((دین شیره‌ته
ژ تەمیمێ داری (خودێ ژێ ڕازی بیت) کو پێغەمبەرێ خودێ (صەلات و سەلامێن خودێ ل سەر بن) گۆت:
((دین شیره‌ته)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).
«الدِّينُ النَّصِيحَةُ» قُلْنَا: لِمَنْ؟ قَالَ: «لِلهِ وَلِكِتَابِهِ وَلِرَسُولِهِ وَلِأَئِمَّةِ الْمُسْلِمِينَ وَعَامَّتِهِمْ».
پێغەمبەرێ خودێ (صەلات و سەلامێن خودێ ل سەر بن) گۆت کو ئایین یێ ل سەر دلسۆزی (ئیخلاص) و ڕاستگۆییێ ڕاوەستاییە، هەتا کو وەکو خودێ واجب کری بهێتە ئەنجامدان، ب ته‌مامەتی و بێی کێماسی یان غش و فێلبازی. ڤێجا بۆ پێغەمبەرێ خودێ (صەلات و سەلامێن خودێ ل سەر بن) هاتە گۆتن: شیره‌ت بۆ کێیە؟ ئینا گۆت: ئێك: شیره‌ت بۆ خودایێ مه‌زن: ب دلسۆزیكرنا کاری بۆ وی ب تنێ و دروستنه‌كرنا چ شریك و هه‌ڤالان بۆ وی، و کو ئەم باوەرییێ ب ڕبوبییەت و ئولوهییەت و ناڤ و سالۆخه‌تێن وی بینین، دیسان شیره‌ت بۆ خودێ ب مەزنکرنا فەرمانا وی و گازیكرنێیه بۆ باوەریئینانێ ب وی. دوو: شیره‌ت بۆ په‌ڕتووكا وی کو قورئانا پیرۆزە: ب وێ ئێكێ کو باوەرییێ بینین ئەو ئاخڤتنا خودێیه و دویماهیك په‌ڕتووكا وییە و کو ئەو ناسخ و نه‌هێله‌ره بۆ هەمی شەریعه‌تێن بەری خۆ، دیسان ئەم وێ مەزن بکەین و ب دروستی وه‌كی ئه‌و یا ژ هه‌ژی بخوینین و كار ب ئایه‌تێن وێ یێن موحكه‌م (ئه‌وێن ڕامانا وان یا ئاشكه‌را و ڕۆهن و پتر ژ ڕامانەکێ ژێ ناچن) بكه‌ین و خۆڕاده‌ستی وان ئایه‌تێن موته‌شابیھ (ئه‌وێن ڕامانا وان یا ئاشكه‌را و ڕۆهن نه‌بیت و پتر ژ ڕامانەکێ ژی دچن) بكه‌ین، بەڕەڤانییێ ژ وێ بكه‌ین ل هه‌مبه‌ری تەئویلکرنا وێ ب ڕێكا كه‌سێن وێ ته‌ئویل دكه‌ن و ژ ڕامانا وێ یا دروست لادده‌ن، هه‌روه‌سا پەند و وانه‌یان بۆ خۆ ژ شیره‌تێن وێ وه‌ربگرین و زانستێن وێ بەلاڤ بکەین و خه‌لكی بۆ وێ گازی بکەین. سێ: شیره‌ت بۆ پێغەمبەرێ وی موحه‌ممه‌دی (صەلات و سەلامێن خودێ ل سەر بن): ب وێ چه‌ندێ کو باوەرییێ بینین کو ئەو دویماهیك پێغەمبەرە و باوەرییێ پێ بینین د وێ ئێكێدا یا ئەو پێ هاتی و وی ڕاست ده‌ربێخین و فەرمانا وی جێبەجێ بکەین و خۆ ژ تشتێ وی پاشڤه‌برن ژێ كری بده‌ینه پاش، دیسان ب تنێ ب وی شێوه‌ی عیباده‌تێ خودێ بكه‌ین یێ ئه‌و پێ هاتی و مافێ وی مەزن بکەین و ڕێزێ لێ بگرین و گازی و شەریعه‌تێ وی بەلاڤ بکەین و گومانان ل سەر وی ڕاكه‌ین و نه‌هێلین. چار: شیره‌ت بۆ مه‌زن و ده‌ستهه‌لاتدارێن موسلمانان: ب هاریکاریکرنا وانه ل سەر حه‌قییێ و هه‌ڤڕكینه‌كرنه د گه‌ل وان د ده‌ستهه‌لاتێدا و گوهداریکرن و بجهئینانا فەرمانێن وانه د گوهداریکرنا خودێدا. پێنج: شیره‌ت بۆ موسلمانان: ب باشیكرن و گازیكرنا د گەل وانه، دیسان ب دروستنه‌كرنا نه‌خۆشی و ئه‌زیه‌تێیه بۆ وان و حه‌زژێكرنا خێر و باشییێ بۆ وان و هاریکاریکرنا د گەل وان ل سەر باشی و ته‌قوایێ.
النصيحة: تصفية النفس من الغش للمنصوح له وإرادة الخير له.
فەرمان ب شیره‌تكرنێ بۆ هەمییان.
مەزناهییا پله‌یا شیره‌تكرنێ د دینیدا.
پێكهاتنا دینی ژ بیروباوەر و گۆتن و کریاران.
پاقژکرنا نەفسێ ژ فێلبازییێ ژ شیره‌تكرنێیه بۆ وی یێ شیره‌ت لێ دهێتە کرن و ڤیانا خێرێ بۆ وی.
باشییا فێرکرنا پێغەمبەری (صەلات و سەلامێن خودێ ل سەر بن)، چونكی تشتی ب ڕه‌نگه‌كێ گشتی به‌حس دكه‌ت؛ پاشی ب هویری و به‌رفره‌هی دیار دكه‌ت.
دەستپێکرن ب گرنگترین و پاشی گرنگتر، ژ به‌ر کو پێغەمبەری (صەلات و سەلامێن خودێ ل سەر بن) ب شیره‌تكرنێ بۆ خودێ دەستپێکر، پاشی بۆ پەڕتووکا وی، پاشی بۆ پێغەمبەرێ وی (صەلات و سەلامێن خودێ ل سەر بن) پاشی بۆ پێشەوایێن موسلمانان، پاشی بۆ هەمی موسلمانان.
زێده‌تر (5)
صه‌حیحا موسلمی (1/ 74) (55).
التحفة الربانية في شرح الأربعين حديثا النووية (ص21).
شرح الأربعين النووية.
لابن عثيمين (ص115).
شرح النووي على مسلم (2/ 37).