أم كلثوم بنت نبينا محمد بن عبد الله القرشية الهاشمية
الإسم
ئوم كولسووما كچا پێغهمبهرێ مه موحهممهدێ كوڕێ عهبدولڵاھێ قوڕهشی یا هاشمی
اسم الشهرة
ئوم كولسووم (خودێ ژێ ڕازی بیت)
نبذة مختصرة
ئوم كولسوم كچا موستهفایێ پێغهمبهرێ مه موحهممهدێ كوڕێ عهبدولڵاھێ كوڕێ عهبدولموطهلیبی (صهلات و سهلامێن خودێ ل سهر بن)، قوڕهشی یا هاشمی. دایكا وێ خهدیجایا كچا خوهیلیدییه. عوتهیبهیێ كوڕێ ئهبو لهههبی بهری پێغهمبهراتییێ ئهو بۆ خۆ ئینابوو و دهمێ پێغهمبهرێ خودێ (صهلات و سهلامێن خودێ ل سهر بن) هاتییه هنارتن و خودێ ئایهتا {تَبَّتْ يَدَا أَبِي لَهَبٍ} ئینایه خوار، بابێ وی ئهبو لهههبی گۆتێ: (سهرێ من ل سهرێ ته حهرامه (ئێدی ئهز و تۆ ژ ئێك خلاس و ئهز بابێ ته نینم) ئهگەر تۆ كچا وی بهرنهدهی). وی ژی ئهو بهردا و بهری هنگی نهچووبوو دهڤ. ل مهكهھێ د گهل بابێ خۆ (صهلات و سهلامێن خودێ ل سهر بن) ما. دهمێ دایكا وێ موسلمان بووی، ئهو ژی موسلمان بوو و د گهل خویشكێن خۆ بهیعهت دا پێغهمبهرێ خودێ (صهلات و سهلامێن خودێ ل سهر بن) دهمێ ژنان بهیعهت دای و مشهخت بوو بۆ مهدینێ و ل وێرێ ماڤه و دهمێ ڕوقهییایا كچا پێغهمبهرێ خودێ (صهلات و سهلامێن خودێ ل سهر بن) وهغهر كری، پێغهمبهرێ خودێ (صهلات و سهلامێن خودێ ل سهر بن) ئهو دا عوسمانێ كوڕێ عهفانی (خودێ ژێ ڕازی بیت) كو ئهڤه ژی ل ههیڤا (ربیع الأول) یا سالا سێیێ مشهختی بوو. د ههمان سالدا ل ههیڤا (جمادی الآخر) چوو دهڤ و ل دهڤ وی ما ههتا مری و چ زارۆك ژێ نهبوون. ل سالا (9)ـێ مشهختی وهغهر كر.