Skip to content

الفضل بن العباس

الإسم

فه‌زلێ كوڕێ عه‌باسی

اسم الشهرة

فه‌زلێ كوڕێ عه‌باسی (خودێ ژ هه‌ردووكان ڕازی بیت)

نبذة مختصرة

فه‌زلێ كوڕێ عه‌باسێ كوڕێ عه‌بدولموطه‌لیبێ كوڕێ هاشمێ كوڕێ عه‌بد مه‌نافێ قوڕه‌شی یێ هاشمییه‌، ئه‌بو موحه‌ممه‌د و ئه‌بو عه‌بدولڵاھه‌. صه‌حابییه‌كێ مه‌زنه‌. كوڕمامێ پێغه‌مبه‌رێ خودێیه‌ (صه‌لات و سه‌لامێن خودێ ل سه‌ر بن). ئه‌و مه‌زنترین كوڕێ عه‌باسی بوو و عه‌باسی كونیه‌یا خۆ‌ ب ناڤێ وی كربوو. د گه‌ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ل سالا (8)ـێ مشه‌ختی پشكداری د فه‌تحا مه‌كه‌ھێدا كر و د گه‌ل وی شه‌ڕێ حونه‌ینێ ژی كر. ژ وان كه‌سان بوو یێن د گه‌ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ژ مالبات و هه‌ڤالێن وی خۆ‌ ڕاگرتین ده‌مێ خه‌لك ڕه‌ڤین و شكه‌ستين و د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) پشكداری د حه‌جا خاتر خواستنێدا كر. پێغه‌مبه‌ری (صه‌لات و سه‌لامێن خودێ ل سه‌ر بن) ژ موزده‌لیفێ بۆ مینایێ ئه‌و ل پشت خۆ ل سه‌ر ده‌واری‌ سویار كر، له‌وا دبێژنێ: (ردیف رسول الله) ئانكو: (ئه‌وێ ل پشت پێغه‌مبه‌رێ خودێ سویار بووی). فه‌زلی وه‌غه‌را پێغه‌مبه‌ری (صه‌لات و سه‌لامێن خودێ ل سه‌ر بن) دیت و پشكداری د شویشتنا ویدا كر كو وى ئاڤ لێ دكر ده‌مێ عه‌لییێ كوڕێ ئه‌بو طالبی (خودێ ژێ ڕازی بیت) دشويشت . ڤه‌گوهاستن ل دۆر دیرۆكا وه‌غه‌ركرنا وی دجودانه‌ و ڕاسترین ڤه‌گوهاستن ئه‌وه‌ كو وه‌كی موجاهد ده‌ركه‌ڤتییه‌ بۆ وه‌لاتێ شامێ و ل سالا (18)ـێ مشه‌ختی د خیلافه‌تا عومه‌رێ كوڕێ خه‌طابیدا (خودێ ژێ ڕازی بیت) ل ده‌مێ به‌لاڤبوونا تاعوونا عه‌مواسێ ل ده‌وروبه‌رێن ئوردنێ وه‌غه‌ر كرییه‌.

المراجع

زێده‌تر (1)
أسد الغابة (4/349) الإصابة في تمييز الصحابة (5/287) الأعلام للزركلي (5/149).