Пайгамбар хадистеринин энциклопедиясы

Пайгамбар (ага Аллахтын тынчтыгы жана мактоосу болсун) бир күнү минбарга отурду, биз да анын айланасына отурдук. Ошондо ал: «Чынында, мен өзүмдөн кийин силерге дүнүйөнүн кооздугу жана зыйнаты ачылып берилишинен (жана ага азгырылууңардан) коркомун», – деди. Бир адам: «Оо, Аллахтын элчиси, жакшылык жамандык алып келеби?» – деп сурады. Пайгамбар (ага Аллахтын тынчтыгы жана мактоосу болсун) унчукпай калды. Тиги адамга: «Сага эмне болду? Пайгамбарга (ага Аллахтын тынчтыгы мактоосу болсун) сүйлөп жатасың, бирок ал сага жооп бербей жатат?» – дешти. Биз ага вахий түшүрүлүп жатканын байкадык. Анан ал (жүзүндөгү) терди аарчыды да: «Суроо берүүчү кайда?» – деди. Ал анын (суроосун) мактагандай болду. Андан соң мындай деди: «Чынында, жакшылык жамандык алып келбейт. Бирок, жаз өстүрүп чыгарган өсүмдүктөрдүн ичинде (мал көп жеп алса) өлтүрө тургандары же өлүмгө жакындата тургандары бар. Ал эми жашыл чөптү (ченем менен) жеген мал андай эмес: ал чөптү жейт, эки капталы кампайганда, күндү карап туруп, тезегин таштап, заарасын ушатат да, кайра жайылып оттой берет.Чынында, бул мал-дүйнө жашыл (кызыктыруучу) жана таттуу нерсе. Бул мал-дүйнөдөн кембагалга, жетимге жана жолоочуга берген мусулман адам кандай жакшы дос! – же Пайгамбар (ага Аллахтын тынчтыгы жана мактоосу болсун) айткандай. – Ал эми ким аны акысы жок (адилетсиздик менен) алса, ал жеп бирок тойбогон сыяктуу болот жана кыямат күнү ал (байлыгы) ага каршы күбө болот».

"Аял киши эки күндүк жолго күйөөсү же махрамы менен гана чыгат . Эки күндө орозо кармоого болбойт: орозо айтта жана курбан айтта. Таңкы намаздан кийин күн чыкканча намаз окууга болбойт, дигерден кийин күн батканча намаз окууга болбойт. Үч гана мечитке атайын сапар кылып барууга болот: Харам мечитине, Акса мечитине жана менин ушул мечитиме (Набави мечитине)".

"«Эй, аялдар жамааты! Садака бергиле, анткени мага тозок элинин көпчүлүгү силер экениңер көрсөтүлдү». Алар: «Эмне үчүн, оо, Аллахтын Элчиси?» - деп сурашты. Пайгамбар: «Силер каргышты көп айтасыңар жана күйөөңөрдүн жакшылыгын танбайсынар. Акылы жана дини кем болгондордун ичинен чечкиндүү эркектин акылын силерчелик алган эч кимди көрбөдүм», - деди. Алар: «Биздин динибиздин жана акылыбыздын кемчилдиги эмнеде, Оо, Аллахтын Элчиси?» - дешти. Пайгамбар: «Аялдын күбөлүгү эркектин күбөлүгүнүн жарымына барабар эмеспи?» - деди. Алар: «Ооба», - дешти. Пайгамбар: «Мына ушул – анын акылынын кемчилдиги. Эгерде аялдын айызы келсе намаз окубайт жана орозо кармабайт эмеспи?» - деди. Алар: «Ооба», - дешти. Пайгамбар: «Мына ушул – анын дининин кемчилдиги», - деди."

«Эгер кимдир бирөөңөр өзүнө жаккан түш көрсө, анда ал – Аллахтан, ал үчүн Аллахка мактоо айтсын жана аны айтып берсин. А эгер андан башка өзүнө жакпаган түш көрсө, анда ал – шайтандан. Анын жамандыгынан сактоону сурансын жана аны эч кимге айтпасын. Ошондо ал ага зыянын тийгизбейт».

"Улуу Аллах Таала бейиш тургундарына: "Эй, бейиш тургундары!" - деп кайрылат. Алар: "О, Раббибиз, Сенин кызматыңа даярбыз" - дешет. Аллах Таала: "Ыраазы бодуңарбы?" - деп сурайт. Алар: "Биз кантип ыраазы болбойбуз, Сен бизге башка эч бир калайыкка бербеген нерсени бердиң" - дешет. Аллах Таала: "Мен силерге мындан да жакшыны берем" - дейт. Алар: "О, Рабби, мындан да жакшы нерсе болмок беле?"- дешет. Аллах Таала: "Мен силерге ыраазы болдум. Мындан кийин силерге такыр ачууланбаймын" - дейт.

Аллахтын элчиси (ага Аллахтын тынчтыгы жана мактоосу болсун) көшөгөнүн артындагы бойго жеткен кыздан да уялчаак эле. Эгерде кайсы бир нерсени жактырбаса, жүзүнөн байкайт элек.

"Чынында, жихаддын эң улугу - заалым падышанын алдында адилеттүү сөздү айтуу".

Али ибн Абу Талиб (Аллах андан ыраазы болсун) Йеменден Аллахтын элчисине (ага Аллахтын тынчтыгы жана мактоосу болсун) топурагынан тазалана элек кичинекей алтынды ашатылган териге салып жиберди. Анан ал аны төрт кишинин: Уяйна ибн Бадрдын, Акра ибн Хабистин жана Зайд ал-Хайлдын ортосунда бөлүштүрдү, ал эми төртүнчүсү же Алкама, же Амир ибн Туфайл эле. Ошондо анын сахабаларынын бири: "Буларга караганда буга биз көбүрөөк акылуу элек" - деди. Бул сөз Пайгамбарга (ага Аллахтын тынчтыгы жана мактоосу болсун) жеткенде, ал: «Силер мага ишенбейсиңерби? Мен асмандагынын аманаткөйү болсом, мага эртең менен жана кечинде асмандын кабары келип турат.» - деди. Ошондо көздөрү чуңкурайган, жаак сөөктөрү чыгып турган, маңдайы дөңчөйгөн, сакалы коюу, чачы кырылган жана балагын түрүнүп алган бир киши ордунан туруп: "Оо, Аллахтын элчиси, Аллахтан корк!" - деди. Ал: «Шооруң курсун! Жер бетиндегилердин арасынан Аллахтан коркууга эң акылуусу мен эмесминби?!» - деди. Анан ал киши бурулуп кетип калды. Халид ибн Валид: "Оо, Аллахтын элчиси, мен анын башын алайынбы?" - деди. Ал: «Жок, балким, ал намаз окуйт» - деди. Халид: "Намаз окугандардын канчасы тили менен жүрөгүндө жок нерсени айтышат" - деди. Аллахтын элчиси (ага Аллахтын тынчтыгы жана мактоосу болсун): «Чындыгында, мага адамдардын жүрөктөрүн тинтип, курсактарын жарып көрүү буйрулган эмес» - деди. Андан кийин ал артын салып кетип бараткан кишинин артынан карап мындай деди: «Чындыгында, мунун тукумунан Аллахтын китебин тынымсыз, көп окуган, бирок окугандары кекиртектеринен ары өтпөгөн бир коом чыгат. Алар жаанын огу атылган жаныбарды тешип өткөндөй динден чыгышат». Менимче, ал дагы: «Эгер мен аларга жетсем, аларды Самуд эли өлтүрүлгөндөй кырып өлтүрмөкмүн» - деп айтты.