِّنۡهُمۡ وَنَحۡنُ لَهُۥ مُسۡلِمُونَ
Edtalu nu (manga mu'min) i nalityala (nangimbenal) kami sa Allah endu kanu nganin a initulun sa lekami endu kanu nganin a initulun kanu Ibrahim endu Ismail endu Ishaq endu Ya'kub endu kanu manga katupwan nilan endu kanu nganin a initingguma kanu Musa endu Eisa endu kanu nganin a initingguma kanu manga nabi ebpun kanu pedtyakap (Allah) kanilan, di nami ipembida i isa kanilan, sa ula-ula a sekami sa lekanin na sinumangkup.
فَإِنۡ ءَامَنُواْ بِمِثۡلِ مَآ ءَامَنتُم بِهِۦ فَقَدِ ٱهۡتَدَواْۖ وَّإِن تَوَلَّوۡاْ فَإِنَّمَا هُمۡ فِي شِقَاقٖۖ فَسَيَكۡفِيكَهُمُ ٱللَّهُۚ وَهُوَ ٱلسَّمِيعُ ٱلۡعَلِيمُ
Na amayka nalityala (nangimbenal) silan sa mana su pinalityalan (pinangimbenalan) nu na saben-sabenal na natutulu silan, endu amayka tinaligkudan nilan na silan man a nan na umpalak, na di den ebplis na padtamanen sa leka nu Allah (su kabanikut nilan), endu sekanin i labi a pakakineg a labi a mataw.
صِبۡغَةَ ٱللَّهِ وَمَنۡ أَحۡسَنُ مِنَ ٱللَّهِ صِبۡغَةٗۖ وَنَحۡنُ لَهُۥ عَٰبِدُونَ
Su agama nu Allah (Islam) na entayn i labi a mapya kumin kanu Allah i agama, sa ula-ula a sekami sa lekanin na bamedsimba.
قُلۡ أَتُحَآجُّونَنَا فِي ٱللَّهِ وَهُوَ رَبُّنَا وَرَبُّكُمۡ وَلَنَآ أَعۡمَٰلُنَا وَلَكُمۡ أَعۡمَٰلُكُمۡ وَنَحۡنُ لَهُۥ مُخۡلِصُونَ
Edtalu ka (Muhammad): ngintu ipebpalawa kami nu pan sa Allah sa ula-ula a sekanin i pedtyakap sa lekami (Allah) endu pedtyakap sa lekanu (Allah), lekami su manga galebekan nami na lekanu i manga galebekan nu, sa ula-ula a sekami sa lekanin na bamagikhlas.
أَمۡ تَقُولُونَ إِنَّ إِبۡرَٰهِـۧمَ وَإِسۡمَٰعِيلَ وَإِسۡحَٰقَ وَيَعۡقُوبَ وَٱلۡأَسۡبَاطَ كَانُواْ هُودًا أَوۡ نَصَٰرَىٰۗ قُلۡ ءَأَنتُمۡ أَعۡلَمُ أَمِ ٱللَّهُۗ وَمَنۡ أَظۡلَمُ مِمَّن كَتَمَ شَهَٰدَةً عِندَهُۥ مِنَ ٱللَّهِۗ وَمَا ٱللَّهُ بِغَٰفِلٍ عَمَّا تَعۡمَلُونَ
Ataw ka ya nu pedtalun na si Ibrahim endu si Ismail endu si Ishaq endu si Ya'kub endu su manga katupwan nilan na ya nin kaaden na Yahudi ataw ka Nasrani, edtalu ka (Muhammad): ngintu silan i labi a mataw ataw ka su Allah!? Endu entayn i labi i salimbuten kanu entayn i ipagena nin su nadsaksyan nin (a natawan nin) a ebpun kanu Allah, endu dala kanu Allah i kapegkalimpang kanu nganin a penggalebeken nu.
تِلۡكَ أُمَّةٞ قَدۡ خَلَتۡۖ لَهَا مَا كَسَبَتۡ وَلَكُم مَّا كَسَبۡتُمۡۖ وَلَا تُسۡـَٔلُونَ عَمَّا كَانُواْ يَعۡمَلُونَ
Su entuba a maginged (umat) na namedsagad kanu nawna sa lekanu, kanilan su nganin a nanggalebek nilan, endu lekanu su nganin a nanggalebek nu, endu di makaidsa sa lekanu su nganin a kaaden nilan a penggalebeken nilan.
۞ سَيَقُولُ ٱلسُّفَهَآءُ مِنَ ٱلنَّاسِ مَا وَلَّىٰهُمۡ عَن قِبۡلَتِهِمُ ٱلَّتِي كَانُواْ عَلَيۡهَاۚ قُل لِّلَّهِ ٱلۡمَشۡرِقُ وَٱلۡمَغۡرِبُۚ يَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ
Di ebplis na edtalun nu manga da sabutin ebpun kanu manga taw (Yahudi) u ngin i napadtaligkud sa kanilan sa kanu qiblat nilan (Baytul Maqdis) a ya nilan kaaden na pedsangulan nilan? Edtalu ka (Muhammad): kanu Allah su sebangan endu sedepan, tutulun nin entayn i magkahanda nin sa kanu lalan a matidtu.
وَكَذَٰلِكَ جَعَلۡنَٰكُمۡ أُمَّةٗ وَسَطٗا لِّتَكُونُواْ شُهَدَآءَ عَلَى ٱلنَّاسِ وَيَكُونَ ٱلرَّسُولُ عَلَيۡكُمۡ شَهِيدٗاۗ وَمَا جَعَلۡنَا ٱلۡقِبۡلَةَ ٱلَّتِي كُنتَ عَلَيۡهَآ إِلَّا لِنَعۡلَمَ مَن يَتَّبِعُ ٱلرَّسُولَ مِمَّن يَنقَلِبُ عَلَىٰ عَقِبَيۡهِۚ وَإِن كَانَتۡ لَكَبِيرَةً إِلَّا عَلَى ٱلَّذِينَ هَدَى ٱللَّهُۗ وَمَا كَانَ ٱللَّهُ لِيُضِيعَ إِيمَٰنَكُمۡۚ إِنَّ ٱللَّهَ بِٱلنَّاسِ لَرَءُوفٞ رَّحِيمٞ
Endu metu bun a binaluy nami sekanu a maginged (umat) a labi a mapya ka endu kanu maaden a manga saksi kanu manga taw, endu maaden su sinugu sa lekanu sa saksi, endu da nami baluya su qiblat a pedsangulan nengka ya tabya na endu nami katawan u entayn i bagunut kanu sinugu kanu entayn i semulang sa lekanin endu apya ya nin kaaden (i kapebpalin sa qiblat) na masela ya tabya na su silan a tinutulu nu Allah, endu kena ya kaaden nu Allah i dadagen nin su palityala (kabangimbenal) nu, saben-sabenal na su Allah kanu manga taw na labi a penggagaw a labi a malimu.
قَدۡ نَرَىٰ تَقَلُّبَ وَجۡهِكَ فِي ٱلسَّمَآءِۖ فَلَنُوَلِّيَنَّكَ قِبۡلَةٗ تَرۡضَىٰهَاۚ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۚ وَحَيۡثُ مَا كُنتُمۡ فَوَلُّواْ وُجُوهَكُمۡ شَطۡرَهُۥۗ وَإِنَّ ٱلَّذِينَ أُوتُواْ ٱلۡكِتَٰبَ لَيَعۡلَمُونَ أَنَّهُ ٱلۡحَقُّ مِن رَّبِّهِمۡۗ وَمَا ٱللَّهُ بِغَٰفِلٍ عَمَّا يَعۡمَلُونَ
Saben-sabenal na gailay nami su kapedtingada nengka (Muhammad) sa langit na di ebplis na pasangulen nami seka sa qiblat a galinyan nengka, na isangul nengka den su beneng nengka sa kanu Masjidil Haram endu apiya endaw kanu maaden na isangul nu su manga beneng nu kanu qiblat endu saben-sabenal na su silan a naenggan sa kitab, na di ebplis na katawan nilan i saben-sabenal na sekanin i benal a nakebpun kanu pedtyakap kanilan (Allah) endu dala sa Allah i limpangan nin i penggalebeken nilan.
وَلَئِنۡ أَتَيۡتَ ٱلَّذِينَ أُوتُواْ ٱلۡكِتَٰبَ بِكُلِّ ءَايَةٖ مَّا تَبِعُواْ قِبۡلَتَكَۚ وَمَآ أَنتَ بِتَابِعٖ قِبۡلَتَهُمۡۚ وَمَا بَعۡضُهُم بِتَابِعٖ قِبۡلَةَ بَعۡضٖۚ وَلَئِنِ ٱتَّبَعۡتَ أَهۡوَآءَهُم مِّنۢ بَعۡدِ مَا جَآءَكَ مِنَ ٱلۡعِلۡمِ إِنَّكَ إِذٗا لَّمِنَ ٱلظَّٰلِمِينَ
Endu apiya inenggay nengka kanu silan a natingguma na kitab (Yahudi endu Nasrani) i langun na tanda na di nilan unutan i qiblat nengka endu kena nengka bagunutan su qiblat nilan endu dala kanu sabad sa kanilan i kaunut kanu qiblat nu sabad, endu amayka unutan nengka i kyug nu manga ginawa nilan sa ulyan na kinauma sa leka na kataw, saben-sabenal na seka metun na nakuyug kanu manga taw a manga salimbuten.
ٱلَّذِينَ ءَاتَيۡنَٰهُمُ ٱلۡكِتَٰبَ يَعۡرِفُونَهُۥ كَمَا يَعۡرِفُونَ أَبۡنَآءَهُمۡۖ وَإِنَّ فَرِيقٗا مِّنۡهُمۡ لَيَكۡتُمُونَ ٱلۡحَقَّ وَهُمۡ يَعۡلَمُونَ
Su silan a inenggay nami sa kanilan su kitab (Yahudi endu Nasrani), na katawan nilan su entuba sa mana kataw nilan kanu manga wata nilan, endu saben-sabenal na su lumpukan sa kanilan na ibagena nilan su bantang sa ula-ula a katawan nilan.
ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ
Su bantang na ebpun kanu pedtyakap sa leka (Allah), na di ka den a benal bagadena su ginawa nengka sa makuyug kanu manga taw a penduwa-duwa.
وَلِكُلّٖ وِجۡهَةٌ هُوَ مُوَلِّيهَاۖ فَٱسۡتَبِقُواْ ٱلۡخَيۡرَٰتِۚ أَيۡنَ مَا تَكُونُواْ يَأۡتِ بِكُمُ ٱللَّهُ جَمِيعًاۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ
Endu uman i maginged (umat) na aden sa kanılan i pedsangulan, na egkuya-kuya kanu sa manga mapya, apiya endaw kanu maaden na limuden kanu nu Allah langun, saben-sabenal na su Allah kanu langun na enggaga-isa na labi a pakagaga.
وَمِنۡ حَيۡثُ خَرَجۡتَ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۖ وَإِنَّهُۥ لَلۡحَقُّ مِن رَّبِّكَۗ وَمَا ٱللَّهُ بِغَٰفِلٍ عَمَّا تَعۡمَلُونَ
Endu apiya endaw ka nakalyu na isangul nengka i beneng nengka sa Masjidil Haram (sa kadsambayang), endu saben-sabenal na su entuba na di ebplis na bantang a ebpun kanu pedtyakap sa leka (Allah) endu dala sa Allah i kapegkalimpang kanu nganin a penggalebeken nu.
وَمِنۡ حَيۡثُ خَرَجۡتَ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۚ وَحَيۡثُ مَا كُنتُمۡ فَوَلُّواْ وُجُوهَكُمۡ شَطۡرَهُۥ لِئَلَّا يَكُونَ لِلنَّاسِ عَلَيۡكُمۡ حُجَّةٌ إِلَّا ٱلَّذِينَ ظَلَمُواْ مِنۡهُمۡ فَلَا تَخۡشَوۡهُمۡ وَٱخۡشَوۡنِي وَلِأُتِمَّ نِعۡمَتِي عَلَيۡكُمۡ وَلَعَلَّكُمۡ تَهۡتَدُونَ
Endu apiya endaw ka nakalyu na isangul nengka i beneng nengka sa Masjidil Haram (sa kadsambayang) endu apiya endaw kanu na isangul nu i manga beneng nu sa Masjidil Haram, ka endu di maaden sa lekanu kanu manga taw i tindeg ya tabiya na su manga namedsalimbut ebpun sa kanilan, na di nu ipegkagilek silan endu saki nu i ikagilek, ka endu masampulna ku i limu ku sa lekanu endu malemu-lemu i katutulu nu.
كَمَآ أَرۡسَلۡنَا فِيكُمۡ رَسُولٗا مِّنكُمۡ يَتۡلُواْ عَلَيۡكُمۡ ءَايَٰتِنَا وَيُزَكِّيكُمۡ وَيُعَلِّمُكُمُ ٱلۡكِتَٰبَ وَٱلۡحِكۡمَةَ وَيُعَلِّمُكُم مَّا لَمۡ تَكُونُواْ تَعۡلَمُونَ
Sa mana kinapapayt nami sa lekanu sa sugu a ebpun sa lekanu a pembatya sa lekanu sa kanu manga tanda (ayatan) nami, endu pedsuti sa lekanu endu bamandu sa lekanu sa kitab endu ungangen, endu ibamandu nin sa lekanu su nganin a kaaden nu a di nu katawan.
فَٱذۡكُرُونِيٓ أَذۡكُرۡكُمۡ وَٱشۡكُرُواْ لِي وَلَا تَكۡفُرُونِ
Na tademi aku nu ka tademan ku sekanu, endu edsukuri aku nu endu da kanu pegkafir.
يَٰٓأَيُّهَا ٱلَّذِينَ ءَامَنُواْ ٱسۡتَعِينُواْ بِٱلصَّبۡرِ وَٱلصَّلَوٰةِۚ إِنَّ ٱللَّهَ مَعَ ٱلصَّٰبِرِينَ
Hay sekanu a manga bamalityala (bamangimbenal)! Patabang kanu (sa Allah) sa ukit na katigkel endu kadsambayang, saben-sabenal na su Allah na salta kanu manga matigkel.
وَلَا تَقُولُواْ لِمَن يُقۡتَلُ فِي سَبِيلِ ٱللَّهِ أَمۡوَٰتُۢۚ بَلۡ أَحۡيَآءٞ وَلَٰكِن لَّا تَشۡعُرُونَ
Endu di nu pedtalu kanu entayn i nabunu sa lalan sa Allah i manga minatay ka manga bibyag, ugayd na di nu egkagedam.
وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ وَبَشِّرِ ٱلصَّٰبِرِينَ
Endu di ebplis na batalun nami sekanu sa enggaga-isa a kanggilek endu kanggutem endu kagkulang nu manga tamuk endu kapatay endu kagkulang nu manga unga (nu manga pamulan), endu pakalilini ka (Muhammad) su manga matigkel.
ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ
Su silan (matigkel) a amayka masugat silan na bataluan, ya nilan kadtalu: saben-sabenal na sekami na kanu Allah, endu saben-sabenal na sekami na lu sa lekanin (Allah) pembalingan.
أُوْلَٰٓئِكَ عَلَيۡهِمۡ صَلَوَٰتٞ مِّن رَّبِّهِمۡ وَرَحۡمَةٞۖ وَأُوْلَٰٓئِكَ هُمُ ٱلۡمُهۡتَدُونَ
Entuba silan na salta sa kanilan i manga sagyahatra (salawat) a ebpun kanu pedtyakap sa kanilan (Allah) endu limu, endu entuba silan i manga natutulu.
۞ إِنَّ ٱلصَّفَا وَٱلۡمَرۡوَةَ مِن شَعَآئِرِ ٱللَّهِۖ فَمَنۡ حَجَّ ٱلۡبَيۡتَ أَوِ ٱعۡتَمَرَ فَلَا جُنَاحَ عَلَيۡهِ أَن يَطَّوَّفَ بِهِمَاۚ وَمَن تَطَوَّعَ خَيۡرٗا فَإِنَّ ٱللَّهَ شَاكِرٌ عَلِيمٌ
Saben-sabenal na su Safa' endu su Marwah (dua a palaw masiken sa Ka'bah) na kaped kanu manga tanda nu Allah, na entayn migkagi sa baytallah ataw ka nag-umrah na dala dusa nin i kalakaw (kad-say) nin sa pageletan nilan duwa (palaw) endu entayn i edtetebu sa mapya, na saben-sabenal na su Allah na masukur endu labi a mataw.
إِنَّ ٱلَّذِينَ يَكۡتُمُونَ مَآ أَنزَلۡنَا مِنَ ٱلۡبَيِّنَٰتِ وَٱلۡهُدَىٰ مِنۢ بَعۡدِ مَا بَيَّنَّٰهُ لِلنَّاسِ فِي ٱلۡكِتَٰبِ أُوْلَٰٓئِكَ يَلۡعَنُهُمُ ٱللَّهُ وَيَلۡعَنُهُمُ ٱللَّٰعِنُونَ
Saben-sabenal na su silan a ibagena nilan su nganin a initulun nami a manga mapayag, endu tutulu sa ulyan na kinapayag nami lun kanu manga taw sya sa kitab, entuba silan i gamulkan nu Allah endu gamulkan silan nu manga pakamulka (malaikat, nabi, endu manga taw).
إِلَّا ٱلَّذِينَ تَابُواْ وَأَصۡلَحُواْ وَبَيَّنُواْ فَأُوْلَٰٓئِكَ أَتُوبُ عَلَيۡهِمۡ وَأَنَا ٱلتَّوَّابُ ٱلرَّحِيمُ
Ya tabiya na su silan a manga namedtawbat endu nagumbaya endu inipayag nilan (su nganin a inepagena nilan), na entuba silan i tawbaten ku endu saki (Allah) i labi a banawbat a labi a malimu.
إِنَّ ٱلَّذِينَ كَفَرُواْ وَمَاتُواْ وَهُمۡ كُفَّارٌ أُوْلَٰٓئِكَ عَلَيۡهِمۡ لَعۡنَةُ ٱللَّهِ وَٱلۡمَلَٰٓئِكَةِ وَٱلنَّاسِ أَجۡمَعِينَ
Saben-sabenal na su silan a migkafir endu minatay silan a manga kafir na salta kanilan su mulka nu Allah endu su manga malaikat endu su langun nu manga taw.
خَٰلِدِينَ فِيهَا لَا يُخَفَّفُ عَنۡهُمُ ٱلۡعَذَابُ وَلَا هُمۡ يُنظَرُونَ
Dayun sa dayun silan kanu entuba sa di pakapegkagen sa kanilan su siksa endu di silan papendayan (sa gay a mawli).
وَإِلَٰهُكُمۡ إِلَٰهٞ وَٰحِدٞۖ لَّآ إِلَٰهَ إِلَّا هُوَ ٱلرَّحۡمَٰنُ ٱلرَّحِيمُ
Endu su Kadenan nu na Kadenan a isa bu (Allah) da kadenan ya tabiya sekanin a malimu (kanu langun nu kaaden nin) a labi a malimu (kanu manga naginugut sa lekanin sa gay a mawli).
إِنَّ فِي خَلۡقِ ٱلسَّمَٰوَٰتِ وَٱلۡأَرۡضِ وَٱخۡتِلَٰفِ ٱلَّيۡلِ وَٱلنَّهَارِ وَٱلۡفُلۡكِ ٱلَّتِي تَجۡرِي فِي ٱلۡبَحۡرِ بِمَا يَنفَعُ ٱلنَّاسَ وَمَآ أَنزَلَ ٱللَّهُ مِنَ ٱلسَّمَآءِ مِن مَّآءٖ فَأَحۡيَا بِهِ ٱلۡأَرۡضَ بَعۡدَ مَوۡتِهَا وَبَثَّ فِيهَا مِن كُلِّ دَآبَّةٖ وَتَصۡرِيفِ ٱلرِّيَٰحِ وَٱلسَّحَابِ ٱلۡمُسَخَّرِ بَيۡنَ ٱلسَّمَآءِ وَٱلۡأَرۡضِ لَأٓيَٰتٖ لِّقَوۡمٖ يَعۡقِلُونَ
Saben-sabenal sya kanu kinapamaluy kanu manga langit endu lupa, endu su kambida nu magabi endu malamag endu su bagedan a balalaguy sa lagat kanu nganin a pakangguna kanu manga taw endu su nganin a pinatuga nu Allah a ebpun sa langit a ig, na inuyag nin sabap lun su lupa kanu ulyan nu kinapatay nin, endu pinambuwad nin kanu lupa i uman i melanap- lanap endu su kapebpalin-palin nu sambel endu su gabun a inipapayt kanu pageltan nu langit endu lupa, na manga tanda intu kanu maginged (umat) a pakapamikil.
وَمِنَ ٱلنَّاسِ مَن يَتَّخِذُ مِن دُونِ ٱللَّهِ أَندَادٗا يُحِبُّونَهُمۡ كَحُبِّ ٱللَّهِۖ وَٱلَّذِينَ ءَامَنُوٓاْ أَشَدُّ حُبّٗا لِّلَّهِۗ وَلَوۡ يَرَى ٱلَّذِينَ ظَلَمُوٓاْ إِذۡ يَرَوۡنَ ٱلۡعَذَابَ أَنَّ ٱلۡقُوَّةَ لِلَّهِ جَمِيعٗا وَأَنَّ ٱللَّهَ شَدِيدُ ٱلۡعَذَابِ
Endu kaped kanu manga taw na bangaden silan sa salakaw kanu Allah a manga pagidsan nin, galilinyan nilan su entuba sa mana lilini nilan kanu Allah, endu su silan a namalityala (namangimbenal) na labi i lilini nilan kanu Allah, umana bu ka mailay nu manga salimbuten su gay a kailay nilan kanu siksa sa saben-sabenal na su bagel na kanu Allah langun, endu saben-sabenal na su Allah na mapedes i kasiksa.
إِذۡ تَبَرَّأَ ٱلَّذِينَ ٱتُّبِعُواْ مِنَ ٱلَّذِينَ ٱتَّبَعُواْ وَرَأَوُاْ ٱلۡعَذَابَ وَتَقَطَّعَتۡ بِهِمُ ٱلۡأَسۡبَابُ
Kanu kutika (lu sa gay a mawli) a kabpukas nu silan a inunutan kanu silan a minunut, na mailay nilan su siksa, endu natebped sa kanilan i manga sabapan (na kalipwas nilan).
وَقَالَ ٱلَّذِينَ ٱتَّبَعُواْ لَوۡ أَنَّ لَنَا كَرَّةٗ فَنَتَبَرَّأَ مِنۡهُمۡ كَمَا تَبَرَّءُواْ مِنَّاۗ كَذَٰلِكَ يُرِيهِمُ ٱللَّهُ أَعۡمَٰلَهُمۡ حَسَرَٰتٍ عَلَيۡهِمۡۖ وَمَا هُم بِخَٰرِجِينَ مِنَ ٱلنَّارِ
Endu ya pidtalu nu manga namangunut: umana bu ka saben-sabenal na aden sa lekitanu i kambalingan na lemipwas tanu sa kanilan, sa mana kinalipwas nilan sa lekitanu, manan ba i kapailay nu Allah kanu manga galebekan nilan, sa sendit nilan den, endu da sa kanilan i kalyu sa naraka.
يَٰٓأَيُّهَا ٱلنَّاسُ كُلُواْ مِمَّا فِي ٱلۡأَرۡضِ حَلَٰلٗا طَيِّبٗا وَلَا تَتَّبِعُواْ خُطُوَٰتِ ٱلشَّيۡطَٰنِۚ إِنَّهُۥ لَكُمۡ عَدُوّٞ مُّبِينٌ
Hay sekanu a manga taw! Kan kanu kanu nganin sya kanu lupa sa halal a mapya, endu di nu bagunuti i manga sangkad nu manga shaytan, saben-sabenal na su shaytan na satru nu a mapayag.
إِنَّمَا يَأۡمُرُكُم بِٱلسُّوٓءِ وَٱلۡفَحۡشَآءِ وَأَن تَقُولُواْ عَلَى ٱللَّهِ مَا لَا تَعۡلَمُونَ
Ya nin bu ipdsugu sa lekanu na mawag endu maledsik endu nu kapanebu-tebuwan su Allah sa di nu katawan.
وَإِذَا قِيلَ لَهُمُ ٱتَّبِعُواْ مَآ أَنزَلَ ٱللَّهُ قَالُواْ بَلۡ نَتَّبِعُ مَآ أَلۡفَيۡنَا عَلَيۡهِ ءَابَآءَنَآۚ أَوَلَوۡ كَانَ ءَابَآؤُهُمۡ لَا يَعۡقِلُونَ شَيۡـٔٗا وَلَا يَهۡتَدُونَ
Endu amayka edtalun sa kanilan i unuti nu su nganin a initulun nu Allah, ya nilan pidtalu: ugayd na ya nami bu unutan na su nganin a nalayaman nami kanu manga kalukesan nami, kena ba ya kaaden nu manga kalukesan nilan a dala gapamikil nilan a enggaga-isa endu di pamakatuntul.
وَمَثَلُ ٱلَّذِينَ كَفَرُواْ كَمَثَلِ ٱلَّذِي يَنۡعِقُ بِمَا لَا يَسۡمَعُ إِلَّا دُعَآءٗ وَنِدَآءٗۚ صُمُّۢ بُكۡمٌ عُمۡيٞ فَهُمۡ لَا يَعۡقِلُونَ
Endu ya upaman nu silan a manga kafir na mana su bananawag sa kanu nganin a di pakakineg ya tabya na su kabangenggat endu kabanawag, bisu a maw a pisek, na silan na di pamakapamikil.
يَٰٓأَيُّهَا ٱلَّذِينَ ءَامَنُواْ كُلُواْ مِن طَيِّبَٰتِ مَا رَزَقۡنَٰكُمۡ وَٱشۡكُرُواْ لِلَّهِ إِن كُنتُمۡ إِيَّاهُ تَعۡبُدُونَ
Hay sekanu a manga namalityala (namangimbenal): kan kanu ebpun kanu manga mapya a nganin a inirizki nami sa lekanu endu edsukur kanu sa kanu Allah amayka ya nu kaaden i sekanin i padsimban nu.
إِنَّمَا حَرَّمَ عَلَيۡكُمُ ٱلۡمَيۡتَةَ وَٱلدَّمَ وَلَحۡمَ ٱلۡخِنزِيرِ وَمَآ أُهِلَّ بِهِۦ لِغَيۡرِ ٱللَّهِۖ فَمَنِ ٱضۡطُرَّ غَيۡرَ بَاغٖ وَلَا عَادٖ فَلَآ إِثۡمَ عَلَيۡهِۚ إِنَّ ٱللَّهَ غَفُورٞ رَّحِيمٌ
Ya nin bu iniharam sa lekanu na su minatay (ayam a da masumbali) endu lugu endu sapu na kembut endu su nganin a sinumbali sa salakaw sa Allah, endu entayn i nakasendud a di kena pedsalimbut endu di kena bagukag na dala dusa nin (amayka kuman), saben-sabenal na su Allah na bangampun a malimu.
إِنَّ ٱلَّذِينَ يَكۡتُمُونَ مَآ أَنزَلَ ٱللَّهُ مِنَ ٱلۡكِتَٰبِ وَيَشۡتَرُونَ بِهِۦ ثَمَنٗا قَلِيلًا أُوْلَٰٓئِكَ مَا يَأۡكُلُونَ فِي بُطُونِهِمۡ إِلَّا ٱلنَّارَ وَلَا يُكَلِّمُهُمُ ٱللَّهُ يَوۡمَ ٱلۡقِيَٰمَةِ وَلَا يُزَكِّيهِمۡ وَلَهُمۡ عَذَابٌ أَلِيمٌ
Saben-sabenal na su silan a ibagena nilan su nganin a initulun nu Allah a ebpun kanu kitab endu bamasan nilan (su ayatan) sabap lun sa alaga a paydu, entuba silan na dala gakan nilan sya kanu manga tiyan nilan ya tabiya na apuy endu di imbityala silan nu Allah sa gay a mawli endu di nin silan sutin, endu kanilan i siksa a malipedes.
أُوْلَٰٓئِكَ ٱلَّذِينَ ٱشۡتَرَوُاْ ٱلضَّلَٰلَةَ بِٱلۡهُدَىٰ وَٱلۡعَذَابَ بِٱلۡمَغۡفِرَةِۚ فَمَآ أَصۡبَرَهُمۡ عَلَى ٱلنَّارِ
Entuba silan na inilabi nilan i katadingan sa tutulu, endu siksa sa ampun, na ngin den a katigkel i kanilan sa apuy.
ذَٰلِكَ بِأَنَّ ٱللَّهَ نَزَّلَ ٱلۡكِتَٰبَ بِٱلۡحَقِّۗ وَإِنَّ ٱلَّذِينَ ٱخۡتَلَفُواْ فِي ٱلۡكِتَٰبِ لَفِي شِقَاقِۭ بَعِيدٖ
Su namba (balas nu kinapagena sa ilmu) na sabap sa saben-sabenal na su Allah na initulun nin su kitab sa bantang, endu saben-sabenal na su silan a mimbida-bida kanu kitab, na di ebplis na sya sa kanu kaumpalak a mawatan (sa bantang).
۞ لَّيۡسَ ٱلۡبِرَّ أَن تُوَلُّواْ وُجُوهَكُمۡ قِبَلَ ٱلۡمَشۡرِقِ وَٱلۡمَغۡرِبِ وَلَٰكِنَّ ٱلۡبِرَّ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَٱلۡمَلَٰٓئِكَةِ وَٱلۡكِتَٰبِ وَٱلنَّبِيِّـۧنَ وَءَاتَى ٱلۡمَالَ عَلَىٰ حُبِّهِۦ ذَوِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينَ وَٱبۡنَ ٱلسَّبِيلِ وَٱلسَّآئِلِينَ وَفِي ٱلرِّقَابِ وَأَقَامَ ٱلصَّلَوٰةَ وَءَاتَى ٱلزَّكَوٰةَ وَٱلۡمُوفُونَ بِعَهۡدِهِمۡ إِذَا عَٰهَدُواْۖ وَٱلصَّٰبِرِينَ فِي ٱلۡبَأۡسَآءِ وَٱلضَّرَّآءِ وَحِينَ ٱلۡبَأۡسِۗ أُوْلَٰٓئِكَ ٱلَّذِينَ صَدَقُواْۖ وَأُوْلَٰٓئِكَ هُمُ ٱلۡمُتَّقُونَ
Di kena mapya i kasangul nu kanu manga beneng nu tampal sa sebangan endu sedepan, ugayd na ya mapya na su entayn i nalityala (nangimbenal) sa Allah endu gay a mawli endu malaikat endu kitab endu su manga nabi, endu su inenggay nin i tamuk nin sa kyug nin sa kanu manga pagali nin endu su manga ilu endu su manga miskinan endu su wata na lalan (su natangen sa lalan sabap sa kadadalay) endu su manga bamangeni endu su manga ganga-aun, endu midsambayang endu minenggay sa zakat endu tinumuman sa pasad nilan amayka mibpasad silan endu su manga matigkel kanu kadadalay nilan endu kanu kutika nu kadalu, entuba silan i namembantangan, endu entuba silan a manga magilek sa Allah.
يَٰٓأَيُّهَا ٱلَّذِينَ ءَامَنُواْ كُتِبَ عَلَيۡكُمُ ٱلۡقِصَاصُ فِي ٱلۡقَتۡلَىۖ ٱلۡحُرُّ بِٱلۡحُرِّ وَٱلۡعَبۡدُ بِٱلۡعَبۡدِ وَٱلۡأُنثَىٰ بِٱلۡأُنثَىٰۚ فَمَنۡ عُفِيَ لَهُۥ مِنۡ أَخِيهِ شَيۡءٞ فَٱتِّبَاعُۢ بِٱلۡمَعۡرُوفِ وَأَدَآءٌ إِلَيۡهِ بِإِحۡسَٰنٖۗ ذَٰلِكَ تَخۡفِيفٞ مِّن رَّبِّكُمۡ وَرَحۡمَةٞۗ فَمَنِ ٱعۡتَدَىٰ بَعۡدَ ذَٰلِكَ فَلَهُۥ عَذَابٌ أَلِيمٞ
Sekanu a manga bamaginugut inibpalyugat sa lekanu i qisaas (kapakayd kanu minunu sa pinakaydan nin kanu binunu nin) sya kanu manga pinamunu, su daludaya na daludaya, endu su ulipen sa ulipen, su babay sa babay, na entayn i inampun sa lekanin nu suled nin na unutan i makagkapya (di mabunu) endu itapenay sa lekanin sa mapya (kasalan), entuba na kinapagkapegkag a ganat kanu pedtyakap sa lekanu (Allah) endu limu, na entayn i temalasak (edtibaba) kanu ulyan nu entuba na lekanin su siksa a masakit.
وَلَكُمۡ فِي ٱلۡقِصَاصِ حَيَوٰةٞ يَٰٓأُوْلِي ٱلۡأَلۡبَٰبِ لَعَلَّكُمۡ تَتَّقُونَ
Endu lekanu sya kanu qisaas i uyag-uyag, hay sekanu a aden manga akal nin, ka malemu-lemu sa lekanu i kagilek nu (sa Allah).
كُتِبَ عَلَيۡكُمۡ إِذَا حَضَرَ أَحَدَكُمُ ٱلۡمَوۡتُ إِن تَرَكَ خَيۡرًا ٱلۡوَصِيَّةُ لِلۡوَٰلِدَيۡنِ وَٱلۡأَقۡرَبِينَ بِٱلۡمَعۡرُوفِۖ حَقًّا عَلَى ٱلۡمُتَّقِينَ
Iniwagib sa lekanu i amayka nakawma kanu isa sa lekanu su kapatay, i amayka aden natagak nin a mapya (tamuk) i kapanutuma sa duwa a mimbata endu su manga pagali sa mapya, bantang kanu manga magilek (sa Allah).
فَمَنۢ بَدَّلَهُۥ بَعۡدَ مَا سَمِعَهُۥ فَإِنَّمَآ إِثۡمُهُۥ عَلَى ٱلَّذِينَ يُبَدِّلُونَهُۥٓۚ إِنَّ ٱللَّهَ سَمِيعٌ عَلِيمٞ
Na entayn i sumambi sa lekanin (su tutuma) sa ulyan nu nganin a nakineg nin, na su dusa nin na kanu manga nanambi bu sa lekanin (kanu tutuma), saben-sabenal na su Allah i labi a pakakineg a mataw.
فَمَنۡ خَافَ مِن مُّوصٖ جَنَفًا أَوۡ إِثۡمٗا فَأَصۡلَحَ بَيۡنَهُمۡ فَلَآ إِثۡمَ عَلَيۡهِۚ إِنَّ ٱللَّهَ غَفُورٞ رَّحِيمٞ
Na entayn i nagilekan sa kanu nanutuma sa makadsulamig ataw ka makandusa, na inumbayan nin sa pageletan nilan na dala dusa nin, saben-sabenal na su Allah na labi a mangampun a malimu.
يَٰٓأَيُّهَا ٱلَّذِينَ ءَامَنُواْ كُتِبَ عَلَيۡكُمُ ٱلصِّيَامُ كَمَا كُتِبَ عَلَى ٱلَّذِينَ مِن قَبۡلِكُمۡ لَعَلَّكُمۡ تَتَّقُونَ
Hay sekanu a manga namalityala (namangimbenal)! Iniwagib sa lekanu su kabpuwasa (Ramadhan), sa mana kinawagib kanu silan a nawna sa lekanu, ka endu malemu-lemu sa lekanu i kagilek nu (sa Allah).
أَيَّامٗا مَّعۡدُودَٰتٖۚ فَمَن كَانَ مِنكُم مَّرِيضًا أَوۡ عَلَىٰ سَفَرٖ فَعِدَّةٞ مِّنۡ أَيَّامٍ أُخَرَۚ وَعَلَى ٱلَّذِينَ يُطِيقُونَهُۥ فِدۡيَةٞ طَعَامُ مِسۡكِينٖۖ فَمَن تَطَوَّعَ خَيۡرٗا فَهُوَ خَيۡرٞ لَّهُۥۚ وَأَن تَصُومُواْ خَيۡرٞ لَّكُمۡ إِن كُنتُمۡ تَعۡلَمُونَ
Manga gay a gambilang-bilang, na entayn i ya nin kaaden sa lekanu i pendalu, ataw ka sa lakawan, bilangenin i da nin kabpuwasay, ka ebpuwasan nin sa manga gay a kaped endu nya kanu manga pakagaga sa lekanin (kabpuwasa) na kasalan a kapakan sa manga miskinan, na entayn i edtebu sa mapya na entuba i labi a mapya sa lekanin, endu su kabpuwasa nu na labi a mapya sa lekanu, amayka ya nu kaaden i katawan nu.
شَهۡرُ رَمَضَانَ ٱلَّذِيٓ أُنزِلَ فِيهِ ٱلۡقُرۡءَانُ هُدٗى لِّلنَّاسِ وَبَيِّنَٰتٖ مِّنَ ٱلۡهُدَىٰ وَٱلۡفُرۡقَانِۚ فَمَن شَهِدَ مِنكُمُ ٱلشَّهۡرَ فَلۡيَصُمۡهُۖ وَمَن كَانَ مَرِيضًا أَوۡ عَلَىٰ سَفَرٖ فَعِدَّةٞ مِّنۡ أَيَّامٍ أُخَرَۗ يُرِيدُ ٱللَّهُ بِكُمُ ٱلۡيُسۡرَ وَلَا يُرِيدُ بِكُمُ ٱلۡعُسۡرَ وَلِتُكۡمِلُواْ ٱلۡعِدَّةَ وَلِتُكَبِّرُواْ ٱللَّهَ عَلَىٰ مَا هَدَىٰكُمۡ وَلَعَلَّكُمۡ تَشۡكُرُونَ
Ulan-ulan nu Ramadhan i initulun lu ba su Qur’an a tutulu sa kanu manga taw endu manga mapayag (a manga tanda) kanu tutulu, endu papedsenggaya (sa bantang endu sulak), na entayn i makadsaksi sa lekanu kanu ulan-ulan (a kinaludep nu Ramadhan) na ebpuwasan nin su entuba, endu entayn i pendalu ataw ka sa lakawan na ebpuwasan nin sa manga gay a kaped, ya kalinyan nu Allah sa lekanu na malemu, endu di nin kalinyan sa lekanu i malegen, ka endu nu matalutup su bilangan nu kapebpuwasa kanu ulan-ulan (Ramadhan) endu madsela-sela nu su Allah kanu nganin a initulu nin sa lekanu, endu malemu-malemu sa lekanu i kadsukur nu.
وَإِذَا سَأَلَكَ عِبَادِي عَنِّي فَإِنِّي قَرِيبٌۖ أُجِيبُ دَعۡوَةَ ٱلدَّاعِ إِذَا دَعَانِۖ فَلۡيَسۡتَجِيبُواْ لِي وَلۡيُؤۡمِنُواْ بِي لَعَلَّهُمۡ يَرۡشُدُونَ
Endu amayka idsan ka (Muhammad) nu manga ulipen ku makapantag sa laki, na saben-sabenal na saki na masiken, pedsawalen ku su pangeni nu bangeni amayka nangeni sa laki, na taliman nilan i manga kasuguwan ku endu malityala (mangimbenal) silan sa laki ka malemu-lemu sa kanilan i katidtu nilan.
أُحِلَّ لَكُمۡ لَيۡلَةَ ٱلصِّيَامِ ٱلرَّفَثُ إِلَىٰ نِسَآئِكُمۡۚ هُنَّ لِبَاسٞ لَّكُمۡ وَأَنتُمۡ لِبَاسٞ لَّهُنَّۗ عَلِمَ ٱللَّهُ أَنَّكُمۡ كُنتُمۡ تَخۡتَانُونَ أَنفُسَكُمۡ فَتَابَ عَلَيۡكُمۡ وَعَفَا عَنكُمۡۖ فَٱلۡـَٰٔنَ بَٰشِرُوهُنَّ وَٱبۡتَغُواْ مَا كَتَبَ ٱللَّهُ لَكُمۡۚ وَكُلُواْ وَٱشۡرَبُواْ حَتَّىٰ يَتَبَيَّنَ لَكُمُ ٱلۡخَيۡطُ ٱلۡأَبۡيَضُ مِنَ ٱلۡخَيۡطِ ٱلۡأَسۡوَدِ مِنَ ٱلۡفَجۡرِۖ ثُمَّ أَتِمُّواْ ٱلصِّيَامَ إِلَى ٱلَّيۡلِۚ وَلَا تُبَٰشِرُوهُنَّ وَأَنتُمۡ عَٰكِفُونَ فِي ٱلۡمَسَٰجِدِۗ تِلۡكَ حُدُودُ ٱللَّهِ فَلَا تَقۡرَبُوهَاۗ كَذَٰلِكَ يُبَيِّنُ ٱللَّهُ ءَايَٰتِهِۦ لِلنَّاسِ لَعَلَّهُمۡ يَتَّقُونَ
Pinamakay sa lekanu sa magabi (nu Ramadhan) i kambalagyuma sa kanu manga kaluma nu, silan i manga balegkas nu endu sekanu i balegkas nilan, natawan nu Allah i saben-sabenal na sekanu na ya nu kaaden na bagakalan nu i manga ginawa nu na tinawbat endu inampun kanu nin (Allah), na saguna na imbalagyuma nu silan endu pangeni nu su nganin a inipambagi nin sa lekanu (mawli a taw), endu kan kanu endu inum kanu taman sa di egkapayag sa lekanu su kintel a maputi ebpun kanu kintel a maytem pagyal (a tidtu), mawli na sampulna nu su puwasa nu taman sa magabi (kasedep nu senang) endu di nu ipembalagyuma silan sa sekanu na pedtangen sya sa masgit, entuba i manga dulunan nu Allah, na di nu semikeni, manan ba ikapayag nu Allah sa kanu manga tanda nin kanu manga taw, ka malemu-lemu sa sa kanilan i kagilek.
وَلَا تَأۡكُلُوٓاْ أَمۡوَٰلَكُم بَيۡنَكُم بِٱلۡبَٰطِلِ وَتُدۡلُواْ بِهَآ إِلَى ٱلۡحُكَّامِ لِتَأۡكُلُواْ فَرِيقٗا مِّنۡ أَمۡوَٰلِ ٱلنَّاسِ بِٱلۡإِثۡمِ وَأَنتُمۡ تَعۡلَمُونَ
Endu di nu keman su manga tamuk nu sa pamageletan nu sa mawag endu di nu ipedsisimenga entuba lu sa kukuman, endu makan nu kaped sa lekanu su tamuk nu manga taw sa kabaldusan endu sekanu na katawan nu.
۞ يَسۡـَٔلُونَكَ عَنِ ٱلۡأَهِلَّةِۖ قُلۡ هِيَ مَوَٰقِيتُ لِلنَّاسِ وَٱلۡحَجِّۗ وَلَيۡسَ ٱلۡبِرُّ بِأَن تَأۡتُواْ ٱلۡبُيُوتَ مِن ظُهُورِهَا وَلَٰكِنَّ ٱلۡبِرَّ مَنِ ٱتَّقَىٰۗ وَأۡتُواْ ٱلۡبُيُوتَ مِنۡ أَبۡوَٰبِهَاۚ وَٱتَّقُواْ ٱللَّهَ لَعَلَّكُمۡ تُفۡلِحُونَ
Ibagidsa nilan sa leka (Muhammad) su ulan-ulan, edtalu ka i manga waktu nu manga taw endu kagkagi endu di kena ya mapya i katingguma nu kanu manga walay sa semungu sa taligkudan ugayd na ya mapya na su magilek (sa kanu Allah) endu ludep kanu sa manga walay lu kanu manga bengawan nin endu ikagilek nu su Allah, ka malemu-lemu sa lekanu i kauntung.
وَقَٰتِلُواْ فِي سَبِيلِ ٱللَّهِ ٱلَّذِينَ يُقَٰتِلُونَكُمۡ وَلَا تَعۡتَدُوٓاْۚ إِنَّ ٱللَّهَ لَا يُحِبُّ ٱلۡمُعۡتَدِينَ
Endu embunuwa kanu sa lalan sa Allah kanu silan a pembunuwa sa lekanu endu da kanu banibaba, saben-sabenal na su Allah na di nin kalinyan i manga matibaba.
وَٱقۡتُلُوهُمۡ حَيۡثُ ثَقِفۡتُمُوهُمۡ وَأَخۡرِجُوهُم مِّنۡ حَيۡثُ أَخۡرَجُوكُمۡۚ وَٱلۡفِتۡنَةُ أَشَدُّ مِنَ ٱلۡقَتۡلِۚ وَلَا تُقَٰتِلُوهُمۡ عِندَ ٱلۡمَسۡجِدِ ٱلۡحَرَامِ حَتَّىٰ يُقَٰتِلُوكُمۡ فِيهِۖ فَإِن قَٰتَلُوكُمۡ فَٱقۡتُلُوهُمۡۗ كَذَٰلِكَ جَزَآءُ ٱلۡكَٰفِرِينَ
Endu bunu nu silan sa apya endaw nu kasampenan silan, endu palyu nu silan kanu pinalyuan nilan sa lekanu (Makkah), endu kabanangkada na labi a mapasang kumin sa kapamunu, na di nu silan ipembunuwa lu sa Masjidil Haram taman sa di kanu nilan ipembunuwa lu ba, na amayka imbunuwa kanu nilan na bunu nu silan ka manan ba i balas nu manga kafir.
فَإِنِ ٱنتَهَوۡاْ فَإِنَّ ٱللَّهَ غَفُورٞ رَّحِيمٞ
Na amayka minenda silan na saben-sabenal na su Allah i labi a bangampun a malimu.
وَقَٰتِلُوهُمۡ حَتَّىٰ لَا تَكُونَ فِتۡنَةٞ وَيَكُونَ ٱلدِّينُ لِلَّهِۖ فَإِنِ ٱنتَهَوۡاْ فَلَا عُدۡوَٰنَ إِلَّا عَلَى ٱلظَّٰلِمِينَ
Endu imbunuwa nu silan taman sa dala den maaden a sakutu endu maaden su agama (Islam) a kanu Allah amayka minenda silan na dala ukag ya tabiya na kanu manga salimbuten.
ٱلشَّهۡرُ ٱلۡحَرَامُ بِٱلشَّهۡرِ ٱلۡحَرَامِ وَٱلۡحُرُمَٰتُ قِصَاصٞۚ فَمَنِ ٱعۡتَدَىٰ عَلَيۡكُمۡ فَٱعۡتَدُواْ عَلَيۡهِ بِمِثۡلِ مَا ٱعۡتَدَىٰ عَلَيۡكُمۡۚ وَٱتَّقُواْ ٱللَّهَ وَٱعۡلَمُوٓاْ أَنَّ ٱللَّهَ مَعَ ٱلۡمُتَّقِينَ
Su ulan-ulan a inipagaga sa lekanu nu Allah i kaludep sa haram (Makkah) na sambi nu ulan-ulan a pinelen kanu lu ba nu manga pasasakutu, endu su manga iniharam lu ba i kambunuwa na aden lun i qisaas (kapaked kanu namungked sa nganin a pinaked nin kanu nagkedan), na anteyn i edtibaba sa lekanu na edtibabay nu sa mana kinadtibaba nilan sa lekanu endu ikagilek nu su Allah endu tuntayi nu i saben-sabenal na su Allah na salta kanu manga magilek (sa Allah).
وَأَنفِقُواْ فِي سَبِيلِ ٱللَّهِ وَلَا تُلۡقُواْ بِأَيۡدِيكُمۡ إِلَى ٱلتَّهۡلُكَةِ وَأَحۡسِنُوٓاْۚ إِنَّ ٱللَّهَ يُحِبُّ ٱلۡمُحۡسِنِينَ
Endu embaranggya kanu sa lalan sa Allah, endu di nu ipedtagu kanu manga lima nu i makabinasa, na ebpya-pya kanu, ka saben-sabenal na su Allah na galinyan nin i manga bamangapyanan.
وَأَتِمُّواْ ٱلۡحَجَّ وَٱلۡعُمۡرَةَ لِلَّهِۚ فَإِنۡ أُحۡصِرۡتُمۡ فَمَا ٱسۡتَيۡسَرَ مِنَ ٱلۡهَدۡيِۖ وَلَا تَحۡلِقُواْ رُءُوسَكُمۡ حَتَّىٰ يَبۡلُغَ ٱلۡهَدۡيُ مَحِلَّهُۥۚ فَمَن كَانَ مِنكُم مَّرِيضًا أَوۡ بِهِۦٓ أَذٗى مِّن رَّأۡسِهِۦ فَفِدۡيَةٞ مِّن صِيَامٍ أَوۡ صَدَقَةٍ أَوۡ نُسُكٖۚ فَإِذَآ أَمِنتُمۡ فَمَن تَمَتَّعَ بِٱلۡعُمۡرَةِ إِلَى ٱلۡحَجِّ فَمَا ٱسۡتَيۡسَرَ مِنَ ٱلۡهَدۡيِۚ فَمَن لَّمۡ يَجِدۡ فَصِيَامُ ثَلَٰثَةِ أَيَّامٖ فِي ٱلۡحَجِّ وَسَبۡعَةٍ إِذَا رَجَعۡتُمۡۗ تِلۡكَ عَشَرَةٞ كَامِلَةٞۗ ذَٰلِكَ لِمَن لَّمۡ يَكُنۡ أَهۡلُهُۥ حَاضِرِي ٱلۡمَسۡجِدِ ٱلۡحَرَامِۚ وَٱتَّقُواْ ٱللَّهَ وَٱعۡلَمُوٓاْ أَنَّ ٱللَّهَ شَدِيدُ ٱلۡعِقَابِ
Endu sampulna nu su kapegkagi endu kabag-umrah sa kanu Allah, na amayka napelen kanu (kanu kapedsampulna lun), na su nganin a malemu (sa lekanu) kanu panunumbalin, endu di nu temabungawi su manga ulu nu taman sa di mawma su ukul nin (kapedsumbali), na entayn i yanin kaaden sa lekanu i pendalu ataw ka aden sa lekanin i simuket kanu ulu nin, na ebpyansa sekanin sa kabpwasa ataw ka kapanadeqah ataw ka kapanumbali, na amayka nakadtakena kanu na entayn i mag-umrah sa ulan-ulan na kapegkagi na su nganin a malemu a panunumbalin, na entayn i di makatun (sa panunumbalin) na kabpuwasa sa telu gay sya kanu kapegkagi, na pitu timan amayka makauli kanu, na su entuba na sapulu gay a sampulna, su entuba na kanu entayn i da maaden su pamilya nin sa Haram, endu ikagilek nu su Allah endu tuntayi nu i su Allah na mapedes i kasiksa.
ٱلۡحَجُّ أَشۡهُرٞ مَّعۡلُومَٰتٞۚ فَمَن فَرَضَ فِيهِنَّ ٱلۡحَجَّ فَلَا رَفَثَ وَلَا فُسُوقَ وَلَا جِدَالَ فِي ٱلۡحَجِّۗ وَمَا تَفۡعَلُواْ مِنۡ خَيۡرٖ يَعۡلَمۡهُ ٱللَّهُۗ وَتَزَوَّدُواْ فَإِنَّ خَيۡرَ ٱلزَّادِ ٱلتَّقۡوَىٰۖ وَٱتَّقُونِ يَٰٓأُوْلِي ٱلۡأَلۡبَٰبِ
Su kapegkagi na manga ulan-ulan a talanged, na entayn i pibpalyugatan nin (su ginawa nin) sya sa lekanin (manga ulan-ulan) su kapegkagi na da kapembalagyuma endu da kapedsupak endu da kapendalampawya sa kanu kapegkagi endu su nganin a penggalebeken nu na katawan nu Allah endu embalutu kanu, na ya mapya a lutu na gilek (sa Allah) endu ikagilek aku (Allah) nu sekanu a aden manga akal nin.
لَيۡسَ عَلَيۡكُمۡ جُنَاحٌ أَن تَبۡتَغُواْ فَضۡلٗا مِّن رَّبِّكُمۡۚ فَإِذَآ أَفَضۡتُم مِّنۡ عَرَفَٰتٖ فَٱذۡكُرُواْ ٱللَّهَ عِندَ ٱلۡمَشۡعَرِ ٱلۡحَرَامِۖ وَٱذۡكُرُوهُ كَمَا هَدَىٰكُمۡ وَإِن كُنتُم مِّن قَبۡلِهِۦ لَمِنَ ٱلضَّآلِّينَ
Dala sa lekanu i dusa sa kabanganganay sa kanu kalbihan ebpun kanu pedtyakap sa lekanu (Allah), na amayka midsalingganat kanu ebpun sa Arafah na tademi nu su Allah lu sa tanda nu Haram (Muzdalifah), endu tademi nu sekanin sa mana su initutulu nin sa lekanu endu amayka ya nu kaaden kanu nawna na di ebplis na kaped kanu kanu manga tading.
ثُمَّ أَفِيضُواْ مِنۡ حَيۡثُ أَفَاضَ ٱلنَّاسُ وَٱسۡتَغۡفِرُواْ ٱللَّهَۚ إِنَّ ٱللَّهَ غَفُورٞ رَّحِيمٞ
Mawli na edsalingganati nu su pidsalingganatan nu manga taw, endu pangeni kanu sa ampun kanu Allah, ka saben-sabenal na su Allah na labi a mangampun a malimu.
فَإِذَا قَضَيۡتُم مَّنَٰسِكَكُمۡ فَٱذۡكُرُواْ ٱللَّهَ كَذِكۡرِكُمۡ ءَابَآءَكُمۡ أَوۡ أَشَدَّ ذِكۡرٗاۗ فَمِنَ ٱلنَّاسِ مَن يَقُولُ رَبَّنَآ ءَاتِنَا فِي ٱلدُّنۡيَا وَمَا لَهُۥ فِي ٱلۡأٓخِرَةِ مِنۡ خَلَٰقٖ
Na amayka napasad nu su manga galebek nu na tademi nu su Allah sa mana su katadem nu sa manga lukes nu, ataw ka minuna pan a tadem, na ped kanu manga taw i pedtalu: Hay pedtyakap sa lekami (Allah)! inggay nengka sa lekami sya sa dunya, na dala sa lekanin lu sa gay a mawli i umun.
وَمِنۡهُم مَّن يَقُولُ رَبَّنَآ ءَاتِنَا فِي ٱلدُّنۡيَا حَسَنَةٗ وَفِي ٱلۡأٓخِرَةِ حَسَنَةٗ وَقِنَا عَذَابَ ٱلنَّارِ
Endu kaped sa kanilan i ya nin pedtalu: Hay pedtyakap sa lekami (Allah)! Enggay kami sya sa dunya sa mapya endu sa gay a mawli sa mapya endu lepas kami nengka kanu siksa nu apuy.
أُوْلَٰٓئِكَ لَهُمۡ نَصِيبٞ مِّمَّا كَسَبُواْۚ وَٱللَّهُ سَرِيعُ ٱلۡحِسَابِ
Entuba na kanilan i umun ebpun kanu nganin a napantyali nilan endu su Allah na labi a mangagan i kagkwinta.
۞ وَٱذۡكُرُواْ ٱللَّهَ فِيٓ أَيَّامٖ مَّعۡدُودَٰتٖۚ فَمَن تَعَجَّلَ فِي يَوۡمَيۡنِ فَلَآ إِثۡمَ عَلَيۡهِ وَمَن تَأَخَّرَ فَلَآ إِثۡمَ عَلَيۡهِۖ لِمَنِ ٱتَّقَىٰۗ وَٱتَّقُواْ ٱللَّهَ وَٱعۡلَمُوٓاْ أَنَّكُمۡ إِلَيۡهِ تُحۡشَرُونَ
Endu tademi nu su Allah kanu gay a gambilang-bilang (lu sa Mina), na entayn i bamagayas sa duwa gay na dala dusa nin endu entayn i enggagawli (sa telu gay) na dala dusa nin kanu entayn i nagilekan, endu ikagilek nu su Allah endu tuntayi nu i saben-sabenal na lu kanu sa lekanin mabulig.
وَمِنَ ٱلنَّاسِ مَن يُعۡجِبُكَ قَوۡلُهُۥ فِي ٱلۡحَيَوٰةِ ٱلدُّنۡيَا وَيُشۡهِدُ ٱللَّهَ عَلَىٰ مَا فِي قَلۡبِهِۦ وَهُوَ أَلَدُّ ٱلۡخِصَامِ
Endu kaped sa kanu manga taw (munafiq) i kalinyan nengka i kadtalu nin sa uyag-uyag sa dunya, endu pedsaksyan nin kanu Allah su nganin a dalem na pamusungan nin, na silan na labi a malat i kapagukag.
وَإِذَا تَوَلَّىٰ سَعَىٰ فِي ٱلۡأَرۡضِ لِيُفۡسِدَ فِيهَا وَيُهۡلِكَ ٱلۡحَرۡثَ وَٱلنَّسۡلَۚ وَٱللَّهُ لَا يُحِبُّ ٱلۡفَسَادَ
Endu amayka makataligkud (sa leka Muhammad) na lumakaw sya kanu kalupan sa endu makapaminasakan lun endu mabinasa nin i pinamumula endu manga pipis (binatang), na su Allah na di nin kalinyan i kabinasan.
وَإِذَا قِيلَ لَهُ ٱتَّقِ ٱللَّهَ أَخَذَتۡهُ ٱلۡعِزَّةُ بِٱلۡإِثۡمِۚ فَحَسۡبُهُۥ جَهَنَّمُۖ وَلَبِئۡسَ ٱلۡمِهَادُ
Endu amayka edtalun sa lekanin i ikagilek nengka su Allah na makwa sekanin nu kamamasela sa makandusa, na nasasangan sa lekanin i pegkalaw-kalaw (a apuy), endu di ebplis na mawag a kadtakenan.
وَمِنَ ٱلنَّاسِ مَن يَشۡرِي نَفۡسَهُ ٱبۡتِغَآءَ مَرۡضَاتِ ٱللَّهِۚ وَٱللَّهُ رَءُوفُۢ بِٱلۡعِبَادِ
Endu kaped kanu manga taw i ebpasan nin su ginawa nin sa kabanganganay kanu lilini nu Allah endu su Allah na malimu kanu manga ulipen.
يَٰٓأَيُّهَا ٱلَّذِينَ ءَامَنُواْ ٱدۡخُلُواْ فِي ٱلسِّلۡمِ كَآفَّةٗ وَلَا تَتَّبِعُواْ خُطُوَٰتِ ٱلشَّيۡطَٰنِۚ إِنَّهُۥ لَكُمۡ عَدُوّٞ مُّبِينٞ
Hay sekanu a manga bamalityala (bamangimbenal)! Ludep kanu sa Islam sa langun, endu di nu munuti su manga sangkad nu Shaytan, saben-sabenal na sekanin sa lekanu na satru a mapayag.
فَإِن زَلَلۡتُم مِّنۢ بَعۡدِ مَا جَآءَتۡكُمُ ٱلۡبَيِّنَٰتُ فَٱعۡلَمُوٓاْ أَنَّ ٱللَّهَ عَزِيزٌ حَكِيمٌ
Na amayka makiding (matading) kanu sa ulyan nu kinawma nu manga tanda (Qur’an) sa lekanu na tuntayi nu ka saben-sabenal na su Allah na mapulu a mawngangen.
هَلۡ يَنظُرُونَ إِلَّآ أَن يَأۡتِيَهُمُ ٱللَّهُ فِي ظُلَلٖ مِّنَ ٱلۡغَمَامِ وَٱلۡمَلَٰٓئِكَةُ وَقُضِيَ ٱلۡأَمۡرُۚ وَإِلَى ٱللَّهِ تُرۡجَعُ ٱلۡأُمُورُ
Ngintu bangangapa silan? Ya tabya na itingguma nu Allah sa kanilan i masilung a ebpun sa dadtem endu su malaikat, endu naukul su ganggula, endu lu bun sa Allah pakambalingan su manga enggaga-isa.
سَلۡ بَنِيٓ إِسۡرَٰٓءِيلَ كَمۡ ءَاتَيۡنَٰهُم مِّنۡ ءَايَةِۭ بَيِّنَةٖۗ وَمَن يُبَدِّلۡ نِعۡمَةَ ٱللَّهِ مِنۢ بَعۡدِ مَا جَآءَتۡهُ فَإِنَّ ٱللَّهَ شَدِيدُ ٱلۡعِقَابِ
Idsa nengka (Muhammad) kanu tupu nu Israel u pila i naka-enggay nami kanilan a tanda a mapayag? Endu entayn i sambyan nin su limu nu Allah kanu ulyan nu nganin a kinawma nin sa lekanin, na saben-sabenal na su Allah na mapasang i kasiksa.
زُيِّنَ لِلَّذِينَ كَفَرُواْ ٱلۡحَيَوٰةُ ٱلدُّنۡيَا وَيَسۡخَرُونَ مِنَ ٱلَّذِينَ ءَامَنُواْۘ وَٱلَّذِينَ ٱتَّقَوۡاْ فَوۡقَهُمۡ يَوۡمَ ٱلۡقِيَٰمَةِۗ وَٱللَّهُ يَرۡزُقُ مَن يَشَآءُ بِغَيۡرِ حِسَابٖ
Pinagkapya kanu silan a namegkafir su uyag-uyag sa dunya endu pedsudyan nilan su manga namalityala (namangimbenal), endu su silan a manga inikagilek nilan (su Allah), kanu pulu nilan su gay a mawli endu su Allah i berizki kanu entayn i magkahanda nin sa dala lun i kapegkwinta.
كَانَ ٱلنَّاسُ أُمَّةٗ وَٰحِدَةٗ فَبَعَثَ ٱللَّهُ ٱلنَّبِيِّـۧنَ مُبَشِّرِينَ وَمُنذِرِينَ وَأَنزَلَ مَعَهُمُ ٱلۡكِتَٰبَ بِٱلۡحَقِّ لِيَحۡكُمَ بَيۡنَ ٱلنَّاسِ فِيمَا ٱخۡتَلَفُواْ فِيهِۚ وَمَا ٱخۡتَلَفَ فِيهِ إِلَّا ٱلَّذِينَ أُوتُوهُ مِنۢ بَعۡدِ مَا جَآءَتۡهُمُ ٱلۡبَيِّنَٰتُ بَغۡيَۢا بَيۡنَهُمۡۖ فَهَدَى ٱللَّهُ ٱلَّذِينَ ءَامَنُواْ لِمَا ٱخۡتَلَفُواْ فِيهِ مِنَ ٱلۡحَقِّ بِإِذۡنِهِۦۗ وَٱللَّهُ يَهۡدِي مَن يَشَآءُ إِلَىٰ صِرَٰطٖ مُّسۡتَقِيمٍ
Ya kaaden nu manga taw na lumpukan a isa na inipapayt nu Allah su manga nabi sa mapakalilini (mamanudtul) endu mapakagilek, endu inipadtapik nin (Allah) sa kanilan i kitab a bantang ka endu silan makakukum sya kanu nganin a naumpalakan nilan, endu dala mimbida-bida sa kanu kitab ya tabya na su silan a inenggan sa entuba sa kanu ulyan nu kinawma nu manga tanda sa kanilan, sa dengki i kanu pamageletan nilan, na tinitulu nu Allah su silan a namalityala (namangimbenal) kanu nganin a pimbida-bidan nilan ebpun kanu bantang sa kahanda nin, endu su Allah i pedtutulu sa entayn i magkahanda nin sa lalan a matidtu.
أَمۡ حَسِبۡتُمۡ أَن تَدۡخُلُواْ ٱلۡجَنَّةَ وَلَمَّا يَأۡتِكُم مَّثَلُ ٱلَّذِينَ خَلَوۡاْ مِن قَبۡلِكُمۖ مَّسَّتۡهُمُ ٱلۡبَأۡسَآءُ وَٱلضَّرَّآءُ وَزُلۡزِلُواْ حَتَّىٰ يَقُولَ ٱلرَّسُولُ وَٱلَّذِينَ ءَامَنُواْ مَعَهُۥ مَتَىٰ نَصۡرُ ٱللَّهِۗ أَلَآ إِنَّ نَصۡرَ ٱللَّهِ قَرِيبٞ
Ataw ka na-antap nu i makaludep kanu sa surga sa di makatingguma sa lekanu i mana su kanilan antu a nawna sa lekanu, a nadakenan silan na mapasang endu dalu endu lininug silan taman sa madtalu nu sinugu (rasul) endu su silan a manga bamalityala (bamangimbenal) a ped in: kanu i tabang nu Allah? Saben-sabenal na su tabang nu Allah na masupeg.
يَسۡـَٔلُونَكَ مَاذَا يُنفِقُونَۖ قُلۡ مَآ أَنفَقۡتُم مِّنۡ خَيۡرٖ فَلِلۡوَٰلِدَيۡنِ وَٱلۡأَقۡرَبِينَ وَٱلۡيَتَٰمَىٰ وَٱلۡمَسَٰكِينِ وَٱبۡنِ ٱلسَّبِيلِۗ وَمَا تَفۡعَلُواْ مِنۡ خَيۡرٖ فَإِنَّ ٱللَّهَ بِهِۦ عَلِيمٞ
Ibagidsa nilan sa leka (Muhammad) u ngin i embaranggyan nilan? Edtalu ka: su nganin a embaranggyan nu ebpun sa mapya na kanu duwa a mimbata (lukes nu), endu manga pagali nu endu manga ilu, endu manga miskinan, endu su natalay (wata sa lalan), endu nganin a penggalebeken nu a mapya na saben-sabenal su Allah i labi a mataw lun.
كُتِبَ عَلَيۡكُمُ ٱلۡقِتَالُ وَهُوَ كُرۡهٞ لَّكُمۡۖ وَعَسَىٰٓ أَن تَكۡرَهُواْ شَيۡـٔٗا وَهُوَ خَيۡرٞ لَّكُمۡۖ وَعَسَىٰٓ أَن تُحِبُّواْ شَيۡـٔٗا وَهُوَ شَرّٞ لَّكُمۡۚ وَٱللَّهُ يَعۡلَمُ وَأَنتُمۡ لَا تَعۡلَمُونَ
Inibpalyugat sa lekanu i kambunuwa (jihad) sa apya pn gabensyan nu, endu aden antu na su gabensyan nu a enggaga-isa na entu bun ba i mapya sa lekanu, endu aden antu na su galinyan nu a enggagai-sa na entuba i mawag sa lekanu, endu su Allah i mataw na sekanu na di nu katawan.
يَسۡـَٔلُونَكَ عَنِ ٱلشَّهۡرِ ٱلۡحَرَامِ قِتَالٖ فِيهِۖ قُلۡ قِتَالٞ فِيهِ كَبِيرٞۚ وَصَدٌّ عَن سَبِيلِ ٱللَّهِ وَكُفۡرُۢ بِهِۦ وَٱلۡمَسۡجِدِ ٱلۡحَرَامِ وَإِخۡرَاجُ أَهۡلِهِۦ مِنۡهُ أَكۡبَرُ عِندَ ٱللَّهِۚ وَٱلۡفِتۡنَةُ أَكۡبَرُ مِنَ ٱلۡقَتۡلِۗ وَلَا يَزَالُونَ يُقَٰتِلُونَكُمۡ حَتَّىٰ يَرُدُّوكُمۡ عَن دِينِكُمۡ إِنِ ٱسۡتَطَٰعُواْۚ وَمَن يَرۡتَدِدۡ مِنكُمۡ عَن دِينِهِۦ فَيَمُتۡ وَهُوَ كَافِرٞ فَأُوْلَٰٓئِكَ حَبِطَتۡ أَعۡمَٰلُهُمۡ فِي ٱلدُّنۡيَا وَٱلۡأٓخِرَةِۖ وَأُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Ibagidsa nilan sa leka (Muhammad) su manga ulan-ulan a haram i kambunuwa lun, edtalu ka (Muhammad) i kambunuwa kanu entuba (Muharram- Rajab- Zul-Qa'dah- Zul-Hijjah) na masla (kabaladusan), endu su kasangkada sa kanu lalan nu Allah endu su kagkafir lun, endu su kapalyu kanu manga taw sa Masjidil Haram na muna i kasla nin (a kabaladusan) sa Allah, endu su kasakutu na ya masla sa kabunu, endu di nilan pindan i kabunu nilan sa lekanu taman sa di kanu nilan makapalyu kanu agama nu amayka magaga nilan, endu entayn i lumyu kanu agama nin sa lekanu na matay sa kafir sekanin, na entuba silan i nabinasa i manga galebek nilan sya sa dunya endu sa gay a mawli, endu entuba silan i kigkuwan kanu apuy sa silan kanu entuba na dayun sa dayun.
إِنَّ ٱلَّذِينَ ءَامَنُواْ وَٱلَّذِينَ هَاجَرُواْ وَجَٰهَدُواْ فِي سَبِيلِ ٱللَّهِ أُوْلَٰٓئِكَ يَرۡجُونَ رَحۡمَتَ ٱللَّهِۚ وَٱللَّهُ غَفُورٞ رَّحِيمٞ
Saben-sabenal na su silan a manga bamalityala (bamangimbenal), endu su silan a namembakwit endu nameng-jihad sa lalan sa Allah, na silan i pakapanganganay kanu limu nu Allah endu su Allah i labi a bangampun a malimu.
۞ يَسۡـَٔلُونَكَ عَنِ ٱلۡخَمۡرِ وَٱلۡمَيۡسِرِۖ قُلۡ فِيهِمَآ إِثۡمٞ كَبِيرٞ وَمَنَٰفِعُ لِلنَّاسِ وَإِثۡمُهُمَآ أَكۡبَرُ مِن نَّفۡعِهِمَاۗ وَيَسۡـَٔلُونَكَ مَاذَا يُنفِقُونَۖ قُلِ ٱلۡعَفۡوَۗ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَتَفَكَّرُونَ
Ibagidsa nilan sa leka (Muhammad) su makalangut endu kandalemet, edtalu ka i nadalem lun i dusa a masla endu manga pakangguna kanu manga taw, endu su kadusan nin na ya masla kumin kanu kapantag nin, endu ibagidsa nilan sa leka u ngin i ipambaranggya nilan, edtalu ka i kapamelasam, manan ba i kapebpayag nu Allah sa lekanu kanu manga ayatan nin ka endu malemu-lemu sa lekanu i kapamikir nu-
فِي ٱلدُّنۡيَا وَٱلۡأٓخِرَةِۗ وَيَسۡـَٔلُونَكَ عَنِ ٱلۡيَتَٰمَىٰۖ قُلۡ إِصۡلَاحٞ لَّهُمۡ خَيۡرٞۖ وَإِن تُخَالِطُوهُمۡ فَإِخۡوَٰنُكُمۡۚ وَٱللَّهُ يَعۡلَمُ ٱلۡمُفۡسِدَ مِنَ ٱلۡمُصۡلِحِۚ وَلَوۡ شَآءَ ٱللَّهُ لَأَعۡنَتَكُمۡۚ إِنَّ ٱللَّهَ عَزِيزٌ حَكِيمٞ
Sya kanu dunya endu gay a mawli, endu ibagidsa nilan sa leka i makapantag sa kanu manga ilu, edtalu ka i kapagungaya sa kanilan i mapya, endu amayka edsimbula nu silan na pagali nu bun silan, endu su Allah i mataw kanu pembinasa kanu bagumabaya, endu umana ka pigkahanda bu nu Allah na makambuku sa lekanu, saben-sabenal na su Allah na labi a mapulu a mataw.
وَلَا تَنكِحُواْ ٱلۡمُشۡرِكَٰتِ حَتَّىٰ يُؤۡمِنَّۚ وَلَأَمَةٞ مُّؤۡمِنَةٌ خَيۡرٞ مِّن مُّشۡرِكَةٖ وَلَوۡ أَعۡجَبَتۡكُمۡۗ وَلَا تُنكِحُواْ ٱلۡمُشۡرِكِينَ حَتَّىٰ يُؤۡمِنُواْۚ وَلَعَبۡدٞ مُّؤۡمِنٌ خَيۡرٞ مِّن مُّشۡرِكٖ وَلَوۡ أَعۡجَبَكُمۡۗ أُوْلَٰٓئِكَ يَدۡعُونَ إِلَى ٱلنَّارِۖ وَٱللَّهُ يَدۡعُوٓاْ إِلَى ٱلۡجَنَّةِ وَٱلۡمَغۡفِرَةِ بِإِذۡنِهِۦۖ وَيُبَيِّنُ ءَايَٰتِهِۦ لِلنَّاسِ لَعَلَّهُمۡ يَتَذَكَّرُونَ
Endu di nu bangaluma su manga babay a bamedsakutu taman sa di silan malityala (mangimbenal), endu di ebplis na su ulipen a babay a balityala (bangimbenal) na labi a mapya sa babay a banakutu apiya kalini-lini sa lekanu, endu di nu mapagkaluma i manga mama banakutu, taman sa di malityala (mangimbenal), endu su ulipen a mama a balityala na labi a mapya sa mama a banakutu, apiya kalini-lini sa lekanu, entuba silan na bangenggat sa kanarakan, endu su Allah na bangenggat sa kasurgan endu ampun sa sugut nin, endu ipebpayag nin su manga tanda nin kanu manga taw ka endu malemu-lemu sa kanilan i kagkalendem nilan (sa Allah).
وَيَسۡـَٔلُونَكَ عَنِ ٱلۡمَحِيضِۖ قُلۡ هُوَ أَذٗى فَٱعۡتَزِلُواْ ٱلنِّسَآءَ فِي ٱلۡمَحِيضِ وَلَا تَقۡرَبُوهُنَّ حَتَّىٰ يَطۡهُرۡنَۖ فَإِذَا تَطَهَّرۡنَ فَأۡتُوهُنَّ مِنۡ حَيۡثُ أَمَرَكُمُ ٱللَّهُۚ إِنَّ ٱللَّهَ يُحِبُّ ٱلتَّوَّٰبِينَ وَيُحِبُّ ٱلۡمُتَطَهِّرِينَ
Endu ibagidsa nilan sa leka (Muhammad) su babay a hayd (lugu na babay a belyu uman sawlan), edtalu ka i entuba na simuket, tangkay nu su manga babay kanu timpu na kabelyu na lugu nin sa uman sawlan, endu di nu pedsikeni silan taman sa di silan masuti, amayka masuti silan na tingguma nu silan sa kanu suguwan nu Allah sa lekanu, saben-sabenal na su Allah na kalilinyan nin su taw a balatawbat endu balasuti.
نِسَآؤُكُمۡ حَرۡثٞ لَّكُمۡ فَأۡتُواْ حَرۡثَكُمۡ أَنَّىٰ شِئۡتُمۡۖ وَقَدِّمُواْ لِأَنفُسِكُمۡۚ وَٱتَّقُواْ ٱللَّهَ وَٱعۡلَمُوٓاْ أَنَّكُم مُّلَٰقُوهُۗ وَبَشِّرِ ٱلۡمُؤۡمِنِينَ
Su manga kaluma nu na pamamulanan nu na tingguma nu su pamamulanan nu sa endaw i kyug nu, endu iuna nu kanu manga ginawa nu (su mapya), endu ikagilek nu su Allah, endu tuntayi nu i sekanu na mabalatemu nu sekanin, endu pakalilini ka su manga bamalityala (bamangimbenal).
وَلَا تَجۡعَلُواْ ٱللَّهَ عُرۡضَةٗ لِّأَيۡمَٰنِكُمۡ أَن تَبَرُّواْ وَتَتَّقُواْ وَتُصۡلِحُواْ بَيۡنَ ٱلنَّاسِۚ وَٱللَّهُ سَمِيعٌ عَلِيمٞ
Endu di nu mamaluya su kadsapa (sa Allah) sa makasapal sa lekanu sa kapamyapya nu, endu kagilek nu (sa Allah), endu kapagkapya nu sa pageletan nu manga taw, endu su Allah i labi a pakakineg a mataw.
لَّا يُؤَاخِذُكُمُ ٱللَّهُ بِٱللَّغۡوِ فِيٓ أَيۡمَٰنِكُمۡ وَلَٰكِن يُؤَاخِذُكُم بِمَا كَسَبَتۡ قُلُوبُكُمۡۗ وَٱللَّهُ غَفُورٌ حَلِيمٞ
Di kanu kwintan nu Allah kanu kinadsapa nu (a kena tangga), ugayd na kwintan kanu nin kanu nganin a nakaganat kanu pamusungan nu, endu su Allah i labi a bangampun a malimu.
لِّلَّذِينَ يُؤۡلُونَ مِن نِّسَآئِهِمۡ تَرَبُّصُ أَرۡبَعَةِ أَشۡهُرٖۖ فَإِن فَآءُو فَإِنَّ ٱللَّهَ غَفُورٞ رَّحِيمٞ
Kanu silan (a manga mama) a pedsapa sa di kambalagyuma kanu manga kaluma nilan, i kapangangapa sa pat ulan, na amayka edsunud silan, na saben-sabenal na su Allah na labi a bangampun a malimu.
وَإِنۡ عَزَمُواْ ٱلطَّلَٰقَ فَإِنَّ ٱللَّهَ سَمِيعٌ عَلِيمٞ
Endu amayka midtakena sa kanilan i kambelag, na saben-sabenal na su Allah i labi a pakakineg a mataw.
وَٱلۡمُطَلَّقَٰتُ يَتَرَبَّصۡنَ بِأَنفُسِهِنَّ ثَلَٰثَةَ قُرُوٓءٖۚ وَلَا يَحِلُّ لَهُنَّ أَن يَكۡتُمۡنَ مَا خَلَقَ ٱللَّهُ فِيٓ أَرۡحَامِهِنَّ إِن كُنَّ يُؤۡمِنَّ بِٱللَّهِ وَٱلۡيَوۡمِ ٱلۡأٓخِرِۚ وَبُعُولَتُهُنَّ أَحَقُّ بِرَدِّهِنَّ فِي ذَٰلِكَ إِنۡ أَرَادُوٓاْ إِصۡلَٰحٗاۚ وَلَهُنَّ مِثۡلُ ٱلَّذِي عَلَيۡهِنَّ بِٱلۡمَعۡرُوفِۚ وَلِلرِّجَالِ عَلَيۡهِنَّ دَرَجَةٞۗ وَٱللَّهُ عَزِيزٌ حَكِيمٌ
Endu su manga babay a nabelag, na ibagangapa nilan su manga ginawa nilan sa makatelu mahayd (makalyu sa kanilan su lugu a galayaman a belyu uman sawlan), endu di kapakayan sa kanilan i kapagena nilan sa kanu nganin a binaluy nu Allah kanu dalem na manga wawatan nilan amayka ya nilan kaaden i balityala (bangimbenal) silan sa Allah endu gay a mawli, endu su manga kaluma nilan bun i labi a egkawagib a makasuli sa kanilan amayka pegkyug silan sa kapagumbaya, endu kanilan (nga babay) i kawagib, sa mana su kinawagib kanilan sa mapya, endu aden kanilan (manga mama) i ebpangkatan (a mapulu) kanu manga babay, endu su Allah i labi a mapulu a mawngangen.
ٱلطَّلَٰقُ مَرَّتَانِۖ فَإِمۡسَاكُۢ بِمَعۡرُوفٍ أَوۡ تَسۡرِيحُۢ بِإِحۡسَٰنٖۗ وَلَا يَحِلُّ لَكُمۡ أَن تَأۡخُذُواْ مِمَّآ ءَاتَيۡتُمُوهُنَّ شَيۡـًٔا إِلَّآ أَن يَخَافَآ أَلَّا يُقِيمَا حُدُودَ ٱللَّهِۖ فَإِنۡ خِفۡتُمۡ أَلَّا يُقِيمَا حُدُودَ ٱللَّهِ فَلَا جُنَاحَ عَلَيۡهِمَا فِيمَا ٱفۡتَدَتۡ بِهِۦۗ تِلۡكَ حُدُودُ ٱللَّهِ فَلَا تَعۡتَدُوهَاۚ وَمَن يَتَعَدَّ حُدُودَ ٱللَّهِ فَأُوْلَٰٓئِكَ هُمُ ٱلظَّٰلِمُونَ
Su kambelag na makaduwa, katinggamu sa mapya ataw ka kambelag sa mapya, endu di mapakay sa lekanu (a mama) i kumwa kanu sa kanu nganin a nakasunggud nu a enggaga-isa, ya tabya na kagilekan silan duwa (edtiwalay) sa di nilan makapatindeg su atulan nu Allah, na amayka inikagilek nu i di nilan makapatindeg su atulan nu Allah na dala dusa nilan duwa sya kanu nganin a katendan kanu sunggudan nin (imbalingan nin su sunggudan nin) entuba i dulunan nu Allah na di nu temalasaka, endu entayn i temalasak sa dulunan nu Allah na entuba silan i manga salimbuten.
فَإِن طَلَّقَهَا فَلَا تَحِلُّ لَهُۥ مِنۢ بَعۡدُ حَتَّىٰ تَنكِحَ زَوۡجًا غَيۡرَهُۥۗ فَإِن طَلَّقَهَا فَلَا جُنَاحَ عَلَيۡهِمَآ أَن يَتَرَاجَعَآ إِن ظَنَّآ أَن يُقِيمَا حُدُودَ ٱللَّهِۗ وَتِلۡكَ حُدُودُ ٱللَّهِ يُبَيِّنُهَا لِقَوۡمٖ يَعۡلَمُونَ
Na amayka binelag nin sekanin (sa ikatelu) na di mapakay sa lekanin sa kanu ulyan taman sa di makagkaluma (su babay) sa kaluma a salakaw sa lekanin (su nawna a kaluma), na amayka binelag sekanin (nu nawli a mama a nakapangaluma sa lekanin) na dala dusa nilan duwa sa edsulya (embalingana) silan (kanu nawna a kaluma nin), amayka naantap nilan duwa i makatindeg nilan duwa su dulunan nu Allah endu entuba su dulunan nu Allah a ipebpayag nin kanu lumpukan a pamakataw (pamakatuntay).
وَإِذَا طَلَّقۡتُمُ ٱلنِّسَآءَ فَبَلَغۡنَ أَجَلَهُنَّ فَأَمۡسِكُوهُنَّ بِمَعۡرُوفٍ أَوۡ سَرِّحُوهُنَّ بِمَعۡرُوفٖۚ وَلَا تُمۡسِكُوهُنَّ ضِرَارٗا لِّتَعۡتَدُواْۚ وَمَن يَفۡعَلۡ ذَٰلِكَ فَقَدۡ ظَلَمَ نَفۡسَهُۥۚ وَلَا تَتَّخِذُوٓاْ ءَايَٰتِ ٱللَّهِ هُزُوٗاۚ وَٱذۡكُرُواْ نِعۡمَتَ ٱللَّهِ عَلَيۡكُمۡ وَمَآ أَنزَلَ عَلَيۡكُم مِّنَ ٱلۡكِتَٰبِ وَٱلۡحِكۡمَةِ يَعِظُكُم بِهِۦۚ وَٱتَّقُواْ ٱللَّهَ وَٱعۡلَمُوٓاْ أَنَّ ٱللَّهَ بِكُلِّ شَيۡءٍ عَلِيمٞ
Endu amayka belagen nu su manga kaluma nu sa nasampay nilan su tedtab (iddah), na (pamili kanu) suli nu silan sa mapya ataw ka pa belagen nu silan sa mapya, endu di nu sumuli silan sa kabinasan a ipamungkayd nu, endu entayn i enggalebek sa entuba na saben-sabenal na sinalimbut nin i ginawa nin, endu di nu bagadena su tanda nu Allah sa damangyas, endu tademi nu su limu nu Allah sa lekanu, endu su nganin a initulun nin sa lekanu a kitab endu ungangen a ibangindaw nin sa lekanu, endu ikagilek nu su Allah, endu tuntayi nu ka saben-sabenal na su Allah kanu langun nu enggaga-isa na mataw.
وَإِذَا طَلَّقۡتُمُ ٱلنِّسَآءَ فَبَلَغۡنَ أَجَلَهُنَّ فَلَا تَعۡضُلُوهُنَّ أَن يَنكِحۡنَ أَزۡوَٰجَهُنَّ إِذَا تَرَٰضَوۡاْ بَيۡنَهُم بِٱلۡمَعۡرُوفِۗ ذَٰلِكَ يُوعَظُ بِهِۦ مَن كَانَ مِنكُمۡ يُؤۡمِنُ بِٱللَّهِ وَٱلۡيَوۡمِ ٱلۡأٓخِرِۗ ذَٰلِكُمۡ أَزۡكَىٰ لَكُمۡ وَأَطۡهَرُۚ وَٱللَّهُ يَعۡلَمُ وَأَنتُمۡ لَا تَعۡلَمُونَ
Endu amayka nabelag nu su manga babay (sa mababa sa telu ka belagan) sa nasampay nilan su tedtab (iddah) nilan, na di nu mungena silan sa kagkaluma nilan kanu manga kaluma nilan, amayka namagayun silan kanu pageletan nilan sa mapya, entuba na indawan sa kanu entayn i ya nin kaaden sa lekanu i balityala (bangimbenal) sa Allah endu gay a mawli, na entuba i labi a malimpyu sa lekanu endu labi a suti sa lekanu, endu su Allah i pakataw na sekanu na di nu katawan.
۞ وَٱلۡوَٰلِدَٰتُ يُرۡضِعۡنَ أَوۡلَٰدَهُنَّ حَوۡلَيۡنِ كَامِلَيۡنِۖ لِمَنۡ أَرَادَ أَن يُتِمَّ ٱلرَّضَاعَةَۚ وَعَلَى ٱلۡمَوۡلُودِ لَهُۥ رِزۡقُهُنَّ وَكِسۡوَتُهُنَّ بِٱلۡمَعۡرُوفِۚ لَا تُكَلَّفُ نَفۡسٌ إِلَّا وُسۡعَهَاۚ لَا تُضَآرَّ وَٰلِدَةُۢ بِوَلَدِهَا وَلَا مَوۡلُودٞ لَّهُۥ بِوَلَدِهِۦۚ وَعَلَى ٱلۡوَارِثِ مِثۡلُ ذَٰلِكَۗ فَإِنۡ أَرَادَا فِصَالًا عَن تَرَاضٖ مِّنۡهُمَا وَتَشَاوُرٖ فَلَا جُنَاحَ عَلَيۡهِمَاۗ وَإِنۡ أَرَدتُّمۡ أَن تَسۡتَرۡضِعُوٓاْ أَوۡلَٰدَكُمۡ فَلَا جُنَاحَ عَلَيۡكُمۡ إِذَا سَلَّمۡتُم مَّآ ءَاتَيۡتُم بِٱلۡمَعۡرُوفِۗ وَٱتَّقُواْ ٱللَّهَ وَٱعۡلَمُوٓاْ أَنَّ ٱللَّهَ بِمَا تَعۡمَلُونَ بَصِيرٞ
Endu su manga ina a papedsusu kanu manga wata nilan sa duwa lagun a sampulna, kanu entayn i nakagkahanda sa masampulna nin i kapapedsusu, endu (wagib kanu lukes a mama) i kambaranggyan nin silan (su manga ina a nabelag a papedsusu sa wata), endu kapambalegkas sa kanilan sa mapya, da ebpalyugati i ginawa ya tabya na su magaga nin, di egkaydan su ina sabap kanu wata nin, endu di egkaydan su ama sabap kanu wata nin, endu palyugat kanu bangiwalis i upama nu entuba, amayka nakagkahanda silan duwa sa kapa-enda (kanu wata sumusu) sa pinagayunan nilan duwa, endu pinagumpungan na dala dusa nilan duwa, endu amayka ya nu nagkahanda i kapasusu nu kanu manga wata nu (sa kaped) na dala bun dusa nu amayka inenggay nu su nganin a inenggay (inibayad) nu sa mapya, endu ikagilek nu su Allah, endu tuntayi nu i saben-sabenal na su Allah kanu nganin a penggalebeken nu na pakailay.
وَٱلَّذِينَ يُتَوَفَّوۡنَ مِنكُمۡ وَيَذَرُونَ أَزۡوَٰجٗا يَتَرَبَّصۡنَ بِأَنفُسِهِنَّ أَرۡبَعَةَ أَشۡهُرٖ وَعَشۡرٗاۖ فَإِذَا بَلَغۡنَ أَجَلَهُنَّ فَلَا جُنَاحَ عَلَيۡكُمۡ فِيمَا فَعَلۡنَ فِيٓ أَنفُسِهِنَّ بِٱلۡمَعۡرُوفِۗ وَٱللَّهُ بِمَا تَعۡمَلُونَ خَبِيرٞ
Endu su silan a pebpatay ebpun sa lekanu (a manga mama) endu natagak nilan i manga kaluma, na ipangangapa nilan i manga ginawa nilan sa pat ulan endu sapulu gay, na amayka masampay nilan su timpu nilan na dala dusa nu (manga ina ama ataw ka pedtyakap kanilan) sya kanu nganin a pinggalebek nilan sa kanu manga ginawa nilan a mapya (kapapangaluma), endu su Allah kanu nganin a penggalebeken nu na mataw.
وَلَا جُنَاحَ عَلَيۡكُمۡ فِيمَا عَرَّضۡتُم بِهِۦ مِنۡ خِطۡبَةِ ٱلنِّسَآءِ أَوۡ أَكۡنَنتُمۡ فِيٓ أَنفُسِكُمۡۚ عَلِمَ ٱللَّهُ أَنَّكُمۡ سَتَذۡكُرُونَهُنَّ وَلَٰكِن لَّا تُوَاعِدُوهُنَّ سِرًّا إِلَّآ أَن تَقُولُواْ قَوۡلٗا مَّعۡرُوفٗاۚ وَلَا تَعۡزِمُواْ عُقۡدَةَ ٱلنِّكَاحِ حَتَّىٰ يَبۡلُغَ ٱلۡكِتَٰبُ أَجَلَهُۥۚ وَٱعۡلَمُوٓاْ أَنَّ ٱللَّهَ يَعۡلَمُ مَا فِيٓ أَنفُسِكُمۡ فَٱحۡذَرُوهُۚ وَٱعۡلَمُوٓاْ أَنَّ ٱللَّهَ غَفُورٌ حَلِيمٞ
Endu dala dusa nu sya kanu nganin a kapanindil nu sa kapanganakan kanu manga babay (dalem na iddah ataw ka timpu a di mapakay pangaluman) ataw ka inipagena nu kanu manga ginawa nu, natawan nu Allah i saben-sabenal na sekanu na katademan nu su silan (a manga babay), ugayd na di nu silan ipebpasada sa masulen ya tabiya na kadtalu a mapya, endu di nu pedtinggapasi i kapalut kanu kawing taman a di mawma nu kitab su timpu nin (iddah ataw ka lumpakan), endu tuntayi nu i saben-sabenal na su Allah na katawan nin i sya kanu manga ginawa nu, na abungi nu i entuba endu tuntayi nu i saben-sabenal na su Allah na labi a bangampun a matigkel.
لَّا جُنَاحَ عَلَيۡكُمۡ إِن طَلَّقۡتُمُ ٱلنِّسَآءَ مَا لَمۡ تَمَسُّوهُنَّ أَوۡ تَفۡرِضُواْ لَهُنَّ فَرِيضَةٗۚ وَمَتِّعُوهُنَّ عَلَى ٱلۡمُوسِعِ قَدَرُهُۥ وَعَلَى ٱلۡمُقۡتِرِ قَدَرُهُۥ مَتَٰعَۢا بِٱلۡمَعۡرُوفِۖ حَقًّا عَلَى ٱلۡمُحۡسِنِينَ
Dala dusa nu amayka binelag nu su manga babay sa dala nu pan makambalagyuma silan, ataw ka dala nu pan makanggay sa kanilan su sunggudan, endu pagkakalini nu silan (manga tamuken) sa kanu tamuk a kasasangan lun endu gasimpitan sa kasasangan lun, sa kalilini a mapya, bantang sa kanu manga bangapyanan
وَإِن طَلَّقۡتُمُوهُنَّ مِن قَبۡلِ أَن تَمَسُّوهُنَّ وَقَدۡ فَرَضۡتُمۡ لَهُنَّ فَرِيضَةٗ فَنِصۡفُ مَا فَرَضۡتُمۡ إِلَّآ أَن يَعۡفُونَ أَوۡ يَعۡفُوَاْ ٱلَّذِي بِيَدِهِۦ عُقۡدَةُ ٱلنِّكَاحِۚ وَأَن تَعۡفُوٓاْ أَقۡرَبُ لِلتَّقۡوَىٰۚ وَلَا تَنسَوُاْ ٱلۡفَضۡلَ بَيۡنَكُمۡۚ إِنَّ ٱللَّهَ بِمَا تَعۡمَلُونَ بَصِيرٌ
Endu amayka binelag nu silan kanu unan nu kambalagyuma nu sa kanilan sa saben-sabenal na naka-enggay nu sa kanilan su sunggudan, na sabad kanu nganin a nakaenggay nu, ya tabya na lemasam silan ataw ka lemasam su sya sa lima nin su kinapalut sa kawing (babay), endu su kalasam nu i labi a masiken sa gilek (sa Allah), endu di nu lumipatani i kadsakaw-sakaw kanu pageletan nu, endu saben-sabenal na su Allah kanu nganin a penggalebeken nu na pakailay.
حَٰفِظُواْ عَلَى ٱلصَّلَوَٰتِ وَٱلصَّلَوٰةِ ٱلۡوُسۡطَىٰ وَقُومُواْ لِلَّهِ قَٰنِتِينَ
Palihala nu su manga sambayang, endu su sambayang a Asr, endu tindeg kanu sanget kanu Allah sa balityala/gagilekan.
فَإِنۡ خِفۡتُمۡ فَرِجَالًا أَوۡ رُكۡبَانٗاۖ فَإِذَآ أَمِنتُمۡ فَٱذۡكُرُواْ ٱللَّهَ كَمَا عَلَّمَكُم مَّا لَمۡ تَكُونُواْ تَعۡلَمُونَ
Na amayka gagilekan kanu na lakaw kanu ataw ka egkuda kanu, amayka nakatana kanu den na tademi nu su Allah sa mana inipamandu nin sa lekanu su nganin a kaaden nu a di nu katawan.
وَٱلَّذِينَ يُتَوَفَّوۡنَ مِنكُمۡ وَيَذَرُونَ أَزۡوَٰجٗا وَصِيَّةٗ لِّأَزۡوَٰجِهِم مَّتَٰعًا إِلَى ٱلۡحَوۡلِ غَيۡرَ إِخۡرَاجٖۚ فَإِنۡ خَرَجۡنَ فَلَا جُنَاحَ عَلَيۡكُمۡ فِي مَا فَعَلۡنَ فِيٓ أَنفُسِهِنَّ مِن مَّعۡرُوفٖۗ وَٱللَّهُ عَزِيزٌ حَكِيمٞ
Endu su silan a bamebpatay ebpun sa lekanu sa egkatagak nilan i manga kaluma na pangalintabun kanu manga kaluma nilan sa makagkakalini sa salagun salakaw sa kababelyu, na amayka linumyu silan na dala dusa nu sya kanu nganin a pinggula nilan kanu manga ginawa nilan a mapya, endu su Allah i labi a mapulu a mataw (nyaba a ayatan napasad na ayat antu a ayatul Meeraath, endu su pat ulan endu sapulu gay).
وَلِلۡمُطَلَّقَٰتِ مَتَٰعُۢ بِٱلۡمَعۡرُوفِۖ حَقًّا عَلَى ٱلۡمُتَّقِينَ
Endu kanu manga binelag i kapegkakalini a mapya, bantang kanu manga magilek (sa Allah).
كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦ لَعَلَّكُمۡ تَعۡقِلُونَ
Manan ba i kapebpayag nu Allah sa lekanu sa kanu manga tanda nin, malemu-lemu sa lekanu i kapagitung nu.
۞ أَلَمۡ تَرَ إِلَى ٱلَّذِينَ خَرَجُواْ مِن دِيَٰرِهِمۡ وَهُمۡ أُلُوفٌ حَذَرَ ٱلۡمَوۡتِ فَقَالَ لَهُمُ ٱللَّهُ مُوتُواْ ثُمَّ أَحۡيَٰهُمۡۚ إِنَّ ٱللَّهَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَ ٱلنَّاسِ لَا يَشۡكُرُونَ
Ngintu di nengka katawan (Muhammad) su silan a linemyu kanu manga walay nilan a ngibwan, sa abung kanu kapatay, na pidtalu sa kanilan nu Allah i ebpatay kanu mawli na uyagen nin silan, saben-sabenal na su Allah i kigkwan sa kalbihan/kapyanan kanu manga taw, ugayd na kadakelan sa kanu manga taw na di silan pedsukur.
وَقَٰتِلُواْ فِي سَبِيلِ ٱللَّهِ وَٱعۡلَمُوٓاْ أَنَّ ٱللَّهَ سَمِيعٌ عَلِيمٞ
Endu embunuwa kanu sa lalan sa Allah endu tuntayi nu i saben-sabenal na su Allah na labi a pakakineg a mataw.
مَّن ذَا ٱلَّذِي يُقۡرِضُ ٱللَّهَ قَرۡضًا حَسَنٗا فَيُضَٰعِفَهُۥ لَهُۥٓ أَضۡعَافٗا كَثِيرَةٗۚ وَٱللَّهُ يَقۡبِضُ وَيَبۡصُۜطُ وَإِلَيۡهِ تُرۡجَعُونَ
Entayn i pautangen nin su Allah sa utang a mapya na takepen nin i entuba sa lekanin sa madakel a katakep endu su Allah i pegkegkem endu pebpalad, endu lu sa lekanin kanu pembalingan.
أَلَمۡ تَرَ إِلَى ٱلۡمَلَإِ مِنۢ بَنِيٓ إِسۡرَٰٓءِيلَ مِنۢ بَعۡدِ مُوسَىٰٓ إِذۡ قَالُواْ لِنَبِيّٖ لَّهُمُ ٱبۡعَثۡ لَنَا مَلِكٗا نُّقَٰتِلۡ فِي سَبِيلِ ٱللَّهِۖ قَالَ هَلۡ عَسَيۡتُمۡ إِن كُتِبَ عَلَيۡكُمُ ٱلۡقِتَالُ أَلَّا تُقَٰتِلُواْۖ قَالُواْ وَمَا لَنَآ أَلَّا نُقَٰتِلَ فِي سَبِيلِ ٱللَّهِ وَقَدۡ أُخۡرِجۡنَا مِن دِيَٰرِنَا وَأَبۡنَآئِنَاۖ فَلَمَّا كُتِبَ عَلَيۡهِمُ ٱلۡقِتَالُ تَوَلَّوۡاْ إِلَّا قَلِيلٗا مِّنۡهُمۡۚ وَٱللَّهُ عَلِيمُۢ بِٱلظَّٰلِمِينَ
Ngintu di nengka katawan (Muhammad) su manga egkangaunutan ebpun kanu tupu nu Israel sa ulyan nu Musa, kanu timpu a pidtalu nilan kanu nabi nilan i pambuwati kami sa egkaunutan sa kambunuwa nami sa lalan sa Allah, ya nin pidtalu: ngintu inipangalu-kalu nu i amayka ibpalyugat sa lekanu i kambunuwa na di kanu embunuwa!? Ya nilan pidtalu: dala sa lekami i di kami embunuwa sa lalan sa Allah, sa saben-sabenal na pinalyu kami sa manga walay nami endu manga wata nami, na engguna ibpalyugat sa kanilan su kambunuwa na tinaligkudanan nilan ya tabya na paydu sa kanilan, endu su Allah i labi a mataw kanu manga salimbuten.
وَقَالَ لَهُمۡ نَبِيُّهُمۡ إِنَّ ٱللَّهَ قَدۡ بَعَثَ لَكُمۡ طَالُوتَ مَلِكٗاۚ قَالُوٓاْ أَنَّىٰ يَكُونُ لَهُ ٱلۡمُلۡكُ عَلَيۡنَا وَنَحۡنُ أَحَقُّ بِٱلۡمُلۡكِ مِنۡهُ وَلَمۡ يُؤۡتَ سَعَةٗ مِّنَ ٱلۡمَالِۚ قَالَ إِنَّ ٱللَّهَ ٱصۡطَفَىٰهُ عَلَيۡكُمۡ وَزَادَهُۥ بَسۡطَةٗ فِي ٱلۡعِلۡمِ وَٱلۡجِسۡمِۖ وَٱللَّهُ يُؤۡتِي مُلۡكَهُۥ مَن يَشَآءُۚ وَٱللَّهُ وَٰسِعٌ عَلِيمٞ
Endu ya pidtalu sa kanilan nu nabi nilan: saben-sabenal na su Allah na pinambuwat nin sa lekanu si Talut a gaunutan, ya nilan pidtalu: panun i kaaden sa lekanin nu kadatu sa ula-ula a sekami i labi a dayt a endatu kumin sa lekanin, endu dala enggi sa malwag a tamuk (madakel)? Ya nin pidtalu: saben-sabenal na su Allah i namili sa lekanin sa lekanu endu inumanan nin sekanin sa madakel a ilmu endu lawas (a mabagel), endu su Allah i minenggay sa kadatu kanu entayn i magkahanda nin, endu su Allah i labi a mawlad (i limu nin) a mataw.
وَقَالَ لَهُمۡ نَبِيُّهُمۡ إِنَّ ءَايَةَ مُلۡكِهِۦٓ أَن يَأۡتِيَكُمُ ٱلتَّابُوتُ فِيهِ سَكِينَةٞ مِّن رَّبِّكُمۡ وَبَقِيَّةٞ مِّمَّا تَرَكَ ءَالُ مُوسَىٰ وَءَالُ هَٰرُونَ تَحۡمِلُهُ ٱلۡمَلَٰٓئِكَةُۚ إِنَّ فِي ذَٰلِكَ لَأٓيَةٗ لَّكُمۡ إِن كُنتُم مُّؤۡمِنِينَ
Endu pidtalu sa kanilan nu nabi nilan: saben-sabenal na ya tanda na kadatu nin na katingguma sa lekanu nu Tabut sa kalilintad, ebpun kanu pedtyakap sa lekanu (Allah), endu su nangadsama ebpun kanu nganin a naganatan nu tupu ni Musa endu tupu ni Harun a pananggiten nu malaikat, saben-sabenal na sya kanu entuba i tanda sa lekanu amayka ya nu kaaden i bamalityala (bamangimbenal).
فَلَمَّا فَصَلَ طَالُوتُ بِٱلۡجُنُودِ قَالَ إِنَّ ٱللَّهَ مُبۡتَلِيكُم بِنَهَرٖ فَمَن شَرِبَ مِنۡهُ فَلَيۡسَ مِنِّي وَمَن لَّمۡ يَطۡعَمۡهُ فَإِنَّهُۥ مِنِّيٓ إِلَّا مَنِ ٱغۡتَرَفَ غُرۡفَةَۢ بِيَدِهِۦۚ فَشَرِبُواْ مِنۡهُ إِلَّا قَلِيلٗا مِّنۡهُمۡۚ فَلَمَّا جَاوَزَهُۥ هُوَ وَٱلَّذِينَ ءَامَنُواْ مَعَهُۥ قَالُواْ لَا طَاقَةَ لَنَا ٱلۡيَوۡمَ بِجَالُوتَ وَجُنُودِهِۦۚ قَالَ ٱلَّذِينَ يَظُنُّونَ أَنَّهُم مُّلَٰقُواْ ٱللَّهِ كَم مِّن فِئَةٖ قَلِيلَةٍ غَلَبَتۡ فِئَةٗ كَثِيرَةَۢ بِإِذۡنِ ٱللَّهِۗ وَٱللَّهُ مَعَ ٱلصَّٰبِرِينَ
Engguna ipengganat ni Talut su manga tantara (sundalu) nin na pidtalu nin: saben-sabenal na su Allah i pembatalu sa lekanu sa lawas na ig, na entayn i minum lun na di kena kuyug salaki, endu su entayn i di minum lun na silan i kuyug sa laki, ya tabiya na entayn i makup sa saka akupan sya kanu lima nin, na mininum silan lun ya tabiya na paydu kanilan, na engguna nilan matepas su entuba sa sekanin endu su silan a manga namalityala (namangimbenal) sa lekanin na ya nilan pidtalu: dala bagel tanu saguna a gay kanu Jalut endu kanu manga tantara (sundalu) nin, ya pidtalu nu silan a nangantap sa saben-sabenal na silan na mabalatemu nilan su Allah: pila ebpun kanu lumpukan a paydu i tinumaban sa lumpukan a madakel sa kahanda nu Allah, endu su Allah na salta kanu manga matigkel.
وَلَمَّا بَرَزُواْ لِجَالُوتَ وَجُنُودِهِۦ قَالُواْ رَبَّنَآ أَفۡرِغۡ عَلَيۡنَا صَبۡرٗا وَثَبِّتۡ أَقۡدَامَنَا وَٱنصُرۡنَا عَلَى ٱلۡقَوۡمِ ٱلۡكَٰفِرِينَ
Endu engguna nilan edsangula si Jalut endu su manga tantara (sundalu) nin, na ya nilan pidtalu: Kadenan nami! Penu kami sa katigkel, endu pakatimamel ka su manga ay nami, endu tabangi kami kanu lumpukan a manga kafir.
فَهَزَمُوهُم بِإِذۡنِ ٱللَّهِ وَقَتَلَ دَاوُۥدُ جَالُوتَ وَءَاتَىٰهُ ٱللَّهُ ٱلۡمُلۡكَ وَٱلۡحِكۡمَةَ وَعَلَّمَهُۥ مِمَّا يَشَآءُۗ وَلَوۡلَا دَفۡعُ ٱللَّهِ ٱلنَّاسَ بَعۡضَهُم بِبَعۡضٖ لَّفَسَدَتِ ٱلۡأَرۡضُ وَلَٰكِنَّ ٱللَّهَ ذُو فَضۡلٍ عَلَى ٱلۡعَٰلَمِينَ
Tinabanan nilan (manga bamaginugut) silan (a manga kafir) sa kahanda nu Allah endu binunu ni Daud si Jalut, endu inenggan sekanin nu Allah sa kadatu endu kawngangen endu pinakatawan nin sa lekanin ebpun kanu nganin a egkagkahanda nin, endu di kena bu su pangalaw nu Allah sa kanu manga taw sa su sabad kanilan kanu sabad, na di ebplis na mabinasa su kalupan ugayd na su Allah i kigkuwan sa kalbihan sa kanu sakalian alam.
تِلۡكَ ءَايَٰتُ ٱللَّهِ نَتۡلُوهَا عَلَيۡكَ بِٱلۡحَقِّۚ وَإِنَّكَ لَمِنَ ٱلۡمُرۡسَلِينَ
Su entuba na manga tanda nu Allah, pembatyan nami sa leka (Muhammad) sa bantang, endu saben-sabenal na seka na di ebplis na luyug ka kanu manga sinugu.
۞ تِلۡكَ ٱلرُّسُلُ فَضَّلۡنَا بَعۡضَهُمۡ عَلَىٰ بَعۡضٖۘ مِّنۡهُم مَّن كَلَّمَ ٱللَّهُۖ وَرَفَعَ بَعۡضَهُمۡ دَرَجَٰتٖۚ وَءَاتَيۡنَا عِيسَى ٱبۡنَ مَرۡيَمَ ٱلۡبَيِّنَٰتِ وَأَيَّدۡنَٰهُ بِرُوحِ ٱلۡقُدُسِۗ وَلَوۡ شَآءَ ٱللَّهُ مَا ٱقۡتَتَلَ ٱلَّذِينَ مِنۢ بَعۡدِهِم مِّنۢ بَعۡدِ مَا جَآءَتۡهُمُ ٱلۡبَيِّنَٰتُ وَلَٰكِنِ ٱخۡتَلَفُواْ فَمِنۡهُم مَّنۡ ءَامَنَ وَمِنۡهُم مَّن كَفَرَۚ وَلَوۡ شَآءَ ٱللَّهُ مَا ٱقۡتَتَلُواْ وَلَٰكِنَّ ٱللَّهَ يَفۡعَلُ مَا يُرِيدُ
Su silan a manga sinugu na inilabi nami su sabad kanilan kanu sabad, ebpun kanilan i inimbityalay nu Allah, endu inipulu nin su sabad kanilan sa manga ebpangkatan, endu inenggay nami kani Eisa a wata mama ni Maryam i manga tanda, endu pimbagelan nami sekanin (Eisa) sabap kani Jibril, umana bu ka migkahanda su Allah na da makambubunuwa su silan sa ulyan nilan, kanu ulyan nu nganin a kinawma kanilan nu manga tanda, ugayd na mimbida-bida silan, na ebpun kanilan su entayn i nalityala (nangimbenal) endu ebpun kanilan su entayn i migkafir, umana bu ka migkahanda su Allah na di silan makambubunuwa ugayd na su Allah na penggulan nin i nganin a kagkahanda nin.
يَٰٓأَيُّهَا ٱلَّذِينَ ءَامَنُوٓاْ أَنفِقُواْ مِمَّا رَزَقۡنَٰكُم مِّن قَبۡلِ أَن يَأۡتِيَ يَوۡمٞ لَّا بَيۡعٞ فِيهِ وَلَا خُلَّةٞ وَلَا شَفَٰعَةٞۗ وَٱلۡكَٰفِرُونَ هُمُ ٱلظَّٰلِمُونَ
Hay sekanu a namalityala (namangimbenal)! Imbaranggya nu su nganin a inirizki nami sa lekanu sa unan a kapegkatingguma nu gay a da pendagang endu da kabpakat endu da kadtatabanga, endu su manga kafir na silan i manga salimbuten.
ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَـُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ
Su Allah, da wagib a pedsimban, ya tabiya na sekanin, a uyag- uyag a baninindeg sa ginawa nin, di sekanin egkakwa na tulatud endu katulug, lekanin su nganin a sya kanu manga langit endu su nganin a sya kanu kalupan, endu entayn i makadtabang lu sa lekanín (a Allah) ya tabya na su sugut nin, katawan nin su nganin a sya sa kasangulan nilan endu su nganin a sya kanu taligkudan nilan, endu da nilan katawi su enggaga-isa (a ilmu nu Allah) ya tabya na su nganin a pigkahanda nin, endu malapat nu Kursi nin su manga langit endu lupa, endu di kalegenan su Allah sa kapedtuldu nin sa kanilan duwa, endu sekanin i labi a mapulu a masla.
لَآ إِكۡرَاهَ فِي ٱلدِّينِۖ قَد تَّبَيَّنَ ٱلرُّشۡدُ مِنَ ٱلۡغَيِّۚ فَمَن يَكۡفُرۡ بِٱلطَّٰغُوتِ وَيُؤۡمِنۢ بِٱللَّهِ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰ لَا ٱنفِصَامَ لَهَاۗ وَٱللَّهُ سَمِيعٌ عَلِيمٌ
Da ipedtegela sya kanu agama (Islam), saben-sabenal na napayag i tidtu kanu nakasibay, na entayn i egkafir kanu Tagut (pedsimban ataw ka banaligan sa ginawa a salakaw kanu Allah) endu malityala (mangimbenal) sa Allah na nakakapet sa malanut a di magetas, endu su Allah i labi a pakakineg a mataw.
ٱللَّهُ وَلِيُّ ٱلَّذِينَ ءَامَنُواْ يُخۡرِجُهُم مِّنَ ٱلظُّلُمَٰتِ إِلَى ٱلنُّورِۖ وَٱلَّذِينَ كَفَرُوٓاْ أَوۡلِيَآؤُهُمُ ٱلطَّٰغُوتُ يُخۡرِجُونَهُم مِّنَ ٱلنُّورِ إِلَى ٱلظُّلُمَٰتِۗ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Su Allah i pedtabang kanu silan a bamalityala (bamangimbenal), a babelyun nin silan ebpun sa kalibutengan sa malinawag, endu su silan a namegkafir na ya pedtabang sa kanilan na manga Tagut (pedsimban ataw ka banaligan sa ginawa a salakaw kanu Allah) a babelyun nin silan ebpun sa malinawag sa malibuteng, silan i kigkuwan sa apuy, silan sya kanu entuba na dayun sa dayun.
أَلَمۡ تَرَ إِلَى ٱلَّذِي حَآجَّ إِبۡرَٰهِـۧمَ فِي رَبِّهِۦٓ أَنۡ ءَاتَىٰهُ ٱللَّهُ ٱلۡمُلۡكَ إِذۡ قَالَ إِبۡرَٰهِـۧمُ رَبِّيَ ٱلَّذِي يُحۡيِۦ وَيُمِيتُ قَالَ أَنَا۠ أُحۡيِۦ وَأُمِيتُۖ قَالَ إِبۡرَٰهِـۧمُ فَإِنَّ ٱللَّهَ يَأۡتِي بِٱلشَّمۡسِ مِنَ ٱلۡمَشۡرِقِ فَأۡتِ بِهَا مِنَ ٱلۡمَغۡرِبِ فَبُهِتَ ٱلَّذِي كَفَرَۗ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ
Ngintu da nengka katawi (Muhammad) su mibpalawa kani Ibrahim kanu Kadenan nin, inenggan sekanin nu Allah sa kadatu, kanu kutika a ya pidtalu ni Ibrahim: su Kadenan ku na banguyag endu bangimatay, ya nin pidtalu (Namrud): saki na banguyag endu bangimatay, ya pidtalu ni Ibrahim: na saben-sabenal na su Allah na papedsebangen nin su senang sa kanu sebangan, na pasebang ka sa sedepan, na napenek silan sa tinabanan su migkafir, endu su Allah na di nin tutulun su lumpukan nu manga salimbuten.
أَوۡ كَٱلَّذِي مَرَّ عَلَىٰ قَرۡيَةٖ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحۡيِۦ هَٰذِهِ ٱللَّهُ بَعۡدَ مَوۡتِهَاۖ فَأَمَاتَهُ ٱللَّهُ مِاْئَةَ عَامٖ ثُمَّ بَعَثَهُۥۖ قَالَ كَمۡ لَبِثۡتَۖ قَالَ لَبِثۡتُ يَوۡمًا أَوۡ بَعۡضَ يَوۡمٖۖ قَالَ بَل لَّبِثۡتَ مِاْئَةَ عَامٖ فَٱنظُرۡ إِلَىٰ طَعَامِكَ وَشَرَابِكَ لَمۡ يَتَسَنَّهۡۖ وَٱنظُرۡ إِلَىٰ حِمَارِكَ وَلِنَجۡعَلَكَ ءَايَةٗ لِّلنَّاسِۖ وَٱنظُرۡ إِلَى ٱلۡعِظَامِ كَيۡفَ نُنشِزُهَا ثُمَّ نَكۡسُوهَا لَحۡمٗاۚ فَلَمَّا تَبَيَّنَ لَهُۥ قَالَ أَعۡلَمُ أَنَّ ٱللَّهَ عَلَىٰ كُلِّ شَيۡءٖ قَدِيرٞ
Ataw ka mana si (Uzair) a nasagadan nin i dalpa a nawlug i manga atepin (nageba a dala taw nin a nakalundub), ya nin pidtalu: panun i kauyag sa lekanin (dalpa) nu Allah kanu ulyan nu kinapatay nin (kinageba nin)? Na inimatayan sekanin nu Allah sa naka magatus lagun, mawli na pinambuwat nin sekanin, pidtalu nin (Allah): nakapila i kina lalayun nengka? Ya nin nadtalu: nalalayun aku sa nakasagay ataw ka sabad sa gay, pidtalu nin (Allah): ugayd na nalalayun ka sa nakamagatus lagun, na ilay ka su pegken nengka endu su baginumen nengka ka dala edsalin, endu ilay ka su kuda nengka, endu di ebplis na baluyen nami seka a tanda sa kanu manga taw, endu ilay ka su tulan (nu kuda) u panun i kapapamagulita nami lun, mawli na bawsan nami su entuba sa sapu, na engguna mapayag sa lekanin, na ya nin pidtalu: katawan ku i saben-sabenal na su Allah kanu langun nu enggaga-isa na pakagaga.
وَإِذۡ قَالَ إِبۡرَٰهِـۧمُ رَبِّ أَرِنِي كَيۡفَ تُحۡيِ ٱلۡمَوۡتَىٰۖ قَالَ أَوَلَمۡ تُؤۡمِنۖ قَالَ بَلَىٰ وَلَٰكِن لِّيَطۡمَئِنَّ قَلۡبِيۖ قَالَ فَخُذۡ أَرۡبَعَةٗ مِّنَ ٱلطَّيۡرِ فَصُرۡهُنَّ إِلَيۡكَ ثُمَّ ٱجۡعَلۡ عَلَىٰ كُلِّ جَبَلٖ مِّنۡهُنَّ جُزۡءٗا ثُمَّ ٱدۡعُهُنَّ يَأۡتِينَكَ سَعۡيٗاۚ وَٱعۡلَمۡ أَنَّ ٱللَّهَ عَزِيزٌ حَكِيمٞ
Endu kanu kutika a pidtalu ni Ibrahim: Kadenan ku ipailay nengka sa laki u panun i kauyag nengka sa kanu manga namamatay, ya nin (Alllah) pidtalu: ngintu di ka balityala (bangimbenal)? Ya nin (Ibrahim) pidtalu: bangimbenal aku, ugayd na endu pedtakena su pamusungan ku, ya nin (Allah) pidtalu: kwa ka sa pat timan a papanuk sa baluy ka sa matimu sa leka, mawli na baluy ka kanu uman i palaw ebpun kanilan su satebped, mawli na enggat ka silan, ka mawma ka nilan sa malengkas a kablakaw, endu tuntayi ka su Allah i labi a mapulu a mawngangen.
مَّثَلُ ٱلَّذِينَ يُنفِقُونَ أَمۡوَٰلَهُمۡ فِي سَبِيلِ ٱللَّهِ كَمَثَلِ حَبَّةٍ أَنۢبَتَتۡ سَبۡعَ سَنَابِلَ فِي كُلِّ سُنۢبُلَةٖ مِّاْئَةُ حَبَّةٖۗ وَٱللَّهُ يُضَٰعِفُ لِمَن يَشَآءُۚ وَٱللَّهُ وَٰسِعٌ عَلِيمٌ
Inupaman su silan antu a pembaranggyan nilan i manga tamuk nilan sa lalan sa Allah na mana satiman a lagas a minetu sa pitu sapak, uman isa ka sapak na magatus ka unud, endu su Allah na takepen nin kanu entayn i magkahanda nin, endu su Allah na labi a mawlad (i limu nin) a mataw.
ٱلَّذِينَ يُنفِقُونَ أَمۡوَٰلَهُمۡ فِي سَبِيلِ ٱللَّهِ ثُمَّ لَا يُتۡبِعُونَ مَآ أَنفَقُواْ مَنّٗا وَلَآ أَذٗى لَّهُمۡ أَجۡرُهُمۡ عِندَ رَبِّهِمۡ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Su silan antu a pembaranggyan nilan i manga tamuk nilan sa lalan sa Allah, mawli na di nilan tundugan su nganin a nakambaranggya nilan sa kapamanula endu makagkayd, kanilan i balas nilan lu sa pedtyakap kanilan (Allah), endu da gilek nilan, endu da sa kanilan i malidu i ginawa nilan.
۞ قَوۡلٞ مَّعۡرُوفٞ وَمَغۡفِرَةٌ خَيۡرٞ مِّن صَدَقَةٖ يَتۡبَعُهَآ أَذٗىۗ وَٱللَّهُ غَنِيٌّ حَلِيمٞ
Su kadtalu a mananaw endu kaampun na labi a mapya kumin kanu sadaqah a pedtundugan sekanin sa makagkayd, endu su Allah i labi a kawasa a mamelasam.
يَٰٓأَيُّهَا ٱلَّذِينَ ءَامَنُواْ لَا تُبۡطِلُواْ صَدَقَٰتِكُم بِٱلۡمَنِّ وَٱلۡأَذَىٰ كَٱلَّذِي يُنفِقُ مَالَهُۥ رِئَآءَ ٱلنَّاسِ وَلَا يُؤۡمِنُ بِٱللَّهِ وَٱلۡيَوۡمِ ٱلۡأٓخِرِۖ فَمَثَلُهُۥ كَمَثَلِ صَفۡوَانٍ عَلَيۡهِ تُرَابٞ فَأَصَابَهُۥ وَابِلٞ فَتَرَكَهُۥ صَلۡدٗاۖ لَّا يَقۡدِرُونَ عَلَىٰ شَيۡءٖ مِّمَّا كَسَبُواْۗ وَٱللَّهُ لَا يَهۡدِي ٱلۡقَوۡمَ ٱلۡكَٰفِرِينَ
Hay sekanu a manga namalityala (namangimbenal)! Di nu pembinasa su manga sadaqah nu sa kapamanula endu makagkayd, sa mana su pembaranggyan nin i tamuk nin sa mata nu manga taw, endu di balityala (bangimbenal) sa Allah endu sa gay a mawli, na ya nin upaman na lakungan a aden budta nin na nasugat sekanin na ulan (na da nasama lun a budta), na natagak nin i sekanin sa mategas a matilak, da magaga nilan a enggaga-isa ebpun kanu nganin a pinggalebek nilan, endu su Allah na di nin tutulun su lumpukan a manga kafir.
وَمَثَلُ ٱلَّذِينَ يُنفِقُونَ أَمۡوَٰلَهُمُ ٱبۡتِغَآءَ مَرۡضَاتِ ٱللَّهِ وَتَثۡبِيتٗا مِّنۡ أَنفُسِهِمۡ كَمَثَلِ جَنَّةِۭ بِرَبۡوَةٍ أَصَابَهَا وَابِلٞ فَـَٔاتَتۡ أُكُلَهَا ضِعۡفَيۡنِ فَإِن لَّمۡ يُصِبۡهَا وَابِلٞ فَطَلّٞۗ وَٱللَّهُ بِمَا تَعۡمَلُونَ بَصِيرٌ
Endu ya upaman nu silan a pembaranggyan nilan i manga tamuk nilan sa lilini sa kasuwat nu Allah, endu ipembagel sa kanu manga ginawa nilan, na mana su benday sa bukulud a nasugat sekanin na ulan, na natakep su unga nin, na u di gasugat na ulan na nasasangan den, endu su Allah kanu nganin a penggalebeken nu na pakailay.
أَيَوَدُّ أَحَدُكُمۡ أَن تَكُونَ لَهُۥ جَنَّةٞ مِّن نَّخِيلٖ وَأَعۡنَابٖ تَجۡرِي مِن تَحۡتِهَا ٱلۡأَنۡهَٰرُ لَهُۥ فِيهَا مِن كُلِّ ٱلثَّمَرَٰتِ وَأَصَابَهُ ٱلۡكِبَرُ وَلَهُۥ ذُرِّيَّةٞ ضُعَفَآءُ فَأَصَابَهَآ إِعۡصَارٞ فِيهِ نَارٞ فَٱحۡتَرَقَتۡۗ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَتَفَكَّرُونَ
Ngintu ya kyug nu isa sa lekanu na maaden sa lekanin i pamumulan a kayu kulma endu manga anggul a belagilay sa kababanin i manga lawas a ig, aden sa lekanin sya kanu entuba i langun na manga unga, na nasugat sekanin na kinagkatwa, endu aden sa lekanin i manga mawli a taw a manga lubay, na nasugat sekanin (pamulan) na lipules a aden lun i apuy na nangatutung, manan ba i kapebpayag nu Allah sa lekanu sa kanu manga tanda nin ka endu malemu-lemu sa lekanu i kapamikir nu.
يَٰٓأَيُّهَا ٱلَّذِينَ ءَامَنُوٓاْ أَنفِقُواْ مِن طَيِّبَٰتِ مَا كَسَبۡتُمۡ وَمِمَّآ أَخۡرَجۡنَا لَكُم مِّنَ ٱلۡأَرۡضِۖ وَلَا تَيَمَّمُواْ ٱلۡخَبِيثَ مِنۡهُ تُنفِقُونَ وَلَسۡتُم بِـَٔاخِذِيهِ إِلَّآ أَن تُغۡمِضُواْ فِيهِۚ وَٱعۡلَمُوٓاْ أَنَّ ٱللَّهَ غَنِيٌّ حَمِيدٌ
Hay sekanu a bamalityala (bamangimbenal)! Embaranggya kanu ebpun kanu manga mapya a napantyali nu, endu ebpun kanu nganin a babagetun nami sa lekanu ebpun sa lupa, endu di nu egkahanda su mawag ebpun kanu entuba sa embaranggyan nu, endu di kena sekanu i pakakwa lun, ya tabya na ebpipidengan nu su entuba, endu tuntayi nu i saben-sabenal na su Allah na labi a kawasa a kapedta-pedta.
ٱلشَّيۡطَٰنُ يَعِدُكُمُ ٱلۡفَقۡرَ وَيَأۡمُرُكُم بِٱلۡفَحۡشَآءِۖ وَٱللَّهُ يَعِدُكُم مَّغۡفِرَةٗ مِّنۡهُ وَفَضۡلٗاۗ وَٱللَّهُ وَٰسِعٌ عَلِيمٞ
Su Shaytan na banginggileken kanu nin sa kapegkanasisita (kasimpit na gatamanan) endu pedsugun kanu nin sa kasingit, endu su Allah na pebpasadan kanu nin sa ampun a ebpun sa lekanin endu kalbihan (kapyanan), endu su Allah na labi a mawlad (i limu) a mataw (kanu gatamanan nu manga ulipen nin).
يُؤۡتِي ٱلۡحِكۡمَةَ مَن يَشَآءُۚ وَمَن يُؤۡتَ ٱلۡحِكۡمَةَ فَقَدۡ أُوتِيَ خَيۡرٗا كَثِيرٗاۗ وَمَا يَذَّكَّرُ إِلَّآ أُوْلُواْ ٱلۡأَلۡبَٰبِ
Ibagenggay nin su ungangen kanu entayn i magkahanda nin, endu entayn i naenggan sa ungangen na saben-sabenal na naenggan sa mapya a madakel, endu dala makagkalendem ya tabya na su manga aden akal nin.
وَمَآ أَنفَقۡتُم مِّن نَّفَقَةٍ أَوۡ نَذَرۡتُم مِّن نَّذۡرٖ فَإِنَّ ٱللَّهَ يَعۡلَمُهُۥۗ وَمَا لِلظَّٰلِمِينَ مِنۡ أَنصَارٍ
Endu su nganin a nakambaranggya nu ebpun kanu baranggya, ataw ka nakadsamaya nu ebpun kanu samaya na saben-sabenal na su Allah na katawan nin su entuba, endu dala kanu manga salimbuten i manga makadtabang.
إِن تُبۡدُواْ ٱلصَّدَقَٰتِ فَنِعِمَّا هِيَۖ وَإِن تُخۡفُوهَا وَتُؤۡتُوهَا ٱلۡفُقَرَآءَ فَهُوَ خَيۡرٞ لَّكُمۡۚ وَيُكَفِّرُ عَنكُم مِّن سَيِّـَٔاتِكُمۡۗ وَٱللَّهُ بِمَا تَعۡمَلُونَ خَبِيرٞ
Amayka ipayag nu su manga sadaqah nu na mapya bun sekanin endu amayka ipagena nu endu inggay nu kanu manga pakanasisita na labi a mapya sa lekanu, endu pakapunas sa lekanu kanu manga dusa nu, endu su Allah kanu nganin a penggalebeken nu na katawan nin.
۞ لَّيۡسَ عَلَيۡكَ هُدَىٰهُمۡ وَلَٰكِنَّ ٱللَّهَ يَهۡدِي مَن يَشَآءُۗ وَمَا تُنفِقُواْ مِنۡ خَيۡرٖ فَلِأَنفُسِكُمۡۚ وَمَا تُنفِقُونَ إِلَّا ٱبۡتِغَآءَ وَجۡهِ ٱللَّهِۚ وَمَا تُنفِقُواْ مِنۡ خَيۡرٖ يُوَفَّ إِلَيۡكُمۡ وَأَنتُمۡ لَا تُظۡلَمُونَ
Da sa leka (Muhammad) i katutulu sa kanilan, ugayd na su Allah i pedtutulu sa entayn i kagkahanda nin, endu su nganin a pembaranggyan nu a mapya, na kanu manga ginawa nu, endu da pembaranggyan nu ya tabya na panunugat sa kanu Allah, endu su nganin a pembaranggyan nu a mapya na ipedtapenay sa lekanu (i balas nin), sa ula-ula a di kanu madsalimbut.
لِلۡفُقَرَآءِ ٱلَّذِينَ أُحۡصِرُواْ فِي سَبِيلِ ٱللَّهِ لَا يَسۡتَطِيعُونَ ضَرۡبٗا فِي ٱلۡأَرۡضِ يَحۡسَبُهُمُ ٱلۡجَاهِلُ أَغۡنِيَآءَ مِنَ ٱلتَّعَفُّفِ تَعۡرِفُهُم بِسِيمَٰهُمۡ لَا يَسۡـَٔلُونَ ٱلنَّاسَ إِلۡحَافٗاۗ وَمَا تُنفِقُواْ مِنۡ خَيۡرٖ فَإِنَّ ٱللَّهَ بِهِۦ عَلِيمٌ
Kanu manga pakanasisita a nangaungen sa kambunuwa sa lalan sa Allah, di silan pakagaga belalakaw kanu lupa sa maantap silan nu di manga mataw sa manga kawasa sabap sa katigkel, katawan nengka silan kanu manga tanda nilan a di silan mamangeni sa kanu manga taw sa tegel, endu su nganin a ipembaranggya nu a mapya, na saben-sabenal na su Allah kanu entuba na mataw.
ٱلَّذِينَ يُنفِقُونَ أَمۡوَٰلَهُم بِٱلَّيۡلِ وَٱلنَّهَارِ سِرّٗا وَعَلَانِيَةٗ فَلَهُمۡ أَجۡرُهُمۡ عِندَ رَبِّهِمۡ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Su silan a pembaranggya sa manga tamuk nilan sa magabi endu malamag sa masulen endu mapayag na kanilan i balas nilan kanu pedtyakap kanilan (Allah), endu da gilek nilan endu da sa kanilan i kapegkalidu na ginawa.
ٱلَّذِينَ يَأۡكُلُونَ ٱلرِّبَوٰاْ لَا يَقُومُونَ إِلَّا كَمَا يَقُومُ ٱلَّذِي يَتَخَبَّطُهُ ٱلشَّيۡطَٰنُ مِنَ ٱلۡمَسِّۚ ذَٰلِكَ بِأَنَّهُمۡ قَالُوٓاْ إِنَّمَا ٱلۡبَيۡعُ مِثۡلُ ٱلرِّبَوٰاْۗ وَأَحَلَّ ٱللَّهُ ٱلۡبَيۡعَ وَحَرَّمَ ٱلرِّبَوٰاْۚ فَمَن جَآءَهُۥ مَوۡعِظَةٞ مِّن رَّبِّهِۦ فَٱنتَهَىٰ فَلَهُۥ مَا سَلَفَ وَأَمۡرُهُۥٓ إِلَى ٱللَّهِۖ وَمَنۡ عَادَ فَأُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Su silan a pegkan sa iseg (riba) na di silan makatindeg ya tabiya na mana su katindeg nu inansukan na Shaytan, su entuba na kagina saben-sabenal na silan na ya nilan pedtalun na ya bu man kapendagang na mana kababagisega, endu pinamakay nu Allah su kabpasay endu iniharam nin i kababagisega, na entayn i nawma sekanin na indawan a ebpun kanu pedtyakap sa lekanin (Allah) na minenda, na lekanin su nganin a nawna endu su galebekan nin na lu sa Allah, endu entayn i midsaluman na silan i kigkwan kanu apuy sa silan sya kanu entuba na dayun sa dayun.
يَمۡحَقُ ٱللَّهُ ٱلرِّبَوٰاْ وَيُرۡبِي ٱلصَّدَقَٰتِۗ وَٱللَّهُ لَا يُحِبُّ كُلَّ كَفَّارٍ أَثِيمٍ
Pembinasan nu Allah su kababagisega endu babagetun nin su manga sadaqah, endu su Allah na di nin kalinyan su langun nu kafir a baladusa.
إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَأَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ لَهُمۡ أَجۡرُهُمۡ عِندَ رَبِّهِمۡ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Saben-sabenal na su silan a namalityala (namangimbenal) endu minggalebek sa manga mapya, endu inetindeg nilan su sambayang endu inenggay nilan su zakat, kanilan i balas nilan kanu pedtyakap kanilan (Allah), endu da gilek sa kanilan endu da sa kanilan i kapegkalidu na ginawa.
يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَذَرُواْ مَا بَقِيَ مِنَ ٱلرِّبَوٰٓاْ إِن كُنتُم مُّؤۡمِنِينَ
Hay sekanu a namalityala (namangimbenal)! Ikagilek nu su Allah, endu itagak nu su nganin a nasama a kababagisega amayka ya nu kaaden na bamalityala (bamangimbenal).
فَإِن لَّمۡ تَفۡعَلُواْ فَأۡذَنُواْ بِحَرۡبٖ مِّنَ ٱللَّهِ وَرَسُولِهِۦۖ وَإِن تُبۡتُمۡ فَلَكُمۡ رُءُوسُ أَمۡوَٰلِكُمۡ لَا تَظۡلِمُونَ وَلَا تُظۡلَمُونَ
Na amayka di nu enggulan na tuntayi nu su kabunu a ebpun kanu Allah endu su sinugu nin, endu amayka edtawbat kanu na lekanu su manga ulu nu manga tamuk nu, sa di kanu makadsalimbut, endu di kanu madsalimbut.
وَإِن كَانَ ذُو عُسۡرَةٖ فَنَظِرَةٌ إِلَىٰ مَيۡسَرَةٖۚ وَأَن تَصَدَّقُواْ خَيۡرٞ لَّكُمۡ إِن كُنتُمۡ تَعۡلَمُونَ
Endu amayka ya nin kaaden i aden lun i kamalegenan (su minutang) na kapangangapa sa kalemwan, endu su kapedsadaqah nu i labi a mapya sa lekanu amayka ya nu kaaden i katawan nu.
وَٱتَّقُواْ يَوۡمٗا تُرۡجَعُونَ فِيهِ إِلَى ٱللَّهِۖ ثُمَّ تُوَفَّىٰ كُلُّ نَفۡسٖ مَّا كَسَبَتۡ وَهُمۡ لَا يُظۡلَمُونَ
Endu ikagilek nu su gay a ka-uli nu sa Allah, mawli na itapenay kanu umani isa a ginawa su nganin a nanggalebek nin, sa di silan madsalimbut.
يَٰٓأَيُّهَا ٱلَّذِينَ ءَامَنُوٓاْ إِذَا تَدَايَنتُم بِدَيۡنٍ إِلَىٰٓ أَجَلٖ مُّسَمّٗى فَٱكۡتُبُوهُۚ وَلۡيَكۡتُب بَّيۡنَكُمۡ كَاتِبُۢ بِٱلۡعَدۡلِۚ وَلَا يَأۡبَ كَاتِبٌ أَن يَكۡتُبَ كَمَا عَلَّمَهُ ٱللَّهُۚ فَلۡيَكۡتُبۡ وَلۡيُمۡلِلِ ٱلَّذِي عَلَيۡهِ ٱلۡحَقُّ وَلۡيَتَّقِ ٱللَّهَ رَبَّهُۥ وَلَا يَبۡخَسۡ مِنۡهُ شَيۡـٔٗاۚ فَإِن كَانَ ٱلَّذِي عَلَيۡهِ ٱلۡحَقُّ سَفِيهًا أَوۡ ضَعِيفًا أَوۡ لَا يَسۡتَطِيعُ أَن يُمِلَّ هُوَ فَلۡيُمۡلِلۡ وَلِيُّهُۥ بِٱلۡعَدۡلِۚ وَٱسۡتَشۡهِدُواْ شَهِيدَيۡنِ مِن رِّجَالِكُمۡۖ فَإِن لَّمۡ يَكُونَا رَجُلَيۡنِ فَرَجُلٞ وَٱمۡرَأَتَانِ مِمَّن تَرۡضَوۡنَ مِنَ ٱلشُّهَدَآءِ أَن تَضِلَّ إِحۡدَىٰهُمَا فَتُذَكِّرَ إِحۡدَىٰهُمَا ٱلۡأُخۡرَىٰۚ وَلَا يَأۡبَ ٱلشُّهَدَآءُ إِذَا مَا دُعُواْۚ وَلَا تَسۡـَٔمُوٓاْ أَن تَكۡتُبُوهُ صَغِيرًا أَوۡ كَبِيرًا إِلَىٰٓ أَجَلِهِۦۚ ذَٰلِكُمۡ أَقۡسَطُ عِندَ ٱللَّهِ وَأَقۡوَمُ لِلشَّهَٰدَةِ وَأَدۡنَىٰٓ أَلَّا تَرۡتَابُوٓاْ إِلَّآ أَن تَكُونَ تِجَٰرَةً حَاضِرَةٗ تُدِيرُونَهَا بَيۡنَكُمۡ فَلَيۡسَ عَلَيۡكُمۡ جُنَاحٌ أَلَّا تَكۡتُبُوهَاۗ وَأَشۡهِدُوٓاْ إِذَا تَبَايَعۡتُمۡۚ وَلَا يُضَآرَّ كَاتِبٞ وَلَا شَهِيدٞۚ وَإِن تَفۡعَلُواْ فَإِنَّهُۥ فُسُوقُۢ بِكُمۡۗ وَٱتَّقُواْ ٱللَّهَۖ وَيُعَلِّمُكُمُ ٱللَّهُۗ وَٱللَّهُ بِكُلِّ شَيۡءٍ عَلِيمٞ
Hay sekanu a manga bamalityala (bamangimbenal), amayka mamagutanga kanu sa utang lu kanu ukul a pinggungalanan na isulat nu su entuba, endu isulat nu pasusulat sa pageletan nu sa bantang, endu di ebpalapalaw su pasusulat sa kasulat nin sa mana su nganin a pinakatawan sa lekanin nu Allah, endu ya edtalu (kanu kapasadan) na su minutang, endu ikagilek nin su Allah a pedtiyakap sa lekanin, endu di nin kulangan su entuba sa enggaga-isa, na amayka ya kaaden nu minutang i di mataw sumulat, ataw ka malubay ataw ka di makagaga sekanin muntul (males), na ya edtalu na su egkasaligan sa lekanin sa bantang endu padsaksi kanu sa duwa kataw ebpun kanu manga mama nu, na amayka di egkaaden i duwa kataw a mama, na sakataw a mama endu duwa kataw a babay ebpun kanu entayn i egkasuwatan nu kanu manga saksi, sa kalimban su isa kanilan duwa, na makapatadem nu isa sa kanilan duwa su isa, endu di ebpalaw su manga saksi amayka tinawag silan, endu da kanu pembungasen sa kasulat nu sa kanu entuba sa manawt ataw ka matiwalu kanu timpu nin, entuba i bantang kanu Allah endu matidtu kanu kapedsaksi, endu masiken a di nu kanduwa-duwa (kapangantap), ya tabiya na maaden sa kapendagang a sagugunay a papedtalyungen nu kanu pageletan nu, na dala sa lekanu i dusa sa di nu makasulat su entuba, endu padsaksi kanu amayka ebpasaya kanu, endu di egkaydan su pasusulat endu saksi, endu amayka enggulan nu na saben-sabenal a ikalyu nu sa inugut sa Kadenan nu, endu ikagilek nu su Allah ka pamandun kanu nin endu su Allah kanu langun nu enggaga-isa na mataw.
۞ وَإِن كُنتُمۡ عَلَىٰ سَفَرٖ وَلَمۡ تَجِدُواْ كَاتِبٗا فَرِهَٰنٞ مَّقۡبُوضَةٞۖ فَإِنۡ أَمِنَ بَعۡضُكُم بَعۡضٗا فَلۡيُؤَدِّ ٱلَّذِي ٱؤۡتُمِنَ أَمَٰنَتَهُۥ وَلۡيَتَّقِ ٱللَّهَ رَبَّهُۥۗ وَلَا تَكۡتُمُواْ ٱلشَّهَٰدَةَۚ وَمَن يَكۡتُمۡهَا فَإِنَّهُۥٓ ءَاثِمٞ قَلۡبُهُۥۗ وَٱللَّهُ بِمَا تَعۡمَلُونَ عَلِيمٞ
Endu amayka ya nu kaaden i sa lakawan a da egkatun nu a pasusulat na sanda a egkasagedan (nu inutangan), na amayka egkasaligan nu sabad sa lekanu su sabad na itunay nu nasaligan su salig sa lekanin, endu ikagilek nin su Allah a pedtiyakap sa lekanin, endu di nu magema su kadsaksi ka entayn i ipagema nin su entuba na saben-sabenal sa lekanin na mindusa su pamusungan nin, endu su Allah kanu nganin a penggalebeken nu na mataw.
لِّلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَإِن تُبۡدُواْ مَا فِيٓ أَنفُسِكُمۡ أَوۡ تُخۡفُوهُ يُحَاسِبۡكُم بِهِ ٱللَّهُۖ فَيَغۡفِرُ لِمَن يَشَآءُ وَيُعَذِّبُ مَن يَشَآءُۗ وَٱللَّهُ عَلَىٰ كُلِّ شَيۡءٖ قَدِيرٌ
Kanu Allah su nganin a sya kanu manga langit endu nganin a sya kanu lupa, endu amayka ipayag nu su nganin a sya kanu manga ginawa nu ataw ka isulen nu su entuba na kwintan sa lekanu su entuba nu Allah, na ampunen nin su entayn i magkahanda nin, endu siksan nin su entayn i magkahanda nin, endu su Allah kanu langun nu enggaga-isa na pakagaga.
ءَامَنَ ٱلرَّسُولُ بِمَآ أُنزِلَ إِلَيۡهِ مِن رَّبِّهِۦ وَٱلۡمُؤۡمِنُونَۚ كُلٌّ ءَامَنَ بِٱللَّهِ وَمَلَٰٓئِكَتِهِۦ وَكُتُبِهِۦ وَرُسُلِهِۦ لَا نُفَرِّقُ بَيۡنَ أَحَدٖ مِّن رُّسُلِهِۦۚ وَقَالُواْ سَمِعۡنَا وَأَطَعۡنَاۖ غُفۡرَانَكَ رَبَّنَا وَإِلَيۡكَ ٱلۡمَصِيرُ
Nalityala (nangimbenal) su sinugu (Muhammad) kanu nganin a initulun sa lekanin a ebpun kanu pedtiyakap sa lekanin (Allah), endu su manga bamalityala (bamangimbenal), umani isa na nalityala (nangimbenal) sa Allah endu sa manga malaikat nin endu su manga kitab nin endu su manga sinugu nin, di nami papembidayan su pageletan nu isa ebpun kanu manga sinugu nin, endu pidtalu nilan i nakineg nami endu naginugut kami, ampun kami pedtiyakap sa lekami (Allah), endu sa leka i pedtamanan.
لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡۗ رَبَّنَا لَا تُؤَاخِذۡنَآ إِن نَّسِينَآ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَيۡنَآ إِصۡرٗا كَمَا حَمَلۡتَهُۥ عَلَى ٱلَّذِينَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَآۚ أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَٰفِرِينَ
Da ibpalyugat nu Allah kanu ginawa ya tabya na magaga nin, lekanin su nganin a mapya a napantiyali nin, endu lekanin su nganin a mawag a napantyali nin, pedtiyakap sa lekami (Allah) di kami sumiksa amayka nalimpangan nami, ataw ka nalimban kami, pedtyakap sa lekami (Allah) dika mapapananggit sa lekami i mapasang sa mana su inipapananggit nengka kanu silan a nawna sa lekami, pedtyakap sa lekami (Allah) di kami mapadtapik sa nganin a da ipenggaga nami lun, endu lasam kami nengka endu ampun kami nengka endu ikalimu kami nengka, seka i pedtuganul sa lekami na tabangi kami kanu lumpukan a manga kafir.
Available languages
العربية Qafár af Shqip አማርኛ أنكو Akan অসমীয়া Azərbaycanca Bisaya Bosanski 中文 Hrvatski Nederlands English Français Deutsch ગુજરાતી Hausa हिन्दी Ikirundi Indonesia 日本語 ಕನ್ನಡ ភាសាខ្មែរ Ikinyarwanda كوردی سۆرانی Kyrgyz Lingala lietuvių Македонски Maguindanaon മലയാളം Mõõré oromoo پښتو فارسی Portuguese ਪੰਜਾਬੀ Română Српски සිංහල Soomaaliga Español Kiswahili Tagalog Тоҷикӣ தமிழ் తెలుగు Türkçe اردو ئۇيغۇرچە Ўзбек Việt Nam Yorùbá