تووڕه نه‌به
ژ ئەبو هورەیرە (خودێ ژێ ڕازی بیت):
زه‌لامه‌كی گۆته پێغه‌مبه‌ری (صه‌لات و سه‌لامێن خودێ ل سه‌ر بن): شیره‌ته‌كێ ل من بكه، گۆتێ: ((تووڕه نه‌به)) وی چه‌ند جاران گۆتنا خۆ دووباره كر، گۆت: ((تووڕه نه‌به)).
أَنَّ رَجُلًا قَالَ لِلنَّبِيِّ صَلَّى اللهُ عَلَيْهِ وَسَلَّمَ: أَوْصِنِي، قَالَ: «لَا تَغْضَبْ» فَرَدَّدَ مِرَارًا قَالَ: «لَا تَغْضَبْ».
صه‌حابییه‌كی (خودێ ژ هەمییان ڕازی بیت) داخواز ژ پێغەمبەرێ خودێ (صەلات و سەلامێن خودێ ل سەر بن) کر کو به‌رێ وی بده‌ته كرنا كاره‌كی کو مفای لێ بکەت، پێغەمبەری ژی (صەلات و سەلامێن خودێ ل سەر بن) فەرمان لێ کر کو تووڕە نەبیت، ڕامانا ڤێ ژی ئەوە کو خۆ ژ وان ئەگەران بپارێزیت یێن کو به‌رێ وی دده‌نه تووڕەبوونێ و کو نەفسا خۆ بگریت ئەگەر تووڕەبوو ژ به‌ر وی تشتێ پەیدا بووی، ڤێجا د گەل تووڕەبوونا خۆ بەردەوام نەبیت ب کوشتنێ یان لێدانێ یان خه‌به‌رگۆتنێ و تشتێن وەکی وان. وی زەلامی چه‌ندین جاران داخوازا شیره‌تكرنێ دووبارە کر، پێغه‌مبه‌ری ژی (صەلات و سەلامێن خودێ ل سەر بن) خۆ تشته‌ك د شیره‌تا خۆدا ل سەر (تووڕە نەبه) زێدە نەکر.
هشیاركرن ژ تووڕەبوونێ و ئەگەرێن وێ، چونكی ئەو ئه‌گه‌رێ هه‌می خرابییێیە و خۆپاراستن ژ تووڕه‌بوونێ ئه‌گه‌رێ هه‌می خێر و باشییێیە.
تووڕەبوونا ژ بۆ خودێ وەکی تووڕەبوونا ل دەمێ ئه‌و تشتێن خودێ حه‌رامكرین دهێنه بنپێكرن و ئه‌نجامدان، ژ تووڕه‌بوونا باش و په‌سنكرییه.
دووبارەکرنا ئاخڤتنێ ل ده‌مێ پێدڤیبوونێ، هەتا ئه‌وێ گوهدارییێ بۆ دکەت باش تێبگەهیت و گرنگییا وێ بزانیت.
قەدر و بهایێ داخوازکرنا شیره‌تێ ژ زانای.
(2/ 1038).
زێده‌تر (9)
صه‌حیحا بۆخاری (8/ 28) (6116).
التحفة الربانية في شرح الأربعين حديثًا النووية (ص36).
شرح الأربعين النووية.
لابن عثيمين (ص181).
فتح القوي المتين في شرح الأربعين وتتمة الخمسين.
للعباد (ص64).
المعجم الوسيط.
تاج العروس من جواهر القاموس.
للزبيدي (3/ 485).